▫️اوچور، دورنالار اوچور.
گؤیلر ناخیش-ناخیش؛ قانادلانیبلار،
هاردا اوشویوبلر، هاردا یانیبلار؟
یورغون بولودلار دا قانادلانیبلار،
اوچور دورنالار، اوچور.
گؤیلر بیلیرمی کی یولجوسو کیم‌دی؟
بولود بیلیرمی کی ایسلادیر کیمی؟
آلیر، کاروانینا چکیر ایچیمی،
اوچور، دورنالار اوچور.
بیر غریب، بیر اوزاق نغمه اوجالیر،
کیم گئدیر، نه گئدیر- حسرتی قالیر.
اورک‌می آپاریر، للَک‌می سالیر؟
اوچور، دورنالار اوچور...
داش آتما هر یئتَنه!
گولو اک گول‌بیتَنه!
بو وطندن او وطنه،
اوچور، دورنالار اوچور.
#طالع_حمید
#شعر_اوجاغی
@SheirOcagi
گؤیلر ناخیش-ناخیش؛ قانادلانیبلار،
هاردا اوشویوبلر، هاردا یانیبلار؟
یورغون بولودلار دا قانادلانیبلار،
اوچور دورنالار، اوچور.
گؤیلر بیلیرمی کی یولجوسو کیم‌دی؟
بولود بیلیرمی کی ایسلادیر کیمی؟
آلیر، کاروانینا چکیر ایچیمی،
اوچور، دورنالار اوچور.
بیر غریب، بیر اوزاق نغمه اوجالیر،
کیم گئدیر، نه گئدیر- حسرتی قالیر.
اورک‌می آپاریر، للَک‌می سالیر؟
اوچور، دورنالار اوچور...
داش آتما هر یئتَنه!
گولو اک گول‌بیتَنه!
بو وطندن او وطنه،
اوچور، دورنالار اوچور.
#طالع_حمید
#شعر_اوجاغی
@SheirOcagi
▫️یاشاماق
دئدیلر فیلان‌کس غفیلدن اؤلدو،
دئدیم تعجّوبلو نه وار بورادا؟
اینسان دوغولاندان اَریییب گئدیر،
یانیر آتشلرده، آخیر سولاردا.
یول گلیر، یول گئدیر او، دایانماییر،
تویا دا گئدنده اؤلومه گئدیر،
وایا دا گئدنده اؤلومه گئدیر.
عیش-عشرت دالینجا یوللاناندا دا،
اینسان هاردان بیلسین ظولومه گئدیر؟
ازلدن-آخیرا سئوینَن کیم‌دی،
آرزولار دوشونور، خیاللار قورور.
شیرین ده، آجی دا عؤمره قنیم‌دی،
اینسان قوردوغونو اؤزو اوچورور.
«وار» گزیر، بیلیر کی وار قالان دئییل،
لوت گلن، دونیادان لوت ده گئده‌جک.
اجل بیر حقیقت، او یالان دئییل،
اینسانی اؤز نفسی پئشمان ائده‌جک.
یاراندیم، کئف چکدیم دونیا غمیندن،
آدام وار نه کدر، نه درد بؤلوشور.
شاعیرین اؤلومو اؤز قلمیندن،
شاهلارین اؤلومو تاجیندان دوشور.
حقیقت گزیریک، حقیقت نه‌ده؟
قازانیر سونونجو ظولمونو اینسان.
ایچینده مرحمت گزدیرمه‌سه ده،
یانیندا گزدیریر اؤلومونو اینسان.
بیزدن ان شیرینی ایسته‌دی اؤلوم،
گاه ائنیشدن چیخیر، گاه دیکدن دوشور.
هر عؤمرون سونوندا نؤقطه‌دی اؤلوم،
او، قاشین آلتیندا کیپریکدن دوشور.
هره قاباغینا چکدیکجه کؤزو،
شیریندن بئزاردی بال‌توتان بارماق.
اؤلمه‌یه نه وار کی؟! آسان‌دیر دوزو،
یاشاماق چتین‌دی، بیرجه یاشاماق.
#طالع_حمید
#شعر_اوجاغی
@SheirOcagi
دئدیلر فیلان‌کس غفیلدن اؤلدو،
دئدیم تعجّوبلو نه وار بورادا؟
اینسان دوغولاندان اَریییب گئدیر،
یانیر آتشلرده، آخیر سولاردا.
یول گلیر، یول گئدیر او، دایانماییر،
تویا دا گئدنده اؤلومه گئدیر،
وایا دا گئدنده اؤلومه گئدیر.
عیش-عشرت دالینجا یوللاناندا دا،
اینسان هاردان بیلسین ظولومه گئدیر؟
ازلدن-آخیرا سئوینَن کیم‌دی،
آرزولار دوشونور، خیاللار قورور.
شیرین ده، آجی دا عؤمره قنیم‌دی،
اینسان قوردوغونو اؤزو اوچورور.
«وار» گزیر، بیلیر کی وار قالان دئییل،
لوت گلن، دونیادان لوت ده گئده‌جک.
اجل بیر حقیقت، او یالان دئییل،
اینسانی اؤز نفسی پئشمان ائده‌جک.
یاراندیم، کئف چکدیم دونیا غمیندن،
آدام وار نه کدر، نه درد بؤلوشور.
شاعیرین اؤلومو اؤز قلمیندن،
شاهلارین اؤلومو تاجیندان دوشور.
حقیقت گزیریک، حقیقت نه‌ده؟
قازانیر سونونجو ظولمونو اینسان.
ایچینده مرحمت گزدیرمه‌سه ده،
یانیندا گزدیریر اؤلومونو اینسان.
بیزدن ان شیرینی ایسته‌دی اؤلوم،
گاه ائنیشدن چیخیر، گاه دیکدن دوشور.
هر عؤمرون سونوندا نؤقطه‌دی اؤلوم،
او، قاشین آلتیندا کیپریکدن دوشور.
هره قاباغینا چکدیکجه کؤزو،
شیریندن بئزاردی بال‌توتان بارماق.
اؤلمه‌یه نه وار کی؟! آسان‌دیر دوزو،
یاشاماق چتین‌دی، بیرجه یاشاماق.
#طالع_حمید
#شعر_اوجاغی
@SheirOcagi
▫️ائی باهار، آناما اوخشاتدیم سنی!
باهارین نفَسی دَیدی اوزومه،
ائله بیل آنامین نفسی ایدی.
قاپیدا قایغیلی بیر قوش اوخودو،
نغمه‌سی آنامین نغمه‌سی ایدی.
اسدی سرین-سرین خفیف کولک‌لر،
دورنالار گؤیلردن بیر کؤچ سالدیلار.
اوچدوقجا هاوادا گؤی کپنک‌لر،
قیزیلی شفق‌لر یارپاقلادیلار.
لاله‌لی دوزلرین رنگی قیرمیزی،
چیچک‌لی چؤل‌لرین ناخیشی مین-مین.
یاغیش تیتره‌دنده کؤرپه یارپیزی،
ساندیم شاه داماری اسدی قلبیمین.
ائله بیل سمادا آلیشدی اودلار،
شیمشک‌لر اوینادی، ایلدیریم چاخدی.
گؤیده گؤزلرینی سیخدی بولودلار،
یئرده چیچک‌لرین گؤز یاشی آخدی.
ائی باهار، قارشیما گولراوز چیخدین،
آناما اوخشاتدیم، آناما سنی.
روحوما هوپدوروب، کؤکسومه سیخدیم،
سنین نفَسینی، سنین نغمه‌نی.
عشقین‌له کؤک‌لدیم شاعیر عشقیمی،
کؤچدو طراوتین دویغولاریما.
آنام یوخولارا دؤندویو کیمی،
سن ده دؤنرمیسن یوخولاریما؟
بیر حسرت اوشودور نه‌دن قلبیمی؟
الیمین آلتیندا سینه‌م اوجاق‌دی.
نفسین آنامین نفسی کیمی،
بیر پاییز گیزلیجه سویویاجاقدی.
گؤز دیکیلی قالیب سونسوز یوللارا،
دویغولار اوره‌یین تویو، یاسی‌دی.
دئمه، آنام هارا، بس باهار هارا؟!
اینسان طبیعتین بیر پارچاسی‌دی.
هر کؤچن یارپاغین گؤینَک‌دی یئری،
سیزلایان بوداقلار بیر ده ایسینمز.
باهار قاییداجاق، دؤنه‌جک گئری،
آنامین سفری سونسوز، توکَنمز.
بیر چیینیمده سئوینج، بیر چیینیمده غم،
قویمادیم ایچیمده اومیدلر اؤله.
دئییرم بیر زامان بو باهار کیمی،
آنام دا دونیایا تزه‌دن گله.
ائی باهار، آناما اوخشاتدیم سنی،
هیجران‌می دولاشدی، دئ، یوللارینا؟!
سن هله، سن هله هئچ گلمه‌میشدن،
هاراسا کؤچوردون خیاللاریمدا.
#طالع_حمید
#شعر_اوجاغی
@SheirOcagi
باهارین نفَسی دَیدی اوزومه،
ائله بیل آنامین نفسی ایدی.
قاپیدا قایغیلی بیر قوش اوخودو،
نغمه‌سی آنامین نغمه‌سی ایدی.
اسدی سرین-سرین خفیف کولک‌لر،
دورنالار گؤیلردن بیر کؤچ سالدیلار.
اوچدوقجا هاوادا گؤی کپنک‌لر،
قیزیلی شفق‌لر یارپاقلادیلار.
لاله‌لی دوزلرین رنگی قیرمیزی،
چیچک‌لی چؤل‌لرین ناخیشی مین-مین.
یاغیش تیتره‌دنده کؤرپه یارپیزی،
ساندیم شاه داماری اسدی قلبیمین.
ائله بیل سمادا آلیشدی اودلار،
شیمشک‌لر اوینادی، ایلدیریم چاخدی.
گؤیده گؤزلرینی سیخدی بولودلار،
یئرده چیچک‌لرین گؤز یاشی آخدی.
ائی باهار، قارشیما گولراوز چیخدین،
آناما اوخشاتدیم، آناما سنی.
روحوما هوپدوروب، کؤکسومه سیخدیم،
سنین نفَسینی، سنین نغمه‌نی.
عشقین‌له کؤک‌لدیم شاعیر عشقیمی،
کؤچدو طراوتین دویغولاریما.
آنام یوخولارا دؤندویو کیمی،
سن ده دؤنرمیسن یوخولاریما؟
بیر حسرت اوشودور نه‌دن قلبیمی؟
الیمین آلتیندا سینه‌م اوجاق‌دی.
نفسین آنامین نفسی کیمی،
بیر پاییز گیزلیجه سویویاجاقدی.
گؤز دیکیلی قالیب سونسوز یوللارا،
دویغولار اوره‌یین تویو، یاسی‌دی.
دئمه، آنام هارا، بس باهار هارا؟!
اینسان طبیعتین بیر پارچاسی‌دی.
هر کؤچن یارپاغین گؤینَک‌دی یئری،
سیزلایان بوداقلار بیر ده ایسینمز.
باهار قاییداجاق، دؤنه‌جک گئری،
آنامین سفری سونسوز، توکَنمز.
بیر چیینیمده سئوینج، بیر چیینیمده غم،
قویمادیم ایچیمده اومیدلر اؤله.
دئییرم بیر زامان بو باهار کیمی،
آنام دا دونیایا تزه‌دن گله.
ائی باهار، آناما اوخشاتدیم سنی،
هیجران‌می دولاشدی، دئ، یوللارینا؟!
سن هله، سن هله هئچ گلمه‌میشدن،
هاراسا کؤچوردون خیاللاریمدا.
#طالع_حمید
#شعر_اوجاغی
@SheirOcagi
▫️بیر عؤمورده،
بیر گیزلی سئوگی یاشادیلار،
گؤروشدولر گیزلی،
بو دونیانین سئوینجینی، غمینی،
بؤلوشدولر گیزلی.
ایکی قلبین چیرپینتی‌لارینی،
ائشیتدیلر، دویدولار گیزلی.
اوغرون-اوغرون کئچدیلر،
اینسانلارین آخینیندان.
نه مجلیس‌لرده بیرگه گؤروندولر،
نه کوچه‌ده، یولدا بیرگه آددیم آتدیلار.
نه تویا، نه شنلیگه گئتدیلر،
نه بیرلیکده شکیل چکدیردیلر.
واخت اولدو، صوبحه‌دک
او بوردا، بو اوردا یاتمادیلار،
هامینی آلداتدیلار.
تکجه اورک‌لرینی آلداتمادیلار،
بو محبّت اوغرولاری.
#طالع_حمید
#شعر_اوجاغی
@SheirOcagi
بیر گیزلی سئوگی یاشادیلار،
گؤروشدولر گیزلی،
بو دونیانین سئوینجینی، غمینی،
بؤلوشدولر گیزلی.
ایکی قلبین چیرپینتی‌لارینی،
ائشیتدیلر، دویدولار گیزلی.
اوغرون-اوغرون کئچدیلر،
اینسانلارین آخینیندان.
نه مجلیس‌لرده بیرگه گؤروندولر،
نه کوچه‌ده، یولدا بیرگه آددیم آتدیلار.
نه تویا، نه شنلیگه گئتدیلر،
نه بیرلیکده شکیل چکدیردیلر.
واخت اولدو، صوبحه‌دک
او بوردا، بو اوردا یاتمادیلار،
هامینی آلداتدیلار.
تکجه اورک‌لرینی آلداتمادیلار،
بو محبّت اوغرولاری.
#طالع_حمید
#شعر_اوجاغی
@SheirOcagi
▫️داغ چایی
سیلدیریم* داشلارین
سرت قایالارین،
توتوب اللریندن
اتک‌لریندن،
آخیر داغ چایی.
ال اوزادیب
ساغ ساحیلدن
سول ساحیلدن،
چیچک دریر.
دنیزه تلسیر،
سونسوز دنیزه.
داغلار اوجا،
دنیز نهنگ.
بئله کوکره‌یه‌سن،
بئله داشاسان!
بیر اوجادان آیریلاندا،
بیر اوجایا قوووشاسان!
#طالع_حمید
* چیلپاق، دیک و اوجا (Sıldırım)
#شعر_اوجاغی
@SheirOcagi
سیلدیریم* داشلارین
سرت قایالارین،
توتوب اللریندن
اتک‌لریندن،
آخیر داغ چایی.
ال اوزادیب
ساغ ساحیلدن
سول ساحیلدن،
چیچک دریر.
دنیزه تلسیر،
سونسوز دنیزه.
داغلار اوجا،
دنیز نهنگ.
بئله کوکره‌یه‌سن،
بئله داشاسان!
بیر اوجادان آیریلاندا،
بیر اوجایا قوووشاسان!
#طالع_حمید
* چیلپاق، دیک و اوجا (Sıldırım)
#شعر_اوجاغی
@SheirOcagi
▫️اؤزوم بیله-بیله
سنی سوراقلادیم، سنی آختاردیم،
دولاندیم یاخینی، گزدیم اوزاغی.
سن منیم سون آرزوم، حسرتیم اولدون،
بونو مندن یاخشی کیم بیلدی آخی؟!
ائله «منیم» دئدیم، منیم اولمادین،
کؤنلومه، روحوما آخیب دولمادین،
ساکیت حیاتیما کسیلدین قنیم-
اوزاق اولدوز کیمی، گؤزَلیم منیم.
هر سحر، هر آخشام یولوندا دوردوم.
کوچه‌نیزده بیتن سالخیم سؤیودون،
اورکک تئللرینی اوخشادیم، هؤردوم،
اونا اورک وئردیم؛ او، سن دئییلسن.
بلکه حسرتیم ده اوچوب گئدردی،
سؤیودتک اوستومه بیر یول اَییلسن.
یوخ، ایندی بونو دا ایسته‌میرم من،
گؤزومدن دوشرسن بیر گون اییلسن.
آرخانجا کؤلگه‌تک سورونه‌سی‌یم،
اؤزوم بیله-بیله منیم دئییلسن.
#طالع_حمید
#شعر_اوجاغی
@SheirOcagi
سنی سوراقلادیم، سنی آختاردیم،
دولاندیم یاخینی، گزدیم اوزاغی.
سن منیم سون آرزوم، حسرتیم اولدون،
بونو مندن یاخشی کیم بیلدی آخی؟!
ائله «منیم» دئدیم، منیم اولمادین،
کؤنلومه، روحوما آخیب دولمادین،
ساکیت حیاتیما کسیلدین قنیم-
اوزاق اولدوز کیمی، گؤزَلیم منیم.
هر سحر، هر آخشام یولوندا دوردوم.
کوچه‌نیزده بیتن سالخیم سؤیودون،
اورکک تئللرینی اوخشادیم، هؤردوم،
اونا اورک وئردیم؛ او، سن دئییلسن.
بلکه حسرتیم ده اوچوب گئدردی،
سؤیودتک اوستومه بیر یول اَییلسن.
یوخ، ایندی بونو دا ایسته‌میرم من،
گؤزومدن دوشرسن بیر گون اییلسن.
آرخانجا کؤلگه‌تک سورونه‌سی‌یم،
اؤزوم بیله-بیله منیم دئییلسن.
#طالع_حمید
#شعر_اوجاغی
@SheirOcagi
▫️باغیشلاماز.
اولارمی بو عشقی سالماماق یادا؟
حئسابی حئسابا قاتما هئچ زامان!
چیینینده خالقینین الی وارسا دا،
او الی چیینیندن آتما هئچ زامان!
آلوولارا چاخیل، اودلارا قالان،
گونشه اوز چئویر، آیدان دالدالان،
خالقا اوز چئویرمه، خالق باغیشلاماز!
تانری بخشیشی‌ییک، دوغولوروق بیز.
آتا چؤره‌یی‌له، آنا سودویله،
گوج‌لنیر دیزیمیز، وورور قلبیمیز.
ناخلف یارانساق میندن بیریمیز،
آتا باغیشلایار، آنا اونودار،
خالقا خیانتی خالق باغیشلاماز.
اونسوز دا قیسادیر عؤمرون مؤهلتی،
خالقدان اوزاقلاردا گزمه شؤهرتی،
گؤزله‌سن، سن اوندان گؤزله حؤرمتی!
دولانیب گیزلینده، گزیب خلوتی،
آدینا ناحاقدان یازسان تؤهمتی،
آللاه باغیشلایار، خالق باغیشلاماز.
#طالع_حمید
#شعر_اوجاغی
@SheirOcagi
اولارمی بو عشقی سالماماق یادا؟
حئسابی حئسابا قاتما هئچ زامان!
چیینینده خالقینین الی وارسا دا،
او الی چیینیندن آتما هئچ زامان!
آلوولارا چاخیل، اودلارا قالان،
گونشه اوز چئویر، آیدان دالدالان،
خالقا اوز چئویرمه، خالق باغیشلاماز!
تانری بخشیشی‌ییک، دوغولوروق بیز.
آتا چؤره‌یی‌له، آنا سودویله،
گوج‌لنیر دیزیمیز، وورور قلبیمیز.
ناخلف یارانساق میندن بیریمیز،
آتا باغیشلایار، آنا اونودار،
خالقا خیانتی خالق باغیشلاماز.
اونسوز دا قیسادیر عؤمرون مؤهلتی،
خالقدان اوزاقلاردا گزمه شؤهرتی،
گؤزله‌سن، سن اوندان گؤزله حؤرمتی!
دولانیب گیزلینده، گزیب خلوتی،
آدینا ناحاقدان یازسان تؤهمتی،
آللاه باغیشلایار، خالق باغیشلاماز.
#طالع_حمید
#شعر_اوجاغی
@SheirOcagi
▫️آتامین شکلی
بیر یاندا ساعاتین دمیر عقربی،
بیر یاندا زامانین سولاری آخیر.
باشیمین اوستونده آتامین شکلی،
گؤزلری گؤزومون ایچینه باخیر.
منیم ایش اوتاغیم، منیم اؤز دونیام،
کیتابلار، واراقلار سؤزوم-صؤحبتیم.
بوردا چارپیشیرام هر سحر، آخشام،
خیال‌دی، سؤال‌دی عؤمور مؤهلتیم.
دونَنده نه قالدی؟ -بیر حسرت یئری،
آنلار، دقیقه‌لر سانلی، چکیلی.
زامان اؤتوشدومو- قاییتمیر گئری،
منه نه‌لر دئمیر آتامین شکلی!
آتالی آنلار دا خاطیره اولور،
آنالی دونیا دا خاطیره اولور.
ائله زامان گلیر، ائله واخت گلیر،
گؤردویون رؤیا دا خاطیره اولور.
شکیل منه باخیر ساغدان، سولومدان،
او، منیم عؤمرومو-گونومو ساییر.
مئهریبان-مئهریبان توتور قولومدان،
بیر آرزو قورتاریر، بیری باشلاییر.
واختین حئسابینی ایسته‌ییر مندن،
آرزولار سئودالی، عؤمور ایستک‌لی.
داها چوخدان چیخیب شکیل‌لیگیندن،
آتامین اؤزودو آتامین شکلی.
واختی ساکیت-ساکیت سئیر ائله‌سک ده،
واخت گلیر سوکوتدا هارای قوپاریر.
آتامین شکیلی توتوب الیمدن،
منی هارالارا چکیب آپاریر!
اینانا بیلمیرم عؤمرون حؤکمونه،
کؤنلومه اوشاقلیق هوَسی گلیر.
آتامین شکلینین قاچیر اوستونه،
آتامین اوغلونون نوه‌سی گلیر.
سیزده‌دیر معناسی اوزاشان* آنین،
شکیللر، شکیللر، سیر-سوراق‌سینیز!
باشینا دولانیم قوجا دونیانین،
بیز قورتاران یئرده سیزلر وارسینیز!
#طالع_حمید
* اوزاقلاشان
#شعر_اوجاغی
@SheirOcagi
بیر یاندا ساعاتین دمیر عقربی،
بیر یاندا زامانین سولاری آخیر.
باشیمین اوستونده آتامین شکلی،
گؤزلری گؤزومون ایچینه باخیر.
منیم ایش اوتاغیم، منیم اؤز دونیام،
کیتابلار، واراقلار سؤزوم-صؤحبتیم.
بوردا چارپیشیرام هر سحر، آخشام،
خیال‌دی، سؤال‌دی عؤمور مؤهلتیم.
دونَنده نه قالدی؟ -بیر حسرت یئری،
آنلار، دقیقه‌لر سانلی، چکیلی.
زامان اؤتوشدومو- قاییتمیر گئری،
منه نه‌لر دئمیر آتامین شکلی!
آتالی آنلار دا خاطیره اولور،
آنالی دونیا دا خاطیره اولور.
ائله زامان گلیر، ائله واخت گلیر،
گؤردویون رؤیا دا خاطیره اولور.
شکیل منه باخیر ساغدان، سولومدان،
او، منیم عؤمرومو-گونومو ساییر.
مئهریبان-مئهریبان توتور قولومدان،
بیر آرزو قورتاریر، بیری باشلاییر.
واختین حئسابینی ایسته‌ییر مندن،
آرزولار سئودالی، عؤمور ایستک‌لی.
داها چوخدان چیخیب شکیل‌لیگیندن،
آتامین اؤزودو آتامین شکلی.
واختی ساکیت-ساکیت سئیر ائله‌سک ده،
واخت گلیر سوکوتدا هارای قوپاریر.
آتامین شکیلی توتوب الیمدن،
منی هارالارا چکیب آپاریر!
اینانا بیلمیرم عؤمرون حؤکمونه،
کؤنلومه اوشاقلیق هوَسی گلیر.
آتامین شکلینین قاچیر اوستونه،
آتامین اوغلونون نوه‌سی گلیر.
سیزده‌دیر معناسی اوزاشان* آنین،
شکیللر، شکیللر، سیر-سوراق‌سینیز!
باشینا دولانیم قوجا دونیانین،
بیز قورتاران یئرده سیزلر وارسینیز!
#طالع_حمید
* اوزاقلاشان
#شعر_اوجاغی
@SheirOcagi
▫️قارا قارغا
قارا قارغا، سنین نئچه یاشین وار؟!
یوردا گلدیم، سن ده گلدین غفیلدن.
نه‌لر کئچدی خیالیمدان، بیله‌سن!
ایللر اؤتور، اوخویورسان هله سن،
قارا قارغا، سنین نئچه یاشین وار؟!
هر آغاجین قوینو سنه بیر خانا،
بوردا منی گؤزله‌یَردی بیر آنا.
کؤنلون اولسون کؤنلوم کیمی ویرانا!
قارا قارغا، سنین نئچه یاشین وار؟!
چمن ایدی بو یئرلرین یانی بس،
سن گؤردویون او اینسانلار هانی بس؟
آوازیندان زارا گلدیم؛ بسدی، بس!
قارا قارغا، سنین نئچه یاشین وار؟!
یئرده گزیب، گؤیده قاناد چالیرسان،
گۆذارینی هارا گلدی سالیرسان.
بیز گئدیریک، سن سونرایا قالیرسان،
قارا قارغا، سنین نئچه یاشین وار؟!
هیجران نه‌دی بیلمه‌میسن هله سن،
اؤلدوم گئتدیم، سنی گؤروم اؤله‌سن!
گرک ائله من گلنده گله‌سن،
قارا قارغا، سنین نئچه یاشین وار؟!
اوشومه‌سه تر چیچک‌لر سولارمی؟
بختوَر گول لچه‌یینی یولارمی؟
اوچ یوز ایل ده عؤمور سورمک اولارمی؟
قارا قارغا، سنین نئچه یاشین وار؟!
«عؤمور کئچدی، قوجالیرام ها» دئمه!
یاخشی-یامان گؤردویونه «قا» دئمه!
گؤردویونو، آمان گوندو، تا دئمه!
قارا قارغا، سنین نئچه یاشین وار؟!
#طالع_حمید
#شعر_اوجاغی
@SheirOcagi
قارا قارغا، سنین نئچه یاشین وار؟!
یوردا گلدیم، سن ده گلدین غفیلدن.
نه‌لر کئچدی خیالیمدان، بیله‌سن!
ایللر اؤتور، اوخویورسان هله سن،
قارا قارغا، سنین نئچه یاشین وار؟!
هر آغاجین قوینو سنه بیر خانا،
بوردا منی گؤزله‌یَردی بیر آنا.
کؤنلون اولسون کؤنلوم کیمی ویرانا!
قارا قارغا، سنین نئچه یاشین وار؟!
چمن ایدی بو یئرلرین یانی بس،
سن گؤردویون او اینسانلار هانی بس؟
آوازیندان زارا گلدیم؛ بسدی، بس!
قارا قارغا، سنین نئچه یاشین وار؟!
یئرده گزیب، گؤیده قاناد چالیرسان،
گۆذارینی هارا گلدی سالیرسان.
بیز گئدیریک، سن سونرایا قالیرسان،
قارا قارغا، سنین نئچه یاشین وار؟!
هیجران نه‌دی بیلمه‌میسن هله سن،
اؤلدوم گئتدیم، سنی گؤروم اؤله‌سن!
گرک ائله من گلنده گله‌سن،
قارا قارغا، سنین نئچه یاشین وار؟!
اوشومه‌سه تر چیچک‌لر سولارمی؟
بختوَر گول لچه‌یینی یولارمی؟
اوچ یوز ایل ده عؤمور سورمک اولارمی؟
قارا قارغا، سنین نئچه یاشین وار؟!
«عؤمور کئچدی، قوجالیرام ها» دئمه!
یاخشی-یامان گؤردویونه «قا» دئمه!
گؤردویونو، آمان گوندو، تا دئمه!
قارا قارغا، سنین نئچه یاشین وار؟!
#طالع_حمید
#شعر_اوجاغی
@SheirOcagi
▫️کؤهنه سویودوجو
زامانا قوووشور ساعات دا، آن دا،
اوزاق حقیقت‌لر یاخین خیال‌دی.
کؤهنه سویودوجو یول کناریندا،
یادیما غملی بیر حئکایه سالدی.
«شمکیر»ده اولموشدو چوخ ایللر اوّل،
خیالا گلنده، فیکیر ده چاشیر.
دونَنه یئتمه‌ییر اوزاندیقجا ال،
اورک یوک‌لنَنده، واخت یاخینلاشیر.
اینسانا هر زامان گولمور آرزولار،
کیم دئییر اوشاقلیق درددن اوزاق‌دی؟
عؤمرون باهاری وار، عؤمرون قیشی وار،
گون وار کی گونئی‌دی، گون وار سازاق‌دی.
قایغیسیز اوشاقلار، غمسیز اوشاقلار،
گیزلن‌پاچ اوینادی گونون بیر گونو.
کیم بیلیر قارشیدا آخی نه‌لر وار،
کیم اؤنجه‌دن بیلیر، دئ، اؤلدویونو؟!
بیری کول دالیندا، بیریسی آغاج،
هره‌سی بیر یاندا دالدالاندیلار.
ایندی تاپاجاغام! تئز اول، گیزلن، قاچ!
هر ساده سؤزده ده بیر ضابیطه وار.
بیردن قاناد چالیر اؤلوم مله‌یی،
کؤهنه سویودوجو سانکی «گل!» دئییر.
قوپور فیرتیناسی، اسیر کوله‌یی،
اینسانا سون سؤزو تک اجل دئییر.
کؤهنه سویودوجو- اؤلوم بئشیگی،
قاچیب بو بئشیکده گیزلنیر اوشاق.
دوستلاری آختاریر ائوی، ائشیگی،
اؤلوم هاردا تاپیر- اجله بیر باخ!
چؤلدن آچیلایدی گرک قاپیسی،
گیزلنَن جان وئریر، تاپان لنگیییر.
بوردا یورغون دوشور اوشاقلار هامسی،
اوردا «اؤلدوم!» دئییب، نفس تنگیییر.
اونودا بیلمیرم بو حئکایه‌نی،
آتینی هر یئرده چاپیبدی اؤلوم.
ایشه باخ- ان گوجلو او گیزله‌ننی،
باغلی صاندیقدا دا تاپیبدی اؤلوم.
#طالع_حمید
#شعر_اوجاغی
@SheirOcagi
زامانا قوووشور ساعات دا، آن دا،
اوزاق حقیقت‌لر یاخین خیال‌دی.
کؤهنه سویودوجو یول کناریندا،
یادیما غملی بیر حئکایه سالدی.
«شمکیر»ده اولموشدو چوخ ایللر اوّل،
خیالا گلنده، فیکیر ده چاشیر.
دونَنه یئتمه‌ییر اوزاندیقجا ال،
اورک یوک‌لنَنده، واخت یاخینلاشیر.
اینسانا هر زامان گولمور آرزولار،
کیم دئییر اوشاقلیق درددن اوزاق‌دی؟
عؤمرون باهاری وار، عؤمرون قیشی وار،
گون وار کی گونئی‌دی، گون وار سازاق‌دی.
قایغیسیز اوشاقلار، غمسیز اوشاقلار،
گیزلن‌پاچ اوینادی گونون بیر گونو.
کیم بیلیر قارشیدا آخی نه‌لر وار،
کیم اؤنجه‌دن بیلیر، دئ، اؤلدویونو؟!
بیری کول دالیندا، بیریسی آغاج،
هره‌سی بیر یاندا دالدالاندیلار.
ایندی تاپاجاغام! تئز اول، گیزلن، قاچ!
هر ساده سؤزده ده بیر ضابیطه وار.
بیردن قاناد چالیر اؤلوم مله‌یی،
کؤهنه سویودوجو سانکی «گل!» دئییر.
قوپور فیرتیناسی، اسیر کوله‌یی،
اینسانا سون سؤزو تک اجل دئییر.
کؤهنه سویودوجو- اؤلوم بئشیگی،
قاچیب بو بئشیکده گیزلنیر اوشاق.
دوستلاری آختاریر ائوی، ائشیگی،
اؤلوم هاردا تاپیر- اجله بیر باخ!
چؤلدن آچیلایدی گرک قاپیسی،
گیزلنَن جان وئریر، تاپان لنگیییر.
بوردا یورغون دوشور اوشاقلار هامسی،
اوردا «اؤلدوم!» دئییب، نفس تنگیییر.
اونودا بیلمیرم بو حئکایه‌نی،
آتینی هر یئرده چاپیبدی اؤلوم.
ایشه باخ- ان گوجلو او گیزله‌ننی،
باغلی صاندیقدا دا تاپیبدی اؤلوم.
#طالع_حمید
#شعر_اوجاغی
@SheirOcagi
▫️اونوت دا منی!
بیر سئوگی یاشاتدیق باهاردان قیشا،
دئیه‌سن توش گلدیک آخی قارغیشا.
دونن کوچه‌نیزده دوشدوم یاغیشا،
تانیدی یاغیش دا، بولود دا منی.
کیمسه آگاه اولار بو گیزلی سیردن،
حسرتیم اوخونار اوزونده بیردن،
گؤرونه بیله‌رم گؤزونده بیردن،
ایسلات گؤز یاشیندا، قوروت دا منی.
یوخدو حالیمیزا یانان کسیمیز،
چتین بیر ده دینه سینان سسیمیز،
بیر کؤورک خاطیره اولسون بسیمیز،
خاطیرلا دا منی، اونوت دا منی!
#طالع_حمید
#شعر_اوجاغی
@SheirOcagi
بیر سئوگی یاشاتدیق باهاردان قیشا،
دئیه‌سن توش گلدیک آخی قارغیشا.
دونن کوچه‌نیزده دوشدوم یاغیشا،
تانیدی یاغیش دا، بولود دا منی.
کیمسه آگاه اولار بو گیزلی سیردن،
حسرتیم اوخونار اوزونده بیردن،
گؤرونه بیله‌رم گؤزونده بیردن،
ایسلات گؤز یاشیندا، قوروت دا منی.
یوخدو حالیمیزا یانان کسیمیز،
چتین بیر ده دینه سینان سسیمیز،
بیر کؤورک خاطیره اولسون بسیمیز،
خاطیرلا دا منی، اونوت دا منی!
#طالع_حمید
#شعر_اوجاغی
@SheirOcagi
▫️او سئوگینی اوره‌یینده گیزله‌مه!
عؤمور یوکدو اینجیمک ده، باریش دا،
اؤته‌جک‌دی بو باهار دا، او قیش دا.
گؤرونه‌جک آلنینداکی قیریش دا،
او سئوگینی اوره‌یینده گیزله‌مه!
بولود اولوب یاییلاجاق گؤیلره،
یاغیش اولوب سپیله‌جک چؤللره.
بیر ده گؤردون یازیلاجاق گؤزلره
او سئوگینی اوره‌یینده گیزله‌مه!
نه گیلئی‌دی صؤحبتینده، سؤزونده،
داملا-داملا یاشا دؤنر گؤزونده؟
گؤرورم کی یازیلیبدی اوزونده
او سئوگینی اوره‌یینده گیزله‌مه!
کؤنلوم سؽنؽر قیریلاندا هر سسین،
گولوشلرین نغمه اولوب یوکسَلسین!
اؤله‌ریک‌سه، بیرگه اؤلک، دئ گلسین
او سئوگینی اوره‌یینده گیزله‌مه!
#طالع_حمید
#شعر_اوجاغی
@SheirOcagi
عؤمور یوکدو اینجیمک ده، باریش دا،
اؤته‌جک‌دی بو باهار دا، او قیش دا.
گؤرونه‌جک آلنینداکی قیریش دا،
او سئوگینی اوره‌یینده گیزله‌مه!
بولود اولوب یاییلاجاق گؤیلره،
یاغیش اولوب سپیله‌جک چؤللره.
بیر ده گؤردون یازیلاجاق گؤزلره
او سئوگینی اوره‌یینده گیزله‌مه!
نه گیلئی‌دی صؤحبتینده، سؤزونده،
داملا-داملا یاشا دؤنر گؤزونده؟
گؤرورم کی یازیلیبدی اوزونده
او سئوگینی اوره‌یینده گیزله‌مه!
کؤنلوم سؽنؽر قیریلاندا هر سسین،
گولوشلرین نغمه اولوب یوکسَلسین!
اؤله‌ریک‌سه، بیرگه اؤلک، دئ گلسین
او سئوگینی اوره‌یینده گیزله‌مه!
#طالع_حمید
#شعر_اوجاغی
@SheirOcagi
▫️قۏشا کئچدیلر.
گنجلیک دورنالارتک اوچوب گئدندن،
آغریلار-آجیلار باشا کئچدیلر.
بیلمیرم نه گؤردو نازلی گؤزل‌لر،
آدیمی سورمامیش، یاشا کئچدیلر.
اوستومدن توفانلار، یئللر اسدیلر،
ککلیک قاناد چالدی، تئللر اسدیلر،
آیاغیم تیتره‌دی، اللر اسدیلر،
آتدیغیم گوللـه‌لر بوشا کئچدیلر.
یورغونو دوشدویوم یاشیل اوتلاق‌لار،
تامارزی قالدیغیم بارلی بوداقلار،
ایچه بیلمه‌دیگیم بوم‌بوز بولاقلار،
قایادان قایناییب داشا کئچدیلر.
طالعین حالینی سورمایان دلبر،
سوروشوب قایدینا قالمایان دلبر،
یولونو بیر بیزه سالمایان دلبر،
دونن آجیغیما قوشا کئچدیلر.
#طالع_حمید
#شعر_اوجاغی
@SheirOcagi
گنجلیک دورنالارتک اوچوب گئدندن،
آغریلار-آجیلار باشا کئچدیلر.
بیلمیرم نه گؤردو نازلی گؤزل‌لر،
آدیمی سورمامیش، یاشا کئچدیلر.
اوستومدن توفانلار، یئللر اسدیلر،
ککلیک قاناد چالدی، تئللر اسدیلر،
آیاغیم تیتره‌دی، اللر اسدیلر،
آتدیغیم گوللـه‌لر بوشا کئچدیلر.
یورغونو دوشدویوم یاشیل اوتلاق‌لار،
تامارزی قالدیغیم بارلی بوداقلار،
ایچه بیلمه‌دیگیم بوم‌بوز بولاقلار،
قایادان قایناییب داشا کئچدیلر.
طالعین حالینی سورمایان دلبر،
سوروشوب قایدینا قالمایان دلبر،
یولونو بیر بیزه سالمایان دلبر،
دونن آجیغیما قوشا کئچدیلر.
#طالع_حمید
#شعر_اوجاغی
@SheirOcagi
▫️آنا یاشییار.
عؤمرو پروانه‌یه عئینی یاشییار،
اؤولادلا اوره‌یی، بئینی یاشییار،
یئرین چکیسینی اؤز اوخوندان چوخ،
بلکه بیر حسرتلی آنا داشییار.
سینیرمز* حاقّینی بیر کیمسه دانسا،
دونیا اود توتمازمی بیر آنا یانسا؟!
کؤنلو پارچالانسا، اوره‌یی سینسا،
ساغالماز یاراسی، اونو قاشییار.
بیزی بو دونیایا گتیرن آنا،
اوجالدیب، بؤیودوب، یئتیرن آنا.
من گؤردوم اؤولادین ایتیرن آنا
عؤمرو نئجه یانا-یانا یاشییار!
«طالع!» آنالاردی ابدی ایلقار،
«اؤلدو» دئمه‌گینن، سن وارسان، او وار!
کؤکسونون آلتیندا سونسوز محبّت،
دیلینین اوجوندا «آنا» یاشییار.
#طالع_حمید
* هضم ائتمک
#شعر_اوجاغی
@SheirOcagi
عؤمرو پروانه‌یه عئینی یاشییار،
اؤولادلا اوره‌یی، بئینی یاشییار،
یئرین چکیسینی اؤز اوخوندان چوخ،
بلکه بیر حسرتلی آنا داشییار.
سینیرمز* حاقّینی بیر کیمسه دانسا،
دونیا اود توتمازمی بیر آنا یانسا؟!
کؤنلو پارچالانسا، اوره‌یی سینسا،
ساغالماز یاراسی، اونو قاشییار.
بیزی بو دونیایا گتیرن آنا،
اوجالدیب، بؤیودوب، یئتیرن آنا.
من گؤردوم اؤولادین ایتیرن آنا
عؤمرو نئجه یانا-یانا یاشییار!
«طالع!» آنالاردی ابدی ایلقار،
«اؤلدو» دئمه‌گینن، سن وارسان، او وار!
کؤکسونون آلتیندا سونسوز محبّت،
دیلینین اوجوندا «آنا» یاشییار.
#طالع_حمید
* هضم ائتمک
#شعر_اوجاغی
@SheirOcagi
▫️من بیر چینارام.
من بیر چینارام، اوجا بیر چینار،
تورپاقدان سو ایچیر قولوم، بوداغیم.
دوستلاریم سولمایان یارپاقلاریم‌دیر،
قوینوم قوشلار اوچون یاشیل اوتاغیم.
من بیر چمنم... گولوم، چیچه‌ییم-
نه خزان تانیییر، نه پاییز بیلیر.
چیچک‌لر گؤزوم‌دور، اوتلار کؤینه‌ییم،
باشیمدان دومانلار، چنلر چکیلیر.
من بیر بولاغام... دوم‌دورو سویوم-
سونسوز آرزولارتک چاغلاییب آخیر.
گئجه‌لر گوزگویَم آی ایشیغینا،
اولدوزلار، شکلینه گؤزومده باخیر.
من بیر آخار چایام... شیلتاق داغ چایی،
داشلاردان-داشلارا دَییب آخیرام.
اوجا ذیروه‌لردن ائنیب آشاغی،
باشیمی تورپاغا اَییب آخیرام.
من بیر جیغیرام داغ یاماجیندا،
دره‌نی ذیروه‌یه چاتماق ایسته‌رم.
بوتون جیغیرلاری ییغیب دؤوره‌مه،
حودودسوز یوللارا قاتماق ایسته‌رم.
من بیر اینسانام... عشقیم، دیله‌ییم،
شعیرله، نغمه‌یله آچیلیب دیلیم.
اینساندان آلدیغیم یاخشیلیق‌لاری،
واخت وئرین، اینسانا قایتارا بیلیم!
#طالع_حمید
#شعر_اوجاغی
@SheirOcagi
من بیر چینارام، اوجا بیر چینار،
تورپاقدان سو ایچیر قولوم، بوداغیم.
دوستلاریم سولمایان یارپاقلاریم‌دیر،
قوینوم قوشلار اوچون یاشیل اوتاغیم.
من بیر چمنم... گولوم، چیچه‌ییم-
نه خزان تانیییر، نه پاییز بیلیر.
چیچک‌لر گؤزوم‌دور، اوتلار کؤینه‌ییم،
باشیمدان دومانلار، چنلر چکیلیر.
من بیر بولاغام... دوم‌دورو سویوم-
سونسوز آرزولارتک چاغلاییب آخیر.
گئجه‌لر گوزگویَم آی ایشیغینا،
اولدوزلار، شکلینه گؤزومده باخیر.
من بیر آخار چایام... شیلتاق داغ چایی،
داشلاردان-داشلارا دَییب آخیرام.
اوجا ذیروه‌لردن ائنیب آشاغی،
باشیمی تورپاغا اَییب آخیرام.
من بیر جیغیرام داغ یاماجیندا،
دره‌نی ذیروه‌یه چاتماق ایسته‌رم.
بوتون جیغیرلاری ییغیب دؤوره‌مه،
حودودسوز یوللارا قاتماق ایسته‌رم.
من بیر اینسانام... عشقیم، دیله‌ییم،
شعیرله، نغمه‌یله آچیلیب دیلیم.
اینساندان آلدیغیم یاخشیلیق‌لاری،
واخت وئرین، اینسانا قایتارا بیلیم!
#طالع_حمید
#شعر_اوجاغی
@SheirOcagi
▫️ذیروه‌ده بیتن تک آغاجا
ائی اوجا ذیروه‌ده بیتن تک آغاج!
یاشیل بوداغینا اللر چاتماییر.
ظریف بوداقلارین سئوگییه مؤحتاج،
کؤلگه‌نده اوبالار، ائللر یاتماییر.
خیرداجا تۇم ایدین، قوروجا بیر دن،
سنی گؤر هارایا اکدی کولک‌لر!
قولوندان یاپیشیب اوشاقلار کیمی،
اوجا ذیروه‌لره چکدی کولک‌لر.
بولودلار هالای‌لا گزیر دؤوره‌نه،
یوخدور بوداغینی دوغراییب کسن.
مئشه‌لر حسدله بویلانیر سنه،
سن ده مئشه‌لرین حسرتینده‌سن.
بیلمیرم پالیدسان، بیلمیرم ولَس،
اوردا- اوزاقلاردا کؤلگه کیمیسن.
سنه یئتیشمه‌ییر نه هنیر، نه سس،
دوغمالار ایچینده اؤزگه کیمیسن.
عؤمور وار شیرین‌دیر، عؤمور وار آجی،
عؤمور وار هر گونو بیر اولدوز اولور.
حدسیز اوجالیق دا داریخدیریجی،
حدسیز اوجالیق دا معناسیز اولور.
#طالع_حمید
#شعر_اوجاغی
@SheirOcagi
ائی اوجا ذیروه‌ده بیتن تک آغاج!
یاشیل بوداغینا اللر چاتماییر.
ظریف بوداقلارین سئوگییه مؤحتاج،
کؤلگه‌نده اوبالار، ائللر یاتماییر.
خیرداجا تۇم ایدین، قوروجا بیر دن،
سنی گؤر هارایا اکدی کولک‌لر!
قولوندان یاپیشیب اوشاقلار کیمی،
اوجا ذیروه‌لره چکدی کولک‌لر.
بولودلار هالای‌لا گزیر دؤوره‌نه،
یوخدور بوداغینی دوغراییب کسن.
مئشه‌لر حسدله بویلانیر سنه،
سن ده مئشه‌لرین حسرتینده‌سن.
بیلمیرم پالیدسان، بیلمیرم ولَس،
اوردا- اوزاقلاردا کؤلگه کیمیسن.
سنه یئتیشمه‌ییر نه هنیر، نه سس،
دوغمالار ایچینده اؤزگه کیمیسن.
عؤمور وار شیرین‌دیر، عؤمور وار آجی،
عؤمور وار هر گونو بیر اولدوز اولور.
حدسیز اوجالیق دا داریخدیریجی،
حدسیز اوجالیق دا معناسیز اولور.
#طالع_حمید
#شعر_اوجاغی
@SheirOcagi