دیالوق
▫️امیرکبیر:
اؤلوم حاقدیر، آما سیزین الینیزله اؤلمک دوغرودان آغیر گلیر. یالنیز سیزین آرانیزدان گئتمک شؤوقودور اؤلومو آسانلاشدیران.
📺 سلطان صاحبقران ۱۳۵۴
#علی_حاتمی
#شعر_اوجاغی
@SheirOcagi
▫️امیرکبیر:
اؤلوم حاقدیر، آما سیزین الینیزله اؤلمک دوغرودان آغیر گلیر. یالنیز سیزین آرانیزدان گئتمک شؤوقودور اؤلومو آسانلاشدیران.
📺 سلطان صاحبقران ۱۳۵۴
#علی_حاتمی
#شعر_اوجاغی
@SheirOcagi
▫️بیر سئوگینین قورونو،
صبریمله تونقال سایدیم.
کیرپیکله اود گؤتوروب
سینهمی مانقال سایدیم.
دؤزوب دوردوم عینادلا،
اوچدوم سینیق قانادلا.
قویمادیم کی قانادا،
دردلری یونقار* سایدیم.
عؤمره ایشیق چیلهدیم،
گونو گونه بلهدیم.
ساچیما دن الهدیم،
اونو دا سون قار سایدیم.
#ابوالفتح_مدداوغلو
* تاختالار یونولارکن میشارین آغزیندان تؤکولن نازیک تاختا پارچالاری، میشار کپهیی
#شعر_اوجاغی
@SheirOcagi
صبریمله تونقال سایدیم.
کیرپیکله اود گؤتوروب
سینهمی مانقال سایدیم.
دؤزوب دوردوم عینادلا،
اوچدوم سینیق قانادلا.
قویمادیم کی قانادا،
دردلری یونقار* سایدیم.
عؤمره ایشیق چیلهدیم،
گونو گونه بلهدیم.
ساچیما دن الهدیم،
اونو دا سون قار سایدیم.
#ابوالفتح_مدداوغلو
* تاختالار یونولارکن میشارین آغزیندان تؤکولن نازیک تاختا پارچالاری، میشار کپهیی
#شعر_اوجاغی
@SheirOcagi
▫️گرک تزهدن یاراناق، هر شئییمیز تزه اولسون! دردیمیزین درمانی، هر شئیی یئنیدن باشلاماقدیر.
📚 محبّت یوواسی
#زیگفرید_لنز
#شعر_اوجاغی
@SheirOcagi
📚 محبّت یوواسی
#زیگفرید_لنز
#شعر_اوجاغی
@SheirOcagi
▫️عزیزیم، قوی یاتیم بیر یاخشی-یاخشی،
گوذاریم دوشوبدو کند ائویمیزه.
یاتیم، داغ یازینین بارلی یاغیشی،
چیچک اوزاداندا پنجرهمیزه.
یاتیم، بئشیک اولسون بو سرین ائیوان،
اؤزومله بیر یاتسین کورشالمیش¹ کینیم.
اینصافی چاتیرسا- نه جین، نه شئیطان،
گیرمهسین بو یئرده یوخوما منیم!
ائوینه توی-بایرام، آی ائو یییهسی!
قووما قاققیلداشان خوروز-بئچهنی!
قوی من یاتا-یاتا چای زومزومهسی،
دَییرمان هارایی دولسون ایچری!
قوی آنا قارانقوش دهلیزه قونسون
قوی ماهنی ائشیتسین یئنه یاز یوخوم!
قوی بولود توققوشسون، ایلدیریم قوپسون!
منیم او سسلردن داغیلماز یوخوم.
دؤزسون تپیگیمه کؤهنه یورغانیم،
دوز اون گون، اونبئش گون یوخو بیشیریم.
جیدیر آتی کیمی یورغون-آرغینام،
عزیزیم، قوی یاتیم بیر شیرین-شیرین!
آغرینین بیچاغی باغریمی یاریر،
واللاه، یارامی دا اودلا دؤیورلر.
بیر یاندان دیلکلر یولا چاغیریر،
بیر یاندان حکیملر «دینجَل!» دئییرلر.
عزیزیم، بو دوغما'ن هاچان دینجَلمیش؟!
چوخ دا اینانمیرام داوا-درمانا.
قایغی گؤره-گؤره کول دیریلرمیش،
قایغی گؤرمهمیشم دردلریم یانا.
حئییف کی، اورهییم یورولوب ائرکن،
قالماق ایستهییرم قوجا داغلاردا.
یاتماق ایستهییرم یاغیش یاغارکن،
کئچهلی-چتَنلی آلاچیقلاردا.
یوخ، یاتا بیلمیرم یالقیز قالاندا،
هاردا شنلیک وارسا- اوردا دا شادام.
آرخی گول قوخویان آرخایین آندا،
قوروجا یئرده ده اویویور آدام.
#آغا_لاچینلی
¹- ایتیلیگینی الدن وئرمک، کوتَلمک (Korşalmaq)
²- چپر، هؤرگو (Çətən)
#شعر_اوجاغی
@SheirOcagi
گوذاریم دوشوبدو کند ائویمیزه.
یاتیم، داغ یازینین بارلی یاغیشی،
چیچک اوزاداندا پنجرهمیزه.
یاتیم، بئشیک اولسون بو سرین ائیوان،
اؤزومله بیر یاتسین کورشالمیش¹ کینیم.
اینصافی چاتیرسا- نه جین، نه شئیطان،
گیرمهسین بو یئرده یوخوما منیم!
ائوینه توی-بایرام، آی ائو یییهسی!
قووما قاققیلداشان خوروز-بئچهنی!
قوی من یاتا-یاتا چای زومزومهسی،
دَییرمان هارایی دولسون ایچری!
قوی آنا قارانقوش دهلیزه قونسون
قوی ماهنی ائشیتسین یئنه یاز یوخوم!
قوی بولود توققوشسون، ایلدیریم قوپسون!
منیم او سسلردن داغیلماز یوخوم.
دؤزسون تپیگیمه کؤهنه یورغانیم،
دوز اون گون، اونبئش گون یوخو بیشیریم.
جیدیر آتی کیمی یورغون-آرغینام،
عزیزیم، قوی یاتیم بیر شیرین-شیرین!
آغرینین بیچاغی باغریمی یاریر،
واللاه، یارامی دا اودلا دؤیورلر.
بیر یاندان دیلکلر یولا چاغیریر،
بیر یاندان حکیملر «دینجَل!» دئییرلر.
عزیزیم، بو دوغما'ن هاچان دینجَلمیش؟!
چوخ دا اینانمیرام داوا-درمانا.
قایغی گؤره-گؤره کول دیریلرمیش،
قایغی گؤرمهمیشم دردلریم یانا.
حئییف کی، اورهییم یورولوب ائرکن،
قالماق ایستهییرم قوجا داغلاردا.
یاتماق ایستهییرم یاغیش یاغارکن،
کئچهلی-چتَنلی آلاچیقلاردا.
یوخ، یاتا بیلمیرم یالقیز قالاندا،
هاردا شنلیک وارسا- اوردا دا شادام.
آرخی گول قوخویان آرخایین آندا،
قوروجا یئرده ده اویویور آدام.
#آغا_لاچینلی
¹- ایتیلیگینی الدن وئرمک، کوتَلمک (Korşalmaq)
²- چپر، هؤرگو (Çətən)
#شعر_اوجاغی
@SheirOcagi
▫️یئر اوزونده ائله گئنیش، ائله سونسوز یوخسونلوقلار، اومیدسیزلیکلر، ائله سیخینتیلار، ائله قورخونج شئیلر وار کی، خوشبخت آدام خوشبختلیگیندن اوتانمادان دوشونه بیلمز بونلاری.
📚 دونیا نعمتلری
#آندره_ژید
#شعر_اوجاغی
@SheirOcagi
📚 دونیا نعمتلری
#آندره_ژید
#شعر_اوجاغی
@SheirOcagi
▫️دردی یاخین بوراخیب
فیکیر ائلهمه، گولوم!
هر آددیمی نیّتله،
ذیکیر ائلهمه، گولوم!
حسرت سینهمده چاخیب،
قانیم سو کیمی آخیب.
سنه بیر دلی باخیب،
شوکور ائلهمه، گولوم!
روحومداکی هر ذرّه،
هم خئییرله، هم شرله،
بیرلشیب سن بشرله.
فیکیر ائلهمه، گولوم!
#ابوالفتح_مدداوغلو
#شعر_اوجاغی
@SheirOcagi
فیکیر ائلهمه، گولوم!
هر آددیمی نیّتله،
ذیکیر ائلهمه، گولوم!
حسرت سینهمده چاخیب،
قانیم سو کیمی آخیب.
سنه بیر دلی باخیب،
شوکور ائلهمه، گولوم!
روحومداکی هر ذرّه،
هم خئییرله، هم شرله،
بیرلشیب سن بشرله.
فیکیر ائلهمه، گولوم!
#ابوالفتح_مدداوغلو
#شعر_اوجاغی
@SheirOcagi
▫️واریمیزی یوخوموزو یئل آپاردی.
آغیزلارا قیفیل ووروب
گؤزلره پرده سالدیلار.
بوش-بوشونا دانیشدیلار،
سؤزلری درده سالدیلار.
الی باغلی، دیلی باغلی
فیکیرلری قیسیرلار، اوف!
باشیداشلی، گؤزو یاشلی
اسیرلره اسیرلر، اوف!
بیر گون، گونون گوندوز گؤزو،
بئهیشتی موفته ساتدیلار.
جهنّمی سؤکوب-قوشوب
بیر آز بئهیشته قاتدیلار.
گئجه بویو اولدوزلاری،
گؤیوموزدن آپاردیلار.
قوتسال اسکی تؤرنلری،
کؤیوموزدن آپاردیلار.
آلوولایان اوجاقلاری،
سویا وئریب سؤندوردولر.
قارانلیغا قارشی دوران،
چیراقلاری سیندیردیلار.
بیر آغیزا یوز دیل قویوب
اونو-بونو قاندیردیلار.
کیتابسیزلار کیتابلاری،
سطیر-سطیر یاندیردیلار.
دونن داغا یاغیش یاغدی،
بوگون بیزی سئل آپاردی.
واریمیزی-یوخوموزو،
یئرلی-دیبلی یئل آپاردی.
#میرحسین_دلداربناب
@SheirOcagi
آغیزلارا قیفیل ووروب
گؤزلره پرده سالدیلار.
بوش-بوشونا دانیشدیلار،
سؤزلری درده سالدیلار.
الی باغلی، دیلی باغلی
فیکیرلری قیسیرلار، اوف!
باشیداشلی، گؤزو یاشلی
اسیرلره اسیرلر، اوف!
بیر گون، گونون گوندوز گؤزو،
بئهیشتی موفته ساتدیلار.
جهنّمی سؤکوب-قوشوب
بیر آز بئهیشته قاتدیلار.
گئجه بویو اولدوزلاری،
گؤیوموزدن آپاردیلار.
قوتسال اسکی تؤرنلری،
کؤیوموزدن آپاردیلار.
آلوولایان اوجاقلاری،
سویا وئریب سؤندوردولر.
قارانلیغا قارشی دوران،
چیراقلاری سیندیردیلار.
بیر آغیزا یوز دیل قویوب
اونو-بونو قاندیردیلار.
کیتابسیزلار کیتابلاری،
سطیر-سطیر یاندیردیلار.
دونن داغا یاغیش یاغدی،
بوگون بیزی سئل آپاردی.
واریمیزی-یوخوموزو،
یئرلی-دیبلی یئل آپاردی.
#میرحسین_دلداربناب
@SheirOcagi
▫️دونیا یومورو لعنت توپودور ائله بیل. فیرلانیب لعنت ساچیر.
نهلر باش وئریر؟ اینسانلارا نه اولوب بئله؟ من هاردایام؟ هارا گئدیرم؟ هاردان گلمیشم؟ نییه گلمیشم؟ کیمم من؟ منه نه لازیمدیر؟...
📚 یالنیزلیقدان شیزوفرئنیایا
#اوآر
#شعر_اوجاغی
@SheirOcagi
نهلر باش وئریر؟ اینسانلارا نه اولوب بئله؟ من هاردایام؟ هارا گئدیرم؟ هاردان گلمیشم؟ نییه گلمیشم؟ کیمم من؟ منه نه لازیمدیر؟...
📚 یالنیزلیقدان شیزوفرئنیایا
#اوآر
#شعر_اوجاغی
@SheirOcagi
▫️کیم دئیه بیلر بونلارین هانکیسینی گؤرمک داها قورخونجدور:
قوروموش اورکلر، یوخسا بوشالمیش بئیینلر؟
📚 بابا گوریو
#اونوره_دو_بالزاک
#شعر_اوجاغی
@SheirOcagi
قوروموش اورکلر، یوخسا بوشالمیش بئیینلر؟
📚 بابا گوریو
#اونوره_دو_بالزاک
#شعر_اوجاغی
@SheirOcagi
▫️سئوگینین باشآغریسی
سئوگینين باشآغريسی توتاندا،
اؤرتويومو آچاراق يومورام گؤزلرينی
و ساچلاريمين قاپ-قارانليغيندا ياتيرديرام اونو،
هئچ بير كودئين زهرلييينی داديزديرمادان.
سئوگینين باشآغريسی توتاندا،
ايچيم نيظامی حوكومت گونلرينی آنيمسادير،
اورهييم چيق-چيق چيققيلدايير،
سسسيزليكدن سينير و اوشاقليغيمين
قادالی سيزيلتيسی
بئيينجيكيمده باستيريلير...
سئوگینين باشآغريسی توتاندا،
فاشيست ايمپراتورلوغونون ايزی ايیلهنير منده
و تئرور اولونور دويغولاريم سيرايلا.
سئوگینين باشآغريسی توتاندا،
سينيرلاری پوزولور؛
توتاركن سئوگيلیلرين بوغازيندان،
روحونو سورور،
قودورور.
قينامايين سئوگينی،
باشينين آغريسی توتاندا!
ميگرئن يامان درددير، يامان!
و سئوگی،
پارادوكسيكال ياشاييش،
سنسيزليكدن دولو بير دئوريم؛
آنجاق،
ونگيلتيسينده گركدير ياشاماق...
#مهسا_عبدالعلیزاده
▫️آغلار-گولر آیینین ۷-جی گونو، واختسیز آرامیزدان کؤچن گنج یازاریمیزین آنیم گونودور. روحو دینج اولسون...
@SheirOcagi
سئوگینين باشآغريسی توتاندا،
اؤرتويومو آچاراق يومورام گؤزلرينی
و ساچلاريمين قاپ-قارانليغيندا ياتيرديرام اونو،
هئچ بير كودئين زهرلييينی داديزديرمادان.
سئوگینين باشآغريسی توتاندا،
ايچيم نيظامی حوكومت گونلرينی آنيمسادير،
اورهييم چيق-چيق چيققيلدايير،
سسسيزليكدن سينير و اوشاقليغيمين
قادالی سيزيلتيسی
بئيينجيكيمده باستيريلير...
سئوگینين باشآغريسی توتاندا،
فاشيست ايمپراتورلوغونون ايزی ايیلهنير منده
و تئرور اولونور دويغولاريم سيرايلا.
سئوگینين باشآغريسی توتاندا،
سينيرلاری پوزولور؛
توتاركن سئوگيلیلرين بوغازيندان،
روحونو سورور،
قودورور.
قينامايين سئوگينی،
باشينين آغريسی توتاندا!
ميگرئن يامان درددير، يامان!
و سئوگی،
پارادوكسيكال ياشاييش،
سنسيزليكدن دولو بير دئوريم؛
آنجاق،
ونگيلتيسينده گركدير ياشاماق...
#مهسا_عبدالعلیزاده
▫️آغلار-گولر آیینین ۷-جی گونو، واختسیز آرامیزدان کؤچن گنج یازاریمیزین آنیم گونودور. روحو دینج اولسون...
@SheirOcagi
▫️بیلمیرم باشقالارین، گولر ماسکامین آلتینداکی دردی آنلاماسی اوچون نه قدر واخت لازیمدیر.
#کریستوفر_فرانک
#شعر_اوجاغی
@SheirOcagi
#کریستوفر_فرانک
#شعر_اوجاغی
@SheirOcagi
|شعر اوجاغی|
▫️کومسومول پوئماسی28 ایلک گؤروش «بختیار، منی ده کومسومولا یاز!»- دئییب سوکوت ائدیر آلاگؤز «گولزار». قیزی دینلهدیکجه بیزیم بختیار، تیترهییر قلبینده صدفلی بیر ساز. باشینی کؤکسونه دایامیش گولزار، معنالی گؤزلری گؤل کیمی لالدیر. او معصوم باخیشلار بلکه خیالدیر،…
▫️کومسومول پوئماسی29
بیر یاز صاباحیدیر، گل چیخاق یولا،
جئیران، سوروسویله دوزه قاچاندا!
نه خوشدور، توتوشوب گزسک قول-قولا،
رئیحانلار عطرینی یولا ساچاندا!
اونوتما، سئوگیلیم! ایندی باهاردیر،
باهارلا گنجلیگین بیر قلبی واردیر.
اودور، کؤلگهسی وار اییدهلیکلرین،
ارینمه، سئوگیلیم، دور گئدک، واختدیر!
آچاق سینهمیزی بیز سرین-سرین!
یارپاقلار دیل آچیب دانیشاجاقدیر.
آه، من عاشیقییم گؤزل باهارین،
باهاردا چاغیریر چیچک چیچهیی.
چمن دؤشهییدیر سئودالی یارین،
اونا لایلا دئییر سحر کولهیی.
باهاردیر بئشیگی شعرین، صنعتین،
گؤزوم هر بولاقدان سو ایچمهمیشدیر.
صنعت سؤیلهدیگی ایلک محبّتین،
اوستوندن هله ده قیش کئچمهمیشدیر.
عشقسیز یاشایان دونوق بیر اینسان،
ایچینی قورد یئمیش بوش بیر آغاجدیر.
عصرلر دولانیر، دَییشیر زامان،
محبّت ابدی بیر احتیاجدیر.
غافیل! دولانما گل عشقدن کنار!
ان بؤیوک موسیقی جانان سسیدیر.
عشقین شیرین-شیرین شربتلری وار،
عؤمور محبّتین ایلک مئیوهسیدیر.
عشقین روشئیمی* وار جانلی وارلیقدا،
اوندان مایالانیر اوشاغین قانی.
محبّت اولمایان بیر مزارلیقدا،
قورد کیمی پارچالار اینسان اینسانی...
#صمد_وورغون
* نوطفه، مایا (Rüşeym)
#شعر_اوجاغی
@SheirOcagi
داوامی وار.
بیر یاز صاباحیدیر، گل چیخاق یولا،
جئیران، سوروسویله دوزه قاچاندا!
نه خوشدور، توتوشوب گزسک قول-قولا،
رئیحانلار عطرینی یولا ساچاندا!
اونوتما، سئوگیلیم! ایندی باهاردیر،
باهارلا گنجلیگین بیر قلبی واردیر.
اودور، کؤلگهسی وار اییدهلیکلرین،
ارینمه، سئوگیلیم، دور گئدک، واختدیر!
آچاق سینهمیزی بیز سرین-سرین!
یارپاقلار دیل آچیب دانیشاجاقدیر.
آه، من عاشیقییم گؤزل باهارین،
باهاردا چاغیریر چیچک چیچهیی.
چمن دؤشهییدیر سئودالی یارین،
اونا لایلا دئییر سحر کولهیی.
باهاردیر بئشیگی شعرین، صنعتین،
گؤزوم هر بولاقدان سو ایچمهمیشدیر.
صنعت سؤیلهدیگی ایلک محبّتین،
اوستوندن هله ده قیش کئچمهمیشدیر.
عشقسیز یاشایان دونوق بیر اینسان،
ایچینی قورد یئمیش بوش بیر آغاجدیر.
عصرلر دولانیر، دَییشیر زامان،
محبّت ابدی بیر احتیاجدیر.
غافیل! دولانما گل عشقدن کنار!
ان بؤیوک موسیقی جانان سسیدیر.
عشقین شیرین-شیرین شربتلری وار،
عؤمور محبّتین ایلک مئیوهسیدیر.
عشقین روشئیمی* وار جانلی وارلیقدا،
اوندان مایالانیر اوشاغین قانی.
محبّت اولمایان بیر مزارلیقدا،
قورد کیمی پارچالار اینسان اینسانی...
#صمد_وورغون
* نوطفه، مایا (Rüşeym)
#شعر_اوجاغی
@SheirOcagi
داوامی وار.
▫️صبا! لطف ائتدین اهلِ درده درماندان خبر وئردین،
تنِ محزونا جاندان، جانا جاناندان خبر وئردین.
خزانِ غمده گؤردون اضطرابین بلبلِ زارین،
بهار ایّامی تک، گلبرگِ خنداندان خبر وئردین.
سؤزونو «وحیِ مُنزل» گر دئسم من، هیچ کفر اولماز،
جهانی توتموش ایکن کفر، ایماندان خبر وئردین.
دئدیلر: «یار، عشّاقین گلیر جمع ائتمهیه کؤنلون،»
مگر کیم یاره عشّاقِ پریشاندان خبر وئردین؟
«سلیمان» مسندیندن دیوِ گُمره رغبتین کسدین،
دنیزده خاتمِ حکمِ «سلیمان»دان خبر وئردین.
«فضولی!» روزگاریم تیره گؤردون شامِ هجراندان،
نسیمِ صبح تک، خورشیدِ رخشاندان خبر وئردین.
#حکیم_ملامحمد_فضولی
#شعر_اوجاغی
@SheirOcagi
تنِ محزونا جاندان، جانا جاناندان خبر وئردین.
خزانِ غمده گؤردون اضطرابین بلبلِ زارین،
بهار ایّامی تک، گلبرگِ خنداندان خبر وئردین.
سؤزونو «وحیِ مُنزل» گر دئسم من، هیچ کفر اولماز،
جهانی توتموش ایکن کفر، ایماندان خبر وئردین.
دئدیلر: «یار، عشّاقین گلیر جمع ائتمهیه کؤنلون،»
مگر کیم یاره عشّاقِ پریشاندان خبر وئردین؟
«سلیمان» مسندیندن دیوِ گُمره رغبتین کسدین،
دنیزده خاتمِ حکمِ «سلیمان»دان خبر وئردین.
«فضولی!» روزگاریم تیره گؤردون شامِ هجراندان،
نسیمِ صبح تک، خورشیدِ رخشاندان خبر وئردین.
#حکیم_ملامحمد_فضولی
#شعر_اوجاغی
@SheirOcagi
▫️«اینسانلیق» گؤزل بیر سؤزدور! چونکی قادین و کیشی آراسیندا فرق قویمور. قلب و بئینین ائرکک-دیشیسی اولماز.
#اوریانا_فالاچی
#شعر_اوجاغی
@SheirOcagi
#اوریانا_فالاچی
#شعر_اوجاغی
@SheirOcagi
▫️سن،
اوغروندا،
داها چوخ گون،
داها چوخ گئجه،
حیاتدان داها چوخ پای ایستهدیگیم
تک سبَبسن.
#جبران_خلیل_جبران
#شعر_اوجاغی
@SheirOcagi
اوغروندا،
داها چوخ گون،
داها چوخ گئجه،
حیاتدان داها چوخ پای ایستهدیگیم
تک سبَبسن.
#جبران_خلیل_جبران
#شعر_اوجاغی
@SheirOcagi
▫️من بیر آز اؤزومو سئودیم،
اوندان بیر آز آرتیق، سنی.
اؤزومو سئویب قورتاردیم،
سن اولدون روحون وطنی.
نه آغ، نه قارا سئچمهدیم،
نئجه وار، ائله گؤتوردوم.
چکدیم بولودو باشیما،
هر گون ایلدیریم اؤتوردوم.
تاپدیم روحومون سؤزچوسون،
بیر گؤزل اوفوق آچیلدی.
ایتیردیم یولون اؤلچوسون،
اورهییم سنه قاچیردی.
#ابوالفتح_مدداوغلو
#شعر_اوجاغی
@SheirOcagi
اوندان بیر آز آرتیق، سنی.
اؤزومو سئویب قورتاردیم،
سن اولدون روحون وطنی.
نه آغ، نه قارا سئچمهدیم،
نئجه وار، ائله گؤتوردوم.
چکدیم بولودو باشیما،
هر گون ایلدیریم اؤتوردوم.
تاپدیم روحومون سؤزچوسون،
بیر گؤزل اوفوق آچیلدی.
ایتیردیم یولون اؤلچوسون،
اورهییم سنه قاچیردی.
#ابوالفتح_مدداوغلو
#شعر_اوجاغی
@SheirOcagi
▫️شیمالدا آغ گئجه¹
آغ گئجه شیمالین بوللور تاجیدی،
اوفوقلر رنگ آلیر شفقلریندن.
آغ گئجه سحرله اکیز باجیدی،
سئچیلمیر اکیزلر بیری-بیریندن.
نئجه ده بیاضدیر یاماجلار، یاللار!
ائله بیل آخشامدان سؤکولوبدور دان.
گؤزونو غفیلدن آچان ماراللار،
باییلیب یاریمچیق قالخمیش یوخودان.
ساغ یاندا مئشهلیک، آغآپپاق قوواق،
سول یاندا آغ دنیز، آغ گمی اوزده.
دئدیلر «تلَسمه، یاخشی باخ، قوناق-
آغ آیا- رقص ائدیر بو آغ دنیزده.»
بوردا بختی کسیب غریب اووچونون،
گؤزوم آغ داشلیقدا آغ اووو سئچیر.
یانیندان کئچیرم من قوروقچونون،
آچیب بیر کیتابی، سو تکی ایچیر.
کیشینین ساققالی دؤشونه ائنیب،
قلیان شؤعله یاییب یاناقلارینا.
سانکی آغ ساققالدان گوموش الهنیب،
کیتابین شیرمایی² واراقلارینا.
بوردا کولکلر ده آغدیر دئیهسن،
درهلر قایالی، قوطبلر گئنیش.
حئیران اولمایاسان، بس نئیلهیهسن؟
اوز-اوزه دایانمیش آی ایله گونش.
بوردا گوندوزه ده گئجه هایاندی،
قوووشوب بو یئرین، گؤیون مشعلی.
او یول اوستوندهکی آغجاقاییندی-³
شیماللی گؤزلین شومال هئیکلی.
آغ گئجه نهنگ بیر قاغایی کیمی،
اطرافا سریبدیر آغ قانادینی.
ذیروهلر مرمرین قایناغی کیمی،
قودرتله یاشادیر آغلیق آدینی.
کیم دئییر آغ گئجه عادی گئجهدیر؟
اؤزو سود کیمیدیر، آدی گئجهدیر.
سحر ده ائله بیل دوشمهییر یادا،
ایشیقدا اوزَنین نه دردی بوردا؟!
ساعات حئسابییلا گئجه اولسا دا،
ایشیق حئسابییلا سحردی بوردا.
#آغا_لاچینلی
¹- قوطب گئجهسی
²- صدف رنگینده، پارلاق آغ
³- بیر نؤوع مئشه آغاجی
#شعر_اوجاغی
@SheirOcagi
آغ گئجه شیمالین بوللور تاجیدی،
اوفوقلر رنگ آلیر شفقلریندن.
آغ گئجه سحرله اکیز باجیدی،
سئچیلمیر اکیزلر بیری-بیریندن.
نئجه ده بیاضدیر یاماجلار، یاللار!
ائله بیل آخشامدان سؤکولوبدور دان.
گؤزونو غفیلدن آچان ماراللار،
باییلیب یاریمچیق قالخمیش یوخودان.
ساغ یاندا مئشهلیک، آغآپپاق قوواق،
سول یاندا آغ دنیز، آغ گمی اوزده.
دئدیلر «تلَسمه، یاخشی باخ، قوناق-
آغ آیا- رقص ائدیر بو آغ دنیزده.»
بوردا بختی کسیب غریب اووچونون،
گؤزوم آغ داشلیقدا آغ اووو سئچیر.
یانیندان کئچیرم من قوروقچونون،
آچیب بیر کیتابی، سو تکی ایچیر.
کیشینین ساققالی دؤشونه ائنیب،
قلیان شؤعله یاییب یاناقلارینا.
سانکی آغ ساققالدان گوموش الهنیب،
کیتابین شیرمایی² واراقلارینا.
بوردا کولکلر ده آغدیر دئیهسن،
درهلر قایالی، قوطبلر گئنیش.
حئیران اولمایاسان، بس نئیلهیهسن؟
اوز-اوزه دایانمیش آی ایله گونش.
بوردا گوندوزه ده گئجه هایاندی،
قوووشوب بو یئرین، گؤیون مشعلی.
او یول اوستوندهکی آغجاقاییندی-³
شیماللی گؤزلین شومال هئیکلی.
آغ گئجه نهنگ بیر قاغایی کیمی،
اطرافا سریبدیر آغ قانادینی.
ذیروهلر مرمرین قایناغی کیمی،
قودرتله یاشادیر آغلیق آدینی.
کیم دئییر آغ گئجه عادی گئجهدیر؟
اؤزو سود کیمیدیر، آدی گئجهدیر.
سحر ده ائله بیل دوشمهییر یادا،
ایشیقدا اوزَنین نه دردی بوردا؟!
ساعات حئسابییلا گئجه اولسا دا،
ایشیق حئسابییلا سحردی بوردا.
#آغا_لاچینلی
¹- قوطب گئجهسی
²- صدف رنگینده، پارلاق آغ
³- بیر نؤوع مئشه آغاجی
#شعر_اوجاغی
@SheirOcagi