المجاراة تعبير عن موقف #الشعب_اليمني الصادق بنصرة القضية الفلسطينية.

البداية #ابوالكرار_المجنحي

قف يا زمن بس وقفة كبريا واجلال
لشعب الايمان ذي ماحد وقف مثله

وقايده ذي يطابق قوله الافعال
عبدالملك دام عزه للوطن كله

#الشاعر_جبر_المهدمي

هذاهوالموقف الداعي للإستبسال"
والواجب المبدئي فالدين والمله"

وطوفاننا جالإسرائيل بالأهوال"
والمرتزق كلما ابسر يفتقش عقله"

#الشاعر_ابوجهاد_صبر

شعب اليمن شعب تتفاخر به الاجيال
مواقفه بالزمن يشمخ بها نسله

وقايده قايداً تضرب به الامثال
مابه مثيله ولا بعده ولا قبله

#محمد_الشعيثي

قائد حسيني من احفاد النبي والآل
كل الدول في النهايه باتسلم له

واحنا معه والعبر من سورة الانفال
والعاقبه دايماً والنصر للقله

#امين_التركي

بسورة الفاتحه بانفتــــح الاقفال
ويدخل القدس هيهاته من الذله

وننفل الصهينه من سورة الانفال
وابن يامين با نقلــــــــع له العله

#عبدالوهاب_الفقيه

شعب اليمن جنب غزه بلجسد والمال
ولن يساوم وعاد القدس محتله

مسرى النبي بانطهرها من المحتال
وشعبنا بلكرامه يرفض الذله

#عبدالعزيز_الغرباني

اصل العروبة يمنا موطن الأبطال
عبر التواريخ يبقى للوفاء قبلة

أنصار طه وآله مضرب الأمثال
بين الأمم فخر للإسلام والمله

#الشاعر_ابو_صقر_شعلان

وقفة يماني مقنف حيدري رجال
ثابت علا موقفه في سلم او قتّله

وان زاد كثرت عدئنا مانعيد ذي قال
لن نُـغلب اليوم في الميدان من قَله

#الشاعر_ابورعد_الزايدي

احنا اليمانين ذي تضري بنا لمثال
باالعز والجود والناموس والرجله

احرار مانقبل الذله ولا الاذلال
نركي لحمل الثقل فاالضيق ونشله

#ابوحسن_المجنحي

شعب اليمن منبع الايمان والابطال
شعب البطولات ذي واقف على المله

لنصرة الحق مايخشى من الاهوال
ولاتعود على التطبيع والذله

#ابوهادي_عقاب

شعب اليمن قام واستنفر كما الزلزال
وصار طوفان للاقصى ومن اجله

مع الصواريخ جند البحريه شغال
والسيد القايد لغزه شهد فعله

#احمد_عبدالرحمن_الظمين

نقسم بذي نزل الأحقاف والانفال
مايوم نوقف وعاد القدس محتلة

أو يوم ننسى دماء النسوان والأطفال
َالي سفكها كيان الكفر والذله

#ابو_محمد_دحان

شعب اليمن شعب مؤمن ملتزم فعآل
وقايده من بني هاشم عريق اصله

عبدالملك رأس قاسي والقرون جلآل
وشعبه الحر في ما قال سلم له

#ابوكنعان_الروس

عزه شهامه مروة عزم وأستبسال
ساس العرب والاساس والراس والنصله..

نوالي الله وطه والوصي والأل
عبدالملك واجب العالم يسلم له

#احمد_تاج_الدين

لِش يافلسطين لو نتحمّل الأثقال
أنتي لنا الأولوية وانتي القبله

مع سليل النبوّة نحوش الترحال
هذا هدفنا بأذن الله نوصل له

#أبورماح_شداد

حال اليمن حال غزه والرجال ابطال
ومحال ومحال.. تحتل العداء القبله

اقواله افعال وافعاله للأعداء أهوال
كم كل دجال ذاق الويـــــــل والذله

#ابـومـازن_الـرازحـي

اشجع واكرم شعب على مدى الأجيال
والله بأعظم قيادة قد جمع شمله

مواقفه في الصدارة مضرب الامثال
وما ثُـقـل من قضـايا أمته شله

#الشاعر_عبدالحكيم_ابوهاشم

يشهـــد لنـا كـــاتب التـاريخ بالأقـبال
في نصر الأقصى نموت الكل من اجله

قال اليماني بذلـنا النفس له والمــال
نطـهّــره نقـتلع صهيـــون من أصــله

#ابو_علي_عركم

شعب اليمن قد فعل ذي ماخطر في بال
في ضل قايد فلا بعده ولاقبله

إيلات تحرق والانذار عادهو لازال
وفي البحر الاحمر سفن صهيون مشتعله

#عبدالغني_ضبعان

دون وسجل تواريخ اليمن في الحال
من عام لا عام جدد شعبنا سجله

في البحر الاحمر وايلات يضرب الامثال
دفاع على المسجد الاقصى وما حوله

#عبدالقوي_البطل

شعب السند والمدد في كافة الاحوال
ثابت على الحق ماأتحول عن الملة

انصار دينه وهم من قال في الأنفال
الله عنهم اعزاء يأبوا الذلة

#مقبل_العماري

شعب اليماني مع الله شايل الأثقال
أرسل صواريخ الى ايلات بالجمله

اصدق وعوده في الميدان بالافعال
وطلق حياة الخنا والخزي والذله

#ضبيان_فرحان

وثِق بأن اليمن ثابت على المنوال
مع المهيمن مع طه النبي واهله

في نهج اعظم رساله والنبي والآل
وثق عراه الزمن والشعب والدوله

#بشار_عباس_الشومي

لبيك رهن الإشارة هذي الأبطال
والكل جاهز عتاده باليمن كله

هبه مع الله نبذل النفوس والمال
محال نسكت والأقصى عاد محتله

#مرتضى_ناجي

من اجل غزه بذلنا الروح قبل المال
يـالله تقبل مـن ( يمنا) بذلـــه

مالقينا وسط حكام العروبه رجال
ما غير مهدي محمد عارفي بالرجله

#ابوزيد_الزبدي

مواقف الشعب هذا تثبته لفعال
وضربته في وسط إيلات تشهد له

شعب اليمن منبع الاحرار والابطال
مايترك القدس لسرائيل تحتله

#نبيل_المهدلي

ذي قادنا من هدى القرآن والأنفال
لولاه ون اليمن للشر محتله

سطر مواقف بها با تفخر الأجيال
والفضل بعد اللطيف الله يرجع له

#هيثم_المعنقي

شعب امتلك قوة الايمان والابطال
وواجه الكفر بالتفريد والجمله

المجاراة عن ( المواقف تكشف الولاءات )

البداية #ضيف_الله_سلمان

ذي ما تولّى الله..وآلى الشياطين
نوع الولاء تشهد له الفاعليه..

اما مع اسرائيل والا فلسطين
والمرحلة فيها المواقف جلية..

#ابورواسي_أرحب

وألي خلق آدم وحواء من الطين
ماننثني عن حربنا المفصليه

والشعب ذي واجه بمؤته وحطين
اليوم في غزه له الأوليه

#إلياس_المقدشي

شفت الخيانه في وجيه السلاطين
تخاذلوا في مرحـلة مفصليه

يا باعيين الدين والعرض و الطين
مهزوم من كان اليهودي وليه

#الشاعر_فرحان_السلامي

وليّنـــا ربــي بكُــل البـراهيــن
نثبت ثبوت الشامخات العلية

و عزمنا نصرة لكُل المساكيـن
نيـراننــا تفتــك بشـــر البليـــة

#عبدالله_المسعدي

مع ابن بدر الديـن باننصر ديـن
والوعد وعد الله ينصر ولية

مِنْ فَضْلِ رَبِّي نَصْرنَا قَابَ قَوْسَيْن
ومرحلتنا مــــرحلة مفصلية

#الشاعر_جبر_المهدمي

تشهد مــــواقفنا بكل الميادين"
إن الـــولاء لله وطــٰه نـــبيه"

لجل القضية مانهاب الفراعين
وتحريرالأقصى عندناأولويه

#عبدالواسع_صايل_الغولي

ابليس خلق من نار والناس من طين
و ناس تبع لابليس وابليس وليه

يا اهل الولاء للامركة والسلاطين
الفوز لمن رب السماوات وليه

#ابومالك_الكوماني

الأمر واضح ما يبا له براهين
ومعركتنا معركة مفصليه

أما نفرنا ننصر الله والدين
في بحرنا وخطوطنا الساحلية

والا خضعنا لليهود الملاعين
ولعصر الاستعباد والجاهلية

#رامي_السوداني

قمنا مع الاســلام ياخاذل الدين
ب كبود.من وحي الهدئ ممتليه

والعمر كله ينقظي في الميادين
ماهي حدائــــــــق تسليه بابليه

#الشاعر_ابو_صقر_شعلان

يالله يا مولى الرجال الميامين
شعب اليمن اثبت بأنــــك وليّه

وكل من وآلى اليهـود الملاعين
باندخله فــي كشف (شر البليه)

#ابوالعباس_مفلح

وولاية الله والنبي وآل ياسين
امان من الاضلال والجاهلية

وولاية ابن البدر من منهج الدين
من هو معه مضمون ربي وليه

#ابوصالح_العملسي

واطي تولئ ناس أذلاء وواطين
قد ردوا الأمة الئ الجاهلية

حتئ المشايخ أولياء للسلاطين
يفتوا حسب توجية كمن بلية

#محمد_ابوالعز

حـدد خـيــاراتـك بكل المـيـــادين
اليـوم يا اســــــلام او جـاهلــــيه

الحق والباطل صراعه على الدين
و المرحــله يا قـومــنا فيـصــلـيه

#ناجي_القطيبي

من كان له موقف يبدّيه ذلحين
وبانقيّم. (موقفه) من هنيّه

انّه مع غزّه يدافع. عن (الدّين)
والافربّ البيت الابيض( وليّه)

#ابوقصي_العويري

واللي خلق آدم ابونا من الطين
أنّا تولينا البيوت العليه

ذي باتذكر حلفهم يوم حطين
وليوم خيبر عندها قابليه

#عبدالله_الحرفي

عبدالهوى والا اليهود المساكين
واليوم جا احفاده تولّو وليّه

افتاهم ان النحل مثل الذبابين
والفرق واضح بين هذا وذيه

#الشاعر_نضال_حُميد

يامعركة طوفان الاقصى وحطين
عادت قريش وعادت الجاهليه

لابد مانكسر غرور السلاطين
ونبيدهم فى الجبهه الساحليه

#الشاعر_عبدالقدوس_الصباحي

لو ينتهي تكوين من بعد تكويــن
او يرجع الاســــــــــلام للجاهليه

هذه مسيره قادها سيدي حسين
واحنا لها والله ناصــــــــــر وليه

#الشاعر_ابوجهاد_صبر

قُل للممالك والملوك والسلاطين
ذي مـا تـولّـى الله مـن هـو وليه

احنا ولينا الله لــو نـاكُـل الطين
ولّـنا مـواقـف بـالـشـواهـد مليه

#الشاعر_عبدالحكيم_ابوهاشم

الله مولى الصادقين الميامين
من كان له مولى فـ طه وليه

ومن مصاديق الولاء للموالين
وقوفهم في جربنا المفصليه

#ماجد_المطري

ولاية الرحمن وإلا الفراعين
كلاً يحدد بالمواقف وليِّه

إما مع ربي والاعلام والدين
وإلا ولاية بايعين القضيه

#ابراهيم_الغولي

واحنا زحفنا لجل غزه ملايين
بأمر ربااااني وطاعه. وليه

رجال تعرفنا جميع الميادين
شموخنا فوق الجبال العليه

#ابراهيم_الحجلي

هي مرحلة يبتان فيها الملاعين
والمفتري مافي يده اي حيله

ياصاحبي واختار دربك من الحين
ماعادها ياصاحبي جاهليه

#أبو_علي_عركم

ذي مايوالي آل بيت النبيين
يعيش عمره عيشة الجاهليه

واحنا لآل البيت دوماموالين
قدبان موقفنابهاذل القضيه

#ناجي_القعود

وحنا اولاه العزم احنا اليمانين
وحنا حماه الدين وانصار وليه

مانترك الاقصى ودم البريين
لو مابقي في الجسم حتى خليه

#علي_مغلي

وذي ما تولى بايذوق الأمرين
وتصبح اعمالة بلا فاعلية

واحنا تولينا علم ينصر الدين
ولا ارتضينا لعبة الهوشلية

#ابوكنعان_الروس

المندب الخندق والأحزاب وحطين
الحق واضح والشواهد جليه..

اما يدس الراس في قحلة الطين
يا ملة الاسلام ياالجاهليه..

#ابوفتح_الجرادي

كشف الحقايق بان زيف المرائين
ماعـادهــا بيــن البشر منطلـيه

باحداث غزة بان كل الملاعـيـن
والمرحلة هي مرحله مفصلية

#مختار_البحري

ذي ماتولى السبط في عام الألفين
لاتنتظر منه مواقف قوية

مــواقـف الإسـلام قـوة وتــمــكيـن
وامر التولي مرحلة مفصليه

#نصر_حمودي

مع فلسطين رب الاقصى موالين
ذي ماتولى الله من هو وليه

#أبورماح_شداد

حرب الكيان اليهـودي حرب هستيري
مافـــــــــاد زحفه ولا قصفه وتدميره

في غزه انهار صهيــــــــوني وتكفيري
امــا فـــي البحر الأحمر حتم تفجيره

مهزوم يا توم فــــي حربك مع جيري
با تنطلــــــــــق لا جهنم قبل تأشيره

#الشاعر_علي_الوزير

ياشعب الايمان نصرك حسب تقديري
مـربوط بالقدس والاقصى وتحريـره

في جـمـع الاشرار مـن ربي تباشيري
مـن بعـد لاعداد لي قـد تـم تحضيره

بـايغـرق الكـل امـريـكي وتـكـفيـري
وكيـان عبري بـعـون الـلـه وتـقـديـره

#ابومجاهد_الغمري

يا من تباعـد على غزّه مشــاويري
طـوفان حاظر وقاهر تم تطـويره

نقســم برب الفلق يا كل تكفــيري
ما نوقف الا مع الاقصى ولا غيره

بشموخ حـيدر بواجه لو بظافيري
دبابة الكفـــر واتحـــزم بجــنزيره

#الشاعر_عبدالقدوس_الصباحي

مازاد أو قَل في المندب مقاديري
والحرب قانون ماهي أي خبّيره

والله لاكسر رقب من راد تكسيري
والكسر ماينجبر من بعد تكسيره

وبد ما اطرح علئ نعشه مساميري
ذي راد يطرح علئ نعشي مساميره

#ابومصطفى_الرضي

مسيرة البدر تحمل فكر تنويري
وأهدافها نصرة الأقصى وتحريره

فشل عسيري ودسنا كل تكفيري
ومن غزا ارض اليمن يبشر بتدميره

مسيرات اليمن فوق العدو سيري
اسطولهم واجب اغراقه وتفجيره

#ابتسام_شرف_المحطوري

والشر يزهق على ايدي أمة الخيرِ
هم خير أمة اخرجت للناس في السيره

سيرة علي الحيدرة حكمة وتأثيرِ
مفعولها لامس الواقع فلا غيره

مسيرة الحق ترسم خط للسيرِ
إما كذا أو كذا ياصاحب الحِيره

#وسام_الحنش

تهديدكم يالقوى العظمى على غيري
مصيركم في يد ابن البدر تقريره

غير افهموها وربي حسب تصويري
يالبحريه لاتزر الكون وتديره

#عبدالقوي_البطل

كلام معصوب بمنطق حق تعبيري
قال اليماني بصرخاته وتكبيرة

يالعن أبو من سكت باسلوب تبريري
وجاء بتبرير سكوته في أساطيره

احنا مع القدس تعلنها تقاريري
قال اليماني ولافي موقفه حيرة

#أسـامـة_المـعبـاء

يا بارجات العدؤ في البحر لاتسيري
قبلش روابي وجلكسي جالهن سيرة

من قبل مانقول للبالستيات طيري
خيرة عليش يادول عميا ميه خيرة

موقف يمنــا يواجه حلف تكفيري
من اجل تنصير أقصــانا وتحريره

#ناجي_القعود

البحر بحري وهاذا الكل تفجيري
باشل واحط وكلن يستشير غيره

والطير ذي مرصود في جو السماء طيري
بايعلم الكل صيده وقت تفجيره

الوقت محدود وذيهو حير جاء حيري
من قبل نعلن علا المندب بتسكيره

#أبوصخر_الجوحمي

الشعب له موقف الاحرار تشهيري
واللي بيسمع علمنا صاب بالحيره

غزه تحاصر وفيها حرب هستيري
واحنا نوقف على اسرائيل تصديره

نضرب نحاصر ونقصف قصف تدميري
صهيون واللي معه باننهي تدميره

#الشاعر_نصر_الصوبي

نافخ في الصـــــــور لا نافخ انا كيري
واقــــــــــوالنا افعال مشي إي خبيره

وموقــــفي الجد صاروخ عُد تدميري
مع فلســــــــطين هبت ريح اعاصيره

وبــــــــــحرنا فيه ممنوع إي تبحيري
لصــــــــــهينه والحليم تكفيه تأشيره

#زياد_زيد

فوق العدو يالمسير في السما طيري
القدس قد حان بإذن لله تحريره

خاب العدو حسب تفسيري وتعبيري
طوفان الاقصى عليهم قد نفخ كيره

لو يحشدو جيش مارنزي وتكفيري
في البحر الأحمر هلاكه بل وتدميره

#أخت_شهداء_البكالي

كل الخيارات مدروسه بتقريري
واحنا مع البدر في قوله وتقريره

ان قال تفجير فالتفجير تفجيري
ضداليهودي وضد امريك لاغيره

وموقف الشعب ثابت دوم تحذيري
لوهددوا. قصفنا ديره ورى ديره

#ماجد_المطري

لو حلف واشنطن اتداعى لتفجيري
يتفجر الوضع في من رام تفجيره

وان حشدوا ضدنا ذري وتدميري
ف البحر من جا لنا يبشر بتدميره

ما با نبقي نتنياهو ولا كيــري
ونافخ الكير بايحرق مع كيره

نرجِّع الغرب للعصر للطباشيري
وموعد القدس قد لاحت تباشيره

#الشاعر_ابوجهاد_صبر

اين بايسير اليهودي من  لضاء  كيري
فـي البحر ممنوع  توريده  وتصديره

أزكــى تحـيـاتـي وشـكـري وتقديري
علا اليمن من براقش لا وسط صيره

ذي جنب غزه وقف موقف بتعبيري
مـا بوصفه قـط والافـكـار في حيره

#الشاعر_ماجد_غانم

هذا اليمن مش مسلسل توم اوجيري
الدم حامي من الله واكتساء غيره

لناء قياده وقايدفوق الاسطوري
انذاره انذار والمتبوع تحضيره

ركع دول تمتلك نووي وفسفوري
وكم من احلاف تتلاشا على كيره

#جميل_الجنيد

مهما قوى الشر تحشد لجل تغيري
عن موقفي نحو غزة صعب تغييره

بيان واحد لحلف الشر تذكيري
والله ما في لنا يالمعتدي غَيْره

بعد العلم والقيادة ياليمن سيري
في نصر غزه والاقصى لين تحريره

#حمد_الكبسي_الوايلي

يا كل عربيد متكبر وسكيري
شعب اليمن منتصر فلحرب ماغيره

بقـــــــوة الله والقايد وتكبيري
منهو غزى شعبنا يبقا فقط سيره

سل كل تركي ومصري كيف تعسيري
عاد الجماجم لحد اليوم في الديره

#مقبل_العماري

الكل يسمع صدى صوتي وتكبيري
والقدس على ايدي رجال الله تحريره

من كل كافر ومتغطرس وتكفيري
نفينه من قدسنا ويتم تهجيره

من بحرنا اليوم لا يجزع ولا طيري
والأمر لله عايد طول والخيره

المجاراة بعنوان #لستم_وحدكم

البداية #الشاعر_ابوكنن

يافلسطين لستم وحدكم
من معا الله ماهوشي وحيد

واصلوا يدنا في يدكم
ياالواالعزم والباس الشديد

#ضيف_الله_سلمان

الكيان انتهاء في حدكم
جسدوا وعد ربي والوعيد

شعب الايمان كله بعدكم
شعب ما غيره الناجي الوحيد

#عابد_المدم

ردنا لليهودي ردكم..
والغنايم والاسرى والعديد..

فاوضوا وأشرطوا ذي ودكم..
وابدعوا وأختموا في ظهر جيد..

#محمد_الجرف

مدنا الله ذي ما مدّكم
يالمريكان واعطانا المزيد

عندنا كل ذي ماعندكم
بيد الامريك يالقهّار بيد

#أبويوسف_القاري

كل ساكت وواقف ضدكم
يلعنه من لعن قبله يزيد

واليمن في مسيرة رفدكم
قادها صاحب القول السديد

#الشاعر_جبر_المهدمي

كلـــنا يافلسطـــين جندكم
لاتراجع ولايــــمكن نحيد

ومجدناذي يحيي مجدكم
عز" والنصر ماعاده بعيد

#ضيف_الله_هجوان

يافلسطين افــــــدي جدكم
اصمدو واثبتو مثل الحديد

وانعتــــــونا متـى ما ودكم
بانجي نعصد الدنياء عصيد

#ابوبدر_ذيبان

ياشويقاه من هو عندكم
داخل انفاق والا وسط بيد

اقتحم تل ابيب من حدكم
فوقهم فوقهم واصعد شهيد

بلبل النصر #حسن_المهدي

عـيـدوا يــا صـهـاين عـيدكم
وارقصوا فوق جثمان الوليد

واعـمـلوا فـالجرايم جـهدكم
قـبلما الـبحر يـجرفكم بـعيد

#الشاعر_فرحان_السلامي

يا فلسطيـن يبقـى عهـدكُـم
و اليمن جنبكُم ما هو بعيـد

نحـرق الامـركـة و نمـدكُــم
بالسلام المصمم و الشـديـد

#ياسين_الفروي

با تجو او نجي لا عندكم
لو حدود اليمن منكم بعيد

وين ما رحتو احنا بعدكم
حربنا حرب لا يوم الوعيد

#محمد_ابوالعز

يا فـلسـ.ـطيـن لستم وحـدكم
قدمعاكم اولي الباس الشديد

شعب الايـمــان كله جـنــدكم
اضربوا كل شـ.ـيطان ٍ مـريـد

#الشاعر_ابوجهاد_صبر

سعدنا يا اهل غزه سعدكم
والغثا من غثا الشعب السعيد

قـبـلـكـم في الوغاء او بعدكم
كلنا دم يـجـري فـي وريد

#أحمد_محمد_الضمدي.

عندنا غزة وصنعاء عندكم..
والشهيد اللي بغزة من زبيد..

جُند الانصار ياهل غزة جُندكم..
والشهيد في بحرنا نفس الشهيد.

#أبوالكرار_المجنحي

يا فلسطين ماهم قدكم
القرود الخسيسه والعبيد

اضربوهم وسوو جهدكم
معكم الله والشعب السعيد

#شداد_حُميد

سدد المقتدر تسديدكم
وانحنى كل جبارا عنيد

ليت والله واحنا عندكم 
نفدي القدس انا وابني شديد

# علي_ محمد_ المحاقري

انـتـصـرتـوا وما احد قـدكـم
ياكتايب بأسها يرعـد رعـيـد

ذاق الاعــداء صـلابـة ردكـم
وانكسر سيف صهيون البليد

#ابوهادي_عقاب

يا اهل غزه وشدوا حيلكم
الوهن فاليهودي شي اكيد

شعب الايمان كله جنبكم
يعصد البحر وامريكا يبيد

#الشاعر_عبدالحكيم_ابوهاشم

جندنا يا فلسطين جندكم
لو وقع مننا مليون شهيد..!!

نقطع اليد ذي تمتدكم
حسب قول القياده والعميد..!!

#ابوبحر_علي_احمد_مطر

اصمدوا وابشروا يا شدكم
قد دمانا بتغلي فالوريد

علمنا ذي وصل لا عندكم
علم واضح ونسعى للمزيد

#الشاعر_عبدالقدوس_الصباحي

حريتكم طلبنا وامنكم
غير هذا القظيه مانريد

من هنا بايجيكم نصركم
لو بقي شعبنا كله شهيد

#محمد_الصايدي

بـ الـيـمـانـيـن ربـي مـدكـم
شعب راوي من القول السديد

والله انـا عـلـىٰ مـاودكـم
لـو تميـد الرواسـي مانـميـد

#جلال_الغولي

يافلسطين كنّا عندكم
حربكم حربنا والله شهيد

كله الكون لو قام ضدكم
اليمن جنبكم مابايحيد

#ابو_مجاهد_الغمري

لا قد اشّر نجي لا عندكم
سيدي صاحب القول السديد

تصبح حدودنا عن حدكم
مثلما بين صنعاء لا زبيد

#أبورماح_شداد

جاهدوا حلف الأعـــداء جهدكم
وإضربوا الغزو ضربه من حديد

سبحـــوا مـــن بجنده مـــــدّكم
واليمــن ترعـد امريكــــــا رعيد

#وديع_داعر

شعب الإيمان كله يفدكم
يشهد الله والـواقـع شهيد

كلنا ضد من هــــو ضدكم
عهد نفنى ولا عنكم نحيد

#امين_الراجحي

ابن حيدر وشعبه نصركم
يافلسطين بعد الصوم عيد

واليهودي يغادر ارضكم
قبل ما نعصد الدنيا عصيد

#صالح_حسين

ذي مع الله ماهمه بكم
لا، ولااهتز من حشد العبيد

يافلسطين لستم وحدكم
دام عبدالملك قايد وسيد

#ابـومـازن_الـرازحـي

حن سندكم وحنَّا زندكم
يافلسطين والله الشهيد

لو بِعدنا فلستم وحـدكم
قالها صاحب القول السديد

#ابو_نواف_العرجلي

سَيل الأنصار يتبع رعدكم
يكتسح كل شيطانٍ مريد

قوّة الكفر ماهي نِدّكم
دام معْكم قِوى الله المجيد

#ابوفتح_الجرادي

نلــعن ابـأكـــم ونـلعــن جـــــدكم
لعنت الباري على اصحاب الوعيد

يــايهـود انتـو وكامــل حشـــدكم
باتــــــذوقو مننـا البأس الشــديد

#الشاعر_ابوحرب_الموكر

السفن والبوراج حقكم
ساقها الله للانصار صيد

ان قربتو لعنا جدكم
وان حشدتو نقل هل من مزيد

#حرب_مشحم_صعده

خابت اظنون منهو ضدكم
والفرج لآح يا الشعب الفريد

من يبى الموت يقرب حدكم
ياجيوش الردى هل من مزيد

#عبدالله_حسين_مسعود

يا فلسطين حيا جهدكم
ذوّقوا الخصم في الدنيا صديد

من قوى الله قوة جندكم
واليمن جاء بوعده والوعيد

#أبوصياد_الغمري

المجاراة دعوة للمشاركة عصر الجمعة في المسيرات الكبرى في ميدان السبعين وكل المحافظات تحت عنوان (دماء الاحرار على طريق الانتصار)

البداية الشاعر #بسام_شانع

تفويض مطلق والقيادة حكيمة
والحشد مليوني ومليان تسليم..

اصرار رغبه معنوية عزيمة
مثابرة همة إرادة وتصميم

#عبدالمنعم_المتوكل

عـواقـب أمريكا عـواقـب وخـيـمـة
في معركة كبرى من اقليم لا اقليم

مــاشــي لـهـا ولـ حلفها إلا الهزيمة
لـو شـاركت بمية تحالف وتنظيم

#ضيف_الله_سلمان

في شعبنا كل المواقف عظيمة
توقف لها الدنيا مهابة وتعظيم..

قولوا لامريكا العجوز العقيمة
كل اليمن يعني(الف لام ياء ميم)!!

#الشاعر_ابوحيدر_عامر

اما اليمن دوم اليهودي غريمه
لن يقبل الفرقة ولا اي تقسيم

ذي لقن اسرائيل اكبر هزيمه
وايلات حطمها ببركان تحطيم

#عبدالله_الجرفي

الصمت عن حرب الإباده جريمه
تضامن، استنكار، تنديد، تجريم

الحشد ضربه للعدو في صميمه
والسيد القايد من الله تكريم

#سلطان_خضران

لا كل ساحه كل من فـــيه شيمه
يخرج غدا كل الــرجال الشغاميم

تلبيه للسيد ونعـــــمه عظــــيمه
ان نجتمع في كل جمعه معازيم

#ابوسياف_البيحاني

يا شعبنا المغوار شد العزيمه
الوضع يتطلب اراده وتصميم

خروجنا بكره لها الف قيمه
لها دلالتها وحكمه وتقييم

شاعر الاحرار #ابوالعباس

في ظل قايد با نشد العزيمة
ونحط همتنا على العز ونقيم

انصار ربي والخطى مستقيمة
وعزومنا والمرجلة تنطح الغيم

لبيه يا تاج القلوب السليمة
واحنا معك طاعة ومبدا وتسليم

#سيف_حسن_العامري

لبيه سيدنا بسينه وجيمه
غدا ترممها الرجاجيل ترميم

مابا يكيف جانب احذي حريمه
من دون عذر الا منافق وذميم

#ابوشهيد_القطمي

مادام والخطوة مع الله قويمة
با نحتشد في كل سنتي و مليم

لبية ابوجبريل نفس العزيمة
والشعب سلم نقلم الشر تقليم

#حسين_الدهمس

للحشد في السبعين معنى وقيمة
في صد حلف الشر قوة وتحطيم

ماتفلت امـريكاء وتبقـى سليمة
يالبحــر فوضناك لجـنة وتحكيم

#محمد_ابوالعز

يا شعب لايمان حشدنا ذات قيمه
لا كل ســاحـه عـمـموا الف تعميم

خـروج حثت له قـيـ.ـاده حكيـمه
و احنا لها سمعا و طاعه و تسليم

#الشاعر_ابو_صقر_شعلان

تسليم مطلق من مواقف سليمه
وخروج ماقد قيّمـــه أي تقييم

نخوه كرامه مرجلــــه عز شيمه
قوة اراده صبر مايقبــل الضيم

#ابوهمام_سليم_الفتاحي

تسليمنا لـبـن النبـي اكـبـر غـنـيـمـه
والشعب ماضي في اراده وتصميم

شعب اليمن فينا كــرامـه وشـيـمـه
يـخـظـع لنا الـعـالـم مهابه وتعظيم

#ابو_نجران_المرادي

خروجنا  عزه ونخوه وشيمه
تجليل بالنصر الموزر وتاعظيم

ياهل اليمن ياهل الصفاة الكريمه
هبوا مع غزه غداً يالمقاديم

#ابومصطفى_الرضي

الوضع ساخن والمجازر أليمة
والسيد استنفر بدعوة وتعميم

خروجنا له ألف معنى وقيمة
هيهات نرضى بالمذلة وبالضيم

#ابوهادي_عقاب

الشعب جاهز محتزم بالعزيمه
وخروج للساحات لا جاه تعميم

يمن كريم مع قياده كريمه
تسليم وتوكل بلا سين او جيم

#أبوصياد_الغمري

في الغـد بانضهر مواقف عضيمة
ونحشد القوم الذي ترفض الضيم

كمن يماني قد سكن في صميمة
محبة إفلسطيــــــن وبغزه ايهيم

#اكرم_النيعاني_ابونبيل

يهل القلوب اليينه والرحيمه
بيان لا السبعين بكره وتعميم

نقل لعباد الصنم والبهيمه
احنا مع غزه ولن نقبل الضيم

#الشاعر_أحمد_عبدالقوي_الغبسي

الصمت عن تلك الجرايم جريمه
والصوت لادوى فضح كل تكتيم

والحق روا شعبنا من غريمه
والبدر قايد معركة حرب الاقليم

#براق_المنبهي

ياشعب حشد كل نخوة وشيمة
لجل "شهيد" البحر همّه وتعظيم

خلك سحب تحمل معاني وغيمة
من شاهدك ينصاب بآلفين تخميم

#الشاعر_ابوجهاد_صبر

شعب اليمن قدّم وفوّض زعيمة
تقّديم مـا مـثـلـه ولا اي تقديم

من كان كافـر بـعـد ربــي غريمة
عبدالملك ذي له من الله تحكيم

#ابوبدر_ذيبـــــــــان

شعب الاباء والتضحيه والعزيمه
والبأس والشده من الله تكريم

ايماننا راسخ وفطره سليمه
وللعلم تفويض مطلق وتسليم

#ابوحامد_جارالله

اجساد الاطفال للصواريخ غنيمه
ابشع مجازر دون رحمه وتحريم

يانصرة المظلوم ياهل العزيمه
ننصر لغزة باستجابه وتسليم

آيات ربي في كتابه عظيمه
قال انفروا في أمر عزة وتكريم

#الشاعر_ناجي_محسن_المحجري

ذي منعكم يهل النصال القديمه
قدكل شي مفهوم من دون تعليم

كلين منا بايواجه غريمه
يقع قضا الملطام سبعه ملاطيم

#ابوبحر_علي_احمد_مطر

احنا تحركنا بخطوة سليمة
فالبحر سوينا جمارك وترسيم

وخادم إسرائيل شاف الهزيمة
ذي يحسب ان الحرب لعبة في الجيم

#الحسين_المحضار

احنا العصا الي خصها الله كليمه
اضرب بنا ف البحر والبر والديم

لابن اليهوديه تعجل جحيمه
اذن بنا وابشر بنا كلنا نقيم

#ابو_محمد_دحان

كما حشدنا في السنين القديمة
والطايرات مشكله فوقنا غيم

اليوم بانحشد بنفس العزيمه
نلطم بني صهيون ب أقسا الملاطيم

#عبدالحكيم_مسعد_النمري

لبيك يارمز الوفاء والعزيمه
يالقايد المقدام ربعك مقاديم

المجاراة بعنوان ‎#تقييم_الخروج_الجماهيري

البداية #عبدالقادر_البنا

ياحشد سَرَّيتَ الجوانح والعين
فيك اليمن لبى نداء القائد

من كل أرجاء الوطن والسبعين
نقول لمريكا وسعود وزايد

هذا دم الأحرار نحو التمكين
على طريق الإنتصار الخالد

#أبويوسف_القاري

ياسيدي عبدالملك بدرالدين
لباك شعب الصامدين الصامد

لوتشتي امريكا ولندن والصين
معك معك شعب الجهاد امجاهد

اضرب بنا الكفار إما البحرين
ماهي بحاجة غير قاصف واحد

#محمد_مفلح

قولوا لبنيامين وإيدي كوهين
هذا هو الشعب العظيم الرايد

لو نقسم اللقمه لغزه نصفين
والا نقاتلكم الى اخر واحد

بعد ابن بدرالدين في نصر الدين
والله على ما احنا نقول الشاهد

#الحمزة_المغربي

جايين يا قدس العروبة جايين
وحشدنا المليوني اكبر شاهد

بعد العلم نمضي لفتح فلسطين
حتى زوال آخر يهودي فاسد

حيا دنين الميج تسع و عشرين
وشعب مستنفر وعزمه صاعد .

#علي_داشع

مبداء القضيه والكرامه والدين
لي حرك الٲنــصار واحـد واحد

لو بايقول البدر صوب افلسطين
مانصبح الا فيـه والله شـاهد

للداعي املبين لك ياخو احسين
ومعَ القضــــيه بانضل انساند

#زياد_زيد

خروج مليوني وصل لنهدين
هـذا بفـضـل الله ثـم القايد

لبى الندا ذي عاد عمره عامين
والشعب كامل ماتخلف واحد

العام هذا عام نصر وتمكين
مادام والطوفان بجنحه فارد

بانحرق اسفنهم اذي فالبحرين
ونعطل الصادر وذي هو وارد

#الشاعر_ابو_صقر_شعلان

ياحشد بانت هامته لا برلين
انا اقّبّل معصمك والساعد

والعز ماهو شي بحاجة تبيين
مادام زمجر قارحه والراعد

مابش قلق دام اليمن وفلسطين
اخوه علا هذا المقام الصاعد

#الشاعر_عبدالحكيم_ابوهاشم

حسب القضيه والهدى والتبيين
توضح المشروع واصبح سايد..!!

والشعب نادى لا تفاوض لا لين
من بعد توجيه العلم يا بايد..!!

ولا زمان البهطله والتدجين
وانته بكيفك يا منافق حايد..!!

#ابوزكريا_مفلح

‌‎شعب اليمن لازال جنب إفلسطين
كله على خط الثبات مجاهد

أنصار لله في لواء بدرالدين
ماتخضع إلا للقوي الواحد

من كثرهم ماعاد ينفع تخمين
الله يعمي عين منهوا حاسد

#الشاعر_ابوجهاد_صبر

ما بعد  حشد  الـيــوم  إلا ثنتين
لـكـل صهيونـي  مـريـكـي  فاسد

يا يخرجوا من ارض غزه ذلحين
يا يصـتلوا  نــار  العذاب  الواقد

نصف الميه يا لـو طرحنا تسعين
ما يعّرقـوا والقدس  يجلس بارد

#ابوهادي_عقاب

شعب اليمن اذهل عموم الثقلين
بخروج غاض الكفر واللي حاقد

يا خير امه ساندت لفلسطين
وايدت طوفان الاقصى الرايد

ايمان حكمه صبر قوه تمكين
وقياده ايدها الاله الواحد

#عبدالعزيز_الغرباني

يابن النبي ياوارث انت السبطين
احنا سلاحك والرصاص البايد

معك نخوض البحر ولا البحرين
امضي بنا واحنا يدك والساعد

معك نسوق النصر لابن فلسطين
على المريكي واليهود الحاقد

#محمد_البريهي

أنصار ربي والرسالة والدين
تحت أمر سيدنا العلم تتوافد

قضية الشعب اليماني فلسطين
وشوقنا نذهب لها ونجاهد

وبالوفا للعهد دايم باقين
للقدس ما ننسى وربي شاهد

#ابراهيم_الحجلي

ياشعب ذي سيفك رهيف الحدين
انتم اسود الله واحد واحد

بك يفتخر طه حبيب الكونين
لانك سليل المجد شعب مجاهد

وسعود تتفاخر بهز الخصرين
تخيلوا لو هي للأمة قايد

#اكرم_النيعاني_ابونبيل

هاذ الحشود متجهزين وملبين
على طريق القدس والله شاهد

لله ربي والرسول متولين
وللامام وللحفيد القايد

من اليهود المجرمين متبرين
من كل خاين مرتزق ومحايد

#شاعر_بلاد_الروس

اهل الكرامه والشهامه والدين
في كل ساحه حاضره بتجاهد

ماخافت الاحلاف وقمة برلين
لبت ندا السيد وربي شاهد

هذا الحضور ياناس عاده تمرين
والمسجد الاقصى عائد عائد

#الشاعر_متاش

وتحت أمرك سيدي منتظرين
إشارة الفتح المبين الواعد

ناتيك ببنيامين في غمضة عين
بقدس والبركان وطائر راصد

ونحو الأقصى والقطاع متجهين
نطهر القدس الشريف ونجاهد

#ابوعبدالله_صالح_عنبل

اليوم شعبك يا ولد بدر الدين
نفر و لا ابقى بالمنازل واحد

و واحده و العيب لو هن ثنتين
ولا سواها بالولد و الوالد

اما يعود التين لاصحاب التين
والا نموت احرار يا احمد حامد

#الشاعر_ابوحيدر_عامر

الله يلعن والدي بن يامين
والله يلعن والديه القاعد

مافيه ذرة مرجلة ولاّ دين
عند المره واصل مخزن راقد

واحنا تحركن لنصر افلسطين
لو مارجع منا مجاهد واحد

#الشاعر_ياسر_الجرادي

نادى اليمن بدر الهدايه والدين
والشعب لبّى للقرار الراشد

من باتواجه يالذليل المسكين
ياكل صهيوني يهودي فاسد

جيناك في ساح الوغى متحدّين
والله ما منّا تراجـــع واحـــد

#ابوشوامخ_الوعل

هذا هو الاسلام هذا هو الدين
لحرار لبت ما تخلف واحد

خلو دويلات العماله يدرين
ان اليمن لجل القضية صامد

وزيد عادهم رافعين الثنتين
يستشهدو او نصر غاض الحاقد

#ابـومـازن_الـرازحـي

ياشعب حشده أبهت المحتلين
وأذهل به العالم وأخزى القاعد

بخـروج مليوني يفـوق التأبين
ويليق برهـان القـدس والقـائـد

المجاراة بعنوان دعوة للحضور غدا في ميدان #السبعين وكل الساحات ردا على العدوان الامريكي البريطاني وقراراتهم الفاشله.

البداية #نشوان_الغولي

انشروا في كل صفحات التواصل.
#مانبالي_مانبالي_مانبالي

با نواصل دعم (غزة) با نواصل.
في سبيل الله نبذل كل غالي.

ما بقى بين (اليمن) و (القدس) فاصل.
حدنا واحد على اخشام الأوالي.

#أبورواسي_أرحب

بانصل غزه علئ برعة وزامل
#مانبالي_مانبالي_مانبالي

بأذن ربي دعمنا كامل وشامل
ضد ليكود اليهود الرآس مالي

والسفن أما غداء خفر السواحل
أوعشاء طربيد في سود الليالي

#ضيف_الله_سلمان

با نقاتل با نقاتل با نقاتل
#مانبالي_مانبالي_مانبالي

والنفير العام في كل المراحل
جاهزية عاليه والسقف عالي..

هكذا كنا ومازلنا الاوائل
والمواقف نفسها فأول وتالي..

#ابوعلي_عبدالله_القاسمي

كل (ماقال) العدو تحصيل حاصل
#مانبالي_مانبالي_مانبالي

شوكة الحنجور واوجاع المفاصل
للعدو في ساحلي والا رمالي

دربنا درب الجهاد الحق واصل
نحمي الحد الجنوبي والشمالي

#محمد_بلابل

شعبناقد قال في كل المحافل
#مانبالي_مانبالي_مانبالي

حلف شذاذ الورَى يشتي يقاتل
جند باعوا نفسهم من ذي الجلالي

جمعوا الأوغاد من خارج وداخل
لجل نحصد كل أذناب الضلالي

#مهدي_مفلح

قالها شعب الميامين المناضل
#مانبالي_مانبالي_مانبالي

في سبيل الله با نمضي قوافل
وانتصار الحق موقفنا المثالي

وما يحولنا عن القران حايل
وابن بدر الدين غالي وابن غالي

والله انا في مساره با نواصل
لو تحملنا مع الحق الجبالي

#مقبل_جرام

دام موقفنا القوي منصف وعادل
‎#مانبالي_مانبالي_ماانبالي

با نواجه زمرة الطاغوت كامل
في سبيل الله نشتاق القتالي

وسيدي يبشر يهب الشعب كامل
صف واحد من جنوبه للشمالي

وسعوا السبعين لجيوش القبايل
يا رجالي يا رجالي يا رجالي

#راجح_عامر

تحشد أمريكا علينا الكون كامل
#مانبالي_مانبالي_مانبالي

في المجالس والمنابر والمحافل
قالها شعب اليمن وبصوت عالي

واثقين بالله في كل المراحل
ما تغيرنا شدائد أو ثقالِ

#محمد_كرشان

اللجان والجيش ردد والقبايل
#مانبالي_مانبالي_مانبالي

منع ابتكم منع ياخولان طايل
دم غزة دمنا والعرض غالي

من غفل بكرة فهو بالدين جاهل
باحضر السبعين وبااحضر عيالي

#شداد_حُميد

با يرددها جميع الشعب كامل
#مانبالي_مانبالي_مانبالي

با نواصل با نواصل دون فاصل
شاهدو واترقبو لحظة وصالي

 في خبر حصري ومتداول وعاجل
(اليمن تحذف كيان الاحتلالي)

#سلطان_خضران

في طريق القدس بانمضي قوافل
# مانبالي مانبالي مانبالي

بعد ابوجبريل شعبي والقبايل
باترانا عن يمينه والشمالي

ندخل الاقصى وحوله بالزوامل
مانخلي لليهودي قلب سالي

#ابو_ميثم_الزراع

داخل الساحات قال الشعب كامل
#مانبالي_مانبالي_مانبالي

شعب متوكل على ربي مقاتل
ماخشى الطاغوت واصحاب الظلالي

لافواصل لجل الأقصى بانواصل
بالتظاهر والبحار وفي الجبالي

#ابواياد_المطري

يا قضيتنا قد اعددنا الفصايل 
#مانبالي_مانبالي_مانبالي

في سبيل الله ما نخشى الجحافل
القضيه غاليه والقدس غالي

كلنا تسليم لابن البدر واصل
مانبالي دام والله خير وآلي

#الشاعرفرحان_السلامي

إحشدوا يا كل الابطال البواسل
#مـابـالـي_مـانبـالـي_مـانبـالــي

حشدنا في وجـه امـريكـا زلازل
شعبنــا للــه و السيــد مــوالـــي

و العزيمـة نـارهـا ضـد البـواطـل
و اصرخي يا كل الاوتاد العوالـي

#ابوحمزه_المقاش

مـعـركـتنـا مـسـتـمـره دوون فـاصـل.
#مـانـبـالي_مـانـبـالي_مـانـبـالـي

بـا نـواجـه خـصـمـنـا من كـل حـاصل
من عـيـارات الـمـوازيـن الـثـقـالـي

كـيـف يـرضى شعبنا الشامخ تنـاصل
عـن شـمـوخه في مـيـادين القتالـي

#يونس_النزيلي

بانحارب زمُره الشيطان كامل
#مانبالــي_مانبالــي_مانبالــي

العدو يشتي له الا حرب واصل
لجل دين الله يرخص كل غالي

والقســـم لو مابقي منا مقاتــــل
ياانتصرنا يانموت والراس عالي

#الشاعر_ابوجهاد_صبر

رغم تهديداتكم ياكل فاشل
#مانبالي_مانبالي_مانبالي

كامل الاجرام منكم سار حاصل
مابقي بعد النساء هن والجهالي

بد مانجعل مقام الكفر ناصل
ذاك قولي وانتم اخبر في فعالي

#اشرف_الحسني

مانهاب الموت ياعدوان سافل
#مانبالي_مانبالي_مانبالي

لليمن واهل اليمن تاريخ حافل
بالشجاعة في ميادين القتالي

نخرج الساحات ياشعب المراجل
لا دعى السيد رجالي يارجالي

#يوسف_الحداد

بانواصل بانواصل دون فاصل
#مانبالي_مانبالي_مانبالي

في مسيرة حق تزهق كل باطل
قادها عبد الملك سيد الرجالي

بانخوض في طاعتة كل الهوايل
والمسار القدس ياربعي ومالي

#محمد_ابوالعز

اهتفوا بالصوت ياشعب المراجل
#مانبالي_مانبالي_مانبالي

يا رجــال الله يا الجند البـواسل
ياحماة الدين ياخير الرجالي

ام الارهـ.ـاب ادعسـوها بالشنابل
منهي امريكا سوا دولة ضلالي

#ناجي_القطيبي

عصر غدوه بايصيح الشعب كامل
#مانبالي_مانبالي_مانبالي؟

قل لواشنطن ولندن. لاتحاول
تحتزم بالشرعيه والانتقالي

للمؤمن الحر المجاهد كرامات
يتجاوز الرحـمان عـن سـيئـاته

وتضل بصماته شواهد واثبات
من فضل ربي له جزا تضحياته

والصايدي من له مع الله وقفات
من بغمته متسطره مـن شـفـاته

#الشاعر_عقيل_الحسني

انا اشهد له في ربى الشعر بصمات
وهاجسه عايش ولا اعلن وفاته

دايم حروفه في جميع المجالات
من يوم فارقنا وطيلت حياته

صيته يفوق الشماخات المنيعات
والكل يستذكر مكارم صفاته

#الشاعر_منيف_ثعيل

كيف أرثي الإبداع في البحر ذي مات ؟
والشعر  ما يرثي مصابه بذاته

الصايدي ليث الأدب والمهمات
اليوم يحيينا بذكرى وفاته

أحيا بقيفانه قصايد وفيات
تروي لنا قصة وسيرة حياته

لا زال هاجوسه يخوض اشتباكات
ويعلم أهل الشعر من مفرداته

#ماجد_المطري

يا رب عبدك بعد رحلة عطا مات
أدعيك ياذي ماتعد أعطياته

ترفع رياض الصايدي ف المقامات
وفي رياض الخلد تبعث رفاته

مع النبي والآل واهل الكرامات
بالفوز والرضوان يلقى امنياته

#رامي_السوداني

ذكرى صداها حزن قاسي واهات
للمحتوى الشعري على معجزاته

رياض بأقواله رسمنا مسارات
واتبرهن المطلوب من معطياته

الله يجعل مسكنه بين جنات
نعيمها دايم وطيب نباته

جريح الحرب#رفيق_زرعان

صداه يرعد فوق ميناء إيلات
يجسد التنكيل باسمى لغاته

الصايدي روح الجمل والعبارات
كل القيم مستوطنه في رياته

إلى رياض الخلد دار الكرامات
قد نال رضوانه معا طيباته

#الشاعر_عبدالحكيم_ابوهاشم

مهما مدحنا الصايدي في عبارات
ما با نفي حقه ونكمل صفاته

سخر حياته في جميع المجالات
تشهد له افعاله على مفرداته

بدايتـه دلت عليها النهايـات
تاج الشهاده كان اعز امنياته

#بدر_الكهالي

مامات من حرفه يهزه الولايات
ويقلق أهل الخُبث طيب صفاته

رياض روضة شاعرية وواحات
من الجــزل والمفـردة معجزاته

مازال حي الصايدي في الصدارات
ينبوع شعري نستقي من فراته

#ابوليث_المحضار ..

قالوا بأن الجيد لا مات مامات
ولا التراب يحول عن منجزاته..

ورياض باقي كلمته بيننا اثبات
يحيي بها امه وهو في وفاته..

#علي_حشفول_الهلالي

اي والله انه كان رجل المهمات
جسد معاني المرجله في صفاته

رياض منهج من عظيم العبارات
رياض واقع قد رسم معطياته

ابشرك يالشاعر المجد ما مات
واسمك على الاعداء يسوي سواته

يردد البركان من ساحل ايلات
الله ذي سدد لنيل امنياته

#امجد_الصانع

رياض تعجز في وصوفه الابيـــات
تشهد له اليوم بالاباء منجزاتـــــــه

رسم بصبره في سماء العز لوحات
عزيز حر ما انذل ابد في حياتـــــه

معروف في كل الظروف والملمات
فينا تخــلد خالــــــده ذكرياتـــــــه

#زياد_السنافي

ازكى سلام الله وطيب تحيّات
على رياض الشِّعر وازكى صلاته

شاعر وشعره هز عرش الولايات
وفي سبيل الله قضّى حياته

في حضرته تعجز جميع العبارات
يالله في الفردوس تجعل مباته

#خليل_قابيل

رحيله اوجعنا ورب السماوت
ان الوجع لازال يروي صفاته

قلوبنا من بعد موته وجيعات
لليوم هذا ما نسينا سماته

عليه من شعب الصمود التحيات
وافضل سلام الله وازكى صلاته

#مرتضى_شريف

مـــا ميت إلا ميت الذِكـــر لا مات
ما الصايدي ما زال عايش حياته

يساير الواقع إلــى اليوم بـ أبيات
تنفي خبر موتـــه وتثبت بَقَاتـــه

إعلي مقامه يــــــا إله السماوات
ذي كان الإستشهاد أعـز أمنياته

#الشاعر_ابوجهاد_صبر

من الولاء عٓبّاء رياض استمارات
ومــن هـدئ الرحمن يـمّم صفاته

ذاك الذي بـالأمس داس الإمارات
وداس راس السعوده فـي حذاته

والـيـوم قوله مرّغ انف الولايات
وزامـلـه قـد نــال مــنــهــا كفاته

#محمد_ابوالعز

ياحي في صرح الدواوين ما مات
خلد علێ شم الصوافح حياته

لا مر ذكره تنحني صدر الابيات
و عجزها يسجد مع ذكرياته

الصايدي خيّال رمز البطولات
حارت بنات الفكر ترسم سماته

#ابوحمزه_المقاش

الـصايدي لا زال في الـواقـع آيـات
وعـاد لـه ذكـرى بـمـجـرى حـياتـه

فيـنـا تـرك نـبـض الـكرامات وسمـات
نـمـوت نـحـيـا لا ذكـرنـا صـفـاتـه

ريـاض فـخـر الـشعـر طـيب المجارات
اسـمـه سـمـو الـمـجـد نـال امنـيـاتـه

#الشاعر_عماد_قيرح

ذكراك عادت يارياض الثقافات
والشعر في مثواك أدا صلاته

مفعول شعرك مثل مفعول دانات
ونال منها الحلف الارعن كفاته

صلت عليك المفردات الجزيلات
يالشاعر اللي شعره اردى غُزاته

#عبدالقوي_البطل

هو الله ذي سدد لنا كل رميات
وصاب المعادي في جميع امنياته

كلماته الي عشعشت في الخيالات
وحق كانت شاهدة عن ثباته

تغشاه من الله رب الارباب رحمات
وفي جنة الفردوس يلقى حياته

#خيرالله_الخولاني

لازالت البصمات والمستجدات
للصايدي  تشهد مواقف  ثباته

له   البلاغة  ضاربه  بالتحيات
له الادب صلى بصرحه صلاته

افلح من استشهد مع الله اومات
له مغفرة   من  تم لله   حياته

#ذوالفقار_سفيان

يوقف هنا التاريخ ثابت بإنصات
رياض أعظم وارد بمعطياته

شعره يوازي قصف ذري وغارات
جسد مع الله المهيمن ثباته

رياض ابن الصايدي كان بالذات
صدق الولاء والصبر أعظم صفاته

#اسامة_المعباء

المجاراة بعنوان الحرب با تكبر وتتوسع

البداية #الشاعر_ابوحيدر_عامر

الحرب با تكبر وتتوسع
من اجل غزة بانوسعها

ذي ماتوقع قبل يتوقع
أم الكباير بانوقعها

والحية إللي سمها اتوزع
فالبحر الاحمر بانقطعها

#محمد_مفلح

حرام يا صهيون ما تنكع
من حتفها الحتمي ومصرعها

طريقها نحو الهلاك اسرع
مما توهم في مطامعها

وامريك لا تنزل ولا تطلع
ترحل ووعد القدس يجمعنا

#ماجد_المطري

القول سالف والعدو يسمع
ذي ماسمع للآن يسمعها

هدَّاتنا في كل يوم اسرع
تقظ لاسرائيــــل مضجعها

وعـــــاد باتفنى وتتقطع
بعد الجرايم حان مصرعها

#همدان_حجي

هيهات نتواطى ونتزعزع
وعزومنا ماشي يزعزعها

ذي ماسمع ذاليوم بايسمع
   صرخاتنا لابد يسمعها

    لابد مانزمل ومانبرع
في القدس ونطبّق شرايعها

#الشاعر_جلال_السكري

الحرب عاد الحرب باتبدع
واحنا الذي ف البحر نبدعها

ونجعل اسرائيل تتراجع
ونذل هيبتها ونردعها

احنا اساس الدين والمنبع
نقطع مجاريها ومنبعها

#الشاعر_عبدالحكيم_ابوهاشم

الحرب عاد به ثالثه واربع
لاما قوى اسرائيل نقلعها..!!

ومن فلسطين بايدن يرفع
من قبل ما امريكا نولعها..!!

اما البريطاني يـرى يسمع
ماقد حصل لا عاد يوسعها..!!

#ابومحمد_السحاري

الموت لسرائيل برقه شع
والموت لمريكا ومن معها

والذل والخزيه لمن طبع
ومدنق ابراسه ويتبعها

والحق فوق الكفر يتربع
والنصر للاسلام نرفعها

#ابوصالح_العملسي

لن تدخل امريكا ولن تـجزع
والحرب تتحمل توابعها

ذي ماقـــــنع لابد ما يقنع
الثالثة قد بان مــطــلعها

بالراجمة والـوعي والمـدفع
بانحرق امريكا ومن معها

#ابو_ميثم_الزراع

ايران تردع واليمن يصكع
ودولة امريكا نركعها

والقدس بإذن الله بايرجع
وراية الإسلام نرفعها

لو بانرد السايلة مطلع
ماحقنا مابا نوزعها

#رفيق_ابو_علي

النصر برقه فـالسما شعشع
والحاسمه بانت لــــوا معها

محور جهـادي ثار واتموضع
عينه علـى اسرائيل وضعها

لابد ما الاقصـى لنا يرجع
وصرختي فوقـــه نرفعها

#محمد_الاخرم

مهما قوى الإجرام تتجمع
لابــــد بأس الله يــــركعها

عاد الجديد الآن يتصنع
يفوقها لاقصى تــــوقعها

قواتها في البر تتضــــعضع
وفي البحر بالقوة نطوعها

#وليد_الضويني

اليوم نار الحرب باتولع
فالبحر الاحمر بانولعها

واحنا لغير الله ما.نركع
لاعداء بفضله بانركعها

من عالميه ثالثه لأربع
صهيون ثالثها ورابعها

#ابوكنعان_الروس

لابد تألم وتتوجع
وتحس بالنار تلسعها

بالحضرمي راسها نقطع
بكف الانصار نصكعها

لوتنزل السبع مانخضع
كلمه على الكون يسمعها

#ابوفتح_الاشول

و معادلات الحرب باتوضع
والله لأهل الحق شرّعها

الصهينه تُكسر و تتضعضع
والأمركه تهزم بمن معها

قل للدوافع من دفع يدفع
والله ما مخلوق ينفعها

#جميل_ابوقاسم

تغلظ ترق الحرب ماتفجع
مانحسب العالم باجمعها

تشتط من حيت مابتترقع
كلمة وبن صهيون يسمعها

مادام غزة يايهودموجع
لابدماسرائيل نوجعها

#عبدالوهاب_الفقيه

اقوى الدول بالله باتخضع
والله على ايدينا يخضعها

للصهينه بانضبط.المصنع
ونفرمت امريكا ونلذعها

ماشي لهم فلمنطقه موقع
غُدد ولاكن وعد نقلعها

#الكرار_المشراقي

منهو مع الله كيف بايخضع
قولو لاامريكاء ومن معها

والله لونفنا ونتقطع
مانقبل الباطل ونتبعها

والقدس منا عهد لايرجع
والغذة اسرائيل نقلعها

#شاعر_بلاد_الروس

والله لو تسلم وتتمنع
ماحد على الدنياء بنافعها

دام المسير فالسماء تطلع
لابد ماتضرب ونوجعها

الحرب باتكبر وتتنوع
ثم الحصار ذي بايجعجها

#ابوفتح_الجرادي

ماحـد لصهيـون بـايشـفـع
والأمركة حــان مصــرعها

والشر فـي الأرض بايـقُمع
مع قـوى الكـفـر بجمـعهـا

في معركه نارهــا تــولــع
على الشاطين مــافضعها

#الشاعر_ابوجهاد_صبر

اليوم يوم الغرب يتدسع
وهيبة امريكا ندسعها

اليوم يوم الامركه تخضع
وشعبنا ذي با يخضعها

اليوم يوم الحرب تتولع
وابن النبي ذي با يولعها

#ابوعلي_مبخوت

لابد مسرائيل تتجرع
وامريك وبريطانيا معها

قتله ولانقبل بحد يفرع
لاما أللاه الكون يفرعها

لاما اليهودي مننا يرفع
ويفهم الكلمه ويسمعها

#الشاعر_جبر_المهدمي

واحنا لها نهجم ونتموضع؛؛
من كل جانب بانولعها؛؛

شعشع بريق النصرقدشعشع"
واليهوده "بالجِذر" نقلعها.¡

لن تجدي امريكا"ولن تنفع.."
وكل القوى" بالله نركعها"

#زياد_السنافي

من ارضنا اسرائيل تترفع
من قبل ماناتي نصرعها

والامركه قولوا لها مقلع
والا من الكِركَار نقلعها

من ذا الذي للصهينه ششفع
من نار حمرا بانولعها

#سجاد_تشلان

والقصف يتعاظم ويتنوع
يهدم عروش الظلم بأجمعها
.
سقف السما للأرض بايوقع
والا إليه القاع نرفعها
.
مادام غزة عيونها تدمع
عين الكيان اليوم نفقعها

#ابوحاتم_عكه

والبايدن لابد يتجرَّع
حسره ندامه ماتوقعها

لابد من ضرباتنا تدمع
عين النتن ياهو ونقلعها

المحورالحرالعظيم.اجمع
يستأصل الغده وينزعها

#حرب_صعده

مــــــــــــطلوبنا تكبر وتتوسع
واول مــــــــــــطالبنا نوسعها

المجاراة بعنوان خروج الشعب اليمني شاهد على عزة الاسلام.

البداية #ردفان_الرقيمي

إذا الشعوب المسلمة نايمة
صنعآء تِأبى تِغْمِـض أجفانها

تحشد ليوم الجمعة القادمة
مِن قبل يخلَى حشد ميدانها

يكاد حشد اليوم في العاصمة
يـــــزيد عن تعداد سكـانها

ـ #ضيف_الله_سلمان

بالله نتحدى القوى الظالمة
وندعس اسرائيل وكيانها..

والمعركة ما بيننا حاسمة
واحنا سند غزة وطوفانها

لندن وواشنطن في القائمة
في بحرنا تغرق مع ادوانها..

ـ #احمد_درهم

قدراتنا كبرى ومتراكمة
والموت لامريكا وطغيانها..

سبحان ربي ضربته قاصمة
اذلها من بعد عدوانها..

وبيننا قل للقوى الآثمة
مفاجأة با تسمع اعلانها..

#أبورواسي_أرحب

عدالة الله في البشر قايمه
وسنته ثابت علئ أركانها

والغرب حربه كلها ناعمه
أما الوغئ ماهم بفرسانها

والقول في المبدا وفي والخاتمة
قول البنادق صح لّسّانها

#محمد_الحربي

الله يلعن حربه الغاشمه
وحلف واشنطن وجرذانها

و(بايدن )والاسره الحاكمه
ودوله السيسي وورعانها

ولااجل غزه حربنا قائمه
لوكلنا نقتل على شانها

#خليل_قابيل

الشعب هذا وقفته دايمه
في جانب الاقصى وطوفانها

قطّع جذور الشله الظالمه
وارجف قوى امريكا وجرذانها

حشوده المليونيه خاتمه
لنهاية اسرائيل واعوانها

#الشاعر_ابـوريــدان_الجبري

اليوم مازد واسعت العاصمه
وكتض في السبعين ميدانها

شكل القيامه في اليمن قايمه
باتنهي اسرائيل وكيانها

بخاتمه مامثلها خاتمه
وامريك تتبخر بدخانها

#ابومالك_الكوماني

صفوف في الميدان متلاحمة
وقيادة الباري رفع شأنها

وامواجها ف البحر متلاطمه
صنعت بحكمتها وبايمانها

قلوا للاعدا والقوى والواهمه
بانقتلعها هي ومن عانها

#صالح_النقيب

الكوثر الي قيل في فاطمه
باينهي إسرائيل واعوانها

حشود في نهج الوفا عازمه
متحضنه غزه في احضانها

والبحر فيه أمواج متلاطمه
فيه السفن تغرق وربانها

#خالد_البصيري

على سفنهم حامت الحايمه
والبارجـه تشـعل بنيـرانـها

يا قـدسنا زحـوفنا قـادمه
بوعد ربي راسـخ ايمانها

ومنصف المظلوم من ضالمه
معنا على اسراىيل واعوانها

#مانع_البوساني

صنعاء الابيه سالمه غانمه
بفضل ربي ذي رفع شانها

صنعاء الصمود البدع والخاتمه
ذي ثابته مااهتزت اركانها

فيها ملايين البشر خارمه
للحرب كم قد ثار بركانها

#حسين_شرويد

الله يبارك فاللحى الغانمه
تفزع بحكمتها وبايمانها

ضاق الثرى بحشودها الزاحمه
قل للعرب تفتح لها اوطانها

باتشهدوا فـ الجوله القادمه
نهاية إسرائيل وكيانها

#الشاعر_ابوجهاد_صبر

الوعد ذا وعد القوئ الضالمة
والامركه تتكسر اسنانها

قولوا لها قد حامت الحايمة
والدايره دارت علا اعدانها

لا تحسب إن قدها في الخاتمة
وعادها في نصف عنوانها

#زياد_زيد

الصهينة وذنابها وآهمة
في كل يوم تتقلب الوانها

طوفان الأقصى ردها جاثمة
بإذن ربي هــدم اركـانـهـا

زوالها محتوم في الخاتمه
باتحترق في حوم نيرانها

#علي_الشعيثي

القوم في ساحات متزاحمه
في ضل قائدها وقرآنها

ابشر بعزك ياولد فاطمه
نهزم بني صهيون وعوانها

نهاية اسرائيل والخاتم
في معركة غزه وفرسانها

#ابوحسن_المجنحي

احنا السيوف المرهفات الحاسمه
ذي تقطع ايدات العدو وابدانها

واحنا مدد لسلام وقت الحايمه
نوقف مع المظلوم بيوم اضغانها

العز فينا والكرامه قايمه
لاعاش من باع القيم او خانها

#أبوصياد_الغمري

صنعاء لغزة دايمن داعمة
تحمل معاها كامل أحزانها

وجرحها والهم نتقاسمة
بقوة الله نحمي أركانها

ومرحلتنا الرابعة قادمة
بايحرق الصهيون نيرانها

‌‌‎#ابواياد_المطري

الشعب هذا زلزله ناقمة
با تنهي امريكا وجرذانها

والخامسه والسادسه القادمة
با تسحب اسرائيل باذانها

وحرب شعوى ضاريه ضارمة
بايستعر فالارض بركانها

#همدان_حجي

تكسر قرون الضربه الناعمة
حشود شعب العز وإيمانها

حشود حُرية قوى صارمة
الله مولاها رفع شانها....

غزة لنا واحنا لها دايمة
لو تزحف الاكوان باسنانها

#ابوحيدر_الراشدي

جيش اليمن وابطالها الصارمه
متأهبه فــــــــي ظـل ربانها..

على العدو قد حامت الحايمه
من قوم معـــــروفة بإيمانها..

عقود، وأسـود الوغى صايمه
فطورها امريكـــا وغلمانها..

#ابوكنعان_الروس

المسلمة نوم والأعراب متقاسمة
البهدلة والعمالة باعت اوطانها

وجوه بالعار والذلة ترى باسمة
لبن اليهودي تفتح احضانها

ببهام قذرة دنيئة باغيه باصمة
في نسف غزة وسكانها

#يوسف_الحداد

اليوم لاعاصم ولاعاصمه
لامريك واسرائيل واخوانها

صنعاء الاباء السلطه الحاكمه
سبحان ربي ذي رفع شانها

بّـ اعضم قيادة ثايرة حازمة
باتستعيد القدس وأركانها

#الشاعر_ابوحضارة_السويدي

من مجزرة حرب القوى الضالمه
تكــــــــــاد مكه تنزل اركانها

والامـــــــركه للصهينه داعمه
لحربها الضالــــــم وطغيانها

استهدفـــــت بالهجمه الناعمه
من أمــــــة الاسلام فرسانها

#أحمد_الخاشب

هذا اليمن غــزة بمجرى دمه
لو قاتـل العالــم على شـانهـا

يمين لـن تبقى العرب سالمة
مـن نــار تتوقّـــد بسكــانهــا

المجاراة بعنوان موقف اليمنيين المشرف مع غزه من واقع الدين والمسؤولية ونصرتها حين خذلها البقيه ممن يسمون أنفسهم مسلمون.

البداية #ابويحيى_المنيعي

خمسه وخمسين دوله جيش وقياده
مجرد ارقام محسوبه على الأسلام

خاب الأمل والأمل فى الله والساده
وفي نشاما سرايا القدس والقسام

#ضيف_الله_سلمان

واحنا لطوفان الاقصى جبهة اسناده
ونسال الله يبارك فاليمن والشام..

كشف الحقايق تجلى اليوم بزياده
اما مع ابن النبي والا مع الحاخام..

#الشاعر_نضال_حُميد

ذي مافزع يوم نار الحرب وقاده
اسلامه اصبح امام الطاغي استسلام

مادام غزه لاخذ الثأر طراده
فـ الموت لامريك والعنه على الحكام

والنصر مضمون في وقته وميعاده
والله يبارك في انصار اليمن والشام

#جمال_الماوري

إذا شعوب العرب للذل معتادة
شعب اليمن ما رضي بالذل بضع ايام

وان كان الاعراب لاجل الغرب قوادة
كله من التربية.. والعار في الحكام

#محمود_الجنيد

شعب اليمن لجلل غزة فاق تعدادة
ماكل ولا مل رافع راية الأعلام

مؤمن تقي من هدى الله مائه وزادة
سلام ربي على كمن شرس مقدام

#أبوإسماعيل_الجابري

من فضل ربي حبانا عزم وإراده
و عزّ نخوه كرامه قبيله إِقدام

ومَدّنا الله بقائد خِيرةَ القاده
ذي قال قوله على العالم وحط نظام

#عبدالواسع_صايل_الغولي

(( فَعَلَيۡكُمُ ٱلنَّصۡرُ )) قال الله لعباده
وخير من مثلوها اهل اليمن والشام

وبانواصل ونشعل حرب وقادة
لوما قوى الكفر تعلن حالة استسلام

#صالح_النقيب

عدونا ابن اليهودي هو وموساده
واسناد غزه يجيها من مدينة سام

وقايد القاده اثبت فزعة اجداده
من ال بيت النبي كمن بطل مقدام

#ابوعبدالله_صالح_عنبل

شعب اليمن يا سيوف الحق و اجناده
نصرة رسول الهدى جيش الخلاص التام

لبئ نداء القدس والنيران وقاده
فلا تراجع ولا عوده ولا استسلام

#جميل_الكامل

من قبل الإسلام والنصره لنا عاده
نهب للصوت لو حتى مسيرة عام

وبعد الإسلام عادة نصرنا زاده
على خطى المصطفى والآل والأعلام

#الـكـرار_الـعـقـيـبـي

ياثالثـه عالميــــه حـــــــرب وقاده
لما نطهّر ونستاصل قوى الاجــرام

بانقهر الكفـــر والطاغـوت واجناده
والافلا احنا رجال البدر والاســلام

# ابوفتح الجرادي

عادك وعـاد اليمن بـالـخـيـر ولأدة
وما بــدأ غيـر ذي أتـي في الأيـام

اجيال توفي بعهـد الله وميـعـادة
في ضل قايدمحنك حيدري مقدام

#كليم_النجار

جينا على الوعد والنيران وقّـــــاده
والمعركة مستمرة والوَعْد قـــــدّام

ورقاب الانصار في الميدان سدّاده
ملعون من يرتضي بالذل او ينضام

#ابوكنعان_الروس

أطلعت من حرف ابويحيى تنهاده
من وسط وسط الحنيا شقت الصمام

خمسه وخمسين وكثر فيهم العاده
وألف لعنة ولعنة تلعن الحكام

#ابـومـازن_الـرازحـي

خمسه وخمسين حـاكم خـالف العـاده
زاغوا عن الحق وانظموا إلى الحاخام

لا خيـر فيهـم ولاهــم رزح ووسـاده
الخيـر في شعبنـا والقــاده الأعـلام

#الشاعر_بدر_الكهالي

لاخير في أنظـــمة وجيوش منقاده
لما أراد اليهـــــــودي مثل ما الأنعام

الخير في وعد الأخرى حان ميعاده
وفي وفاء من تولـــى الله والأعلام

#الشاعر_عبدالحكيم ابوهاشم

شعب اليمن يشهد التاريخ لـ امجاده
من قبل (الاسلام) حتى هذه الأيام..!!

دام (المـروه) شـرابه و(الوفاء) زاده
بايفتح المسجد (الاقصى) مع الاعلام..!!

#مازن_بَرَاش

بالله ياكاتب التاريخ وامجاده
سجّل ودوّن مواقف نصرة الإسلام

حتى القلم تنتهي كميَّة إ(مداده )
كم يامواقف تبنَّاها اليمن والشام

#الشاعر_ابوجهاد_صبر

أمة وضيعة علا التركيع معتاده
ولا تلاقي بها واحد شلي مقدام

يـــــوم ان غزة بنار الكفر وقاده
ماقام ندد ولا حاكم مـن الحُكام

#حرب_صعده

بقيادة ابـن ابـي طــالب قايد القاده
عـبـدالملك بــدر الأمه خيرة الاعلام

لابُـــــد مــــــا ننهي المحتل واوغاده
وانطهر القدس من قاذورة الحاخام

#علي_الوزير

لاخاب ظـنش وظـن القدس كالعاده
ياغـزه الـعز والـنامـوس فـي لاقـزام

فـرقـاب لانـصار وابـن الـبدر سـداده
والـلـه مـعنا ومـعكـم والـوعـد قـدام

#ابتسام_شرف_المحطوري

شعب اليمن في المواقف عزم وإراده
منذ الأزل ماتوانى في الوغى مقدام

وفي الولاء والشجاعة جسد اجداده
بـالأمس جند النبي واليـوم للأعلام

#الشاعر_متاش

طبع الوفاء والشجاعة لليمن عاده
في نصرة الدين والاوطان والاعلام

اسرى بنا الله للمسرى بميعاده
يوم العرب والعروبة خانها الحكام

#فايز_الحمزي

إحنا مع ابن النبي وسيد الساده
قايد محنڪ علم من خيرة الاعلام

إن خاض بنا البحر خضنآه وفق ما راده
واحنا حماة القضية جُند للإسلام

#ابو_صماد_الفليتي

المـــــّــعركة ضارية والـّنـار وقادة
وشعبنا موقفــــه موقف قوي قدأم

بصمود راسخ بجانب أعظم القادة
بايجعل المعتدي يركع على الأقدام

#ابومصطفى_الرضي

في ذروة إجرام قوى صهيون وإفسادة
وفي زمان ارتداد العُرب والحكام

هيأ لشعب اليمن رب السماء قادة
تحت أمرهم بانعيد النصر للاسلام

المجاراة..

البداية #ضيف_الله_سلمان

سلام يا مصر ويش اخبار معبر رفح؟!
قالوا اشتباكات واستهداف واطلاق نار..!!

ادراني الله ليش الكيل ماقد طفح؟!
واطفال غزة ينادوكم تفكوا الحصار..!!

والله مابا ينال النصر شعب انبطح
ما النصر الا لمن جاهد وخاض الغمار..

لا بد ما نعتصم بالله وبشكل صحّ
وفي هدى الله نلقى العز والانتصار

#ابويوسف_القاري

دير البصل لا تقارنها بدير البلح
ولا تقارن بدار الخلد دار البوار

ذي مارحم طفل جايع عند بابه نزح
لاينتظر من بني صهيون حسن الجوار

وكيف ياخذ بدم جندي وهو ما فتح
لاثنين مليون مسلم من وراء الجدار

بقوة الله ينهار الكيان الوقح
ويخرجوا صاغرين ومالهم من قرار

#جبر_المسعدي

لاسامح الله سامح ذي للعداء سمح
تسرح وتمرح وتمسح دار من بعد دار

والشيخ جراح قدامه وخلفه شبح وشارم الشيخ شخ القرد فوقه وسار

واطفال تذبح وبن فرحان عاش الفرح
وشيخ أبوظبي لتطبيع صلح قطار

والقرح صاب اهل غزه والمجنح قرح
وطير أبابيل سبح بسم الأقصى وطار

#ابوجابر_صبره

مصر الشقيقة شقية والغموض إتضح
هذه حقيقة جليه ما عليها غبار.

رئيسها الإنفتاحي خاين  اغبر صبح
وشعبها شعب مدمن للربا والقُمار

نادر ترى حُر فيهم للوهن ما إطرّح
حتى لو العُهر فيها واسع الانتشار

شلوم يا ام "دنيانا" لمعبر رفح
قد ام الارهاب باتدي العيال الصغار!

#ابوشوامخ_الوعل

من مصر شمّ التخاذل والخيانه نفح
طوفان الاقصى كشف ماكان خلف الستار

غزه تعيش الاساء ونتوا تقيموا الفرح
الله قال انفرو ماقال تلعب قمار

من عاده اليوم راقد بندقه ما قرح
صمته مشجع للعداء في ارتكاب الدمار

الشعب يهتان لا الريس للعداء انطرح
ولا تزول الوصايا الابرفع الشعار

#فارس_المعزبي

المنبطِح منبطِح ماله ولا مُصطلَح
ولا يقرِّر ولا يقدر يخالف قرار

اعتاد يشرب من المالح شديد المَلَح
ويحمل الجّور لسرائيل مثل الحمار

الخوف مزروع في جوفِه وزاد انفتَح
يشرعن القصف ويوافق بدون اعتبار

اَجراح غزة لها قلب الزمان اَنجرح
وهو يغنّي ويرقص فوق حجم الدّمار

#مانع_البوساني

معبر رفح حرب طاحن كم قتل . كم ذبح
والقصف خلَّا المناطق والمنازل دمار

وكلب مصر اختبئ وانحاز مازد نبح
ما همه أطفال غزه لو يسيروا غبار

غشيم من شد ظهره بالوقح وارتزح
ذيما مع أبوه نخوه في حياته. وعار

مدعوس تحت ارجل امريكا رقد واطَّرح
الدِين منه تبراء كلما جاء وسار

#حمزة_الحيمي

عوايد الوقت ما يعتزّ شعب انطرح
ولا يرى العزه المسلوب حق القرار

مهما تحدث بدبلوماسيه او شرح
مهما تفنن في التبرير والأعتذار

مالو به الخير ما كان ارتضى او سمح
من يومها لليهود يهجروّن الديار

لكن قد الله عرّى خافيه وافتضح
كلن عرف ما حقيقة كل ماجا وسار

#الشاعر_ابو_صقر_شعلان

يامصري ازاي ماتقدم ولا مقترح
.منك وهل ماسمعنا جد والا هزار

قرح علا غزه القلب الذي ماقرح
والسيسي ولا خبر كان قلبه حمار

والعز ماياخذه من لليهود اطرح
تحركو بس يكفيكــــم مذله وعار

دروس الايام ماهو من شرحها شرح
ذي ماوقف جنب جاره ماله اي اعتبار

#ابوفتح_الجرادي

مابايجي خير من خاين يجي اوسرح
ديوث منحــط مـاهمـة ملأمــة وعـار

هي مسرحيات سيسي والممثـل فرّح
يمثلوها على حافـظ حقــوق الجــوار

في غزة اطفال تُقتل والنسـا تُنّجــرّح
ومصر تلعب مـع أسرائيل لعب القمـار

أذا قد الكلب الأمريكي عجـز وأطرح
يقوم يفعل زوأبع لجل كسب الحـوار

#الشاعر_ابوجهاد_صبر

من يمتهن لليهود الغاصبة وانطرح
يلقاء جزا جنس فعله بين بارد وحار

كم قلت يامصر جرم اليهوده قد سفح
ولا فهمتي ورديتين رد اعتبار

صهيون قصده يخلينا أثر وامتسح
وغايته لو تطايرنا مثيل الغبار

الامس بالقدس والاقصئ قتل واستبح
واليوم فيش افهمي فكي طريق المسار

#ابوكنعان_الروس

أزاااي مش معقول داه يا فرح
أمااال والسيسي الملعون ذيل الحمار

الوقت دوار والصنفور شكله قرح
وجاكم الصبح باأشراقه وشمس النهار

الصاع بالصاع ياكايل بكيل القدح
هاذا عليك دين ولك معيار غير العيار

#همدان_حجي

عليش يامصر لعنة ما المعدل قرح
عليش لعنة ومليون الف وصمة وعار

السيسي الكلب لو هو كلب كانه نبح
لاكنه اسوا من الكلب الدني والحمار

نهر الأباء جف يانهر الكرامة وشح
ومات شيخ الضمير الحي ولا وطار

يامصر لا تأمني من لليهودي جنح
وسلّم الأمر للغاصب وكل الديار

#جميل_جعفر_ابوشامخ

وجه العرب والعروبه للأسف افتضح
عيونها راقده نامت وفي نوم عار

و كلب صهيون في مسرى محمد نبح
ولا معاهم سواه الشجب والاعتذار

تخاذل الكل والسيسي طلع واقترح
ان يخرج اصحاب غزه لا اراضي اجار

مادام واهل اليمن موجود مابش ضبح
شعب المدذ والسند والعون لا ثار ثار

#جميل_ابوقاسم

معبر رفح بندقه شابك وهوه ماقرح
وتحول الصلب والباروت ذلة وعار

لاهوه قرح ولاهوه ذي لغيره سمح
معبر يهودي من المتيهودين الكبار

والشاوش الي عليه تحت اليهود اطرح
الله لاسامحه هاذا الجبان الحمار

قلول غزة من الله بايجيها الفرح
وأنصاره الي لهم الله واكبر شعار

المجاراة عن عملية استهداف حاملة الطائرات الأمريكية #ايزنهاور ردا على العدوان الأمريكي البريطاني الداعم للعدو الصهيوني.

البداية #ابوجابر_صبره

الحامله مـاعادها حــــاملة
مجنح السيد نعث بطـــنها

أتت إلينــــا حاملة كامـــلة
مارجعت إلا مسقطة لإبنها

#ضيف_الله_سلمان

با تفشل امريكا وهي فاشله
ذي شافته ما كان في ذهنها..

واحنا قطعنا الايدي العاملة
معها..وخيب ربنا ظنها..

#أبورواسي_أرحب

احنا وهم في معركه فاصله
والأمركه ماعذرنا منها

باننصف المقتول من قاتله
ويقع لخيبر درس عرق إذنها

#محمد_الحربي

ونعم بضربه جيشنا الباسله
دقو ازنهاور وسط زغنها

ضربه مجاهد ضربته قاتله
صحت يمينك ياولي اثنها

#جميل_الكامل

نشتي نشوف الحامله مائله
لي منعكم يا سيدي إثنها

ضربة معلم قاضية قاتله
ضربة تظلي العمر تحت اذنها

#صالح_النقيب

هاذا اليمن والقوه الباسله
خلو يزنهاور تزن وزنها

والحامله حملاتها فاشله
وتفشل الغاره وذي شنها

#ابـومـازن_الـرازحـي

هذي رساله للعدو عاجلة
ما بعدها با يختلف عنَّهـا

لا حاملـه تسلم ولا ناقلـه
نثـأر لغـزة واليمـن منَّهـا

#الشاعر_عبدالحكيم_ابوهاشم

من قبل كانت طالعه نازله
تحمل طوايرهم على متنها..!!

الان يا امريكـا قـدي قافله
من اجل (غزة) ماعذر منها..!!

#محمد_البريهي

نزلت على امريكا هنا نازله
واليوم تشكي للدول غبنها

كنا نحذرها وهي جاهله
وزلزل الباري بنا حصنها

#ابو_الكرار_المجنحي

أنصار ربي روسهم صامله
يا قهر واشنطن ويا غبنها

اخبار عضمى جات متداوله
منها بركسل دوخت ذهنها

#علي_محمد_المحاقري

هذا جواب الشعب للواصله
ذي فـجـعــونـا إنّـهـا وانّـهـا

الـيـوم بتبغبغ ومـتـهـاطـلـه
لا بـه عـلـيــــــهـا ولا مـنّـهـا

#محمد_الاخرم

لا طـب مستـشفى ولا قابلة
عدة صواريخ أخسرت وزنها

ضربات مــوزونه ومتواصلة
سلمت يمين الكفو ذي شنها

#ابوعبدالله_صالح_عنبل

الحامله و المركب الناقله
بالبحر نزاع الشوى استنها

و حارسه بالضربه القاتله
عجن حمولتها مع شحنها

#ابوحيدر_الراشدي

شعب اليمن وابطــاله الباسله
للأمـــــــه الاسلاميــــه ركنها

والادعاءات ضـــــدهم باطله
والحق واضح، قل لابو عينها

#الشاعر_ابوجهاد_صبر

الامـركـة قد صـبّـحـت خاملة
مـن شعبنا ذي سِحّبْها بـ.إذّنها

والـ(ايزنهاور) كـامـلـة شـاملة
الـيـوم بطش اهـل اليمن دٓنّها

#أبومالك_الكوماني

لاح الوغى والمعركه الشامله
وصاح صوت الموت عرق أذنها

من شاطئ القلزم ومن ساحله
هب المجنح نام في حضنها

#ابوفتح_الجرادي

هذا بــدايـة اول القـافلـة
وماوصل بس القليل منّها

ياويل امريكا من الواصلة
بايسمع العالم كثير عنّها

#مانع_البوساني

الحامله ولدت وهي جاهله
جاها المجنح ما رحم سنها

لو زوجها عاقل وهي عاقله
يوَقفوا واليهوده دونها

#جلال_الغولي

سبحان من زلزل دول كامله
وربنا في بحرنا هانها

وللبواخر ذل والحامله
ووصل الصاروخ لاحضنها

#احمد_تاج_الدين

رعايـة البـاري لنـا شامله
ألويـل لامريكا ويـا غبنها

لو حاملات الحرب كالقافله
با تنحرق واللي على مـتنها

#احمد_عبدالرحمن_الظمين

ضربة قوية للعدو عاجله
مقابل الغارات ذي شنها

شاهد نجوم الليل بالقايله
وصار في موقف حررج منها

#ابوحرب_مشحم

من بالتعجرف والردى حافله
قريب بـــاذنه نقتحم حصنها

لآحت نهايات القوى السافله
والصهينه يلعن ابـــــــو ظنها

#الشاعر_ابوحضارة_السويدي

هذه رساله ناريه عاجله
للحامله فستوعبو منها

ولا فوعد الضربه القاتله
بالقاضيه باتسمعو عنها

#جميل_ابوقاسم

للحامله ضربات متواصلة
حتى انتهت واكرامها دفنها

لاروحها كلين رفع زاملة
والغرب تبكي ماغمظ جفنها

#ابو_صماد_الفليتي

يامعركة نيرانها الفاصــّـلة
باتحرق أمريكا مع جنــّـها

اليوم لاكافــّـــر ولا حاملة
في بحرنا باننتـــزع بطنها

#احمد_زيد

تـدمر الاولـى مـع الواصله
مـبـاغـته يـسـتغربو جـنـها

الـبـحريه مـتواجده كـامله
ماحد يمر البحر دون اذنها

#أبوحـاتـم_عـكـه

الخصم لن نخشاه ونجامله
وقــوآه لالن نـنـزعِج مـنَّـهـا

والله لن تَـعـبُـرلـكـم قـافِـلـه
به للـيـهـود ابــره على متنها

#ابوحمزه_المقاش

ذا الحامله لا شك فيها خامله
لانها بالموت تحوي متنها

كانت مهمتها مهمه شامله
بس اليماني جاء يحدد غبنها

#ابومصطفى_الرضي

الفيل الأمريكي زهق باطلة
وهيبته قله بدأ دفنها

ويد ابوجبريل هي الطايلة
بايقلق امريكا مع أمنها

#خالد_البصيري

الحـامله ما عـادها حـامله
عندي خبر لا حد سأل عنها

من يد مؤمن طعنته قـاتله
من جنبيه فالخاصره طعنها

#أوس_مرفق

قـــد هي معَ الصاروخيه قافله
وقــــد طلع فــــي راسها جنها

منْها الموانـــــي خاويه عاطله
والحامله منخوع قفی حضنها

#زياد_زيد

في عمقها الضربات متكامله
ياليل وا دانه ويادانها

والثانيه إذي قدي واصله
استقبلوها لاوسط سجنها

#اتحاد_الشعراء_والمنشدين

https://t.me/Poetsanalogous