دیالوق

▫️آللاه هر یئرده اولا بیلمزدی، بو اوزدن آنالاری یاراتدی.

🎬 Because l Said So
2007 آمریکا
#مایکل_لمان
#شعر_اوجاغی
@SheirOcagi

▫️دؤنور.

عشقیندن گوج آلیب بو ایلهامیم دا،
دویغولار قلبیمده سئللره دؤنور.
ائللرین وئردیگی آرزو-کامیم دا،
یئنیدن باش آلیب ائللره دؤنور.

نه بؤیوک بیر قودرت وارمیش صنعتده!
عؤمورلوک باغلی‌دیر سؤز ده، صؤحبت ده.
چکیلن عذاب دا، ایش ده، زحمت ده،
چیچک‌لره دؤنور، گوللره دؤنور.

فیکیرلر ایچینده فیکریم وار دئیه،
توتورام تورپاقدان، قالخیرام گؤیه.
خیالیم اوچدوقجا هئی گله‌جه‌یه،
گاه دا اؤتوب کئچن ایللره دؤنور.

#احمد_جاواد
#شعر_اوجاغی
@SheirOcagi

▫️بؤیوک آداملارین بؤیوکلویو، کیچیک آداملارلا اولان داورانیش طرزیندن بللی اولار.

#دیل_کارنگی
#شعر_اوجاغی
@SheirOcagi

▫️کیشی‌لرین ایکی دسته‌سی هئچ واخت نورمال حیاتا دؤنمه‌یه‌جکلر:
ساواشا گئدنلر،
عاشق اولانلار.

#رومن_رولان
#شعر_اوجاغی
@SheirOcagi

▫️وطن

سئچیب ان دیَرلی اوغوللاریمی،
اوجا بایراغینا بوکموشم، وطن!
تورپاغین گولشنه چئوریلسین دئیه،
موقدّس قوینونا اکمیشم، وطن!

وارلیغینلا وارام، اولو دؤولتم،
دلی بیر سئودایام، صاف محبّتم،
خالقام، جاماعاتام، قارا میلّتم،
اوغروندا قانیمی تؤکموشم، وطن!

سنی الیم سانیب گؤزوم بیلمیشم،
ال نه‌دیر، گؤز نه‌دیر! اؤزوم بیلمیشم.
جئهیزی قاییدان قیزیم بیلمیشم،
همیشه دردینی چکمیشم، وطن!

#آیدین_آرسلان
#شعر_اوجاغی
@SheirOcagi

▫️عشقده هئچ تجروبه‌سی اولمایان بیر اوره‌یی، گرفتار ائتمک، سیغیناقسیز و سووونماسیز بیر شهره گیرمک کیمی‌دیر.

📚 مادام کاملیا
#الکساندر_دوما
#شعر_اوجاغی
@SheirOcagi

▫️آزادلیق، جوشقون و فیرتینالی بیر دنیزدیر؛ قورخاق آداملار دیکتاتورلوقدا اولان دینج‌لیگی بو فیرتینایا ترجیح ائدیرلر.

#ارنستو_چگوارا
#شعر_اوجاغی
@SheirOcagi

دیالوق

▫️- عشق حاقّیندا نه دوشونورسن؟
+ اونا حدّیندن چوخ دیَر وئریبلر، بیولوژی باخیمیندان شوکولات یئمک‌ کیمی بیر شئی‌دیر.

🎬 The Devil's Advocate
1997 آمریکا
#تیلور_هاکفورد
#شعر_اوجاغی
@SheirOcagi

▫️بیر گون

هیجرانلار، الم‌لر، توفانلار ایچره،
قیسیق بیر سس کیمی، ائله‌جه‌یم من.
بؤیله گؤز یاشی‌یلا کئچن عؤمرومون،
سونوندا بیر آجی گوله‌جه‌یم من.

عشقیمین نه ایمیش بیلمم گوناهی،
ییخیلدی قلبیمین استنادگاهی.
نصیبیم اولسا دا دونیانین آهی،
بیر گون گؤز یاشیمی سیله‌جه‌یم من.

یاخیندا دیدارین نصیب اولماسا،
اومیدسیزلیک منی دوشورمز یاسا،
آلاراق الیمه دمیردن عصا،
بیر گون حوضورونا گله‌جه‌یم من.

توتولدوم توفانا، ساریلدیم سنه،
سن ائی قیریق قلم، گل بیر طوغیانا!
دؤزمک گوج اولارسا بئله هیجرانا،
سنینله دردیمی بؤله‌جه‌یم من.

#احمد_جاواد
#شعر_اوجاغی
@SheirOcagi

▫️اؤکوز اولسان بئله، اویغون یئرده اولسان، سنه تاپینان آداملار اولاجاق.

#برتراند_راسل
#شعر_اوجاغی
@SheirOcagi

🔹تحکییه ادبی درنه‌یی(437-جی جلسه)
🔹حئکایه: گیله‌نار چیچک‌لری و فلئیتا – اوسامو دازای
🔹ژاپون نثری
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه- 23 آبانماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه_سی #داستان #مودئرن_نثر #تحکییه #اورمو #اوسامو_دازای #ژاپون_نثری #حئکایه

▫️آی آتام!

من اوندا قایغیسیز، اوندا شن ایدیم
گؤله قارغی‌چالان، یئر ائشن ایدیم.
اؤزوم اؤز کؤلگه‌م‌له گوله‌شن ایدیم،
بول ایدی یانلیشیم، خاطام، آی آتام!

قانماز اوشاق ایدیم، قانی قاینایان،
سحردن-آخشاما گولن، اوینایان،
کدر تانیمایان، آجی دویمایان،
ایندی درد اؤنونده ماتام، آی آتام!

هر گلن یئنی گون، غمی گتیریر،
دولدورور بیر یئکه گمی، گتیریر،
قالمیر بیر کسیری، کمی؛ گتیریر،
گتیرمیر ناخیشیم، بوتام، آی آتام!

ائرکن یارپاق تؤکوب سولماغا نه وار؟
یاش اولوب گؤزومه دولماغا نه وار؟
قانمازین آتاسی اولماغا نه وار؟
گل ایندی آتام اول، آتام، آی آتام!

#آیدین_آرسلان
#شعر_اوجاغی
@SheirOcagi

▫️گؤزونوزو آچماسانیز، مئدیالار سیزه بیر ایش گؤره‌جک، مظلومدان نیفرت ائدیب ظالیمی سئوه‌‌جکسینیز.

#مالکوم_ایکس
#شعر_اوجاغی
@SheirOcagi

دیالوق

▫️- سن آللاها اینانیرسان؟
+ هه، اینانیرام، آما او چوخدان‌دیر بورداکی اولایلارا گؤز یوموب.

🎬 Hostiles
2017 آمریکا
#اسکات_کوپر
#شعر_اوجاغی
@SheirOcagi

▫️بیر کیشی هر گون شهرین میئیدانینا گئدیب‌ بؤرکونو هاوادا شیدّتله توولاییرمیش،
بیر گون پولیس بو ایشین ندنینی اوندان سوروشور.
کیشی: «زورافه‌لری قووورام»
پولیس: «من بوردا زورافه گؤرمورم»
کیشی: «دئمک کی، من ایشیمی دوز گؤرورم» دئییر.

📚 دوغرو دوشونمه‌ صنعتی
#رولف_دوبلی
#شعر_اوجاغی
@SheirOcagi

▫️سنی سئویرم.
سندن
عشقین جانلی‌لیغینی گارانتی‌له‌مک‌ ایسته‌میرم.
سندن،
بوددیست‌لر کیمی اود ایچینده اؤلمه‌‌م اوچون،
منه یاردیم ائتمه‌نی ایسته‌ییرم.

#نزار_قبانی
#شعر_اوجاغی
@SheirOcagi

روباعی

مَه دوردو مقابل سنه، بولدوقدا کمال،
گؤردو کی، اؤزونده سن‌جه یوخ حُسن و جمال.
بیر غایته یئتدی، اینجه‌لیب غمدن کیم،
ضعفِ بدن ایله، بدر ایکن، اولدو هلال.

#حکیم_ملامحمد_فضولی
#شعر_اوجاغی
@SheirOcagi

▫️سن منی بیرجه آن گؤزله‌مه‌سن ده،
سنی عؤمروم بویو گؤزله‌یه‌جه‌یم.
سن منی بیرجه یول سسله‌مه‌سن ده،
سنی عؤمروم بویو سسله‌یه‌جه‌یم.

مین دفعه گولسن ده، دئمه‌رم، ساغ اول
سن ائی حیاتیما، عؤمرومه قنیم!
قونماسا، گولمه‌رم، گولمه‌رم بیر یول،
دوداقدان-دوداغا گولوشوم منیم!

دئمیشدین «اؤلوم ده آییرماز بیزی»،
سنه کیم دئمیشدی، دئ، بو جومله‌نی؟!
دئمیشدین «سن قورو صاف عشقیمیزی!»
آلدادیب آلدادیب اویناتدین منی.
سنه کیم‌ دئمیشدی، دئ، بو جومله‌نی؟!

محبّت گلنده اینسان عؤمرونه،
سانیرسان هر یئره ایلک باهار گلیب.
محبّت گئدنده... لعنت او گونه،
سانیرسان دونیایا بوران، قار گلیب.

سانکی وارلیغیمی سالیرلار بنده،
سئون کؤنوللرده غم اؤتوشنده.
آلیشیب یانیرام سمندر کیمی،
محبّت یانیلیب اودا دوشنده.

منه نه لازیم‌دیر گونده بیر گؤزل؟!
اونلاری دیشیمه چوخ وورموشام من.
دوست-تانیش چوخ دئدی «بیر سن ده دوزَل!»
بو یولدا اؤزومو چوخ یورموشام من.
اونلاری دیشیمه‌ چوخ وورموشام من.

نه چوخدور دونیادا قدیر بیلمه‌ین!
هر لئیلی اوزلوده صداقت اولماز.
نه چوخدور «محبّت نه‌دیر» بیلمه‌ین!
هر شیرین گؤزلوده محبّت اولماز.
هر لئیلی اوزلوده صداقت اولماز.

سندن دؤولتلیسی گلنده اونا،
بیر سو قیمتینه ساتاجاق سنی.
سندن شؤهرتلیسی گولنده اونا،
ال‌اوستو بیر یانا آتاجاق سنی.

دئییرلر گؤزل‌لیک گلدی-گئدردیر،
گؤزل‌لیک اودور کی -یوخسا، هدردیر-
باشینی بو یولدا قویانی اولسون،
گؤزل‌لیک اودور کی، دویانی اولسون.

سئودا یوللاریندا آغلامایان کس،
دونیانین ذؤوقونو دویا بیلرمی؟!
سئودا یوللاریندا چاغلامایان کس،
داغلاری، داشلاری اویا بیلرمی؟!
دونیانین ذؤوقونو دویا بیلرمی؟!

کؤنول بیر بوداق‌دیر جاوان یاشیندا،
گونده چیچک آچان گوله بنزه‌ییر.
یاریمین سئوداسی گزیر باشیمدا،
مین سسلی، صدالی تئله بنزه‌ییر،
گونده چیچک آچان گوله بنزه‌ییر.

هیجران ایسته‌ینه ووصال نه لازیم؟
غم-کدر چکنه گون نه‌گرک‌دیر؟
حقیقت سئوه‌نه خیال نه لازیم؟
ناله قوپارانا اون نه‌ گرک‌دیر؟
غم-کدر چکنه گون نه‌ گرک‌دیر؟

دونیایا یاس توتدوم اوره‌ییمده من،
آخان گؤز یاشیمی سیلن اولمادی.
جاهانی گولدوردوم دیله‌ییمده من،
اؤزومون دردیمی بیلن اولمادی،
آخان گؤز یاشیمی سیلن اولمادی.

#احمد_جاواد
#شعر_اوجاغی
@SheirOcagi

▫️من سنین قلبیندن، سنین قلبینین منه وئره بیله‌جه‌ییندن آرتیق، نه ایسته‌یه بیله‌رم کی؟!

📚 آلچالدیلمیش و تحقیر ائدیلمیش اینسانلار
#فئودور_داستایئوسکی
#شعر_اوجاغی
@SheirOcagi

▫️سنین کیمی یاشایان، نفس آلان بیر قادینین دئییل، بیر داشین قلبینی اریتمه‌یه یئته‌جک قدر چوخ سئودیم سنی.

📚 مارتین ایدئن
#جک_لندن
#شعر_اوجاغی
@SheirOcagi

‍ ▫️قارغیش

لاپ بئشیکده، بلَکده،
ائشیتدیک بو قاغیشی:
«گزمه‌یه غوربت اؤلکه،
اؤلمه‌یه وطن یاخشی».

بیر غوربت اؤلکه گزمک،
دوشمه‌دی پاییمیزا.
بو وطنی کفن‌تک،
اؤلچدولر بویوموزا.

قایچی‌تک آرازی دا،
آرالیغا قاتدیلار.
بو کفنی بیر آز دا،
کسدیلر، قیسالتدیلار.

کیمین الی چیخدی‌سا،
کیمین دیلی چیخدی‌سا
بو کفنین آلتیندان،
الینی ده کسدیلر،
دیلینی ده کسدیلر،
بو وطنین آدیندان...

بو کفنی بیر آچ، باخ،
هله دیری‌ییک، آللاه!
بو کفندن آغ‌آپپاق،
بیزه کؤینک تیک، آللاه!

بیز ده بنده‌نیک آخی!
بیزه نه درد، نه غم وئر!
اؤلمه‌یه یوخ، ایلاهی،
یاشاماغا وطن وئر!

#رامیز_رؤوشن
#شعر_اوجاغی
🎙سالار موغانلی
@SheirOcagi