قصص وروايات✏

#مؤلمه_هي نزهة الضياع💔
#الاخير

قطعت وريدي
ماحسيت باألم مزقت يدي تمزيق ولاحسيت بشي كنت كاني منومه مغناطيسيا وجلست انزف بهدوء
صحيت على سرير ابيض
ما استوعبت انا وين بالبدايه
شويه شويه عرفت اني بمستشفى لما شفت الشرطيه على الباب
حتى الموت ماقدرت اخذه
كان الصداع قوي قمت بغسل وبنزل من على السرير وشلت الغطا شفت ان رجلي للاسف مربوطه بالسلاسل في السرير
حتى وانت مريض او تموت لازم تتقيد
عطوني ادويه ومهدئ وركبوا لي محاليل
حسيت اني اختنقت من كل الحاجات
غبت عن الوعي شوي ولما صحيت شفت امي
فكرت اني احلم
هبيت من رقدي ابرتمي عليها وابوس رجولها بس السلاسل ردتني
اخيرا ياماه
قالت وش اخيرا؟
انا الي قلت اخيرا اخذك ربنا وافكنامنك بس طلعتي مثل القطه بسبعه ارواح
انخرست
ماقدرت اتكلم
ماتوقعت كل هذه القسوه وانا على فراش المرض
قالت اسمعي انا جيت اسألك فين الذهب الي كنتي لابسسته يوم دخلتي السجن
قلت بصوت مكسور عند امانات السجن
قالت خلاص بمر اخذها منهم
ماتحتاجيه وانتي ومسجونه وحتى لو احتجتيه ماتستاهلي غير الكلبوشات الي يسحبوك فيها
على فكره خبروني بعد ماتتعافي بيعاقبوك على الانتحار
جهزي نفسك
وهذا الي حصل فعلا وانحكم علي من جديد ب6 شهور سجن منهم شهر حبس انفرادي مشدد وطبعا عطوني نصيبي من الجلد120جلده لما اتعافي
مايقصرون
كملت 5 سنين وانا في السجن
وتعلمت كل شي غلط
مابقى شي ماسويته
اتصلوا يبغون ابوي يجي يستلمني
في البدايه امي قالت مانبغاها ولا حنا اهلها
لما ضغطوا عليها قالت ابوها مش موجود ومافي محرم غيره يستلمها لما يرجع ابوها يجي ياخذها
ظليت بعدها بالسجن كمان سنه وما اجى ابوي
ضغطوا في السجن على امي تجي تاخذني وتجيب حد من اقاربي الرجال
اضطرت تجيب ابن خالتي اول ما دخلوني عليهم امي دارت وجهها وابن خالتي نظر لي بكل كراهيه وقال قبح الله صورتك
امشي
قبل لا امشي معاهم كتبوني تعهد اطيع امي طاعه تامه وما اعصيها مهما كان الامر
وكتبت التعهد
انكسرت فرحتي بالطلعه
وصلنا البيت
جو اخواني الصغار
ماعادهم صغار
اختي صارت عروس واخوي شاب
وماعرفوني زي ماكنت متوقعه سالوا من دي ياماما؟
قالت لهم دي اخت ريتا الشغاله
اول مادخلنا من الغرفه قالت ووش اقول؟
تبغيني اقولهم هذه اختكم الزانيه خريجة السجون
ماصدقت اذني وطالعتها قالت ايش عندك اعتراض؟
نزلت راسي وقلت لا
ورجعت اطلع غرفتي يا الله مو مصدقه انا بغرفتي من جديد
سريري كم حلمت به وانا انام على فراش السجن
جيت اجلس صاحت امي وقفي عندك
انتي نزيلة سجون والاغراض الي باليبت لناس شريفين راقيين
الفراش هذا مابتنامين عليه وطلعت لي فراش نفس فراش السجن وقالت هذا يناسبك
سمرت الشباك والبلكونه والدولاب عشان لاتفكرين تلمسي شي من الملابس
قلت هي اغراضي
قالت كانت
انتي ماتشوفين نفسك في المرايا؟
ماتناسبك الثياب الانيقه بهذا الجسم الي مثل خيال المأته
انا اشتريت لك اغراض تناسبك
جيت اطالع كلها جلابيات باسوا انواع القماش
شعرك تغسليه وتغطيه كانك في السجن بالضبط ما بغى تمليلي البيت حشرات السجن
ماتطلعين ابد الا وقت الغدا تروحي بنفسك تجيبين الاكل التي تسويه لك ريتا بامري وترجعي تاكليه لوحدك في الغرفه وتغسلي الصحون الي اكلتي فيها وترجعي للغرفه مباشره ماتكلمي احد واذا يوم فكرتي تطلعي من دون اذني راح اجيب سلسله
ضوء الغرفه تطفيه الساعه12اجباري
قلت امرك
قالت الله يصبرنا على بلواك
وخرجت
حاولت اصبر نفسي
قلت ماعليه انا الان معاها بنفس البيت وبحاول اقنعها
دخلت اتروش
لاول مره اشوف المرايا
شفت جسمي كله مليان جروح وعلامات الجلد موجوده
حاولت اتحمل القسوه
حاولت اصبر
وقلت انتي جرحتيها
والي سويتيه مو سهل
اتحملي
مافي فايده
كل يوم كرهها واحتقارها يزيد
كل يوم تعايرني باني زنيت وانسجنت
قالت كانوا يجلدوك زي الحمير
صرتي مسخ
انتي عار
كل يوم تقط الكلام وانا احاول اصبر والا انفعل بس طفح الكيل
صرخت بحرقه كفايه بهدله
مافي بقلبك رحمه
حرام علي ارحميني قلتها بصوت عالي
قالت كمان ترفعي صوتك بوجهي
انا قلت مانك فايده ماحد صدقني
فجور ووقاحه؟
بدل ماتحمدي ربك انه عطيناكي فرصه تانيه لكن الي مثلك مايستاهل شي
ومثل ماطلعتك برجعك تاني له هناك يعرفون يتعاملون مع اشكالك ويأدبونهم اكيد حتى انه وحشك
جهزي حالك بشتكي عليك واقول انك عاصيه ووعاقه وماقدرت عليك وعلى فجورك وساعتها بتدخلي سجن العقوق مباشره و لاتنسي انك كاتبه تعهد..قلت اي رجعيني السجن ارحم لي على الاقل في السجن اسمي مذنبه واتعاقب ..
هذه هي حكايتي مع الانحراف وطريق النهايه..

انا مجهزه نفسي ومستعده لان باي لحظه بيدخلون علي وياخذوني على السجن ويمكن اظل فيه للابد هذه المره
ماعرف كيف راح يكون السجن هذه المره ولا وين بس سمعت ان الي عمرها فوق الثلاثين بيسجنونهم في مكان تاني غير الي انا كنت فيه..

#النهاية

728 views05:49