▫️آنلاییرسان کی، اصلینده کیمسه‌نین کیمسه‌دن فرقی یوخدور. ساده‌جه بیری داها یاخشی یالان دانیشیر، بیری داها یاخشی اویناییر اویونونو...

#جان_یوجل
#شعر_اوجاغی
@SheirOcagi

‍ ▫️بعضاً حیات یورار اینسانی...
شارقیلار یورار...
گؤزله‌مک یورار...
عفو ائتمک یورار...
خوش گؤرمک یورار...
بوش وئرمک بئله، یورار...
و اینسان سوسار...
هر شئیه، هر کسه رغماً،
الیندن گلن تک شئیی ائدر:
باغیرا- باغیرا سوسار...

#جان_یوجل
#شعر_اوجاغی
@SheirOcagi

▫️اؤیله هر کسی سئومه‌یه‌جکسن!
«سئویرم» دئمه‌یه‌جکسن!
«سنی سئویرم.» دئیه بیلمک اوچون،
گرَکیرسه، بیر عؤمور گؤزله‌یه‌جکسن!...

#جان_یوجل
#شعر_اوجاغی
@SheirOcagi

▫️بعضاً گئتمک لازیم،
چوخ یورمادان،
داها چوخ بئزدیرمه‌دن.
واختی چاتیبسا،
آرخانا بئله دؤنوب باخمادان...

#جان_یوجل
@SheirOcagi

▫️گئتمک گرَکیر بعضاً،
داها چوخ یورمادان،
داها چوخ اوساندیرمادان،
ایَر واختی‌یسا،
آرخانا بئله دؤنوب باخمادان...

#جان_یوجل
#شعر_اوجاغی
@SheirOcagi

▫️بیزیمکیسی بیر عشق حئکایه‌سی دئییلدی،
عشق ایدی بیزیمکیسی،
گئریسی حئکایه ایدی.

#جان_یوجل
#شعر_اوجاغی
@SheirOcagi

▫️بیر ال توتماق ایسترسن بعضاً،
یا دا بیرینی قوجاقلاماق.
تأسّوف کی، اجازه وئرمز حیات.
اؤزونو قوجاقلامالیسان سن ده حیاتا عیناد!

#جان_یوجل
#شعر_اوجاغی
@SheirOcagi

▫️بیرینی سئوه‌جکسن‌سه، اونو هر شئیینله سئومه!
چونکی بیتدیگینده، اونو اونودا بیلمه‌مه‌یینه دئییل،
اونودا بیلمه‌یه‌جک قدر چوخ سئودیگینه یانارسان.

#جان_یوجل
#شعر_اوجاغی
@SheirOcagi

▫️بیر اینسانا زورلا سئودیره بیلمزسن اؤزونو،
«منه گووَن!» دئیه بیلمزسن.
او بونو حیسّ ائتمیرسه،
تک بیر سؤز سؤیله‌یه بیلرسن:
«اؤزون بیلرسن!»

#جان_یوجل
#شعر_اوجاغی
@SheirOcagi

▫️بیلمه‌لیسن کی:
گئرچک آرخاداشلارین آراسینا مسافه گیرمز،
گئرچک عشقلرین ده.

#جان_یوجل
#شعر_اوجاغی
@SheirOcagi

▫️بیلرسن‌می نه چتین‌دیر سئوه‌رک یاشاماق-
اونا «منیمسن» دئییب قوجاقلایا بیلمه‌مک؟...
نه چتین‌دیر همیشه یاخین حیسّ ائدیب
اصلینده اوندان اوزاق اولماق؟!

#جان_یوجل
#شعر_اوجاغی
@SheirOcagi

▫️بعضیلری «سئویرم» دئیر، چونکی ازبرله‌میشدیر.
بعضیلری دئیه بیلمز، چونکی گئرچکدن سئومیشدیر.

#جان_یوجل
#شعر_اوجاغی
@SheirOcagi

▫️بعضاً هر شئیی اونودوب ساده‌جه سیم‌سیخی ساریلماق ایسترسن،
آما بیر شئی همیشه انگل اولار،
آدی نه‌دیر؟
غورور.

#جان_یوجل
#شعر_اوجاغی
@SheirOcagi

▫️بعضاً چتین‌دیر دؤنمک،
یا دا هر شئیی اونودوب گئتمک.
آنلادیم کی:
اینسانی ان آغریدان شئی،
سئویلمه‌دیگینی بیلدیگی حالدا،
دلی‌جه‌سینه سئومک.

#جان_یوجل
#شعر_اوجاغی
@SheirOcagi

▫️بوراخین «سنین اوچون اؤله‌رم» سؤزلرینی!
اؤنجه اؤزونوز اوچون یاشاماغی اؤیره‌نین،
سوْنرا باشقاسی اوچون اؤلرسینیز!

#جان_یوجل
#شعر_اوجاغی
@SheirOcagi

‍ ▫️هر شئی سنده گیزلی

یئرین سنی چکدیگی قدر آغیرسان،
قانادلارین چیرپیندیغی قدر یونگول.
قلبینین آتدیغی قدر جانلیسان،
گؤزلرینین اوزاغی گؤردویو قدر گنج.
سئودیکلرین قدر یاخشیسان،
نیفرت ائتدیکلرین قدر پیس.

نه رنگ اولورسا اولسون قاشین-گؤزون،
قارشینداکینین گؤردویودور رنگین.

یاشادیقلارینی قازانج سایما:
یاشادیغین قدر یاخینسان سونونا.
نه قدر یاشارسان یاشا،
سئودیگین قدردیر عؤمرون.

گوله بیلدیگین قدر خوشبختسن.
اوزولمه،
بیل کی آغلادیغین قدر گوله‌جکسن!
ساقین، بیتدی سانما هر شئیی!
سئودیگین قدر سئویله‌جکسن.
گونشین دوغوشوندادیر دوغانین سنه وئردیگی دیَر.
و قارشینداکینا دیَر وئردیگین قدر اینسانسان.

بو گون یالان سؤیله‌یه‌جکسن اگر،
بوراخ قارشینداکی سنه گووَندیگی قدر اینانسین!
آی ایشیغیندادیر سئوگیلی‌یه حیسّ ائدیلن حسرت،
و سئوگیلینه حسرت قالدیغین قدر اونا یاخینسان.

اونوتما! یاغمورون یاغدیغی قدر ایسلاقسان،
گونشین سنی قیزیشدیردیغی قدر ایستی.
اؤزونو یالنیز حیسّ ائتدیگین قدر یالنیزسان،
و گوجلو حیسّ ائتدیگین قدر گوجلو.
اؤزونو گؤزل حیسّ ائتدیگین قدر گؤزَلسن.

ایشده بودور حیات،
ایشده بودور یاشاماق؛
بونو خاطیرلادیغین قدر‌ یاشارسان،
بونو اونوتدوغوندا، آلدیغین هر نفَس قدر اوشویَرسن،
و قارشینداکینی اونوتدوغون قدر تئز اونودولارسان.

چیچک سولاندیغی قدر گؤزل‌دیر،
قوشلار اوخویا بیلدیگی قدر سئویملی.
ببک‌، آغلادیغی قدر ببک‌دیر؛
و هر شئیی، اؤیرندیگین قدر بیلرسن.
بونو دا اؤیرن:
سئودیگین قدر سئویلرسن.

#جان_یوجل
#شعر_اوجاغی
@SheirOcagi