مــــــــاهمنا نوجع و نستوجع
لكن قسم لابد نــــــــــــوجعها

بـــــاقول واللي ماسمع يسمع
والزوم كـــــل انسان يسمعها

#عبدالجبار_الجبر

صهيون بالويلات تتجرع
وتكاتف المحور يصروعها

لعروق جذر اليهوده نقلع
ومن الجزيره حان نقلعها

بانسمع العالم قريب يسمع
لنهاية اسرائيل عيسمعها

#ابـومـازن_الـرازحـي

من بالثقـة بالله يتمتـع
فكل قـوة با يـدسعـهـا

لازم لباب الثالثة نقـرع
ونجرع الطغيان ناقعها

لوما يهود العصر تتشفع
وتعطي الجزية وتدفعها

#محمد_الرقيمي

مابـه معـا الكفار شي يـنفع
إلارجـــــال الـله تـردعــــها

اطرح جنودالصهينه وجمع
يـطلع لك الناتـــج يقطـعها

يكـفـي لها لاالــيوم تــدلــع
ياوقت كاس الموت جرعها

#عارف_شرده

قولو لمن ماسمع يسمع
باتلقي اسرائيل مصرعها

أمَّه مع الله ماتخضع
مادام والقرئان مرجعها

لابد لمريكا بإن تركع
وشعبنا من با يركعَّها

#طه_الرازحي

القادم أعظم شلّها وقطع
يالعالم إدرك لا تموظعّها

الله أراد المـعـركه توقع
مابه حداء يسطيع يمنعها

وقوعها حتمي ولن يرجع
والفعل بالاحداث ضارعها

#نبيل المهدلي

بانجعل اسرائيل تتوجع
مادام معنا مايوجعها

إما عن الإجرام تتراجع
والا صحاري بانرجعها

لا حل با يجدي ولاينفع
إلا نجاهدها ونردعها

#احمد_امين_الكبسي

مـا يحـصـد الرمـان مـن يزرع
بذرة بدم اطـفـال رعـرعـهـا

الـكـفـر با يـبـصـر وبا يـسـمـع
اهـــوال مـا عـمـره تـوقـعـهـا

والـبـحـر الاحمر مثل مستنقع
لاجـسـاد جـيـش الغزو يبلعها

#الشاعر_ابوحرب_الموكر

عاد المسير نارها تلذع
كم ياسفينه قل يرقعها

بالويل يإيلات تتجرع
من بطشنا لازم نجرعه

عاد السمك والقرش بايشبع
تاكل وتشكر شعب شبعها

#ابو_صماد_الفليتي

مادام طـوفان الفناء يسطع
ذيول الأمــــــريكي نقطعها

في يوم لايشــــفع ولا ينفع
للصــــــــهينة والـــي تتبعها!

في يوم حامي بالضى يزرع
ومعركة كبـــــــــرى تخضعها

#ماجد_عبدالله_القادري

بانحرر القدس بالمدفع
نقصف على الخصم موقعها

محال شعب اليمن يخضع
العز والنصر منبعها

محال خطوة لهم نرجع
امريكاء واسرائيل نقلعها

#ابوطه_الروس

الثالثه وعدها ولع
لجل الكرام نولعها

اقسمت باللةمانخظع
والامركه بانركعها

نواصل الدرب مانرجع
تجاه غزه نطهرها

#ابوجريل_شريف

نهاية المحتل بايقلع
غده خبيثه سنقلعها

امريك والغرب بايركع
وانجلترى بانركعها

ونصرغزه بدايلمع
طوفانهافي طلايعها

#ابو_وعدالله_هفج

بأمر من ايد ومن دافع
وذل امريكا ومن معها

الغرب واقع وسط مستنقع
جرايم إسرائيل واذرعها

ولا لها مهرب ولا مرجع
ولن تحصّل غير مصرعها

#ابوناجي_عصطان

تقرع طبول الثالثه تقرع
العالمية من عيمنعها

اقسم برب البيت مانرجع
عن نصر غزه والقتال معها!!

لابد للغرب انهو يخضع
ويعطي الجزيه ويدفعها.

#أخت_شهداء_البكالي

مهما العدو في غزه اتربع
لابد اشلائه نوزعها

على رفح وايلات يتوزع
ويعيش فتره ماتوقعها

الحرب باذن الله تتوسع
فتيلها من بغمنا بانشعلها

#ناجي_القعود

لو يحشد الكون ماينفع
وكل خاين عاد يتبعها

لابد مايوصل المقطع
لا داخل القلب يقلعها

ولعه يماني لاقد اتولع
بايحرق الأرض ويولعها

#ركان_يعقوب

هاذا العدوا ابكم ولايسمع
ما يعرف انّا بانولعها

لاوين رايح ياالغبي مقلع
مابش طريق الشعب قطّعها

ذي ماسمع لا بد ما يسمع
ومن كان حافظ بايسّمعها

#الشاعر_معمر_ابوسعيد_العصيمي

وامريك واسرائيل باتخضع
بالله والــــــــقرآن نخضعها

مابش لها رايــــه ولا مجمع
ولا لهـــــــــا عيشه بموضها

انصـــــــــــار دين الله تتوزع
حتى من ارض القدس نرفعها

#ذولفقار_قوزع

تكبر وتتفجر وتتوسع
هل شي معاكم مايوسعها

شعب اليمن بالله مايخظع
ويد اسرائيل بانقطعها

في ملتقى البحرين والمجمع
نهاية اسرائيل نتوقعها

#الكرار_القانص

ما مننا انسان بايركع
لحط مخلوقات واوضعها

والله لو نفنى ونتقطع
هاماتنا ماحد يركعها

باننهي اسرائيل باننزع
ظلمة من الأقصى ونقشعها

#الشاعر_ابويافع

مني قوافي شوف والا إسمع
بالعامة فصحى منابعها

قل لليهودي حق ابوة يرجع
والا سرينا نشتبك معها

مابانسيب القدس تتوجع
غزة تنادي كيف نسمعها

#ابوعبدالله_عوضه_الوادعي

ياسيدي لك عهد مانرجع
وجه وتوجي هاتك اتبعها

اناكان ودك حرب يتوسع
فحنااا لها بالله نوسعها

غزه تنادي من عيون تدمع
والناس تعرف ويش موجعها

#الشاعر_بلال_الشجني

الله واكبر كلنا نرفع
نصرخ وبنيامين يسمعها

دخل بجيشه وسط مستنقع
وفي متاهه ما توقعها

يا كم وكم ( جو بايدن ) يدفع
وامواله الي كاش يدفعها

#ابوقدس_الجهيزي

القيامة قايمة و اوسع
والحرب ذي ماحد توقعها

قيامة كل من يرزع
ابو صهيون واذرعها

ومحور كل من يفزع
وحربي عالمي معها

#الشاعر_أبوعزام_الشامي

نفس الكيان لابد ما تنزع
بجــهــادنا لله نـنزعهــا

نــفـــوســنا لله تـــتـوزع
وفي سبيل الله نوزعها

والصهينه لا بد ما تخضع
وبالثقه با الله نخضعها

#علي_صبر

وخزي يصلي الأنفس الآثمة
إلا إذا قامــت مـع اخـوانهــا

#ابتسام_شرف_المحطوري

صرخاتنا وجه العدى صارمة
ونحذر العِربان واخوانها..

وقـوفـنا وقفـة إبــاء دائمـة
لأجل غزة ، ويل من خانها

كل الرجال الغُـر متلاحمـة
وتحرر العالم وأوطانها....

الشاعر_عبدالحكيم_ابوهاشم

الشعب سجل للعداء قايمه
امريك واسرائيل و اخوانها..!!

والسيد انذر للقوى الظالمه
تشهد خطاباته وعنوانها..!!

ما دام والحجه قدي قايمه
النصر قادم رغم عدوانها..!!

#جميل_ابوقاسم

هاذ الحشود باالصوره الدايمة
معا فلسطين ربنا عانها

حامت على واشنطن الحايمة
والموت لاسرائيل واعوانها

احنا المدد فاالبدع والخاتمة
واحنا سند غزة ورميانها

#فايز_الحمزي

حشود من ارض اليمن قادمة..!!
حب الجهاد يجري بشريانها

لبت ندى القايد ومتراقمة..!!
والبحر الأحمر فيه برهانها

من (بايـدن) و(نتن) اتت ناقمة
وڪل جمعة يصدر اعلانها

#ابورعدالله_فهد_الصراري

ما باتقوم للصهينه قايمة
دام اليمن قد هب طوفانها

على الكيان حامت الحايمة
وغزة ارض العز اتى حميانها

لاتحسبون ان البنادق صايمه
مادام ارض العز زاد ايمانها

#صالح_حسين

حشود للاقصى قدم قادمه
تقضي على امريكا ومرخانها

ياضيف حامت فوقهم حايمه
تقذف عليهم شر نيرانها

في البحر الابيض للسفن قايمه
لوما تصل لندن وشطئانها ؟؟

#اسامة_المعباء

يا امة باكملها غـــدت آثــمه
من تركها "غزة" وخــــذلانها

حشـــودنا عظمى ومتزاحمه
في ســـاحة العزه وميــدانها

اغمار وقت الضيــق متقادمه
تزحف لنصر القدس باسنانها

#يعقوب_الخمري

في حرب كبرى ليست الخاتمة
تجرف بني صهيون وديانها

صرخاتنا فوق السُحب حايمة
بالموت لإسرائيل واعوانها

أفواج في الساحات متزاحمة
با تلعن أعداءها وجيرانها

#بشير_سفيان

شعب اليمن في أول القائمة
من وجه أمريكا و اعوانها

تصعيد بصاروخ والراجمة
باتحرق إسرائيل نيرانها

صنعاء فجرالأمه الباسمة
وعز الأمه في شرينها

#الشاعر_أبوعزام_الشامي

يا كــل دوله للــعدو خادمه
با تخسر العزه وعنوانها..

تعيش في ذله أكـــيد دائمه
والصهينه تعبث بسكانها..

أما اليمن على العدو باصمه
الـعز راســخ بين بنيانها ..

#ابومحمد_سحار

اسود فالساحات متراكمه
باتقهر امريكا واعوانها

ياويل من كانت يده ااثمه
ارض اليمن جاهز وشجعانها

ياويلهم من نارنا الهاشمه
بايخمدو في قعربركانها

#أبوصخر_الجوحمي

خروج مليوني في العاصمه
عزه إباء ربي علا شانها

وحشود كبرى في المدن عارمه
في نصر غزه رافع اكفانها

ايام سوداء للعدا. قادمه
لامريك واسرائيل واعوانها

#عائشه_المغربي

القوم ياغزه معك دايمه
بدافع ٳستبسال وايمانها

والمرحله قد شكلها حاسمه
ضد اليهود وكل عدوانها

لو باتضلي ذا الامم نايمه
فاحنا لغزه كلنا اعوانها

#ابو_صماد_الفليتي

طوفان مليوني في القائمة
بايقـّهر أمريكاء وطــّـغيانها

والمعركة في بحرنا حاسمة
والموت لأسـرائيل وادوانها

وضّربت الله القوي قاصمة!!
نهـاية الاعـداء وشــّـيطانها

#احمد_زيد

يوم العرب للصهينه داعمة
ماغير شعب العز ذي هانها

شعب اليمن فزعاته الدائمة
في كل موقف للشرف صانها

بحشد هأئل ماخشا اللائمة
شامخ وثابت من على اركانها

#محمد_الرقيمي

المعركه بذن القوي حاسمه
باتنسف اسرائيل ودوانها

وجه العمالات اصبحت نادمه
من ماتلقت وسط ميدانها

اترقبو في المرحلة القادمة
خبرات ماقد تم اعلانها

#بدر_الدين_لطف_الله

صنعاء على الباغي حمم حايمه
والحشد اكبر شاهد انسانها

للحرب كل الناس ذه خارمه
تتشوق. القتله. بميدانها

عاد المراحل قادمه قادمه
با نفتتحها جاهز امكانها

#ابوحنج_العويري

اسود تزأر ضاريه حازمه
ياويل من له تظهر اسنانها

سيول فوق المعتدي عارمه
تحمي وطنها مثلما اعيانها

للحق واهله دايما داعمه
خسران من به ثار بركانها

#عبدالغني_ضبعان

حامت على واشنطن الحايمه
وال صهيون با تحرق بنيرانها

حشودنا اليوم داخل العاصمه
مع فلسطين متضامن وسكانها

نريد نواجه نتنياهو ونهاجمه
وندوس باقدامنا امريك واعوانها

#الشاعر_عزيز_البروي

لو أمة الاسلام متراحمة
متكاتفه من بعد طوفانها

مثل اليمن بالضربة القاصمة
ما كان تتمادى بطغيانها

وتضرب الصاروخ والراجمة
ع الطفل والمرآه وشيبانها

#حمود_العلفي

الشعب لبى بالحشود العارمة
يوم الملايين اعلنت نفرانها

من صعدة الشماء وحتى الحالمة
كل الميادين القدس عنوانها

الجولة الرابع اكيد الحاسمة
البحر الابيض والرجاء ميدانها

#اتحاد_الشعراء_والمنشدين

https://t.me/aboyahyaalshami

المجاراة بعنوان موقف اليمنيين المشرف مع غزه من واقع الدين والمسؤولية ونصرتها حين خذلها البقيه ممن يسمون أنفسهم مسلمون.

البداية #ابويحيى_المنيعي

خمسه وخمسين دوله جيش وقياده
مجرد ارقام محسوبه على الأسلام

خاب الأمل والأمل فى الله والساده
وفي نشاما سرايا القدس والقسام

#ضيف_الله_سلمان

واحنا لطوفان الاقصى جبهة اسناده
ونسال الله يبارك فاليمن والشام..

كشف الحقايق تجلى اليوم بزياده
اما مع ابن النبي والا مع الحاخام..

#الشاعر_نضال_حُميد

ذي مافزع يوم نار الحرب وقاده
اسلامه اصبح امام الطاغي استسلام

مادام غزه لاخذ الثأر طراده
فـ الموت لامريك والعنه على الحكام

والنصر مضمون في وقته وميعاده
والله يبارك في انصار اليمن والشام

#جمال_الماوري

إذا شعوب العرب للذل معتادة
شعب اليمن ما رضي بالذل بضع ايام

وان كان الاعراب لاجل الغرب قوادة
كله من التربية.. والعار في الحكام

#محمود_الجنيد

شعب اليمن لجلل غزة فاق تعدادة
ماكل ولا مل رافع راية الأعلام

مؤمن تقي من هدى الله مائه وزادة
سلام ربي على كمن شرس مقدام

#أبوإسماعيل_الجابري

من فضل ربي حبانا عزم وإراده
و عزّ نخوه كرامه قبيله إِقدام

ومَدّنا الله بقائد خِيرةَ القاده
ذي قال قوله على العالم وحط نظام

#عبدالواسع_صايل_الغولي

(( فَعَلَيۡكُمُ ٱلنَّصۡرُ )) قال الله لعباده
وخير من مثلوها اهل اليمن والشام

وبانواصل ونشعل حرب وقادة
لوما قوى الكفر تعلن حالة استسلام

#صالح_النقيب

عدونا ابن اليهودي هو وموساده
واسناد غزه يجيها من مدينة سام

وقايد القاده اثبت فزعة اجداده
من ال بيت النبي كمن بطل مقدام

#ابوعبدالله_صالح_عنبل

شعب اليمن يا سيوف الحق و اجناده
نصرة رسول الهدى جيش الخلاص التام

لبئ نداء القدس والنيران وقاده
فلا تراجع ولا عوده ولا استسلام

#جميل_الكامل

من قبل الإسلام والنصره لنا عاده
نهب للصوت لو حتى مسيرة عام

وبعد الإسلام عادة نصرنا زاده
على خطى المصطفى والآل والأعلام

#الـكـرار_الـعـقـيـبـي

ياثالثـه عالميــــه حـــــــرب وقاده
لما نطهّر ونستاصل قوى الاجــرام

بانقهر الكفـــر والطاغـوت واجناده
والافلا احنا رجال البدر والاســلام

# ابوفتح الجرادي

عادك وعـاد اليمن بـالـخـيـر ولأدة
وما بــدأ غيـر ذي أتـي في الأيـام

اجيال توفي بعهـد الله وميـعـادة
في ضل قايدمحنك حيدري مقدام

#كليم_النجار

جينا على الوعد والنيران وقّـــــاده
والمعركة مستمرة والوَعْد قـــــدّام

ورقاب الانصار في الميدان سدّاده
ملعون من يرتضي بالذل او ينضام

#ابوكنعان_الروس

أطلعت من حرف ابويحيى تنهاده
من وسط وسط الحنيا شقت الصمام

خمسه وخمسين وكثر فيهم العاده
وألف لعنة ولعنة تلعن الحكام

#ابـومـازن_الـرازحـي

خمسه وخمسين حـاكم خـالف العـاده
زاغوا عن الحق وانظموا إلى الحاخام

لا خيـر فيهـم ولاهــم رزح ووسـاده
الخيـر في شعبنـا والقــاده الأعـلام

#الشاعر_بدر_الكهالي

لاخير في أنظـــمة وجيوش منقاده
لما أراد اليهـــــــودي مثل ما الأنعام

الخير في وعد الأخرى حان ميعاده
وفي وفاء من تولـــى الله والأعلام

#الشاعر_عبدالحكيم ابوهاشم

شعب اليمن يشهد التاريخ لـ امجاده
من قبل (الاسلام) حتى هذه الأيام..!!

دام (المـروه) شـرابه و(الوفاء) زاده
بايفتح المسجد (الاقصى) مع الاعلام..!!

#مازن_بَرَاش

بالله ياكاتب التاريخ وامجاده
سجّل ودوّن مواقف نصرة الإسلام

حتى القلم تنتهي كميَّة إ(مداده )
كم يامواقف تبنَّاها اليمن والشام

#الشاعر_ابوجهاد_صبر

أمة وضيعة علا التركيع معتاده
ولا تلاقي بها واحد شلي مقدام

يـــــوم ان غزة بنار الكفر وقاده
ماقام ندد ولا حاكم مـن الحُكام

#حرب_صعده

بقيادة ابـن ابـي طــالب قايد القاده
عـبـدالملك بــدر الأمه خيرة الاعلام

لابُـــــد مــــــا ننهي المحتل واوغاده
وانطهر القدس من قاذورة الحاخام

#علي_الوزير

لاخاب ظـنش وظـن القدس كالعاده
ياغـزه الـعز والـنامـوس فـي لاقـزام

فـرقـاب لانـصار وابـن الـبدر سـداده
والـلـه مـعنا ومـعكـم والـوعـد قـدام

#ابتسام_شرف_المحطوري

شعب اليمن في المواقف عزم وإراده
منذ الأزل ماتوانى في الوغى مقدام

وفي الولاء والشجاعة جسد اجداده
بـالأمس جند النبي واليـوم للأعلام

#الشاعر_متاش

طبع الوفاء والشجاعة لليمن عاده
في نصرة الدين والاوطان والاعلام

اسرى بنا الله للمسرى بميعاده
يوم العرب والعروبة خانها الحكام

#فايز_الحمزي

إحنا مع ابن النبي وسيد الساده
قايد محنڪ علم من خيرة الاعلام

إن خاض بنا البحر خضنآه وفق ما راده
واحنا حماة القضية جُند للإسلام

#ابو_صماد_الفليتي

المـــــّــعركة ضارية والـّنـار وقادة
وشعبنا موقفــــه موقف قوي قدأم

بصمود راسخ بجانب أعظم القادة
بايجعل المعتدي يركع على الأقدام

#ابومصطفى_الرضي

في ذروة إجرام قوى صهيون وإفسادة
وفي زمان ارتداد العُرب والحكام

هيأ لشعب اليمن رب السماء قادة
تحت أمرهم بانعيد النصر للاسلام

#صالح_النقيب

يامصر لاتجنحو للمعتدي لاجنح
غيرو من البر واحنا بانخوض البحار

يلا متى الصمت والحرب الحدودي قرح
وين النشاما عنو قدهي مذله وعار

يامصر وين الرجال الي تسمى قدح
ثورو على السيسي الخاين وفكو مسار

للكلب مربوط مايفجغ حدا لانبح
والسيسي أصبح رباطه شبر ماله قرار

#وليد_عباد_الاحمدي

في هاذه المعركه ياويل ذي مااشتبح
واعلن وقوفه مع طوفان الاقصى وثار

يخسر كرامة حياتة والشرف والفرح
واكبر خساره عذاب الله وبئس القرار

طوبى لبندق مع غزه والاقصى قرح
وسيف بتار في نحر العدا ذولفقار

عاشت فلسيطن حره راسها ما انطرح
ويموتو اهل العماله موت ذله وعار

#مازن_بَرَاش

انــظــر وشــاهــد ســــوى يـالـعـالم الـمـنـفتح
كــمـيَّـة الــقـصـف واتــأمَّــل لـحـجـم الــدَّمـار

الـمـنـفتح مَـــن ســعـى لاغـــلاق مـعـبر رفــح
مــاحــرَّك الــفــك مــابـالـك بــفــك الــحـصـار

يـاتـمر الاتـنـاك كـيـف أحــوال ديــر الـبـلح؟!!
الــجــار هــــذا عــلـى جـيـرانـه الــيـوم جـــار

اخـــتــار إمـــــا تــكُــن مــقــدام أو مـنـبـطـح
شتَّان مابين ( كشف الستر ) ( كشف الستار )

#الشاعر_عبدالحكيم_ابوهاشم

لو إن الاعراب تحمل دين الاسلام صح
كالمملكه والأمــاراتي ومصــر الجــوار

لا يفتــحـوا اول الاعـــمال معـبر رفـح
ويجـعلوا سـاحة اسـرائيل تشـعل بنـار

والمال والروح لجل القدس واهله مِنَحْ
واعـز واجـود سـلاح الجوء واكبر عيار

ويمنـعوا هيـئة التـرفيـه واصغـر مرح
مستشعرين المــآسي كبــرها والصـغار

#أبوحـاتـم_عــكــه

ياضيف قدبان كل شي وانكشف.واتَّضح
قـيـادة القاهـره صهيونـيـه باخـتـصـار

دوله عميله لإسرائيل جـيـش انـبـطـح
سيسي يهودي الولاء والإنتماء والقرار


للكفر واليهوده قـلـبـه وصـدره شــرح
عميل خائـن رضي بالـذُّلِّ والإنـكـسـار

مجرم وقح عبدفي خدمةعدوه نصح
مأمـور تابـع لــ بـن يامـيـن طائـع وبار

#خيرالله_الخولاني

ياشعب مبهم وغامض ياقرود ياربح
ياجاهليه بغية واليهود الكبار

ياضيف مابش ولامصري بعمره نصح
حتى بموقف مبين للعقول الصغار

السيسي البغل له سيرة تجيب الظبح
صعبي مصرنم فقط منقوص شد الذفار

#طه_الرازحي

قال اليماني معاذ الله أن ننبطح
او نتّبع مجلس الامن الدعي في قرار

والله مانترك الاقصى ومعبر رفح
لو مابقى منّنا من با يخوض الغمار

إذا كيان العدو في الرابعه ماجنح
ومصمم إنه يواصل جرمه امعا الدمار

للجوله الخامسه والسادسه با أفتتح
وباتكن فاصــــــــله فيها لي الانتصار

#الشاعر_سعيد_الكهالي_الحداد

الله يلعن من اتخاذل ومن قد سمح
في وعد بالفور لصهيون بعدالحوار

الغز قد بان والسرانكشق وافتضح
من هو مطبع معى اسرائيل رافع شعار

قد صبرنا فاض كيله بعدماقد طفح
على المداهن ومن والا اليهودي جهار

لازم نساند ومن يغضب لراسه نطح
وصرخة الحق تلحق بالغزاه انكسار

#عبدالقوي_البطل

مايثني الشر عن جرمه سوى بم قح
بالبندقيات ذي تزهم بطلق العيار

مادام والحق للعالم بعينه وضح
ماعد بقي للتراجع عن صدور القرار

قل للمطبع مع إسرائيل يامفتضح
مانال غزة بايوصل صداه كل دار

الله أمرنا في القرآن أن ننتصح
بكل الآيات ذي منها صنعنا الشعار

#ناجي_القعود

يامصر والله مانتو للعرب مرتزح
ولا لكم في العروبه دم حامي وعار

من خان غزه وخان الخبز هو والملح
بيجيه دوره علا نفس الخطى والسيار

ماعد لكم كلمه ولا هيبه ولا مقترح
هنتو وخبتو وصرتو غوم بعد الغبار

#ابومالك_القاضي

هوحبل واحد ومن يشبح بحبلة شبح..
حبل الاخاء والتعاون حبل مابة خيار.

اما ومصر العروبة ينطحو من نطح
ولاّّ وبة نطحة الباري تهد الديار

اما مع اطفال غزة تفزعو ياربح ..
ولاّّ فبا يوصل السيسي شديد انفجار

يالعنة الله للسيسي ومن لة رتح ..
وكل مة عاون اسرائيل في كل دار

#جبريل_الخدري

غزة تناديك يا سيسي وصاحت رفح
الأخ لٱ شـاف اخـوانـه يمــوتـو يغـار

ويعد ما يستطيع ويجرح اللي جـرح
ويفك عن أهل غـزة جوعهم والحصار

مابش يهودي لمسلم حب وإلا نصـح
هذه نصيحـة يخذها الجيد بالإعتبار

وعـبــد فتـاح للمعـبــــر إذا مـا فتــح
خائن منافـق عميـل ونذل بالإختصار

#ابو_صماد_الفليتي

من جــّرم صهيون كيل الشــعب كله طفح
والصبر قد فاض من بغي العدو والحصار!!

إجرام وحشي وغادر وســـّــــط دير البلح
بحق الأطـّـّـفال في غزة بـ ليــّــــل او نهار؟

والله ياعالم اتجـــــّــــــاهل مجازر رفح!!
انه محاسب امام الله في ذا الدمـــــّـــار

#جميل_الجنيد

يامصر ما هو خبركم؟! اسمعوا من نصح
ولا تكونوا كمن يسمع بدون إعتبار

الوضع واضح وذي الأيام زاد أتضح
قعوا أوادم ولا ترضوا بذلة وعار

تِعدادكم فوق مية مليون بين البَرَح
وغزة تعاني من أعداها شديد الحصار

عار المذلة عليكم جالكم وأطّرح
هبوا لفتح المعابر وانفضوا للغبار

ذي ما تحرك لأجل الدين، نفسه طرح
عاده يراعي حق إنسانية أو جوار!

#نبيل_المهدلي

المجاراة عن عملية استهداف حاملة الطائرات الأمريكية #ايزنهاور ردا على العدوان الأمريكي البريطاني الداعم للعدو الصهيوني.

البداية #ابوجابر_صبره

الحامله مـاعادها حــــاملة
مجنح السيد نعث بطـــنها

أتت إلينــــا حاملة كامـــلة
مارجعت إلا مسقطة لإبنها

#ضيف_الله_سلمان

با تفشل امريكا وهي فاشله
ذي شافته ما كان في ذهنها..

واحنا قطعنا الايدي العاملة
معها..وخيب ربنا ظنها..

#أبورواسي_أرحب

احنا وهم في معركه فاصله
والأمركه ماعذرنا منها

باننصف المقتول من قاتله
ويقع لخيبر درس عرق إذنها

#محمد_الحربي

ونعم بضربه جيشنا الباسله
دقو ازنهاور وسط زغنها

ضربه مجاهد ضربته قاتله
صحت يمينك ياولي اثنها

#جميل_الكامل

نشتي نشوف الحامله مائله
لي منعكم يا سيدي إثنها

ضربة معلم قاضية قاتله
ضربة تظلي العمر تحت اذنها

#صالح_النقيب

هاذا اليمن والقوه الباسله
خلو يزنهاور تزن وزنها

والحامله حملاتها فاشله
وتفشل الغاره وذي شنها

#ابـومـازن_الـرازحـي

هذي رساله للعدو عاجلة
ما بعدها با يختلف عنَّهـا

لا حاملـه تسلم ولا ناقلـه
نثـأر لغـزة واليمـن منَّهـا

#الشاعر_عبدالحكيم_ابوهاشم

من قبل كانت طالعه نازله
تحمل طوايرهم على متنها..!!

الان يا امريكـا قـدي قافله
من اجل (غزة) ماعذر منها..!!

#محمد_البريهي

نزلت على امريكا هنا نازله
واليوم تشكي للدول غبنها

كنا نحذرها وهي جاهله
وزلزل الباري بنا حصنها

#ابو_الكرار_المجنحي

أنصار ربي روسهم صامله
يا قهر واشنطن ويا غبنها

اخبار عضمى جات متداوله
منها بركسل دوخت ذهنها

#علي_محمد_المحاقري

هذا جواب الشعب للواصله
ذي فـجـعــونـا إنّـهـا وانّـهـا

الـيـوم بتبغبغ ومـتـهـاطـلـه
لا بـه عـلـيــــــهـا ولا مـنّـهـا

#محمد_الاخرم

لا طـب مستـشفى ولا قابلة
عدة صواريخ أخسرت وزنها

ضربات مــوزونه ومتواصلة
سلمت يمين الكفو ذي شنها

#ابوعبدالله_صالح_عنبل

الحامله و المركب الناقله
بالبحر نزاع الشوى استنها

و حارسه بالضربه القاتله
عجن حمولتها مع شحنها

#ابوحيدر_الراشدي

شعب اليمن وابطــاله الباسله
للأمـــــــه الاسلاميــــه ركنها

والادعاءات ضـــــدهم باطله
والحق واضح، قل لابو عينها

#الشاعر_ابوجهاد_صبر

الامـركـة قد صـبّـحـت خاملة
مـن شعبنا ذي سِحّبْها بـ.إذّنها

والـ(ايزنهاور) كـامـلـة شـاملة
الـيـوم بطش اهـل اليمن دٓنّها

#أبومالك_الكوماني

لاح الوغى والمعركه الشامله
وصاح صوت الموت عرق أذنها

من شاطئ القلزم ومن ساحله
هب المجنح نام في حضنها

#ابوفتح_الجرادي

هذا بــدايـة اول القـافلـة
وماوصل بس القليل منّها

ياويل امريكا من الواصلة
بايسمع العالم كثير عنّها

#مانع_البوساني

الحامله ولدت وهي جاهله
جاها المجنح ما رحم سنها

لو زوجها عاقل وهي عاقله
يوَقفوا واليهوده دونها

#جلال_الغولي

سبحان من زلزل دول كامله
وربنا في بحرنا هانها

وللبواخر ذل والحامله
ووصل الصاروخ لاحضنها

#احمد_تاج_الدين

رعايـة البـاري لنـا شامله
ألويـل لامريكا ويـا غبنها

لو حاملات الحرب كالقافله
با تنحرق واللي على مـتنها

#احمد_عبدالرحمن_الظمين

ضربة قوية للعدو عاجله
مقابل الغارات ذي شنها

شاهد نجوم الليل بالقايله
وصار في موقف حررج منها

#ابوحرب_مشحم

من بالتعجرف والردى حافله
قريب بـــاذنه نقتحم حصنها

لآحت نهايات القوى السافله
والصهينه يلعن ابـــــــو ظنها

#الشاعر_ابوحضارة_السويدي

هذه رساله ناريه عاجله
للحامله فستوعبو منها

ولا فوعد الضربه القاتله
بالقاضيه باتسمعو عنها

#جميل_ابوقاسم

للحامله ضربات متواصلة
حتى انتهت واكرامها دفنها

لاروحها كلين رفع زاملة
والغرب تبكي ماغمظ جفنها

#ابو_صماد_الفليتي

يامعركة نيرانها الفاصــّـلة
باتحرق أمريكا مع جنــّـها

اليوم لاكافــّـــر ولا حاملة
في بحرنا باننتـــزع بطنها

#احمد_زيد

تـدمر الاولـى مـع الواصله
مـبـاغـته يـسـتغربو جـنـها

الـبـحريه مـتواجده كـامله
ماحد يمر البحر دون اذنها

#أبوحـاتـم_عـكـه

الخصم لن نخشاه ونجامله
وقــوآه لالن نـنـزعِج مـنَّـهـا

والله لن تَـعـبُـرلـكـم قـافِـلـه
به للـيـهـود ابــره على متنها

#ابوحمزه_المقاش

ذا الحامله لا شك فيها خامله
لانها بالموت تحوي متنها

كانت مهمتها مهمه شامله
بس اليماني جاء يحدد غبنها

#ابومصطفى_الرضي

الفيل الأمريكي زهق باطلة
وهيبته قله بدأ دفنها

ويد ابوجبريل هي الطايلة
بايقلق امريكا مع أمنها

#خالد_البصيري

الحـامله ما عـادها حـامله
عندي خبر لا حد سأل عنها

من يد مؤمن طعنته قـاتله
من جنبيه فالخاصره طعنها

#أوس_مرفق

قـــد هي معَ الصاروخيه قافله
وقــــد طلع فــــي راسها جنها

منْها الموانـــــي خاويه عاطله
والحامله منخوع قفی حضنها

#زياد_زيد

في عمقها الضربات متكامله
ياليل وا دانه ويادانها

والثانيه إذي قدي واصله
استقبلوها لاوسط سجنها

#اتحاد_الشعراء_والمنشدين

https://t.me/Poetsanalogous