Forwarded from اتچ بات
▫️نه بیلیم؟!
سندن منه بیر عؤمورلوک خاطیره،
مندن سنه نه قالاجاق، نه‌بیلیم؟
چتین بیر ده داش اوسته داش بیتیرم،
نییه اوچدو بو قالاجیق؟ نه‌بیلیم؟!
داماغیمدا بال سئودانین تورش آدی،
اوشاق عاغلیم عینادینی قورشادی.
نه ه‍ؤنکوردو بو ناغافیل گورشادی؟
کیمه دئدیم، - دئدی آنجاق: «نه بیلیم؟!»
گونلر منه گون یازماغی اونوتدو،
گولوم، گونون گوللریمی قوروتدو.
بو اویوندا کیم اودوزدو، کیم اوددو،
پشیمانی کیم اولاجاق، نه بیلیم؟!
من «آراز»ام، سسیم توتقون آرازدی،
ها چاغیردیم، ها یویوردوم، ها یازدیم.
ایندی داها قاینار طبعیم آیازدی،
ایسینرمی بیر اود-اوجاق؟ نه بیلیم؟!..
#ممد_آراز
#شعر_اوجاغی
@SheirOcagi
سندن منه بیر عؤمورلوک خاطیره،
مندن سنه نه قالاجاق، نه‌بیلیم؟
چتین بیر ده داش اوسته داش بیتیرم،
نییه اوچدو بو قالاجیق؟ نه‌بیلیم؟!
داماغیمدا بال سئودانین تورش آدی،
اوشاق عاغلیم عینادینی قورشادی.
نه ه‍ؤنکوردو بو ناغافیل گورشادی؟
کیمه دئدیم، - دئدی آنجاق: «نه بیلیم؟!»
گونلر منه گون یازماغی اونوتدو،
گولوم، گونون گوللریمی قوروتدو.
بو اویوندا کیم اودوزدو، کیم اوددو،
پشیمانی کیم اولاجاق، نه بیلیم؟!
من «آراز»ام، سسیم توتقون آرازدی،
ها چاغیردیم، ها یویوردوم، ها یازدیم.
ایندی داها قاینار طبعیم آیازدی،
ایسینرمی بیر اود-اوجاق؟ نه بیلیم؟!..
#ممد_آراز
#شعر_اوجاغی
@SheirOcagi
Telegram
attach 📎
▫️آ ظالیم!
تانیمیرسان یاخین نه‌دیر، یاد نه‌دیر؛
یادا دوستسان، دوستا یادسان، آ ظالیم!
اوره‌ییمده بیر گونشین اودو وار،
کور (Kür) قورویار، کوره آتسان، آ ظالیم!
داغ دایانماز بو آغرییا، بو غمه؛
قیصاصین وار- آل! بو جانیم، بو قمه.
غم دریاسی آخیتمیسان سینه‌مه،
بو قصدیندن یامان شادسان، آ ظالیم!
دانیشمیرسان، یوخسا دیل‌دیر باخیشین؟
گاه خنجردیر، گاه دا میل‌دیر باخیشین.
هم اؤلدورور، هم دیریلدیر باخیشین،
نه سئحریکار بیر جلّادسان، آ ظالیم!...
#ممد_آراز
@SheirOcagi
تانیمیرسان یاخین نه‌دیر، یاد نه‌دیر؛
یادا دوستسان، دوستا یادسان، آ ظالیم!
اوره‌ییمده بیر گونشین اودو وار،
کور (Kür) قورویار، کوره آتسان، آ ظالیم!
داغ دایانماز بو آغرییا، بو غمه؛
قیصاصین وار- آل! بو جانیم، بو قمه.
غم دریاسی آخیتمیسان سینه‌مه،
بو قصدیندن یامان شادسان، آ ظالیم!
دانیشمیرسان، یوخسا دیل‌دیر باخیشین؟
گاه خنجردیر، گاه دا میل‌دیر باخیشین.
هم اؤلدورور، هم دیریلدیر باخیشین،
نه سئحریکار بیر جلّادسان، آ ظالیم!...
#ممد_آراز
@SheirOcagi
▫️هر آرزی، هر ایستک نغمه‌یه دؤنوب
سسله‌نه بیلمیرم کؤنول تاریمدا.
بیر سطیر یاریمچیق، بیر فیکیر سؤنوک،
قالیر قارالانمیش واراقلاریمدا.
یوخ... گولوم! اونلاری یاندیرما، دایان!
گزدیرسین، یاشاتسین هر سؤزو اورک.
اؤز عؤمور یولونو باشا وورمایان-
دؤیوشچو دوستونون خاطیره‌سی تک...
📚 داش هارایی
#ممد_آراز
@SheirOcagi
سسله‌نه بیلمیرم کؤنول تاریمدا.
بیر سطیر یاریمچیق، بیر فیکیر سؤنوک،
قالیر قارالانمیش واراقلاریمدا.
یوخ... گولوم! اونلاری یاندیرما، دایان!
گزدیرسین، یاشاتسین هر سؤزو اورک.
اؤز عؤمور یولونو باشا وورمایان-
دؤیوشچو دوستونون خاطیره‌سی تک...
📚 داش هارایی
#ممد_آراز
@SheirOcagi
Forwarded from اتچ بات
▫️یا ربّیم، بو دونیا سن قوران دئییل!
اینساندان اینسانا کؤرپوموز سینیب،
یا ربّیم، هامیمیز سنه سیغینیب!
اؤزونو اؤزونده ایتیریب اینسان،
دیدیشمه دیشلری بیتیریب اینسان.
ایچدیگی زهردیر، قوسدوغو زهر،
قهری بهَردیر، بهری قهَر.
یا ربّیم، بیزلره قایتار بیزلری،
شیطان قولاغیندا آختار بیزلری!
تله‌سی یوخلارین جله‌سی ایشلَک،
جله‌سی یوخلارین تله‌سی ایشلک.
چاپارلیق ایسته‌سک، یولوموز کسیک،
قیلینجا ال آتساق، قولوموز کسیک.
یا ربّیم، ال آچدیق، توت الیمیزدن،
چیخماسین بو دوغما یورد الیمیزدن!
سن بیزی کیچیک‌لر کینیندن قورو!
فیل توتور، شیر توتور هؤرومچک تورو.
یا ربّیم، عادیل‌سن، حیفظ ائله بیزی،
حالال اوجاقلارا عوضو ائله بیزی!
گؤر هاردا، گؤر نئجه مجنونوق هله!
قبیر قازماق ایلا مشغولوق هله.
کولونگ ده بیزیمدی، تورپاق دا بیزیم،
باتمیش دا، یاتمیش دا، اویاق دا بیزیم.
یالانی توش ائله اؤز عونوانینا،
اؤزون چک ناحاقّی حاق دیوانینا!
هله مورگولویوک، خئیلی مورگولو،
زورنالی، قاوال‌لی، نئیلی، مورگولو.
هله اؤز ایچینده باتانیمیز چوخ،
دوشمن لایلاسینا یاتانیمیز چوخ.
بو نئجه یوخودو، آییلماق اولمور؟
قاچانی قوواندان آییرماق اولمور.
نه قدر قاچاجاق بو قاچان یازیق
نه قدر قوواجاق او قووان یازیق؟
یا ربّیم، خلبیرله لووغا «من»لری،
اله‌ییب سووور دا بؤلوننلری،
«بیزلیگه»، «سیزلیگه» بؤلوننلری،
داغلی‌یا، دوزلی‌یه بؤلوننلری!
کئچیر اله‌ییندن لووغا «من»لری،
کئچیر بؤلونمک‌له اؤیوننلری!
چوخلوغا سدّ اولان آزلیغی اوچور،
چوخلوغو آزلیغین اوزرینده قور!
کیمدیر قیل وئرَنی فندگیر+ آزلارین؟
کیمدیر یارادانی یارامازلارین؟
عهدینی جهدینه گیروو قویانلار؟!
آدینی دئمه‌یک، دئیک کی، «اونلار»
گلیر قولاغیما بیر سس دریندن:
«قورو سن اؤزونو هنده‌وریندن!»
بیر دینله زامانین سئودیگی سسی:
تولکو قاققیلتیسی، قورد ملَرتیسی!
یا ربیم، سن قایتار بیزی بیزلره،
جالا بوز گونلری آغ گوندوزلره!
نه قدر ایتیک وار، مین آرتیق تاپان،
ناخیرسیز ناخیرچی، سوروسوز چوبان،
قاریشیب... خالق کیمدی، خالقی چاپان کیم،
ایشیق پایلایان کیم، ایشیق قاپان کیم؟
بو نئجه یوخودور... آییلماق اولمور؟
قاچانی قوواندان آییرماق اولمور.
نه قدر قاچاجاق بو قاچان یازیق؟
نه قدر قوواجاق بو قووان یازیق؟
اونا «قاچ» دئییبلر، قاچیر بئله‌جه،
بونا «توت» دئییبلر، قووور بئله‌جه.
یا ربّیم، من سنه اولانی دئدیم،
آزاجیق یادیمدا قالانی دئدیم.
بیزه قالمایاجاق، نه بیزه قالسا،
داغ داغا قوووشسا، دوز-دوزه قالسا.
قالان دردیمیزی یوک‌له‌سک اگر،
کل اولسا، نر اولسا، قدّی اَییلر.
یا ربّیم، آرا-بیر دوش یانیمیزا،
هردن بیر اؤلچو قوی ویجدانیمیزا!
هاردا دینیمیز وار، ایمانیمیز یوخ،
ایمانا گلمه‌یه گومانیمیز یوخ،
گلسن توفان‌لا گل، توفان‌لا قاییت،
بو یئری، بو یوردو ساهمانلا، قاییت!
یا ربّیم، بو دونیا سن قوران دئییل.
قودورغان سن گؤرن قودورغان دئییل.
ایندی قودورغانین آلتیندا یاتیر،
مئیمونلار یئنه ده آغاجدا یاتیر.
ایندی قودورغانلار اوزون عؤمورلو،
فاغیرلار یئنه ده قوزو عؤمورلو.
یا ربّیم، بو دونیا سن قوران دئییل،
بو سدلر، سرحدلر سن هؤرن دئییل.
آدینی، سویونو دَییش دونیانین،
اودونو، سویونو دییش دونیانین
یولونو، یؤنونو دییش دونیانین!
یا ربّیم، بو دونیا سن قوران دئییل،
فضادا یئرینی دییش دونیانین!
#ممد_آراز
#شعر_اوجاغی
@SheirOcagi
اینساندان اینسانا کؤرپوموز سینیب،
یا ربّیم، هامیمیز سنه سیغینیب!
اؤزونو اؤزونده ایتیریب اینسان،
دیدیشمه دیشلری بیتیریب اینسان.
ایچدیگی زهردیر، قوسدوغو زهر،
قهری بهَردیر، بهری قهَر.
یا ربّیم، بیزلره قایتار بیزلری،
شیطان قولاغیندا آختار بیزلری!
تله‌سی یوخلارین جله‌سی ایشلَک،
جله‌سی یوخلارین تله‌سی ایشلک.
چاپارلیق ایسته‌سک، یولوموز کسیک،
قیلینجا ال آتساق، قولوموز کسیک.
یا ربّیم، ال آچدیق، توت الیمیزدن،
چیخماسین بو دوغما یورد الیمیزدن!
سن بیزی کیچیک‌لر کینیندن قورو!
فیل توتور، شیر توتور هؤرومچک تورو.
یا ربّیم، عادیل‌سن، حیفظ ائله بیزی،
حالال اوجاقلارا عوضو ائله بیزی!
گؤر هاردا، گؤر نئجه مجنونوق هله!
قبیر قازماق ایلا مشغولوق هله.
کولونگ ده بیزیمدی، تورپاق دا بیزیم،
باتمیش دا، یاتمیش دا، اویاق دا بیزیم.
یالانی توش ائله اؤز عونوانینا،
اؤزون چک ناحاقّی حاق دیوانینا!
هله مورگولویوک، خئیلی مورگولو،
زورنالی، قاوال‌لی، نئیلی، مورگولو.
هله اؤز ایچینده باتانیمیز چوخ،
دوشمن لایلاسینا یاتانیمیز چوخ.
بو نئجه یوخودو، آییلماق اولمور؟
قاچانی قوواندان آییرماق اولمور.
نه قدر قاچاجاق بو قاچان یازیق
نه قدر قوواجاق او قووان یازیق؟
یا ربّیم، خلبیرله لووغا «من»لری،
اله‌ییب سووور دا بؤلوننلری،
«بیزلیگه»، «سیزلیگه» بؤلوننلری،
داغلی‌یا، دوزلی‌یه بؤلوننلری!
کئچیر اله‌ییندن لووغا «من»لری،
کئچیر بؤلونمک‌له اؤیوننلری!
چوخلوغا سدّ اولان آزلیغی اوچور،
چوخلوغو آزلیغین اوزرینده قور!
کیمدیر قیل وئرَنی فندگیر+ آزلارین؟
کیمدیر یارادانی یارامازلارین؟
عهدینی جهدینه گیروو قویانلار؟!
آدینی دئمه‌یک، دئیک کی، «اونلار»
گلیر قولاغیما بیر سس دریندن:
«قورو سن اؤزونو هنده‌وریندن!»
بیر دینله زامانین سئودیگی سسی:
تولکو قاققیلتیسی، قورد ملَرتیسی!
یا ربیم، سن قایتار بیزی بیزلره،
جالا بوز گونلری آغ گوندوزلره!
نه قدر ایتیک وار، مین آرتیق تاپان،
ناخیرسیز ناخیرچی، سوروسوز چوبان،
قاریشیب... خالق کیمدی، خالقی چاپان کیم،
ایشیق پایلایان کیم، ایشیق قاپان کیم؟
بو نئجه یوخودور... آییلماق اولمور؟
قاچانی قوواندان آییرماق اولمور.
نه قدر قاچاجاق بو قاچان یازیق؟
نه قدر قوواجاق بو قووان یازیق؟
اونا «قاچ» دئییبلر، قاچیر بئله‌جه،
بونا «توت» دئییبلر، قووور بئله‌جه.
یا ربّیم، من سنه اولانی دئدیم،
آزاجیق یادیمدا قالانی دئدیم.
بیزه قالمایاجاق، نه بیزه قالسا،
داغ داغا قوووشسا، دوز-دوزه قالسا.
قالان دردیمیزی یوک‌له‌سک اگر،
کل اولسا، نر اولسا، قدّی اَییلر.
یا ربّیم، آرا-بیر دوش یانیمیزا،
هردن بیر اؤلچو قوی ویجدانیمیزا!
هاردا دینیمیز وار، ایمانیمیز یوخ،
ایمانا گلمه‌یه گومانیمیز یوخ،
گلسن توفان‌لا گل، توفان‌لا قاییت،
بو یئری، بو یوردو ساهمانلا، قاییت!
یا ربّیم، بو دونیا سن قوران دئییل.
قودورغان سن گؤرن قودورغان دئییل.
ایندی قودورغانین آلتیندا یاتیر،
مئیمونلار یئنه ده آغاجدا یاتیر.
ایندی قودورغانلار اوزون عؤمورلو،
فاغیرلار یئنه ده قوزو عؤمورلو.
یا ربّیم، بو دونیا سن قوران دئییل،
بو سدلر، سرحدلر سن هؤرن دئییل.
آدینی، سویونو دَییش دونیانین،
اودونو، سویونو دییش دونیانین
یولونو، یؤنونو دییش دونیانین!
یا ربّیم، بو دونیا سن قوران دئییل،
فضادا یئرینی دییش دونیانین!
#ممد_آراز
#شعر_اوجاغی
@SheirOcagi
Telegram
attach 📎
▫️سحر_سحر
باهارین نه گؤزل چاغلاری گلمیش!
بولبولو چاغیریر گول سحر-سحر.
وطنین عشقی‌یله دیل آچیب یئنه-
کؤنلومون سازیندا تئل سحر-سحر.
چیخیر مئشه‌لیکدن تالایا الیک،
سکیر داشدان داشا خینالی کهلیک.
شئه‌دن مونجوق دوزور گوللوک، چیچک‌لیک،
گلینه بنزه‌ییر چؤل سحر-سحر.
گئدیرم تله‌سیک تارلایا ساری،
هامیدان تئز گله او قیز دا باری!
سینه‌سی قارتاللی قایالیقلاری،
عکس ائدیر سونالی گؤل سحر-سحر.
سئودا یولچوسونون خیالینا باخ!
سنسیز افسانه‌دیر گؤزللیک آنجاق.
ائی گونش اوزلو یار! گونشدن قاباق-
یولوما نور چیله گل سحر-سحر!
#ممد_آراز
@SheirOcagi
باهارین نه گؤزل چاغلاری گلمیش!
بولبولو چاغیریر گول سحر-سحر.
وطنین عشقی‌یله دیل آچیب یئنه-
کؤنلومون سازیندا تئل سحر-سحر.
چیخیر مئشه‌لیکدن تالایا الیک،
سکیر داشدان داشا خینالی کهلیک.
شئه‌دن مونجوق دوزور گوللوک، چیچک‌لیک،
گلینه بنزه‌ییر چؤل سحر-سحر.
گئدیرم تله‌سیک تارلایا ساری،
هامیدان تئز گله او قیز دا باری!
سینه‌سی قارتاللی قایالیقلاری،
عکس ائدیر سونالی گؤل سحر-سحر.
سئودا یولچوسونون خیالینا باخ!
سنسیز افسانه‌دیر گؤزللیک آنجاق.
ائی گونش اوزلو یار! گونشدن قاباق-
یولوما نور چیله گل سحر-سحر!
#ممد_آراز
@SheirOcagi
▫️وطن منه اوغول دئسه...
بویروقلارا سیغیشمایان عیناددیم،
چوخ قانادلار یوروب سالان قاناددیم.
اولدوزلارا بارماق سیلکیب داش آتدیم،
نیظاملارا باش اَیمزدی نیظامیم.
وطن منه «اوغول» دئسه، نه‌دردیم؟!
مامیر اولوب قایاسیندا بیتردیم.
بو تورپاقسیز هاردا، نه واخت نه دردیم-
خزانیم‌دیر، خزانیم‌دیر، خزانیم.
قایالاری هاچالاردی قودرَتیم،
بولودلاری پارچالاردی قودرتیم،
شیمشک‌لری قیچالاردی قودرتیم،
یورولاندا نور میضرابی اوزانیم.
دونَنیمی دؤشدن آسان دئییلم،
دونَنیمه قبیر قازان دئییلم.
اوره‌ییم‌سیز کلمه یازان دئییلم،
نه قدَر کی، اؤز الیم‌دی یازانیم.
او سئیلاب‌لار سئل‌له‌دیگیم یالان‌میش،
اوتن گونلر چالاغان‌میش، چالان‌میش.
بیرجه کؤورک خاطیره‌لر قالان‌میش،
اونو دا کی، ها چئویریم، ها سانیم...
#ممد_آراز
#شعر_اوجاغی
@SheirOcagi
بویروقلارا سیغیشمایان عیناددیم،
چوخ قانادلار یوروب سالان قاناددیم.
اولدوزلارا بارماق سیلکیب داش آتدیم،
نیظاملارا باش اَیمزدی نیظامیم.
وطن منه «اوغول» دئسه، نه‌دردیم؟!
مامیر اولوب قایاسیندا بیتردیم.
بو تورپاقسیز هاردا، نه واخت نه دردیم-
خزانیم‌دیر، خزانیم‌دیر، خزانیم.
قایالاری هاچالاردی قودرَتیم،
بولودلاری پارچالاردی قودرتیم،
شیمشک‌لری قیچالاردی قودرتیم،
یورولاندا نور میضرابی اوزانیم.
دونَنیمی دؤشدن آسان دئییلم،
دونَنیمه قبیر قازان دئییلم.
اوره‌ییم‌سیز کلمه یازان دئییلم،
نه قدَر کی، اؤز الیم‌دی یازانیم.
او سئیلاب‌لار سئل‌له‌دیگیم یالان‌میش،
اوتن گونلر چالاغان‌میش، چالان‌میش.
بیرجه کؤورک خاطیره‌لر قالان‌میش،
اونو دا کی، ها چئویریم، ها سانیم...
#ممد_آراز
#شعر_اوجاغی
@SheirOcagi
▫️آنا یاشی
داها گلمه‌یه‌جک آنامین سسی،
منه ده طالعین یومروغو دَیدی.
دوزو، آجیغیما گلیر: بعضیسی،
سوروشور «مرحومون یاشی نئچه‌یدی؟»
بیلمیرم... دوشموشدو ساچلارینا دن.
دولاشیر سؤال‌لا جاواب باشیمدا.
آنا کدَرینی یاش‌می‌دی اؤلچن؟!
آنا ایتیرمیشم آنا یاشیندا.
#ممد_آراز
#شعر_اوجاغی
@SheirOcagi
داها گلمه‌یه‌جک آنامین سسی،
منه ده طالعین یومروغو دَیدی.
دوزو، آجیغیما گلیر: بعضیسی،
سوروشور «مرحومون یاشی نئچه‌یدی؟»
بیلمیرم... دوشموشدو ساچلارینا دن.
دولاشیر سؤال‌لا جاواب باشیمدا.
آنا کدَرینی یاش‌می‌دی اؤلچن؟!
آنا ایتیرمیشم آنا یاشیندا.
#ممد_آراز
#شعر_اوجاغی
@SheirOcagi
▫️گئجه پنجره‌مه دیرماشان پیشیک!
آزدی آج قارنینا یوز حرام تیکه،
پاسلی دمیرلری گمیرمه ناحاق!
ایشیق‌لا قارنینی کیم دویدوروب کی؟
ظولمت‌له قارنینی کیم دویوراجاق؟
گئجه پنجره‌مه دیرماشان پیشیک!
سؤیود ده دارتینیر سویونو آلجاق،
بیر قورو کؤتویون اداسی یوخدور.
قورد ایتدن سولَنگی، ایت قورددان آلچاق،
سینه‌مده یئر وئرسم، فایداسی یوخدور.
گئجه پنجره‌مه دیرماشان پیشیک!
سانما کی، دونیانین بختَوَری‌یم،
یوخودا خوشبختم؛ او دا کی، یاتسام.
ناحاق حاقّ اریتسه، منم ارییَن،
عصرین جایناغیندا یوماق‌دی آد-سان.
گئجه پنجره‌مه دیرماشان پیشیک!
پنجره سیندیقجا پیشیک‌لر آرتیر،
گؤرن نه یئمیشیک، نه یئدیرتمیشیک؟
آستانا یالایان پنجره ییرتیر،
یقین چوخ پیشی‌یه پلنگ دئمیشیک.
گئجه پنجره‌مه دیرماشان پیشیک!
هر هایا-هارایا زامان اینانمیر،
بلکه آللاهلیغی باجارمیر آللاه؟!
چوخداندی قلبیمین چیراغی یانمیر،
واللاه، گؤزلریندن اود وئرسن، آللام،
گئجه پنجره‌مه دیرماشان پیشیک!
ائله ماریتداما آلتدان یوخاری،
نه وار یوخاریدا؟ بودره‌مک، آشماق...
باشا باشسیزلاری باشسیز چیخاریر،
یئری گئت قابینی یالا، آی آخماق!
گئجه پنجره‌مه دیرماشان پیشیک!
سنینچون فرقی یوخ هر کیم چاغیردی،
قاپیدان قاپییا قاچماغین آسان...
منیم اوره‌ییمه گلن جیغیردا،
فیل آزار، شیر آزار، هؤرومچک آزار،
گئجه پنجره‌مه دیرماشان پیشیک!
#ممد_آراز
#شعر_اوجاغی
@SheirOcagi
آزدی آج قارنینا یوز حرام تیکه،
پاسلی دمیرلری گمیرمه ناحاق!
ایشیق‌لا قارنینی کیم دویدوروب کی؟
ظولمت‌له قارنینی کیم دویوراجاق؟
گئجه پنجره‌مه دیرماشان پیشیک!
سؤیود ده دارتینیر سویونو آلجاق،
بیر قورو کؤتویون اداسی یوخدور.
قورد ایتدن سولَنگی، ایت قورددان آلچاق،
سینه‌مده یئر وئرسم، فایداسی یوخدور.
گئجه پنجره‌مه دیرماشان پیشیک!
سانما کی، دونیانین بختَوَری‌یم،
یوخودا خوشبختم؛ او دا کی، یاتسام.
ناحاق حاقّ اریتسه، منم ارییَن،
عصرین جایناغیندا یوماق‌دی آد-سان.
گئجه پنجره‌مه دیرماشان پیشیک!
پنجره سیندیقجا پیشیک‌لر آرتیر،
گؤرن نه یئمیشیک، نه یئدیرتمیشیک؟
آستانا یالایان پنجره ییرتیر،
یقین چوخ پیشی‌یه پلنگ دئمیشیک.
گئجه پنجره‌مه دیرماشان پیشیک!
هر هایا-هارایا زامان اینانمیر،
بلکه آللاهلیغی باجارمیر آللاه؟!
چوخداندی قلبیمین چیراغی یانمیر،
واللاه، گؤزلریندن اود وئرسن، آللام،
گئجه پنجره‌مه دیرماشان پیشیک!
ائله ماریتداما آلتدان یوخاری،
نه وار یوخاریدا؟ بودره‌مک، آشماق...
باشا باشسیزلاری باشسیز چیخاریر،
یئری گئت قابینی یالا، آی آخماق!
گئجه پنجره‌مه دیرماشان پیشیک!
سنینچون فرقی یوخ هر کیم چاغیردی،
قاپیدان قاپییا قاچماغین آسان...
منیم اوره‌ییمه گلن جیغیردا،
فیل آزار، شیر آزار، هؤرومچک آزار،
گئجه پنجره‌مه دیرماشان پیشیک!
#ممد_آراز
#شعر_اوجاغی
@SheirOcagi
▫️یاشادیم.
اؤز عؤمرومو شوم ائله‌دی اؤز الیم،
یازیندا گول، پاییزیندا خزلیم.
گون‌دوغاندان گون‌باتانا منزیلیم،
بو دا بئله بیر عؤموردو، یاشادیم.
گاه اؤزومو اؤزوم قوودوم، یورولدوم،
اؤز دیکته‌مین بویروغونا غول اولدوم.
وطن گؤیو گؤیلویونده دورولدوم،
بو دا بئله بیر عؤموردو، یاشادیم.
زاریماغا «عؤمور» دئییب آغلاما!
هر اؤلومه اؤلوم دئییب آغلاما!
طالع دؤیوب، حاقلی دؤیوب، آغلاما!
بو دا بئله بیر عؤموردو، یاشادیم.
ذیروه‌ده‌کی ال چاتمایان قالا من،
اتَکده‌کی سینه، جیغیر، تالا من.
«خودافرین» هاراییندان قالان من
بو دا بئله بیر عؤموردو، یاشادیم.
«اوغلون یوخدو- سونون یوخدو» دئدیلر،
«ساغین یوخدو، سولون یوخدو» دئدیلر،
«اودون بویدا سویون یوخدو» دئدیلر،
بو دا بئله بیر عؤموردو، یاشادیم.
اوجاق اولدوم، اوجاق داشی اولمادیم،
هر چالایا آخان ناشی اولمادیم،
«آراز»یملا یول یولداشی اولمادیم،
بو دا بئله بیر عؤموردو، یاشادیم.
#ممد_آراز
#شعر_اوجاغی
@SheirOcagi
اؤز عؤمرومو شوم ائله‌دی اؤز الیم،
یازیندا گول، پاییزیندا خزلیم.
گون‌دوغاندان گون‌باتانا منزیلیم،
بو دا بئله بیر عؤموردو، یاشادیم.
گاه اؤزومو اؤزوم قوودوم، یورولدوم،
اؤز دیکته‌مین بویروغونا غول اولدوم.
وطن گؤیو گؤیلویونده دورولدوم،
بو دا بئله بیر عؤموردو، یاشادیم.
زاریماغا «عؤمور» دئییب آغلاما!
هر اؤلومه اؤلوم دئییب آغلاما!
طالع دؤیوب، حاقلی دؤیوب، آغلاما!
بو دا بئله بیر عؤموردو، یاشادیم.
ذیروه‌ده‌کی ال چاتمایان قالا من،
اتَکده‌کی سینه، جیغیر، تالا من.
«خودافرین» هاراییندان قالان من
بو دا بئله بیر عؤموردو، یاشادیم.
«اوغلون یوخدو- سونون یوخدو» دئدیلر،
«ساغین یوخدو، سولون یوخدو» دئدیلر،
«اودون بویدا سویون یوخدو» دئدیلر،
بو دا بئله بیر عؤموردو، یاشادیم.
اوجاق اولدوم، اوجاق داشی اولمادیم،
هر چالایا آخان ناشی اولمادیم،
«آراز»یملا یول یولداشی اولمادیم،
بو دا بئله بیر عؤموردو، یاشادیم.
#ممد_آراز
#شعر_اوجاغی
@SheirOcagi
▫️قولتوق آغاجی¹
قولتوق آغاجینا یازیغیم گلیر،
توتوب بیر بینانی چییینلرینده.
او زوربا بیر دیرک اولا بیلردی،
مغرور بیر چوبانین چییینلرینده.
نغمه ده اوخویور او، جیرهاجیرلا،
قیریلا-قیریلا.
قولتوقدان اویانا گئتمه‌ییر سسی.
نه‌دیر اوخودوغو؟- «قولتوق نغمه‌سی»
قورد ازَن دَیه‌نک اولا بیلردی،
بیر کؤرپو تاغی دا اولا بیلردی،
توفنگ قونداغی دا اولا بیلردی،
واختسیزمی قیریلدی، تئزمی قیریلدی؟
اؤزو بو وردیشی عؤمرونه یازیب،
اونو بیر قولتوقدان توللاسان اگر،
یانیندان یان اؤتوب بیر آیاقسیزین،
کیمه‌سه اوچونجو آیاغا دؤنر.
ووقاری قیریلدی، عزمی قیریلدی،
قولتوق آغاجیندان آجیغیم گلیر.
او بوتون یوللارا قولتوقدان باخیر،
گیردیگی قوللارا قولتوقدان باخیر.
داش کاها² یاخشی‌دیر بیر اوچوق دامدان،
دویار ائیهامیمی بیر قولتوق آجی.
دئییرم قولتوغا گیرن آدامدان،
یاخشی‌دیر بیر سینیق قولتوق آغاجی.
#ممد_آراز
¹- قولتوق‌آلتی چلیک
²- ماغارا
#شعر_اوجاغی
@SheirOcagi
قولتوق آغاجینا یازیغیم گلیر،
توتوب بیر بینانی چییینلرینده.
او زوربا بیر دیرک اولا بیلردی،
مغرور بیر چوبانین چییینلرینده.
نغمه ده اوخویور او، جیرهاجیرلا،
قیریلا-قیریلا.
قولتوقدان اویانا گئتمه‌ییر سسی.
نه‌دیر اوخودوغو؟- «قولتوق نغمه‌سی»
قورد ازَن دَیه‌نک اولا بیلردی،
بیر کؤرپو تاغی دا اولا بیلردی،
توفنگ قونداغی دا اولا بیلردی،
واختسیزمی قیریلدی، تئزمی قیریلدی؟
اؤزو بو وردیشی عؤمرونه یازیب،
اونو بیر قولتوقدان توللاسان اگر،
یانیندان یان اؤتوب بیر آیاقسیزین،
کیمه‌سه اوچونجو آیاغا دؤنر.
ووقاری قیریلدی، عزمی قیریلدی،
قولتوق آغاجیندان آجیغیم گلیر.
او بوتون یوللارا قولتوقدان باخیر،
گیردیگی قوللارا قولتوقدان باخیر.
داش کاها² یاخشی‌دیر بیر اوچوق دامدان،
دویار ائیهامیمی بیر قولتوق آجی.
دئییرم قولتوغا گیرن آدامدان،
یاخشی‌دیر بیر سینیق قولتوق آغاجی.
#ممد_آراز
¹- قولتوق‌آلتی چلیک
²- ماغارا
#شعر_اوجاغی
@SheirOcagi
▫️آدین -دئمه‌دین‌می- دوداقلاریمدا؟
اؤزون -دئمه‌دین‌می- گؤزلریمده‌سن؟
آدیمی باتیریب قولاقلاریندا،
اؤزومو نئیله‌دین گؤزلرینده سن؟
منی گؤزلرینده گوللـه‌له‌دیلر،
منی گؤزلرینده دفن ائله‌دیلر.
#ممد_آراز
#شعر_اوجاغی
@SheirOcagi
اؤزون -دئمه‌دین‌می- گؤزلریمده‌سن؟
آدیمی باتیریب قولاقلاریندا،
اؤزومو نئیله‌دین گؤزلرینده سن؟
منی گؤزلرینده گوللـه‌له‌دیلر،
منی گؤزلرینده دفن ائله‌دیلر.
#ممد_آراز
#شعر_اوجاغی
@SheirOcagi
▫️منیم یولوم
بیر یولون یولچوسویام،
سورعت ده گرک، تمکین ده.
من شاد دا اولمالی‌یام،
عصبی ده، غمگین ده.
گئدن چوخ، یول اوزوندور،
سس ده چوخ، ایز ده چوخدور.
بیر-بیرینه بنزه‌ین،
نغمه ده، سؤز ده چوخدور.
او گور سسلر ایچینده،
سسیمی تاپمالی‌یام.
یئریمی، یئریشیمی،
ایزیمی تاپمالی‌یام.
اؤزومو آختارمالی،
اؤزومو تاپمالی‌یام.
#ممد_آراز
#شعر_اوجاغی
@SheirOcagi
بیر یولون یولچوسویام،
سورعت ده گرک، تمکین ده.
من شاد دا اولمالی‌یام،
عصبی ده، غمگین ده.
گئدن چوخ، یول اوزوندور،
سس ده چوخ، ایز ده چوخدور.
بیر-بیرینه بنزه‌ین،
نغمه ده، سؤز ده چوخدور.
او گور سسلر ایچینده،
سسیمی تاپمالی‌یام.
یئریمی، یئریشیمی،
ایزیمی تاپمالی‌یام.
اؤزومو آختارمالی،
اؤزومو تاپمالی‌یام.
#ممد_آراز
#شعر_اوجاغی
@SheirOcagi
▫️آراز اوسته چینار گؤردوم.
آراز اوسته چینار گؤردوم،
قوشا چینار،
بوداقلاری بیر-بیرینه دولاشان چینار،
یارپاقلاری بیر-بیری‌یله اؤپوشن چینار،
ایکی تیترک، ایکی گولش، ایکی شن چینار.
بیری بیر آز گؤوده‌لی‌دیر، بیر آز دا اوجا،
باخدیم بویونا.
بیر آز نازیک، گؤدَک چینار قیسیلیب اونا.
ائله بیل کی، لاپ تزه‌جه توی ائله‌میش جاواندیلار،
نئجه اویناق، نئچه شیلتاق، مهریباندیلار.
آداملارین گولوشوندن نغمه قاپارلار،
آداملارین گولوشونه نغمه قاتارلار .
یارپاقلارین اوشاق دیللی شنلیک‌لری وار،
یارپاقلارین اوشاق اللی چپیک‌لری وار.
اونلار سوسسا، پنجره‌لر قولاغینا قولاق باغلایار،
کوچه‌لرده گئدیش-گلیش آیاق ساخلایار.
قوجاقلاشیب اولدوزلاری اوخویار اونلار،
بیر-بیرینین قوجاغیندا یوخلایار اونلار...
آراز اوسته چینار گؤردوم،
قوشا دوران بیر جوت چینار.
گلین چینار،
ایگید چینار.
باخدیم، باخدیم طبیعتین،
آغاج آدلی، قول-قانادلی
جوت هئیکلینه.
بیر بالتالی ال هارداسا قیجاندی* منه،
قورخدوم، قورخدوم اونلارین بو سئوگیسینی یارالایالار.
بوداقلاری، گؤوده‌لری، ریشه‌لری بیر-بیریندن آرالایالار.
داها پیسدیر، -قیرماسالار-،
چینارلارین آراسیندان آرخ قازالار.
بو آرخ اوّل کیچیک اولار، دایاز اولار
سونرا... سونرا بؤیویوب بیر آراز اولار...
آراز اوسته چینار گؤردوم.
قوشا چینار،
بوداقلاری بیر-بیرینه دولاشان چینار.
خیالیمین اوفوقونده گؤروش ایسته‌دی،
ایکی تنها، پریشان چینار.
#ممد_آراز
* بیرینی وورماق و یا قورخوتماق مقصدی‌یله الینی و یا باشقا بیر شئیی اونون اوزرینه قالدیرماق.
#شعر_اوجاغی
@SheirOcagi
آراز اوسته چینار گؤردوم،
قوشا چینار،
بوداقلاری بیر-بیرینه دولاشان چینار،
یارپاقلاری بیر-بیری‌یله اؤپوشن چینار،
ایکی تیترک، ایکی گولش، ایکی شن چینار.
بیری بیر آز گؤوده‌لی‌دیر، بیر آز دا اوجا،
باخدیم بویونا.
بیر آز نازیک، گؤدَک چینار قیسیلیب اونا.
ائله بیل کی، لاپ تزه‌جه توی ائله‌میش جاواندیلار،
نئجه اویناق، نئچه شیلتاق، مهریباندیلار.
آداملارین گولوشوندن نغمه قاپارلار،
آداملارین گولوشونه نغمه قاتارلار .
یارپاقلارین اوشاق دیللی شنلیک‌لری وار،
یارپاقلارین اوشاق اللی چپیک‌لری وار.
اونلار سوسسا، پنجره‌لر قولاغینا قولاق باغلایار،
کوچه‌لرده گئدیش-گلیش آیاق ساخلایار.
قوجاقلاشیب اولدوزلاری اوخویار اونلار،
بیر-بیرینین قوجاغیندا یوخلایار اونلار...
آراز اوسته چینار گؤردوم،
قوشا دوران بیر جوت چینار.
گلین چینار،
ایگید چینار.
باخدیم، باخدیم طبیعتین،
آغاج آدلی، قول-قانادلی
جوت هئیکلینه.
بیر بالتالی ال هارداسا قیجاندی* منه،
قورخدوم، قورخدوم اونلارین بو سئوگیسینی یارالایالار.
بوداقلاری، گؤوده‌لری، ریشه‌لری بیر-بیریندن آرالایالار.
داها پیسدیر، -قیرماسالار-،
چینارلارین آراسیندان آرخ قازالار.
بو آرخ اوّل کیچیک اولار، دایاز اولار
سونرا... سونرا بؤیویوب بیر آراز اولار...
آراز اوسته چینار گؤردوم.
قوشا چینار،
بوداقلاری بیر-بیرینه دولاشان چینار.
خیالیمین اوفوقونده گؤروش ایسته‌دی،
ایکی تنها، پریشان چینار.
#ممد_آراز
* بیرینی وورماق و یا قورخوتماق مقصدی‌یله الینی و یا باشقا بیر شئیی اونون اوزرینه قالدیرماق.
#شعر_اوجاغی
@SheirOcagi
▫️اوخویان تبریز
(عاشیق حسین جاوانلا «ایستی‌سو» یایلاقلاریندا گؤروشوموزدن تأثّورات)
عاشیق «جاوان» ساریلمیشدی سازینا،
توی قورموشدو دونَنینین یاسینا،
او، دردینی یا سیندیرا، یا سینا.
غضبی کؤک‌لنیب داغین-داشین دا،
تبریز آغلاییردی داغلار باشیندا.
حئیرتیندن دونموش ایدی دلی‌داغ،
نفس چکیب هیچقیریردی اود-اوجاق.
گؤی‌مو یئری، یئرمی گؤیو اوداجاق؟
بولودلار اوفوقده الی قاشیندا،
تبریز آغلاییردی داغلار باشیندا.
دلی میضراب بختی‌کمی اویادیر،
غم حئیرتی، حئیرت غمی اویادیر،
اؤزو یاتیب، بو عالمی اویادیر.
بیر سایؽل بختی یوخ مین بیر یاشیندا،
تبریز آغلاییردی داغلار باشیندا.
فریادیندان قویون-قوزو دوروخدو،
آغلایان سو، چاغلایان سو دوروخدو،
قارا یئلین سئل اوموسو دوروخدو.
دره‌لر سنگیدی یاز یاغیشیندا،
تبریز آغلاییردی داغلار باشیندا.
«تبریز آغلاییردی» دئدیم... نه دئدیم؟!
«آغلایان»، بیر سازین تئلینه دئدیم،
ساری یاماجلارین سئلینه دئدیم.
آغلاماز سؤز یوردو داغلار باشیندا،
تبریز اوخویوردو داغلار باشیندا.
قاری ننه! نئهره‌ن دوندو چاتمادا،
گیزلی آهین فلک‌لره چاتمادا.
هجَر آنا، هجر آنا، چات دادا!
تبریز آغلاییردی داغلار باشیندا،
تبریز اوخویوردو داغلار باشیندا.
آغلاسا، آغلاردی ایلدیریم کیمی،
گورشاد ساچی یولان سیلدیریم کیمی.
قاپیب شیمشک‌لری بیر شؽرؽم* کیمی،
نغمه توخویوردو داغلار باشیندا،
تبریز اوخویوردو داغلار باشیندا.
آغلاسا، آیاقدا توفنگه دؤنر،
بالاسی وورولموش پلنگه دؤنر،
بیر دره‌آغیزلی نهنگه دؤنر.
دومانلار یاس قوردو داغلار باشیندا،
تبریز اوخویوردو داغلار باشیندا.
گرک دیل سوساندا اللر دانیشا،
اللر باغلاناندا دیللر دانیشا!
ائله دانیشالار، ائللر دانیشا.
دلی گولوشلریم آغلار باشیمدا،
تبریز اوخویوردو داغلار باشیندا.
#ممد_آراز
* زولاق- شیار
#شعر_اوجاغی
@SheirOcagi
(عاشیق حسین جاوانلا «ایستی‌سو» یایلاقلاریندا گؤروشوموزدن تأثّورات)
عاشیق «جاوان» ساریلمیشدی سازینا،
توی قورموشدو دونَنینین یاسینا،
او، دردینی یا سیندیرا، یا سینا.
غضبی کؤک‌لنیب داغین-داشین دا،
تبریز آغلاییردی داغلار باشیندا.
حئیرتیندن دونموش ایدی دلی‌داغ،
نفس چکیب هیچقیریردی اود-اوجاق.
گؤی‌مو یئری، یئرمی گؤیو اوداجاق؟
بولودلار اوفوقده الی قاشیندا،
تبریز آغلاییردی داغلار باشیندا.
دلی میضراب بختی‌کمی اویادیر،
غم حئیرتی، حئیرت غمی اویادیر،
اؤزو یاتیب، بو عالمی اویادیر.
بیر سایؽل بختی یوخ مین بیر یاشیندا،
تبریز آغلاییردی داغلار باشیندا.
فریادیندان قویون-قوزو دوروخدو،
آغلایان سو، چاغلایان سو دوروخدو،
قارا یئلین سئل اوموسو دوروخدو.
دره‌لر سنگیدی یاز یاغیشیندا،
تبریز آغلاییردی داغلار باشیندا.
«تبریز آغلاییردی» دئدیم... نه دئدیم؟!
«آغلایان»، بیر سازین تئلینه دئدیم،
ساری یاماجلارین سئلینه دئدیم.
آغلاماز سؤز یوردو داغلار باشیندا،
تبریز اوخویوردو داغلار باشیندا.
قاری ننه! نئهره‌ن دوندو چاتمادا،
گیزلی آهین فلک‌لره چاتمادا.
هجَر آنا، هجر آنا، چات دادا!
تبریز آغلاییردی داغلار باشیندا،
تبریز اوخویوردو داغلار باشیندا.
آغلاسا، آغلاردی ایلدیریم کیمی،
گورشاد ساچی یولان سیلدیریم کیمی.
قاپیب شیمشک‌لری بیر شؽرؽم* کیمی،
نغمه توخویوردو داغلار باشیندا،
تبریز اوخویوردو داغلار باشیندا.
آغلاسا، آیاقدا توفنگه دؤنر،
بالاسی وورولموش پلنگه دؤنر،
بیر دره‌آغیزلی نهنگه دؤنر.
دومانلار یاس قوردو داغلار باشیندا،
تبریز اوخویوردو داغلار باشیندا.
گرک دیل سوساندا اللر دانیشا،
اللر باغلاناندا دیللر دانیشا!
ائله دانیشالار، ائللر دانیشا.
دلی گولوشلریم آغلار باشیمدا،
تبریز اوخویوردو داغلار باشیندا.
#ممد_آراز
* زولاق- شیار
#شعر_اوجاغی
@SheirOcagi
▫️شوشادا بیر گئجه
بو گئجه، گئجه‌نین سون قاتیندایام،
بو گئجه بیر قندیل قانادیندایام.
ساغیمدا بیر دره، قارا هؤروک‌دور،
سولومدا بیر دره، قارا هؤروک‌دور،
دؤوره‌مده بولودلار بؤلوک-بؤلوک‌دور.
دونیانین دامینا چیخمیشام، نه‌دی؟
دونیا قارانلیغی هاردا گیزله‌دیب؟
دونیا تورانلیغی هاردا گیزله‌دیب؟
گئجه آغ یاغیشدا دورولانیبدی
گئجه داغ مئهینده قورولانیبدی.
دارانیب، بله‌نیب ایشیقلارینا
تاخیب قارماغینی گؤی تاغلارینا.
بیر چیلچیراق شهر، بیر قندیل شهر،
هر ائوی بیر قیزیل قرنفیل شهر،
اوزاقدان: بیر اولدوز توپاسی کیمی
گؤی اوزونده‌دی.
یاخیندان: بیر قایا لامپاسی کیمی،
یئر اوستونده‌دی.
گئجه‌نین قوینوندا یانیر داغ شهر،
فضادان آسیلی، چیلچیراق شهر.
داغلار اؤز اووجوندا یاندیریب اونو،
اولدوزلار قوینونا قالدیریب اونو.
بو داغلار ووقاری، بو داغلار گوجو
بو گئجه کشف ائتدیم بیر شوشا بورجو
بیر شوشا بورجو، تاماشا بورجو.
#ممد_آراز
#شعر_اوجاغی
@SheirOcagi
بو گئجه، گئجه‌نین سون قاتیندایام،
بو گئجه بیر قندیل قانادیندایام.
ساغیمدا بیر دره، قارا هؤروک‌دور،
سولومدا بیر دره، قارا هؤروک‌دور،
دؤوره‌مده بولودلار بؤلوک-بؤلوک‌دور.
دونیانین دامینا چیخمیشام، نه‌دی؟
دونیا قارانلیغی هاردا گیزله‌دیب؟
دونیا تورانلیغی هاردا گیزله‌دیب؟
گئجه آغ یاغیشدا دورولانیبدی
گئجه داغ مئهینده قورولانیبدی.
دارانیب، بله‌نیب ایشیقلارینا
تاخیب قارماغینی گؤی تاغلارینا.
بیر چیلچیراق شهر، بیر قندیل شهر،
هر ائوی بیر قیزیل قرنفیل شهر،
اوزاقدان: بیر اولدوز توپاسی کیمی
گؤی اوزونده‌دی.
یاخیندان: بیر قایا لامپاسی کیمی،
یئر اوستونده‌دی.
گئجه‌نین قوینوندا یانیر داغ شهر،
فضادان آسیلی، چیلچیراق شهر.
داغلار اؤز اووجوندا یاندیریب اونو،
اولدوزلار قوینونا قالدیریب اونو.
بو داغلار ووقاری، بو داغلار گوجو
بو گئجه کشف ائتدیم بیر شوشا بورجو
بیر شوشا بورجو، تاماشا بورجو.
#ممد_آراز
#شعر_اوجاغی
@SheirOcagi
▫️اوخو، تاتار قیزی!
اوخور تاتار قیزی، دوداقلارینی-
«داراسان» چایینا سؤیکه‌ییب اوخو!
قایالار شکله‌ییب قولاقلارینی،
تانیش بیر نغمه‌نی دینله‌ییر؛ اوخو!
بو دیلسیز داشلارا سسلر هوپولوب،
یاشاییر اوچروملو داغ آراسیندا.
ساحیلدن قووولوب، یورددان قووولوب
گیزلنیب بیر آیی ماغاراسیندا.
اوخو، دونَنی‌یله گلیب گؤروشن،
بیر تاتار قاریسی توش اولسون اونا.
یئتیم اوشاق کیمی دیدرگین دوشن،
نغمه‌لر تاپیلیب قوشولسون اونا.
نغمه‌نین سفری اوفوقلره‌دیر،
نغمه‌نین منزیلی قالماز یاریدا.
اوخو، واراقلانسین گؤزومده بیر-بیر،
بابانین دونَنکی گوناهلاری دا.
سنی باشا دوشر قدیم بیر قالا،
آنلار بینالارین، یوللارین چوخو.
اوخو، تاتار قیزی، یاریمچیق قالان،
بیر ائل نغمه‌سینی تزه‌دن اوخو!
#ممد_آراز
#شعر_اوجاغی
@SheirOcagi
اوخور تاتار قیزی، دوداقلارینی-
«داراسان» چایینا سؤیکه‌ییب اوخو!
قایالار شکله‌ییب قولاقلارینی،
تانیش بیر نغمه‌نی دینله‌ییر؛ اوخو!
بو دیلسیز داشلارا سسلر هوپولوب،
یاشاییر اوچروملو داغ آراسیندا.
ساحیلدن قووولوب، یورددان قووولوب
گیزلنیب بیر آیی ماغاراسیندا.
اوخو، دونَنی‌یله گلیب گؤروشن،
بیر تاتار قاریسی توش اولسون اونا.
یئتیم اوشاق کیمی دیدرگین دوشن،
نغمه‌لر تاپیلیب قوشولسون اونا.
نغمه‌نین سفری اوفوقلره‌دیر،
نغمه‌نین منزیلی قالماز یاریدا.
اوخو، واراقلانسین گؤزومده بیر-بیر،
بابانین دونَنکی گوناهلاری دا.
سنی باشا دوشر قدیم بیر قالا،
آنلار بینالارین، یوللارین چوخو.
اوخو، تاتار قیزی، یاریمچیق قالان،
بیر ائل نغمه‌سینی تزه‌دن اوخو!
#ممد_آراز
#شعر_اوجاغی
@SheirOcagi
▫️سن منی سئوسه‌یدین...
سن منی سئوسه‌یدین، نولاردی گؤرن؟
گؤرن اولاردی‌می بیر دردیم اوندا؟
«یورولدوم» دئمه‌دن، قولوم اوسته سن-
دونیانی پیادا گزَردیم اوندا.
توخالار، آزالار بو سئوگیمیزدن،
دونیانین محبّت آجلاری بلکه.
تزه حاشیه‌لر آلاردی بیزدن،
دونیانین محبّت تاجلاری بلکه.
بیزیم باشیمیزا هئی اله‌نردی،
آلقیشلار، تبریکلر، دوعالار- بیزیم.
بیزیم بختیمیزه سپه‌لنردی،
ان دورو، ان تمیز شوعاعلار- بیزیم.
لپه‌لر گؤز آلیب باخار دنیزدن،
سۇلار مئهریمیزه حسد چکردی.
اولدوزلار بیرجه یول پنجره‌میزدن،
ایچری باخماغا حسرت چکردی.
دئدیم کی، گؤیه‌رَر بیر «لئیلی» پؤهره،
«مجنون» بیر سحَرین گؤزونده گلر.
ساچینی تور ائلر ساحیلده «زؤهره»،
«طاهیر» لپه‌لرین اوزونده گلر.
سن منی سئوسه‌یدین... سئوسه‌یدین اگر!...
کیم اولوب بختیار قورو آد ایله؟
حیاتدا «اورَکلَش!»، «سئولَش!» دئمیرلر
«آیاقلاش -دئییرلر- بو حیات ایله!»
#ممد_آراز
#شعر_اوجاغی
@SheirOcagi
سن منی سئوسه‌یدین، نولاردی گؤرن؟
گؤرن اولاردی‌می بیر دردیم اوندا؟
«یورولدوم» دئمه‌دن، قولوم اوسته سن-
دونیانی پیادا گزَردیم اوندا.
توخالار، آزالار بو سئوگیمیزدن،
دونیانین محبّت آجلاری بلکه.
تزه حاشیه‌لر آلاردی بیزدن،
دونیانین محبّت تاجلاری بلکه.
بیزیم باشیمیزا هئی اله‌نردی،
آلقیشلار، تبریکلر، دوعالار- بیزیم.
بیزیم بختیمیزه سپه‌لنردی،
ان دورو، ان تمیز شوعاعلار- بیزیم.
لپه‌لر گؤز آلیب باخار دنیزدن،
سۇلار مئهریمیزه حسد چکردی.
اولدوزلار بیرجه یول پنجره‌میزدن،
ایچری باخماغا حسرت چکردی.
دئدیم کی، گؤیه‌رَر بیر «لئیلی» پؤهره،
«مجنون» بیر سحَرین گؤزونده گلر.
ساچینی تور ائلر ساحیلده «زؤهره»،
«طاهیر» لپه‌لرین اوزونده گلر.
سن منی سئوسه‌یدین... سئوسه‌یدین اگر!...
کیم اولوب بختیار قورو آد ایله؟
حیاتدا «اورَکلَش!»، «سئولَش!» دئمیرلر
«آیاقلاش -دئییرلر- بو حیات ایله!»
#ممد_آراز
#شعر_اوجاغی
@SheirOcagi
▫️سنی آختاریرام.
گؤزومدن گئتمه‌ییر جامالین سنین،
کؤچوب قونشولوقدان هایانا گئتدین؟
«کپز»می، «قوشقار»می اولدو مسکنین،
یوخسا اونلاردان دا او یانا گئتدین؟
قوینوندا دفینه تاپدیغین زامان،
اوجالتدی داغ بویدا هانسی داغ سنی؟
نرگیز رنگ آلدی‌می یاناقلاریندان،
اؤپنده نرگیزلی بیر یایلاق سنی؟
گؤره‌سن بو سوراق دوشدومو ائل'ه:
«یامانجا شؤهرتلی موهندیس‌دیر او!»؟
عشقین هانسی قلبی گتیردی دیله؟
کیم دئدی ایلقارا، عهده دوزدور او؟
گؤزومدن گئتمه‌ییر جامالین سنین،
کؤچوب قونشولوقدان هایانا گئتدین؟
«کپز»می، «قوشقار»می اولدو مسکنین؟
یوخسا اونلاردان دا او یانا گئتدین؟
سنی آختاریرام او گوندن بری،
آخی آچمامیشدیم سنه کؤنلومو.
یاز گلدی، آچیلدی باهار گوللری،
منسه آچمامیشام یئنه کؤنلومو.
بعضاً توفنگ آلیب چیخسام دا دوزه،
جئیران اویلاغیندان آرالی گزدیم.
اووچو اوو آختارار، اووچو اوو گزر،
من، منی اوولایان مارالی گزدیم.
بعضاً آج قاییتدیم ائوه ده، آمّا،
بیر تیکه چؤره‌یی یئیه بیلمه‌دیم.
بوتون سیرلریمی بیلن آناما،
محبّت سیرّیمی دئیه بیلمه‌دیم...
بلی، آختاریرام سنی او گوندن،
کؤنلوم ایسته‌یَنی گؤره بیلمیرم.
قلبیمی اؤزونله آپارمیسان سن،
من اونو هئچ کسه وئره بیلمیرم.
#ممد_آراز
#شعر_اوجاغی
@SheirOcagi
گؤزومدن گئتمه‌ییر جامالین سنین،
کؤچوب قونشولوقدان هایانا گئتدین؟
«کپز»می، «قوشقار»می اولدو مسکنین،
یوخسا اونلاردان دا او یانا گئتدین؟
قوینوندا دفینه تاپدیغین زامان،
اوجالتدی داغ بویدا هانسی داغ سنی؟
نرگیز رنگ آلدی‌می یاناقلاریندان،
اؤپنده نرگیزلی بیر یایلاق سنی؟
گؤره‌سن بو سوراق دوشدومو ائل'ه:
«یامانجا شؤهرتلی موهندیس‌دیر او!»؟
عشقین هانسی قلبی گتیردی دیله؟
کیم دئدی ایلقارا، عهده دوزدور او؟
گؤزومدن گئتمه‌ییر جامالین سنین،
کؤچوب قونشولوقدان هایانا گئتدین؟
«کپز»می، «قوشقار»می اولدو مسکنین؟
یوخسا اونلاردان دا او یانا گئتدین؟
سنی آختاریرام او گوندن بری،
آخی آچمامیشدیم سنه کؤنلومو.
یاز گلدی، آچیلدی باهار گوللری،
منسه آچمامیشام یئنه کؤنلومو.
بعضاً توفنگ آلیب چیخسام دا دوزه،
جئیران اویلاغیندان آرالی گزدیم.
اووچو اوو آختارار، اووچو اوو گزر،
من، منی اوولایان مارالی گزدیم.
بعضاً آج قاییتدیم ائوه ده، آمّا،
بیر تیکه چؤره‌یی یئیه بیلمه‌دیم.
بوتون سیرلریمی بیلن آناما،
محبّت سیرّیمی دئیه بیلمه‌دیم...
بلی، آختاریرام سنی او گوندن،
کؤنلوم ایسته‌یَنی گؤره بیلمیرم.
قلبیمی اؤزونله آپارمیسان سن،
من اونو هئچ کسه وئره بیلمیرم.
#ممد_آراز
#شعر_اوجاغی
@SheirOcagi
▫️اوفوق
نه یاخشی ال‌چاتمازدیر اوفوق؛
نه یاخشی، آرزولارجا اوجالمازدیر اوفوق.
نه یاخشی ال‌چاتمازدیر اوفوق.
نه قدر خیالیمیز سس قاپیر، سؤز تاپیر،
چاپیر، چاپیر...
دوز کئچیر، داغ آشیر، یئتمیر اونا.
نه یاخشی یئتمیر اونا.
نه یاخشی ال‌چاتمازدیر اوفوق!
نه یاخشی آرزولار کامینا آلچالمازدیر اوفوق.
نه یاخشی ایسته‌یین بۏز قوما اکیلَنی وار،
اومیدین چارمیخا چکیلنی وار.
نه یاخشی سن وارسان،
اوفوقدن او یانکی حیاتیم!
اوفوقدن او یاندا،
سؤز یئتمز هئیهاتیم!
#ممد_آراز
#شعر_اوجاغی
@SheirOcagi
نه یاخشی ال‌چاتمازدیر اوفوق؛
نه یاخشی، آرزولارجا اوجالمازدیر اوفوق.
نه یاخشی ال‌چاتمازدیر اوفوق.
نه قدر خیالیمیز سس قاپیر، سؤز تاپیر،
چاپیر، چاپیر...
دوز کئچیر، داغ آشیر، یئتمیر اونا.
نه یاخشی یئتمیر اونا.
نه یاخشی ال‌چاتمازدیر اوفوق!
نه یاخشی آرزولار کامینا آلچالمازدیر اوفوق.
نه یاخشی ایسته‌یین بۏز قوما اکیلَنی وار،
اومیدین چارمیخا چکیلنی وار.
نه یاخشی سن وارسان،
اوفوقدن او یانکی حیاتیم!
اوفوقدن او یاندا،
سؤز یئتمز هئیهاتیم!
#ممد_آراز
#شعر_اوجاغی
@SheirOcagi
▫️ایز سال!
سیّاح دوستوم! یول اوزوندور،
یول داشلی‌دیر، قایالی‌دیر.
اینسان‌اوغلو کئچیلمه‌ین-
قایالارین قارتالی‌دیر.
آختاریشلار عالمینده،
چوخ ییخیلیر، دورور اینسان.
سن‌سه باخیب داغ باشینا،
هامار یوللار آختاریرسان.
شلاله‌لی یاماج‌لاردا،
هامار گزمه، دوز آختارما!
دوستوم! حیات یوللاریندا،
اؤزون ایز سال، ایز آختارما!
#ممد_آراز
#شعر_اوجاغی
@SheirOcagi
سیّاح دوستوم! یول اوزوندور،
یول داشلی‌دیر، قایالی‌دیر.
اینسان‌اوغلو کئچیلمه‌ین-
قایالارین قارتالی‌دیر.
آختاریشلار عالمینده،
چوخ ییخیلیر، دورور اینسان.
سن‌سه باخیب داغ باشینا،
هامار یوللار آختاریرسان.
شلاله‌لی یاماج‌لاردا،
هامار گزمه، دوز آختارما!
دوستوم! حیات یوللاریندا،
اؤزون ایز سال، ایز آختارما!
#ممد_آراز
#شعر_اوجاغی
@SheirOcagi