▫️هارای
قایامدان اؤز داشیم دوشدو باشیما،
اؤز الیم زهَرمی قاتدی آشیما؟
بو نه خیانت‌دیر چیخدی قارشیما؟
خیصلتیم، غئیرتیم، میلّتیم هارای!
بو یولدا چکدیگیم ذیلّتیم هارای!
قوی قولوم کسیلسین، الیم گؤرمه‌سین،
قوی آغزیم قوروسون، دیلیم گؤرمه‌سین،
داها بو گونومو ائلیم گؤرمه‌سین،
یورد-یووام، آی ائویم-ائشیگیم هارای!
هارای، لایلام هارای، بئشیگیم هارای!
اؤز سینه‌م توش اولدو اؤز قیلینجیما،
اؤز الیم اوخ آتدی ووردو قیچیما.
هارای قارداشیما، هارای باجیما!
یاریمچیق ووروشوم، ساواشیم هارای!
هارای جبهه‌داشیم، یولداشیم هارای!
لوغتدن او عالی سؤزومو چیخارت،
قوی دوشمن گؤرمه‌سین، گؤزومو چیخارت!
وور منی، اؤزومدن اؤزومو چیخارت!
هارای، جانیم هارای، عذابیم هارای!
قلَمیم، مکتبیم، کیتابیم هارای!
یئنه بؤلوک‌لنیب قوشونوم گئدیر،
من هانسی دسته‌یه قوشولوم گئدیم؟!
ساتیلدی، داغ گئتدی، آشیریم گئدیر،
عسگریم، لشکریم، سنگریم هارای!
طوغرول'وم، ممّد'یم، سرکر'یم، هارای!
تورپاغیم! بو اؤلوم ایکی‌لی یاس‌دیر،
قوی دوشمن گؤرمه‌سین، اوستومو باسدیر!
قانیم‌لا آلنیما بیر طالع یازدیر!
تزه‌دن پوسکوروم، مزاریم، هارای!
هارای، اعتباریم، ووقاریم هارای!
#موسی_یعقوب
#شعر_اوجاغی
@SheirOcagi
قایامدان اؤز داشیم دوشدو باشیما،
اؤز الیم زهَرمی قاتدی آشیما؟
بو نه خیانت‌دیر چیخدی قارشیما؟
خیصلتیم، غئیرتیم، میلّتیم هارای!
بو یولدا چکدیگیم ذیلّتیم هارای!
قوی قولوم کسیلسین، الیم گؤرمه‌سین،
قوی آغزیم قوروسون، دیلیم گؤرمه‌سین،
داها بو گونومو ائلیم گؤرمه‌سین،
یورد-یووام، آی ائویم-ائشیگیم هارای!
هارای، لایلام هارای، بئشیگیم هارای!
اؤز سینه‌م توش اولدو اؤز قیلینجیما،
اؤز الیم اوخ آتدی ووردو قیچیما.
هارای قارداشیما، هارای باجیما!
یاریمچیق ووروشوم، ساواشیم هارای!
هارای جبهه‌داشیم، یولداشیم هارای!
لوغتدن او عالی سؤزومو چیخارت،
قوی دوشمن گؤرمه‌سین، گؤزومو چیخارت!
وور منی، اؤزومدن اؤزومو چیخارت!
هارای، جانیم هارای، عذابیم هارای!
قلَمیم، مکتبیم، کیتابیم هارای!
یئنه بؤلوک‌لنیب قوشونوم گئدیر،
من هانسی دسته‌یه قوشولوم گئدیم؟!
ساتیلدی، داغ گئتدی، آشیریم گئدیر،
عسگریم، لشکریم، سنگریم هارای!
طوغرول'وم، ممّد'یم، سرکر'یم، هارای!
تورپاغیم! بو اؤلوم ایکی‌لی یاس‌دیر،
قوی دوشمن گؤرمه‌سین، اوستومو باسدیر!
قانیم‌لا آلنیما بیر طالع یازدیر!
تزه‌دن پوسکوروم، مزاریم، هارای!
هارای، اعتباریم، ووقاریم هارای!
#موسی_یعقوب
#شعر_اوجاغی
@SheirOcagi
▫️آه، بو دونیا!
تپه‌دن دیرناغا حئیرت یارانمیش،
تانریدان بیزیمچون قیسمت یارانمیش.
حئییف بو داغلارا، بو بولاقلارا،
حئییف بو چایلارا، بو تورپاقلارا،
هاوایی روزوموز او بالیقلارا.
بو بارلی-بهَرلی مئشه‌یه باخین!
بو بویدا ناز-نعمت، قیسمت ایچینده،
دوچار اولدوغوموز آغیر گونلره،
وردیش ائتدیگیمیز پئشه‌یه باخین!
آلیش-وئریشینده ماناتسیز قالان،
مین ایللر درس آلیب ساوادسیز قالان،
آمان بو ثباتسیز، ساوادسیز دونیا!
ائله آلدانیب کی، ائله چاشیب کی،
ائله بیل اوشاقدیر، یاشی چاتیشمیر.
قیمتی او قدر اوجوزلاشیب کی،
چکی‌یه قویماغا داشی چاتیشمیر.
همین او پیسلیک‌دیر قارشینا گلن،
هر جوره اؤلچویه، آرشینا گلن.
آمان بو اؤلچوسوز، اولگوسوز دونیا!
نیفرتی، حیله‌سی، حیرصی بؤیوین،
حؤرمتی کیچیلن سئوگیسیز دونیا!
بو گورزه دونیانین، بو گورز دونیانین،
آغیسی، ضربه‌سی، حربه‌سی آلتدا،
دولاندیرماق اولمور، دولانماق اولمور.
قویسالار یاخشیجا دولانماق اولار،
دوغما اوجاغی‌یلا قالانماق اولار،
بارلی آغاجی‌یلا سولانماق اولار.
هله سؤز چئینه‌ییر، هله سؤز یئییر،
بو سیاسی دونیا، بو عاصی دونیا.
تانینان اوغروسو، دوغروسو یوخدور،
مین ایل‌دیر قورولور، قورغوسو یوخدور.
دوروب دونَنینی سالمیر یادینا،
قوروقچوسونا باخ، قوروغونا باخ!
تاختی باشا قویوب، تاجی آلتینا،
تزه‌دن بَی اولان یولوغونا باخ!
بو اینکار دونیاسی، بئکار دونیاسی،
هله سؤز چئینه‌ییر، هله سؤز یئییر.
بو بوغاز دونیاسی، چنه دونیاسی،
بو دانقاز دونیاسی، طعنه دونیاسی.
اوستونه مین رنگلی سیاست یاپان،
حوقّابازلیغیندان جینایت یاپان،
آه، بو قانلی دونیا، عوصیانلی دونیا!
بلکه بولودو دا قهَردن دولوب،
گولورم موحیطین عارسیزلیغینا.
دئییرم اوره‌ییم بیر چیچک اولوب،
گئدیب ده بیر تنها داشا سیغینا.
آمان! غئیبت‌لرده قارالدی گونوم،
بیر دایان، یولومو تزه‌دن دؤنوم!
دؤنوب باشقا یولا چیخیم تزه‌دن.
آری پته‌یینه، قوش یوواسینا،
قاریشقا کومونا باخیم تزه‌دن.
باخیم لئیلک‌لرین صداقتینه،
دؤنوم قارتال‌لارین جسارتینه،
سو دَییرمانینا چئوریلسین یؤنوم.
سئوگی‌یه قاییدیم، شعره قاییدیم،
او ایتیردیگیمیز مئهره قاییدیم.
بیر گؤروم باشیما سونرا نه گلیر،
گؤروم تمیزلنه بیله‌جه‌یم‌می؟
او حیسدن، او حیرصدن، او هیسدن چیخیب-
پاخیری گؤیرمیش او میسدن چیخیب-
گؤروم قالایلانا بیله‌جه‌یم‌می؟
اؤزومه ووردوغوم یارالاریمی،
بیر گؤروم ساغالدا بیله‌جه‌یم‌می؟
آه! بو قانلی دونیا، عوصیانلی دونیا-
گؤروم یول وئریرمی امردن چیخیم،
بو چاشقین، بو ناشی عؤموردن چیخیم؟
چیخیب بیر عاغیللی عؤمره قاییدیم،
آللاهین وئردیگی امره قاییدیم.
آه، بو عاصی دونیا، سیاسی دونیا!
قویسالار یاخشیجا دولانماق اولار،
دوغما اوجاغی‌یلا قالانماق اولار،
بارلی آغاجی‌یلا سولانماق اولار.
#موسی_یعقوب
#شعر_اوجاغی
@SheirOcagi
تپه‌دن دیرناغا حئیرت یارانمیش،
تانریدان بیزیمچون قیسمت یارانمیش.
حئییف بو داغلارا، بو بولاقلارا،
حئییف بو چایلارا، بو تورپاقلارا،
هاوایی روزوموز او بالیقلارا.
بو بارلی-بهَرلی مئشه‌یه باخین!
بو بویدا ناز-نعمت، قیسمت ایچینده،
دوچار اولدوغوموز آغیر گونلره،
وردیش ائتدیگیمیز پئشه‌یه باخین!
آلیش-وئریشینده ماناتسیز قالان،
مین ایللر درس آلیب ساوادسیز قالان،
آمان بو ثباتسیز، ساوادسیز دونیا!
ائله آلدانیب کی، ائله چاشیب کی،
ائله بیل اوشاقدیر، یاشی چاتیشمیر.
قیمتی او قدر اوجوزلاشیب کی،
چکی‌یه قویماغا داشی چاتیشمیر.
همین او پیسلیک‌دیر قارشینا گلن،
هر جوره اؤلچویه، آرشینا گلن.
آمان بو اؤلچوسوز، اولگوسوز دونیا!
نیفرتی، حیله‌سی، حیرصی بؤیوین،
حؤرمتی کیچیلن سئوگیسیز دونیا!
بو گورزه دونیانین، بو گورز دونیانین،
آغیسی، ضربه‌سی، حربه‌سی آلتدا،
دولاندیرماق اولمور، دولانماق اولمور.
قویسالار یاخشیجا دولانماق اولار،
دوغما اوجاغی‌یلا قالانماق اولار،
بارلی آغاجی‌یلا سولانماق اولار.
هله سؤز چئینه‌ییر، هله سؤز یئییر،
بو سیاسی دونیا، بو عاصی دونیا.
تانینان اوغروسو، دوغروسو یوخدور،
مین ایل‌دیر قورولور، قورغوسو یوخدور.
دوروب دونَنینی سالمیر یادینا،
قوروقچوسونا باخ، قوروغونا باخ!
تاختی باشا قویوب، تاجی آلتینا،
تزه‌دن بَی اولان یولوغونا باخ!
بو اینکار دونیاسی، بئکار دونیاسی،
هله سؤز چئینه‌ییر، هله سؤز یئییر.
بو بوغاز دونیاسی، چنه دونیاسی،
بو دانقاز دونیاسی، طعنه دونیاسی.
اوستونه مین رنگلی سیاست یاپان،
حوقّابازلیغیندان جینایت یاپان،
آه، بو قانلی دونیا، عوصیانلی دونیا!
بلکه بولودو دا قهَردن دولوب،
گولورم موحیطین عارسیزلیغینا.
دئییرم اوره‌ییم بیر چیچک اولوب،
گئدیب ده بیر تنها داشا سیغینا.
آمان! غئیبت‌لرده قارالدی گونوم،
بیر دایان، یولومو تزه‌دن دؤنوم!
دؤنوب باشقا یولا چیخیم تزه‌دن.
آری پته‌یینه، قوش یوواسینا،
قاریشقا کومونا باخیم تزه‌دن.
باخیم لئیلک‌لرین صداقتینه،
دؤنوم قارتال‌لارین جسارتینه،
سو دَییرمانینا چئوریلسین یؤنوم.
سئوگی‌یه قاییدیم، شعره قاییدیم،
او ایتیردیگیمیز مئهره قاییدیم.
بیر گؤروم باشیما سونرا نه گلیر،
گؤروم تمیزلنه بیله‌جه‌یم‌می؟
او حیسدن، او حیرصدن، او هیسدن چیخیب-
پاخیری گؤیرمیش او میسدن چیخیب-
گؤروم قالایلانا بیله‌جه‌یم‌می؟
اؤزومه ووردوغوم یارالاریمی،
بیر گؤروم ساغالدا بیله‌جه‌یم‌می؟
آه! بو قانلی دونیا، عوصیانلی دونیا-
گؤروم یول وئریرمی امردن چیخیم،
بو چاشقین، بو ناشی عؤموردن چیخیم؟
چیخیب بیر عاغیللی عؤمره قاییدیم،
آللاهین وئردیگی امره قاییدیم.
آه، بو عاصی دونیا، سیاسی دونیا!
قویسالار یاخشیجا دولانماق اولار،
دوغما اوجاغی‌یلا قالانماق اولار،
بارلی آغاجی‌یلا سولانماق اولار.
#موسی_یعقوب
#شعر_اوجاغی
@SheirOcagi
▫️بو قدر یول
پتَکده آرینین کئفینه باخین!
هاوادا دورنانین صفینه باخین!
یولدا بیر-بیری‌یله یولا گئتمه‌ین،
ائلده ائل گوجونون صرفینه باخین!
او ساغا گئدنده سولو بیَنمیر،
بو، اونون گئتدیگی یولو بیَنمیر،
او، بونون گئتدیگی یولو بیَنمیر.
بلکه ایل بلاسی، واخت بلاسی‌دیر،
بو خالق بیر-بیرینین دالینجا گئتمیر.
ائل، دمیر بارماقلی شوم مالاسی‌دیر،
بارماق بیر-بیرینین دالینجا گئتمیر.
بو نه بؤل‌هابؤل‌دور، نه آیری-آیری
اؤزویچون هره بیر یول جیرماقلاییر.
هه، «اورا منیم‌دیر، بورا منیم‌دیر»،
مین حوقّا چیخاریر هره: «منیم‌دیر».
تورپاق بؤلوم-بؤلوم کیبریت قوطوسو،
ائله بیل بو دونیل «مره منیم»دیر.
بو قدر «من» اولار، «هره» اولارمی؟
بو قدر مرز اولار، مره اولارمی؟!
هره‌نین الینده اؤز تره‌زیسی،
بیر کیلو دنی وار، یوز تره‌زیسی.
گؤتوروب اؤز چکی داشینی آیری،
هره‌نین اؤلچوسو، آرشینی آیری.
هره آرشینی‌یلا مال اؤلچه-اؤلچه،
قالیبلار بو یولدا یول اؤلچه-اؤلچه.
تپه‌دن دیرناغا یول‌دو بو اؤلکه،
بوستان آیاق آلتدا، تاغ آیاق آلتدا،
اکین آیاق آلتدا، باغ آیاق آلتدا.
زامانین بو طالع یوکومو آغیر؟
عاقیل‌لر یولونو آزیب دایانیب.
آداملار ائله بیل فیل آیاغی‌دیر،
یومورتا کوره‌نی باسیب دایانیب.
تنگیییر تورپاغین، یئرین نفسی،
چاتلاییر غلافی، چیخمیر لپه‌سی.
توخوجو، کتانین اوستوندن کئچیر،
اکینچی کوتانین اوستوندن کئچیر.
واللاه، بو یئریشی قارینجا گئتمیر،
بو ائل، بیر-بیرینین دالینجا گئتمیر.
کؤنلومده بیر بیتمز سؤز توتوب گئدیر،
هره بیر طرفه اوز توتوب گئدیر.
دونیانین بو قدر اوزو اولارمی؟
ناحاقّین بو قدر عوذرو اولارمی؟!
ایلاهی، قولومدان توت، منی آپار!
ایتمه‌ییم بو قیل‌وقالین ایچینده.
آدام یول آختارار، آدام یول تاپار،
من چاشیب قالمیشام یولون ایچینده.
اوخلاری اَییلمیش او قوشا چارخین،
لنگری یول اَییر، ایز یئنه گئدیر.
گویا نیظام سئون لشگره باخین!
یان-یانا دوزولوب ائنینه گئدیر.
اؤزلری ده بیلمیر نه وار قاباقدا،
او بونو، بو اونو قاباقلاماقدا.
واللاه، بو یئریشی قارینجا گئتمیر،
بو ائل بیربیرینین دالینجا گئتمیر.
پتَکده آرینین کئفینه حئییف،
هاوادا دورنانین صفینه حئییف
یولدا بیر-بیری‌یله یولا گئتمه‌ین،
ائلده ائل گوجونون صرفینه حئییف!
#موسی_یعقوب
#شعر_اوجاغی
@SheirOcagi
پتَکده آرینین کئفینه باخین!
هاوادا دورنانین صفینه باخین!
یولدا بیر-بیری‌یله یولا گئتمه‌ین،
ائلده ائل گوجونون صرفینه باخین!
او ساغا گئدنده سولو بیَنمیر،
بو، اونون گئتدیگی یولو بیَنمیر،
او، بونون گئتدیگی یولو بیَنمیر.
بلکه ایل بلاسی، واخت بلاسی‌دیر،
بو خالق بیر-بیرینین دالینجا گئتمیر.
ائل، دمیر بارماقلی شوم مالاسی‌دیر،
بارماق بیر-بیرینین دالینجا گئتمیر.
بو نه بؤل‌هابؤل‌دور، نه آیری-آیری
اؤزویچون هره بیر یول جیرماقلاییر.
هه، «اورا منیم‌دیر، بورا منیم‌دیر»،
مین حوقّا چیخاریر هره: «منیم‌دیر».
تورپاق بؤلوم-بؤلوم کیبریت قوطوسو،
ائله بیل بو دونیل «مره منیم»دیر.
بو قدر «من» اولار، «هره» اولارمی؟
بو قدر مرز اولار، مره اولارمی؟!
هره‌نین الینده اؤز تره‌زیسی،
بیر کیلو دنی وار، یوز تره‌زیسی.
گؤتوروب اؤز چکی داشینی آیری،
هره‌نین اؤلچوسو، آرشینی آیری.
هره آرشینی‌یلا مال اؤلچه-اؤلچه،
قالیبلار بو یولدا یول اؤلچه-اؤلچه.
تپه‌دن دیرناغا یول‌دو بو اؤلکه،
بوستان آیاق آلتدا، تاغ آیاق آلتدا،
اکین آیاق آلتدا، باغ آیاق آلتدا.
زامانین بو طالع یوکومو آغیر؟
عاقیل‌لر یولونو آزیب دایانیب.
آداملار ائله بیل فیل آیاغی‌دیر،
یومورتا کوره‌نی باسیب دایانیب.
تنگیییر تورپاغین، یئرین نفسی،
چاتلاییر غلافی، چیخمیر لپه‌سی.
توخوجو، کتانین اوستوندن کئچیر،
اکینچی کوتانین اوستوندن کئچیر.
واللاه، بو یئریشی قارینجا گئتمیر،
بو ائل، بیر-بیرینین دالینجا گئتمیر.
کؤنلومده بیر بیتمز سؤز توتوب گئدیر،
هره بیر طرفه اوز توتوب گئدیر.
دونیانین بو قدر اوزو اولارمی؟
ناحاقّین بو قدر عوذرو اولارمی؟!
ایلاهی، قولومدان توت، منی آپار!
ایتمه‌ییم بو قیل‌وقالین ایچینده.
آدام یول آختارار، آدام یول تاپار،
من چاشیب قالمیشام یولون ایچینده.
اوخلاری اَییلمیش او قوشا چارخین،
لنگری یول اَییر، ایز یئنه گئدیر.
گویا نیظام سئون لشگره باخین!
یان-یانا دوزولوب ائنینه گئدیر.
اؤزلری ده بیلمیر نه وار قاباقدا،
او بونو، بو اونو قاباقلاماقدا.
واللاه، بو یئریشی قارینجا گئتمیر،
بو ائل بیربیرینین دالینجا گئتمیر.
پتَکده آرینین کئفینه حئییف،
هاوادا دورنانین صفینه حئییف
یولدا بیر-بیری‌یله یولا گئتمه‌ین،
ائلده ائل گوجونون صرفینه حئییف!
#موسی_یعقوب
#شعر_اوجاغی
@SheirOcagi
▫️موخالیفتم.
گول اولوب یا گرک سولوب تؤکولوم،
وارام‌سا تیکان‌لا موخالیفتم.
جیسمیمی اؤلدوروب روحوم اوچورسا،
جیسمیمده‌کی جانلا موخالیفتم.
زامان عؤمروم آلیر، دؤوران جانیمی،
من ده بو دؤورانلا موخالیفتم.
دئمه کی دوزَلدی، یوخ، دوز اَییلدی،
قلم، قلمدان‌لا موخالیفتم.
حاقّین یولو بیرسه، قانون مین‌دیرسه،
قانون‌لا، فرمان‌لا موخالیفتم.
شاه تاختی هله حاق درگاهی دئییل،
من بَی‌له، من خان‌لا موخالیفتم.
حؤکمون حوضوروندا ایشلَک بنده‌یم،
دئمک، حؤکمران‌لا موخالیفتم.
آلدانمیش آدَم'ین پاراسی‌یام من،
همیشه شئیطان‌لا موخالیفتم.
او شئیطان چوخ قلبه گیره بیلیرسه،
اینسانام، اینسان‌لا موخالیفتم.
ال‌اَم، تره‌زی‌یم، چکی داشی‌یام،
میزان‌سیز میزان‌لا موخالیفتم.
مین ایل‌دیر چاغیررام، ویجدان آییلمیر،
آییلماز ویجدان‌لا موخالیفتم.
شیمشک کؤینه‌ییمی جیریب تؤکموشم،
چونکی آسیمان‌لا موخالیفتم.
اود جانیمدان چیخیر، توستو باشیمدان،
داغداکی دومان‌لا موخالیفتم.
غولام‌سا، عوصیانیم قاینار ایچیمده،
شاهام‌سا، عوصیان‌لا موخالیفتم.
#موسی_یعقوب
#شعر_اوجاغی
@SheirOcagi
گول اولوب یا گرک سولوب تؤکولوم،
وارام‌سا تیکان‌لا موخالیفتم.
جیسمیمی اؤلدوروب روحوم اوچورسا،
جیسمیمده‌کی جانلا موخالیفتم.
زامان عؤمروم آلیر، دؤوران جانیمی،
من ده بو دؤورانلا موخالیفتم.
دئمه کی دوزَلدی، یوخ، دوز اَییلدی،
قلم، قلمدان‌لا موخالیفتم.
حاقّین یولو بیرسه، قانون مین‌دیرسه،
قانون‌لا، فرمان‌لا موخالیفتم.
شاه تاختی هله حاق درگاهی دئییل،
من بَی‌له، من خان‌لا موخالیفتم.
حؤکمون حوضوروندا ایشلَک بنده‌یم،
دئمک، حؤکمران‌لا موخالیفتم.
آلدانمیش آدَم'ین پاراسی‌یام من،
همیشه شئیطان‌لا موخالیفتم.
او شئیطان چوخ قلبه گیره بیلیرسه،
اینسانام، اینسان‌لا موخالیفتم.
ال‌اَم، تره‌زی‌یم، چکی داشی‌یام،
میزان‌سیز میزان‌لا موخالیفتم.
مین ایل‌دیر چاغیررام، ویجدان آییلمیر،
آییلماز ویجدان‌لا موخالیفتم.
شیمشک کؤینه‌ییمی جیریب تؤکموشم،
چونکی آسیمان‌لا موخالیفتم.
اود جانیمدان چیخیر، توستو باشیمدان،
داغداکی دومان‌لا موخالیفتم.
غولام‌سا، عوصیانیم قاینار ایچیمده،
شاهام‌سا، عوصیان‌لا موخالیفتم.
#موسی_یعقوب
#شعر_اوجاغی
@SheirOcagi
▫️کؤلگه‌ده آغلار بیر اوزوم.
الیمدن دوشدو مونجوغوم،
دوستلاریم گئتدی، گلمه‌دی.
گوندوزومده، گئجه‌مده‌یدی،
لاپ گؤزومون قاباغیندا،
لاپ اووجومون ایچینده‌یدی،
الیمدن دوشدو مونجوغوم،
دوستلاریم گئتدی، گلمه‌دی.
کؤلگه‌ده آغلار بیر اوزوم.
ساپیندایدی دوزوم-دوزوم،
ساپی قیریلدی، قیریلدی،
الیمدن دوشدو مونجوغوم،
دوستلاریم گئتدی، گلمه‌دی.
بو دا عؤمور-گون یولویدو،
اوّل اووجوم دوپ‌دولویدو.
دؤنه-دؤنه، بیرَر-بیرر،
الیمدن دوشدو مونجوغوم،
دوستلاریم گئتدی، گلمه‌دی.
دوزمه‌دیم ساپا بیلمه‌دیم.
ایتدی داشلار آراسیندا،
ایتدی اوتلار آراسیندا،
آختاردیم تاپا بیلمه‌دیم.
الیمدن دوشدو مونجوغوم،
دوستلاریم گئتدی گلمه‌دی.
پاییز سالخیمی ارییَر،
سونونجو مونجوغا کیمی.
بو نه عؤموردو قارداشیم-
تورپاقدان اووجوما کیمی؟!
آتاجیغیم، آناجیغیم!
الیمدن دوشدو مونجوغوم،
تؤکولدو، ایتدی، گلمه‌دی،
دوستلاریم گئتدی، گلمه‌دی.
#موسی_یعقوب
#شعر_اوجاغی
@SheirOcagi
الیمدن دوشدو مونجوغوم،
دوستلاریم گئتدی، گلمه‌دی.
گوندوزومده، گئجه‌مده‌یدی،
لاپ گؤزومون قاباغیندا،
لاپ اووجومون ایچینده‌یدی،
الیمدن دوشدو مونجوغوم،
دوستلاریم گئتدی، گلمه‌دی.
کؤلگه‌ده آغلار بیر اوزوم.
ساپیندایدی دوزوم-دوزوم،
ساپی قیریلدی، قیریلدی،
الیمدن دوشدو مونجوغوم،
دوستلاریم گئتدی، گلمه‌دی.
بو دا عؤمور-گون یولویدو،
اوّل اووجوم دوپ‌دولویدو.
دؤنه-دؤنه، بیرَر-بیرر،
الیمدن دوشدو مونجوغوم،
دوستلاریم گئتدی، گلمه‌دی.
دوزمه‌دیم ساپا بیلمه‌دیم.
ایتدی داشلار آراسیندا،
ایتدی اوتلار آراسیندا،
آختاردیم تاپا بیلمه‌دیم.
الیمدن دوشدو مونجوغوم،
دوستلاریم گئتدی گلمه‌دی.
پاییز سالخیمی ارییَر،
سونونجو مونجوغا کیمی.
بو نه عؤموردو قارداشیم-
تورپاقدان اووجوما کیمی؟!
آتاجیغیم، آناجیغیم!
الیمدن دوشدو مونجوغوم،
تؤکولدو، ایتدی، گلمه‌دی،
دوستلاریم گئتدی، گلمه‌دی.
#موسی_یعقوب
#شعر_اوجاغی
@SheirOcagi
▫️او هانسی ماهنی‌یدی؟!
طالعین آچدیغی قاپیلار ایله،
او کی اوغورلارین گیریب-چیخیردی،
آرخین دورولوردو، سویون آخیردی،
اوندا کی او آرخدان شکلین باخیردی،
ایلک یازدا تورپاغین قیمیلداناندا،
بنؤوشه دیلی‌یله، مئشه دیلی‌یله،
او هانسی ماهنی‌یدی سن اوخویوردون،
آی قوجا ولَس؟! ¹
نه سؤزو، نه نوتو قالیب یادیمدا،
او باشقا سس ایدی، او باشقا نفَس.
او هانسی ماهنی‌یدی سن اوخویوردون،
آی قوجا ولس؟!
او کی، یارپاغینا گول النیردی،
اوستونه اولدوزلار سپه‌لنیردی،
جاوان بوداغینین شیپ-شومال² واختی،
غوروبون او قیزیل، او خیال واختی،
بیر آخشام مئهی‌یله هاوالاناندا،
او نارین، او حزین یاغیش دیلی‌یله،
هاچا بوداقلارین یووالاناندا،
او یووا دیلی‌یله، او قوش دیلی‌یله،
او هانسی ماهنی‌یدی سن اوخویوردون،
آی قوجا ولس؟!
هردن گوموش‌لنیب دوماندا-چنده،
باشینین اوستوندن دورنا کئچنده،
او کی اوخویوردون خزل سسی‌یله،
او هانسی ماهنی‌یدی، او هانسی کدر؟
یانغیسی قوروموش بوداغا قدر،
او هانسی ماهنی‌یدی سن اوخویوردون،
آی قوجا ولس؟!
گل ایندی قوروموش بوداقلار ایله،
جانیندان یونولموش بو یونقار³ ایله،
ائله بئلینده‌کی بو دونقار⁴ ایله،
سن آللاه، بیر آغیز، بیر یارپاق اوخو!
سن آللاه، او سسله بیر بوداق اوخو!
نه بیلیم، بلکه ده یادیما دوشر،
او هانسی ماهنی‌یدی، ماهنیما اوخشار،
او هانسی درد ایدی، دردیمه عوض،
او هانسی ماهنی‌یدی سن اوخویوردون،
آی قوجا ولس!
#موسی_یعقوب
¹- اودونجاغی برک، قوللو-بوداقلی، هوندور مئشه آغاجی
²- دوم-دوز
³- یونوجو آلت‌لرین آغزیندان چیخان نازیک، ائنسیز تاختا پارچالاری، تاختا کپَگی
⁴- بئلینده دونقا اولان، قوزبئل
#شعر_اوجاغی
@SheirOcagi
طالعین آچدیغی قاپیلار ایله،
او کی اوغورلارین گیریب-چیخیردی،
آرخین دورولوردو، سویون آخیردی،
اوندا کی او آرخدان شکلین باخیردی،
ایلک یازدا تورپاغین قیمیلداناندا،
بنؤوشه دیلی‌یله، مئشه دیلی‌یله،
او هانسی ماهنی‌یدی سن اوخویوردون،
آی قوجا ولَس؟! ¹
نه سؤزو، نه نوتو قالیب یادیمدا،
او باشقا سس ایدی، او باشقا نفَس.
او هانسی ماهنی‌یدی سن اوخویوردون،
آی قوجا ولس؟!
او کی، یارپاغینا گول النیردی،
اوستونه اولدوزلار سپه‌لنیردی،
جاوان بوداغینین شیپ-شومال² واختی،
غوروبون او قیزیل، او خیال واختی،
بیر آخشام مئهی‌یله هاوالاناندا،
او نارین، او حزین یاغیش دیلی‌یله،
هاچا بوداقلارین یووالاناندا،
او یووا دیلی‌یله، او قوش دیلی‌یله،
او هانسی ماهنی‌یدی سن اوخویوردون،
آی قوجا ولس؟!
هردن گوموش‌لنیب دوماندا-چنده،
باشینین اوستوندن دورنا کئچنده،
او کی اوخویوردون خزل سسی‌یله،
او هانسی ماهنی‌یدی، او هانسی کدر؟
یانغیسی قوروموش بوداغا قدر،
او هانسی ماهنی‌یدی سن اوخویوردون،
آی قوجا ولس؟!
گل ایندی قوروموش بوداقلار ایله،
جانیندان یونولموش بو یونقار³ ایله،
ائله بئلینده‌کی بو دونقار⁴ ایله،
سن آللاه، بیر آغیز، بیر یارپاق اوخو!
سن آللاه، او سسله بیر بوداق اوخو!
نه بیلیم، بلکه ده یادیما دوشر،
او هانسی ماهنی‌یدی، ماهنیما اوخشار،
او هانسی درد ایدی، دردیمه عوض،
او هانسی ماهنی‌یدی سن اوخویوردون،
آی قوجا ولس!
#موسی_یعقوب
¹- اودونجاغی برک، قوللو-بوداقلی، هوندور مئشه آغاجی
²- دوم-دوز
³- یونوجو آلت‌لرین آغزیندان چیخان نازیک، ائنسیز تاختا پارچالاری، تاختا کپَگی
⁴- بئلینده دونقا اولان، قوزبئل
#شعر_اوجاغی
@SheirOcagi
▫️آمان آللاهیم، آللاهیم!
آمان آللاهیم، آللاهیم!
یاراتسانا منی بیر گول!
بیر بولبولون قاباغیندا،
کؤنلوم نازلانماق ایسته‌ییر.
بیر محبّت آتشینده،
تزه‌دن یانماق ایسته‌ییر.
آمان، آللاهیم، آللاهیم!
یاراتسانا منی بیر داش!
بیر قایادا چئشمه‌لنیب-
کؤنلوم آغلاماق ایسته‌ییر.
بیر چایلاغا قول اوزادیب-
عؤمور باغلاماق ایسته‌ییر.
آمان، آللاهیم، آللاهیم!
سن منی بیر نانه یارات!
کؤنلوم بیر خوش مئهه اویوب-
تیتره‌ییب اسمک ایسته‌ییر.
بسدیر داها صبر ائتدیگی،
صبرینی کسمک ایسته‌ییر.
آمان، آللاهیم، آللاهیم!
بیر کپنک یارات منی!
چمن بویو کئیفه باخیب-
روحوم سئویلمک ایسته‌ییر.
ایزیم قایماق چیچه‌یینده،
زر-سیمه دؤنمک ایسته‌ییر.
آمان، آللاهیم، آللاهیم!
سن بیر دورنا یارات منی!
اوچان کؤنلوم یورغون دوشوب-
گؤلونه قونماق ایسته‌ییر.
سئوداسینا باشین قویوب-
بیر آز اووونماق ایسته‌ییر.
رُسوایِ عشق گوناهیندا-
داش‌قالاق اولماق ایسته‌ییر.
#موسی_یعقوب
#شعر_اوجاغی
@SheirOcagi
آمان آللاهیم، آللاهیم!
یاراتسانا منی بیر گول!
بیر بولبولون قاباغیندا،
کؤنلوم نازلانماق ایسته‌ییر.
بیر محبّت آتشینده،
تزه‌دن یانماق ایسته‌ییر.
آمان، آللاهیم، آللاهیم!
یاراتسانا منی بیر داش!
بیر قایادا چئشمه‌لنیب-
کؤنلوم آغلاماق ایسته‌ییر.
بیر چایلاغا قول اوزادیب-
عؤمور باغلاماق ایسته‌ییر.
آمان، آللاهیم، آللاهیم!
سن منی بیر نانه یارات!
کؤنلوم بیر خوش مئهه اویوب-
تیتره‌ییب اسمک ایسته‌ییر.
بسدیر داها صبر ائتدیگی،
صبرینی کسمک ایسته‌ییر.
آمان، آللاهیم، آللاهیم!
بیر کپنک یارات منی!
چمن بویو کئیفه باخیب-
روحوم سئویلمک ایسته‌ییر.
ایزیم قایماق چیچه‌یینده،
زر-سیمه دؤنمک ایسته‌ییر.
آمان، آللاهیم، آللاهیم!
سن بیر دورنا یارات منی!
اوچان کؤنلوم یورغون دوشوب-
گؤلونه قونماق ایسته‌ییر.
سئوداسینا باشین قویوب-
بیر آز اووونماق ایسته‌ییر.
رُسوایِ عشق گوناهیندا-
داش‌قالاق اولماق ایسته‌ییر.
#موسی_یعقوب
#شعر_اوجاغی
@SheirOcagi
▫️ب.م.ت (بیرلشمیش میلّت‌لر تشکیلاتی)
بو قدر سنَدی، امضاسی اولان،
حؤکمو، عدالتی، رضاسی اولان،
بو قدر ییغناغی، اجلاسی اولان،
جزا وئردیره‌نه جزاسی اولان،
بو قدر بایراقلی، حاقلی «ب.م.ت»،
بیرجه حاق بایراغی قالدیرا بیلمیر.
یاراق‌لی «ب.م.ت»، تانک‌لی «ب.م.ت»،
قوزونو قوردوندان آلدیرا بیلمیر.
قیرمیزی یالانلار دئییلیر آشکار،
یئنه قورد حاقلی‌دیر، قوزو گوناهکار.
من کی بو دؤورانی بئله گؤرورم،
من کی بو دیوانی بئله گؤرورم،
دونیا گل-گئدینی بئله گؤرورم،
من کی، «ب.م.ت»نی بئله گؤرورم.
واللاه «ب.م.ت»لیک دئییل بو دونیا!
دونیا قدر دردلی-سرلی «ب.م.ت»،
دیلینده چوخ سؤزو سؤز ائیله‌مه‌ین،
گؤزونده عئینکی ترلی «ب.م.ت».
جاوان‌دی، قوجادی، گؤزو تور گؤرور،
اؤزو سؤز دانیشیر، ایشی زور گؤرور،
واللاه، «ب.م.ت»لیک دئییل بو دونیا!
هله کی عدالت گوج طرفده‌دی،
سیاست طرفده، بیج طرفده‌دی.
زوربانین الینده، زورون الینده،
«بیغیمین آلتیندان کئچ!» طرفده‌دی.
واللاه «ب.م.ت»لیک دئییل بو دونیا!
ناخلَف ایچینده، خلف ایچینده،
چیرپینیر گؤر نئچه طلب ایچینده!
شاه اولان، غول اولان طرف ایچینده،
بارماغی دولاشیب کلَف ایچینده.
آغیز بیری‌نین‌دیر، قولاق بیرینین،
ال بیری‌نینکی‌دیر، بارماق بیرینین،
گؤز بیری‌نینکی‌دیر، دیل بیری‌نینکی.
الی دوزَلنده، بئلی دوزَلمیر،
بئلی دوزلنده، دیلی دوزلمیر.
بو پلتَک «ب.م.ت»، ناطیق «ب.م.ت»،
اونو ساخلایانا صادیق «ب.م.ت».
واللاه، «ب.م.ت»لیک دئییل بو دونیا!
گویا هر چیچَکدن تزه بال ییغیر،
آتدیغی خئییرخواه آددیما گؤره.
هله خال¹ توپلاییر، هله خال ییغیر،
بیر آز هومانیتار² یاردیما گؤره.
بس یارا وورانی کیمدی ساخلایان،
وورانی بوراخیب یارا باغلایان؟
هله هومانیتار، هله سانیتار³
مصلحت‌خانادا حکیم «ب.م.ت»،
اؤزو ایسته‌ینده حاکیم «ب.م.ت».
دونیانین باشیندا گوللـه اویناییر،
آزربایجان یانیر، گورجوستان یانیر،
«ب.م.ت» اوتوروب کول‌له اویناییر.
بیر اوووج ارمنی قودورغان‌لاری،
حیله قیلینجی‌یلا تؤکور قانلاری.
اؤزگه تورپاغیندا، اؤزگه ائوینده،
کول اولوب «بوسنیا» موسَلمانلاری.
«ب.م.ت» باخمیر؛
دیدرگین آنانی، قوجانی گؤرمور،
قووانی ساخلامیر، قاچانی گؤرمور.
بیری جان قورتاریر زورون الیندن،
پیشیگی دیرمانیب چیخیر قولّه‌یه.
آزمان⁴ پارلامئنتی باسیر گوللـه‌یه،
«ب.م.ت» باخمیر.
کؤمَگی بئله‌دی، کؤلگه‌سی بئله،
سرحدّی، بؤلگه‌سی، اؤلکه‌سی بئله...
عئینکی ترله‌ییب، گؤزو تور گؤرور،
اؤزو سؤز دانیشیر، ایشی زور گؤرور.
واللاه، «ب.م.ت»لیک دئییل بو دونیا!
دونیا گل-گئدینی بئله گؤرورم،
من کی، «ب.م.ت»نی بئله گؤرورم.
قیامت گونوندن قورخورام یامان،
بس نه واخت گله‌جک او حاق، او دیوان؟
قورخورام اودوزام من بو نسیه‌ده.
آدم'ی آلدادا بیلیب‌سه شیطان،
گیریشه‌جک میزان-تره‌زی‌یه ده.
اسرافیل صوروندا گله‌جک جانا،
بلکه گؤیه‌ره‌جک اؤزو اؤزوندن.
بارماق اوزاداجاق حاق دیوانینا،
شری کئچیره‌جک قیل کؤرپوسوندن.
من کی بو شئیطانی بئله گؤرورم،
حیله‌نی، بؤهتانی بئله گؤرورم،
من کی بو دؤورانی بئله گؤرورم.
واللاه، «ب.م.ت»لیک دئییل بو دونیا!
#موسی_یعقوب
¹-امتیاز
²- بشری، اجتماعی
³- ساغلیق خیدمتچیسی
⁴- عظمتلی
#شعر_اوجاغی
@SheirOcagi
بو قدر سنَدی، امضاسی اولان،
حؤکمو، عدالتی، رضاسی اولان،
بو قدر ییغناغی، اجلاسی اولان،
جزا وئردیره‌نه جزاسی اولان،
بو قدر بایراقلی، حاقلی «ب.م.ت»،
بیرجه حاق بایراغی قالدیرا بیلمیر.
یاراق‌لی «ب.م.ت»، تانک‌لی «ب.م.ت»،
قوزونو قوردوندان آلدیرا بیلمیر.
قیرمیزی یالانلار دئییلیر آشکار،
یئنه قورد حاقلی‌دیر، قوزو گوناهکار.
من کی بو دؤورانی بئله گؤرورم،
من کی بو دیوانی بئله گؤرورم،
دونیا گل-گئدینی بئله گؤرورم،
من کی، «ب.م.ت»نی بئله گؤرورم.
واللاه «ب.م.ت»لیک دئییل بو دونیا!
دونیا قدر دردلی-سرلی «ب.م.ت»،
دیلینده چوخ سؤزو سؤز ائیله‌مه‌ین،
گؤزونده عئینکی ترلی «ب.م.ت».
جاوان‌دی، قوجادی، گؤزو تور گؤرور،
اؤزو سؤز دانیشیر، ایشی زور گؤرور،
واللاه، «ب.م.ت»لیک دئییل بو دونیا!
هله کی عدالت گوج طرفده‌دی،
سیاست طرفده، بیج طرفده‌دی.
زوربانین الینده، زورون الینده،
«بیغیمین آلتیندان کئچ!» طرفده‌دی.
واللاه «ب.م.ت»لیک دئییل بو دونیا!
ناخلَف ایچینده، خلف ایچینده،
چیرپینیر گؤر نئچه طلب ایچینده!
شاه اولان، غول اولان طرف ایچینده،
بارماغی دولاشیب کلَف ایچینده.
آغیز بیری‌نین‌دیر، قولاق بیرینین،
ال بیری‌نینکی‌دیر، بارماق بیرینین،
گؤز بیری‌نینکی‌دیر، دیل بیری‌نینکی.
الی دوزَلنده، بئلی دوزَلمیر،
بئلی دوزلنده، دیلی دوزلمیر.
بو پلتَک «ب.م.ت»، ناطیق «ب.م.ت»،
اونو ساخلایانا صادیق «ب.م.ت».
واللاه، «ب.م.ت»لیک دئییل بو دونیا!
گویا هر چیچَکدن تزه بال ییغیر،
آتدیغی خئییرخواه آددیما گؤره.
هله خال¹ توپلاییر، هله خال ییغیر،
بیر آز هومانیتار² یاردیما گؤره.
بس یارا وورانی کیمدی ساخلایان،
وورانی بوراخیب یارا باغلایان؟
هله هومانیتار، هله سانیتار³
مصلحت‌خانادا حکیم «ب.م.ت»،
اؤزو ایسته‌ینده حاکیم «ب.م.ت».
دونیانین باشیندا گوللـه اویناییر،
آزربایجان یانیر، گورجوستان یانیر،
«ب.م.ت» اوتوروب کول‌له اویناییر.
بیر اوووج ارمنی قودورغان‌لاری،
حیله قیلینجی‌یلا تؤکور قانلاری.
اؤزگه تورپاغیندا، اؤزگه ائوینده،
کول اولوب «بوسنیا» موسَلمانلاری.
«ب.م.ت» باخمیر؛
دیدرگین آنانی، قوجانی گؤرمور،
قووانی ساخلامیر، قاچانی گؤرمور.
بیری جان قورتاریر زورون الیندن،
پیشیگی دیرمانیب چیخیر قولّه‌یه.
آزمان⁴ پارلامئنتی باسیر گوللـه‌یه،
«ب.م.ت» باخمیر.
کؤمَگی بئله‌دی، کؤلگه‌سی بئله،
سرحدّی، بؤلگه‌سی، اؤلکه‌سی بئله...
عئینکی ترله‌ییب، گؤزو تور گؤرور،
اؤزو سؤز دانیشیر، ایشی زور گؤرور.
واللاه، «ب.م.ت»لیک دئییل بو دونیا!
دونیا گل-گئدینی بئله گؤرورم،
من کی، «ب.م.ت»نی بئله گؤرورم.
قیامت گونوندن قورخورام یامان،
بس نه واخت گله‌جک او حاق، او دیوان؟
قورخورام اودوزام من بو نسیه‌ده.
آدم'ی آلدادا بیلیب‌سه شیطان،
گیریشه‌جک میزان-تره‌زی‌یه ده.
اسرافیل صوروندا گله‌جک جانا،
بلکه گؤیه‌ره‌جک اؤزو اؤزوندن.
بارماق اوزاداجاق حاق دیوانینا،
شری کئچیره‌جک قیل کؤرپوسوندن.
من کی بو شئیطانی بئله گؤرورم،
حیله‌نی، بؤهتانی بئله گؤرورم،
من کی بو دؤورانی بئله گؤرورم.
واللاه، «ب.م.ت»لیک دئییل بو دونیا!
#موسی_یعقوب
¹-امتیاز
²- بشری، اجتماعی
³- ساغلیق خیدمتچیسی
⁴- عظمتلی
#شعر_اوجاغی
@SheirOcagi
▫️بیز هارا گئدیریک؟!
یوخ، بئله آغاجدا دوز بوداق اولماز،
بئله باغبان اولماز، بئله باغ اولماز.
بو اونون اکدیگی آغاجی کسیر،
او بونون اکدیگی آغاجی کسیر.
هارا گئتمک اولار بو کس‌هاکس‌له،
بئله خیانت‌له، بئله غرض‌له؟
بو، اونون قورولان تاختینا اینکار،
او، بونون حاکیملیک واختینا اینکار.
هارا گئتمک اولار بو اینکار ایله،
بو قدر دَییشکن ایقتدار ایله؟
هارا گئتمک اولار بو چک-چئویرله،
بو مره آلدی‌یلا، دؤولت‌دئویر'له؟
بو اونا بادالاق، او بونا جله،
قوروب بو میلّتی سالدیق انگله.
هارا گئتمک اولار بو ییخهاییخلا،
آغلا اؤز حالینا، میلّتیم، آغلا!
کیم‌دیر میلّت بیلیب خالقی آختاران؟
اؤزونده آختاریر حاقّی آختاران،
اؤزونده، اؤزونده آنجاق، اؤزونده.
اؤزونونکولردیر یالنیز گؤزونده.
بس بئله دسته‌باز اؤزومداش ایله،
هارا گئتمک اولار بو یولداش ایله؟
بیرینین باشیندان تاجی دوشنده،
وزیرینین یئری آجی دوشنده،
باشچیلار باشینی گؤتوروب قاچیر،
بیری داش‌باشینی* گؤتوروب قاچیر.
هارا گئتمک اولار بو قاچ‌هاقاچ‌لا،
بو قدر ذلیل‌له، بو قدر آج‌لا؟
آی عرب دینی‌یله موسَلمان اولان،
آی روس'ون الی‌یله حؤکمران اولان،
سؤزو گاه «تورکوستان»، گاه «ایران» اولان،
یوردو خیانتده آی ویران اولان!
بو قدر طرفسیز طرفداش ایله،
گاه بو دوست، گاه دا کی او قارداش ایله،
هارا گئتمک اولار بو چاش-باش ایله؟
اؤزوموز باشقا یول، باشقا قورومدا،
گویا کی، دنیزلر سالاملار بیزی.
اوکئاندا اوزوروک، آکواریومدا،
آما کی، قیریریق بیر-بیریمیزی.
هارا گئتمک اولار بئله قوروملا،
بو کؤرپه بالیقلی آکواریوم‌لا؟
آزاددیر، ماشاللاه، میلّت آزاددیر!
خیانت آزاددیر، روشوَت آزاددیر،
عدالت یولونو کسمک آزاددیر،
باشدا دوروب باشی ازمک آزاددیر.
بیز هارا گئدیریک بئله باش ایله،
نئجه فخر ائیله‌سین اوزوک قاش ایله؟!
گوناه باغیشلایان اوره‌ییمیز یوخ،
ثواب قازانماغا چؤره‌ییمیز یوخ.
بو اله باخانلار تورپاغا باخماز،
بیر اؤلچو-بیچیمیز، اله‌ییمیز یوخ.
بو، اونون گئتدیگی یولو بیَنمیر،
او، بونون گئتدیگی یولو بینمیر.
هارا گئتمک اولار بو میلّت ایله،
بو اؤلوم، بو ظولوم، بو ذیلّت ایله؟
هارا گئتمک اولار دسته باشی‌یلا،
هارا گئتمک اولار بو گؤز یاشی‌یلا،
هارا گئتمک اولار بو ییخهاییخلا؟
قیریل بیر طرفدن، قیر بیر طرفدن،
سونرا شهیدینه اوتوروب آغلا،
میلّتیم، آغلا!
#موسی_یعقوب
* یاساق یوللارلا الده ائدیلن قازانج، گلیر،...
#شعر_اوجاغی
@SheirOcagi
یوخ، بئله آغاجدا دوز بوداق اولماز،
بئله باغبان اولماز، بئله باغ اولماز.
بو اونون اکدیگی آغاجی کسیر،
او بونون اکدیگی آغاجی کسیر.
هارا گئتمک اولار بو کس‌هاکس‌له،
بئله خیانت‌له، بئله غرض‌له؟
بو، اونون قورولان تاختینا اینکار،
او، بونون حاکیملیک واختینا اینکار.
هارا گئتمک اولار بو اینکار ایله،
بو قدر دَییشکن ایقتدار ایله؟
هارا گئتمک اولار بو چک-چئویرله،
بو مره آلدی‌یلا، دؤولت‌دئویر'له؟
بو اونا بادالاق، او بونا جله،
قوروب بو میلّتی سالدیق انگله.
هارا گئتمک اولار بو ییخهاییخلا،
آغلا اؤز حالینا، میلّتیم، آغلا!
کیم‌دیر میلّت بیلیب خالقی آختاران؟
اؤزونده آختاریر حاقّی آختاران،
اؤزونده، اؤزونده آنجاق، اؤزونده.
اؤزونونکولردیر یالنیز گؤزونده.
بس بئله دسته‌باز اؤزومداش ایله،
هارا گئتمک اولار بو یولداش ایله؟
بیرینین باشیندان تاجی دوشنده،
وزیرینین یئری آجی دوشنده،
باشچیلار باشینی گؤتوروب قاچیر،
بیری داش‌باشینی* گؤتوروب قاچیر.
هارا گئتمک اولار بو قاچ‌هاقاچ‌لا،
بو قدر ذلیل‌له، بو قدر آج‌لا؟
آی عرب دینی‌یله موسَلمان اولان،
آی روس'ون الی‌یله حؤکمران اولان،
سؤزو گاه «تورکوستان»، گاه «ایران» اولان،
یوردو خیانتده آی ویران اولان!
بو قدر طرفسیز طرفداش ایله،
گاه بو دوست، گاه دا کی او قارداش ایله،
هارا گئتمک اولار بو چاش-باش ایله؟
اؤزوموز باشقا یول، باشقا قورومدا،
گویا کی، دنیزلر سالاملار بیزی.
اوکئاندا اوزوروک، آکواریومدا،
آما کی، قیریریق بیر-بیریمیزی.
هارا گئتمک اولار بئله قوروملا،
بو کؤرپه بالیقلی آکواریوم‌لا؟
آزاددیر، ماشاللاه، میلّت آزاددیر!
خیانت آزاددیر، روشوَت آزاددیر،
عدالت یولونو کسمک آزاددیر،
باشدا دوروب باشی ازمک آزاددیر.
بیز هارا گئدیریک بئله باش ایله،
نئجه فخر ائیله‌سین اوزوک قاش ایله؟!
گوناه باغیشلایان اوره‌ییمیز یوخ،
ثواب قازانماغا چؤره‌ییمیز یوخ.
بو اله باخانلار تورپاغا باخماز،
بیر اؤلچو-بیچیمیز، اله‌ییمیز یوخ.
بو، اونون گئتدیگی یولو بیَنمیر،
او، بونون گئتدیگی یولو بینمیر.
هارا گئتمک اولار بو میلّت ایله،
بو اؤلوم، بو ظولوم، بو ذیلّت ایله؟
هارا گئتمک اولار دسته باشی‌یلا،
هارا گئتمک اولار بو گؤز یاشی‌یلا،
هارا گئتمک اولار بو ییخهاییخلا؟
قیریل بیر طرفدن، قیر بیر طرفدن،
سونرا شهیدینه اوتوروب آغلا،
میلّتیم، آغلا!
#موسی_یعقوب
* یاساق یوللارلا الده ائدیلن قازانج، گلیر،...
#شعر_اوجاغی
@SheirOcagi
▫️ساخلایانیم وار.
«حیات یولداشی زؤهره خانیما یازدیغی شعر»
کؤنلومو ایلهامدا، قدّیمی شوخدا،
گؤزومو ایشیقدا ساخلایانیم وار.
طالع نه سیر-صیفت وئریب، ساغ اولسون!
منی یاراشیقدا ساخلایانیم وار.
عؤمروموز هیجان، تلاش ایچینده،
کؤنلوم بیر شوشه‌دیر بیر داش ایچینده.
بئله وورها‌ووردا، ساواش ایچینده،
منی باریشیقدا ساخلایانیم وار.
دوستلار نه او گوجده، نه او دؤزومده،
اوزلر گؤردوم، الیم قالدی اوزومده.
آدیمی اؤزومده، حاقّی سؤزومده،
بئله قاریشیقدا ساخلایانیم وار.
آدام وار، اَریییر، آغلایا بیلمیر،
دوغماسینا دا بئل باغلایا بیلمیر.
چوخو سارایدا جان ساخلایا بیلمیر،
منی آلاچیقدا ساخلایانیم وار.
#موسی_یعقوب
#شعر_اوجاغی
@SheirOcagi
«حیات یولداشی زؤهره خانیما یازدیغی شعر»
کؤنلومو ایلهامدا، قدّیمی شوخدا،
گؤزومو ایشیقدا ساخلایانیم وار.
طالع نه سیر-صیفت وئریب، ساغ اولسون!
منی یاراشیقدا ساخلایانیم وار.
عؤمروموز هیجان، تلاش ایچینده،
کؤنلوم بیر شوشه‌دیر بیر داش ایچینده.
بئله وورها‌ووردا، ساواش ایچینده،
منی باریشیقدا ساخلایانیم وار.
دوستلار نه او گوجده، نه او دؤزومده،
اوزلر گؤردوم، الیم قالدی اوزومده.
آدیمی اؤزومده، حاقّی سؤزومده،
بئله قاریشیقدا ساخلایانیم وار.
آدام وار، اَریییر، آغلایا بیلمیر،
دوغماسینا دا بئل باغلایا بیلمیر.
چوخو سارایدا جان ساخلایا بیلمیر،
منی آلاچیقدا ساخلایانیم وار.
#موسی_یعقوب
#شعر_اوجاغی
@SheirOcagi
▫️تمیزلیک سویوندا
تمیزلیک سویوندا چیمیر چؤل-چمن،
مردلرین چیینینده دورور بو حیات.
اولو طبیعتیم، یامان خسیس‌سن،
یاخشی آداملاری بیر آز چوخ یارات!
لاپ آزالت دونیانین دؤولت، وارینی،
یاخشیلار خئیرینه عؤمرو تارازلا!
اوره‌یین یاخشیلیق دامارلارینی،
شاخه‌لت بیر آز دا، چوخالت بیر آز دا!
بو داغلار، دره‌لر چیچک‌دی ایضاً،
باهارا اومید وئر، آری‌یا قاناد!
اولو طبیعتیم، یامان خسیس‌سن،
یاخشی آداملاری بیر آز چوخ یارات!
آرینی، میلچه‌یی یئربه‌یئر ائله،
اوندا بو چیچکلر پته‌یه دولار.
مین پای بس ائله‌میر بیر اَیری اله،
مین دوزو بیر پای‌لا یاشاتماق اولار.
بیر یووا قاریشقا- سوفره‌سی بیر دن،
بیر دن‌له باهارا چیخار سالامات.
اولو طبیعتیم، یامان خسیس‌سن،
یاخشی آداملاری بیر آز چوخ یارات!
یارات اولدوز قدر، بیر جانا مین جان،
باهار یاغیشینی یاغدیر همیشه!
یارات ایلکین کؤکدن، ایلکین داماردان،
اَیرینی دوزَلده بیلمیر بو مئشه.
شرین یومروقلاری سیندیران، ازَن،
گل خئیری زحمته سالما ایکی‌قات!
اولو طبیعتیم، یامان خسیس‌سن،
یاخشی آداملاری بیر آز چوخ یارات!
#موسی_یعقوب
#شعر_اوجاغی
@SheirOcagi
تمیزلیک سویوندا چیمیر چؤل-چمن،
مردلرین چیینینده دورور بو حیات.
اولو طبیعتیم، یامان خسیس‌سن،
یاخشی آداملاری بیر آز چوخ یارات!
لاپ آزالت دونیانین دؤولت، وارینی،
یاخشیلار خئیرینه عؤمرو تارازلا!
اوره‌یین یاخشیلیق دامارلارینی،
شاخه‌لت بیر آز دا، چوخالت بیر آز دا!
بو داغلار، دره‌لر چیچک‌دی ایضاً،
باهارا اومید وئر، آری‌یا قاناد!
اولو طبیعتیم، یامان خسیس‌سن،
یاخشی آداملاری بیر آز چوخ یارات!
آرینی، میلچه‌یی یئربه‌یئر ائله،
اوندا بو چیچکلر پته‌یه دولار.
مین پای بس ائله‌میر بیر اَیری اله،
مین دوزو بیر پای‌لا یاشاتماق اولار.
بیر یووا قاریشقا- سوفره‌سی بیر دن،
بیر دن‌له باهارا چیخار سالامات.
اولو طبیعتیم، یامان خسیس‌سن،
یاخشی آداملاری بیر آز چوخ یارات!
یارات اولدوز قدر، بیر جانا مین جان،
باهار یاغیشینی یاغدیر همیشه!
یارات ایلکین کؤکدن، ایلکین داماردان،
اَیرینی دوزَلده بیلمیر بو مئشه.
شرین یومروقلاری سیندیران، ازَن،
گل خئیری زحمته سالما ایکی‌قات!
اولو طبیعتیم، یامان خسیس‌سن،
یاخشی آداملاری بیر آز چوخ یارات!
#موسی_یعقوب
#شعر_اوجاغی
@SheirOcagi
▫️نه اولاجاق، اولاجاق!
قوی ایندیدن داش یاستیغا باش آتیم!
هانسی داشا یازیلاجاق داش آدیم؟
من کی داها گور عؤمرومو یاشادیم،
بوندان سونرا نه اولاجاق، اولاجاق.
گلمز داها هر مجلیسدن سوراغیم،
کرَنتیم* کوت، سونبول کسمز اوراغیم.
اؤز-اؤزونه گورولداییر قولاغیم،
بوندان سونرا نه اولاجاق، اولاجاق.
زمیلریم، خیرمانلاریم سوورولوب،
تنده جانیم، ساجدا دنیم قوورولوب.
خزل آلتدا گول اوتلاریم قیوریلیب،
بوندان سونرا نه اولاجاق، اولاجاق.
اینجی‌لریم دوشوب دریا کونجونه،
غوّاص گرک گووَنسین اؤز گوجونه،
آلیب اونو چیخارسین ائل ایچینه.
بوندان سونرا نه اولاجاق، اولاجاق.
بیگانه‌لر ایقلیمینی گؤرموشم،
بدخواه‌لارین هیم-جیمینی گؤرموشم،
من اؤزومچون باشقا یووا هؤرموشم،
بوندان سونرا نه اولاجاق، اولاجاق.
من دردیمی پیچیلدادیم داغلارا،
داغلار آلیب پایلادی اویماق‌لارا،
دؤوروم وئردی حاقّیمی ناحاقلارا،
بوندان سونرا نه اولاجاق، اولاجاق.
بیر گؤلوم وار لاپ داغلارین دالیندا،
من ده ائله او بوللور گؤل حالیندا،
صبریم داشیر توفان قالماقالیندا،
بوندان سونرا نه اولاجاق، اولاجاق.
نه اولاجاق؟... تورپاغا بئل باغلارام،
اوزوم توتوب بیر بولودا آغلارام،
شیمشک‌لرین ایشیغینی ساخلارام،
بوندان سونرا نه اولاجاق، اولاجاق.
طبیعتین رنگی آخدی گؤزومه،
قلَمیم‌له فیرچالادیم سؤزومه،
اینانماغا باشلامیشام اؤزومه،
بوندان سونرا نه اولاجاق، اولاجاق.
#موسی_یعقوب
¹ دریاز (Kərənti)
#شعر_اوجاغی
@SheirOcagi
قوی ایندیدن داش یاستیغا باش آتیم!
هانسی داشا یازیلاجاق داش آدیم؟
من کی داها گور عؤمرومو یاشادیم،
بوندان سونرا نه اولاجاق، اولاجاق.
گلمز داها هر مجلیسدن سوراغیم،
کرَنتیم* کوت، سونبول کسمز اوراغیم.
اؤز-اؤزونه گورولداییر قولاغیم،
بوندان سونرا نه اولاجاق، اولاجاق.
زمیلریم، خیرمانلاریم سوورولوب،
تنده جانیم، ساجدا دنیم قوورولوب.
خزل آلتدا گول اوتلاریم قیوریلیب،
بوندان سونرا نه اولاجاق، اولاجاق.
اینجی‌لریم دوشوب دریا کونجونه،
غوّاص گرک گووَنسین اؤز گوجونه،
آلیب اونو چیخارسین ائل ایچینه.
بوندان سونرا نه اولاجاق، اولاجاق.
بیگانه‌لر ایقلیمینی گؤرموشم،
بدخواه‌لارین هیم-جیمینی گؤرموشم،
من اؤزومچون باشقا یووا هؤرموشم،
بوندان سونرا نه اولاجاق، اولاجاق.
من دردیمی پیچیلدادیم داغلارا،
داغلار آلیب پایلادی اویماق‌لارا،
دؤوروم وئردی حاقّیمی ناحاقلارا،
بوندان سونرا نه اولاجاق، اولاجاق.
بیر گؤلوم وار لاپ داغلارین دالیندا،
من ده ائله او بوللور گؤل حالیندا،
صبریم داشیر توفان قالماقالیندا،
بوندان سونرا نه اولاجاق، اولاجاق.
نه اولاجاق؟... تورپاغا بئل باغلارام،
اوزوم توتوب بیر بولودا آغلارام،
شیمشک‌لرین ایشیغینی ساخلارام،
بوندان سونرا نه اولاجاق، اولاجاق.
طبیعتین رنگی آخدی گؤزومه،
قلَمیم‌له فیرچالادیم سؤزومه،
اینانماغا باشلامیشام اؤزومه،
بوندان سونرا نه اولاجاق، اولاجاق.
#موسی_یعقوب
¹ دریاز (Kərənti)
#شعر_اوجاغی
@SheirOcagi
▫️گونه‌باخان زمیسینین سون ماهنیسی.
«دالغالانیر، چالخالانیر
گونه‌باخان زمیسی.
چاتیشمیر بو دنیزین،
بیرجه بیاض گمیسی.»
اژدر اول
یوک‌لنمیشیک، دولموشوق،
طاباق-طاباق اولموشوق؛
سنه باخا بیلمیریک،
گونش، بیزی باغیشلا!
اولدوزلانیب، آیلانیب،
دان یئرینه بویلانیب،
سئوگیمیزی گؤزله‌مک،
گؤیده سنی ایزله‌مک،
قودرتیمیز یوخ داها،
اؤرتولموروک آخشاما،
آچیلمیریق صاباحا.
گونش بیزی باغیشلا!
هانسی یؤنه؟ بیلمیریک،
واللاه دؤنوک دئییلیک!
سنه دؤنه بیلمیریک،
گونش، بیزی باغیشلا!
آلنیمیز زر بافتالار،
«ساری‌گلین» قوفتالار*
او لیباسدا، او دوندا،
بخته‌ور ایدیک اوندا.
گونش، بیزی باغیشلا!
بیز او گونش‌پرست‌لر،
پرست‌لیک‌دن دوشموشوک.
تئل‌لرینی امَردیک،
او مست‌لیکدن دوشموشوک.
گونش، بیزی باغیشلا!
آنام، بیزی باغیشلا!
حسرت بیزی بوغاندا،
بیرینین سون باخیشی،
قالیبدیر گون‌دوغاندا.
یوخولو گؤزوموزو،
آییلدا بیلمه‌میشیک.
بیریمیز گون‌باتاندان،
قاییدا بیلمه‌میشیک.
قالمیشیق او غوروبدا،
پرن-پرن باخیشلا.
گونش، بیزی باغیشلا!
آریلار قاناد سالیر،
آپاریر قوشلار بیزی.
دنیمیزی قورویان،
گؤزَتچی داشلار بیزی.
دوروب قوجاق-قوجاغا،
اَییلمیشیک تورپاغا.
یئل‌لندیکجه گؤیلرین،
ساری‌یئلکن گمیسی،
یئره ائنیب دایاندی،
«یئره‌باخان» زمیسی.
گونش، بیزی باغیشلا!
#موسی_یعقوب
* بیر نؤوع آزربایجان رقصی (Qofta)
#شعر_اوجاغی
@SheirOcagi
«دالغالانیر، چالخالانیر
گونه‌باخان زمیسی.
چاتیشمیر بو دنیزین،
بیرجه بیاض گمیسی.»
اژدر اول
یوک‌لنمیشیک، دولموشوق،
طاباق-طاباق اولموشوق؛
سنه باخا بیلمیریک،
گونش، بیزی باغیشلا!
اولدوزلانیب، آیلانیب،
دان یئرینه بویلانیب،
سئوگیمیزی گؤزله‌مک،
گؤیده سنی ایزله‌مک،
قودرتیمیز یوخ داها،
اؤرتولموروک آخشاما،
آچیلمیریق صاباحا.
گونش بیزی باغیشلا!
هانسی یؤنه؟ بیلمیریک،
واللاه دؤنوک دئییلیک!
سنه دؤنه بیلمیریک،
گونش، بیزی باغیشلا!
آلنیمیز زر بافتالار،
«ساری‌گلین» قوفتالار*
او لیباسدا، او دوندا،
بخته‌ور ایدیک اوندا.
گونش، بیزی باغیشلا!
بیز او گونش‌پرست‌لر،
پرست‌لیک‌دن دوشموشوک.
تئل‌لرینی امَردیک،
او مست‌لیکدن دوشموشوک.
گونش، بیزی باغیشلا!
آنام، بیزی باغیشلا!
حسرت بیزی بوغاندا،
بیرینین سون باخیشی،
قالیبدیر گون‌دوغاندا.
یوخولو گؤزوموزو،
آییلدا بیلمه‌میشیک.
بیریمیز گون‌باتاندان،
قاییدا بیلمه‌میشیک.
قالمیشیق او غوروبدا،
پرن-پرن باخیشلا.
گونش، بیزی باغیشلا!
آریلار قاناد سالیر،
آپاریر قوشلار بیزی.
دنیمیزی قورویان،
گؤزَتچی داشلار بیزی.
دوروب قوجاق-قوجاغا،
اَییلمیشیک تورپاغا.
یئل‌لندیکجه گؤیلرین،
ساری‌یئلکن گمیسی،
یئره ائنیب دایاندی،
«یئره‌باخان» زمیسی.
گونش، بیزی باغیشلا!
#موسی_یعقوب
* بیر نؤوع آزربایجان رقصی (Qofta)
#شعر_اوجاغی
@SheirOcagi
▫️بوردا یوخام.
آمان آللاه، واللاه بوردا من یوخام،
سسیم گئدیب یایلاقلارا چاتیرمی؟
باش گؤتوروب چیخیم گئدیم داغلارا،
گؤروم داغلار باشیمیزی قاتیرمی؟
سؤز پادشاهین، داغلار هله بیزیمدی،
اوردا ایزیم آمّا، کؤهنه ایزیمدی.
یوخوشلاردا گوجدن دوشن دیزیمدی،
آیاقلاریم داش جیغیری توتورمو؟
داها منه گول وئرَرمی یایلاغیم؟
گؤز-گؤز اولوب بولودوندان من یاغیم.
پالید کؤکو قایالاردا قارماغیم،
قوسِ قزح گؤیه قورشاق آتیرمی؟
داغ بوغلانیر، گوزگو داشا تر گلیر،
دومان توتور کئچیدلری، درکالی.¹
سوروسونه کئشیک چکن داغ کَلی،
بیر-بیرینین ایستیسینده یاتیرمی؟
آمان آللاه، بو ایسگندر قوشلاری!
بیر آوازلا باشدان آلیر هوشلاری.
قایانین دا صدالانیر داشلاری،
ایلاهی'لر بو سسه سس قاتیرمی؟
میشار دیشلی داش قایانین چاتلاری،
بو چاتلارا دولوب تورپاق قاتلاری.
سیم-سیم اولوب بیتیب روزو اوتلاری،
ککلیک قیرپیب آغزی شئهه باتیرمی؟
سیّار کؤنلوم نه تئز دوشدو آتیندان!
داغ-داش چیخیب آیاغیمین یادیندان.
بیردن-بیره چیخیب یئرین قاتیندان،
چای اؤزونو داشدان-داشا آتیرمی؟
آغاج اولوم، داغلار اولسون یانیمدا،
بولاق سویو جیلوه‌لنسین قانیمدا!
درمان‌لاری جان قویمادی جانیمدا،
بو آپتئک‌لر² زهر آلیب ساتیرمی؟!
جانیم داغلار، سسیم سیزه چاتیرمی؟!
#موسی_یعقوب
¹- دار کئچید (Dərkal)
²- داواخانا
#شعر_اوجاغی
@SheirOcagi
آمان آللاه، واللاه بوردا من یوخام،
سسیم گئدیب یایلاقلارا چاتیرمی؟
باش گؤتوروب چیخیم گئدیم داغلارا،
گؤروم داغلار باشیمیزی قاتیرمی؟
سؤز پادشاهین، داغلار هله بیزیمدی،
اوردا ایزیم آمّا، کؤهنه ایزیمدی.
یوخوشلاردا گوجدن دوشن دیزیمدی،
آیاقلاریم داش جیغیری توتورمو؟
داها منه گول وئرَرمی یایلاغیم؟
گؤز-گؤز اولوب بولودوندان من یاغیم.
پالید کؤکو قایالاردا قارماغیم،
قوسِ قزح گؤیه قورشاق آتیرمی؟
داغ بوغلانیر، گوزگو داشا تر گلیر،
دومان توتور کئچیدلری، درکالی.¹
سوروسونه کئشیک چکن داغ کَلی،
بیر-بیرینین ایستیسینده یاتیرمی؟
آمان آللاه، بو ایسگندر قوشلاری!
بیر آوازلا باشدان آلیر هوشلاری.
قایانین دا صدالانیر داشلاری،
ایلاهی'لر بو سسه سس قاتیرمی؟
میشار دیشلی داش قایانین چاتلاری،
بو چاتلارا دولوب تورپاق قاتلاری.
سیم-سیم اولوب بیتیب روزو اوتلاری،
ککلیک قیرپیب آغزی شئهه باتیرمی؟
سیّار کؤنلوم نه تئز دوشدو آتیندان!
داغ-داش چیخیب آیاغیمین یادیندان.
بیردن-بیره چیخیب یئرین قاتیندان،
چای اؤزونو داشدان-داشا آتیرمی؟
آغاج اولوم، داغلار اولسون یانیمدا،
بولاق سویو جیلوه‌لنسین قانیمدا!
درمان‌لاری جان قویمادی جانیمدا،
بو آپتئک‌لر² زهر آلیب ساتیرمی؟!
جانیم داغلار، سسیم سیزه چاتیرمی؟!
#موسی_یعقوب
¹- دار کئچید (Dərkal)
²- داواخانا
#شعر_اوجاغی
@SheirOcagi
▫️آمان، پاییز!
آمان، پاییز، او یاندان کئچ!
من او مقامدا دئییلم،
تبده، ایلهامدا دئییلم.
بیر کپنک هوسینده،
بو چمنین یاشیلی‌یلا،
مزه‌لنمک ایسته‌ییردیم.
بیر گئجیکمیش چیچک ایله،
تزه‌لنمک ایسته‌ییردیم.
دئمه دردی‌سریم یوخدو،
اوره‌ییمده یئریم یوخدو!
بو پاییزلا دانیشماغا،
چوخ دوشونوب داشینماغا،
ایندی منده یوخدو هوس.
آمان پاییز، او یاندان کئچ!
یارپاغین‌لا او یاندا سول!
کوله‌یینله او یاندا اس!
بو دفعه یوخ، بو دفعه یوخ،
بو دفعه دیندیرمه منی!
اوره‌ییمین سینیغینا-
دردینه ائندیرمه منی!
درینه ائندیرمه منی!
کؤنول دویوب گؤز باخسا دا،
ائه، بئله‌ییک بیز یوخسا دا.
قبریستانا باخیب کئچیب
سونرا دئییب-گولن کیمی،
بیر یالقیزین گؤز یاشینی،
اؤزگه‌نینکی بیلن کیمی،
بیر ناکامین اؤلومونه،
بیرجه آن وایسیماق کیمی،
بیگانه‌جه بیر حالدایام،
باشیم سویوق، کؤنلوم قیروو.
آمان پاییز، او یاندان کئچ!
قوشلارینی او یاندا قوو!
یووالاری او یاندا سؤک!
گؤز یاشینی او یاندا تؤک!
الیم چینار یارپاغی‌دی،
اللریم سولماق ایسته‌میر.
بیر سرسری آغ بولودام،
گؤزلریم دولماق ایسته‌میر.
او یانا دؤندر اوزونو!
حئییف‌دی قیزیل بدنین،
قوی قیمتدن دوشمه‌یه‌سن،
زر اندامدان دوشمه‌ین‌سن!
بو دونیانی بیلیب، دویوب
آدامی اینسان ائله‌ین،
او مقامدان دوشمه‌یه‌سن!
بو دفعه یوخ، بو دفعه یوخ،
بو دفعه دیندیرمه منی!
اوره‌ییمین سیناغینا،
دردینه ائندیرمه منی!
آمان پاییز، او یاندان کئچ!
یارپاغین‌لا او یاندا سول!
کوله‌یینله او یاندا اس!
قیزیل دونو او یاندا بیچ!
یاشیل تئلی او یاندا کس!
#موسی_یعقوب
#شعر_اوجاغی
@SheirOcagi
آمان، پاییز، او یاندان کئچ!
من او مقامدا دئییلم،
تبده، ایلهامدا دئییلم.
بیر کپنک هوسینده،
بو چمنین یاشیلی‌یلا،
مزه‌لنمک ایسته‌ییردیم.
بیر گئجیکمیش چیچک ایله،
تزه‌لنمک ایسته‌ییردیم.
دئمه دردی‌سریم یوخدو،
اوره‌ییمده یئریم یوخدو!
بو پاییزلا دانیشماغا،
چوخ دوشونوب داشینماغا،
ایندی منده یوخدو هوس.
آمان پاییز، او یاندان کئچ!
یارپاغین‌لا او یاندا سول!
کوله‌یینله او یاندا اس!
بو دفعه یوخ، بو دفعه یوخ،
بو دفعه دیندیرمه منی!
اوره‌ییمین سینیغینا-
دردینه ائندیرمه منی!
درینه ائندیرمه منی!
کؤنول دویوب گؤز باخسا دا،
ائه، بئله‌ییک بیز یوخسا دا.
قبریستانا باخیب کئچیب
سونرا دئییب-گولن کیمی،
بیر یالقیزین گؤز یاشینی،
اؤزگه‌نینکی بیلن کیمی،
بیر ناکامین اؤلومونه،
بیرجه آن وایسیماق کیمی،
بیگانه‌جه بیر حالدایام،
باشیم سویوق، کؤنلوم قیروو.
آمان پاییز، او یاندان کئچ!
قوشلارینی او یاندا قوو!
یووالاری او یاندا سؤک!
گؤز یاشینی او یاندا تؤک!
الیم چینار یارپاغی‌دی،
اللریم سولماق ایسته‌میر.
بیر سرسری آغ بولودام،
گؤزلریم دولماق ایسته‌میر.
او یانا دؤندر اوزونو!
حئییف‌دی قیزیل بدنین،
قوی قیمتدن دوشمه‌یه‌سن،
زر اندامدان دوشمه‌ین‌سن!
بو دونیانی بیلیب، دویوب
آدامی اینسان ائله‌ین،
او مقامدان دوشمه‌یه‌سن!
بو دفعه یوخ، بو دفعه یوخ،
بو دفعه دیندیرمه منی!
اوره‌ییمین سیناغینا،
دردینه ائندیرمه منی!
آمان پاییز، او یاندان کئچ!
یارپاغین‌لا او یاندا سول!
کوله‌یینله او یاندا اس!
قیزیل دونو او یاندا بیچ!
یاشیل تئلی او یاندا کس!
#موسی_یعقوب
#شعر_اوجاغی
@SheirOcagi
▫️اومیدین ساری قانادی
قیپ-قیرمیزی یارپاقلاریم اوت اوسته،
ائله بیل کی پاییز اوتوم قان آغلار.
گوجوم یئتمیر مئیوه‌سینی درمه‌یه،
الیم سیزلار، جیسمیمده‌کی جان آغلار.
بو آغاجین بئلی چاپیق-چاپیق‌دی،*
دال بوداغین یارپاقلاری یاپیق‌دی.
جیر آرینین شانی قورو قابیق‌دی،
بوش یووادا للَک آغلار، شان آغلار.
کئچن گونوم، سولوب گئدن گولوم‌سن،
گون‌باتاندا بیر ده منه گولومسه!
ساری گلین غوروبدا دا گولومسر،
منیم عؤمور غوروبومدا، دان آغلار.
#موسی_یعقوب
*جیزق-جیزیق
#شعر_اوجاغی
@SheirOcagi
قیپ-قیرمیزی یارپاقلاریم اوت اوسته،
ائله بیل کی پاییز اوتوم قان آغلار.
گوجوم یئتمیر مئیوه‌سینی درمه‌یه،
الیم سیزلار، جیسمیمده‌کی جان آغلار.
بو آغاجین بئلی چاپیق-چاپیق‌دی،*
دال بوداغین یارپاقلاری یاپیق‌دی.
جیر آرینین شانی قورو قابیق‌دی،
بوش یووادا للَک آغلار، شان آغلار.
کئچن گونوم، سولوب گئدن گولوم‌سن،
گون‌باتاندا بیر ده منه گولومسه!
ساری گلین غوروبدا دا گولومسر،
منیم عؤمور غوروبومدا، دان آغلار.
#موسی_یعقوب
*جیزق-جیزیق
#شعر_اوجاغی
@SheirOcagi
▫️یای واختیندان قیش واختینا
یایین قیزماریندا نفس تنگیدی،
پاییز یاغیشیندا تورپاق سنگیدی.
آخشاملار تلَسدی، صاباح لنگیدی،
کئچدیک قیش واختینا ایل عؤمروموزون.
هله کی شاخ ساخلار اؤزونو قصداً،
پاییزلی تالالار دوشمز هوَسدن،
چیچکلر اوشویَر سویوق نفَسدن،
سارالیر ساپلاغی گول عؤمروموزون.
داها او ذیروه‌لر گوموشو تاجدی،
چیچه‌یی چکیلدی، دورناسی قاچدی.
پاییزلا اوز-اوزه دوران آغاجدی،
تؤکر یارپاغینی یئل عؤمروموزون.
گؤیلری گورلادی، شیمشه‌یی چاخدی،
دره‌دن قاینادی، ذیروه‌دن آخدی.
آخیر کی رام اولوب یاتاغا سیغدی،
بوزلانیر قاباغی سئل عؤمروموزون.
باهارین نشه‌سی قالیب گوماندا،
ایندی او گؤی چمن بیر بوز دوماندا.
آریسی پتکده، روزوسو شاندا،
سوزولور جؤوهری بال عؤمروموزون.
گاه او آخیندایدی، گاه بو آخیندا،
اومید اوزاقدایمیش، منزیل یاخیندا.
آخیر کی زامانین آغالیغیندا،
یاتیریلدی عوصیانی غول عؤمروموزون.
#موسی_یعقوب
#شعر_اوجاغی
@SheirOcagi
یایین قیزماریندا نفس تنگیدی،
پاییز یاغیشیندا تورپاق سنگیدی.
آخشاملار تلَسدی، صاباح لنگیدی،
کئچدیک قیش واختینا ایل عؤمروموزون.
هله کی شاخ ساخلار اؤزونو قصداً،
پاییزلی تالالار دوشمز هوَسدن،
چیچکلر اوشویَر سویوق نفَسدن،
سارالیر ساپلاغی گول عؤمروموزون.
داها او ذیروه‌لر گوموشو تاجدی،
چیچه‌یی چکیلدی، دورناسی قاچدی.
پاییزلا اوز-اوزه دوران آغاجدی،
تؤکر یارپاغینی یئل عؤمروموزون.
گؤیلری گورلادی، شیمشه‌یی چاخدی،
دره‌دن قاینادی، ذیروه‌دن آخدی.
آخیر کی رام اولوب یاتاغا سیغدی،
بوزلانیر قاباغی سئل عؤمروموزون.
باهارین نشه‌سی قالیب گوماندا،
ایندی او گؤی چمن بیر بوز دوماندا.
آریسی پتکده، روزوسو شاندا،
سوزولور جؤوهری بال عؤمروموزون.
گاه او آخیندایدی، گاه بو آخیندا،
اومید اوزاقدایمیش، منزیل یاخیندا.
آخیر کی زامانین آغالیغیندا،
یاتیریلدی عوصیانی غول عؤمروموزون.
#موسی_یعقوب
#شعر_اوجاغی
@SheirOcagi
▫️پاییز دورنام
پاییز دورنام، اوچوب گئتدین،
بیر ده دؤنوب گلرسن‌می؟
سن دؤنَنده من اولماسام،
روحوم ایله گولرسن‌می؟
ائی بیزلردن تمیز ووجود!
کؤنلومو آردینجا اوچورت!
یئرین خزل، گؤیون بولود،
منزیل-منزیل بؤلرسن‌می؟
ائی هر گؤلدن شکَر دادان،
بولودا باش قویوب یاتان!
من قانادسیز پیادادان،
دوروب دیلک دیلرسن‌می؟
نه بیر منزیل ووردوق باشا،
نه گون گؤردوک گلسین خوشا.
هئچ قوشالار اوچمور قوشا،
تنها اوچان تک سنسن‌می؟
او ایسته‌ییر دؤنه مندن،
گئدیب کی گیزلَنه مندن.
او آدی گیزلینه مندن-
بیر چینقی سؤز سؤیلرسن‌می؟
آزالیب مئهری دونیانین،
چمی یوخ غئیری دونیانین.
یوللاری اَیری دونیانین،
کئچیدلرین بیلرسن‌می؟
#موسی_یعقوب
#شعر_اوجاغی
@SheirOcagi
پاییز دورنام، اوچوب گئتدین،
بیر ده دؤنوب گلرسن‌می؟
سن دؤنَنده من اولماسام،
روحوم ایله گولرسن‌می؟
ائی بیزلردن تمیز ووجود!
کؤنلومو آردینجا اوچورت!
یئرین خزل، گؤیون بولود،
منزیل-منزیل بؤلرسن‌می؟
ائی هر گؤلدن شکَر دادان،
بولودا باش قویوب یاتان!
من قانادسیز پیادادان،
دوروب دیلک دیلرسن‌می؟
نه بیر منزیل ووردوق باشا،
نه گون گؤردوک گلسین خوشا.
هئچ قوشالار اوچمور قوشا،
تنها اوچان تک سنسن‌می؟
او ایسته‌ییر دؤنه مندن،
گئدیب کی گیزلَنه مندن.
او آدی گیزلینه مندن-
بیر چینقی سؤز سؤیلرسن‌می؟
آزالیب مئهری دونیانین،
چمی یوخ غئیری دونیانین.
یوللاری اَیری دونیانین،
کئچیدلرین بیلرسن‌می؟
#موسی_یعقوب
#شعر_اوجاغی
@SheirOcagi