المجاراة بعنوان احتجاز السفينة الاسرائيلية في سواحل اليمن شاهد على قوة الاسلام وعزته

البداية #ضيف_الله_سلمان

اذلت اسرائيل عالَم كامل
واحنا سقيناها كؤوس الذلة..!!

في ظل منهج بالهدى متكامل
وحيدري يشهد لقوله فعله..

رغم المجازر والدمار الشامل
لا تيئسي ياقدسنا المحتله..!!

#ابوسياف_البيحاني

هذا هو الواقع وهذا الحاصل
بفضل ربي كل شي من فضله

والقائد الشهم الشجاع الفاضل
ذي ابهر الكون الكبير بكله

يستاهل احنا نفتخر يستاهل
ويرتفع شٱن اليمن في ظله

#أبوعساف_الدهمي

ألـطاف ربـي كـانت أكـبر عـامل
فـي الـنصر والـتمكين هـذا كـله

أشـعـر بـكـمية قـصـيد وزاامــل
يـلف رأسـي لـف شـو أعـمل لـه

سجدت للرحمن سجدت صامل
وقـلـت لــه هـيـهات مـنـا الـذله

#أبويوسف_القاري

لان القياده شي اساس وعامل
للنصر وعلاج الخلل والعله

بوجود قايدحيدري متكامل
المعجزات اتحققت للقله

وصرنا ندك اعتى الجيوش ابزامل
على هدى وايمان وثقه بالله

#عبدالحكيم_مسعد_النمري

شعبي على نصر القضيه صامل
والله مع اهل الحق لوهم قله

قل المنافق والعميل الهامل
يموت غيض وويحترق في غله

منهو مع الصهيونيه متعامل
من بحرنا يبعد ويجمع عقله

#ابوشوامخ_الوعل

بغيضهم عظوا على الانامل
ذي أيد الكافر وذي صفق له

وحنا على البرعه وصوت الزامل
على سفن لعدى نقيم الحفله

ما همنا تهديد كمن هامل
في بحرنا من جاء لعنا شكله

#بندر_السقاف

حين استذلتهم وساد الباطل
نهظ علمنا دام ربي ضله

واتمثل الايمان كله كامل
امام كل الشرك كامل كله

القصف خله يااليمن متواصل
وماظهر لك من سفنهم شله

#فارس_المعزبي

احنا الذي من قبل سعد الكامل
وقبـل (مكــه) نتخذها قِبلـه

رجال ندعس فوق راس الهامل
حتى يشوف الموت اول وهلــه

اذا سرينــا فاتحيــن الزامـــل
لا يعتبرهــا خصمنــا محتلـــه

#الشاعر_جبر_المهدمي

اكبر سبب لنصر واعظم عامل"
السيد القائد"" ولاحد مثله

بالدين" خلى شعبنا متفاعل"
من اجل غزه قد نوى للقتله

والّي على اسرائيل ماله زاعل!?
والا قد اسرائيل ربعه وأهله!!

#علي_حاجز

عش يايمن فالقدس بك متفائل
والقبلة الاولى واهل الملة

جسدت وعد الله واقع ماثل
قائد وقواتك وشعبك كله

جرع دروسك للغبي المتخاذل
اما اليهودي فيك شاهد قتله

#صالح_النقيب

الذل لهل أذل كمن هامل
والعز لسيد ومن في ضله

الحرب يشتي راس قاحي صامل
والنصر هو للمومنين القله

فوق السفينه بانزف الزامل
ما همنا دق الخطر من جله

#عدنان_جحوح

ما مننا ساكت ولا متخاذل
ولا مطبع متبع للشله

بعد العلم ذي بايبير الباطل
تحرير يا مسرى الهدى ما مثله

منا الفداء يا قدسنا متواصل
شعب اليمن بايفتديكم كله

#مقبل_جرام

الويل منّا للكيان القاتل
ثأر الطفوله يا يمنا شله

واصل صعودك للمعالي واصل
وقلهم (هيهات منّا الذله)

حامى حما الأمه سجلّك حافل
أنت الذي قوله يطابق فعله

#أحمد_عطاء

لاحلق الهيلو ودق الزامل
كل المسائل لليماني سهله

الباخره واسطول بحري هايل
يارب يارحمان زيد الغله

البحر كله من ألِف لا الساحل
ممنوع يابن اليهودي كله

لا أشر السيد وربي فاعل
لاقالها ماباتفيد المهله

#ابوعيسى_هيسان

تستاهل اسرائيل هي تستاهل
هي العدوه بل هي اكبر عله

قولوا لذي ماعاد اناشي قايل
الله هو ماينصر الا القله

قد جيش عزرائيل جنب الساحل
لاجت سفينه قال مابش زلة

#هادي_حسين_الرزامي

نعم هو الإسلام يامتخاذل
عن نصر دين الله واعظم مله

زمان مايقبل بمؤمن هازل
ماراح يتعلم مواقف رجله

حتى الملازم ماقراها كامل
ولا استمع لمحاضره بين اهله

#أبوزيد_النعمي

هجوم فوق الصهينه متواصل
بالفعل قايدنا يجسد قوله

تصبح خبر عاجل وتمسي عاجل
لوما نحرر قدسنا المحتلة

والله ما يمكن نخاف الباطل
وشعارنا هيهات منا الذلة

#محمود_الجنيد

يـا اهل(الحديدة)وسعوا بالساحل
عاد (البوارج) باتجي بالجملة

عاد اليهودي ماخرج من داخل..
(غزة) ولا من أرضنا المحتله

حيره على قتل المرة والجاهل
ما بالمعارك والله انه رِخلة..

#ابوصالح_العملسي

قايد علم ماهو يحب يجامل
ما يسوؤئ الحكام شسعت نعله

كأن طه اليوم فينا حاصل
يقول ذا بن ود من يبرز له؟

وما برز غير الشجاع الصامل
شبل ابن طالب مالنا الا شبله

#الشاعر_ابوجهاد_صبر

شغل عــلى بطش اليهود الزامل
دامك جمل والغرب جنبك نمله

عبدالملك وافـــي وشعبه جامل
لا أشّـر اصلئ الحيد ينزل رمله

يــاذي تباء تعرف بقصدي عامل
وإتـمـعّـن التفصيل تلقى الجُمله

#ابوالكرار_المجنحي

يا موطن الإيمان وافي جامل
انشهد انك شعب ماحد مثله

رب السماء مدك بقايد صامل
مقدام في دق الخطر أو جله

مواقفه هزت كيان الهامل
والنذل ذي باع الشرف والمله

#عبدالواسع_صايل_الغولي

الله في القرآن حط عوامل
في سورة الأنفال تشفي العلة

للنصر خمسة ماتغيّب عامل
وتنتصر فيها الفئات القلة

ونقولها بالمختصر في الزامل
باننتصر للحق واحنا أهله

#إتحاد_الشعراء_والمنشدين

https://t.me/aboyahyaalshami

مشاهد عظيمة ترفع الرأس للسماء
وتسجد سجود الشكر للناصر المعين

وهذا بفضل الله وبفضل الانتماء
الى منهج القرآن والمصطفى الأمين

واعلام آل البيت ذي يحموا الحمى
بهم ننتصر هم راية النصر كل حين

وما احنا رمينا بل هو الله ذي رمى
له الحمد والمنّه وله يسجد الجبين

#عبدالواسع_صايل_الغولي

تابع ‏المجاراة عن #مهرجان_الكلاب في السعودية.

البداية #أمين_الجوفي

الـمـهـرجان الـعـالـمي للـكـلاب
فـي مـهـبط الـوحـي الـسماوي

ما جات في سنة ولا في كتاب
ولا رواهــــــــا قـــــبــــل راوي

ما عاد باقي غير فسخ الـثياب
بــعــد انــتـهـا هــز الــمـكــاوي

ويضربش يانجد سوط العذاب
مـن ما ادخلوا لش مـن بـلاوي!

#الشاعر_جلال_السكري

يامن كتبت البدع هذا الجواب
مني وانا ماكنت ناوي

قومو معيا نعلن الانقلاب
ونعالج الداء والمداوي

كلابهم وأطفالهم والشباب
والمجتمع كله هواوي

الطفل ذي ماقد بلغ للنصاب
عند الملاهي والغناوي

#محمد_ابوالعز

بعد الغناء والرقص تجميع الكلاب
يامملكة كل البلاوي

ماللحرم حرمه ولا الله مهاب
اميرها للعهر هاوي

الامر بالمعروف والنهي غاب
شيوخها طبلة فتاوي

نبرأ الى الله من عملها المعاب
ومن معاصي كل غاوي

#الشاعر_ابوجهاد_صبر

زادت فعايل نجد زاد إرتكاب
الـذنــب مـن حـاوي ولاوي

لاعد حيا لاعد خزى لا هياب
فـي كل يــــوم هدره وداوي

احـيان بالهلوين والإعتجاب
واحـيـان بـالـكـلـب المعاوي

الله يلعن شيبهاء والشباب
ويلعن الــمــهــفــوف ثاوي

#الشاعر_ابو_صقر_شعلان

من بعد تمييع البنات والشبـاب
بين المتــــاهات والمــــــلاوي

حجاب ربي يبن سلمان حجاب
قلي علامـــــــــــا انت ناوي؟

لاعاد كانه حفـل وادي الذئاب
اهون لكم مــــــن كلب عاوي

يانجد عــادش باتسـوي كباب
لكل عاشـــــــق لش وهـــاوي

#ناجي_القطيبي

عقول هولا الناس مثل الدّواب
ماعندهم غير الحزاوي

كلاب ضالّه وسط عالم سراب
حول المراقص والقهاوي

هل تنتظر منهم لمسلم ثواب
فيهم مرض ماله مداوي

قد باعو الامّه برخص التراب
والجيد منهم كلب عاوي

#جميل_الكامل

واترقبوا أعمال تدي الشياب
وعاد با تظهر بلاوي

تسوق وَهْمَ المملكه للخراب
والموت ماشي له مداوي

كانت لحاهم والتدين سراب
قصص ومجموعة حكاوي

أتبخرت بالجو مثل الضباب
فالله مايقبل رشاوي

#نبيل_محمد_الحضرمي

هم هكذاياصاح دون ارتياب
في كل أدغال المهاوي

ولو جرى منهم وسال اللعاب
أصاب بالداء المداوي

هم وجه أمريكا وبيت الخراب
والكلب والخنزير يساوي

فقاطعوهم دون أدنى اقتراب
ولتسلموا شر البلاوي

#عبدالواسع_صايل_الغولي

المعذرة يا مهبط الوحي طاب
لاهل المجون كل البلاوي

ذي افسدوا شيبانهم والشباب
ويقنعوهم بالفتاوي

ازاح عن وجه الفجور النقاب
ذي كان له من قبل ناوي

باننذر المهفوف عسى يستتاب
والا جلدناه بالهراوي

#أبوخارف_ابوشوصاء

من خالفو نهج الهدى والكتاب
اوقعهم الله في البلاوي

اليوم ظلو عن طريق الصواب
سارو على نهج الحساوي

ذلو لإسرائيل وحنو الرقاب
في نهج واحد بالتساوي

يتمرغو بفعالهم في التراب
نظامهم ساقط وهاوي

#الشاعر_جبر_المهدمي

هولاء عيال الكلب شرالدواب!
ابليس خلاهم هواوي"

هم اهل السوء واهل الخراب
قوم"اليزيدي والمعاوي"

يسعوا سعي بعد.. "ال..حاب!"
في المراقص والقهاوي"

مايعرفوا بالحق والا الصواب
ولايداويهم مداوي"

#الشاعر_عبدالحكيم_ابوهاشم

ذي ما معه تاريخ ماله حساب
مثل الحديث من غير رواي..!!

لا يملك العـزّه ولاهو مُهاب
مثله عجايز نخل خاوي..!!

حقيقته يشـبه مياه السراب
يلهـت وراهـا كـل غـاوي..!!

كلام ما يحتاج منا عتـاب
ايش جهدنا له با يساوي..!!

#علي_محمد_المحاقري

كـتــاب ربــي قــال شـر الـدواب
الـصـــم واصـحـــــاب الـبـــلاوي

في مهرجان الامس شفنا النقاب
مـربـــوط فـي خـصـر الـحراوي

واليوم تـركـي يختتم بـالـكــلاب
مـجـبــر وقـصـدك مــن حــزاوي

انزل عـلـيـهـم ياكـريـم بـالـعـذاب
طـوفـان لا يـلـقــوا مــداوي

#جلال_الغولي

من محكم التنزيل وفصل الخطاب
مش من روايات اي راوي

اذا فساد المترفين استطاب
والجاهليه والمساوي

فحق تدمير القرى والشعاب
وعرش سلمان والملاوي

كما ثمود ارسل عليهم عقاب
كيف بالرياض ام البلاوي

#رفيق_ابو_علي

قبحكم الله ياملوك القـ....ـاب
لن قد وصلتو فـ البلاوي

بترقصو واطفال غـــــزة تـذاب
والقصف في كل الملاوي

من فك اسلامة وخــط الصواب
لليهودة لازم يخاوي

لا  يخدعك دقنه وشكل الثياب
ولا صلاته والدعاوي

#مناع_شريم

والله ما يسووا جناحة ذباب
وجودهم اقذر بلاوي

مكيج رموشه وانتقش باالخضاب
والرقص في كل الزواوي

يهود في التاريخ و الانتساب
هذه الحقيقه مش حكاوي

هؤلاء على الاسلام اكبر خراب
انجس بشر في الارض لاوي

#اشرف_الحسني

قولو لبن سلمان شر الدواب
يا فاجره ويش انت ناوي

تفتح مراقص لاختلاط القح.....
مع السكارى كلّ غاوي

وحفلتك في مهرجان الكلاب
موقف كشف زيف الدعاوي

والقصف حوّل كلّ غزّة خراب
وجرحها ماله مداوي

#ماجد_المطري

غزه تنادي والسعودي غياب
مشغول في فتح القهاوي

امير داشر فسل واطي جناب
هاوي جعل في النار هاوي

عليه لعنه عد مزن السحاب
وما جلَب بالمال غاوي

طيَّر ملابس لابسات النقاب
بين الملاهي والملاوي

#إتحاد_الشعراء_والمنشدين

https://t.me/aboyahyaalshami

تابع عنوان المجاراة (الشعب اليمني نموذج للشعوب الاسلامية بقيادته الربانية وثقافته القرآنية)..!!

البداية #ضيف_الله_سلمان

هذا اليمن يابني صهيون هذا اليمن
قال النبي عنّه(الايمان_كله_يمان)..!!

مواقفه في سبيل الله طول الزمن
وموقعه لامّة الاسلام صمام امان..

ورجاله ارجال خلف القايد المؤتَمن
بقوة الله تتحدى طغاة الزمان..

#ابوحمزه_المقاش

الـكـون لله وحـده يـا طـغـاة الـزمـن
وايـمـانـنـا صـدق والتسليم فينا ضمـان

اهـل الـيـمـن عـزم والايـمـان لاهل اليمن
يـا صـابـر الـسـبـع وش تفرق عليك الـثمـان

انـصـار لله مـن غـثـاه يـاكـل دمــن
يـحـرق ونـنـثـر رمـاده في صحاري عمـان

#ابوحسن_المجنحي

لولا اليمن ذي نصر غزة ولقصى فمن
غيراليمن ذي تحدا قوة الترجمان

اعلن على الحرب مهما كان دفع الثمن
ولاترجى سلامة من عدو اوضمان

#ابو_ميثم_الزراع

الموت لك يابني صهيون قلنا عـلـن
جـسّـَــد شعار البراءة فعلنا و اللسان

مابانفرط بالأقصى لــودمــانا ثــمـَـــن
واحنا اولوا البأس مانحسب حساب الجبان

بعد العلم سيد السادات طول الزمن
ولا سوى الله سبحانه عليه الرهان

#الشاعر_منصور_الحراسي

هنا اليمن واليماني يا عبيد الوثن
عملاق جسد صموده رغم أنف الكيان

ما لان عزمه ولا ممكن يصيبه وهن
في محور العز أصبح له مكانه وشان

#عبدالواسع_صايل_الغولي

اهل اليمن ثم ما ادراك ما اهل اليمن
أصل الحضارات و(الايمان_كله_يمان)..!!

هم السند والمدد في الخافية والعلن
وهم أولي قوة والبأس يوم الطعان

ما خااب له ظن من رزحه رجال اليمن
ومن يراهن بصبيانه يفوز بالرهان

يكفيهم الفخر من جارت عليه الفتن
يأوي إليهم ولا عاد بايشوف الهوان

#هادي_حسين_الرزامي

لاتحسبوا أي موطن مثل هذا الوطن
في وقت مولاي أبو جبريل أو من زمان

مهد العروبة ولو قاسى جميع المحن
رايد على الكون كله رغم كثر الطعان

أما وقد قاده الأعلام من أنت من
حتى تنافس يمن ليمان هذا جنان

أنظر لغزه وشعبي والشعوب الهين
واحكم بنفسك وحدد من هو أعلى مكان

#الشاعر_عبدالحكيم_ابوهاشم

يشهد لنا الله في القران حسب السنن
ذو بـأس تشبـه صلابتنا من الهندوان..!!

يا من غـزانا يخـذ له من بلاده كفن
نرجعه فيه ماشي عندنا له مكان..!!

واحنا لها يوم من هاجت عليه الفتن
نعلّمـه (علم) يتجـاوز بـه الامتحان..!!

#رفيق_ابو_علي

المرجله والابــاء والقبيلة فـ اليمن
عزه من الله ثبات شده وفاء عنفوان

مؤمن مجـاهـد على شر البلية كمن
اقـــلق ابو عيشها ماهـاب ولا استكان

شلنا الامانـــة وحنا خير من ائتمن
شهـادة المصطفى للناس اكبر ضمان

#سيف_حسن_العامري

من مثل الانصار وابن البدر با الارض من
اسطورة القرن والتاريخ والترجمان

قل للـذي بـدل الثومه بسلوى ومَن
ماشي معه في سجلات الكرامه مكان

والله لولاء الخيانه من عرب ذا الزمن
ماكان بعد البريطاني يقـاوم ثمان

#ابـومـازن_الـرازحـي

إشارة المصطفى بالأمس نحو اليمن
تجلـت اليـوم للعـالم، أمـام العيـان..

نخوه،شجاعه،مدد،إعطاء من
دون من
غِيـره، شهـامه، ومتحـرر من الإرتهـان..

وهو الوحيد الذي واجه طغاة الزمن
ومعـه قيـاده، عظيمة زادتـه عنفـوان..

#الشاعر_ابوفتح_الاشول

شعب اليمن منطلق للحق والمؤتمن
عن خير امه وعن قرآنها والبيان

نموذج الإرتقا بالدين و اسمى السُنن
وقيادة الشعب قرانيّة العنفوان

متكامله في اليمن شعب و قياده وطن
و همّ الأمة تحملناه وقت و مكان

#محمد_الاخرم

هذا اليمن غصب عن خاين وعن مرتهن
تاريخه مكــــتوب ما يحتاج له ترجمان

يشهد لنا الله والمختار وأبو الحسن
وبدر تشهد وتـــشهد طف والنهروان

واليــــوم صرنا ندك الكفر واهله علن
نضرب ونقصف معاقلهم ونصدر بيان

#الكرار_المشراقي

شعب اليــــمن كرمة ربي وحبه سكن
اول من اسلم ونكل بالعدوالجبان

قدوت شعوب امة الاسلام جند الحسن
مـــواقــفه ثابته لليـــوم شـاهد عيان

مـــايـــقبل الـــذل للــباطل وكلا ولن
معى فلسطين بايمـــضى ضد الكيان

#يوسف_غاشي

قيادة الشعب عظمى حيدريه ومن
نسل النبي رحمة الامه وحصن الضمان

يحـمل ثقافــة من القرآن كــلا ولن
يخضــع لحـكـام امريــكاء وللبـرلمان

يا أمة الدين حــان الوقت نمضي علن
خـــلف القيـــاده الالهيه بـكل ائتـمـان

#الشاعر_ياسر_الجرادي

من يشبه الشعب هذا في الملمّات من
تشهد له الست الاولى والسنين الثمان

في نصرة الحق لوكانت دمانا الثمن
فاحنا مع الله وبالله الثقة والضمان

واحنا معك بالوفا والتضحيه دايماً
ياسيّدي يالسان الحق والترجمان

#عبدالقوي_البطل

لاانته ولاأبوك يساوي لليماني ثمن
لانه الشعب ذي دك دك عروش الكيان

فمن مثيله في الجودات شفناه من؟
يناصر الدين مهما كان وضعه وكان

من صار في الدرب ذي خطه وقرر آمن
يفلح بعزه ونصره واكتساب الرهان

#إتحاد_الشعراء_والمنشدين

https://t.me/aboyahyaalshami

المجاراة عن موقف الشعب اليمني الثابت مع خيارات القيادة في توسيع مسار منع السفن الداعمه لكيان العدو

البداية #أبورواسي_أرحب

تحذيرنا في البحر الأحمر واضح
والناطق الرسمي شرح بالراحه

يعني سفن صهيون قارح قارح
أيش الجلاكسي عادها فذاحه

#ضيف_الله_سلمان

قل للمريكي وين عاده رايح
بقوة الله با نقص اجناحه

هذا اليمن بره وبحره مالح
با نغرق المارنز هو وسلاحه

#أحمد_الغبسي

تفويضنا مطلق وصوته صادح
بكل ساحه مِن ملان الساحه

إسرج على خيل الثبات الجامح
غذا الفلسطيني وطب اجراحه

#الشاعر_عبدالقدوس_الصباحي

الموت شمه في السواحل نافح
وجيشنا السكينه الذباحه

وينه من انصار النبوه سارح
ومن دخل لايحلم الرواحه

#محمد_ابوالعز

باب المضيق ماعاد بابه فاتح
قلوا لاسرائيل يااهل الساحه

عدوان بالعدوان لافين رايح
وحصار غزه بالحصار واجراحه

#ابوالكرار_المجنحي

الوضع حق اليوم غير البارح
والحرب وسعها اليمن واقحاحه

تجارة اسرائيل ماهي رابح
وشعب غزه في عميق اجراحه

#ابو_ميثم_الزراع

البحر الأحمر بالشرار اتقادح
قل لليهودي مابقي له ساحة

الجو هذا غير جو البارح
لا عاد به راحة ولا رواحة

#ناجي_القطيبي

اين انت ياعرق اليهودي رايح
صقر اليمن فى البحر مدّ اجناحه

كن لف من راس الرجاء (الصّالح)
والغرب. ماباينفعك. بسلاحه

#ابوحسن_المجنحي

هذا اليمن قوله وفعله واضح
من سامها ماذاق طعم الراحه

ترابها والبحر ناره لافح
ويل العدو من نارها القداحه

#الشاعر_ابو_صقر_شعلان

شعب اليمن في ذا المواقف فارح
وبالخيارات النفــــــــوس مرتاحه

عادك عتندع يايهـــــــودي صايح
ويسمعه كل الذي فــــــي الساحه

#علي_محمد_المحاقري

مسكين عـاده جـا مـشـمّـر فـارح
قصده عيدخل بالسفن لـ الساحه

جــرب حـرام ماتسمع الا الـلافـح
ينعث ابوك لا بـعد طـور الـبـاحـه

#الشاعر_جبر_المهدمي

بحر اليمن "غير الرجاء الصالح"
والقدس لازم ننتصر لاجراحه

ياذي الى اسرائيل عادك سارح!!
قد قالها يحيى بكل صراحه..!

جريح الحرب #رفيق_زرعان

صهيون في ذا العام طايح طايح
في البحر الأحمر قد أكل تفاحة

المندب اتلظى وموجه جامح
با يلتهم صهيونهم تمساحه

#عبدالواسع_صايل_الغولي

بيان هذا اليوم عكس امبارح
زلزل عروش المعتدي في الساحة

وبايتضح من بايكون الرابح
وبا نضمد للجريح جراحة

#الشاعر_ابوجهاد_صبر

آثار عاد اليوم غير البارح
ياشعب جحدلت العداء من ضاحه

ياهل علمي غدوه ايشك طامح
تمنع علا الصهيونيه بالساحه

#ابويحيى_الاشرم

قل لليهودي والعميل الذايح
في حب اسرائيله السفاحه

بحر اليمن والله ماهو سامح
لسفن ابونجمه تخوض املاحه

#ابوهمام_سليم

في البحرالاحمرنارحامي لافح
يحرق سفن صهيون بالقداحـه

مـضـيـقـنـا ســمّ الكيان النافح
والـجـو بالستي وابـو جـنّـاحـه

#ابوكنعان_الروس

ها يابني صهيون شعبي ضابح
هي لا النخر ياسارقه مزاااحه

ماعاد داعي للكلام الجارح
الباب مقفل في يدي مفتاحه

#ابومحمد_المهذري

نجم السفن يشبه لسعد الذابح
وامواج باب المندب الذباحه

والبحر الاحمر اشتبك واتقادح
يحرم على المحتل طعم الراحه

‌‌‎#عبدالكريم_الشمسي

الجو نسنس بالنسيم اللافح
والبحر سُجِر والشرر قداحة

والشوق فينا للقاء متلاجح
حتا تموت الامركة فالساحة

#ابو_هادي_الغمري

البحر الاحمر مــــشتعل متقادح
يحرم على اسرائيل فيه الراحه

ما دام دمّ ابناء غْزه ســـــــــاَئح
لشعبنا دم اليهــــــــود أــ مباحه

#ناديه_السقطي

لاصوت نسمع يالعدو او صايح
قد قالها يحيى سريع بصراحه

ولاااااااا سفينة باتمر لصـــالح
ألعن كيان من بحرنا والساحه

#علي_الشعيثي

قرار شعب البحر الاحمر كاسح
يناصر الاقصى بكل صراحه

وهددو راس الرجاء الصالح
ماتنقذ اسرائيل منهم ساحه

#ذوالفقار_سفيان

مادام والشعب اليماني شارح
للبحر الأحمر زوّد الفتاحه

والله ما يبقى يهودي فارح
واوجاع غزه غائره واجراحة

#ابومالك_الكوماني

تحذير عقباه الهجوم الكاسح
صياد متأهب يمد اجناحه

بحر اليمن هايج وموجه جامح
والباب عندي قفله ومفتاحه

#أبوشوامخ_الوعل

شعب اليمن حاله مكيف فارح
مواقف العزه تزيد افراحه

يكفي العدو في البحر ماوي سارح
يا الغرب وسع لصراع الساحه

#مناع_شريم

شعب اليمن فوض وقلبه فارح
متصدر الموقف بكل الساحه

قل للكيان البحر الاحمر طافح
والبحريه للاصتياد سباااحه

#ابومصطفى_الرضي

هذا القرار الحيدري والناجح
واقوى مواقف صادقة في الساحة

مابعد تفعيل المضيق والماسح
الا جنوح المعتدي واجناحه

#ابتسام_شرف_المحطوري

الكل يفهم ويستمع للناصح
من قبل يندم لا سلا لا راحه

ومــن تحـدانا مؤكـد طايـح
شفتوا نموذج مننا في الساحة

#هيثم_المعنقي
 
لابد ياكلها اليهودي كالح
والبحر الاحمر عندنا مفتاحه

اما وكل امــداد غــزة سارح
والا البحر ميداننا والساحه

#إتحاد_الشعراء_والمنشدين

https://t.me/aboyahyaalshami

تابع عنوان المجاراة
#اليمن_ينتصر_لفلسطين

البداية #ماجد_رشدان

صنعاء والاقصى اكثر من اخوه واخلا
روح وجسد تتقاسم افراح واحزان

حاشا نخون القدس حاشا وكلا
مثل ابن زايد والدعي ابن سلمان

لوينتقل ميناء الصليف المكلا
وتتنقل سيئون لافج عطان

#عبدالواسع_صايل_الغولي

من صعدة الثكلا الى ارض المكلا
لبيك يا فلسطين موطن وانسان

نحن المدد وبقوة الله الاعلى
بايسند الطوفان صاروخ طوفان

#ابويحيى_الاشرم

اخوه وماشي بين الاخوان يغلا
عدو الاقصي هو عدو ارض الايمان

قل لليهودي حربنا عادها إلا
حين ابتدت والقادم اعظم من ال كان

ولو تخلا شعب نوره ونجلا
شعب اليمن مازال للقدس طوفان

#سجاد_نشوان

مرحب وحيا الله واهلا وسهلا
بـ القتله الشنعا على وحي طوفان

غزه لهذ الشعب الاحنج والاغلا
وايماننا من دونها ماهو ايمان

لو لجلها نتطاير اعشار واشلاء
ولا نواجه لجلها الانس والجان

#ابومجاهد_الغمري

دام السعيدة بالرجاجيل حبلى
ابشر بعزك يا فلسطين،، مجان

تتفحم الارواح لاجلك وتُقلى
ولو تجرعنا العنا اشكال والوان

يا اطهر بلد من بعد مكه تعلّى
جنبك يمانيين في كل ميدان

#عبدالوهاب_محمد_الفقيه

قلو لذي لليهوده قد تولا
والله مابا ينفعه كل شيطان

اطفال غزه والنساء صارة اشلا
ولا وقف معهم سوى شعب الايمان

وشعبنا كبر وفلقدس صلا
وصار شعبي للبطولات عنوان

#ابوقصي_العويري

شعب اليمن من يوم قام وتولا
ال النبي ما ذل مرّه ولا هان

ولا زمان الجور والكُبت ولّا
بلّغ فلسطين الحبيبه ولبنان

أن اليمن عن صفكم ماتخلا
يلعن ابو من ضاع عهده ومن خان

#ابوكنعان_الروس

الحرية والعز والرفعة أولى
من الخنوع وأذعان قسري وخسران

العرض غالي والشرف عندنا أغلاء
صنعاء هي الصمام والقدس شريان

والصهينه فشخى والأمريك حبلى
وقادة التطبيع بها حيض شنان

#ابومالك_الكوماني

سلم على أهل القدس ياطير علّا
من قائد الامه ومن شعب الإيمان

قائـد عليه الله سـلم وصلى
عزز قوى طوفان الاقصى بطوفان

والخزي والذله على من تولى
وسار في ركب ابن زايد وسلمان

#ابـومـازن_الـرازحـي

قضيةالناس الأساسي والاولى
تصدرت في شعبنا كل عنوان

وبشرعنا نصرة فلسطين أولى
واصرارنا ممتد لحسين مران

ومحال موقفنا من القدس يُبلى
لو تنتهي من ذاكرة كل إنسان

ابوهادي_عقاب

ياغزه احنا لك سند حضن واهلا
شعب اليمن اصلك وفصلك والاخوان

اصل العرب يألم واقسم بأن لا
يجعل بني صهيون عبره وعنوان

مسرى نبينا حيث اذن وصلى
القدس والاقصى دخوله لقد آن

#ناديه_السقطي

شعب اليمن لدماء غزة والاشلاء
شارك مع طوفان الأقصى بطوفان

قائد يماني بالصواريخ أدلى
الموقف الثابت بحكمة وايمان

لنصرة فلسطين بالله الاعلى
هيهات نتراجع ولو كان ما كان

#عبدالقوي_البطل

قدس المجنح طار في الجو علا
ثائر يماني ممتلي كله إيمان

يدك دك إسرائيل ويشتها لا
يمكن يوقف قط والقدس تهتان

لاقال أبو جبريل قوله تجلى
في صدق إيمانه بربه والإحسان

#أبوصخر_الجوحمي

يامرحبا بالحرب واهلا وسهلا
مع اليهودي والمريكي وشيطان

ارواحنا للقدس ماهيش تغلى
احنا معاهم عون في كل ميدان

بالله. والقرآن. والآل. أعلى
والكفر اسفل خزي ذله وخذلان

#ابتسام_شرف_المحطوري

في كل لحظة والشرايين تغلى
لا قلب يهدأ من وجع حل أزمان

مع فلسطين نرخص الروح أغلى
ولا مع اسرائيل قادة وأعوان

النصر قادم باالرجال الأجلاء
من حبهم للدين عزة وإيمان

#ابواياد_المطري

صنعاء والاقصى يدهم يد وطولا
على من اتجرى بتدمير الاوطان

الدهر هذا فيه آيات تتلا
واتجلت الايات في( شعب الايمان)

يوم العرب بالعهر ترقص وتسلا
شعب اليمن ثابت وسط كل ميدان

#ذوالفقار_سفيان

ولّى زمانش يا الولايات ولّى
الى حضيض الذل في كل الأزمان

مادام والشعب اليماني تولّاء
قايد من آل البيت ماذل او لان

لنصرة فلسطين سلم وصلى
عليه من ربي تحية ورضوان

#ماجد_عبدالله_القادري

طوفان قادم طاف والكون صلى
مع المسيره ساحة العز مران

جيش الشهاده والرجال الأجلاء
للحق قدوه منهج الحق قران

من اجل غزه موقفه ماتخلى
باينصر الأقصى رجاجيل الإيمان

مقبل_العماري

شعب اليماني بالعروبه تحلا
وسجل بطوله راسخه عبر الازمان

وعيش الخنا والعار غادر وولا
واصبح يمن ليمان للقوم عنوان

ومن دخل في صفنا اهلا وسهلا
ومن يريد العز يتحرك الآن

#الشاعر_بشير_الشامي

غزه لصنعاء مثل ما الاخ وغلا
والاخ مايترك خويه والاخوان

لو صار نص الشعب جرحى وقتلى
مانتركه وحنا من اعيال قحطان

جيش الكيان اسهل من القش ودلا
وتبشروا بضرب ياحلف ورعان

#سياف_الضبيبي

تسكب دموع الفُقد من عين ثكلى
والكون متـــــفرج اجانب وعربان

بس اليمن عن نصــــرها ما تخلى
باشر دخول الحرب لو كان ماكان

شوق اليماني لافي القدس صلى
وبعدها يعـــلن مــئة الف طوفان

#إتحاد_الشعراء_والمنشدين

https://t.me/aboyahyaalshami

المجاراة بعنوان أهمية المقاطعة في قلب موازين المرحلة ونصرة #القضية_الفلسطينية وصنع الأستقلال لأمتنا.

البداية #مقبل_جرام

قاطع عدوّك يابن الاسلام قاطع
لا تشتري سلعه صنعها اليهود

من منزلك من متجرك كن مدافع
عن أُمتك جاهد بكل الجهود

هذا السلاح اليوم مُجدي ونافع
لا تستهن به في صراع الوجود

#أحمد_الخاشب

فـي ﴿لا تقولوا راعنا﴾ أمـر قـاطـع
واحـنـا عـلـيـنــا نـلـتـزم بـالـقـيـود

﴿وقولوا انظرنا﴾ لها بــاب واســع
واكـبـر مـسـاحة بعد رسم الحدود

كي لا نـودّف بـيـن ظـالـم وطامع
ونعيش اذلّاء تحت قهر الـيـه‍ــود

#الشاعر_جبر_المهدمي

قاطع وقاطع للبضائع وسارع
هد اقتصاده واجعله في ركود

وثقف وقل الناس هذه بضايع
بتعود لاسرائيل عائد نقود

في قتل غزة واهلها صار واقع
ذي تصبح السلعه لحربه وقود

#ابوكنعان_الروس

قاطع سلع ابن اليهودي وسارع
في دحر أفكار الضلال والجمود

ولاتكن هماز منافق ملاوع
وأمعه مرجف مطبع حقود

ابقى بصف الحق مؤمن وشاجع
ومضي بدرب الصادقين الاسود

#الكرار_المشراقي

قاطع بضائع كل كافر وقارع
ساند فلسطين العروبه وذود

واجب على من كان مسلم يدافع
يجاهد الخصم العين الدود

اقلب موازين العدو المخادع
وسقي قواهم نار ذات الوقود

#الشاعر_ابو_صقر_شعلان

قاطع عـــدو الله وشمــر وسارع
وفي المكان الصـــح حط النقود

لا يخدعك قرشك بسلعة مخادع
بيصدروها ناقضيــــــــن العهود

في وسعنا انتاج خيـــر البضــايع
مادام واحنا صانعين السكــــود

#الشاعر_ابوجهاد_صبر

مستهلكات اليهوده سم ناقع
والله وخـلـق الله عليها شهود

لـيـمـنـعـكم ياكل مقدام شاجع
ياوعد في فاطر وغافر و. هود

جمعه نقاطعها بقووووه ودافع
لامـــا لــنـا الكفار تقطع عهود

مانشتي الببسي ولا ابو اصابع
ولا الجلكسي والنّتي والفرودِ

#محمد_البريهي

لا تشتري مما العدو كان صانع
إياك ياشعب الإبا والصمود

هد إقتصاد اعداء ديني وسارع
لا تشاركه جرمه بدفع النقود

وإصنع وطور لجل عزك وزارع
فالإكتفا منعة لدحر اليهود

#هادي_حسين_الرزامي

بمقاطعتنا له تعود المنافع
لشعوب امتنا ويخسى الحقود

وذي مامعه في القلب رادع ووازع
لاتنتظر له ياأصيل الجدود

قاطع بضايعهم وجاهد وقارع
من أجل تثبت موقعك في الوجود

#مناع_شريم

شوف الصمود اليوم ناجح ورايع
والشعب دوره دور واعظم ردود

لا زم نقاطع جميع كل البضائع
ننهي وجوده في الوطن والحدود

حسين بدر الدين ياسيف قاطع
اوصى نقاطع منتجات القرود

#ابـومـازن_الـرازحـي

كل الحروب القائمة والفضايع
تمويلها من عندنا بالنقود

حين اشتري منتوج تلك المصانع
وارباحها لحفاد مرحب تعود

راجع ضميرك يااخا الدين راجع
وادعم بقرشك منتجاتك تسود

#وسام_الحنش

موقع اساسي مثل كل المواقع
جبهه منيعه في مجال الصمود

ماعاد لي حاجه بتلك البضائع
مادام عايدها للاعداء يعود

موقف وموقفنا مع القدس رائع
كيف مانقاطع منتجات القرود

#عبدالواسع_صايل_الغولي

و (( لَا تَقُولُوا رَاعِنَا )) امر قاطع
بمقاطعة ما جاء عبر اليهود

وبا يقاطعها زيود وشوافع
وكل مؤمن حر في ذا الوجود

مهما يكون المعتقد والدوافع
لاتدعم الكفر العدو اللدود

#عزيز_محمد_البروي

لا عذر امام الله منجي وشافع
ذي ما يقاطع منتجات اليهود

مهما يكن صايم وساجد وراكع
ماله قبول وكم عليها شهود

اعدائنا اعداء السنن والشرايع
وعدائهم يا قوم ماله حدود

#علي_الشعيثي

وقطع عليها كل نازل وطالع
وضرب سفنها قمح ولا وقود

وحنا نقاطع منتجات المصانع
لاتدعم امريكا بدخل النقود

ونفق مع غزه بالمالك وسارع
ودفع بنفسك بعد فتح الحدود

#ابومجاهد_الغمري

كل مسلم لاقتصاده يسارع
بالعمــــل والتنميه للصعــود

كيـف لأمه عن قيمها تصـارع
والمصــــالح للاعـادي تعــود

لا سكبنا الببس من كل بايع
با يقطّع (تل ابيب) السكود

#ابومصطفى_الرضي

قاطع وزارع واتجه للمصانع
وابدأ مسارات النهوض والصعود

هذا السلاح لن يجعلك قط خاضع
ولا يكبل موقفك بالقيود

تأثيره اقوى من سلاح المدافع
يضرب صناعات العدو في العمود

#ناديه_السقطي

من منطلق ديني واعظم وازع
كلن على الاعداء يشن الردود

لمنتجات الصهينة والبضائع
يالمسلم استنفر وقاطع وذود

عن دينك واعظم قضيه دافع
واقطع لاذيال العدو اللدود

#ماجد_عبدالله_القادري

با قاطعه  باقاطعه  أمر  واقع
او اشتري سلعه ببعض النقود

لن اشتري منتج لهم والبضائع
واجب علينا  قطع كل  اليهود

من اجل  غزه بالقضيه  ندافع
ويستمر كل طوفانها بالصمود

#عبدالقوي_البطل

أثبت على مبدأ جهادي وسارع
في نجدة الاقصي بكل الجهود

في كل جبهة كون للخصم داسع
ساعاته اجعلها والايام سود

المنتجات الغربية والبضائع
لاتشتريها اوتبيع بالنقود

#أبو_علي_عركم

قاطع يهودي ذي قصف للمضاجع
وقتل الاطفال ذي هم رقود

اترك بضاعة بنيمين المخادع
ذي هو على الاسلام دايم حقود

نقاطعه تنهار كل المصانع
وينهار جيشه لاجهنم يعود

#إتحاد_الشعراء_والمنشدين

https://t.me/aboyahyaalshami

#عبدالواسع_صايل_الغولي

ابا الموت تهدد شعب الايمان والحكمة
وما تعلم ان القتل عاده لهذا الشعب

ومن ذا الذي ضد اليمانيين من حجمه
فشعب اليمن يا كل باغي مناله صعب

المجاراة بعنوان عز اليمن.

البداية #عبدالقادر_داود

عـز الـيـمن من عزة القايد
و ذل العرب من ذل قادتها

الأمــركـة يـا بـايـدن بـايد
و الصهـيـنـة حانت نهايتها

بـا نقـطع الصادر مع الـوارد
في البحر و نقاطع بضاعتها

حـرام لـوما زد بـقـي واحـد
ما تـبـلـغ إسـرائـيـل غـايتها

#عبدالواسع_صايل_الغولي

صدقت في ما قلت ياداود
ان اليمن للعُرْبِ سادتها

والسيد القائد هو القائد
ذي لليمن رفرف برايتها

عاد المعارك سيلها وارد
وعادها الا في بدايتها

وبا نقاتل والله الشاهد
والقدس تتحرر وصايتها

#عبدالقادر_البنا

واحنا بفضل الخالق الواحد
وفق مطامحنا وارادتها

وعزنا بالقائد الراشد
من خيرة الأمه وسادتها

عبدالملك والمُلك له ساجد
ذي قاد للأمه انتصاراتها

#الشاعر_جبر_المهدمي

احناسنادالقدس واحناساعد
واحنا لــــغزة اهلها عزوتها

طوفان شعبي والغضب صاعد
بايجرف امريــكا معا شلتها

قدهو لإسرائيل ناوي عاقد
يقلـــــــع أبايبها معا جدتها

ودام شعب المرجلة متواجد
فالصهــينة قــامـت قيامتها

#الشاعر_ابو_صقر_شعلان

واحنا مع الرحمن عنجاهد
لجل اليمن تبلـــغ سيادتها

والله علا شعب اليمن شاهد
ماتفرض امريكا وصايتها

بانرفدك يا قدس ونساعد
والصهينه حانت ابادتها

لو تجمع الحامي مع البارد
للحرب فالانصار سادتها

#الشاعر_ابوجهاد_صبر

ارض اليمن ماتقبل الفاسد
فيها من الـعـزه كفايتها

من ارض مذحج لارُبا حاشد
إلا بــكــيــل الــعــز رايتها

قـولـوا لــصهيون الذي فاقد
عقله عــــلا غــزه فدايتها

بايشرب الحامي مـعـا البارد
وارضه عـــ.تتــدمــر بنياتها

دمــــــار لا ناقص ولا زايد
نهـايـتـه ابـسـط بـدايتها

#رفيق_ابو_علي

الفضل للمولى اولاً عــايد
من عز الامــة من بدايتها

بعد الغوا والمذهب السايد
ذي حاكـها وافقد صلابتها

ارسل لها بعد النبي قـايد
مؤمن مدافـع عن كرامتها

للامركة والصهينه كـايد
خلا ابتهم تحت حذيتها

#محمد_ابوالعز

لا عز الا في اليمن ســـايد
ذي قايـده رجّع ســـيادتها

اعاد تاريخـــــــنا المــاجد
و ذل امريـــــكا و نــاقتها

العــابــد الراكـع الســاجد
سبط النبــــــوة و لابــتها

الـهـادي المـهــدي القـــايد
لجنود ارض الله وسادتها

محرر الاقصى من الحاقد
عبــدالملك خيـــــر قادتها

#ابـومـازن_الـرازحـي

معنى قيادة والله الشاهد
ردت لأمتنـا مهـابتهـا ..

رغم انف اخو نورة وبن زايد
دمر حليفتهم وباغتها ..

ومعه شعب مقدام ومجاهد
شل السفن واغلق ملاحتها..

ما اعتز من للمرجله فاقد
والله يهينـه من يفلِّتها ..

#الشاعر_ابويزن_الصيادي

العـــز لك ياشـــعبي الصـــــامد
ادعس على امريــــكا ورايتـــها

ياشــــعب مؤمن فوض القــايد
ذي رد للأمُـــــه كـــــرامتــــها

والأمركه مـــا عـــاد حد ناشــد
ولا مـــفكر في ســــيادتـــــها

وحــــان لـ اســـــرائيل ياداود
المـــوت • قد عاشت كفايتـها

#ابومجاهد_الغمري

الحمــــدلله شــورنا واحــد
ورجال ترسمها شجــاعاتها

لا عاد يالكــــــذّاب تتبــاعد
دام الحقيقه جوف ساحتها

روّح زمـــانه راشــد الماجد
يوم المســيره في بــدايتها

ماليوم قوّه تنسف الفـاسد
و قوة اســــرائيل ذاقـــتها

صــاروخيتها ترعب المارد
وتدور بالكوكب مســافتها

#عبدالقوي_البطل

والذل لبن سلمان وبن زايد
ذي هم لإسرائيل ناقتها

تحلب من البترول والعايد
من أجل يسترضوا علاقتها

دم الحمية ذي بهم بارد
والقبيلة سُلبَت إرادتها

ومادام به شعب اليمن صامد
قامت على إسرائيل قيامتها

#وسام_الحنش

الدرب واحد والعلم واحد
اعاد للامه مكانتها

والموت من خير الله الواجد
واليوم هذا اول علامتها

#الشاعر_أبوعزام_الشامي

شــوف المذله في عيال زايد
وأهل الخليج ماهي حكايتها

للصـــهيـــنه في ذل مــتزايد
با يعـــلنوا في يوم عــبادتها

شــعـــب اليــمن للحريه رايد
أعلن على إسرائيل نهايــتها

كـــم نفــتــخـر بالسيد القايد
ذي عـــاد يمنا نحو عزتـــهــا

#ابتسام_شرف_المحطوري

دام السلاح مايفرق الساعد
نقضي على أمريكا وكبرتها

لان الدول ذي ربت مجاهد
تــزداد هيبـتـها وقوتـهـا

والبحر يتخاطب مع القائد
لا اشوي اليهود وخبرتـها

وواقع الأبطال هُوْ الشاهد
وبـا يـُعاد للقـدس عــزتها

#أبوأحمد_الوايلي

شعب اليمن يالعالم الجامد
يمنع من إسرائيـل حاجتها

بحر اليمن ما يعبره فاسد
الـكـل با يـقـطـع علاقتـهـا

القدس صامد واليمن صامد
تحرم على اسرائيل راحتها

كل السفـن من بأسنا شارد
ترفع من المندب بطاقتها

#ناديه_السقطي

الحمـد لله القوي الواحد
من لليمن عزز مكانتها

بالسيـــد الإيماني الرائد
فخر العروبه تاج سادتها

في ظله اليوم شعبنا صامد
داعس على امريكا ورايتها

دمر لإسرائيل والجـاحد
قاطع لهم واحرق سفينتها

#إتحاد_الشعراء_والمنشدين

https://t.me/aboyahyaalshami

المجاراة دعوة للحضور غداً الى ميدان السبعين

البداية #عبدالسلام_الطالبي

ياشعبنا استنفر وشارك
بخروجك الأقوى وبارك ..
للبحرية نعم الرجال...

ميدان عزتنا المعارك ...
ومن تعدى البحر هالك ..
أو مد جيش الإحتلال...

#ضيف_الله_سلمان

على هدى سورة تبارك
ياقدس با نرفع حصارك
وبالهدى نمحي الضلال..

ابشر بنا واحنا رجالك
نسوق الاعداء للمهالك
واحنا معك في كل حال..

ياقدس قد طال انتظارك
اما وردينا اعتبارك..
والا فما احنا شيء رجال..

#الشاعر_محمد_كرشان

ياسيدي حيا قرارك
كل الخيارات بااختيارك
واحنا يمينك والشمال

درنا جميعافي مدارك
والله مانخطي مسارك
في سلم والافي قتال

#الشاعر_منيف_ثعيل

يا قدس لو طال انتظارك
لابد ما نرفع حصارك
والصهينة تلقى الزوال

شعب اليمن كله جوارك
ماضي على وعد انتصارك
لا ما يموت الإحتلال

#محمد_ابوالعز

علۑ الكيان شن المعارك
واضرب على سفنه حصارك
معاك ربي ذوالجلال

الشعب للخطوات بارك
يا جيشنا واصل مسارك
نكل بجيش الإحتلال

#الشاعر_أحمد_الغبسي

ياشعبنا اخرج من ديارك
واعرض على الكفار نارك
باالحشد واقتلهم حلال

مااستوعبت كل المدارك
(تحويلنا نقطة جمارك
لا مصيدة للإحتلال)

#الشاعر_جبر_المهدمي

ياشعبنا واضرب مثالك
في وقفتك في ارتجالك
واثبت ثباتك كالجبال...

في نصرةالأقصى مسارك
اعلن من السبعين ثارك"
سوق اليهودي لِلزوال...

#عبدالواسع_صايل_الغولي

مسارنا يتبع مسارك
وقرارنا يسند قرارك
خروجنا عنه محال

والعهد باقي لإنتصارك
وتنتصر باقي ديارك
والكفر الارعن لازوال

#عبدالقادر_البنا

ياأهل العقول ياأهل المدارك
كالسيل هب في ليل حالك
باكر نجي في كل حال

نملي الشوارع والمسالك
مع قيادتنا نبارك
ثورة بوجه الإحتلال

يالبحرية قودي المعارك
حطي سفنهم بالمشابك
وحاصريهم بالحبال

#ابـومـازن_الـرازحـي

السمع والطاعة لذلك..
في ساح وقفة أو معارك..
واحنا لها في كل جال..

لا شك إسرائيل هالك..
بقوة الله والتشابك..
ومواصلة هذا النضال..

#عبدالعزيز_الغرباني

يبشر بنا الأقصى المبارك
في سلم والا في معارك
نوقف معه وقفة جبال

أخي المواطن شل جارك
وكل نشمي في جوارك
نصرة لغزة يا رجال

#ابراهيم_الشرفي

سمّع قوى أمريكا شعارك
ذي وقعه أقوى من عيارك
وادعس عَلَمهم بالنعال..

واقلق مساهم في نهارك
وافزع مع ربعك وجارك
وارعب كيان الإحتلال

#ابوحسن_المجنحي

نقسم بمن للكون مالك
لابدما نأخذ بثارك
من كل متغطرس وضال

وكل من شارك دمارك
بانورده نار المهالك
ياقدس يادار النضال

#ابراهيم_الحجلي

يا شعب ياقوم المعارك
المنطقة تحمى بنارك
ذي وقفتك وقفة جبال

ميدان صنعاء في انتظارك
شمر وغد اشحذإزارك
كعادتك في كل حال

#الشاعر_ابوجهاد_صبر


ياغــزة  الــعــزة لـ.ثارِك
عـنـد الـذي سبب دمارِك
وذي سـفـك دم  العيال

حِنّا معِك حتى انتصارِك
الكل عن نصرِك  محارك
من حد  يافع  لا الطيال

#مناع_شريم

على طريق القدس سالك
شعب اليمن مابه مثالك
مواقفك اعظم مثال

دام القضية رأس مالك
كل الكيان مهزوم هالك
قرب مصيره والزوال

#وسام_الحنش

ياشعب درب الآل سالك
حضورك أشبه بالمهالك
ويهلك اشباه الرجال

ياقوم صل الله وبارك
اليوم فتحنا المدارك
يضرب بنا أروع مثال

#هادي_حسين_الرزامي

ميداننا السبعين سالك
بالله لاتنسى عيالك
أنا اعتبرهم رأس مال

بحضور دعوتنا ينالك
رضاه في دينك وحالك
ويرحمك يوم المئآل

#سيف_المرحبي

ياقدس لايخطر ببالك
يهود اسرائيل هالك
وسيدي لاقال قال

مانتركك حاشا لحالك
شعب اليمن لبى وصالك
هيهات نرضى الإحتلال

#محمد_البريهي

لبيك يا داعي لذلك
إحنا يدك سيفك نصالك
ياسيدي ياخير وال

شد يايمن باكر رحالك
خروجنا فرض واكذلك
نصره لربي ذي الجلال

ياباب من ينفذ خلالك
في بحرنا عزرا ومالك
وأشياء ما هي بالخيال

#ابواياد_المطري

شعب اليمن حدد مسارك
ياقدسنا وانت المبارك
من قول (أعدوا)  للقتال

لا بد ما نوصل ديارك
ونقاتل اعدائك قبالك
في صف واحد باي حال

#ابتسام_شرف_المحطوري

انت واخوتك جارك عيالك
وقفة في السبعين شارك
ارعب شياطين الضلال

قدم على نفسك ومالك
القدس يصلح كل حالك
والظلم عاقبته الزوال

#الشاعر_علي_الوزير

ياشعبنا صلي وبارك
على محمد نور دارك
وأآل بييته خير آل

وبعدها جسد شعـارك
لاجاءاليهودي لابحارك
يموت موت ابوعقال

#الشاعر_ابو_صقر_شعلان

القوة اللي في اطارك
باتجعلك تاخذ بثارك
ياشعب شامخ كالجبال

وانت من حزت في نزالك
وانت الأقوى في قتالك
وأنت للعزة مثال

#ابوكنعان_الروس

ياشعبنا استنفض غبارك
وارفع في السبعين شعارك
وشد للأقصى الرحال

القدس في قيد إنتظارك
أوقد من إسرائيل ثأرك
وأمريك تبشر باالزوال

#عبدالقوي البطل

أرض اليمن ياقدس دارك
وخيارها نفسه خيارك
محال نتخلى محال

نذود من أجل انتصارك
لابُد ما نرفع حصارك
بفضل ربي ذو الجلال

#إتحاد_الشعراء_والمنشدين

https://t.me/aboyahyaalshami