لك عهد عمدناه وشعبي ما اختفى
لبيك يامختارنا طول الحياه

بانحتفل في عيد نور المصطفى
والمعنوية فل عالي لا سماه

#أبوحسين_العصري

جينا نجدد للنبي عهد الوفاء
والمرتزق لازال غارق في عماه

بانحتفل بك مثلما الجد احتفى
وأتوارثوه ابناه كلن من تجاه

يا بلسم الاجراح يا طب الشفا
ياخير من ارسل إلهي وأصطفاه

#مختار_البحري

عن مولدك شعب اليمن ماقد غفاء
لبيك وشعبي فيك قد علق رجاة

اشرقت في شعبي والكفر انطفاء
والكون في ذكراك قد فارق دجاة

الشعب في ذكراك عبر بلوفاء
لبية لك مليون ياطوق النجاة

#مازن_براش

شعـب الكرامـة بك تباها واحـتفى
على خطى المختار لن نقبل سواه

ولــى زمــان الـجاهليــة واختــفى
وعــم نــور الهــدي من كل اتــجاه

لبيــك يارمــز الشــجاعة والـوفــاء
لبــيــك والإســلام بانــرفــع لـــواه

#جواد_محمد

يا من بعث رحمة وفي كفه شفاء
يا منقذ الإنسان يا طوق النجـاه

يا نور في الظلمات دايم ما انطفى
ازاح عنا الجهل في ذروة دجاه

يا خير خلق الله واعظم ما اصطفى
صلى عليك الله ما شعبي رجاه

#أبوفايد_علي_أبوشوصاء

بمولدك يا سيدي الكون احتفى
وأزدهى ذا الكون بك طول الحياه

وبدد الظلمات نورك واختفا
الظلم. في دربك مضى شعب الاُباه

شعب اليمن سيفٍ بيدك مرهفى
لبيك جينا نقهر اوكار الطغاه

#ابتسام-شرف_المحطوري

يانور عم الارض والكون احتفى
من اجلنا الباري رحمنا واصطفاه

والنور ساطع ماتزحزح واختفى
احفاد الانصار استناروا من هداه

طه لنا الـهـادي ومـنّا له وفـــاء
حتى نلاقي الله والارواح فداه

#ابوشاجع_الجوفي

ما همَّنَـا فــي درب طـه لو طفى
الكــون كلِّه نــور طـه في دجاه

شعشـع وبـدَّد كـل ظلمة واقتفى
قوم النبي ضوِّه وراجين النجاه

مشكاة مصباح الزجاجه والشفى
لِـكُل علِّه جـــات مــن كل اتجاه

#ناديه_السقطي

ياسعـد من جهز ليوم الاحتفاء
بمولد المختار عليه ازكى الصلاه

الشعب يترقب بفـرحه ماغفى
لبيـك رسول الله يانبض الحياه

بالحب منا والتســامح والصفا
نحيي لميــلادك ونقهر للطغاه

#ابوناصح_العزي

الابن هو الاب. والجد احتفى
بمقدم الهادي وذابوا في هواه

شعب اليمن لباك ياطه وفاء
ماهمه العا لم. كره ولا رضاه

ياقبلة العاشق ومنهج يقتدا
مع حفيدك شعبنا يثبت ولاه

#ابوبراءة_الديلمي

يامرحب ميلاد به نتشرفا
خير الرسل قوموا له الكل انتباه

فيك الآباء يااعظم بشر مايوصفاء
واحنا بدينه قد نهجنا في خطاه

ياسيد الكونين طرفي ماغفاء
والقلب متلهف ولسني مانساه

#ابواياد_المطري

شعب اليمن بالخير لبى المصطفى
وباحتفاله بالنبي يقهر عداه

والله لو نفنا ولا واحد بقى
ما ينثني عن حبكم شعب الحفاه

لبيك يا نور الامم رغم العدى
لبيك رغم الحلف الارعن والبغاه

#محمد_علي_الجنيد

لك مننا عهد الولا لك والوفاء
نبقى على نهجك ولن ننهج سواه

ياسيدي يانور نورك ما انطفى
بانحتفل بك حفل عالي مستواه

بانحتفي بك والذي بك ما احتفى
هاذا يهودي او قد الباري عماه

شعب اليمن بك يارسول الله اكتفى
والكون ذى كله بدونك ماكفاه

#علي_دحان_الجبري

صﻻه تخشع حول زمزم والصفاء
تغشاك يامن جيت نورت الحياه

صلى عليك الكون ومن صنعاء اﻻباء
صلى عليك الله من عالي سماه

يامدرسه لدين من جامع قباء
سلمان شوها وبا يلقى جزاه

#ابوالكرار_المجنحي

يا مرحبا ياعز واشرف من لفاء
يا من بك الكون اكتساء عزه وجاه

روح ضلام الجهل وقفى واختفا
من نورك الساطع ومن قوة زجاه

وجرحنا الدامي من النور اشتفاء
والفضل لك يامن وقفنا في حجاه

#المولد_النبوي_الشريف 1444هـ
#إتحاد_الشعراء_والمنشدين

https://t.me/aboyahyaalshami

تابع المجاراة العاشرة عن الخروج الكبير المشرف يوم السبت المقبل ذكرى المولد النبوي الشريف وآثاره ونتائجه .

#أخت_شهداء_البكالي

في سبتنا لبيك ياسيد العرب
لبت لك الاكوان ترحيبا وطيب

نستعجل الدقات والوقت اقترب
نحييك في الوجدان ياعون الغريب

#أحـمـد_الاهـــدل

شعب اليمن كله الى الساحات هب
ياسيــد الســــادات لداعي مجيب

حشود تتقارح على إمـريكا غضب
لبيــك ثم لبيـــك (ياطه )الحبيب

#أبوأحمد_الوايلي

ايام سوداء مقبله يابو لهب
باتحترق فيها وباتلهب لهيب

جهنم الحمراء لمنهوه رسب
وجاحد القران له منها نصيب

#ابوراكان_السحاري

وبدايت النصر العضيم إلنا .أقترب
ونهاية الحلف أصبحت ضني قريب

بفضل ميلاد النبي جيشي غلب
قوات واشنطن..وداعمها الغريب

#عيسى_الهروجي

صحت ولآنــآ للرسول المنتجب
فوق الثرياء نجم صادع لن يغيب

والسبت موعدنا لتنفيذ الطلب
ياكل مؤمن لب للداعي وجيب

#عبدالله_القبلي

ياسيدي رهن الاشاره والطلب
نحضر في الفرحه وف الوقت الصعيب

مثل السيول الدافقه للمزن صب
في مولدك يتبلسم الجرح العطيب

#عبدالله_حسين_مسعود

الشعب في ذكرى النبي لاهب هب
والوعد يوم السبت والموعد قريب

با يوعد اهل الشرك ميعاد الغضب
ذي يجعل امريكا من الواقع تغيب

#أبوحسين_العصري

لبيك من صنعاء ومن وسط القتب
لبيك من صعدة ومن غولة عجيب

يا خير خلق الله شعبي قد وهب
في حبك الأرواح والغالي بطيب

#ابوغبري_الغبري

مثـل الذهب شعب اليمن مثل الذهب..
ما اتغير المبدى ولا الساس العريب..

يوم الحيا والـدين من غيــره ذهــب..
كان الي استمسك وكان المستجيب...

#علي_الشعيثي

يايوم لاقد شافك الكفر ارتهب
وجرح ال البيت لاشافك يطيب

ذي منع ابتكم ياسلاحي والجعب
هبو جماعه من بعيد ومن قريب

#ابوالكرار_المجنحي

ياشعب أمن باالرساله واستجب
وساند المختار في الوقت الصعيب

لي منعكم لا يعتذر حامل سلب
السبت موعدنا حذاري حد يغيب

#جمال_الماوري

لا قد ذكرتوا حادثة جمع الحطب
كي يحرقوا ابراهيم في نار اللهيب

شعبي تجمع واحتشد كله وهب
يصْلِي بني صهيون من مجرى القصيب

#فايز_الحمزي

قولوا جميعاً يارجال قولوا وجب
المؤمن الصادق لربه يستجيب

نفرح ونستبشر بما ربي وهب
وخصنا نحن اليمانين بالحبيب

#ابو_صماد_الفليتي

وجب علـــــــــــــينا يارجال الله وجب..
نفرح ونتـــــــــــــباها بـ سيدنا الحبيب..

والكل يوم الــــــــــــسبت لساحه ذهب..
في مولد المخــــــــــــتار لازمنا نجيب...

#الشاعر_بشير_الشامي

الكل هذا السبت خرجه قد وجب
من اجل مالاعداء ويشوفوا للعجيب

وتكون نهايه للعدو وابو لهب
والحشد عندي فاليمن ماهو غريب

#ابوقايد_عون

انضر لهـذا الشعب نضره عـــن كثب
تــلقى رســــول الله طِبه والطبيب

في عصرنا الحاضر وفي كل الحُقب
في حربنا القادم وفي حرب الصليب

#الشاعر_ابوعاقل_المنبهي

يوم السبت بايخرج احرار العرب
في حب طه الكل للداعي يجيب

شعب اليمن على جبينه قدكتب
لبيك يا طه ونصرالله قريب

#جواد_محمد

في يوم ميــلاد النبي شعبي يهب
ويحشد الساحات في مشهد مهيب

من عاصمة لانصار لا صعده وإب
(لبيك يا طب المواجع والطبيب )

#صالح_الدباء

سبت اليمن بايحضره كم من شنب
وانصار طه عند ظنه ماتخيب

حمى اللحى لاما عملنا ذي يجب
لابد نتجمل ونصرالله قريب

#ابوجبريل_شريف

بايحتشد شعبي ولبيناالطلب
يااطهربشراختارك الله الرقيب

احفاد من آووك من شربولهب
الاوس والخزرج وقالوالك لبيب

#مصطفى_محمد

حضورنا في السبت يجتاز العجب
ويذهلو منه بعيدة والقريب

ومنه العدوان بايحرق غضب
ويموت في غيضة بميلاد الحبيب

#ابوعمار_هاشم

يخساء تحالف نجد ويخساء بو لهب
واحنا ارتشفناء حب طه فل الحليب

ومن يحط النار في وصط الحطب
باتلهمه ذي يحسبنه شخص ذيب

#ابوهادي-الجامع

نهايت اعدا الله في يوم قد قرب
تمرض قلوب الشر ولاتلقا طبيب

في مولد الهادي نبادر ونحتسب
وياكيف مانخرج ونفرح بذا الحبيب

#ابوزكريا_المأخذي

الحمد لله حمد دايم ما كتب
له كل شاعر في اليمن ولا اديب

في حب طه من به اتجلت كُرب
والفرج زلزل عنى الوقت الصعيب

#الشاعر_ماجد_القادري

حبي النبي دائم على شعبي وجب
من وسط صنعاء لا تعز ثم حريب

وتحتفل صنعاء وبيروت او حلب
والكون في ذكرى محمد يستجيب

#الشاعر_ايمن_العصري

باالذات هاذا السبت بايلقو التعب
وبايشوفو يوم في المولد صعيب

هم هاكذا الكفار في الدنيا عجب
يشتو فقط نغلط ولامره نصيب

#ابتسام _شرف_المحطوري

هيا الى الساحات يااصل العرب
في مولد المختار هادينا الحبيب

نجــدد البيعـة ونأخـذ بـاالسبب
نعلن ولانا في زمن اصبح مريب

#ابورائد_السعدي

الوعد والميعاد والعهد اقترب
يامولد المختار ترحب بك نهيب

تبت يداسرائيل واذناب العرب
بايعرفوا قيمة محمد عن قريب

#ابوزايد

ياربعنا في حب طه قد وجب
نخرج نبيض وجهنا عند الحبيب

باخرج مع ربعي وللساحه نهب
ونترك المخذول بغيضه ما يطيب

تابع المجاراة (6)
(تحالف العدوان يستهدف جبهتنا الداخلية عبر ادواته وعملائه )!!

البداية #فارس_المعزبي

مسيرة الهدي منصوره على خصمها
من يوم كانت عددها لايزال أربعه..!!

ما بالكم يوم صرنا كلنا قومها
وهي تزعزع كيان المعتدي زعزعه..!!

لايقدر احد يغيّر حرف بين اسمها
ولا البعاسس تعرقلها ولا الزوبعه..!!

#ٲبوحسين_العصري

يا شعب بدد لحلف الصهينة حلمها
وما زرعه المنافق شعبنا يقلعه

تحالفات اليهودي قد غرب نجمها
و ضاع مشروعهم كله ولاعد معه

خيااااار إلا يسلم لليمن حكمها
ويتبعونا كفاااااية للتنك قربعه

#ناجي_القطيبي

مسيرة الحق مابا ينثني عزمها
ببوق ماجور بيبقبق وماحد معه

قد قامت المملكه بعاصفة حزمها
ولَستطاع الزّهيمر هو ومن يتبعه

يُوَقّْفُو سيرها او يحجبو (نجمها)
ورجّحت كفّت اهل الحق فى المعمعه

#الشاعر_بشار_دهقم

الله رب السماء با الهدي قد ضمها
ابطال أرواحهم با الحق متولعه

احسين بن بدر حقق ب الولا حلمها
مسيرة الله فوق الناس مترفعه

منهاج رب الخلايق في الدجى علمها
وحكمها بالبصيره فاق مستنقعه

#ابو_بدر_ذيبان

حثالة الشر ابوها ابليس هو وامها
شيطانهم لاجهنم جنب حزبه معه

وشعب الانصار وقت الجد لاكمها
فصيل واحد وينهي جيشك الامعه

جند المسيره مع الله بقدرته لمها
والخاين النذل باين من قفا الاقنعه

#ابوراكان_السحاري

أضن طحنون عارف كيف هو حجمها
والا طحناه في ذا الحرب وإنقطّعه...

تعلق الخصم بين النيب في فمّها
واصبح مثل صيد في فمّ الاسد قضمعه

#علي_جارالله_داشع

نعم وهذه مسيــره واسعٍ حــجمها
بشويش بشويش ياكمن ردي وٳمّعه

كل القبائل لها قد قدمــت دمـــــها
من هو يحاول في التخريب بانقمعه

هذه مسيره ورب العرش ذي تمــــها
والقايد ابن البدر ماحد بلغ موضعه

#شهاب_المتوكل

ياشعبنا نجدبثت وسطنا سمها
عبراللساسين حق الدجل والقربعه

ذي جندتهم من اجل تصال لاحلمها
وتثير فوضى وتحرمنا الأمان اجمعه

خليك واعي بوعيك تحرقه رسمها
وتفشل مؤامرتها هي وذي تتبعه

#أبوفايد_علي_أبوشوصاء

مسيرة الهدي من ربيّ مدعومها
لامن مريكا ولا ابناء اليهود اجمعه

يتشرف الكون كله دوم بقدومها
ويصيّح النجم للسيد بإنا معه

كل الطواغيت قد دسنا على اخشومها
وياشوقنا للمعارك ساعة المعمعه

#ذوالفقار_سفيان

جات المنايا ويا حي الله بشمها
مع النبي وال بيته والهدى نتبعه

والمرتزق والمنافق قايدي سُمها
لان نور الهداية والهدى منبعه

وفوهت الشر ماينفع سوا لطمها
واللي يريد الخيانه قل ما نرزعه

#أسـامـة_المـعبـاء

مســيرة الحق احنــا الســم في سهمها
ضــد اليهــودي وحلف الشــر والي معه

نقــارع امريكاء واســرائيل واوهــامها
وحبــل تــضليلــهم يـا شعبنــا نــقطعه

الوعـي سيفـه لحرب النــاعمة اجتمــها
والحلف لاقى على شعب اليمن مصرعه

#الشاعر_ماجد_عبدالله_القادري

مسيرة الهدي حرف الصدق من فمها
الحق واضح جميعا كل من يسمعه

النصر فيها مؤكد صدق من حلمها
تاريخها بالثرياء اسمها نطبعه

ومن يخون الكرامة بايذوق سمها
وكل خادع تسعود قررو مصرعه

#الكرار_الجبر

قوم العمالات معروفة مع رقمها
لو حاولت في يمنا تنشر الزوبعة

والشعب رغم المعاناة قد عرف سمها
هيهات بالمكر والتضليل باتخدعه

كم حاولو للمسيرة يضعفو عزمها
وكل من غررو به ضدها تصفعه

#الشاعر_أبوعزام_الشامي

مسيرة الحق ياخي قدعلاء نجمها
لأنها تستقي للهدي من منبعه

ضحت مع الله في الدنيا ولاهمها
ولا تبالي من التضليل والمعمعه

إحنا مع الله ومزروعين في دمها
ومن مع الله صادق دائمآ يرفعه

#عبدالقوي_البطل

وشلة البغي والافساد ذي همها
تشعل فتيل الفتن في الارض وتوسعة

بعزمنا تعرف الانذال كم حجمها
نسوقها لاجحيم الموت تتجرعه

هذا قرار اليمن وقادت اعلامها
يامن نوى للفتن فيها لقى مصرعه

#جبريل_الخدري

المملكه قد وجب ندعس علـّۓ. خشمها
والكون لٱ قد تمادى ندعسه باجمعة

مادام والمملكه في حربنا حلمها
نشر المفاسد ونشر الحقد والزوبعة

نمسح م‌ـــِْن الخارطه يا شعبنا رسمها
وابن النبي سيدي لٱ شك نمضي معة

#صفاء_الحرازي

حسادها معضم العالم على علمها
ونبض الاوجاع في صد العدو توجعه

قد اخرجت كل نفس اتزايدت همها
بالوعي والصدق والاخلاص متقنعة...

الغزو فكري ولكن لن نعيش ظلمها
كل القوى ذي اتت بالغزو لازم تِعهْ

#جواد_محمد

عشرين دولة سحبناها على خشمها
واهل العماله واهل الزيف والزوبعه

وايدي الامريكي تعيش اليوم في وهمها
والجبهه الداخليه من قدم تبلعه

واما المسيرة قويه ما برد عزمها
ومن يفكر يصارعها فبا تصرعه

#ابوحسين_المنصور

الله هيأ وبعلام الهدى تمها
وكل حر وغيور جاهد وربي معه

احرار اسقو ثراها تضحيه بالدماء
يوم المنافق لقي من بأسهم مصرعه

لاعداء الاسلام ساني صوبت سهمها
وأي مندس جنود الله باتردعه

#إتحاد_الشعراء_والمنشدين

https://t.me/aboyahyaalshami

أبطلت كيد الغزاة الخارجيه
وافشلت كل انتقام
واوقفت كمن خلايا داخليه
قبل تحقيق المرام
يا لها من أجهزة نفسي فداها

#الشاعر_ابومجاهد_ابوشوصاء

طير قم حلق وقم شل التحيه
مننا وازكى سلام
للرجال الصادقه والحيدريه
للرجاجيل الكرام
في جبين المجد يترتب صداها

كمن احمر عين ماهاب المنيه
نور شارق للضلام
يسهرو من أجل يرتاح الرعيه
يدحرو كيد الخصام
يسمعو الكلمه يلبو في نداها

#ابوحزام_سامي_المضري

ياسلامي ماتحن الــمدفعيه
وصلوها واحترام
للرجال الصادقه هي والابيه
والكرام ابن الكرام
ذي لشعبه والوطن حامي حماها

لاهجم عاالخصم هجماته قويه
ينتقم شدانتقام
مايهاب الموت لاجات المنيه
دايمن فارس همام
للوطن نفسه رخيصه قد عطاها

#أبوصخر_الجوحمي

يارجال الامن ياوجه القضيه
فضلكم في الشعب عام
تفشلون المكر وانواع البليه
والمخطط والمهام
ياحماة الشعب واعظم من حماها

امننا والقوت شعبي به غنيه
قالها رب الانام
شعبنا واعي محصن بالهويه
أمن عزه وانتظام
شعب متمسك بنهجه وابن طاها

#الشاعر_يوسف_الحداد_ابوحيدر

واجهو قيد الطغاه المعتديه
بالوغاء دايم دوام
اوفشلو مكر الغزاه الاجنبيه
والطواغيت اللام

كل لعبه للعدو صدت رداها

الوطن بعيونهم اكبر قضيه
لاجل تحقيق السلام
لاتراجع والعزايم حيدريه
تردع اولاد الحرام
للوطن والدين قد ربي دعاها

#جواد_محمد

في رضى الرحمن ولأمن الرعيه
لجل تحقيق النظام
تحرس الناس اعين الأمن الوفيه
تقمع آفات الضلام
والثقه بالله والتقوى رداها

للرجال الحارسه شكر وتحيه
والمحبه والوئام
بأسها معروف والقبضه قوية
وشأنها باعلى مقام
والتولي قد تجسد في أداها

#ابوفضل_بن_جربوع

ياسلام الله من اعماقى وفيه
يا الرجاجيل الكرام
ياقروم الأمن واهل المعنويه
يا رفيعين المهام
يرخصون الروح للغالى فداها

يادروع الواقيه من كمن بليه
ماتوانا ماتنام
اضربو العاصي بضربه حيدريه
لجل يفهمها وتسمعها صداها

#ابو_وعدالله_هفج

داخليـه حـــي آمـــــن الداخليـه
ياقـوى رب الأنـــام
يامـن اكسـرتوا خفـاء كمـن خليـه
والطـوابيـر اللــجام
وانتـهاء من راد فتـنه او بـداهــا

أولويـه فوق أيـة اولويـــه
ان نسـاعد بـ الكـلام
والعـمل بـ ايقـاف لأعمـال الرديـه
والتـعامل بـ أنتـظام
روحنـا في وقـت واجبـها فـداهـا

#يوسف_غاشي

شكر منا يارجال الداخليه
وامعزه واحترام
يالعيون الساهره صبح وعشيه
في رضى الله ماتنام
في سبيل الله تترقب عداها

اجهزه عظمى لكم كل التحيه
بالوفاء والاهتمام
صادقين العهد ياشعب الحميه
شوف درعك والحزام
من نوى يغزيك يحرق في لضاها

#محمد_المهتدي

اليمن حرة وبا تبقى عصية
ع الخفافيش اللئام
دام فيها احرار تنجح كل كيه
دائما سيف وحزام
غالية والقوم با تحمي حماها

يا يمن لإيمان يالأرض النقية
يالغلى يا ارض سام
للعلا والمجد تبقي معتلية
كل خطوة للأمام
والحضارة كلها دمانا فداها

#عدنان_سالم_الذويبي

الولاء الصادق وحب القضيه
يجعل القاسي حطام
من وثق بالله مايخشىالمنيه
في خوط الاقتحام
وداخلية شعبنا داسة عداها

الراجل الاوفياء في الداخليه
من حمونا كل عام
هم رجال الله ودروع البريه
خير من حفظو الانام
دام عز الداخليه في علاها

#أسـامـة_المـعبـاء

الرجال الامنية صبح وعشية
حاضرة حسب الدوام
للمهمة في اتــم الجــاهزية
بعين مايمكن تنام
وجاهزة للحرب لادارت رحاها

افشلت كل الخطط الداعشية
وكل اعمال اللام
حصنت كل الجباه الداخلية
من مكاييد الظلام
بفضل ربي وحسها الامني وذكاها

#ابوزيد_محمود

ياالحيود الشامخه والمعتليه
ياالنوايف واللكام
ارفعي منا تحيه عسكريه
عد قطرات الغمام
كل من في الكون بايسمع صداها

للعيون الساهره في الداخليه
ذي تنفذ للمهام
فرد واحد منهم يسوى سريه
ضهر للخط الامام
لاالمعركه نادت لهم لبو نداها

#ابوحسين_المنصور

يارجال الامن ضربتكم قويه
تستحقو الاحترام
حس امني في اتم الجاهزيه
عين لايمكن تنام
والنفوس العابثه تلقى لظاها

من يريد الخلخله يلقى المنيه
مارجع فيها كلام
ومن يبيع ارضه من الخارج هديه
بشره بالانتقام
والخلايا العابثه تبت يداها

#ابوحرب_العتب

إحترام الشعب كله في هدية
للرجاجيل الكرام
من حماته والجنود الحيدريه
جندربي في الأنام
جيشنا والامن ياحيا صداها

صادقين الوعد مايخشوا المنيه
هم صناديد المهام
يرصدوا الاعداء ماحاجه عصيه
عند شعبي والنظام
ربنا اعلا الجند واهلك من غزاها

جريح الحرب #ابوجمال_الدين_المرشحي

جند ربي في الدفاع والداخلية
يستحقوا الإحترام
والمحبة والوفا صبح وعشية
منك ياشعبي دوام
للذي من أجلنا تبذل دماها

#أخت_شهداء_البكالي

يالعيون الساهره. امن وحميه
اقبلي اعظم سلام
مننا احرار اليمن ذيه وذيه
مننا عهد التزام
اننا بالعز نشمخ لاسماها

يالرجال الصامده ارواح حيه
ضد ارباب الضلام
اشمخوا لاعلى القمم صوره بهيه
هيبة الشهم الهمام
خبروا الاعداء ان الموت جاها

#إتحاد_الشعراء_والمنشدين

https://t.me/aboyahyaalshami