‍ ▫️قیش اوزون،
منی ایسیت!
حوزنونو اؤرت اوستومه!
سار، سارمالا صافلیغین‌لا،
بیر باهار تورپاغی کیمی!
قیش اوزون، ایسیت منی!

اوزون، گئجه‌لردن قالان اولدوز چیچک‌لری.
کؤنلونون قویوسونا دوشدوم،
چیخارما نه‌اولور!
«یوسوف»ون قالیم.
ایسسیزلیغیمدا قویما منی،
قوشلارینی اؤرت اوستومه!

دیریلمک ایسته‌ییرم،
بوتون باهارلار کیمی.
گؤزو آیدین اؤلولرین!
چیچه‌یه دوراجاق مزارلار دا.
دوعالارینی اؤرت اوستومه!

#عاریف_آی
#شعر_اوجاغی
@SheirOcagi

▫️سن گونشدن بیر البیسه تیکدین،
من کؤلگه‌دن بیر بدن.
تبسّوم یوموشاقلیغیندا هر شئی،
هر شئی بو قدر گؤزل اولار ایشده.

گؤزله‌ریک دوراقلاردا،
هارا گئده‌جه‌ییمیزی بیلمه‌دن.
قوشلار، بیزدن داها دالغین
باخیشلاریمیزا قونارلار بیردن.

بعضاً اوزون، چیچکلرین سولدوغو
قایغیلاردان بیر شوشه‌ده.
آنیلاری دا ترک ائدیب گئتدین،
داها آخشام بئله اولمادان.

#عاریف_آی
#شعر_اوجاغی
@SheirOcagi

▫️اؤلوم گلدیگینده،
یاریم قالاجاق هر شئی.
ییخیلان بیر دوواردان
اورتادا نه قالدی‌یسا.

بوتون معدن‌لر یئرآلتیندا،
بوتون چیچکلر یئرین اوستونده.
بیتمه‌ین بیر سیزیلتی کیمی
اسیب دوردوقجا روزگار
حسرتین آدی دا اؤلوم اولاجاق، گولوم!

من سئودالاردا یویوندوم،
بیلیرسن می یاغمورلار نییه یاغار،
عؤمروموزون قیزمالی یایلاری؟
یاشاماق بیچیلمک‌دیر
آرخامیزدا خولیالی بیر بوشلوق بوراخاراق.
کیمه یار اولموش کی حیات؟
یئنه ده دؤنوب دورور دونیا؛ باخ!

#عاریف_آی
#شعر_اوجاغی
@SheirOcagi

▫️من سنی سولار بولانیرکن سئودیم.
بیر قاریشقا کئچمیشدی اؤنوموزدن، بالدیری چیپلاق.
سو یوخوشا آخیردی دورمادان،
بیر دعوت وار ایدی هاوادا.
پنجه‌سینی ایتیلدن قوزغون میثالی،
قیریق آینالار کیمی‌یدی گؤزلرین.
من سنی اولمایان آینالارا باخارکن سئودیم.

سنی من هپ ماهور شرقیلر کیمی سئودیم.

#عاریف_آی
#شعر_اوجاغی
@SheirOcagi