▫️کؤنلومو
شیمشک کیمی بولودلاری قوواراق،
وئردیم پارلاق چیچک‌لره کؤنلومو.
گونش کیمی قارانلیغی بوغاراق،
وئردیم اودلو دیلک‌لره کؤنلومو.
جاوان عؤمروم بیر موم کیمی سؤنرکن،
یوکسک‌لردن آلچاقلارا ائنرکن،
امل‌لریم بیر سرابا دؤنرکن،
چاخیب وئردیم شیمشک‌لره کؤنلومو.
او زامان کی صاحیب اولدوم قانادا،
بیر قوش کیمی نظر سالدیم حیاتا.
ائتدی منی گنجلیک شؤوقوم احاطا،
وئردیم سرخوش کولک‌لره کؤنلومو.
#میکائیل_موشفیق
#شعر_اوجاغی
@SheirOcagi
شیمشک کیمی بولودلاری قوواراق،
وئردیم پارلاق چیچک‌لره کؤنلومو.
گونش کیمی قارانلیغی بوغاراق،
وئردیم اودلو دیلک‌لره کؤنلومو.
جاوان عؤمروم بیر موم کیمی سؤنرکن،
یوکسک‌لردن آلچاقلارا ائنرکن،
امل‌لریم بیر سرابا دؤنرکن،
چاخیب وئردیم شیمشک‌لره کؤنلومو.
او زامان کی صاحیب اولدوم قانادا،
بیر قوش کیمی نظر سالدیم حیاتا.
ائتدی منی گنجلیک شؤوقوم احاطا،
وئردیم سرخوش کولک‌لره کؤنلومو.
#میکائیل_موشفیق
#شعر_اوجاغی
@SheirOcagi
▫️هارالیسان؟
هارالیسان؟ جنّت‌دیرمی مکانین؟
ملکمیسن؟ نه دادلی‌دیر لیسانین!
من تانریمین باخیمی‌یلا ازلدن،
بیر باده ایچمیشم، بیر گؤزل الدن.
ان روحانی نشه‌لردن قانادیم،
چیخدیم، سنی بولودلاردا آرادیم.
اولدوزلاردان سوردوم، «آی‌دیر» دئدیلر،
آی'ا گئتدیم، او دا سنسیز موکدّر.
«سنسیز» گؤردوم، ملک‌لره داریلدیم،
ائندیم یئره، قلَمیمه ساریلدیم.
یازدیم...یازدیم، فقط گلمز بیزیم یاز،
هئچ بیر شعیر باخدیم، سنسیز شن اولماز.
«هئچ یازماییم» دئدیم، ایسته‌ییم سؤندو،
قلم سوکوت ائتدی، کؤنول دوشوندو.
بیر سس دویدوم قلم الدن دوشونجه:
«هپ منیمچون وورسون قلبین اؤلونجه!»
...باییلمیشدیم...دوردوم، گؤردوم کی هپ سن،
سن ایمیشسن منه باده ایچیردن.
هاردا ایدین، جنّت‌می‌دیر مکانین؟!
ملکمیسن؟ نه دادلی‌دیر لیسانین!
#احمد_جاواد
#شعر_اوجاغی
@SheirOcagi
هارالیسان؟ جنّت‌دیرمی مکانین؟
ملکمیسن؟ نه دادلی‌دیر لیسانین!
من تانریمین باخیمی‌یلا ازلدن،
بیر باده ایچمیشم، بیر گؤزل الدن.
ان روحانی نشه‌لردن قانادیم،
چیخدیم، سنی بولودلاردا آرادیم.
اولدوزلاردان سوردوم، «آی‌دیر» دئدیلر،
آی'ا گئتدیم، او دا سنسیز موکدّر.
«سنسیز» گؤردوم، ملک‌لره داریلدیم،
ائندیم یئره، قلَمیمه ساریلدیم.
یازدیم...یازدیم، فقط گلمز بیزیم یاز،
هئچ بیر شعیر باخدیم، سنسیز شن اولماز.
«هئچ یازماییم» دئدیم، ایسته‌ییم سؤندو،
قلم سوکوت ائتدی، کؤنول دوشوندو.
بیر سس دویدوم قلم الدن دوشونجه:
«هپ منیمچون وورسون قلبین اؤلونجه!»
...باییلمیشدیم...دوردوم، گؤردوم کی هپ سن،
سن ایمیشسن منه باده ایچیردن.
هاردا ایدین، جنّت‌می‌دیر مکانین؟!
ملکمیسن؟ نه دادلی‌دیر لیسانین!
#احمد_جاواد
#شعر_اوجاغی
@SheirOcagi
▫️روحونون درینلیکلرینه ائن و اوّلجه اؤزونو تانیماغی اؤیرن! بونو ائتدیکدن سونرا بو خسته‌لیگه نییه توتولدوغونو آنلایاجاق و بلکه ده داها خسته‌لنمه‌یه‌جکسن.
📚 خوشبختلیک احتمالیمیز
#زیگموند_فروید
#شعر_اوجاغی
@SheirOcagi
📚 خوشبختلیک احتمالیمیز
#زیگموند_فروید
#شعر_اوجاغی
@SheirOcagi
|شعر اوجاغی|
▫️کومسومول پوئماسی 3 او، بیزدن آیریلارکن شاهسووار گئجه‌نین قوینوندا ساکین، قلبینده انتقام، گؤزلرینده کین، سون دفعه توپلاییب یازیق اؤزونو، آستاجا سؤیله‌دی بو سون سؤزونو: - «گؤزلری یولدادیر آنامین، شکسیز؛ واختسیر اؤلمه‌ییمی خبر وئرین سیز! دئیین کی آرخامجا…
▫️کومسومول پوئماسی 4
ساحیلده
کور'ون قومسال ساحیلینده قاشلارینی چالاراق،
قامچیسینی دؤیور سویا حیدّتیندن «گَرای» بَی.
اوچ آی‌دیر کی اورمانلارین آراسیندا یاتاراق،
ال اوزموشدور وطنیندن، میلّتیندن گرای بی،
قامچیسینی دؤیور سویا حیدّتیندن گرای بی:
«نه‌دن منیم قاباغیمدان آرتان‌لاری یئین‌لر،
کؤهنه-کؤشکول پالتاریمی اؤز اَینینه گئین‌لر،
ایندی منه آغ اولسونلار¹؟خانیمانیم داغیلیر،
قیزیل‌یئلین اینک‌لریم² یاد اللرده ساغیلیر»
کورون ساحیلینده وار اسکی بیر کؤی،
اوستونده هر زامان چیلپاق اولور گؤی.
«صلاحلی کندی»دیر بو کندین آدی،
هر یئرده ساحیله سؤیکه‌نیر آردی.
دالغالار قودوروب داشدیغی زامان،
ساحیله ان یاخین ائولری همان،
کؤکوندن قوپاریب آلیر قوینونا،
اودور کی، ان کؤهنه زاماندان اونا،
دئییرلر: «قادالی-قانلی کور چایی»
کئچیدلر قاریشیر هر آپرئل آیی.
بیر آخشام گونشین باتدیغی زامان،
سیزین بیلدیگینیز او توپال گرای،
قالین بیر اورمانین آراسیندا تک،
آغاجدان-آغاجا گؤز گزدیره‌رک،
کورون ساحیلینده گلیب دایاندی،
گؤزلری حیرصیندن آلیشیب یاندی.
اونون خاطیریندن کئچدی دویونجا،
همن بو اورماندا، ساحیل بویونجا،
بیر زامان کوکره‌ییب آت اویناتدیغی،
توراجا، ککلیگه توفنگ آتدیغی...
#صمد_وورغون
¹- تابع اولماماق، سؤز قایتارماق «Ağ olmaq»
²- بوغاز اینک
#شعر_اوجاغی
@SheirOcagi
داوامی وار.
ساحیلده
کور'ون قومسال ساحیلینده قاشلارینی چالاراق،
قامچیسینی دؤیور سویا حیدّتیندن «گَرای» بَی.
اوچ آی‌دیر کی اورمانلارین آراسیندا یاتاراق،
ال اوزموشدور وطنیندن، میلّتیندن گرای بی،
قامچیسینی دؤیور سویا حیدّتیندن گرای بی:
«نه‌دن منیم قاباغیمدان آرتان‌لاری یئین‌لر،
کؤهنه-کؤشکول پالتاریمی اؤز اَینینه گئین‌لر،
ایندی منه آغ اولسونلار¹؟خانیمانیم داغیلیر،
قیزیل‌یئلین اینک‌لریم² یاد اللرده ساغیلیر»
کورون ساحیلینده وار اسکی بیر کؤی،
اوستونده هر زامان چیلپاق اولور گؤی.
«صلاحلی کندی»دیر بو کندین آدی،
هر یئرده ساحیله سؤیکه‌نیر آردی.
دالغالار قودوروب داشدیغی زامان،
ساحیله ان یاخین ائولری همان،
کؤکوندن قوپاریب آلیر قوینونا،
اودور کی، ان کؤهنه زاماندان اونا،
دئییرلر: «قادالی-قانلی کور چایی»
کئچیدلر قاریشیر هر آپرئل آیی.
بیر آخشام گونشین باتدیغی زامان،
سیزین بیلدیگینیز او توپال گرای،
قالین بیر اورمانین آراسیندا تک،
آغاجدان-آغاجا گؤز گزدیره‌رک،
کورون ساحیلینده گلیب دایاندی،
گؤزلری حیرصیندن آلیشیب یاندی.
اونون خاطیریندن کئچدی دویونجا،
همن بو اورماندا، ساحیل بویونجا،
بیر زامان کوکره‌ییب آت اویناتدیغی،
توراجا، ککلیگه توفنگ آتدیغی...
#صمد_وورغون
¹- تابع اولماماق، سؤز قایتارماق «Ağ olmaq»
²- بوغاز اینک
#شعر_اوجاغی
@SheirOcagi
داوامی وار.
▫️حیرصلنمه‌یین! سیزه عائید اولمایان شئیلره نییه حیرصلنه‌سینیز آخی؟!
📚 بیر ساواشین تصویری
#فرانتس_کافکا
#شعر_اوجاغی
@SheirOcagi
📚 بیر ساواشین تصویری
#فرانتس_کافکا
#شعر_اوجاغی
@SheirOcagi
▫️تانری وارمیش کیمی یاشاییب اؤلدویومدن سونرا یوخلوغونو آنلاماغی، تانری یوخ کیمی یاشاییب اؤلدویومدن سونرا وارلیغینی آنلاماغا ترجیح ائدیرم.
#آلبر_کامو
#شعر_اوجاغی
@SheirOcagi
#آلبر_کامو
#شعر_اوجاغی
@SheirOcagi
▫️منیم منه سسسیزلیگیم،
قورخودور منی.
بوش‌وئرمیشلیک عارسیزلیغیم،
قورخودور منی.
بوگون وارلار، صاباح یوخلار،
وارلیقلی‌لار، مولکو چوخ‌لار.
آج'ی سئیر ائدییور توخ‌لار،
قورخودور منی.
«نورشانی» سؤندو چیرا'سی،
آیلیق گلیر ائو کیراسی.
آتوم چاغین فوقَراسی،
قورخودور منی.
#علی_نورشانی
#شعر_اوجاغی
@SheirOcagi
قورخودور منی.
بوش‌وئرمیشلیک عارسیزلیغیم،
قورخودور منی.
بوگون وارلار، صاباح یوخلار،
وارلیقلی‌لار، مولکو چوخ‌لار.
آج'ی سئیر ائدییور توخ‌لار،
قورخودور منی.
«نورشانی» سؤندو چیرا'سی،
آیلیق گلیر ائو کیراسی.
آتوم چاغین فوقَراسی،
قورخودور منی.
#علی_نورشانی
#شعر_اوجاغی
@SheirOcagi
▫️بختیار
کولک قاری سپه‌لر، بختیار!
آغ گئیینیب تپه‌لر، بختیار!
گئجه قارا، یول اوزاق، قارداشیم!
گؤیلر بولود، چؤل-دوز آغ، قارداشیم!
کامان چالان کیمدیر او، بختیار؟!
کولک‌دی، یا سیم‌دیر او، بختیار؟!
هنیرتینی دویدومو کهَرین؟
توفنگینه یاپیشدی اللرین.
دوشمن اون بیر، تکجه سن، نه ضرر؟!
تنلیک* ایشاره‌سی‌دیر گوللـه‌لر.
گنجلیک حیات شیرین‌دیر، قارداشیم!
وطن قات-قات شیرین‌دیر، قارداشیم!
ایللریمین بالاسی، بختیار!
قلبی وطن قالاسی، بختیار!
قورتاریرسا عسگرین گوللـه‌سی،
سیلاحی‌دیر قلبینین کین سسی.
محو ائتدین اون یاغینی، قهرمان!
قان سیزیردی سنین ده یاراندان.
بوغازینی ضابیطین گمیردین،
ایراده قووّتین‌له دمیر'دین.
غالیب نغمه سس‌لنیر، قارداشیم!
غالبیّت نغمه‌دیر، قارداشیم!
کامان چالان کیمدیر او، بختیار؟!
کولک‌دی، یا سیم‌دیر او، بختیار؟!
آدین بو نغمه‌لرده نقَرات،
دوستلار گئدیر جبهه‌یه، راحات یات!
باخ، قیزاریر اوفوق‌لر، قارداشیم!
بیزیم‌دیر گونش، ظفر، قارداشیم!
سن قورودون وطنی، بختیار!
وطن اونوتماز سنی، بختیار!
بوندان سونرا فخر ایله آنالار،
کؤرپه‌سینه آد قویار: بختیار.
#رسول_رضا
* برابرلیک، معادله
#شعر_اوجاغی
@SheirOcagi
کولک قاری سپه‌لر، بختیار!
آغ گئیینیب تپه‌لر، بختیار!
گئجه قارا، یول اوزاق، قارداشیم!
گؤیلر بولود، چؤل-دوز آغ، قارداشیم!
کامان چالان کیمدیر او، بختیار؟!
کولک‌دی، یا سیم‌دیر او، بختیار؟!
هنیرتینی دویدومو کهَرین؟
توفنگینه یاپیشدی اللرین.
دوشمن اون بیر، تکجه سن، نه ضرر؟!
تنلیک* ایشاره‌سی‌دیر گوللـه‌لر.
گنجلیک حیات شیرین‌دیر، قارداشیم!
وطن قات-قات شیرین‌دیر، قارداشیم!
ایللریمین بالاسی، بختیار!
قلبی وطن قالاسی، بختیار!
قورتاریرسا عسگرین گوللـه‌سی،
سیلاحی‌دیر قلبینین کین سسی.
محو ائتدین اون یاغینی، قهرمان!
قان سیزیردی سنین ده یاراندان.
بوغازینی ضابیطین گمیردین،
ایراده قووّتین‌له دمیر'دین.
غالیب نغمه سس‌لنیر، قارداشیم!
غالبیّت نغمه‌دیر، قارداشیم!
کامان چالان کیمدیر او، بختیار؟!
کولک‌دی، یا سیم‌دیر او، بختیار؟!
آدین بو نغمه‌لرده نقَرات،
دوستلار گئدیر جبهه‌یه، راحات یات!
باخ، قیزاریر اوفوق‌لر، قارداشیم!
بیزیم‌دیر گونش، ظفر، قارداشیم!
سن قورودون وطنی، بختیار!
وطن اونوتماز سنی، بختیار!
بوندان سونرا فخر ایله آنالار،
کؤرپه‌سینه آد قویار: بختیار.
#رسول_رضا
* برابرلیک، معادله
#شعر_اوجاغی
@SheirOcagi
|شعر اوجاغی|
▫️کومسومول پوئماسی 4 ساحیلده کور'ون قومسال ساحیلینده قاشلارینی چالاراق، قامچیسینی دؤیور سویا حیدّتیندن «گَرای» بَی. اوچ آی‌دیر کی اورمانلارین آراسیندا یاتاراق، ال اوزموشدور وطنیندن، میلّتیندن گرای بی، قامچیسینی دؤیور سویا حیدّتیندن گرای بی: «نه‌دن منیم…
▫️کومسومول پوئماسی5
ایلک تسلیم
آزاجیق کئچمه‌دن سولار قارالدی،
ساحیلده بیر درین سسسیزلیک واردی.
او تایدان بو تایا ایشیقلار گلیر،
توستولر بورولوب گؤیه یوکسه‌لیر.
«گرای» بَی گؤزونو زیلله‌ییب اونا،
وارلیغی داش کیمی قالمیشدیر دونا.
اوچونجو گوندور کی قولوندا یارا،
کاریخیب، وورنوخور دؤرد بیر دیارا.
گورولتو قوپدوقجا آج معده‌سیندن،
دیکسینیر سولارین اویناق سسیندن.
نه‌لر کئچدیگینی او دویا-دویا،
اؤزونو توللاماق ایسترکن سویا،
قالیب پنجه‌سینده ناموس لا عارین،
آت کیمی سیچرایان آغ دالغالارین،
قوینونا گؤزلری دیکیلیب قالیر،
قلبینده حسرتی، کینی چوخالیر.
سونرا گؤزلرینه گؤرونور بیردن،
ساحیله گؤز چکن گمیچی «بهمن».
- «سنمیسن، آی بهمن؟!»
+ «کیمدیر سوروشان؟»
- «منم، بیر باری گل!» سؤیله‌ییر گرای.
+ «بو کی، تانیش سسدیر» دئیرکن بهمن،
فیرلانیب گئرییه، یؤنه‌لیر همن:
+ «وای! سنی خوش گؤردوک، هارادان بئله؟
بو نامرد وطنه... بو نامرد ائله،
یئنه‌می اوز قویوب سالام وئریرسن؟»
- «حاقلیسان، آی بهمن، سؤزلرینده سن!
فقط نه ائتمک کی، بئله‌دیر اینسان،
عزیز دوستلارینا کوسر بیر زامان،
سونرادان غؤور ائیلر¹ اسکی یارالار.»
+ «یوخسا، بو گلمکده بیر فیکرین‌می وار؟»
- «اونسوز اولورمو هئچ؟!... واردیر، شوبهه‌سیز.
بو ائل، بو گوذَران، بو من، بو دا سیز،
گلین کؤمک‌له‌شک، گؤرک نه اولور!
آختاران دونیادا هر حاقّی بولور-
دئمیشلر بابالار».
+ «بو دوغرو... لاکین،
بیر آز حؤوصله‌نیز اولماسا ساکین،
یئنه ده گوناهسیز قانلار آخاجاق.
بوراخ بو ترسلیگی، گل آللاها باخ!»
گؤزآلتی سوزه‌رک قوجا بهمنی:
- «سونرا دانیشاریق... هله‌لیک منی،
دوز-چؤرک عشقینه کئچیر ساحیله!»
دئییب، گمیچینی توتاراق دیله،
«کئچرسن!» دئیه‌رک قیشقیردی بیردن.
دونَندن گرای'ین ایزی‌یله گلن،
کومسومول² بختیار، یانیندا جلال:
«اولسون اینقلابا قانیمیز حلال!»
دئییب وئرمیشدیلر یئنه باش-باشا،
گرای اؤز یئرینده دؤنموشدو داشا.
ایسته‌دی الینی آتسین ناقان'ا،
گؤردو کی، ناقان'ی باتمیشدیر قانا.
حیرصیندن بوزاریب گؤزلری دولدو،
عؤمرونده ایلک دفعه او تسلیم اولدو.
#صمد_وورغون
¹-درین‌لشمک
²- کومونیست گنجلر بیرلیگی اؤیه‌سی
#شعر_اوجاغی
@SheirOcagi
داوامی وار.
ایلک تسلیم
آزاجیق کئچمه‌دن سولار قارالدی،
ساحیلده بیر درین سسسیزلیک واردی.
او تایدان بو تایا ایشیقلار گلیر،
توستولر بورولوب گؤیه یوکسه‌لیر.
«گرای» بَی گؤزونو زیلله‌ییب اونا،
وارلیغی داش کیمی قالمیشدیر دونا.
اوچونجو گوندور کی قولوندا یارا،
کاریخیب، وورنوخور دؤرد بیر دیارا.
گورولتو قوپدوقجا آج معده‌سیندن،
دیکسینیر سولارین اویناق سسیندن.
نه‌لر کئچدیگینی او دویا-دویا،
اؤزونو توللاماق ایسترکن سویا،
قالیب پنجه‌سینده ناموس لا عارین،
آت کیمی سیچرایان آغ دالغالارین،
قوینونا گؤزلری دیکیلیب قالیر،
قلبینده حسرتی، کینی چوخالیر.
سونرا گؤزلرینه گؤرونور بیردن،
ساحیله گؤز چکن گمیچی «بهمن».
- «سنمیسن، آی بهمن؟!»
+ «کیمدیر سوروشان؟»
- «منم، بیر باری گل!» سؤیله‌ییر گرای.
+ «بو کی، تانیش سسدیر» دئیرکن بهمن،
فیرلانیب گئرییه، یؤنه‌لیر همن:
+ «وای! سنی خوش گؤردوک، هارادان بئله؟
بو نامرد وطنه... بو نامرد ائله،
یئنه‌می اوز قویوب سالام وئریرسن؟»
- «حاقلیسان، آی بهمن، سؤزلرینده سن!
فقط نه ائتمک کی، بئله‌دیر اینسان،
عزیز دوستلارینا کوسر بیر زامان،
سونرادان غؤور ائیلر¹ اسکی یارالار.»
+ «یوخسا، بو گلمکده بیر فیکرین‌می وار؟»
- «اونسوز اولورمو هئچ؟!... واردیر، شوبهه‌سیز.
بو ائل، بو گوذَران، بو من، بو دا سیز،
گلین کؤمک‌له‌شک، گؤرک نه اولور!
آختاران دونیادا هر حاقّی بولور-
دئمیشلر بابالار».
+ «بو دوغرو... لاکین،
بیر آز حؤوصله‌نیز اولماسا ساکین،
یئنه ده گوناهسیز قانلار آخاجاق.
بوراخ بو ترسلیگی، گل آللاها باخ!»
گؤزآلتی سوزه‌رک قوجا بهمنی:
- «سونرا دانیشاریق... هله‌لیک منی،
دوز-چؤرک عشقینه کئچیر ساحیله!»
دئییب، گمیچینی توتاراق دیله،
«کئچرسن!» دئیه‌رک قیشقیردی بیردن.
دونَندن گرای'ین ایزی‌یله گلن،
کومسومول² بختیار، یانیندا جلال:
«اولسون اینقلابا قانیمیز حلال!»
دئییب وئرمیشدیلر یئنه باش-باشا،
گرای اؤز یئرینده دؤنموشدو داشا.
ایسته‌دی الینی آتسین ناقان'ا،
گؤردو کی، ناقان'ی باتمیشدیر قانا.
حیرصیندن بوزاریب گؤزلری دولدو،
عؤمرونده ایلک دفعه او تسلیم اولدو.
#صمد_وورغون
¹-درین‌لشمک
²- کومونیست گنجلر بیرلیگی اؤیه‌سی
#شعر_اوجاغی
@SheirOcagi
داوامی وار.
▫️سنده قار،
منده یاغیش.
سن دامجیلار قدر چوخ،
من قاردان آدام قدر یالنیز.
#کنعان_اوغان
#شعر_اوجاغی
@SheirOcagi
منده یاغیش.
سن دامجیلار قدر چوخ،
من قاردان آدام قدر یالنیز.
#کنعان_اوغان
#شعر_اوجاغی
@SheirOcagi
▫️ایمان گتیرمک دوشونمکدن داها قولای‌دیر. بو اوزدن مؤمینلرین سایی مودریک‌لرین ساییندان داها چوخدور.
#برتراند_راسل
#شعر_اوجاغی
@SheirOcagi
#برتراند_راسل
#شعر_اوجاغی
@SheirOcagi
▫️اورالارا قار یاغسا
منه توخودوغون شالی
قار آدامی‌‌نین بوینونا سال
اؤز گؤزلرین‌له گؤر
اریییب یوخ اولدوغومو
گؤرورسن؟!
اؤلولردن کیم‌لری مزار ایسته‌مز
قار آدامی کیمی
#سیدحیدر_بیات
@SheirOcagi
منه توخودوغون شالی
قار آدامی‌‌نین بوینونا سال
اؤز گؤزلرین‌له گؤر
اریییب یوخ اولدوغومو
گؤرورسن؟!
اؤلولردن کیم‌لری مزار ایسته‌مز
قار آدامی کیمی
#سیدحیدر_بیات
@SheirOcagi
Forwarded from |شعر اوجاغی|
▫️حرب‌زده‌لره
ائی گؤرونمز دوست ائلیندن گلن قوش!
هانسی موردار اللر ییخمیش یووانی؟
غریب‌میسن؟ یوخسا نه‌دیر بو دوروش؟
الیندن‌می آلدی اووچو بالانی؟
اووچو! گؤروم بالان سنه قالماسین،
اکدیک‌لرین سولسون، کؤلگه سالماسین!
غریب باجی، گؤزون نه‌دن یاشارمیش!؟
اؤپمه‌دین‌می نیشانلینی دویونجا؟
فلک سنه نه ایسترسه یاپارمیش.
آغلادین‌می قاچدیغین یول بویونجا؟
دیکمه گؤزون هر یالقیزجا مزارا،
گئدن گلمز، باجیم، باخما یوللارا!
آشیقلاردان سس یوخ، سازلاری قالمیش،
چوبان! سورون هانی؟ توزلاری قالمیش.
ائللر کؤچ ائیله‌میش، ایزلری قالمیش.
یوللاری قار باسمیش، یوخ گلیش-گئدیش،
سیزه نه چوخ آغیر کئچدی بو ایل قیش!
باخدیم او یئرلرده، بولودلار آغلار،
مزارلیغا دؤنموش باغچالار، باغلار.
مارالسیز قالدینیز، آ قارلی داغلار!
توتان اولسا سیزدن مارال سوراغی،
گؤره‌جک کی، هر یئر دوشمن یاتاغی.
نیشان مجلیسینده شربت کاساسی-
قیریلمیش، یئرلره شربت تؤکولموش.
باخدیم، چالیر سازلار اؤلوم هاواسی،
تویلار قارا گئیمیش، بئللر بوکولموش.
او یئرلرده داها گلین کؤچَرمی؟!
بو قانلاردان عادیل آللاه کئچرمی؟!
دیدیلمیش بدن‌لر، یولونموش ساچلار-
داغیلمیش یووالار گؤرمک ایسترسن؟
قاردان کفن گئیمیش یوخسوللار آغلار،
او ائللرده نه وار، بیلمک ایسترسن؟
سنه بیر کامانچا هر شئیی سؤیلر،
من بیر کامانچایام، تئللریم اینلر:
عزیزیم، آی هار آیلار!
هر هفته‌لر، هر آیلار،
گؤزو یولدا باجیمیز،
«قارداش» دئییب هارایلار.
#احمد_جاواد
#شعر_اوجاغی
@SheirOcagi
ائی گؤرونمز دوست ائلیندن گلن قوش!
هانسی موردار اللر ییخمیش یووانی؟
غریب‌میسن؟ یوخسا نه‌دیر بو دوروش؟
الیندن‌می آلدی اووچو بالانی؟
اووچو! گؤروم بالان سنه قالماسین،
اکدیک‌لرین سولسون، کؤلگه سالماسین!
غریب باجی، گؤزون نه‌دن یاشارمیش!؟
اؤپمه‌دین‌می نیشانلینی دویونجا؟
فلک سنه نه ایسترسه یاپارمیش.
آغلادین‌می قاچدیغین یول بویونجا؟
دیکمه گؤزون هر یالقیزجا مزارا،
گئدن گلمز، باجیم، باخما یوللارا!
آشیقلاردان سس یوخ، سازلاری قالمیش،
چوبان! سورون هانی؟ توزلاری قالمیش.
ائللر کؤچ ائیله‌میش، ایزلری قالمیش.
یوللاری قار باسمیش، یوخ گلیش-گئدیش،
سیزه نه چوخ آغیر کئچدی بو ایل قیش!
باخدیم او یئرلرده، بولودلار آغلار،
مزارلیغا دؤنموش باغچالار، باغلار.
مارالسیز قالدینیز، آ قارلی داغلار!
توتان اولسا سیزدن مارال سوراغی،
گؤره‌جک کی، هر یئر دوشمن یاتاغی.
نیشان مجلیسینده شربت کاساسی-
قیریلمیش، یئرلره شربت تؤکولموش.
باخدیم، چالیر سازلار اؤلوم هاواسی،
تویلار قارا گئیمیش، بئللر بوکولموش.
او یئرلرده داها گلین کؤچَرمی؟!
بو قانلاردان عادیل آللاه کئچرمی؟!
دیدیلمیش بدن‌لر، یولونموش ساچلار-
داغیلمیش یووالار گؤرمک ایسترسن؟
قاردان کفن گئیمیش یوخسوللار آغلار،
او ائللرده نه وار، بیلمک ایسترسن؟
سنه بیر کامانچا هر شئیی سؤیلر،
من بیر کامانچایام، تئللریم اینلر:
عزیزیم، آی هار آیلار!
هر هفته‌لر، هر آیلار،
گؤزو یولدا باجیمیز،
«قارداش» دئییب هارایلار.
#احمد_جاواد
#شعر_اوجاغی
@SheirOcagi
Forwarded from اتچ بات
▫️قار آلتیندا حوزون دنه‌مه‌سی
دونیانین ان اوزون حوزنو یاغیر،
یورغون و یئنیلمیش اینسانلیغیمیزین اوستونه.
قار یاغیر و سن گئدیرسن،
آغلار کیمی، یئرییه‌رک گئدیرسن.
بلکه تاپماغا گئدیرسن ایتیردیگیمیز او اینسان و طبیعت چاغینی.
دؤن منه و دینله!
قوشلار اوچوشور ایچیمده.
لوش بیر کمان چالینماسی کیمی،
قوشلارین اوچوشدوغونو ایچیمده،
دون منه و دینله!
قارانلیق دنیزلرین دیبینده،
بعضی اینجی‌لرین اولدوغونو،
بعضی اینجیلره و خاطیره‌لره
نه‌دن باغلی اولدوغوموزو اونوتما!
ائشیت منی و دینله!
دنیزلر بوغوشور ایچیمده.
«اونوتما!» دئییرم، آما سن آنلا!
آنلات بیزیم ده یاشاماق ایسته‌دیگیمیزی اونلارا!
#اردم_بایزید
#شعر_اوجاغی
@SheirOcagi
دونیانین ان اوزون حوزنو یاغیر،
یورغون و یئنیلمیش اینسانلیغیمیزین اوستونه.
قار یاغیر و سن گئدیرسن،
آغلار کیمی، یئرییه‌رک گئدیرسن.
بلکه تاپماغا گئدیرسن ایتیردیگیمیز او اینسان و طبیعت چاغینی.
دؤن منه و دینله!
قوشلار اوچوشور ایچیمده.
لوش بیر کمان چالینماسی کیمی،
قوشلارین اوچوشدوغونو ایچیمده،
دون منه و دینله!
قارانلیق دنیزلرین دیبینده،
بعضی اینجی‌لرین اولدوغونو،
بعضی اینجیلره و خاطیره‌لره
نه‌دن باغلی اولدوغوموزو اونوتما!
ائشیت منی و دینله!
دنیزلر بوغوشور ایچیمده.
«اونوتما!» دئییرم، آما سن آنلا!
آنلات بیزیم ده یاشاماق ایسته‌دیگیمیزی اونلارا!
#اردم_بایزید
#شعر_اوجاغی
@SheirOcagi
Telegram
attach 📎
▫️ماهنالار یوکسَلیشیمیزین ان بؤیوک تورموز و انگللری‌دیر، اونلارا «زامان اوغروسو» دئییلیر.
ماهنالاری حیاتیمیزدان سیلمه‌یی اؤیره‌نک!
📚 مورکّب اثر
#دارن_هاردی
#شعر_اوجاغی
@SheirOcagi
ماهنالاری حیاتیمیزدان سیلمه‌یی اؤیره‌نک!
📚 مورکّب اثر
#دارن_هاردی
#شعر_اوجاغی
@SheirOcagi
|شعر اوجاغی|
▫️کومسومول پوئماسی5 ایلک تسلیم آزاجیق کئچمه‌دن سولار قارالدی، ساحیلده بیر درین سسسیزلیک واردی. او تایدان بو تایا ایشیقلار گلیر، توستولر بورولوب گؤیه یوکسه‌لیر. «گرای» بَی گؤزونو زیلله‌ییب اونا، وارلیغی داش کیمی قالمیشدیر دونا. اوچونجو گوندور کی قولوندا…
▫️کومسومول پوئماسی6
هومای
«هومای» دوشوندورور، «هومای» آغلادیر،
او نه «تاتیانا»دیر، نه «اوفئلیا»دیر.
حیاتا گلدیگی او گوندن بری،
او کوسکون باخیشلی قارا گؤزلری،
نه‌لر دوشوندورور!...
اونون حیاتی،
سئوگیسی، طالئعی، موقدّراتی،
هر زامان آندیریر ورَملی بیر قیش،
بوتون دیلک‌لری گؤزونده قالمیش.
ایجازه وئرسه‌نیز دانیشارام من،
او، قیز خیالینین اینجه‌لیگیندن:
دالدیغی موسیقی، سازلارین سسی،
یا دا کی قوشلارین وحشی نغمه‌سی...
داغلارین دؤشونده گزینن چوبان،
دردلنیب نئیینی چالدیغی زامان،
یاشاریر هومایین قارا گؤزلری،
حیاتا گلدیگی او گوندن بری.
بیلیرم دردینی، بیلیرم نه‌دیر،
هومای، تک آیاقلی بیر قرینه‌دیر.¹
الینه عؤمرونده کیتاب آلمامیش،
بؤیوک شهَرلرده قوناق قالمامیش،
نه بیر دمیر یولو، نه ده بیر قاتار،
گؤرمه‌میش... گئجه‌لر او قاتار-قاتار
اوزانان دورنالار نه‌لر آندیرار؟
هومایین قلبینی نییه یاندیرار؟
بعضاً قونشولاردا آغلاشما سسی،
کندلی قادینلارین ائدیلَشمه‌سی،²
دیل دئییب آغلایان یاسلی گلینلر،
قانادلی ناله‌لر، آهلار، انین‌لر،³
قیزین خیالینی قالدیریب یئنه،
اوچورور گؤیلرین درینلیگینه...
بعضاً ده گؤیلرده قیزارتی وارسا،
اوفوقده بیر قیزیل شیمشک چاخارسا،
قورخوب طبیعتین حیکمت‌لریندن،
هومای آهو کیمی اورکه‌رک همن،
سوخولور چادیرین کونجونه ساری،
گؤزآلتی سئیر ائدیر تا اوزاقلاری.
دونیانین سیرّینی نه بیلیر هومای؟!
بعضاً ده گؤیلری گزن سولغون آی،
یاریب بولودلاری هوجوما چیخار،
اونون سنگری‌دیر سیخ-سیخ بولودلار.
هومای بو لؤوحه‌دن ماراقلانیر پک،
آیین آرخاسینجا فیکیرلشه‌رک.
نهایت یورولور، کوت‌لشیر باشی،
دونوب کؤلگه‌لنیر مأیوس باخیشی.
بیلیرم دردینی، بیلیرم نه‌دیر،
هومای تک‌آیاقلی بیر قرینه‌دیر.
او هر گون اویانیر قوشلاردان قاباق،
یاخین بیر تپه‌نین اوستدن آشاراق،
ترپه‌نیر ساحیله، بولاق باشینا،
قویوب سهَنگینی ساحیل داشینا،
سئیر ائدیر سس‌لنن اورمانلیقلاری،
پوزور ساچلارینی سحر روزگاری...
#صمد_وورغون
¹- قرینه ۳۳ ایل، دؤرد آی‌دیر. (شاعیر، هومایین ۱۶-۱۷ یاشیندا بیر قیز اولدوغونو دئمک ایسته‌ییر.)
²- بیرلیکده اوخشاما دئمک
³- اینیلتی، زاریلتی
#شعر_اوجاغی
@SheirOcagi
داوامی وار.
هومای
«هومای» دوشوندورور، «هومای» آغلادیر،
او نه «تاتیانا»دیر، نه «اوفئلیا»دیر.
حیاتا گلدیگی او گوندن بری،
او کوسکون باخیشلی قارا گؤزلری،
نه‌لر دوشوندورور!...
اونون حیاتی،
سئوگیسی، طالئعی، موقدّراتی،
هر زامان آندیریر ورَملی بیر قیش،
بوتون دیلک‌لری گؤزونده قالمیش.
ایجازه وئرسه‌نیز دانیشارام من،
او، قیز خیالینین اینجه‌لیگیندن:
دالدیغی موسیقی، سازلارین سسی،
یا دا کی قوشلارین وحشی نغمه‌سی...
داغلارین دؤشونده گزینن چوبان،
دردلنیب نئیینی چالدیغی زامان،
یاشاریر هومایین قارا گؤزلری،
حیاتا گلدیگی او گوندن بری.
بیلیرم دردینی، بیلیرم نه‌دیر،
هومای، تک آیاقلی بیر قرینه‌دیر.¹
الینه عؤمرونده کیتاب آلمامیش،
بؤیوک شهَرلرده قوناق قالمامیش،
نه بیر دمیر یولو، نه ده بیر قاتار،
گؤرمه‌میش... گئجه‌لر او قاتار-قاتار
اوزانان دورنالار نه‌لر آندیرار؟
هومایین قلبینی نییه یاندیرار؟
بعضاً قونشولاردا آغلاشما سسی،
کندلی قادینلارین ائدیلَشمه‌سی،²
دیل دئییب آغلایان یاسلی گلینلر،
قانادلی ناله‌لر، آهلار، انین‌لر،³
قیزین خیالینی قالدیریب یئنه،
اوچورور گؤیلرین درینلیگینه...
بعضاً ده گؤیلرده قیزارتی وارسا،
اوفوقده بیر قیزیل شیمشک چاخارسا،
قورخوب طبیعتین حیکمت‌لریندن،
هومای آهو کیمی اورکه‌رک همن،
سوخولور چادیرین کونجونه ساری،
گؤزآلتی سئیر ائدیر تا اوزاقلاری.
دونیانین سیرّینی نه بیلیر هومای؟!
بعضاً ده گؤیلری گزن سولغون آی،
یاریب بولودلاری هوجوما چیخار،
اونون سنگری‌دیر سیخ-سیخ بولودلار.
هومای بو لؤوحه‌دن ماراقلانیر پک،
آیین آرخاسینجا فیکیرلشه‌رک.
نهایت یورولور، کوت‌لشیر باشی،
دونوب کؤلگه‌لنیر مأیوس باخیشی.
بیلیرم دردینی، بیلیرم نه‌دیر،
هومای تک‌آیاقلی بیر قرینه‌دیر.
او هر گون اویانیر قوشلاردان قاباق،
یاخین بیر تپه‌نین اوستدن آشاراق،
ترپه‌نیر ساحیله، بولاق باشینا،
قویوب سهَنگینی ساحیل داشینا،
سئیر ائدیر سس‌لنن اورمانلیقلاری،
پوزور ساچلارینی سحر روزگاری...
#صمد_وورغون
¹- قرینه ۳۳ ایل، دؤرد آی‌دیر. (شاعیر، هومایین ۱۶-۱۷ یاشیندا بیر قیز اولدوغونو دئمک ایسته‌ییر.)
²- بیرلیکده اوخشاما دئمک
³- اینیلتی، زاریلتی
#شعر_اوجاغی
@SheirOcagi
داوامی وار.
▫️سن اولمایاندا،
«سئوینج» آنلامسیز بیر سؤزدور،
«سنی سئویرم» بوغازیمدا دیغلایان بیر سیرّ.
سنسیز نئجه توتولماسین اوره‌ییم؟!
بورادا ساعات، گوزگو، هاوا سنه دوشکون‌دور.
#حسین_منزوی
#شعر_اوجاغی
ترجومه
@SheirOcagi
«سئوینج» آنلامسیز بیر سؤزدور،
«سنی سئویرم» بوغازیمدا دیغلایان بیر سیرّ.
سنسیز نئجه توتولماسین اوره‌ییم؟!
بورادا ساعات، گوزگو، هاوا سنه دوشکون‌دور.
#حسین_منزوی
#شعر_اوجاغی
ترجومه
@SheirOcagi
▫️دنیزه قار یاغیر.
دنیزه قار یاغیر، اوشویور دنیز،
دورموشام بیر ساحیل داشینین اوسته.
بلکه اللریمی چتیر ائیله‌ییم،
ساخلاییم دنیزین باشینین اوسته.
بلکه هئچ قار دئییل یاغان بو قار دا،
بلکه گؤیدن یاغیر آغ-آغ چیچک‌لر.
دنیزه قار یاغیر، دنیر قوشلاری-
بو قاری دن بیلیب دن‌له‌یه‌جکلر.
دنیزه قار یاغیر، اوشویور دنیز،
یالین آیاغینا چکمه ایسته‌ییر.
دوروب پنجره‌دن باخان او قادین،
دنیزی گؤزونه چکمک ایسته‌ییر.
#علیزاده_نوری
#شعر_اوجاغی
@SheirOcagi
دنیزه قار یاغیر، اوشویور دنیز،
دورموشام بیر ساحیل داشینین اوسته.
بلکه اللریمی چتیر ائیله‌ییم،
ساخلاییم دنیزین باشینین اوسته.
بلکه هئچ قار دئییل یاغان بو قار دا،
بلکه گؤیدن یاغیر آغ-آغ چیچک‌لر.
دنیزه قار یاغیر، دنیر قوشلاری-
بو قاری دن بیلیب دن‌له‌یه‌جکلر.
دنیزه قار یاغیر، اوشویور دنیز،
یالین آیاغینا چکمه ایسته‌ییر.
دوروب پنجره‌دن باخان او قادین،
دنیزی گؤزونه چکمک ایسته‌ییر.
#علیزاده_نوری
#شعر_اوجاغی
@SheirOcagi