▫️نییه ساخلامادیم سنی، گئدنده؟!
ائله بیل داش دوشدو قولومون اوسته.
من سنین یولونو کسه بیلردیم،
غوروروم دایاندی یولومون اوسته.
سوسوب دینلهمهدیم آرزولارینی،
کوبودلوق ائتمیشم دوزونو دئسم.
منی، اینانمیرام باغیشلایاسان،
یوز دفعه «باغیشلا!» سؤزونو دئسم.
هوسسیز گلیرم ائوه هر گئجه،
اؤزوم اؤز ائویمده ائله بیل یادام.
سوکوت بورویوبدور اوتاغین ایچین،
ائوه ده قاییتماق ایستهمیر آدام.
دیبچهیین ایچینده پنجرهمیزده،
سئچیب ساخلایاردین ان گؤزل گولو.
ایندی اوتاغیمین هر طرفینده،
شراب شوشهلری، سیقارئت کولو.
من باشا دوشموردوم آیریلانلاری،
آیریلیق آرخامجا سورونور ایندی.
سویوق اورهییمده، سویوق ائویمده،
یئرین حقیقتاً گؤرونور ایندی.
بس نییه ائویمین ایچی بوش قالیب،
اگر اورهییمین ایچیندهسنسه؟
بیلیرم خطرینه دَیمیشم سنین،
قاییت! باغیشلاماق گوجوندهسنسه!
#محبوب_حسرت
#شعر_اوجاغی
@SheirOcagi
ائله بیل داش دوشدو قولومون اوسته.
من سنین یولونو کسه بیلردیم،
غوروروم دایاندی یولومون اوسته.
سوسوب دینلهمهدیم آرزولارینی،
کوبودلوق ائتمیشم دوزونو دئسم.
منی، اینانمیرام باغیشلایاسان،
یوز دفعه «باغیشلا!» سؤزونو دئسم.
هوسسیز گلیرم ائوه هر گئجه،
اؤزوم اؤز ائویمده ائله بیل یادام.
سوکوت بورویوبدور اوتاغین ایچین،
ائوه ده قاییتماق ایستهمیر آدام.
دیبچهیین ایچینده پنجرهمیزده،
سئچیب ساخلایاردین ان گؤزل گولو.
ایندی اوتاغیمین هر طرفینده،
شراب شوشهلری، سیقارئت کولو.
من باشا دوشموردوم آیریلانلاری،
آیریلیق آرخامجا سورونور ایندی.
سویوق اورهییمده، سویوق ائویمده،
یئرین حقیقتاً گؤرونور ایندی.
بس نییه ائویمین ایچی بوش قالیب،
اگر اورهییمین ایچیندهسنسه؟
بیلیرم خطرینه دَیمیشم سنین،
قاییت! باغیشلاماق گوجوندهسنسه!
#محبوب_حسرت
#شعر_اوجاغی
@SheirOcagi