Биз гендерга оид камситиш ва зўравонликка қарши ҳар куни курашамиз. Ҳар биримиз. Нафақат йилда 16 кун.

Ва бирлашибгина нимадир ўзгартиришимиз мумкин. Сукут сақламасликни ўрганибгина тенг ҳуқуқ ва адолатга эриша оламиз.

#СукутСақлама #ЗўравонликкаЙўқДеймиз #ЗўравонликданҲолиЎзбекистон

🔸 “Нигора, Мадина, Умида”, — Тошкентда оиладаги зўравонликка учраган аёлларни қўллаб-қувватлашга қаратилган кўргазма бўлиб ўтмоқда.

Экспозиция ҳар йили ўтказиладиган “Айбдор эмас-2022” халқаро хайрия акцияси доирасида ташкил этилган бўлиб, гендер зўравонликка қарши 16 кунлик фаол ҳаракатлар бошланишига бағишланган.

#СукутСақлама #ЗўравонликкаЙўқДеймиз #16Days #ЗўравонликданҲолиЎзбекистон

​Номусга тегиш ҳақидаги кенг тарқалган афсоналардан бирига кўра зўрлаш ҳақидаги аксарият аризалар ёлғонлигидадир. Ушбу нуқтаи назарни илмий тадқиқот нуқтаи назаридан кўриб чиқайлик.
⠀
Ҳеч қачон содир бўлмаган жинсий зўравонлик ҳақидаги хабар (яъни, жинсий зўравонликнинг ҳақиқий ҳаракати ҳам, уни содир этишга уриниш ҳам содир бўлмаган) ёлғон ҳисобланади. Масалан, терговчилар, прокурорлар ёки бошқа мансабдор шахслар фақат жабрланувчи, айбланувчи ҳақидаги шахсий фикри ва кўрсатувларининг ишончлилиги асосида берилган баёнот ёлғон деган хулосага келиши мумкин. Бу мутлақо қабул қилиб бўлмайдиган амалиётдир.
⠀
Англия ва Уэлс учун Crown Prokuratura хизматининг ҳисоботида 2011 йил январидан 2012 йил майигача номусга тегиш ҳақидаги ёлғон даъволар бўйича ишлар кўриб чиқилди. Бу даврда 5651 та жинсий зўравонлик бўйича мурожаатлар ўрганилиб, 35 таси ёлғон эканлиги аниқланди. Яъни, даъволарнинг 1% дан камроғи ёлғон эканлиги аниқланди.
⠀
Хоум-Офис буюртмасига кўра 2643 та зўрлаш ҳолатлари таҳлили асосида ўтказилган яна бир тадқиқот шуни кўрсатдики, полиция округлари номусга тегиш ҳақидаги даъволарнинг 8 фоизини ёлғон деб аниқлаган.
⠀
Манба: social compass
⠀
#зўравонликқурбонлари #зўравонлик #ЗўравонликданҲолиЎзбекистон

​«Обсудим.uz» да болаларга тегажоғлик ва оилада зўравонлик мавзуларига бағишланган тўғридан-тўғри эфир бўлиб ўтади

Бугун, 31 январь куни, соат 19:00 да ҳуқуқ ҳимоячиси ва NeMolchi.uz лойиҳа асосчиси Ирина Матвиенко тўғридан-тўғри эфирда оилада зўравонлик муаммолари, нега уй зўравонлиги учун жиноий жазо ҳали ҳам кўзда тутилмагани, шунингдек Ўзбекистонда хотин-қизларни ҳимоя қилиш масаласи нега илгари суришда секинлашиши ҳақида ўз фикрлари билан бўлишади.

Савол ва шарҳларингизни бу ерда қолдиринг.

#ЗўравонликданҲолиЎзбекистон #НемолчиУз

Бугун Янгиҳаёт туманида бедарак йўқолган 12 ёшли қизнинг мурдаси зўрлик ва қотиллик аломатлари билан топилгани ҳақидаги хабар бутун Ўзбекистонга тарқалиб кетди. Афсуски, буни 2-3 кундан ҳамма унутиб ҳам кетади. Узоғи билан 1 ҳафта. Маълум вақт ўтгач, жиноятчига ҳукм чиқарилади ва жамият бу мавзуни яна бир неча кун муҳокама қилади. Тамом.

😢 Жамият эри ёқиб ўлдирган ҳомиладор аёлни унутди
😢 Жамият қайнонаси пичоқлаб ўлдирган келинни унутди
😢 Жамият қайнотаси ўлдириб, бошини узиб олган келинни унутди.
😢 Жамият отаси томонидан калтаклаб ўлдирилган қизни унутди

Ваҳоланки бу воқеалар бир занжирнинг бўғинларидир. У гендер зўравонлик деб аталади. Аёллар аёл бўлгани учун зўрланади. Аёллар аёл бўлгани учун ўлдирилади. Гендер асосидаги зўравонлик нафақат қотиллик ва зўрлашда намоён бўлади. Бу тегажоғлик ҳам. Ёки аёллар камситиладиган ток-шоу, унда аёллар бозордаги товардек қадрланади. Эркак билан жанжаллашиш номақбул эканлигини кўрсатиш учун аёллар ҳазил билан калтакланган видеолар. Булар зўравонлик ҳақидаги постлар остидаги изоҳлар: "саёз юрган таёқ ейди", "юрган кийимини қара", "нега ота-онаси болага қарамади". Аёлларга хизмат кўрсатувчи ходим сифатида қараладиган маданият шундай: чой қуйиш учун етарли, лекин бўлимни бошқаришга ярамайди

Гендерга асосланган зўравонлик меъёр деб ҳисобланган жамиятда чегараларни йўқ қилиш жуда осон. Зўравонликка бардошли муҳит юқорида тавсифланган воқеалар устига қурилади. Шунинг учун ҳар бир гендер зўравонлик ҳолати аҳамиятли. Аммо афсуски, жамият фаоллашиши учун даҳшатли воқеа юз бериши керак: даҳшатли безорилик, ҳимоясизларни зўрлаш ва ўлдириш, ўзига хос шафқатсизлик билан қотиллик. Бугун ҳатто Хотин-қизлар қўмитаси ҳам муносабат билдирибди, ваҳоланки авваллари улар бундай ҳолатда мум тишлаб ўтирарди. Улар нима маслаҳат беришганини биласизми? Ота-оналар фарзандларини мактабдан кутиб олишлари керак экан. Яна ота-оналар билвосита айбдорми? Мен даҳшатли воқеаларга жавобан реактив ҳаракатлар эмас, балки комплекс ёндашувни хоҳлайман.

Nemolchi.uz лойиҳа асосчиси Ирина Матвиенко
@contextuz

#ЗўравонликданҲолиЎзбекистон #Қонунлар

​18 ёшли аёл жорий йилнинг 3 март куни Самарқанд вилоятининг Ургут туманида ўзини осди. Nemolchi.uz таҳририятига маълум бўлишича, ўз жонига қасд қилишига телеграм-каналларидан бирида эълон қилинган оддий суратлари ва қиз бу ҳақида отасига маълум қилгач, унинг кўтарган тўполони сабаб бўлиши мумкин. Аммо Самарқанд вилоят прокуратураси қизни ҳеч ким ўзини ўлдириш даражасига етказмаган деб ҳисоблаб, жиноий иш қўзғатишни рад этди.

Марҳуманинг турмуш ўртоғи маълум қилишича, 2 март куни кечқурун унинг аёли йиғлаб кетди. Сабабини суриштирганида "Мендан ҳеч қачон воз кечмайсизми?" деб сўради. Йигит уни яхши кўргани учун ундан ҳеч қачон воз кечмаслигини айтгач, ёш аёл кимдир унинг суратларини "ёмон" Телеграм каналда жойлаштирганини айтади (унда уятсиз ҳеч нима тасвирланмаган, оддий сурат, таҳр.). Қиз бу ҳақида отасига ҳам айтади. Ота унга бир неча марта қўнғироқ қилади, аёл 3 март куни эрталаб ота уйига боради. Ота бўлган воқеадан жаҳли чиққан эди, тўполон қилиб, унга бақиради.

"Ўша куни аёлимнинг ота уйига бориб, уни олиб кетмоқчи эдим. У олдимга синиқ ҳолатда чиқди. Уйга олиб кетай десам, йўқ, отам ичиб олган, мен кетсам, онамни калтаклаши ва ҳатто ўлдириб қўйиши мумкин, деди. Мен уйга кетдим, меҳрибоним эса ўшандан кейин бизни бутунлай тарк этди. Менинг севгилим энди ёнимда йўқ...", - деб бўлишди марҳуманинг турмуш ўртоғи.

Манбанинг маълум қилишича, қиз болалигидан зўравонлик оддий ҳолат деб қабул қилинган оилада катта бўлган. Отаси кўп ичар ва аламини аёли билан қизидан оларди. Арзимаган нарсага уларни сўкиб, ҳақорат қилиши мумкин эди.
==================
Аммо Самарқанд вилоят прокуратураси бирон бир кишининг ҳаракатида жиноят таркибини аниқланмаганлиги боис, 2023 йил 1 апрель куни жиноят иши қўзғатишни рад қилиш тўғрисида қарор қабул қилган. Отасини ҳатто сўроқ ҳам қилишмаган. Қизнинг номини булғаган канал ҳақида эса қуйидагича маълумот беришди: "Мазкур фотосурат кўздан кечирилганда, қайд этилган канал номланишидан беҳаёлик ва одобсизликдан далолат берсада, фотосуратдаги қизларнинг кийим-кечаги мавжуд бўлиб, обрўсизлантириш, камситиш ёки аҳлоқ-одоб нормаларига зид келувчи белгилар мавжуд эмаслиги ҳамда фотосурат остида бирон ёзув, изоҳ ёки ҳаволалар мавжудлиги аниқланмади".

Прокуратурага нима бўляпти? Бир қарасанг Хоразм вилояти прокурори гуруҳ бўлиб зўрланган қизнинг ота-онасидан: “Қизингиз нега кечқурун кўчага чиқди?” деб сўрайди. Ёки Самарқанд вилоятида прокуратура қиз ҳеч қандай сабабсиз ўзини осган деб ҳисобламоқда. Бу канал ортида турганларни излашга шунчалик эриняпсизми? Ўз оиласи аёлларини таҳқирлаган отани сўроқ қилиш шунчалик қийинми?

Бош прокуратура, сиздан 18 ёшли қизнинг ўз жонига қасд қилганлиги бўйича ишни қайта кўриб чиқишингизни сўраймиз. Бундай жиноятларни жазосиз қолдирмаслик, қизлар устидан туҳмат қилаётган каналларни эътиборсиз қолдирмаслик, оиладаги зўравонликларга кўз юммаслик керак! Агар тизим ўзгармаса, Президент томонидан имзоланиши кутилаётган қонун атрофидаги барча сўзлар фақат қоғозда қолиб кетаверади.

P.S. Nemolchi.uz лойиҳасига қизлардан уларнинг фотосуратлари, жумладан, беҳаё ёки шу каби ҳолатлар тасвирланмаган оддий суратлар у ёки бу каналда уларнинг шахсий маълумотлари билан интим хизматлар кўрсатилиши ҳақидаги маълумотлар жойлаштирилгани ҳақида хабарлар келиб туради. Жабрланганларнинг аксарияти бу ҳақда қариндошларига айтишдан ва органларга мурожаат қилишдан қўрқишади, чунки улар қўллаб-қувватлаш ўрнига "ўзинг айбдорсан" каби важларни эшитишлари мумкин.

Афсуски, бундай канал эгалари ва уларга суратларни сиздираётган одамлар жиддий қидирилмайди ва каналнинг ёпилиши эртага яна 10 таси очилмаслигига кафолат бермайди. Ушбу каналлар яратувчилари ва қизларнинг маълумотларини сиздирганлар уларнинг ҳаракатлари жиддий оқибатларга олиб келиши мумкинлигини тушунишадими?

❗️Воқеада тасвирланган қизнинг ўлими шундай каналларни яратиб, у ерга сурат жўнатаётганларнинг қўлида.

#СукутСақлама #ЗўравонликданҲолиЎзбекистон #Қонунлар

Болаликдан эркаклар ҳимоячи, аёллар эса ожиза, уларни ҳимоя қилиш керак деб бонг уришади. Бунда айнан ўша "ҳимоячи"лардан муҳофаза қилиш кераклиги айтилмайди.

Видеодаги ҳолат Сурхондарё вилоятида содир бўлгани айтилмоқда. Кўринишидан бу ўқитувчилар кенгаши. Видеода бир неча аёл ва икки нафар "кучли" жинс вакиллари. Айнан шундайлар аёлга қўл кўтарганни "йиртишга" ваъда беради тармоқларда.

Битта "мард" буни кутмаган аёлларга ташланиб, бемалол калтакламоқда.

Бошқаси уни юмшоққина четга олиб, гаплашиб, яна қайтиб келишмоқда. Кейин яна четга олиб гаплашишлар, сўнг тоза ҳаво кириши учун ойна очилмоқда, кейин шунчаки ўтириб олмоқда. Ваъда қилинган ҳимоя шундай кўринса керак.

Аёллар, буни борича қабул қилинг. Ўзингизни сиз ва Давлатдан бошқа ҳеч ким ҳимоя қилмайди. Давлат ижтимоий-ҳуқуқий муносабатлардан келиб чиқиб бунга мажбур. "Кучли" жинс вакилларига ишонманг. Улар шунчаки мавжуд эмас. Ҳудди сиз заифа бўлмагандек. Сизга қўл кўтардими? Калтакланганингизни дарҳол муҳрланг, 102 чақиринг, унинг ваъдаларига ишонманг ва раҳм қилманг. Зўравонликни ҳеч қандай сабаб билан оқлаб бўлмайди. Қилмишларига жавоб берсин!

#СукутСақлама #ЗўравонликкаЙўқДеймиз #ЗўравонликданҲолиЎзбекистон

Қашқадарёда ота 14 ёшли қизини таёқ билан калтаклади. Видеога қараганда, она қизига отаси урмаслигини ваъда қилиб, уни уйига олиб кетмоқчи бўлган. Тасаввур қилинг-а, бола ота-онасидан қандайдир нотўғри хатти-ҳаракатлари учун ўлдирилишидан қўрқса-я?!

Афтидан бу оилада зўравонлик одатий ҳолат. Буни онанинг ўз тутишидан ҳам билса бўлади, аёл боласини ҳимоя қиламан деб ўзини қўйиб бермоқда. Яъни бу биринчи марта бўлаётган ҳолат эмас. Видеога олиб бутун оилани қаматиш билан қўрқитаётган амакининг ҳаракатларидан ҳам маълум. Бу оилада зўравонликка ҳеч ким тоқат қилишга кучи йўқ.

Қизга суд-тиббий экспертизаси тайинланди. Унинг натижасига кўра кейинги ҳаракатлар маълум бўлади. Ўз ўрнида эслатиб ўтмоқчимиз, 11 апрель куни Ўзбекистон Президенти аёллар ва болаларни ҳимоя қилиш чора-тадбирларини кучайтириш тўғрисидаги қонунни имзолади, биз бу тарихий қарор учун узоқ курашдик. Ҳар қандай даражадаги оилавий зўравонлик Жиноят кодексининг 126-1-моддасида назарда тутилган жиноят ҳисобланади. Воқеалар ривожини кузатиб борамиз ва барча айбдор шахслар тегишли жазога тортилишига, қизга зарур ёрдам кўрсатилишига умид қиламиз.

#СукутСақлама #ЗўравонликданҲолиЎзбекистон #Болалар #Қонунлар

​Фарғона вилоятида бир гуруҳ эркаклар мушукни қавасга солиб, вахшийларча тириклайин ёқиб юборишди

Ваҳший қийноқни кулгу билан видеога олишди ва ижтимоий тармоқларда тарқатишди. Золимларга нисбатан Маъмурий жавобгарлик тўғрисидаги кодекснинг 111-моддаси (Ҳайвонларга нисбатан шафқатсиз муносабатда бўлиш) билан маъмурий тартибда ҳужжатлар расмийлаштирилиб, жарима жазоси қўлланилди.

Одамларнинг шафқатсизлиги бир томон, лекин ҳуқуқ-тартибот идораларининг хотиржам муносабати ҳайратга солади. Улар эркакларни жиноий модда - ЖК 130-1 моддаси (Тазйиқни, зўравонликни ёки шафқатсизликни тарғиб қилувчи маҳсулотни тайёрлаш, олиб кириш, тарқатиш, реклама қилиш, намойиш этиш) билан ҳам иш қўзғатиши мумкин эди-ку! Бундай ҳатти-ҳаракатлар уч юз олтмиш соатдан тўрт юз саксон соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Аммо тергов бу моддани гщё унутгандек. Ёки бу ерда гуруҳ бўлиб, тил бириктириш, шафқатсизлик ва зўравонлик аломатларини кўрмадими? Тўғри-да, қўшнилар ва қариндошлар ўлик мушук учун адолат талаб қилмайди, жамият қўтарилмайди. Тирик мавжудотни аёвсиз ўлдирганлар одамларга хавф туғдирмайдими? Бу “одамлар” арзимаган жарима тўлаб, эртага ожизлар, масалан, болаларга ўтмаслигига кафолат борми? "Ҳайвонларга яхши муносабатда бўлишга" ундашнинг ўзи етарли эмас. Давлат ҳар қандай зўравонликка ўз ҳаракатлари билан муросасизлик кўрсатиши, бундай фуқароларни жиноий жавобгарликка тортиши керак!

Биз аввал ҳам ҳайвонларга шавқатсиз муносабат нималарга олиб келиши ҳақида ёзганмиз. Ва бундай шафқатсизликнинг жазосиз қолиши нафақат алоҳида шахс, балки жамиятда зўравонлик маданиятини кучайтиради, деб ҳисоблашда давом этамиз. Агар биз мамлакатда зўравонликка чек қўймоқчи бўлсак, ҳайвонларга нисбатан шафқатсизлик учун жазо янада қаттиқроқ бўлиши керак

Нигина Худайбергенова

#Қонунлар #СукутСақлама #ЗўравонликданҲолиЎзбекистон

​Эркакларга қарши ва аёлларга қарши ўхшаш жиноят учун жазо фарқланадими? Эҳтимол Қашқадарё вилоят ИИБ бу саволга жавоб бера олар?

Бугун Қашқадарё вилоят ИИБ ижтимоий тармоқларда кенг тарқалган видеога муносабат билдирди. Унда жаҳл остига минган эркак дугоналари билан ўтирган қиз юзига қарата стакан отяпти. Кўплаб стакан синиқлари қиз ва ёнидаги дугонасини жароҳатлади. Шунингдек кўп қон кетаётгани кўриниб турибди. Бунга сабаб сифатида қизнинг эркак билан танишишдан воз кечиши тахмин қилинмоқда. ИИБ вакиллари олинган жароҳатлар туфайли қиз шифоханага ётқизилганини тасдиқлади.

Ҳолат юзасидан эркакка нисбатан ЎзР ЖК 277-моддаси 2-қисми "в" банди (Безорилик) бўйича жиноят иши қўзғатилиб, унга кўра 300 соатдан 360 соатгача мажбурий жамоат ишлари ёки 1 йилдан йилгача озодликни чеклаш ёҳуд 3 йилгача қамоқ жазоси кўзда тутилган.

Шу ўринда беихтиёр қиёслашга ўтасан киши. 2021 йилда Тошкентда ресторанда эркак қизни буғади, қиз унга қарата стакан отади. Ва қизга нисбатан ЖК 104-моддаси 2-қисми бўйича жиноий иш қўзғатилади. Эркак олган тан жароҳатлари енгил деб квалификация қилинса-да, судья стакан синиқларидан қолган излар кетмаслигига урғу беради.

Қизга ўшанда 5 йилдан 8 йилгача қамоқ жазоси берилиши мумкин эди. Адвокатлар ва жамоатчилик иш бўғилишдан стресс туфайли бўлганини инобатга олиб енгилроқ моддага ўзгартирилишига курашади. Ҳатти-ҳаракатлар қисман бесамар кетмади: 2021 йилнинг июлида қизни 104-модда 2-қисми бўйича жазолашади ва унга 4 йилга озодликни чеклаш жазоси берилади.

Нега Шахрисабздаги эркакка нисбатан айни модда қўлланилмаяпти? Бу ерда ўзини ҳимоя қилишга эҳтиёж йўқ, қизлар унга эътибор ҳам қаратмаяпти. Лекин эркак рад жавобини эшитгач, қизга қарата стакан отади. Суратда чуқур излар кўриниб турибди, улардан чандиқ қолиши аниқ. Шунингдек иккинчи жабрланувчи бор.

Лекин Қашқадарё вилоят ИИБ буни безорилик сифатида баҳолади ва унга кўра жазо ҳам ЖК 104-моддаси бўйича бериладигандан анча енгил.

Биз жиноятлар учун жазо кўриб чиқилишида айбланувчининг жинси қанчалик муҳимлиги ҳақида ёзган эдик. Эркакнинг қилиғи "жаҳли чиққани" билан баҳоланиб, қилмиши гўёки кечирилади. Бир томондан аёлнинг роли ва зўравонликка йўл қўйилмаслигини эшитсак-да, иккинчи томондан аёлларга қарши жиноятлар адолатли кўриб чиқилмасдан, зўравонларни "тушуниш"га уринишларнинг гувоҳи бўламиз. Яна зўравонликка барҳам бермоқчи бўляпмиз...

Нигина Худайбергенова

#СукутСақлама #ЗўравонликданҲолиЎзбекистон #АдолатТалабҚиламиз

​Наманганда эркак қўшни аёлнинг қўлини чопиб, сўнг вояга етмаган қизининг кўзи ўнгида ўлдирди

Наманганда эркак қўшни аёлни чопқи билан чопиб ташлади. Бу ҳақда Бош прокуратура матбуот котиби Ҳаёт Шамсутдинов QALAMPIR.UZ'га маълум қилди.
Жорий йилнинг 12 июнь куни Наманган шаҳри “Олвализор” маҳалласида яшовчи эркак қўшни аёл билан олдиндан ўрталарида бўлиб келаётган уй-жой низоси юзасидан жанжаллашиб қолган. У хонадонидан темир “лом”ни олиб чиқиб, унга хужум қилганида шу жойда бўлган фуқаролар томонидан тўхтатиб қолинган.

Бир неча кундан сўнг эркак акаси билан бирга 1 дона чопқи ва пичоқ билан қуролланиб, аёл уйининг ташқарисига чиққанида уни ерга йиқитиб, ўзи билан олиб келган чопқи ёрдамида қорин ва елка соҳаларига бир неча маротаба уриб, икки қўли кафт соҳасидан чопқи билан чопиб ташлаган. Бу воқеа аёлнинг фарзандини кўз ўнгида юз берган.
Олган тан жароҳатлари оқибатида аёл воқеа жойида вафот этган.

Эркак ушланган, унга нисбатан Жиноят кодекснинг 97-моддаси 2-қисми “ж” банди билан жиноят иши қўзғатилган. Унга кўра 15 йилдан 25 йилгача ёки умрбод қамоқ жазоси кўзда тутилган.

Ўзбекистонда аёлларнинг ўлдирилиши кўп учрамоқда, лекин негадир ички ишлар органларимизда одил судловга гендер ёндашуви шаклланмаган. Агар тизим аёлларга нисбатан очиқ ва бағрикенг бўлса, ҳуқуқ-тартибот идоралари бундай ҳолатларга ўз вақтида жавоб қайтарар, эҳтимолий жабрланувчилар эса уларга нисбатан ишонч билан муносабатда бўлар эди.

Эркак бир неча кун олдин марҳумага ҳужум қилишга уринган ва маъмурий жавобгарликка тортилган. Бир неча кундан кейин эса у аёлни ҳеч қандай тўсиқсиз ўлдирди. Жиноятнинг олдини олиш, аёлларни ҳимоя қилиш деган тушунчанинг ўзи йўқ. Гўёки тушунтириш иши олиб бориб, эркакни қўйиб юборишган. Айбланувчининг укаси, ҳеч нарса қилмаган бўлса-да, жиноят содир бўлган пайтда акаси билан бирга бўлганига нисбатан қандайдир чора кўрилганми - маълум эмас. У жавобгарликка тортиладими?

Онаси кўзи олдида ўлдирилган қизчанинг аҳволи нима бўлади? У яшаётган давлатига ишонадими? Унга малакали психологик ёрдам кўрсатишадими?

Ички ишлар органлари, маҳалла, жамият хотин-қизларга нисбатан таҳдидларга жиддий қараши, бу каби ҳолатларнинг ҳалокатли оқибатини кутмасдан, қаттиқ бостириши учун яна қанча аёллар ҳалок бўлиши керак?

Нигина Худайбергенова

#СукутСақлама #Қонунлар #ЗўравонликданҲолиЎзбекистон #АдолатТалабҚиламиз

Миробод туманида 17 ёшли қизга ташланган эркак устидан суд бошланди

Бу йил апрель ойида мактабдан қайтаетган қизга бир эркак ташланди. У қизга нисбатан уятсиз ҳатти-ҳаракатлар содир этиб, номусига тегмоқчи бўлди. Ҳолат камерага тушди.

Тергов зўравонни топиб, унинг ҳаракатларига ҳуқуқий баҳо берди.

Олий суд матбуот котибининг маълум қилишича, 1997 й.т. эркакка 18 ёшга етмаган шахс номусига тегишга суиқасд қилиш (ЎзР ЖК 25 ва 118 моддалари) бўйича айблов қўйилди.

Суд ёпиқ мажлисда бўлиб ўтади.

Тезкор ходимлар ва терговчилар бундай воқеликнинг ижтимоий хавфига жиддий ендошгани ва эркак жазоланиши учун барчасини қилгани қувонарли.

#СукутСақлама #ЗўравонликданҲолиЎзбекистон #болалар

​Тошкентда мижозининг кўзи олдида ўз шаҳватини қондирган такси ҳайдовчисига 5 сутка қамоқ жазоси берилди.

Nemolchi.uz таҳририятига жабрланувчисининг опаси мурожаат қилди ва тафсилотлари билан бўлишди:

“Синглим “Яндекс”да кетаётганида сафар охирига яқин ҳайдовчининг ғалати хатти-ҳаракатини пайқаб қолди, маълум қилишича, у ўз шаҳватини қондираётган экан. Синглим видеога олишга улгурмади, ҳайдовчига бақириб дарҳол "102"га қўнғироқ қилди, эркакни участкага олиб кетишади.
Ҳайдовчи оиласи борлиги, хотини яқинда туққани учун шундай қилишга мажбур бўлганини айтиб, ариза бермасликни сўради. Наҳот у ўз жинсий хоҳиш-истакларини уйида қондира олмаса?!"

Синглим ариза берди. Суд ўша куни бўлиши керак эди, лекин эртаси кунга қолдирилди.

Аввалига онаси йиглаб, аризани қайтариб олишни сўради, суддан кейин эса синглим ўзи сабабчи эканлиги ва буни хоҳлаганини айтиб урушиб кетди".

9 июль куни эрталаб жабрланувчининг яқинлари бизга Ризоқулов Бехруз устида суд мажлиси бўлиб ўтиб, у МЖтК 41-1 моддаси билан айбдор, деб топилиб, 5 сутка маъммурий қамоқ жазосини олгани ҳақида хабар беришди. Шунингдек Ризоқулов Бехруз таксопаркка ишга кириш учун ўзга шахснинг маълумотларидан фойдаланганини маълум қилишди (машина ижарада бўлиб, эҳтимол, иловадаги маълумотлар машина эгасига тегишли - таҳририятдан).

Яндекс такси нима учун маҳаллий таксопарклар ишини текширмаслиги қизиқ. Бундан келиб чиқадики, таксопарклар иловага уланаётган ҳайдовчиларнинг шахсини ҳам текширмас экан-да?!

Биз қайта-қайта обуначиларимизга мурожаат қиламиз, ҳуқуқларингиз бузилган тақдирда ички ишлар органларига албатта мурожаат қилинг. Ўзингизни ҳимоя қилишдан қўрқманг!

#СукутСақлама #ЗўравонликданҲолиЎзбекистон #шилқимлик #такси

​Тошкент вилоятида профилактика инспектори хотини ва чақалоғини, сўнгра ўзини отиб ўлдирди.

Тошкент вилояти Бўстонлиқ туманида Ички ишлар бошқармаси профилактика инспектори турмуш ўртоғи, фарзанди ва ўзини отиб ўлдирди. Бу ҳақда Бош прокуратура матбуот котиби Ҳаёт Шамсутдинов хабар берди.

Қайд этилишича, ҳолат 6 август куни соат 21:00 атрофида ходимнинг хизмат хонадонида содир бўлган. 28 ёшли инспектор ва ўзи тенги турмуш ўртоғи ўртасида ўзаро келишмовчилик келиб чиққан.

Оқибатда ходим ўзига бириктирилган «ПМ табель» қуроли билан хотини ва 7 ойлик ўғил фарзандига ўқ узиб қасддан ўлдирган. Шундан сўнг, қуроли билан ўзининг бош қисмидан бир маротаба ўқ узиб, жонига қасд қилган.

Оиладаги вазият қандай бўлишидан қатъий назар, уни ҳал қилиш мумкин. Муносабатларни яхшилаш имконсиз бўлса, ҳар доим тинч йўл бор - ажрим. Аммо бизнинг жамиятда ажрим гўё ҳаёт тугашини англатади. Лекин аёл ва чақалоқ ҳаёти барча гап-сўзлардан устунми?

#СукутСақлама #фемицид #ЗўравонликданҲолиЎзбекистон

​Сурхондарё вилоятида 10 ёшли қизга уятсиз ҳатти-ҳаракатлар содир этган эркак қамоққа олинди

Сурхондарё вилоятида ҳуқуқ-тартибот идоралари томонидан 10 ёшли қизга уятсиз ҳатти-ҳаракатлар қилганликда гумонланиб, 32 ёшли эркак қамоққа олинди. Бу ҳақда Болалар омбудсманининг расмий каналида маълум қилинди.

Воқеа 2024 йилнинг 3 июнь куни содир бўлган. Қўшни эркак уйда ҳеч ким йўқлигидан фойдаланиб, вояга етмаган қизга нисбатан шаҳвоний характердаги номақбул ҳаракатлар содир этган.

Эркак вояга етмаган қизга агар бўлган ҳолатни кимгадир айтадиган бўлса, унга зарар етишини айтган. Лекин шунда ҳам қиз бўлган воқеаларни телефонига видеога олишга муваффақ бўлган.

Видеоёзув тергов органига тақдим этилганига қарамасдан, ходимлар томонидан тегишли чора кўрилмаган.

Қиз ота-онасининг Болалар ҳуқуқлари бўйича вакилига ва унинг Ички ишлар вазирлигига юборган сўровидан сўнг, 7 июль куни мазкур ҳолат юзасидан Ўзбекистон Республикаси Жиноят кодексининг 129-моддаси 2-қисми “в” банди (“Ўн олти ёшга тўлмаган шахсга нисбатан уятсиз-бузуқ ҳаракатлар”) билан жиноят иши қўзғатилган. Эркак 5 йилгача қамоқ жазосига ҳукм қилиниши мумкин.

Шуни таъкидлаш керакки, ушбу моддада назарда тутилган жиноятлар учун шартли равишда озод қилиш кўзда тутилмаган.

#СукутСақлама #болалар #ЗўравонликданҲолиЎзбекистон

​Сурхондарёда ўсмир йигитлари билан гаплашгани учун опасини уриб ўлдирди

Маълум қилинишича, Сурхондарё вилоятида 16 ёшли мактаб ўқувчиси «йигитлар билан гаплашиб юргани учун» 18 ёшли опасини уриб ўлдирди.

Фожеа 11 куни содир бўлган. Музработ туман ИИБ навбатчилик қисмига тушган хабарга кўра, йигит таёқ ва метал жисм билан опасининг бошига ва танасининг турли жойларига тан жароҳати етказган. Оқибатда қиз воқеа жойда вафот этган. Йигит ўз қилмишини опасининг йигитлар билан гаплашиб юргани билан тушунтиради.

Олинган жароҳатлардан қиз воқеа жойида ҳалок бўлди.

Ҳолат юзасидан 11 август куни туман прокуратураси томонидан ЖКнинг 97-моддаси (қасддан одам ўлдириш) 1-қисми билан жиноят иши қўзғатилиб, гумонланувчи ушланган.

Бундай даҳшатни эркаклар аёлларни назорат қилиш орқали ўз хатти-ҳаракатларига туртки бўлган "ор-номус қотиллиги" тушунтириш мумкин. Бундай шафқатсизлик ва зўравонлик кўринишларига қарши курашиш, инсон ҳаёти қадриятини, зўравонликка йўл қўйиб бўлмаслигини сингдириш зарур.

#СукутСақлама #ЗўравонликданҲолиЎзбекистон #Болалар