قصص وروايات✏

#ذات_شتاء 🌨
#البارت_الحادي_عشر

..................................................

وقف سيارته عند بيتهم طفاها،،
سند ظهره،،،ظل جالس ويفكر بكلام طارق !!!!
أخذ الورقة قعد يتصفحها،،
سوا تحليل عشان اصدقه وبنفس الوقت يستخف فيني!!
طيب يمكن يكذب يمكن مروج مو مدمن !!خلاص انا صرت لايمكن اصدقه بالنسبة لي صار لي شقفة كذاب,,
ياالله رااااسي بينفجرر،،
دق ع مازن ،،
فهد: هلا مازن وينك؟؟
مازن: جالس بالحديقه اطقطق ع النت،،
فهد:مازن شوف ترا مراح اتغدا معكم،،
مازن: يووه وشلون بقول لامي هالحين..؟!
فهد: لا عاد الامور ذي تخصصك يالله سلاااام عليكم،،

دق فهد ع عبدالله،،
عبدالله: هلاااا والله وغلا،،
فهد: وش تسوون؟!!
عبدالله: أبد متكين وسلمان ينصب علينا،،
فهد:تغديتوا !!
عبدالله: لااا باقي عليه شويات،،
فهد: طيب انا جايكم..!!
عبدالله: هاذي الساعه المباركه الي فكرت فينا،،
فهد: لا بس طفشت،،
عبدالله: يالله بننتظرك،،

كانت الساعه 2 الظهر..

سطام:لاتقول ان فهيد جاي !!
عبدالله: إلاااا بيجي يقول طفش،،
سطام: أنا هالولد بيجيب نهايتي ودي اعرف وش ساالفته بالضبط؟؟
سلمان: وش عنده غير رايه غريبه؟؟!

وصل الخيمه ،،

نزل فهد بتثاااااااقل ،،،

قاموا العيال وسلمووا ،،
سلمان: مآ شاءالله كذا أجواءكم دايم وماتبي تجي..،
فهد: دايم أحلى،،،،
نواف: اسستريحوا ،،
سطام لفهد: شعندك مطنششناا توقعناك مراح تجي،،
فهد:مايصير الواحد يغير رااايه يععني؟؟!
تعجب سطام من رده بس مشاها له ،،
فارس: وطارق وينه؟؟
فهد :مايبي يجي،،
عبدالله: وش سالفتك فهد احس ورااك شي ياخي تكلم قل شي؟؟!
سلمان متنح : ليه طارق وش به وفهد وش دخله ؟؟
فهد :ماوراي شي ماتبوني؟ ارجع!!
صاح عليه سامي: فهد وآخرتها معك وش فيك ؟؟ طارق وينه بتخبلنا انت ياخوي تكلم ولا بتصرف معك تصررف ثاني ..!!
صرخ عليه بعد ،،: لا تناااافخ خلاص ماااابي اتكلم الدعوه غصب يعني!!

سكت سامي وقعد يناظر الشباب مستغرب والشباب اكثر استغرااب منه ،،
ابتسم سامي ع خفيف حط ايده ع كتفه،،:فهود اكيد مراح اجبرك تكلم انت حر بس الله يهديك تبيني اشوفك ضايق وأسسكت..
فهد: ماتقصر سامي يابعدهم،،
سلمان: باين انكم ماتبوني اعترفوا ،،
فارس :ايه مانبيك ليش جاي !!
سلمان: بحششركم عندك مانع

وقف سامي ،،:يالله شباب خلونا نضف الخيمه كلش إلا ان فهد يعصب..
سطام: يالله قووه،،
وسلمان قاعد متنح ،،:افففف تكلموا شفيكم لو داري اني بلقاكم كذا كان جيت بطيارة الاسبوع الجاي وباسط بكندآ،،
التفت له عبدالله وقال بهمس،،:ولد عمك مادري شفيه،،
سلمان مستغرب: وراه حتى انا حاس ان فيه شي بس هو مو راضي يتكلم،،
عبدالله،،:المشكله ان طارق راح ع سيارته من أمس وماندري شصار عليه،،
سلمان،،: أهااا وماقالكم شي ؟!!
فارس ينادي،،:عبادي سلووم ماودكم تساعدونااا ؟؟!
سلمان: خمس رجال يكفون وزياده،،
سامي: ممم فهد شكل الاخلاق موب كل ذا تقدر تريح،،
سطام: إلا فهد عاد جد رفيقك وش صار عليه عاد انا ماتقدر تكسحني؟؟!
فهد: مااادري ،،
نواف: شلون ماتدري !!
عبدالله :ماهو تقعد تنافخ علينا علمنا وش سالفتك وفكنا عاد ليش جاي دامك منفس علينا,
تنهد فهد قال:إن لله،، شباب مافيه شي وطارق سافر الشرقيه راح لاهله خلاص ارتحتوا كذا،،
سامي: طارق سافر الشرقيه غرريبه والله ؟؟!!
فارس: فعلا المفروض يقولنا !!
نواف: طيب وراا ماسلم او ع الاقل قالنا !!
سطام: أمره غريب هالرجال برااسي اتصل عليه شرايكم !!
عبدالله : والله مب شينه..
سطام: شرايك فهد الوقت مناسب ؟!
وفهد كان سرحاااان،،
فارس:الوو فهيد معنا ؟!!
فهد: هاااه وش عندكم؟؟!
سطام: ابد بس حبيت ادق ع رفيقك شرايك الوقت مناااسب !!
فهد: وانا شدخلني دق ..
سطام: طيب طيب روق شوي،،ودق عليه،، ألووو هلااا طارق ،،
طارق مستغرب من اتصال سطام اول مرره يدق عليه :س سطام هلا هلا،،
سطام: قالوا لنا انك رحت الشرقيه وراااك يارجال حتى ماسلمت علينا قبل تمشي !!
فهم انها كذبه من فهد ،،وقال:ياخوك كنت مستعجل وجت كذا إن شاءلله راح أمركم ،،
سطام :طيب طروق بسألك ؟؟!
والكل قعد يطالع سطام باستغرااب مايدرون شعنده وأولهم فهد ،،!!
كمل ،،سطام:ماتدري شعند خويك ضايق والنفسيه دمااار كن ميت له احد خبرك نسأله يصرفنا بكم كلمه قلت اسألك كود انك تدري ؟؟!
سسسكت طارق وطول وهو ساااكت،،،
سطام: ألووو طارق معي---وقفل
سطام مستغرب،،:هه شعنده قفل ؟؟!
سلمان: يالدلخ يمكن رصيدك خلص !!
سطام:يالدلخ جوالي فاتوره !!
فهد: طيب وش قالك ؟؟!!
سطام:قفل بوجهي ،،
فهد يضحك :تعيش وتآكل غيرهآآ،،
سلمان: إيه فهيد اضحك كذا من اول ماجيت وانت حارمنا من هالوجه الصبوح،،

عبدالله: الحمدلله دام السالفه بس كذا يالله خلونا نكمل شغل ،،
سلمان :ياجماعه ودي اقابل طارق ذا الي ساحر عقل فهد،،
التفت له فهد وقاله بجد: على كيفك تقول هالكلاااام وش ذي ساحر عقلي ؟؟!
سلمان: والله ياخوك اكثر من يهرج لي عنه انت !!!!
سامي :اصفطواا التيازير وخلو عنكم النقره ،،
ضفوا خيمتهم ،،
وصلوا المغرب،،
وقبل لا يرو

708 views21:23

قصص وروايات✏

#ذات_شتاء 🌨
#البارت_الثاني_عشر

دخل عليهم فهد كانوا يلعبون بلوت،،
سطام: هلا فهد إستريح،،
فهد:هاه سامي وش كنت تبي ؟؟!
فارس:شكلك مستعجل..!
فهد:تقدر تقول،،
سامي: فهد بكره دوامات..!
فهد:ماظنتي بكره أحظر..!!
سطام: ليييييش تراك طب مو من صالحك الغياب،،
نواف بجديه تامه: فهد لو واحد منا متضايق نشبت بحلقه لين ماتخليه يقولك الشي الي مضايقه وساعتها تقدر تحل مشكلته،،
كمل فارس: بس أنت إذا جينا نسألك يجن جنونك وتقعد تنافخ علينا كنا غالطين عليك..
فهد رافع حواجبه: يعني انتو مافهمتوا شي من الي قاعد يصير ؟؟!
عبدالله:عاااارفين ان طارق صدمك بحركته وانك بعد موب راضي تصدقه وانه بعد سافر الشرقيه بس الي مانعرفه انت ؟!!
فهد: كيف يعني ؟؟!
عبدالله: الي نقصده ان روحة طارق أثرت بك صايره نفسك ع راس خشمك وماتحمل تكلم مع احد ،،
فهد: يمكن !!!
سطام:والحل..؟؟!
فهد: طيب زين،، أنا اللحين بروح البيت راسي مصدع بنام وبكره يصير خير،،
نواف : وين تنام باقي ع آذان المغرب ربع ساعة..!
فهد :راح اصلي ثم انام يالله سلام،،
مسك ايده سامي،،: على وووين؟؟!مو تاركينك إلا إذا تكلمت زي العالم والناس بعدين جاي ومتعني وبتمشي بهالسرعه..
فهد :والله عبالي عندكم شي مهم طلعتوا جوعانين كلام ليس الا ،،
وفلت ايده ومشى !!

وقبل لا يوصل الباب ناداه سطام,,: تدري عاد بالطقاق انت وياه عمركم ماتصالحتم اقلقتوا امنا,,

تلفتووا لبعض مستغربين وانواع التناحه فيهم !!
عبدالله: لااا لااا هالسالفه مأثره بفهد كثييييييييير..
سامي: بسوي حركة مجاازفه وياويل احد يهاوشني !!
فارس بنص عين: وش ؟؟
سطام: سااااامي !!
عبدالله: اذا شي ينفع لحالتنا ياليت،،
سامي: بدق ع طارق !!
نواف: وش بتقول؟؟
سامي: بقوله عن فهد ؟؟!
سطام: بالله عليك بتجيب العيد انت عشان فهد يذبحك ويذبحنا عقبك !!
سامي:لييييييييييه طيب !!
نواف: صراحتن اول مره احسني ماعرف فهد ولا اعرف وش يبي !!
سطام: طيب يمكن فيه حلقه مفقوده بالسالفه اقصد ان يمكن فعلا طارق مثل مايظن فهد وحنا الي فاهمين غلط !!
فارس: قصدك يعني ان طارق صج ياخذ حبوب!!
سطام:اييييييييه وهذا الي مدمر نفسية فهد !!
عبدالله: ياعيال فكروا فيها صح والله الرجال مظلوم،،
سامي: صراااحه من حالة فهد بديت اشك بطارق،،
نواف: هو فهد لو يفهمنا السالفه بس كان اتضح كل شي،،
فارس:مشكلته كتوم ومايفضفض..!
عبدالله:هالحين خلونا نصلي المغرب..

وبعد الصلاه الكل راح لبيته ..

الكل كان مستغرب من حالة فهد امه وابوه وحتى مازن واللي يقهر مايدرون وش السر !!!

دق مازن ع سامي يبي يفهم الموضوع..!!
سامي:هلا وعليكم السلام،،
مازن: والاخبار والعلوم ..
سامي :الحمدلله كويسين،،
مازن: سامي بسألك عن فهد يمكن تقول اخوك وين تسألني عنه بس انت تخبره مايتكلم آبد،،
تنهد سامي،،:والله يامازن وش اقولك بس اتوقع ان سفرة طارق مأثره به !!
مازن: اووما الا غيره!!
ضحك سامي ويقول بقلبه وانت وش عرفك يامازن،، قال: ولايمكن فصله من فصلاته،،
مازن: يمكن!!طيب انت وينك الحين؟؟
سامي: بالبيت،،
مازن: وراه مانتم بالاستراحه،،
سامي: لا تفرقنا بدري لايكون ناوي تجي عادي اخاويك ترا
،،: لالا مو كذا يالله سامي سلام ،،
سامي: وعليكم السلام..

سامي كان قاعد بغرفته،،
يفكر بفهد ووش ممكن يصير عقب !!
أدق ع طارق وافهم السالفه منه واحاول اصلح بينهم ؟؟!
ولا أكلم فهد يمكن يقول وش الي مضايقه بالضبط؟؟!
ماأقدر اجلس كذا مرتاح وانا اشوف فيه مشكله لاحد العيال ومقدر احلها..
دق ع نواف:هلا نواف ماودك نروح الاستراحه،،
نواف: اي والله ياليت..
سامي: يالله اجل اشوفك هناك،،

جالسين بالمقهى ،،
سلمان: صاير يقفل بدري هالمقهى،،
وفهد ساكت ..
سلمان: بداوم بكره،،؟
فهد: مادري الئ الآن ماقررت،،
سلمان: ليش آحسني زي الاطرش بالزفه!!
فهد: وش فيك سلمان؟؟!
سلمان بتعصيب:انا ولا انت الي مايندرئ وش فيه؟؟؟!
فهد: طيب سلمان حط نفسك مكاني اصدق بالله كيف راح تكون ردة فعلك؟؟!!!
سلمان:يمكن فااااااهم غلط !!
فهد :يارجاااال وش فاهم غلط لاتقعد تبرر له،،
سلمان: تبي الصراحه شكلك تبي الفكه منه باي شكل وهالسبب جاك من الله ولا معقول مالتمست له اي عذر ..!!!
فهد: يعني صرت انا الغلطان !!!
سلمان :إن لله وإنا إليه لراجعون كلكم غلطاانين ولازم تشوفون لكم حل باقرب وقت،،

ويدق جوال فهد كان خاله أديب،،
فهد:هلا هلاوالله...ابد بس انا وسلوم قاعدين بالمقهئ حقنا...ايه ايه فاضي قالي مازن انك جيت تبيني بموضوع...خلاص اجل انتظرك هنا...وعليكم السلام..
سلمان: خالك أديب!!
فهد: ايه يقول يبيني بموضوع..
سلمان: أجل يالله انا ماشي..
فهد: يارجال استريح منت غريب،،
سلمان: آقول سلام وبكره داوم ترا بفضحك عند العميد،،
ابتسم: تسويها،،

وبعد عشر دقايق من روحة سلمان جا أديب لقى فهد ع الطاوله كانت جلسته جلسة المهموم الي ضايقه عليه الوسيعه،،
أديب: مسيت بالخير،،
فهد: ياهلا مسيت بالنور،،
تنهد أديب قال ومن دون مقدمات: فهد الساعه الحين عشر ورانا دوامات بكره ول

684 views09:33

قصص وروايات✏

#ذات_شتاء 🌨
#البارت_الثالث_عشر

صار يتمشى بالحي بهدوء ويمشي خفيف ومساعد يعلمه ع الجيران هذا بيت فلان ووهذا بيت فلان لان طارق اغلب وقته بغرفته مايطلع ولا يحتك بأحد,,
طارق يطالع الطريق: مماشاءالله حي مخملي ,,
مساعد: مايليق ع الاحياء المخملية الا زينب,,
ابتسم التفت له: الا ماقلتلي متى وكيف تزوجتوا ووشلون اصلا قررتوا ,,
مساعد: نصيب ياعمي,,
تنهد طارق وطالع الطريق: ماعلمتوني!! محد اتصل علي!! محد اهتم لي اساسا ماقلتم ولدها خلوه يفرح معها تركتوني وانا صغير بحاجة--
قاطعه مساعد مستنكر: خييير انت خلاص عاد مايصلح لك الي قاعد تسويه,,
طارق: كلكم تقولون كذا انسى الماضي خلاص عيش حياتك لانه وببساطة ماعاش الي عشته ولا كان سويتو ألعن مني
مساعد وضايق من كلامه: رجعنا البيت بس الشرهه ع الي يطلع معك,,
وكان ماشي وشوي اسرع ويطالع الطريق مسرح,
صرخ مساعد: ياهو شوف المطب هد شوي ... وبوووم خبطت السيارة وسفط ع جنب ووقف ’
مساعد: مهبول انت ماتشوف!!
وطارق متسمر بمكانه:ممدري ماعرفت كيف اتصرف ,
مساعد ووصل به الضغط ماوصل به: معليش بس قد سيارة قبل انت؟؟!
سكت طارق ومارد,,قاله: انزل انزل انا بكمل ’’
ونزل وساق مساعد وهو يتأفف منه راجعين للبيت ,,

.......................
رجع فهد للبيت هاده التعب،،
طلع غرفته وارتمى ع السرير كان اليوم طوييييل،،
طلع جواله قعد يقلبه..،
وقف ساعه عند رقم طارق!!!
اللي قاعد اسويه صح ولا خطا يصير ولا مايصير،،،ياارب رحمتك تعبت من التفكير،،
احذف رقمه؟؟! ولاااا،،،
وين المشكله لو خليته عادي واجد ناس يادوب اعرفهم والى الان مخزن ارقامهم،،،
بعدين بعدين بحط رااسي الحييين وعقب يصير خير،،،

،،:الوووووو ساعه واقف عند الباب،،
فهد وبصوت مليان نوم،،:كم الساعه ؟؟!
سطام: هالحين اربع ونص قم صل بسرعه معك عشر دقايق ولا بمشي،،
فهد: طيب دقايق وجاي،،

سطام: أتوقع أربع قايل لك بمرك وراك سحبتها نومه،،؟!
فهد: مادري نسيت احط المنبه،،آآآ كل الشباب فيه نواف موجود،،.
سطام: إيه ماعليك،،
فهد: ياه زماااان عن الاستراحه،،
سطام: تراك مسوي زحمه..
فهد: سطام خلاص لاتهاوش..
ضحك ،،:طيب طيب بس وراه الاخلاق مقفله؟؟!
فهد: يااخي زهقاااان احس بموت من التعب والتفكير..
سطام :قصدك سالفة طارق ؟؟
فهد :الكل يقول اني ظالمه وحرام الي قاعد اسويه معه،،
سطام: تبي الجد وانا معهم بعد..
فهد: سطام لاتزيدها علي طيب وش تبيني اسوي ،،
سطام: ناصل الاستراحه بالاول،،

في الاستراحه،،
سطام: فهد الرجال ماخلا شي ماسواه عشان تصدقه،،
نواف: يارجال حرام عليك تسوي كذا مع طارق يمكن هو خربها شوي بس ياخي مايخليك تقاطعه مره وحده !!
سامي: والله ان طارق ينحب ورجال سمح ماتطلع منه الشينه لو تبيني أحلف لك لو هو محلك يمديه سامحك من ساعتها،،
فارس: وبكل الحالات مانبي نضغط عليك سو الشي الي مايخليك تندم بالنهايه،،
عبدالله: واكيد الشي الي مراح يخليك تندم انك تصالحه،،
سلمان: فهد صاير قاسي،،
سطام: صراحه ندمت اني كنت موب كل ذيك المعامله معه اوقات احسني سخيف،،
نواف: يعني مو كافي الي قاله لك خالك كان يبي يسوي جلسة استجواب بس عشان تصدقه،،
سامي: هذا غير الي قاااله لك من الاساااس ..!!
فهد: والتحليل بعد،،
عبدالله: أي تحليل؟؟
فهد: سوى تحليل دم عشان يأكد لي انه ماكد جرب--
قاطعه نواف: فهد من جدك ؟؟!
سامي :والله حرااااام عليك اسمحلي فهد هالي تسويه غلط ،،
عبدالله:حرام والله كان يغليك أكثر واحد بينا سوى كل ذا عشان مايخسرك،،
سطام: وبما أنك انت تعرف ضروفه اكثر منا حاول تشوف الي قاعد تسويه هو صح ولا غلط،،
فارس: وانا اللي كنت اقول مستحيل يصير شي بينكم وفاهمين بعض تبين العكس سبحان الله،،
سلمان: ياشباب خلاص فهد يعرف وش يسوي..
سطام: طيب لاترجعون سوا مع بعض بس ع الاقل سامحه،،
تنهد فهد تنهيده طوييييله: ماتوقع يجي يعتذر ..
عبدالله: من جدك فهد تكلم تبيه يجي رح له انت..
سامي: الرجال سوى المستحيل عشان تصالحه وش تبيه يقول بعد اللحين جا دورك انت،،
قام يحاول مايعصب،،: طيب طيب سمعت الي يكفيني ماشاءالله صايرين مصلحين!!
سامي: على وين شفيك قمت،،
فهد: بروح البيت قم وصلني،،
فارس: فهد بدري توك جيت وين تروح،،
نواف: يارجال خلاص اقعد مراح نفتح طاري لهالسالفه،،
فهد: لا لا بروح مطلوب علي بحث لازم اضبطه،،
سامي: طيب خلاص بوصلك..

لبق السياره عند الباب،،،
ناظرله سامي بجديه،،:فهد احلفلك ان طارق يعزك ويحترمك فوق ماتتصور وهاللي قاعد يصير مال امه داعي، بكره خميس وانا اخوك ذي فرصتك ومثل ماقال فارس استغلها قبل تندم وش بتسوي لو جاك خبر موب زين عنه ..!!
التفت له فهد وابتسم ونزل،،

..........................
الخميس الساعه وحده الظهر..

يممممممه،،
يببببببببببببه،،،مااااااااااازن،،
ووووينكم ،،
وش السالفه شكل مافيه بالبيت غيري،،

دق فهد ع ابوه،،
،،:هلا يبه وينكم ،،
،،: حنا عند خوالك ،،
فهد: إيييييييييييه والله قالي مازن البارح،،عاد مقدر أجي مايمدي ،،،

عقبه دق

659 views13:29

قصص وروايات✏

#ذات_شتاء 🌨

#البارت الرابع عشر

الساعه خمس العصر ،،،،

رفع البطانيه كااان مييت حررر لقى المكيف مطفى والشبابيك مفتوحه،،وصل حده وناادى بصوت عالي:مااااااااااااازن !!
دخل مازن يناظره بنص عين ،،: نعم وش بغيت ؟؟
فهد: انت الي مسكر المكيف وفاتح الشبابيك ؟؟!

مازن يهز راسه: ايه انا ،،من اربع وابوي يقولي قومه ماينفع معك الا كذا على فكره..
فهد:كم مره أقولك--
قاطعه مازن: اقول بس قم صل ولايكثر وبعدين سو الي تبيه..وطلع من الغرفه،،
نآظر جواله مليان مكالمات كالعادة بس سحب عليه،،

قام اخذ له دش خفيف ،،صلى ،،

لبس،،برمودا كحلي وتي شيرت أبيض..
وطلع متوجه للأستراحه..

وقف سيارته بمكانه العاده عند الاسترااحه ...
أستغرب من السياره الي ملبقه عندهم جديده عليه،،ماشاءالله بنتلي والله حركات استراحتنا !!!

دخل حوش الاستراحه..يسمع اصوات الشباب مرتفعه ..!!

دخل عليهم مبتسم ..

والمفاجأه...،
كان طارق متصدر المجلس بين الشباب لابس جينز سماوي وتيشيرت اسود ويسولفون معه بكل أريحيه..
وقف بمكانه وهو يطالع بطارق حتى ماطلعت منه السلام عليكم ..!!!

وقف طارق عشاان يسلم قررب فهد وصافح..!!
طارق مبتسم :أخبارك،،
هز راسه فهد :تمام ..
وضل فهد واقف وطارق بعد..بعد دقايق جلسوا ,
والشباب قاعدين ودهم لو يسوون شي..!!!

سامي: ايوا وكيف اجواء الشرقيه !!!
عبدالله: الله من الرطوبه ..
سلمان: خلوا طارق معي كلكم قد سولفتوا معه جا دوري عاد،،
وطارق ساكت ومنقهر من سكوت فهد،،
وفهد برضو ساكت وده يقتل سامي لأنه ماعلمه ..
وسكتوا الشباب بعد حسوا مالهم داعي خاصه مع سكوت فهد وطارق ،،،
مرت دقيقتين صمت !!
تلخبطت تفشلت !! جاي عشانه وهذا انا ساكت كلمه قله شي شفيك تبلمت ؟!! طيب هو ليه سكت بعد صح من نظرة مصدوم وماتوقع جيتي ليتك علمته ياسامي عشان مايجي مره وحدة,
طيب خلوني اقوم واحفظ مابقى بماء وجهي,,:يالله شباب استأذنكم ,,
الشباب كانوا عارفين سبب جية طارق ان كلها عشان يراضي فهد,,

نط سطام ومسك يد طارق: والله ماتمشي لين تعشى!
وشيء من الفرحه خالج طارق من جواته ,,:خير سابق سطام والله مستعجل,,\
سطام :تردني!! والله ان رحت بزعل هه وانت حر!!
فارس بتبلد: عاد بينظم سطام لقائمة الزعلانين عليك مع فهد,,
ناظر فهد لفارس رافع حواجبه: !!!!
وفارس يحك شعره ماش مالقى تصريفة ,,
بس طارق كأنه اعجبته ,,:طيب بروح الفندق الحين وان شاءالله مع صلاة العشاء بجي هاهمو تنسون انكم معشيني!!
نواف يضحك: انت الي مو تنسى انا عازمينك ..
ناظرت لفهد كان يطالع لفنجاله ماسكه,,لاعينه طاحت ع عيني ولا كلمني ولا أي شي على انها كانت نص ساعه بس!!
صح شويه! بس حتى ولو!! يلتفت ليي ع الاقل تطيح ع عينه لو بالغلط ,,
طلعت من الاستراحه ووعدت نفسي اني ماروح الشرقيه لين ماحط النقط ع الحروف واتفاهم مع هالعنيد الي مدري الى متى بيظل ميبس راسه!!!

بعد ماطلع طارق ..

حذف فهد فنجاله..ناظر لسامي ..:ليش ماعلممتني وش بيضرك؟!
سطام: يابابا لان لو علممناك مراح تجي..
فهد رافع حواجبه : ماشاءالله حتى انت تدري!!
عبدالله يتريق: كلنا ندري وماعلمناك ياحرام ماعلمناه..
فارس: يعني من جدك الاستراحه كذا بتنضف نفسها والحلا والحركات ذي جت بالصدفه لاتستعبط!!
نوف: الولد جاي من ثلاث طلعت ارواحنا من كثر ماندق عليك كنت بروح اقومك بس عيا طارق قالي اجلس خله يجي بيكيفه..
فهد: يعني ماقلتوا له اني مادريت انه بيجي,,؟؟
سامي:لحظة لحظة يعني لو قايلين لك بتججي!! يارجل اقص ايدي والله ماتخطي الحمدلله انه جت صدف بس,,
عبدالله يطنز: ع فكرة تراه موجاي عشانك وش عبالك والتفت ع الشباب يضحك ,,جد ياعيال مو محسسكم ان طارق خويه لحاله وحنا كومبارس؟؟
فارس يضحك: ههاي ياولد ارفق ع الرجال ,,
ونواف نفس حالة فارس: شوفوه صاح صاح صاح..
وفهد يطالع لهم باستخفاف: اممانه يعني !!
سامي: والله انك مهزلة يافهد وقعد يضحك,,
فهد : اقول ع المسسجد بس كود شياطينكم تهجد ,,

وبعد ماطلعوا من المسجد متوجهين للاستراحة ,, المسجد قريب لاستراحتهم..
راح فههد لسيارته :ياعيال اذا جهز العشاء علموني بروح اذاكر شويات عندي اختبار جنايات بعد بكره ملعوون جدف,,وضحك وتخبرون يعني مثل ماقلتم طارق مو جاي عشاني كلنا ربعه صح وابتسم ابتسامة غبية ,,
سطام: بس طبعا اكيد بتجي لانها عزيمتي,,
فارس: بالتوفيق حبيبي, وبلا سماجه عاد وتعال,
عبدالله واقف ع عتبة باب الاستراحة: وترا ندري انه جاي عشانك بطل حركات بنات اول متوسط واعقل عاد,,
سامي: ترا بنعزم اغلب العيال بنخليه عشاء محترم ع شرف حبيب ألبك تارق قالها بغنج ,,
وفهد بسيارته وفاتح الشباك ويناظر لهم بتسليك لين مايخلصون, اخذ علبة مويا وحذفها ع سامي بعد كلمته,,وحرك يم البيت..
عبدالله: ياخي لكم الي تبون ان جا ,,
ودخلوا وهم يضحكون ويستعدون للعشاء ,,

وبعد صلاة العشاء تجمع الكل ,,

وجا طارق كاشح ومرسم ونفسيته عال العال ..
كانت جلسة كبيره ع الثيل,, وفي الي يلعبون طايرة وبلوت والمكان مليان مافيه شبر الا فيه احد..

704 views21:19

قصص وروايات✏

#ذات_شتاء 🌨
#البارت الخامس عشر

الساعة 9 الصبح في الجامعه,,

مر فهد ع الكوفي كانوا العيال متجمعين فيه ,,
عبدالله: يالله تحيه كيف امتحانك؟!
فهد:الحمدلله ماعليه,, شسمه شباب بريك الساعه 12 مواعد لي واحد بروح له يعني لاتحسبون حسابي ع الغداء
فارس يستهبل : بنتحر انا ماتقدر تجلس معنا بسهولة كذا؟؟!!!
فهد: بايخخ من يومك ,
سامي: نقدر نعرف هالواحد؟!!!
فهد: ايه خالي اديب مامعه فرصه الا الحين عنده موضوع ضروري من مبطي وده يقوله لي,,
فارس:شسالفه لايكون ابو هاني هج!!
ضربه فهد ع راسه: الله ياخذك انت وهو اقطع سيرته,,
عبدالله: خلاص تقلع جاي تعلمنا ليه؟
وفارس وسامي ضحكووا ,,
فهد: عبيد اعقل ويله ع محاظراتكم ,,

وبمكان اخر....

رجع طارق الشرقيه وهو متحطم مكسور تايه وكل الآلام الغير محسوسه يعاني منها..
دخل البيت الساعه كانت 9 الصبح

هدوء محد صحى الى الان..

طلع غرفته،،اخذ له دش ولبس بجامه شغل المكيف ع اعلا درجة واستلقى ع السرير ضام وسادته ومجمع رجوله،،وراسه بينفجر من التفكير!!

يعني مقتنع بردة فعله ذي معي؟؟!!
يعني عادي عنده يردني ويعاملني بهالطريقه؟؟! معقول كل ذا بسبة موقف اشوفه مايستاهل؟؟!
لايكون يعرف شي عني زياده وانا مدري عنه!! مو مصدق ان الكل نسى ورجع كل شي لطبيعته الا وضعي معاه!!
الوحيد الي ابيه يصدقني مو راضي حتى يكلمني!!؟؟
والله عادي لو الشباب والعالم كله ضدي ومو مسامحني بس الا هو!! يآآآالله شسويت فيني يافهد؟
لأول مره ماقدرت افهمك!!! ولا عرفت انت وش الي تبيه او بتاصل له!!!
يتراوالي ان مافاهمك بالحياة غيري
توي بس اكتشفت ان ماعندي سالفه!!
آه ليت ابوي معي..
دفن راسه بالمخده وهو يصيح..!
ليته معي عودن ماحتاج ولا انصاع لاحد!! يمكن ربي يعاقبني بفهد!!
يمكن عذاب فهد النفسي لي ذا هو مجرد عقاب من الله ع الي سويته ب ابوي ولا جدتي!!
اي نعم انا ما استاهل الخير بحياتي ماينفع معي الطيب!! انا ماعرف اسعد احد!!
لو ابوي كان قاسي وشديد معي!! لو كان مو مدلعني!! كان حالتي مو كذا؟! كان من خوفي منه ماسبقته للسيارة ودعسته,, غمض عيوني يوم تذكر صوت دهسة السيارة..
تجمع ع نفسه وده يمحي هالجزء من راسه كل دقيقه يتردد الصوت وهزة السيارة غمض عيونه اقوى وحرارتهم بازدياد وكأنه بهالحركة يحاول يقتصه من ذاكرته..
رفع راسه واخذ المخده الي كانت بتدخل بصدره من قو ماكان لامَها، ورمها بقوه ع فازة كبيرة كانت ع الكومدينا..

جلس،،واخذ مخده ثانيه ودفن راسه فيها وهو ضامها قوه له..

دخلت امه عليه استغربت من حالته،،جلست جمبه: طارق حبيبي شفيك خوفتني عليك وليش ماقلتلي انك جاي ليش ماتصلت!!
رد بلامبالاه: ماشاءالله سمعتي صوت الفازه وغرفتك ابعد شي عن غرفتي؟!
امه: كريس(الشغاله) هي الي قالت لي
طارق: يما مافيني شي تركيني لحالي!!
مسحت ع راسه امه: ارفع راسك لي يمه علامك مو طبيعي،
رفع راسه ووجه كان تعبان حييل قال بترجي: يمه خلينا نرجع حايل الشرقيه ماهي لنا لا وجيه ولا لهجة نعرفها ماننتمي لهنا انا وانتي يممه طالبك ماتعودت اعيش برا حايل ماتعودت اتنفس هوا غيرها يممه والله مراح تتعدل نفسيتي الا اذا رجعنا سكناها تكفين
قاطعته: ياعمري انت خلاص من لنا هناك وتعرف شغل ابو فهد هنا--
قاطعها: يممه تذكرين ابوي وجدتي شكانوا يقولون!!،،وامتلت عيونه دموع،، كانوا يقولون لو تاصل الدنيا مواصيلها مانسكن برا حايل وانتي كنتي تقولين كذا بعد سماها وارضها وهواها كلها جزء منكم!!تذكرين هالكلام كنتوا كل يوم تقولونه اذا طلعنا مزرعة جارنا ابو حمد!! انا اذكر والله اذكره كأنه هالحزه بس يمه انتي نقضتي كلامك هم صدقوا ابوي وجدتي صدقوا عاشوا واندفنوا هناك،،وعلت نبرة صوته,, بسس انتي كنتي تسايرينهم بالكلام ام وجهين و كذاابه
وقفت امه بعصبيه وقاطعته بصراخ: انت شفييييك وآخرتهاا مع نفسيتك المتقلبه ذي هااه؟ مره رايق مره معصب احيانا احس ان الي قدامي مو طارق ولدي
قام طارق معصب ووقف قبال امه: طارق ولدك مات قبل سبع سنين مات يوم سحبتي عليه وهو بأمس افضع حاجه لك تركتيه وعمره ١٧ ولا حتى سؤال بتلفون عمومي فكرتي--
ودخل عليهم مساعد عنوه مستنكر الازعاج: عسى ماشرر ليه تهاوشوون؟؟؟!
كمل طارق وهو يناظر امه: ترا سماحي لك انتي ومنصور مجرد كماليات ولا انتم الثنين شايلكم من قلبي
ضربته امه كف ع وجهه: ماتستحي انتت!! تقولي هالكلام امك انا ولا انعمييت
مساعد معصب ومستنكر ومستغرب من حالة طارق: طارق شفيك شارب شي صاير لك شي يوم رحت الرياض وقاعد تحط الحره بأمك ولا شقصتك انت؟؟
طارق بصراخ: بببررررررااااا كلكم لا اشووف واحد منكم هنا واخذ الفازه الي ع الكومدينا اليمين وكسرها ع البلاط وكأنه ينهي النقاش بهالحركة
فزعت امه من صوت تكسر القزاز ،،مسك ايدها مساعد وطلعوا من الغرفه
رمى نفسه ع السرير وقعد يصيح بألم وقهر..

وبعد نص ساعه من حالة الهيجان الي اجتاحته دق جواله..
كان مستلقي ع السرير بشكل ملخبط كان زي النايم بس عيونه مفتحه او مايقدر يسكرها من الالم الي فيها..
اخذ جواله

649 views22:17

قصص وروايات✏

#قصص_وروايات ✏
#ذات_شتاء ❄
روايه غير مكتمله ولا نعلم ماهي اسباب توقف الكاتبه عن طرح بقيه الاجزاء ...
هي روايه جداً رائعه بعيده كل البعد عن قصص الحب والغرام لذا اقتبست لكم بضع بارتات منها لكي تشاركوني الحماس وايضاً تشاركونني في انتظار بقيه الاجزاء اللتي لم تكتمل من ٢٠١٥ 💔😂
لذالك هاكم رابط وقف الكاتبه
https://forums.graaam.com/591990-9.html
نعتذر لكم وبشده عن ايقافها وقطع حماسنا وحماسكم تجاه هذه الروايه ونعدكم باروايات جديده تناسب ذوقكم العالي ❤

Graaam

ذات شتاء/بقلمي - صفحة 9

موفقـــــــــــــة

888 views19:17