▫️بیلمه‌لیسن کی:
گئرچک آرخاداشلارین آراسینا مسافه گیرمز،
گئرچک عشقلرین ده.
#جان_یوجل
#شعر_اوجاغی
@SheirOcagi
گئرچک آرخاداشلارین آراسینا مسافه گیرمز،
گئرچک عشقلرین ده.
#جان_یوجل
#شعر_اوجاغی
@SheirOcagi
▫️یوز قیرخ یئددی دنه «سن»
سن هئچ «نه اوچون قانلا باشلانیر قادین؟» رومانینی اوخوموسان؟
هاردا اوخویاسان، هئچ بو رومانی یازان اولوب کی؟
دونن گئجه دوستوم «سالام»لا عاراق ایچیردیک،
سئوگیدن دانیشیردیق،
«18 یاشینا چاتمایانلارا سئوگی قاداغان‌دیر» دئییردیک.
«سئوگی ایکی نفر آراسینا چکیلمیش برابرلیک ایشاره‌سی دئییل،
برابرسیزلیک ایشاره‌سی‌دیر» دئییردیک.
«ایکی نفر آراسینداکی تک برابرلیک، تکلیک‌دیر» دئییردیک.
«برابرلیک ایشاره‌سی ریاضیّات علمینین فیریلداغی‌دیر،
حیاتدا برابر اولان ایکی هئچ نه یوخدور» دئییردیک.
روس عاراغی ایچیردیک.
سن هئچ اؤز ائوجییینده، گیلدن اینسان دوزَلدن بالاجا تانری گؤرموسن؟
بو گون ائوده داریخدیم،
قالخیب یوز قیرخ یئددی دنه «سن» سایدیم،
یوز قیرخ یئددی دنه «سن».
بیز بیر یئرده اولاندا، هئچ بو قدر چوخ دئییلدین،
نه‌سه بیر آز، آز ایدین،
کولَکلی هاوادا آغزیمدا خیرچیلدایان قوم دنه‌سی قدر آز.
منیم ائویم یوخ ایدی،
منیم دؤرد کونجوم وار ایدی،
هر کونجده بیر هؤرومچه‌ییم وار ایدی،
باشیمین اوستونده بیر دامیم وار ایدی،
بیر قاپیم، ایکی پنجره‌م وار ایدی سن گلنه قدر.
سن گلنده من تک ایدیم،
«پیوه»* ایچیردیم،
نفَسیمده قورودولموش دوزلو بالیقلار اوزوردو،
یالنیز سنین بدنین ایدی منیم تکلیگیمین مایا دیَری،
یالنیز سنین بدنینی اؤده‌ییب ساتین آلماق اولاردی منیم تکلیگیمی،
اؤز مایاسینا ساتدیم سنه تکلیگیمی.
سن گلنده من تک ایدیم،
ننه‌می دوشونوردوم.
سن گلنده، ننه‌مین گؤزلری بیزی چوخدان اونوتموشدو،
ننه‌مین گؤزلری تک قالمیشدی.
اونون ایینه‌سینی ساپلایان بیز جوجوقلار،
بو قوجا آروادا گؤزلریندن گیریب چیخیردیق.
ننه‌مین گؤزلری، بیز اونون ایچینده اولاندا اؤرتولدو،
بیز ننه‌مین ایچینده آغلاشا-آغلاشا قالدیق.
اینسانین پارچا-پارچا اؤلدویونو هئچ کیم دئمه‌میشدی بیزه.
بیزه دئمه‌میشدیلر کی،
دؤشلریندن باشلاییر اؤلمه‌یه قادین بدنی.
دئمه‌میشدیلر کی،
ان آخیردا قادینین آیاقلاری اؤلور.
بیز گؤزوموزو آچاندا، ننه‌مین دؤشلری چوخدان اؤلموشدو،
سینه‌سینده باسدیرمیشدی اؤلموش دؤشلرینی ننه‌م.
ننه‌م اؤلنده، آداملار اللرینه توپوروب بئلی گؤتوردولر و دئدیلر:
«شوکور سنه، ایلاهی! چوخدان ایدی کی، یاخشی آدام باسدیرمیردیق».
سن گلنده تک ایدیم،
اینسانلارا مکتوب یازیردیم،
یازیردیم کی:
ائی اینسانلار، سیزینله بیر دونیادا یاشاماق،
ائوینیزین یانیندا ائو تیکمک،
سیزه قونشو اولماق،
هیچ بیلیرسینیز نئجه چتین‌دیر؟!
سن گلنده سنه دئمک ایسته‌ییردیم کی،
داریخما! کولک‌لر سنی، چوخ سئودیگیندن، هامیدان چوخ اوشوده‌جک،
یاغیشلار سنی هامیدان چوخ ایسلاداجاق،
دنیز سنی، چوخ سئودیگیندن، هامیدان تئز بوغاجاق سولاریندا.
بالیقلار سنی چوخ سئودیگیندن، هامینین جسدیندن تئز گمیره‌جکلر جسدینی،
تورپاقلار بوتون سوموکلردن تئز چوروده‌جکلر سنین سوموکلرینی،
هر شئی، هر شئی سنی تلَسدیره‌جک کی،
منه تئز قوووشاسان.
سن گلنده، من جانلی دئییلدیم، آدام دئییلدیم،
من، سنین گلیب چیخدیغین یئر ایدیم.
#آقشین_یئنی‌سئی
* بیر نؤوع ایچکی (Pivə)
#شعر_اوجاغی
@SheirOcagi
سن هئچ «نه اوچون قانلا باشلانیر قادین؟» رومانینی اوخوموسان؟
هاردا اوخویاسان، هئچ بو رومانی یازان اولوب کی؟
دونن گئجه دوستوم «سالام»لا عاراق ایچیردیک،
سئوگیدن دانیشیردیق،
«18 یاشینا چاتمایانلارا سئوگی قاداغان‌دیر» دئییردیک.
«سئوگی ایکی نفر آراسینا چکیلمیش برابرلیک ایشاره‌سی دئییل،
برابرسیزلیک ایشاره‌سی‌دیر» دئییردیک.
«ایکی نفر آراسینداکی تک برابرلیک، تکلیک‌دیر» دئییردیک.
«برابرلیک ایشاره‌سی ریاضیّات علمینین فیریلداغی‌دیر،
حیاتدا برابر اولان ایکی هئچ نه یوخدور» دئییردیک.
روس عاراغی ایچیردیک.
سن هئچ اؤز ائوجییینده، گیلدن اینسان دوزَلدن بالاجا تانری گؤرموسن؟
بو گون ائوده داریخدیم،
قالخیب یوز قیرخ یئددی دنه «سن» سایدیم،
یوز قیرخ یئددی دنه «سن».
بیز بیر یئرده اولاندا، هئچ بو قدر چوخ دئییلدین،
نه‌سه بیر آز، آز ایدین،
کولَکلی هاوادا آغزیمدا خیرچیلدایان قوم دنه‌سی قدر آز.
منیم ائویم یوخ ایدی،
منیم دؤرد کونجوم وار ایدی،
هر کونجده بیر هؤرومچه‌ییم وار ایدی،
باشیمین اوستونده بیر دامیم وار ایدی،
بیر قاپیم، ایکی پنجره‌م وار ایدی سن گلنه قدر.
سن گلنده من تک ایدیم،
«پیوه»* ایچیردیم،
نفَسیمده قورودولموش دوزلو بالیقلار اوزوردو،
یالنیز سنین بدنین ایدی منیم تکلیگیمین مایا دیَری،
یالنیز سنین بدنینی اؤده‌ییب ساتین آلماق اولاردی منیم تکلیگیمی،
اؤز مایاسینا ساتدیم سنه تکلیگیمی.
سن گلنده من تک ایدیم،
ننه‌می دوشونوردوم.
سن گلنده، ننه‌مین گؤزلری بیزی چوخدان اونوتموشدو،
ننه‌مین گؤزلری تک قالمیشدی.
اونون ایینه‌سینی ساپلایان بیز جوجوقلار،
بو قوجا آروادا گؤزلریندن گیریب چیخیردیق.
ننه‌مین گؤزلری، بیز اونون ایچینده اولاندا اؤرتولدو،
بیز ننه‌مین ایچینده آغلاشا-آغلاشا قالدیق.
اینسانین پارچا-پارچا اؤلدویونو هئچ کیم دئمه‌میشدی بیزه.
بیزه دئمه‌میشدیلر کی،
دؤشلریندن باشلاییر اؤلمه‌یه قادین بدنی.
دئمه‌میشدیلر کی،
ان آخیردا قادینین آیاقلاری اؤلور.
بیز گؤزوموزو آچاندا، ننه‌مین دؤشلری چوخدان اؤلموشدو،
سینه‌سینده باسدیرمیشدی اؤلموش دؤشلرینی ننه‌م.
ننه‌م اؤلنده، آداملار اللرینه توپوروب بئلی گؤتوردولر و دئدیلر:
«شوکور سنه، ایلاهی! چوخدان ایدی کی، یاخشی آدام باسدیرمیردیق».
سن گلنده تک ایدیم،
اینسانلارا مکتوب یازیردیم،
یازیردیم کی:
ائی اینسانلار، سیزینله بیر دونیادا یاشاماق،
ائوینیزین یانیندا ائو تیکمک،
سیزه قونشو اولماق،
هیچ بیلیرسینیز نئجه چتین‌دیر؟!
سن گلنده سنه دئمک ایسته‌ییردیم کی،
داریخما! کولک‌لر سنی، چوخ سئودیگیندن، هامیدان چوخ اوشوده‌جک،
یاغیشلار سنی هامیدان چوخ ایسلاداجاق،
دنیز سنی، چوخ سئودیگیندن، هامیدان تئز بوغاجاق سولاریندا.
بالیقلار سنی چوخ سئودیگیندن، هامینین جسدیندن تئز گمیره‌جکلر جسدینی،
تورپاقلار بوتون سوموکلردن تئز چوروده‌جکلر سنین سوموکلرینی،
هر شئی، هر شئی سنی تلَسدیره‌جک کی،
منه تئز قوووشاسان.
سن گلنده، من جانلی دئییلدیم، آدام دئییلدیم،
من، سنین گلیب چیخدیغین یئر ایدیم.
#آقشین_یئنی‌سئی
* بیر نؤوع ایچکی (Pivə)
#شعر_اوجاغی
@SheirOcagi
▫️آنام، خسته‌خانالاردا آتاما باخان پرستارلاری قیسقانیردی.
«آتام ساغلیغینی بیر تک اونا بورجلو بیلسین»، «اونون یورولماز وفادارلیغینا اؤنم وئرسین» ایسته‌ییردی.
دیکتاتورلوق فداکارلیغین اوبیری اوزودور.
📚 کور جنایتکار
#مارگارت_اتوود
#شعر_اوجاغی
@SheirOcagi
«آتام ساغلیغینی بیر تک اونا بورجلو بیلسین»، «اونون یورولماز وفادارلیغینا اؤنم وئرسین» ایسته‌ییردی.
دیکتاتورلوق فداکارلیغین اوبیری اوزودور.
📚 کور جنایتکار
#مارگارت_اتوود
#شعر_اوجاغی
@SheirOcagi
▫️ایلک باهاردا گلمدین؛
سون باهاردا گؤزله‌یه‌جه‌یم سنی،
نار آغاجلارینین آلتیندا ...
#ریحان_کریمی
@SheirOcagi
سون باهاردا گؤزله‌یه‌جه‌یم سنی،
نار آغاجلارینین آلتیندا ...
#ریحان_کریمی
@SheirOcagi
▫️ان بؤیوک رقم ده «بیر»دی دئییرم.
سنی گؤرمک اوچون سوسادیم هر گون،
منیم اوره‌ییمده هر گون یای ایمیش.
سنین اوره‌یینی وورا بیلمه‌دی،
منیم ده اوره‌ییم سولاخای ایمیش.
ایسته‌دیم دردیمی سویا دانیشیم،
گؤردوم کی، یارالی آراز اوسته‌یم.
بدخواه ائله بیلدی ییخیلمیشام من،
آنجاق بیلمه‌دی کی، ناماز اوسته‌یم.
یئر اوزو ال آچیب سجده ائله‌سین،
گؤی اوزو ان اوجا پیردی، دئییرم.
یارادان بیردی، بیر؛ اونا گؤره من،
ان بؤیوک رقم ده «بیر»دی، دئییرم.
#علیزاده_نوری
#شعر_اوجاغی
@SheirOcagi
سنی گؤرمک اوچون سوسادیم هر گون،
منیم اوره‌ییمده هر گون یای ایمیش.
سنین اوره‌یینی وورا بیلمه‌دی،
منیم ده اوره‌ییم سولاخای ایمیش.
ایسته‌دیم دردیمی سویا دانیشیم،
گؤردوم کی، یارالی آراز اوسته‌یم.
بدخواه ائله بیلدی ییخیلمیشام من،
آنجاق بیلمه‌دی کی، ناماز اوسته‌یم.
یئر اوزو ال آچیب سجده ائله‌سین،
گؤی اوزو ان اوجا پیردی، دئییرم.
یارادان بیردی، بیر؛ اونا گؤره من،
ان بؤیوک رقم ده «بیر»دی، دئییرم.
#علیزاده_نوری
#شعر_اوجاغی
@SheirOcagi
▫️اوجسوز-بوجاقسیز بیر کائیناتین اورتاسیندا تک بیر نؤقطه‌یه سیخیلیب قالمیش ایکن، اطرافینداکی هر شئیین کؤله‌سی اولان من، اؤزومو آختارماقلا ایشه باشلاییرام.
📚 جاهیل فیلوسوف
#وولتر
#شعر_اوجاغی
@SheirOcagi
📚 جاهیل فیلوسوف
#وولتر
#شعر_اوجاغی
@SheirOcagi
▫️هر کس اؤز گؤروش مسافه‌سینی دونیانین سرحدّی سانیر.
📚 زامانی دوردورمانین یولو
#مت_هیگ
#شعر_اوجاغی
@SheirOcagi
📚 زامانی دوردورمانین یولو
#مت_هیگ
#شعر_اوجاغی
@SheirOcagi
▫️اوچونجو گؤز، کؤنول گؤزو
«گؤی اوزو دامار-دامار،
گؤیدن یئره نور دامار.»
ها باخدیم گؤی اوزونه،
نورو گؤره بیلمه‌دیم.
«گؤزلریمین ایشیغی،
بلکه آزالمیش» دئدیم.
خالق حیکمتی هئچ زامان،
یانلیش اولانماز دئیه،
بیر داها باخدیم گؤیه.
گؤردوم ویزیلتی‌لارلا،
اوچان بیر آناش آری،
قوندو گول لچه‌یینه.
دوشوندوم: «بو آرینین،
مرامی نه، قصدی نه؟»
قیزیل گول دیله گلدی،
(یا منه ائله گلدی):
«گؤیدن ائنن او نورو،
گؤره بیلمکچون سنه،
اوچونجو گؤز کرک‌دیر،
گؤیدن ائنن نور سئلی،
یئرده چیچک-چیچک‌دیر.»
گؤزللیک‌لر اؤنونده،
بو ان حئیرتده‌یم من.
چیخماق دا مومکون دئییل،
گؤردویوم گؤزل‌لیگین،
سیرلی جاذیبه‌سیندن.
گؤزل‌لیگه حئیرتیم،
باشقا گؤز وئردی منه.
گورمه‌دیگیم نورو دا،
او گؤز گؤستردی منه.
آنلادیم، اوچونجو گؤز،
منیم کؤنول گؤزوم‌دور.
او گؤز ایله باخاندا،
گئجه ده گوندوزوم‌دور.
او گؤز ایله باخاندا،
من یالنیز اوزو دئییل،
هم ده اؤزو گؤرورم.
بیره باخیب او بیرین-
آرخاسیندا گیزلنَن-
اونو، یوزو گؤرورم.
او گؤز ایله باخاندا،
داشدا دا، تورپاقدا دا،
اوتدا دا، یارپاقدا دا،
دوزَنده ده، داغدا دا،
قارادا دا، آغدا دا،
من اؤزه‌یی گؤرورم.
بو گونه باخماق ایله،
گله‌جه‌یی گؤرورم.
او گؤز ایله باخاندا،
بیر گیزلی سیر گؤرورم.
هله میصراع‌لانمامیش،
نغمه، شعیر گؤرورم.
بیر نغمه‌دیر، شعیردیر،
بو دونیا باشدان-باشا،
کؤنول گؤزویله باخسان.
کؤنول گؤزون یوخدوسا،
بو حیکمتدن اوزاقسان.
#بختیار_واهابزاده
#شعر_اوجاغی
@SheirOcagi
«گؤی اوزو دامار-دامار،
گؤیدن یئره نور دامار.»
ها باخدیم گؤی اوزونه،
نورو گؤره بیلمه‌دیم.
«گؤزلریمین ایشیغی،
بلکه آزالمیش» دئدیم.
خالق حیکمتی هئچ زامان،
یانلیش اولانماز دئیه،
بیر داها باخدیم گؤیه.
گؤردوم ویزیلتی‌لارلا،
اوچان بیر آناش آری،
قوندو گول لچه‌یینه.
دوشوندوم: «بو آرینین،
مرامی نه، قصدی نه؟»
قیزیل گول دیله گلدی،
(یا منه ائله گلدی):
«گؤیدن ائنن او نورو،
گؤره بیلمکچون سنه،
اوچونجو گؤز کرک‌دیر،
گؤیدن ائنن نور سئلی،
یئرده چیچک-چیچک‌دیر.»
گؤزللیک‌لر اؤنونده،
بو ان حئیرتده‌یم من.
چیخماق دا مومکون دئییل،
گؤردویوم گؤزل‌لیگین،
سیرلی جاذیبه‌سیندن.
گؤزل‌لیگه حئیرتیم،
باشقا گؤز وئردی منه.
گورمه‌دیگیم نورو دا،
او گؤز گؤستردی منه.
آنلادیم، اوچونجو گؤز،
منیم کؤنول گؤزوم‌دور.
او گؤز ایله باخاندا،
گئجه ده گوندوزوم‌دور.
او گؤز ایله باخاندا،
من یالنیز اوزو دئییل،
هم ده اؤزو گؤرورم.
بیره باخیب او بیرین-
آرخاسیندا گیزلنَن-
اونو، یوزو گؤرورم.
او گؤز ایله باخاندا،
داشدا دا، تورپاقدا دا،
اوتدا دا، یارپاقدا دا،
دوزَنده ده، داغدا دا،
قارادا دا، آغدا دا،
من اؤزه‌یی گؤرورم.
بو گونه باخماق ایله،
گله‌جه‌یی گؤرورم.
او گؤز ایله باخاندا،
بیر گیزلی سیر گؤرورم.
هله میصراع‌لانمامیش،
نغمه، شعیر گؤرورم.
بیر نغمه‌دیر، شعیردیر،
بو دونیا باشدان-باشا،
کؤنول گؤزویله باخسان.
کؤنول گؤزون یوخدوسا،
بو حیکمتدن اوزاقسان.
#بختیار_واهابزاده
#شعر_اوجاغی
@SheirOcagi
▫️ نیلوفر
اوووووف... نیلوفر
چیچکلرین ماوی‌سی!..
یادداشیمین دفتریندن دوشوب ایتن سن اولدون‌مو؟
یوخسا آدین؟ قادین!..
هئئئئییی!.. ماوی قادین
نه‌دن ائله یاد/داشین کنارینا دوشدون اوزو قوُیلو؟
اوینا! آینا!
آینا! اوینا!
قوللارینی آچ
قاچا بیلمه‌سن ده قاچ
بو آینا داشداندیر
آیاقلاریندان موغایات اول
یاناقلارینا داش باتماسین.
داش دئدیم یادیما دوشدو
بو داشی بیزه کیم آتدی نیلوفر؟
اؤنونده‌کی تیکان حسد آپاریر گولوشلرینه. بیلیرم
و آرخانداکی گول دئییل نیلوفر - گولـله‌دیر...
«آنان اؤلسون نیلوفر،
سارالیبسان نه بَتَر؟!
سندن سونرا بو حیات؛
یئتر، نیلوفر، یئتر...»
#علی_چاغلا
#شعر_اوجاغی
@SheirOcagi
اوووووف... نیلوفر
چیچکلرین ماوی‌سی!..
یادداشیمین دفتریندن دوشوب ایتن سن اولدون‌مو؟
یوخسا آدین؟ قادین!..
هئئئئییی!.. ماوی قادین
نه‌دن ائله یاد/داشین کنارینا دوشدون اوزو قوُیلو؟
اوینا! آینا!
آینا! اوینا!
قوللارینی آچ
قاچا بیلمه‌سن ده قاچ
بو آینا داشداندیر
آیاقلاریندان موغایات اول
یاناقلارینا داش باتماسین.
داش دئدیم یادیما دوشدو
بو داشی بیزه کیم آتدی نیلوفر؟
اؤنونده‌کی تیکان حسد آپاریر گولوشلرینه. بیلیرم
و آرخانداکی گول دئییل نیلوفر - گولـله‌دیر...
«آنان اؤلسون نیلوفر،
سارالیبسان نه بَتَر؟!
سندن سونرا بو حیات؛
یئتر، نیلوفر، یئتر...»
#علی_چاغلا
#شعر_اوجاغی
@SheirOcagi
▫️قاییداق!
قورغوموزون¹ مئهر کؤرپوسو یانمیش،
یوز دیللی سیاست داها بسیم‌دیر.
بوتون «ایسم»لردن اوّل یارانمیش-
منیم ایناندیغیم «آدَمیسم»دیر.
سن منه نه قارماق آتیرسان، بالا؟!
یاخاما ایلیشن نئچه قیرا² وار.
لاپ بئله گول کیمی سیاست اولا،
اوندا دا بیر حیله، بیر ایفترا وار.
«آزادلیق» دئدیگیم هارای کیمی‌دیر،
هر چای بیر یول تاپیب داغ آراسیندان.
ائل-اوبا عؤمرو ده او چای کیمی‌دیر،
اونو چیخارمایین اؤز مجراسیندان!
آ چای بولاندیران، آ تورپاق بؤلن،
آ سرحد یارادان، نه اولوب آخی؟!
آ ناحاق اؤلدورن، آ ناحاق اؤلن،
نه‌دیر تؤکدویون قان، نه اولوب آخی؟!
بو نه وورهاووردور، نه اؤتور-اؤتور؟!
ردّ ائله گؤزومدن بو عینایتی!
بیر داها اوستومدن بو حؤکمو گؤتور!
نه‌ییمه گرک‌دیر، او داش، او چکی؟!
او تورپاق سنینکی، بو دا منیمکی.
اَیه، آدام اوغلو، قوی یاشایاق دا!
بالا، سیاست‌باز، قوی یاشایاق دا!
یوخسا دا اؤز غمی اولان دونیانی،
بیر توخومو آغاج، بیر دنی سونبول،
بیر سونبولو زمی اولان دونیانی،
دارالدیب، گونومو قارالدان آدام!
بالا، آدام اوغلو، نه ایسته‌ییرسن؟!
گئتمه!... اینسانلیغا، ایناما قاییت،
آدم دئدیگیمیز آداما قاییت،
حوّا دئدیگیمیز آناما قاییت!
بیز دوست اللرینی سیخدیق همیشه،
من نامرد الینه اؤیرنمه‌میشم.
من گوللـه سسینه، بومبا فئلینه،
من حیله دیلینه اؤیرنمه‌میشم.
گلین یولا چیخاق، بیر گلین یاخین!
هله بیزیمکی‌دیر بو یئر، بو هاوا.
یول اوسته بو اؤلوم-ایتیمه باخین!
بو گؤزل دونیامیز انصافا قالسا،
اورکده محبّت آیاغا قالخسا،
اورکده عولویّت آیاغا قالخسا،
بلکه بیر بنؤوشه کؤورَک‌لیگی‌یله،
نه بیلیم، بیر چمن چیچک‌لیگی‌یله،
بیر گول باخیشی‌یلا، یارپاق دیلی‌یله،
مئهر اولسا، بیر معصوم اوشاق الی‌یله،
دونیانی اداره ائله‌مک اولار.
دویولسا، بیر آخشام حزین‌لیگیندن،
اوره‌یه مین جوره مرحمت دولار.
آمان، قیران اؤلکه، قیردیران اؤلکه!
کیم بو حزین یاغان آغ قارا باخسا،
او حیرص، او عداوت سویویا بلکه...
سیز آللاه، او تایا، بولودا باخین!
قایایا گؤی نئجه سؤیکه‌نیب دوروب،
دونیا قورغوسونو نه گؤزل قوروب!
حیات، نه‌یی وارسا وئریب بیزلره،
قاییداق او تمیز، کؤورَک حیسلره!
قوی بیر ده بویلانیم کؤهنه ایزیمه!
تانریم قنیم اولسون بیج سیاسته!
سن آللاه، قاییداق او «آدَمیسم»ه!
سیز آللاه قاییداق ایلک محبّته!
من نامرد الینه اؤیرنمه‌میشم،
من حیله دیلینه اؤیرنمه‌میشم.
#موسی_یعقوب
¹- بیر یئرده قورولموش مکانیزم، آوادانلیق (Qurğu)
²- تندیردن چؤره‌یی قوپارماق اوچون قارماقلی آلَت (Qıra)
#شعر_اوجاغی
@SheirOcagi
قورغوموزون¹ مئهر کؤرپوسو یانمیش،
یوز دیللی سیاست داها بسیم‌دیر.
بوتون «ایسم»لردن اوّل یارانمیش-
منیم ایناندیغیم «آدَمیسم»دیر.
سن منه نه قارماق آتیرسان، بالا؟!
یاخاما ایلیشن نئچه قیرا² وار.
لاپ بئله گول کیمی سیاست اولا،
اوندا دا بیر حیله، بیر ایفترا وار.
«آزادلیق» دئدیگیم هارای کیمی‌دیر،
هر چای بیر یول تاپیب داغ آراسیندان.
ائل-اوبا عؤمرو ده او چای کیمی‌دیر،
اونو چیخارمایین اؤز مجراسیندان!
آ چای بولاندیران، آ تورپاق بؤلن،
آ سرحد یارادان، نه اولوب آخی؟!
آ ناحاق اؤلدورن، آ ناحاق اؤلن،
نه‌دیر تؤکدویون قان، نه اولوب آخی؟!
بو نه وورهاووردور، نه اؤتور-اؤتور؟!
ردّ ائله گؤزومدن بو عینایتی!
بیر داها اوستومدن بو حؤکمو گؤتور!
نه‌ییمه گرک‌دیر، او داش، او چکی؟!
او تورپاق سنینکی، بو دا منیمکی.
اَیه، آدام اوغلو، قوی یاشایاق دا!
بالا، سیاست‌باز، قوی یاشایاق دا!
یوخسا دا اؤز غمی اولان دونیانی،
بیر توخومو آغاج، بیر دنی سونبول،
بیر سونبولو زمی اولان دونیانی،
دارالدیب، گونومو قارالدان آدام!
بالا، آدام اوغلو، نه ایسته‌ییرسن؟!
گئتمه!... اینسانلیغا، ایناما قاییت،
آدم دئدیگیمیز آداما قاییت،
حوّا دئدیگیمیز آناما قاییت!
بیز دوست اللرینی سیخدیق همیشه،
من نامرد الینه اؤیرنمه‌میشم.
من گوللـه سسینه، بومبا فئلینه،
من حیله دیلینه اؤیرنمه‌میشم.
گلین یولا چیخاق، بیر گلین یاخین!
هله بیزیمکی‌دیر بو یئر، بو هاوا.
یول اوسته بو اؤلوم-ایتیمه باخین!
بو گؤزل دونیامیز انصافا قالسا،
اورکده محبّت آیاغا قالخسا،
اورکده عولویّت آیاغا قالخسا،
بلکه بیر بنؤوشه کؤورَک‌لیگی‌یله،
نه بیلیم، بیر چمن چیچک‌لیگی‌یله،
بیر گول باخیشی‌یلا، یارپاق دیلی‌یله،
مئهر اولسا، بیر معصوم اوشاق الی‌یله،
دونیانی اداره ائله‌مک اولار.
دویولسا، بیر آخشام حزین‌لیگیندن،
اوره‌یه مین جوره مرحمت دولار.
آمان، قیران اؤلکه، قیردیران اؤلکه!
کیم بو حزین یاغان آغ قارا باخسا،
او حیرص، او عداوت سویویا بلکه...
سیز آللاه، او تایا، بولودا باخین!
قایایا گؤی نئجه سؤیکه‌نیب دوروب،
دونیا قورغوسونو نه گؤزل قوروب!
حیات، نه‌یی وارسا وئریب بیزلره،
قاییداق او تمیز، کؤورَک حیسلره!
قوی بیر ده بویلانیم کؤهنه ایزیمه!
تانریم قنیم اولسون بیج سیاسته!
سن آللاه، قاییداق او «آدَمیسم»ه!
سیز آللاه قاییداق ایلک محبّته!
من نامرد الینه اؤیرنمه‌میشم،
من حیله دیلینه اؤیرنمه‌میشم.
#موسی_یعقوب
¹- بیر یئرده قورولموش مکانیزم، آوادانلیق (Qurğu)
²- تندیردن چؤره‌یی قوپارماق اوچون قارماقلی آلَت (Qıra)
#شعر_اوجاغی
@SheirOcagi
|شعر اوجاغی|
▫️ایکی حؤکمدار 9 ...زیندانا سالدیلار «لئیلا»نی او گون، دونیا زیندان اولدو «محمد» اوچون. لئیلا راضی ایدی اؤز عملیندن، او، زهَر ایچمیشدی عشقین الیندن. محبّت یولوندا چکدیگی عذاب، اونا کدر دئییل، ووقار گتیردی. او، اؤز حیاتینی، جاوان عؤمرونو، اوغورسوز طالعین حؤکمونه…
▫️ایکی حؤکمدار 10
...مکتوبلار دال‌بادال آخدی سارایا،
اعیانلار آلدیلار خانی آرایا،
هره بیر سؤز دئدی؛ چوخ دوشوندو خان،
یئنه ده دؤنمه‌دی اؤز عینادیندان.
دئدی: تئز سارایا چاغیرین اونو،
آنلاداق شاعیره قودوردوغونو!
ساغیندا، سولوندا یالتاق کوبارلار،
بیر یاندا «فضولی»، بیر یاندا «لئیلا».
خانین گؤزلرینده اود وار، آلوو وار،
گاه ساغا بویلانیر، گاه باخیر سولا.
خان: دئییرلر لئیلانین مجنونوسان سن،
نه دئیه بیلرسن محبّتیندن؟
فضولی: اصیل عاشق منم دوزو، حؤکمدار!
مجنونون دونیادا آنجاق آدی وار.
منم بو عصرده عشقین آللاهی،
منی بنزتمه‌یین مجنونا، زینهار!
آهیمجا اولسایدی مجنونون آهی،
یووا تیکردی‌می باشیندا قوشلار؟
خان: لئیلانین شأنینه اوندا گرک سن،
بوردا بداهتاً شعیر دئیه‌سن!
فضولی دانیشمیر...
- هه، بس نه اولدو؟
هجو دئین دیلین نییه توتولدو؟
فضولی دانیشمیر...
- امر ائدیرم من:
گرک حوضورومدا شعیر دئیه‌سن!
فضولی: بیر خان اولسانیز دا، بونو بیلین سیز،
منیم حؤکمداریم سیز دئییلسینیز!
خان: سنین حؤکمدارین بس کیمدیر گؤرن،
اؤزگه خانلیغین‌می تله‌سی‌سن سن؟
فضولی: لئیلا ناموسوم‌دور، لئیلا عاریم‌دیر،
او منیم یگانه حؤکمداریم‌دیر.
عؤمور داستانیم‌دیر او گؤزل پری،
حؤکم اونون حؤکمودور، امر اونو امری...
#بختیار_واهابزاده
#شعر_اوجاغی
@SheirOcagi
داوامی وار
...مکتوبلار دال‌بادال آخدی سارایا،
اعیانلار آلدیلار خانی آرایا،
هره بیر سؤز دئدی؛ چوخ دوشوندو خان،
یئنه ده دؤنمه‌دی اؤز عینادیندان.
دئدی: تئز سارایا چاغیرین اونو،
آنلاداق شاعیره قودوردوغونو!
ساغیندا، سولوندا یالتاق کوبارلار،
بیر یاندا «فضولی»، بیر یاندا «لئیلا».
خانین گؤزلرینده اود وار، آلوو وار،
گاه ساغا بویلانیر، گاه باخیر سولا.
خان: دئییرلر لئیلانین مجنونوسان سن،
نه دئیه بیلرسن محبّتیندن؟
فضولی: اصیل عاشق منم دوزو، حؤکمدار!
مجنونون دونیادا آنجاق آدی وار.
منم بو عصرده عشقین آللاهی،
منی بنزتمه‌یین مجنونا، زینهار!
آهیمجا اولسایدی مجنونون آهی،
یووا تیکردی‌می باشیندا قوشلار؟
خان: لئیلانین شأنینه اوندا گرک سن،
بوردا بداهتاً شعیر دئیه‌سن!
فضولی دانیشمیر...
- هه، بس نه اولدو؟
هجو دئین دیلین نییه توتولدو؟
فضولی دانیشمیر...
- امر ائدیرم من:
گرک حوضورومدا شعیر دئیه‌سن!
فضولی: بیر خان اولسانیز دا، بونو بیلین سیز،
منیم حؤکمداریم سیز دئییلسینیز!
خان: سنین حؤکمدارین بس کیمدیر گؤرن،
اؤزگه خانلیغین‌می تله‌سی‌سن سن؟
فضولی: لئیلا ناموسوم‌دور، لئیلا عاریم‌دیر،
او منیم یگانه حؤکمداریم‌دیر.
عؤمور داستانیم‌دیر او گؤزل پری،
حؤکم اونون حؤکمودور، امر اونو امری...
#بختیار_واهابزاده
#شعر_اوجاغی
@SheirOcagi
داوامی وار
▫️بیلرسن‌می نه چتین‌دیر سئوه‌رک یاشاماق-
اونا «منیمسن» دئییب قوجاقلایا بیلمه‌مک؟...
نه چتین‌دیر همیشه یاخین حیسّ ائدیب
اصلینده اوندان اوزاق اولماق؟!
#جان_یوجل
#شعر_اوجاغی
@SheirOcagi
اونا «منیمسن» دئییب قوجاقلایا بیلمه‌مک؟...
نه چتین‌دیر همیشه یاخین حیسّ ائدیب
اصلینده اوندان اوزاق اولماق؟!
#جان_یوجل
#شعر_اوجاغی
@SheirOcagi
▫️اینسانلار یامانلیق‌لا دولو ایشلری سئودیکلری اوچون، قارانلیغی آیدینلیقدان داها چوخ سئودیلر.
📚 دین نه دئمک‌دیر و اونون ماهیّتی نه‌دیر؟
#لئو_تولستوی
#شعر_اوجاغی
@SheirOcagi
📚 دین نه دئمک‌دیر و اونون ماهیّتی نه‌دیر؟
#لئو_تولستوی
#شعر_اوجاغی
@SheirOcagi
▫️اوینایان اؤلوم
بو اؤلوم منی ده یولدان چیخاردی،
گؤزویله، قاشی‌یلا اوینایان اؤلوم.
بالامی الیمدن آلیب آپاردی،
گؤزومون یاشی‌یلا اوینایان اؤلوم.
مین آدام ایچینده منی ساغ تاپان،
آختاریب منه ده «دار اوتاق» تاپان،
باغریمین باشیندا «اویونجاق» تاپان،
باغریمین باشی‌یلا اوینایان اؤلوم.
امانت وئریلن، ابدی اولماز،
عؤمور، غم یوکلَنن دوه‌دی، اولماز.
هئچ کسین «تویونا» دعوتی اولماز،
گلیب اؤز خوشویلا اوینایان اؤلوم.
#علیزاده_نوری
#شعر_اوجاغی
@SheirOcagi
بو اؤلوم منی ده یولدان چیخاردی،
گؤزویله، قاشی‌یلا اوینایان اؤلوم.
بالامی الیمدن آلیب آپاردی،
گؤزومون یاشی‌یلا اوینایان اؤلوم.
مین آدام ایچینده منی ساغ تاپان،
آختاریب منه ده «دار اوتاق» تاپان،
باغریمین باشیندا «اویونجاق» تاپان،
باغریمین باشی‌یلا اوینایان اؤلوم.
امانت وئریلن، ابدی اولماز،
عؤمور، غم یوکلَنن دوه‌دی، اولماز.
هئچ کسین «تویونا» دعوتی اولماز،
گلیب اؤز خوشویلا اوینایان اؤلوم.
#علیزاده_نوری
#شعر_اوجاغی
@SheirOcagi
▫️- ان چوخ آختاردیغین نه‌دیر؟
+ اؤزوم... کیم اولدوغومو، اصلینده نه ایسته‌دیگیمی آنلاماق ایسته‌ییرم.
📚 آرت و خائوس
#قاراقان
#شعر_اوجاغی
@SheirOcagi
+ اؤزوم... کیم اولدوغومو، اصلینده نه ایسته‌دیگیمی آنلاماق ایسته‌ییرم.
📚 آرت و خائوس
#قاراقان
#شعر_اوجاغی
@SheirOcagi
▫️بعضیلری «سئویرم» دئیر، چونکی ازبرله‌میشدیر.
بعضیلری دئیه بیلمز، چونکی گئرچکدن سئومیشدیر.
#جان_یوجل
#شعر_اوجاغی
@SheirOcagi
بعضیلری دئیه بیلمز، چونکی گئرچکدن سئومیشدیر.
#جان_یوجل
#شعر_اوجاغی
@SheirOcagi
▫️ساپی اؤزوموزدن اولان بالتالار
هانی بو مئشه‌نین یاشیل قاتلاری،
دمیر آغاجلاری، شاه پالیدلاری؟
ساپی اؤزوموزدن اولان بالتالار،
یامان کسدی بیزی، اوغرادی بیزی،
آلیب اؤزوموزدن، دوغرادی بیزی.
اؤز آغریلاریمیز، آجیلاریمیز،
بالتا ساپی اولان آغاجلاریمیز،
بلکه پاسیمیزدان، پاخیریمیزدان،
بلکه نفسیمیزدن، پاخیلیمیزدان،
بیر آغاج یالاقدان¹، بیر ترس جالاقدان²،
بلکه ایچیمیزه دوشن عالاقدان،
گؤیریب، چوخالیب گونون بیرینده،
ایچیب سویوموزون دورو یئریندن،
یامان سیخدی بیزی، قوروتدو بیزی،
بیری-بیریمیزدن سویوتدو بیزی.
پالیدی، چیناری سیفته دوغرادی،
بیزی کؤتویوموز اوسته دوغرادی،
ساپی اؤزوموزدن اولان بالتالار.
ساپیمیزا کئچن بوغازیمیزدی،
باشیمیزا دیَن قاپازیمیزدی،
یولوموزو کسن دوققازیمیزدی،³
ساپی اؤزوموزدن اولان بالتالار.
آمان، قیچیمیزی سیخان منگنه!
آمان، دؤشوموزو دؤین خالتالار!⁴
بو نه‌دیر؟! دوشموشوک کیمین فئلینه؟
بو ساپی وئرمیشیک نامرد الینه،
بو ساپی وئرمیشیک اؤزگه الینه،
الیمیز کسیلیر اؤز الیمیزله،
دیلیمیز کسیلیر اؤز دیلیمیزله.
ساپینین اوجوندا قیزیل اؤرتوگو،
تییه‌سی⁵ آلتیندا جلّاد کؤتوگو،
کسدی باشیمیزی، یاشیلیمیزی،
ساپی اؤزوموزدن اولان بالتالار.
گرک اؤز کؤکونده قایناسین قانین،
گئدیب اؤزگه‌سینه تاپینماق اولمور.
ساپی اؤزوموزدن اولان بالتادان،
هئچ جور قاچماق اولمور، ساقینماق اولمور.
دوشمن اسکیک اولمور قاپیدان، هارای!
ساپی اؤزوموزدن اولان بالتانین،
تییه‌سیندن هارای، ساپیندان هارای!
هارای دردلریمیز، آجیلاریمیز،
بالتا ساپی اولان آغاجلاریمیز!
#موسی_یعقوب
¹- یالتاق (Yalaq)
²- پئیوند، قلمه (Calaq)
³- حیَطین، باغین... حاصاریندا بیر-بیرینه کئچیریلن آغاجلاردان عیبارت اولان ساده قاپی (Doqqaz)
⁴- حئیوانلارین بوینونا کئچیریلن قاییش (Xalta)
⁵- کسیجی آلَت‌لرین کسن طرفی (Tiyə)
#شعر_اوجاغی
@SheirOcagi
هانی بو مئشه‌نین یاشیل قاتلاری،
دمیر آغاجلاری، شاه پالیدلاری؟
ساپی اؤزوموزدن اولان بالتالار،
یامان کسدی بیزی، اوغرادی بیزی،
آلیب اؤزوموزدن، دوغرادی بیزی.
اؤز آغریلاریمیز، آجیلاریمیز،
بالتا ساپی اولان آغاجلاریمیز،
بلکه پاسیمیزدان، پاخیریمیزدان،
بلکه نفسیمیزدن، پاخیلیمیزدان،
بیر آغاج یالاقدان¹، بیر ترس جالاقدان²،
بلکه ایچیمیزه دوشن عالاقدان،
گؤیریب، چوخالیب گونون بیرینده،
ایچیب سویوموزون دورو یئریندن،
یامان سیخدی بیزی، قوروتدو بیزی،
بیری-بیریمیزدن سویوتدو بیزی.
پالیدی، چیناری سیفته دوغرادی،
بیزی کؤتویوموز اوسته دوغرادی،
ساپی اؤزوموزدن اولان بالتالار.
ساپیمیزا کئچن بوغازیمیزدی،
باشیمیزا دیَن قاپازیمیزدی،
یولوموزو کسن دوققازیمیزدی،³
ساپی اؤزوموزدن اولان بالتالار.
آمان، قیچیمیزی سیخان منگنه!
آمان، دؤشوموزو دؤین خالتالار!⁴
بو نه‌دیر؟! دوشموشوک کیمین فئلینه؟
بو ساپی وئرمیشیک نامرد الینه،
بو ساپی وئرمیشیک اؤزگه الینه،
الیمیز کسیلیر اؤز الیمیزله،
دیلیمیز کسیلیر اؤز دیلیمیزله.
ساپینین اوجوندا قیزیل اؤرتوگو،
تییه‌سی⁵ آلتیندا جلّاد کؤتوگو،
کسدی باشیمیزی، یاشیلیمیزی،
ساپی اؤزوموزدن اولان بالتالار.
گرک اؤز کؤکونده قایناسین قانین،
گئدیب اؤزگه‌سینه تاپینماق اولمور.
ساپی اؤزوموزدن اولان بالتادان،
هئچ جور قاچماق اولمور، ساقینماق اولمور.
دوشمن اسکیک اولمور قاپیدان، هارای!
ساپی اؤزوموزدن اولان بالتانین،
تییه‌سیندن هارای، ساپیندان هارای!
هارای دردلریمیز، آجیلاریمیز،
بالتا ساپی اولان آغاجلاریمیز!
#موسی_یعقوب
¹- یالتاق (Yalaq)
²- پئیوند، قلمه (Calaq)
³- حیَطین، باغین... حاصاریندا بیر-بیرینه کئچیریلن آغاجلاردان عیبارت اولان ساده قاپی (Doqqaz)
⁴- حئیوانلارین بوینونا کئچیریلن قاییش (Xalta)
⁵- کسیجی آلَت‌لرین کسن طرفی (Tiyə)
#شعر_اوجاغی
@SheirOcagi
▫️نئجه ده آمانسیز، یوخ ائدیجی بیر وارلیق‌دیر بو اینسان! اؤز حیاتینی داوام ائتدیره بیلمک اوچون نه چوخ جانلی وارلیغی، بیتکینی یوخ ائدیر!
📚 حاجی موراد
#لئو_تولستوی
#شعر_اوجاغی
@SheirOcagi
📚 حاجی موراد
#لئو_تولستوی
#شعر_اوجاغی
@SheirOcagi
▫️افغانستاندا اوشاق چوخدور، آمّا اوشاقلیق یوخدور. دونیادا دا اینسان چوخدور، آمّا اینسانلیق یوخدور.
📚 چرپلنگ اوچوران
#خالد_حسینی
#شعر_اوجاغی
@SheirOcagi
📚 چرپلنگ اوچوران
#خالد_حسینی
#شعر_اوجاغی
@SheirOcagi
▫️بو عشق حسرت ایله گؤزَلدی بلکه.
ایلاهی، «سؤز» آدلی داش-قاشی* گؤندر!
گؤندر کی، دفینه بیر شعیر یازیم.
ایلاهی، گؤیلری گؤی واراق ائیله!
سنین شرفینه بیر شعیر یازیم.
یوخوشا دیره‌نیب یولوم، ایلاهی!
بو یولو من نئجه یوروم، ایلاهی؟!
بو عشقه بیر هئیکل یونوم، ایلاهی!
بو عشقین نفعینه بیر شعیر یازیم.
بو یارپاق دیریلمیش خزل‌دی، بلکه،
بو عشق حسرت ایله گؤزَلدی بلکه.
دئییرم، بو دونیا دوزَلدی بلکه،
اَیری طرفینه بیر شعیر یازیم.
#علیزاده_نوری
* قیمتلی داشلار، جواهرات (Daş-Qaş)
#شعر_اوجاغی
@SheirOcagi
ایلاهی، «سؤز» آدلی داش-قاشی* گؤندر!
گؤندر کی، دفینه بیر شعیر یازیم.
ایلاهی، گؤیلری گؤی واراق ائیله!
سنین شرفینه بیر شعیر یازیم.
یوخوشا دیره‌نیب یولوم، ایلاهی!
بو یولو من نئجه یوروم، ایلاهی؟!
بو عشقه بیر هئیکل یونوم، ایلاهی!
بو عشقین نفعینه بیر شعیر یازیم.
بو یارپاق دیریلمیش خزل‌دی، بلکه،
بو عشق حسرت ایله گؤزَلدی بلکه.
دئییرم، بو دونیا دوزَلدی بلکه،
اَیری طرفینه بیر شعیر یازیم.
#علیزاده_نوری
* قیمتلی داشلار، جواهرات (Daş-Qaş)
#شعر_اوجاغی
@SheirOcagi