▫️سوسورام.
آرتیق بیر بالیق سوکوتویلا باغلانیر دیلیم.
اوزون جومله‌لر قورمورام بیتمیش بیر سئودا اوچون، سئوگیلیم!
هر صاباح سویا دانیشیرام یوخولاریمی،
گونش دوغمادان یاخاما چیچک تاخیرام،
ایندی من جان‌سیخیجی سوکوتوملا داریخیرام...
#جلیل_جاوانشیر
#شعر_اوجاغی
@SheirOcagi
آرتیق بیر بالیق سوکوتویلا باغلانیر دیلیم.
اوزون جومله‌لر قورمورام بیتمیش بیر سئودا اوچون، سئوگیلیم!
هر صاباح سویا دانیشیرام یوخولاریمی،
گونش دوغمادان یاخاما چیچک تاخیرام،
ایندی من جان‌سیخیجی سوکوتوملا داریخیرام...
#جلیل_جاوانشیر
#شعر_اوجاغی
@SheirOcagi
▫️سول قولون خرچنگی* (حکیم‌له حسبی-حال)
- گئجه‌لری آغریلارین چوخ اولور؟
+ بیر سیقارئت یاندیریرام، دؤزورم.
آمّا هردن، قیوریلیرام آغریدان،
دلی کیمی صاباحاجان گزیرم.
- چوخ جاوانسان، اوشاقلار دا بالاجا،
هم ده تکسن؛ کیم قالاجاق یانیندا؟
آتا-آنان دا یاشلیدیر، قولاق آس!
تسلی-زاد وئرمه‌یه‌جم یالاندان.
بلکه بیر ایل ده دؤزرسن، صبر ائله!
یاشین قیرخی کئچمه‌ییب هئچ؛ جاوانسان...
سیقارئتی، ایچکینی ده آت گئتسین،
بیر ده اصلا روحدان دوشمه، باجارسان،
بیر ده بوتون درمانلارا دیقّت ائت!
+ درمان ایچسم کئچه‌جک می خسته‌لیک؟
- ایراده‌ندن آسیلی‌دیر، صبر ائله!
گؤر نه قدر خسته‌لییی یئنمیشیک!
روحدان دوشمه! ساغالانلار چوخ اولوب.
+ آمّا بوندان اؤلن‌لر ده چوخ اولور.
- ساوادلیسان، سنه یالان دئمه‌ییم.
ذاتاً هامی اؤلور، گئدیر، یوخ اولور.
بیلیرسن‌می، قولونداکی آغریلار،
کسیب آتساق، یا یاندیرساق کئچه‌جک.
بلکه یوز ایل یاشایارسان تک قول‌لا،
آمّا قالسا...
+ اؤزو قوپوب دوشه‌جک؟
دوکتور! منه دوزونو دئ، بیر ال‌له-
آغریلاریم آزالارمی، دینرمی؟
ایشدی اگر سول قولومو کسسه‌لر،
سول طرفیم بو یوخلوغا دؤزرمی؟
- بیلیرسن‌می، سن جاوانسان، دؤزرسن،
ان اوزاغی باریشارسان اوچ آیا.
ال-آیاغین ایتیرن‌لر گؤرموشم،
دیش قیجاییب بعضاً ان پیس آغری‌یا...
+ بلیرسن‌می، دوکتور! سن ده حاقلیسان،
خسته‌لییین اولمور پیسی-قشنگی.
ان یاخشیسی، یاواش-یاواش یاندیراق،
من قیزارمیش خوشلاییرام خرچنگی...
#جلیل_جاوانشیر
* سرطان خسته‌لیگی
#شعر_اوجاغی
@SheirOcagi
- گئجه‌لری آغریلارین چوخ اولور؟
+ بیر سیقارئت یاندیریرام، دؤزورم.
آمّا هردن، قیوریلیرام آغریدان،
دلی کیمی صاباحاجان گزیرم.
- چوخ جاوانسان، اوشاقلار دا بالاجا،
هم ده تکسن؛ کیم قالاجاق یانیندا؟
آتا-آنان دا یاشلیدیر، قولاق آس!
تسلی-زاد وئرمه‌یه‌جم یالاندان.
بلکه بیر ایل ده دؤزرسن، صبر ائله!
یاشین قیرخی کئچمه‌ییب هئچ؛ جاوانسان...
سیقارئتی، ایچکینی ده آت گئتسین،
بیر ده اصلا روحدان دوشمه، باجارسان،
بیر ده بوتون درمانلارا دیقّت ائت!
+ درمان ایچسم کئچه‌جک می خسته‌لیک؟
- ایراده‌ندن آسیلی‌دیر، صبر ائله!
گؤر نه قدر خسته‌لییی یئنمیشیک!
روحدان دوشمه! ساغالانلار چوخ اولوب.
+ آمّا بوندان اؤلن‌لر ده چوخ اولور.
- ساوادلیسان، سنه یالان دئمه‌ییم.
ذاتاً هامی اؤلور، گئدیر، یوخ اولور.
بیلیرسن‌می، قولونداکی آغریلار،
کسیب آتساق، یا یاندیرساق کئچه‌جک.
بلکه یوز ایل یاشایارسان تک قول‌لا،
آمّا قالسا...
+ اؤزو قوپوب دوشه‌جک؟
دوکتور! منه دوزونو دئ، بیر ال‌له-
آغریلاریم آزالارمی، دینرمی؟
ایشدی اگر سول قولومو کسسه‌لر،
سول طرفیم بو یوخلوغا دؤزرمی؟
- بیلیرسن‌می، سن جاوانسان، دؤزرسن،
ان اوزاغی باریشارسان اوچ آیا.
ال-آیاغین ایتیرن‌لر گؤرموشم،
دیش قیجاییب بعضاً ان پیس آغری‌یا...
+ بلیرسن‌می، دوکتور! سن ده حاقلیسان،
خسته‌لییین اولمور پیسی-قشنگی.
ان یاخشیسی، یاواش-یاواش یاندیراق،
من قیزارمیش خوشلاییرام خرچنگی...
#جلیل_جاوانشیر
* سرطان خسته‌لیگی
#شعر_اوجاغی
@SheirOcagi
▫️سنی چوخدان اونوتموشام.
بیر گون گلیب دئیه‌جکسن:
«منی اونوتموسان‌می؟»
سؤزون دوزو اونوتموشام؛ نییه خاطیرلاییم کی؟
گؤر هئچ سندن سوروشورام:
«منسیز داریخمیسان‌‌می؟»
سن کی سویوق‌قانلی ایدین، نییه داریخاسان کی؟
اینانیرسان، گؤزلرین ده داها یادیما دوشمور.
هانسی آیین، هانسی گونو گول آلمیشدین سن منه؟
آللاه حاقّی اللرین ده داها یوخوما گیرمیر.
هئچ اینسان دا غدّارلیقلا داش باسارمی قلبینه؟
اینانمازسان،
ایندی دئسم سئوگیلیم وار، گولرسن.
سنی باشقا بدنلرده اونودورام من یازیق.
هئچ بیلمیرم هانسی آیین نئچه‌سی،
بیز سنینله هانسی فیلمه باخمیشیق.
ایندی نئجه خاطیرلاییم، ساچلارینین رنگینی؟
من چکدیییم سیغال قالار ایندییه؟
سن ویجدانین، کوره‌یینده خال واردی؟
ایندی دوروب ایلین، گونون بو واختی-
سنی نییه باشقاسی‌یلا سهو سالیم؟
سنی نییه باشقاسی‌یلا قاریشدیریم؟ هه، نییه؟
اینانمازسان، هئچ یادیما دوشمورسن.
بیز نه واختسا گزمیشدیک‌می ال-اله؟
سوروشمازسان، نئجه کئچدی بو ایللر،
ایللردی ده... کئچیب گئدیر، ایللرین نه وئجینه؟
حیاتدی دا، دوشور هر جور شکیله.
سنی چوخدان اونوتموشام،
کئف ائله!...
#جلیل_جاوانشیر
#شعر_اوجاغی
@SheirOcagi
بیر گون گلیب دئیه‌جکسن:
«منی اونوتموسان‌می؟»
سؤزون دوزو اونوتموشام؛ نییه خاطیرلاییم کی؟
گؤر هئچ سندن سوروشورام:
«منسیز داریخمیسان‌‌می؟»
سن کی سویوق‌قانلی ایدین، نییه داریخاسان کی؟
اینانیرسان، گؤزلرین ده داها یادیما دوشمور.
هانسی آیین، هانسی گونو گول آلمیشدین سن منه؟
آللاه حاقّی اللرین ده داها یوخوما گیرمیر.
هئچ اینسان دا غدّارلیقلا داش باسارمی قلبینه؟
اینانمازسان،
ایندی دئسم سئوگیلیم وار، گولرسن.
سنی باشقا بدنلرده اونودورام من یازیق.
هئچ بیلمیرم هانسی آیین نئچه‌سی،
بیز سنینله هانسی فیلمه باخمیشیق.
ایندی نئجه خاطیرلاییم، ساچلارینین رنگینی؟
من چکدیییم سیغال قالار ایندییه؟
سن ویجدانین، کوره‌یینده خال واردی؟
ایندی دوروب ایلین، گونون بو واختی-
سنی نییه باشقاسی‌یلا سهو سالیم؟
سنی نییه باشقاسی‌یلا قاریشدیریم؟ هه، نییه؟
اینانمازسان، هئچ یادیما دوشمورسن.
بیز نه واختسا گزمیشدیک‌می ال-اله؟
سوروشمازسان، نئجه کئچدی بو ایللر،
ایللردی ده... کئچیب گئدیر، ایللرین نه وئجینه؟
حیاتدی دا، دوشور هر جور شکیله.
سنی چوخدان اونوتموشام،
کئف ائله!...
#جلیل_جاوانشیر
#شعر_اوجاغی
@SheirOcagi
▫️ساواشدان عسگر مکتوبو
قان-قادالی ساواشلاردان دؤنه‌جم،
قیرا بیلمز اومیدیمی گوللـه‌لر.
خوش موژده‌لی ظفرلرله گله‌جم،
غالیب کیمی قاییداجام بیر سحر.
بیر آز دؤیوش خاطیره‌سی، دومانلی
خوش گله‌جک، خوش اومیدلر، بیر قوجاق.
قیزیم اوچون سامان ساچلی گلینجیک،
اوغلوم اوچون بوش گیلیزدن* اویونجاق.
بیر ده دؤیوش دوستلاریمین فوتوسو،
بؤیوده‌رم، دیواریمدان آسارام.
دؤیوشلردن، ساواشدان سؤز دوشنده،
او فوتویا باخارام، گؤز وورارام.
ساچلاریمدا بیر آز باریت قوخوسو،
قوخو گئدر، آنجاق بیتمز قورخولار.
نئچه مودّت یوخو گئتمز گؤزومه،
گئجه‌لری کابوس اولار یوخولار.
خوش موژده‌یله قاییداجام، گؤزله‌یین!
قاییداجام من اومیدله، ظفرله.
قاییداجام، هله دؤزون، صبر ائدین،
قاییداجام موطلق گؤزل خبرله.
قاییداجام موطلق، منی گؤزله‌یین!
آنجاق هله بو داغلاردا ساواش وار.
کؤرپه‌لرین اومیدینی اوزمه‌یین!
یا گئج، یا تئز، بیتر بوتون ساواشلار...
#جلیل_جاوانشیر
* فیشنگین بوش قابیغی
#شعر_اوجاغی
@SheirOcagi
قان-قادالی ساواشلاردان دؤنه‌جم،
قیرا بیلمز اومیدیمی گوللـه‌لر.
خوش موژده‌لی ظفرلرله گله‌جم،
غالیب کیمی قاییداجام بیر سحر.
بیر آز دؤیوش خاطیره‌سی، دومانلی
خوش گله‌جک، خوش اومیدلر، بیر قوجاق.
قیزیم اوچون سامان ساچلی گلینجیک،
اوغلوم اوچون بوش گیلیزدن* اویونجاق.
بیر ده دؤیوش دوستلاریمین فوتوسو،
بؤیوده‌رم، دیواریمدان آسارام.
دؤیوشلردن، ساواشدان سؤز دوشنده،
او فوتویا باخارام، گؤز وورارام.
ساچلاریمدا بیر آز باریت قوخوسو،
قوخو گئدر، آنجاق بیتمز قورخولار.
نئچه مودّت یوخو گئتمز گؤزومه،
گئجه‌لری کابوس اولار یوخولار.
خوش موژده‌یله قاییداجام، گؤزله‌یین!
قاییداجام من اومیدله، ظفرله.
قاییداجام، هله دؤزون، صبر ائدین،
قاییداجام موطلق گؤزل خبرله.
قاییداجام موطلق، منی گؤزله‌یین!
آنجاق هله بو داغلاردا ساواش وار.
کؤرپه‌لرین اومیدینی اوزمه‌یین!
یا گئج، یا تئز، بیتر بوتون ساواشلار...
#جلیل_جاوانشیر
* فیشنگین بوش قابیغی
#شعر_اوجاغی
@SheirOcagi
Forwarded from اتچ بات
▫️سن ائله بیلیرسن...
سن ائله بیلیرسن، منی ترک ائتسن،
گؤی اوزو چؤکه‌جک، اولدوز آخاجاق؟
گئجه دوشمه‌یه‌جک، گون دوغمایاجاق؟
گؤر کیملر ترک ائدیب، اونودوب، آتیب!
ائه، هاردان بیلیرسن سندن اؤنجه ده-
بونو یاشامیشام... بیر آز داریخیب-
سونرا آلیشمیشام بو گئت-گل‌لره؟
بیلیرسن، اوّل ده گئدن چوخ اولوب،
گؤر کیملر آغلادیب، کیملر اووودوب!
سونرا پئشمان اولوب گئری دؤنن‌لر-
آرخامجا قان-قارغیش ائدن ده اولوب.
اورک اوزو برک‌دیر، چوخدان اونودوب،
چوخدان اونودولوب چیخیب گئدن‌لر.
سن ده هامی کیمی چیخیب گئدیرسن،
نه فرقی کیمسه وار، یا کیمسه یوخدو؟
بیزده قادین چوخدو کیشی ساییندان،
بیر ده نه فرقی وار سئوه‌نیم چوخدو؟
واللاه، ویجدان حاقّی... اینان سؤزومه!
هله کی، یئرینه نامیزد یوخدو.
گئدیرسن، بو قدر کانداردا¹ دورما!
قاپینی تئز باغلا هاوا سویوقدو.
مندن گئدن‌لردن خبر آل، سوروش!
یامان لاقئییدم، اعتیبارسیزام.
یامان اونوتقانام، اوره‌یی داشام.
سنه دئیه‌جکلر نئجه آدامام،
سنه دئیه‌جکلر نئجه اوغراشام²
من یورغون آدامام، باغیشلا، چیخ گئت!
چیخ گئت، نه قدر کی آغلامامیشام!
سن ائله بیلیرسن بوتون شاعیرلر-
ایچیر، تنها قالیر، سونرا آغلاییر؟
سن ائله بیلیرسن ترک ائدیلن‌لر-
دبدن یوخ، دردیندن ساققال ساخلاییر؟
سن ائله بیلیرسن، حزین ماهنیلار-
سنین بوشلوغونو دولدورمایاجاق؟
ائله بیلیرسن کی، داها بو ائوده،
هئچ کسه شعیرلر اوخونمایاجاق؟
واللاه، ویجدان حاقّی... ناراحات اولما!
واللاه دوز سؤزومدو، چیخ گئت، یوبانما!
منی خوشبخت ائتمیر بیرلیکده اولماق،
منیمکی یالقیزلیق، تکلیک‌دی آنجاق.
بیر ده قادان آلیم، آچاری قوی گئت!
قاپینی باغلاما! گلن اولاجاق...
#جلیل_جاوانشیر
¹- قاپی آغزی- آستانا (Kandar)
²- قورومساق (Oğraş)
#شعر_اوجاغی
@SheirOcagi
سن ائله بیلیرسن، منی ترک ائتسن،
گؤی اوزو چؤکه‌جک، اولدوز آخاجاق؟
گئجه دوشمه‌یه‌جک، گون دوغمایاجاق؟
گؤر کیملر ترک ائدیب، اونودوب، آتیب!
ائه، هاردان بیلیرسن سندن اؤنجه ده-
بونو یاشامیشام... بیر آز داریخیب-
سونرا آلیشمیشام بو گئت-گل‌لره؟
بیلیرسن، اوّل ده گئدن چوخ اولوب،
گؤر کیملر آغلادیب، کیملر اووودوب!
سونرا پئشمان اولوب گئری دؤنن‌لر-
آرخامجا قان-قارغیش ائدن ده اولوب.
اورک اوزو برک‌دیر، چوخدان اونودوب،
چوخدان اونودولوب چیخیب گئدن‌لر.
سن ده هامی کیمی چیخیب گئدیرسن،
نه فرقی کیمسه وار، یا کیمسه یوخدو؟
بیزده قادین چوخدو کیشی ساییندان،
بیر ده نه فرقی وار سئوه‌نیم چوخدو؟
واللاه، ویجدان حاقّی... اینان سؤزومه!
هله کی، یئرینه نامیزد یوخدو.
گئدیرسن، بو قدر کانداردا¹ دورما!
قاپینی تئز باغلا هاوا سویوقدو.
مندن گئدن‌لردن خبر آل، سوروش!
یامان لاقئییدم، اعتیبارسیزام.
یامان اونوتقانام، اوره‌یی داشام.
سنه دئیه‌جکلر نئجه آدامام،
سنه دئیه‌جکلر نئجه اوغراشام²
من یورغون آدامام، باغیشلا، چیخ گئت!
چیخ گئت، نه قدر کی آغلامامیشام!
سن ائله بیلیرسن بوتون شاعیرلر-
ایچیر، تنها قالیر، سونرا آغلاییر؟
سن ائله بیلیرسن ترک ائدیلن‌لر-
دبدن یوخ، دردیندن ساققال ساخلاییر؟
سن ائله بیلیرسن، حزین ماهنیلار-
سنین بوشلوغونو دولدورمایاجاق؟
ائله بیلیرسن کی، داها بو ائوده،
هئچ کسه شعیرلر اوخونمایاجاق؟
واللاه، ویجدان حاقّی... ناراحات اولما!
واللاه دوز سؤزومدو، چیخ گئت، یوبانما!
منی خوشبخت ائتمیر بیرلیکده اولماق،
منیمکی یالقیزلیق، تکلیک‌دی آنجاق.
بیر ده قادان آلیم، آچاری قوی گئت!
قاپینی باغلاما! گلن اولاجاق...
#جلیل_جاوانشیر
¹- قاپی آغزی- آستانا (Kandar)
²- قورومساق (Oğraş)
#شعر_اوجاغی
@SheirOcagi
Telegram
attach 📎
▫️سنی چوخدان اونوتموشام.
بیر گون گلیب دئیه‌جکسن:
«منی اونوتموسان‌می؟»
سؤزون دوزو اونوتموشام؛ نییه خاطیرلاییم کی؟
گؤر هئچ سندن سوروشورام:
«منسیز داریخمیسان‌‌می؟»
سن کی سویوق‌قانلی ایدین، نییه داریخاسان کی؟
اینانیرسان، گؤزلرین ده داها یادیما دوشمور.
هانسی آیین هانسی گونو گول آلمیشدین سن منه؟
آللاه حاقّی اللرین ده داها یوخوما گیرمیر.
هئچ اینسان دا غدّارلیقلا داش باسارمی قلبینه؟
اینانمازسان،
ایندی دئسم سئوگیلیم وار، گولرسن.
سنی باشقا بدنلرده اونودورام من یازیق.
هئچ بیلمیرم هانسی آیین نئچه‌سی،
بیز سنینله هانسی فیلمه باخمیشیق.
ایندی نئجه خاطیرلاییم، ساچلارینین رنگینی؟
من چکدیگیم سیغال قالار ایندییه؟
سن ویجدانین، کوره‌یینده خال واردی؟
ایندی دوروب ایلین-گونون بو واختی-
سنی نییه باشقاسی‌یلا سهو سالیم؟
سنی نییه باشقاسی‌یلا قاریشدیریم؟ هه، نییه؟
اینانمازسان، هئچ یادیما دوشمورسن.
بیز نه واختسا گزمیشدیک‌می ال-اله؟
سوروشمازسان، نئجه کئچدی بو ایللر،
ایللردی ده... کئچیب گئدیر، ایللرین نه وئجینه؟
حیاتدی دا، دوشور هر جور شکیله.
سنی چوخدان اونوتموشام،
کئف ائله!...
#جلیل_جاوانشیر
@SheirOcagi
بیر گون گلیب دئیه‌جکسن:
«منی اونوتموسان‌می؟»
سؤزون دوزو اونوتموشام؛ نییه خاطیرلاییم کی؟
گؤر هئچ سندن سوروشورام:
«منسیز داریخمیسان‌‌می؟»
سن کی سویوق‌قانلی ایدین، نییه داریخاسان کی؟
اینانیرسان، گؤزلرین ده داها یادیما دوشمور.
هانسی آیین هانسی گونو گول آلمیشدین سن منه؟
آللاه حاقّی اللرین ده داها یوخوما گیرمیر.
هئچ اینسان دا غدّارلیقلا داش باسارمی قلبینه؟
اینانمازسان،
ایندی دئسم سئوگیلیم وار، گولرسن.
سنی باشقا بدنلرده اونودورام من یازیق.
هئچ بیلمیرم هانسی آیین نئچه‌سی،
بیز سنینله هانسی فیلمه باخمیشیق.
ایندی نئجه خاطیرلاییم، ساچلارینین رنگینی؟
من چکدیگیم سیغال قالار ایندییه؟
سن ویجدانین، کوره‌یینده خال واردی؟
ایندی دوروب ایلین-گونون بو واختی-
سنی نییه باشقاسی‌یلا سهو سالیم؟
سنی نییه باشقاسی‌یلا قاریشدیریم؟ هه، نییه؟
اینانمازسان، هئچ یادیما دوشمورسن.
بیز نه واختسا گزمیشدیک‌می ال-اله؟
سوروشمازسان، نئجه کئچدی بو ایللر،
ایللردی ده... کئچیب گئدیر، ایللرین نه وئجینه؟
حیاتدی دا، دوشور هر جور شکیله.
سنی چوخدان اونوتموشام،
کئف ائله!...
#جلیل_جاوانشیر
@SheirOcagi
▫️من واز کئچدیم.
ترک ائدیلمیش، خارابا ائولر کیمی بوم‌بوشام،
گئجهلر بایقوش اولاییر چارداغیمدا.
هئیسیز و هئچ کس‌سیز قالماقدان،
آتیلماقدان و اونودولماقدان یورولموشام.
بوشام.
ایندی ده سن گئده‌جکسن، بونو چوخدان دویموشام...
سنی غضَبین بؤیوده‌جک، اوغلوم!
من واز کئچدیم، قیزیم!
بلکه چوخ پیس آتا اولدوم،
بلکه ده چوخ لاقئید.
ساچلارینی دارایا بیلمه‌دیم،
سنه ناغیللار دانیشمادیم،
گئدیشینه مانع اولمادیم،
قالماغینا چالیشمادیم.
آتاسینی سئومه‌ین بوتون قیزلار کیمی،
نیفرتین‌له بؤیویه‌جک قارانلیغین.
سنی قارانلیقلارا ترک ائدیرم، قیزیم!
من واز کئچدیم، قادینیم!
سندن آلدیقلاریم، بیر اوووج خاطیره‌دیر،
قالسین جیبلریمده،
خاطیره‌لر، یاوانلیغی‌دیر تک‌لرین.
بیر عؤمورلوک آذوقه‌دیر گولوش‌لرین،
سونو آیریلیق‌دیر بو غفیل گلیش‌لرین.
سونونجو فیتی سسلنیر قاطارین،
سونونجو واقوندان ال ائده‌جم، باخارسان!
گئدیرم، داریخارسان؟
سنی گوناهلارین‌لا باش-باشا بوراخیرام، قادینیم!
من گوناهلاریملا گئدیرم.
بیلیرم، داریخمایاجاقسان، بیلیرم.
من واز کئچدیم، اوغلوم!
من واز کئچدیم، قیزیم!
من واز کئچدیم، قادینیم!
#جلیل_جاوانشیر
#شعر_اوجاغی
@SheirOcagi
ترک ائدیلمیش، خارابا ائولر کیمی بوم‌بوشام،
گئجهلر بایقوش اولاییر چارداغیمدا.
هئیسیز و هئچ کس‌سیز قالماقدان،
آتیلماقدان و اونودولماقدان یورولموشام.
بوشام.
ایندی ده سن گئده‌جکسن، بونو چوخدان دویموشام...
سنی غضَبین بؤیوده‌جک، اوغلوم!
من واز کئچدیم، قیزیم!
بلکه چوخ پیس آتا اولدوم،
بلکه ده چوخ لاقئید.
ساچلارینی دارایا بیلمه‌دیم،
سنه ناغیللار دانیشمادیم،
گئدیشینه مانع اولمادیم،
قالماغینا چالیشمادیم.
آتاسینی سئومه‌ین بوتون قیزلار کیمی،
نیفرتین‌له بؤیویه‌جک قارانلیغین.
سنی قارانلیقلارا ترک ائدیرم، قیزیم!
من واز کئچدیم، قادینیم!
سندن آلدیقلاریم، بیر اوووج خاطیره‌دیر،
قالسین جیبلریمده،
خاطیره‌لر، یاوانلیغی‌دیر تک‌لرین.
بیر عؤمورلوک آذوقه‌دیر گولوش‌لرین،
سونو آیریلیق‌دیر بو غفیل گلیش‌لرین.
سونونجو فیتی سسلنیر قاطارین،
سونونجو واقوندان ال ائده‌جم، باخارسان!
گئدیرم، داریخارسان؟
سنی گوناهلارین‌لا باش-باشا بوراخیرام، قادینیم!
من گوناهلاریملا گئدیرم.
بیلیرم، داریخمایاجاقسان، بیلیرم.
من واز کئچدیم، اوغلوم!
من واز کئچدیم، قیزیم!
من واز کئچدیم، قادینیم!
#جلیل_جاوانشیر
#شعر_اوجاغی
@SheirOcagi
▫️میلاددان سونراکی سئوگی
ساچلارینین نرگیز قوخوسو،
یاستیغیما ائله هوپوب کی...
ایندی داریخماقدان درس کئچیر منه.
توند قهوه، حزین جاز، سویوق دیوارلار، سیقارئت توستوسو،
تاوانا تیکیرم باخیشلاریمی
هله ده اللریمده‌دیر اللرینین ایستیسی.
سن بوتون عذابلارین موکافاتیسان.
سانکی فرقلی بیر نفس وار جییَرلریمده،
برک-برک توتورام نفَسیمی.
چاتلامیش دوداقلاریمی ایسلادیرام
دوداقلارینین نمینده.
و بیر ده...
و بیر ده، سئوگیلیم!
هاوا داها چوخ شعردی سانکی.
ساچلارین...
اوزومه داغیلسین ساچلارین!
ترپنمه!
ساده‌جه دایان و من گؤزلرینه باخاجام.
سن گل و ساده‌جه سن گل!
من کئچمیشیمدن قاچاجاغام.
ایندی پنجره‌مه قوشلار قونور،
ایندی من قوشلارا چؤرک اووورام.
ایندی ارکن اویانیرام،
چای دمله‌ییرم.
ایندی من گلمه‌ینلرین دئییل،
سنین یولونو گؤزله‌ییرم.
سئومک داها آسانمیش اؤلمکدن.
ایندی ساچلاریمی داراییرام،
پارفوم سیخیرام.
سونرا،
گؤزلریم یاشاریر گولمکدن
سئومک داها گؤزلمیش اؤلمکدن.
#جلیل_جاوانشیر
#شعر_اوجاغی
@SheirOcagi
ساچلارینین نرگیز قوخوسو،
یاستیغیما ائله هوپوب کی...
ایندی داریخماقدان درس کئچیر منه.
توند قهوه، حزین جاز، سویوق دیوارلار، سیقارئت توستوسو،
تاوانا تیکیرم باخیشلاریمی
هله ده اللریمده‌دیر اللرینین ایستیسی.
سن بوتون عذابلارین موکافاتیسان.
سانکی فرقلی بیر نفس وار جییَرلریمده،
برک-برک توتورام نفَسیمی.
چاتلامیش دوداقلاریمی ایسلادیرام
دوداقلارینین نمینده.
و بیر ده...
و بیر ده، سئوگیلیم!
هاوا داها چوخ شعردی سانکی.
ساچلارین...
اوزومه داغیلسین ساچلارین!
ترپنمه!
ساده‌جه دایان و من گؤزلرینه باخاجام.
سن گل و ساده‌جه سن گل!
من کئچمیشیمدن قاچاجاغام.
ایندی پنجره‌مه قوشلار قونور،
ایندی من قوشلارا چؤرک اووورام.
ایندی ارکن اویانیرام،
چای دمله‌ییرم.
ایندی من گلمه‌ینلرین دئییل،
سنین یولونو گؤزله‌ییرم.
سئومک داها آسانمیش اؤلمکدن.
ایندی ساچلاریمی داراییرام،
پارفوم سیخیرام.
سونرا،
گؤزلریم یاشاریر گولمکدن
سئومک داها گؤزلمیش اؤلمکدن.
#جلیل_جاوانشیر
#شعر_اوجاغی
@SheirOcagi
▫️لاپ چوخدان یورولموشام و بلکه ده بوتون یاشادیقلاریم، باشیما گلن‌لر و گله‌جکلر بو سببدن‌دیر.
اوّلجه سئومکدن، سونرا یازماقدان، ان سوندا یاشاماقدان واز کئچدیم. آما هئچ بیرینی باجارمادیم...
خولاصه، سئودیم، یازدیم و یاشاماغا داوام ائدیرم...
و هر شئی ابدی بیر لعنت کیمی، سون گونه قدر داوام ائده‌جک...
#جلیل_جاوانشیر
#شعر_اوجاغی
@SheirOcagi
اوّلجه سئومکدن، سونرا یازماقدان، ان سوندا یاشاماقدان واز کئچدیم. آما هئچ بیرینی باجارمادیم...
خولاصه، سئودیم، یازدیم و یاشاماغا داوام ائدیرم...
و هر شئی ابدی بیر لعنت کیمی، سون گونه قدر داوام ائده‌جک...
#جلیل_جاوانشیر
#شعر_اوجاغی
@SheirOcagi
▫️هر شئی سئودایا داخیل‌دیر.
هامیدان، هر شئیدن ناراحات ایدیم،
یئنه دیری‌گؤزلو آچدیم سحری.
سن ده بیر آز یوخدون... نه یالان دئییم؟
دوروب قوجاقلادیم خاطیره‌لری.
داریخدیم، اؤزومه بیر چای دمله‌دیم،
چاییم فینجانیمدا سویودو، آتدیم.
الیمی گئجه‌نین گؤزونه سوخوب-
مینلرله داریخان اولدوز چیخارتدیم.
آغلادیم، ائیواندا سیقارئت چکدیم،
قاییتدیم، یاتاغیم سویویوب یئنه.
سیخدیم دیشلریمی، گؤزومو یومدوم،
سونرا ساکیت‌لشدیم، حاق وئردیم سنه.
سن هاردان بیله‌سن، بو گئجه‌لرده،
سویوق دیوارلارلا دانیشماق نه‌دیر؟
سن هاردان بیله‌سن، هامیدان قاچیب
عذابلی تک‌لیگه قوووشماق نه‌دیر؟
بلکه ده هامیسی بوش بهانه‌دیر.
هامیدان، هر شئیدن ناراحات ایدیم،
یئنه دیری‌گؤزلو آچدیم سحری.
سن ده بیر آز یوخدون... نه یالان دئییم؟
دوروب قوجاقلادیم خاطیره‌لری.
#جلیل_جاوانشیر
#شعر_اوجاغی
@SheirOcagi
هامیدان، هر شئیدن ناراحات ایدیم،
یئنه دیری‌گؤزلو آچدیم سحری.
سن ده بیر آز یوخدون... نه یالان دئییم؟
دوروب قوجاقلادیم خاطیره‌لری.
داریخدیم، اؤزومه بیر چای دمله‌دیم،
چاییم فینجانیمدا سویودو، آتدیم.
الیمی گئجه‌نین گؤزونه سوخوب-
مینلرله داریخان اولدوز چیخارتدیم.
آغلادیم، ائیواندا سیقارئت چکدیم،
قاییتدیم، یاتاغیم سویویوب یئنه.
سیخدیم دیشلریمی، گؤزومو یومدوم،
سونرا ساکیت‌لشدیم، حاق وئردیم سنه.
سن هاردان بیله‌سن، بو گئجه‌لرده،
سویوق دیوارلارلا دانیشماق نه‌دیر؟
سن هاردان بیله‌سن، هامیدان قاچیب
عذابلی تک‌لیگه قوووشماق نه‌دیر؟
بلکه ده هامیسی بوش بهانه‌دیر.
هامیدان، هر شئیدن ناراحات ایدیم،
یئنه دیری‌گؤزلو آچدیم سحری.
سن ده بیر آز یوخدون... نه یالان دئییم؟
دوروب قوجاقلادیم خاطیره‌لری.
#جلیل_جاوانشیر
#شعر_اوجاغی
@SheirOcagi
▫️سئودانین آستار اوزو
بیر من، بیر ده آرزولاریم،
پرن-پرن، داغینیق.
یئنه چیرکلی پنجره‌دن،
اولدوزلارا باخیریق.
بو اوزانان گئجه‌لرده،
فیکیرلریم قاریشیق.
بیر من، بیر ده اومیدلریم،
بو حوزونلو گئجه‌لرین،
آغریسی‌یلا تانیشیق.
صاباحاجان آغری چکیب
دیوارلارلا دانیشیب
سنسیزلیک ده آج قورد کیمی،
بدنیمه داراشیر.
بیر من، بیر ده اومیدلریم،
بیر ده سنسیز گئجهلر،
بیر من‌می خوشبخت دئییلم؟
بیر منی‌می درد اَییر؟
آلنیمداکی قیریشلارا،
باخمیرام کی، چوخالیر.
ائله هئی گؤزلریم دولور،
منیم قلبیم یوخادیر.
آغلادیقجا گؤزلریمین
ایشیغی دا آزالیر.
بیر من، بیر ده اومیدلریم،
دیشیمیزی سیخیریق.
سندن الیمیز اوزولور،
یوللارینا باخیریق.
#جلیل_جاوانشیر
#شعر_اوجاغی
@SheirOcagi
بیر من، بیر ده آرزولاریم،
پرن-پرن، داغینیق.
یئنه چیرکلی پنجره‌دن،
اولدوزلارا باخیریق.
بو اوزانان گئجه‌لرده،
فیکیرلریم قاریشیق.
بیر من، بیر ده اومیدلریم،
بو حوزونلو گئجه‌لرین،
آغریسی‌یلا تانیشیق.
صاباحاجان آغری چکیب
دیوارلارلا دانیشیب
سنسیزلیک ده آج قورد کیمی،
بدنیمه داراشیر.
بیر من، بیر ده اومیدلریم،
بیر ده سنسیز گئجهلر،
بیر من‌می خوشبخت دئییلم؟
بیر منی‌می درد اَییر؟
آلنیمداکی قیریشلارا،
باخمیرام کی، چوخالیر.
ائله هئی گؤزلریم دولور،
منیم قلبیم یوخادیر.
آغلادیقجا گؤزلریمین
ایشیغی دا آزالیر.
بیر من، بیر ده اومیدلریم،
دیشیمیزی سیخیریق.
سندن الیمیز اوزولور،
یوللارینا باخیریق.
#جلیل_جاوانشیر
#شعر_اوجاغی
@SheirOcagi
▫️«ن»له دردلشمه
سون بئش آیدا چوخ شئی یاشادیق،
من اومیددن و گله‌جکدن واز کئچدیم،
چونکی اؤلدو اومیدلر.
ائشیدیرسن؟
اومیدلر اؤلدو.
اوره‌ییم قتل‌عام یئری‌دیر؛
اوردا،
اومیدلری اؤلدوردولر...
اومیدلر اؤلدو، سئوگیلیم!
او-مید-لر اؤلدو.
آنام چوخ آغلادی صیرف بو سببدن.
سون بئش آیدا چوخ شئی یاشادیق.
خیال قوردوق، سئویشدیک، شعر یازدیق، آیریلدیق.
سونرا اومیدلر اؤلدو، آغلادیق.
یاس توتدوق، باریشدیق.
گله‌جکدن واز کئچدیک،
اومید ائتمه‌یی اونوتدوق.
گؤز یاشیمیزی قوروتدوق و سوسدوق.
یوخ، سوسدوق و اونوتدوق.
من بیر تسلّی آرادیم،
ساققال اوزاتدیم، ایچدیم،
داریخدیم، آغلادیم، یورولدوم.
من بیر بولانیق سو ایدیم سندن اؤنجه،
سن گلدین و دورولدوم...
سانکی غفیل بیر باسقیندا دوز آلنیمدان وورولدوم.
آنام بونا دا آغلادی.
سون بئش آیدا چوخ شئی یاشادیق،
یاتدیم، گونش‌له اویاندیم.
قرارلار وئردیم، آرخاسیندا دایاندیم.
سئوگیدن چوخ شئی گؤزله‌دیم،
خوشبختلیک ایسته‌دیم، سعادت اومدوم.
اویسا بوش شئی‌دیر اومیدلر،
اؤلدولر.
سونرا هر شئیدن یورولدوم.
بیر آغاج یارپاغی اولسام،
سولاردیم بو بویدا سنسیزلیکدن.
آما من سولمادیم،
اومیدلر اؤلدو، سئوگیلیم!
اؤلدو اومیدلر.
#جلیل_جاوانشیر
#شعر_اوجاغی
@SheirOcagi
سون بئش آیدا چوخ شئی یاشادیق،
من اومیددن و گله‌جکدن واز کئچدیم،
چونکی اؤلدو اومیدلر.
ائشیدیرسن؟
اومیدلر اؤلدو.
اوره‌ییم قتل‌عام یئری‌دیر؛
اوردا،
اومیدلری اؤلدوردولر...
اومیدلر اؤلدو، سئوگیلیم!
او-مید-لر اؤلدو.
آنام چوخ آغلادی صیرف بو سببدن.
سون بئش آیدا چوخ شئی یاشادیق.
خیال قوردوق، سئویشدیک، شعر یازدیق، آیریلدیق.
سونرا اومیدلر اؤلدو، آغلادیق.
یاس توتدوق، باریشدیق.
گله‌جکدن واز کئچدیک،
اومید ائتمه‌یی اونوتدوق.
گؤز یاشیمیزی قوروتدوق و سوسدوق.
یوخ، سوسدوق و اونوتدوق.
من بیر تسلّی آرادیم،
ساققال اوزاتدیم، ایچدیم،
داریخدیم، آغلادیم، یورولدوم.
من بیر بولانیق سو ایدیم سندن اؤنجه،
سن گلدین و دورولدوم...
سانکی غفیل بیر باسقیندا دوز آلنیمدان وورولدوم.
آنام بونا دا آغلادی.
سون بئش آیدا چوخ شئی یاشادیق،
یاتدیم، گونش‌له اویاندیم.
قرارلار وئردیم، آرخاسیندا دایاندیم.
سئوگیدن چوخ شئی گؤزله‌دیم،
خوشبختلیک ایسته‌دیم، سعادت اومدوم.
اویسا بوش شئی‌دیر اومیدلر،
اؤلدولر.
سونرا هر شئیدن یورولدوم.
بیر آغاج یارپاغی اولسام،
سولاردیم بو بویدا سنسیزلیکدن.
آما من سولمادیم،
اومیدلر اؤلدو، سئوگیلیم!
اؤلدو اومیدلر.
#جلیل_جاوانشیر
#شعر_اوجاغی
@SheirOcagi
▫️اولور بئله شئیلر.
نه‌یسه، اولور بئله شئیلر،
اولور کی، داریخیرسان.
هر کس سنه دوغرو قاچیر،
سن اونا سیغینیرسان.
گئجهلر تئز-تئز دیکسینیب
آدینی چاغیریرسان.
نه‌یسه، اولور بئله شئیلر،
اولور کی، چوخ سئویرسن.
سن هامیدان واز کئچیرسن،
هامییا یادلاشیرسان.
او دا سندن اوزاقدادیر،
بو اویونا چاشیرسان.
نه‌یسه، اولور بئله شئیلر،
اولور کی، آغلاییرسان.
گؤز یاشلارین ایلیق-ایلیق،
تؤکولدوکجه اوزونه،
ائوین بوتون کونج‌لریندن،
او گؤرونور گؤزونه.
نه‌یسه، اولور بئله شئیلر،
اولور کی، یورولورسان.
بوتون حیات عشقین اؤلور،
بئزیرسن، تک‌لنیرسن.
بیرجه قورو زنگی گلیر،
جوشوب اورک‌لنیرسن.
نه‌یسه، اولور بئله شئیلر،
اولور کی، هر شئی بیتیر.
یاشادیغین سئودا ظولوم،
سئوگین گؤز یاشی، کدَر.
بیر ده باخیرسان ایللرین،
هدر گئدیبمیش، هدر...
نه‌یسه، اولور بئله شئیلر،
اولور کی،
سن اولمورسان...
#جلیل_جاوانشیر
#شعر_اوجاغی
@SheirOcagi
نه‌یسه، اولور بئله شئیلر،
اولور کی، داریخیرسان.
هر کس سنه دوغرو قاچیر،
سن اونا سیغینیرسان.
گئجهلر تئز-تئز دیکسینیب
آدینی چاغیریرسان.
نه‌یسه، اولور بئله شئیلر،
اولور کی، چوخ سئویرسن.
سن هامیدان واز کئچیرسن،
هامییا یادلاشیرسان.
او دا سندن اوزاقدادیر،
بو اویونا چاشیرسان.
نه‌یسه، اولور بئله شئیلر،
اولور کی، آغلاییرسان.
گؤز یاشلارین ایلیق-ایلیق،
تؤکولدوکجه اوزونه،
ائوین بوتون کونج‌لریندن،
او گؤرونور گؤزونه.
نه‌یسه، اولور بئله شئیلر،
اولور کی، یورولورسان.
بوتون حیات عشقین اؤلور،
بئزیرسن، تک‌لنیرسن.
بیرجه قورو زنگی گلیر،
جوشوب اورک‌لنیرسن.
نه‌یسه، اولور بئله شئیلر،
اولور کی، هر شئی بیتیر.
یاشادیغین سئودا ظولوم،
سئوگین گؤز یاشی، کدَر.
بیر ده باخیرسان ایللرین،
هدر گئدیبمیش، هدر...
نه‌یسه، اولور بئله شئیلر،
اولور کی،
سن اولمورسان...
#جلیل_جاوانشیر
#شعر_اوجاغی
@SheirOcagi
▫️«مینوس»ون زیندانیندان مکتوب
هر دفعه سن یانیمدا اولاندا،
و گؤزلریمین ایچینه باخاندا،
گؤزلریمی یوممورام‌سا،
سندن و باخیشلاریندان اوزاق دورمورام‌سا،
گونشه بو قدر یاخیندان باخان،
ان جسارتلی اینسانام.
پنجره‌مین اؤنونه قوشلار للک‌لرینی بوراخیر،
روحوم بو بویدا قفسده داریخیر.
هر دفعه سن یانیمدا اولاندا،
منه توخوناندا،
سندن قاچمیرام‌سا،
بیلیرسن نئجه قهرمانام؟
گونشه بو قدر یاخینکن، ساغ قالان،
یئگانه اینسانام.
سن منیم سون شعریم، ایلک بسته‌م،
سنه دوغرو اوچماقدان مستم.
و بو شعره بیر آز کلاسیکا قاریشیر:
«سئوگین‌له سرمستم.»
گونشیم، قانادلاریمی اریتمه!
#جلیل_جاوانشیر
#شعر_اوجاغی
@SheirOcagi
هر دفعه سن یانیمدا اولاندا،
و گؤزلریمین ایچینه باخاندا،
گؤزلریمی یوممورام‌سا،
سندن و باخیشلاریندان اوزاق دورمورام‌سا،
گونشه بو قدر یاخیندان باخان،
ان جسارتلی اینسانام.
پنجره‌مین اؤنونه قوشلار للک‌لرینی بوراخیر،
روحوم بو بویدا قفسده داریخیر.
هر دفعه سن یانیمدا اولاندا،
منه توخوناندا،
سندن قاچمیرام‌سا،
بیلیرسن نئجه قهرمانام؟
گونشه بو قدر یاخینکن، ساغ قالان،
یئگانه اینسانام.
سن منیم سون شعریم، ایلک بسته‌م،
سنه دوغرو اوچماقدان مستم.
و بو شعره بیر آز کلاسیکا قاریشیر:
«سئوگین‌له سرمستم.»
گونشیم، قانادلاریمی اریتمه!
#جلیل_جاوانشیر
#شعر_اوجاغی
@SheirOcagi
▫️آیریلیق... اؤلوم... قورخو
بیر گون چیخیب گئده‌جه‌یم،
ساکیت، سسسیز-سمیرسیز.
نه گونش باتاجاق گئدیشیمله،
نه اولدوز آخاجاق،
نه توفان قوپاجاق.
بلکه قیزیم آغلایاجاق اوچ گون،
سونرا کیریییب سوساجاق.
اوغلوم بیر قیز سئوه‌جک،
هانسی‌سا اوزاق شهرده.
و بیر ده،
گئتدیگیم یوللارا باخاجاق آنام.
آنا، من گئتمه‌یه قورخورام!
«آرخانجا باخان یوخدورسا، ان یاخشیسی گئتمکدی.»
بیر گون چیخیب گئده‌جه‌یم،
ائله-بئله، سببسیز.
بیر یارپاق دوشه‌جک سسسیز،
بیر شعر یاریمچیق قالاجاق دفتریمده،
بیر سؤز دوناجاق دیلیمین اوجوندا،
مثلاً «الویداع!»
کیمسه داریخاجاق باشقا بیر شهرده،
کیمسه ال یئل‌له‌یه‌جک اوزاقدا.
نه ظولومله قوپارتدیم بو یاشیمی اجلدن!
من کی یول آدامی‌یام،
من یولچویام ازلدن.
آرخانجا باخان یوخدورسا،
یاخشیسی دؤنمه‌مک‌دی.
بیر گون چیخیب گئده‌جه‌یم، ان سونونجو قاطارلا.
بیر خیال سورعتی‌یله، یوخسا چیخیب ایته‌جم.
یعنی سسسیز گئده‌جم، من سببسیز گئده‌جم.
بوشالدیب آغریلاری اوره‌ییمین ایچیندن،
ایته‌جه‌یم هامینین،
و هر کسین گؤزوندن.
نه خاطیره‌م قالاجاق کیمین‌سه اوره‌یینده،
نه آغلایان اولاجاق.
هئچ کس داریخمایاجاق.
بیر گون مکتوب یازاجام غوربتدن:
«آنا، من قورخورام اؤلمکدن!».
آرخانجا باخان یوخدورسا،
گئتمک ائله اؤلمک‌دی.
#جلیل_جاوانشیر
#شعر_اوجاغی
@SheirOcagi
بیر گون چیخیب گئده‌جه‌یم،
ساکیت، سسسیز-سمیرسیز.
نه گونش باتاجاق گئدیشیمله،
نه اولدوز آخاجاق،
نه توفان قوپاجاق.
بلکه قیزیم آغلایاجاق اوچ گون،
سونرا کیریییب سوساجاق.
اوغلوم بیر قیز سئوه‌جک،
هانسی‌سا اوزاق شهرده.
و بیر ده،
گئتدیگیم یوللارا باخاجاق آنام.
آنا، من گئتمه‌یه قورخورام!
«آرخانجا باخان یوخدورسا، ان یاخشیسی گئتمکدی.»
بیر گون چیخیب گئده‌جه‌یم،
ائله-بئله، سببسیز.
بیر یارپاق دوشه‌جک سسسیز،
بیر شعر یاریمچیق قالاجاق دفتریمده،
بیر سؤز دوناجاق دیلیمین اوجوندا،
مثلاً «الویداع!»
کیمسه داریخاجاق باشقا بیر شهرده،
کیمسه ال یئل‌له‌یه‌جک اوزاقدا.
نه ظولومله قوپارتدیم بو یاشیمی اجلدن!
من کی یول آدامی‌یام،
من یولچویام ازلدن.
آرخانجا باخان یوخدورسا،
یاخشیسی دؤنمه‌مک‌دی.
بیر گون چیخیب گئده‌جه‌یم، ان سونونجو قاطارلا.
بیر خیال سورعتی‌یله، یوخسا چیخیب ایته‌جم.
یعنی سسسیز گئده‌جم، من سببسیز گئده‌جم.
بوشالدیب آغریلاری اوره‌ییمین ایچیندن،
ایته‌جه‌یم هامینین،
و هر کسین گؤزوندن.
نه خاطیره‌م قالاجاق کیمین‌سه اوره‌یینده،
نه آغلایان اولاجاق.
هئچ کس داریخمایاجاق.
بیر گون مکتوب یازاجام غوربتدن:
«آنا، من قورخورام اؤلمکدن!».
آرخانجا باخان یوخدورسا،
گئتمک ائله اؤلمک‌دی.
#جلیل_جاوانشیر
#شعر_اوجاغی
@SheirOcagi
▫️گئده بیلمه‌ین آدام
هارا چیخیب گئده‌سن؟!
گئتمه‌یه یئر ده یوخدو.
ویداع ائتمه‌یه آدام،
سیخماغا ال ده یوخدو.
داها یازماق دا اولمور،
بو بویدا تنهالیغی.
بیر آز جان سیخینتیسی،
بیر آز نیگارانچیلیق.
اوره‌ییم بوش، الیم بوش،
آغلاییرام، سوسورام.
قاپی زنگی چالینیر،
پنجره‌یه قاچیرام.
داها داریخماق اولمور،
آدام کیمی داریخماق.
مای'ین تام اورتاسیندا،
اوشویورم، دونورام.
سیخیر منگنه‌سینده،
منی سویوق دیوارلار.
بو قاپینین او تایی،
گونَشلی‌دیر، ایستی‌دیر.
هارداسا چوخ اوزاقدا،
اؤله‌زییَن اومید وار.
ان بؤیوک فاجیعه‌دیر،
کیشی اومیدسیزلیگی.
سن سونونجو اومیدسن،
بو یادلار آراسیندا.
بیرجه دفعه «گئتمه!» دئ،
قالیم بیرگه یاشلاناق!
بیرجه دفعه دیلیندن،
گؤزل سسلَنسین آدیم!
یاخشی خاطیرلاییرام،
سونونجو گئدیشیمی:
پئنجه‌ییمی گؤتوردوم،
گئتدیم و قاییتمادیم.
باخ! گئتسم، بو کوچه‌لر،
سنی داریخدیراجاق.
#جلیل_جاوانشیر
#شعر_اوجاغی
@SheirOcagi
هارا چیخیب گئده‌سن؟!
گئتمه‌یه یئر ده یوخدو.
ویداع ائتمه‌یه آدام،
سیخماغا ال ده یوخدو.
داها یازماق دا اولمور،
بو بویدا تنهالیغی.
بیر آز جان سیخینتیسی،
بیر آز نیگارانچیلیق.
اوره‌ییم بوش، الیم بوش،
آغلاییرام، سوسورام.
قاپی زنگی چالینیر،
پنجره‌یه قاچیرام.
داها داریخماق اولمور،
آدام کیمی داریخماق.
مای'ین تام اورتاسیندا،
اوشویورم، دونورام.
سیخیر منگنه‌سینده،
منی سویوق دیوارلار.
بو قاپینین او تایی،
گونَشلی‌دیر، ایستی‌دیر.
هارداسا چوخ اوزاقدا،
اؤله‌زییَن اومید وار.
ان بؤیوک فاجیعه‌دیر،
کیشی اومیدسیزلیگی.
سن سونونجو اومیدسن،
بو یادلار آراسیندا.
بیرجه دفعه «گئتمه!» دئ،
قالیم بیرگه یاشلاناق!
بیرجه دفعه دیلیندن،
گؤزل سسلَنسین آدیم!
یاخشی خاطیرلاییرام،
سونونجو گئدیشیمی:
پئنجه‌ییمی گؤتوردوم،
گئتدیم و قاییتمادیم.
باخ! گئتسم، بو کوچه‌لر،
سنی داریخدیراجاق.
#جلیل_جاوانشیر
#شعر_اوجاغی
@SheirOcagi