Nancy Angulo kutoka UNESCO amesema ni muhimu kuzingatia aina ya maudhui tunayozalisha kwasababu kwa kiasi kikubwa AI huakisi kile inachofundishwa. Kwa hiyo, mitazamo ya watayarishaji wa maudhui ndio inayoakisiwa na AI katika kazi zake

Amesema kama wanahabari, watumiaji na watayarishaji wa maudhui, wanatakiwa kujiuliza kama wanachoweka mtandaoni kinaakisi Usawa wa Kijinsia au kimejaa Ubaguzi

Kufuatilia bofya https://jamii.app/AfIGF2025Day1

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Nancy Angulo kutoka UNESCO amesema mjadala wa Ukatili wa Mtandaoni unatakiwa kuwa wa Wote, na si kwa wale tu wenye sauti kubwa. Akisema kuwa mara nyingi ni watu wale wale wachache ndio huzungumzia suala hilo kila mahali

Ameongeza kuwa, msukumo wa ajenda hii unahitajika hadi ngazi za jamii (grassroots) ili watu wa kawaida waelewe: "Huu ni ukatili wa Mtandaoni, na ninahitaji kutumia Majukwaa ya Mtandaoni kwa Uwajibikaji, ili nisiuumize mtu mwingine"

Mtu anaposhika kifaa cha Kidijitali, anapaswa kufahamu kuwa anawajibika kutengeneza nafasi Salama Mtandaoni, si kwa ajili yetu tu, bali kwa wengine pia

Kufuatilia bofya https://jamii.app/AfIGF2025Day1

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Mkuu wa Sekretarieti ya IGF, Chengetai Masango amesema Mikutano kama hii inatusaidia kukuza ubunifu, kulinda Haki za Binadamu Mtandaoni na kutumia Teknolojia kufikia malengo ya Maendeleo Endelevu ya Umoja wa Mataifa na Ajenda ya Umoja wa Afrika ya 2030

Ameeleza kuwa, Nguvu ya mawazo ipo katika ushirikishwaji wa Wadau mbalimbali, ambapo Wawakilishi kutoka Serikalini, Vijana, Wabunge, Asasi za Kiraia, Taasisi za Elimu ya Juu na Sekta ya Mtandao wamekusanyika kwenye Jukwaa la 14 la Utawala wa Mtandao Afrika, kuonesha juhudi muhimu zinazohitajika kujenga mustakabali endelevu unaoakisi Matarajio ya Afrika yote

Ameongeza "Tunaweza kuhakikisha Mtandao wa Intaneti unabaki kuwa Rasilimali ya Kimataifa inayosimamiwa kwa manufaa ya Umma na kwamba Afrika inachangia katika kuunda mustakabali wetu wa Kidigitali wa pamoja"

https://jamii.app/AfIGF2025Day2

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Moses Kunkuyu, Waziri Habari na Digitali wa Malawi amesema Kama Bara la Afrika, hebu tuanze mazungumzo kwa ajili ya Afrika nzima, mazungumzo ya kuhakikisha kwamba Bara letu lote linaunganishwa Kimtandao.

Ameeleza kuwa "Kwa sababu, tukikumbuka yaliyopita: wakati janga la COVID-19 lilipotokea, Watoto wa Nchi zilizoendelea waliendelea na masomo yao kupitia mtandao. Lakini Watoto wa Afrika? Walibaki nyumbani, bila shule, bila intaneti. Tusiruhusu hilo litokee tena"

Ameongeza kuwa "Ikiwa tukio jingine kama hilo litakuja, Kila Mtoto wa Kiafrika lazima aendelee na masomo yake. Kila raia wa Afrika apate Huduma za Afya kwa njia ya mtandao. Ni hapo ndipo tutaweza kusema kwa dhati kuwa: Ajenda ya mabadiliko ya Kidijitali Barani Afrika ni ajenda ya kila Nchi ya Afrika.

Soma https://jamii.app/AfIGF2025Day2

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Waziri wa Mawasiliano na Teknolojia ya Habari, Jerry Silaa amesema Serikali imeendelea kuweka mazingira wezeshi katika kuwezesha huduma za Mtandao wa simu nchini ambapo ameeleza kwamba kwa sasa Wananchi wanaotumia Mtandao wa 5G ni Asilimia 23.

Akizungumza katika ufunguzi wa Mkutano wa Jukwaa la Utawala wa Mtandao (IGF) Mei 30, 2025 amesema "Tumeweka mazingira wezeshi ya uwekezaji, jambo lililowezesha huduma za mtandao wa simu kufikia 92% (3G), 91% (4G), 23% (5G) ya Wananchi."

Ameongeza "Lengo letu ni kuongeza matumizi ya TEHAMA ili kuchochea ukuaji wa uchumi wa Kidijitali na kuboresha maisha ya Wananchi katika maeneo ya mijini na vijijini.”

Soma https://jamii.app/AfIGF2025Day2

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Akizungumza katika Mkutano wa Jukwaa la 14 la Utawala wa Mtandao Afrika, Waziri wa Mawasiliano na Teknolojia ya Habari, Jerry Silaa, amesema pochi ya Kidijitali, ni kama ile Pochi ya kawaida tu ambapo Mtu huhifadhi pesa zake, kadi za Benki, na Vitambulisho. Ni programu salama iliyounganishwa na inayomruhusu Mtu kuhifadhi, kutuma, kupokea, na kusimamia Fedha zake katika Mfumo wa Kidijitali.

Ameeleza hii inawasaidia sana Wajasiriamali kwa kurahisisha njia ya kufanya Biashara, na pia kurahisisha upatikanaji wa Mitaji.

Amesema "Kama unavyojua, ukienda Benki za kawaida kuomba mkopo, unalazimika kujaza fomu, kuandaa ripoti – na mara nyingine ripoti hizo zinaweza kuwa za kughushi. Lakini sasa, kupitia pochi ya Kidijitali iliyounganishwa, ni rahisi kupata Huduma za Kifedha kwa njia ya Mtandao, na kwa haraka.

Fuatilia https://jamii.app/AfIGF2025Day2

#JamiiAfrica #MaendeleoYaKidijitali #HakiZaKidijitali #UsalamaMtandaoni #UtawalaWaMtandao #Uwajibikaji #DigitalRights

Lamin Jabbi, Waziri wa Mawasiliano na Uchumi wa Kidigitali Nchini Gambia, amesema ni muhimu sana kutambua Teknolojia zinazobadilisha Mifumo (disruptive technologies) ambazo tayari zipo na zinakuja Afrika

Ameeleza kuwa "ni muhimu kuwa na msimamo wa pamoja kama Nchi za Afrika katika kukabiliana na changamoto hizi. Hatupaswi kukabiliana na changamoto hizo kama nchi moja-moja, bali kwa mtazamo wa pamoja wa Afrika."

Amesisitiza kuwa "Tunahitaji kuelewa kwamba kuendeleza Miundombinu ya Kidijitali si jambo la mara moja au la mwisho, ni mchakato unaoendelea, kwani Teknolojia hubadilika mara kwa mara. Ni muhimu sana kutambua mabadiliko hayo na tuyakabili kwa mtazamo wa Kiafrika. Hili haliwezi kufanywa na Nchi moja au mbili – lazima tufanye kama Bara moja lenye msimamo mmoja.

Soma https://jamii.app/AfIGF2025Day2

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Mdau wa masuala ya Usalama Kidigitali, Ihueze Nwobilor amesema “Usalama wa Kidijitali ni muhimu sana na tunapaswa kuhakikisha kuwa hata wale wasiojua kusoma na kuandika wanaweza kutumia kwa urahisi.”

Ameongeza kuwa ni muhimu kutengeneza Mifumo na Vifaa ambavyo hata Watu wa Kijijini wasiojua Kusoma na Kuandika ila wana Vifaa vya Kieletroniki wanaweza kutumia humu wakizingatia Usalama wa Kimtandao wa taarifa zao

Ameeleza “Nchini kwangu tunatoa Elimu kuhusu Usalama Mtandaoni lakini ukimwambia Mtu wa Kijijini kuhusu “Two factor authentication” hawezi kukuelewa”

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Naibu Waziri wa Mawasiliano na Teknolojia za Digitali Afrika Kusini, Mondli Gungubele akielezea Mafanikio ya Nchi hiyo katika Mifumo ya Kidigitali amesema, Mabadiliko ya Kidijitali ya Afrika Kusini yanaendelea kwa kasi na yana Mafanikio

Ameeleza Mafanikio ya Kidijitali ya Afrika Kusini yanajumuisha: Upatikanaji wa Kitaifa wa Usafiri wa Kidijitali, unaosaidia Mamlaka kufuatilia taarifa za Trafiki (foleni ya barabarani) kwa wakati halisi, pia kuna Mfumo wa malipo wa kisasa, unaowezesha Miamala kufanyika papo kwa papo (instant to instant transactions)

Ameongeza kuwa Mashirika kama Interpol na wadau wengine yanatumia Huduma za Kidijitali kufuatilia na kudhibiti taarifa za Kijasusi za kuvuka mipaka

Soma https://jamii.app/AfIGF2025Day2

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Leo Mei 31, 2025, JamiiAfrica inashiriki kwenye Majadiliano yanayogusia Upatikanaji wa Mtandao kwa Wote pamoja na AI na Teknolojia zinazoibuka, kwa kusisitiza jukumu muhimu la upatikanaji wa Intaneti katika kuvunja Unyanyapaa unaozunguka matatizo ya Afya ya akili na kujenga jamii zenye uthabiti na usaidizi wa kweli

Wadau watajadili unyanyapaa unaohusiana na Afya ya Akili na kutoa Elimu kwa washiriki kuhusu asili yake ikiwa ni pamoja na mitazamo ya kitabibu, kiroho na kisaikolojia.

Teknolojia kama vile Akili Mnemba (AI) inaweza kutumika kuongeza uelewa, kutoa msaada wa mapema na kujenga mifumo rafiki ya Kidijitali inayosaidia Watu wanaokumbwa na changamoto za Afya ya Akili bila kuhukumiwa

Kufuatilia bofya https://jamii.app/SikuYaMwishoIGF

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Imeelezwa #Tanzania imepiga hatua katika ujenzi wa Miundombinu ya TEHAMA, ikiwa ni pamoja na Mkongo wa Taifa wa Mawasiliano wenye urefu wa Kilomita 13,820 (NICTBB) unaounganisha Mikoa na Wilaya zote, pamoja na kuunganisha Nchi za #Kenya, #Uganda, Rwanda, #Burundi, Zambia, #Malawi, na Msumbiji, ambapo sasa inajiandaa kuunganisha DR Congo kupitia Ziwa Tanganyika

Takwimu hizo ni kwa mujibu wa Wizara ya Mawasiliano na Teknolojia ya Habari, ambayo imesema Tanzania ni miongoni mwa Nchi zinazoongoza katika Ukanda wa Afrika Mashariki kwa kuwa na Mtandao mkubwa wa nyaya za nyuzi za Mawasiliano (Fiber optic)

Hayo yameelezwa katika ufunguzi wa Mkutano wa Jukwaa la 14 la Utawala wa Mtandao Afrika (AfIGF 2025), Mei 30, 2025, unaoendelea katika Kituo cha Kimataifa cha Mikutano cha Julius Nyerere (JNICC)

Soma https://jamii.app/AfIGF2025Day2

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Akizungumza katika Mkutano wa Jukwaa la 14 la Utawala wa Mtandao Afrika, Seneta wa Kenya amesema mara nyingine Watawala au Mamlaka hazina hisia, hawajui changamoto au hali halisi ya Kijinsia, na wanapobuni Sera au zana, mara nyingi ni mzigo unaobebwa na Wanawake

Ameongeza kuwa Idara za Kijinsia zinapaswa kuwa bora zaidi, zinapaswa kuelewa kuwa hazipaswi kutengwa kama idara za pembeni, bali ni Wataalamu wa Sekta mbalimbali wanaopaswa kutoa mwongozo kwa Wizara ya Afya, Wizara ya Maji, Wizara ya Kilimo, n.k.

Ameongeza kwa kusema “Kila Nchi inakuwa na muundo wake wa kukabiliana na changamoto za mambo ya Kijinsia, katika Dunia ya Kiditali, nafikiri kuna mambo yanatakiwa kufanyiwa zaidi”

Zaidi https://jamii.app/AfIGF2025Day2

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Seneta wa Kenya, Catherine Mumma amesema suala la jinsia katika mifumo limekuwa likibaki nyuma, kwa sababu ukiangalia mgawanyo wa masuala mbalimbali kama miundombinu, ushirikishwaji wa Wanawake nakadhalika utagundua kuwa Wanawake bado hawajajumuishwa ipasavyo.

Amesema kuwa Wanawake wanabaki nyuma katika jamii zetu iwe ni katika masomo na hata sasa katika ushiriki wa Teknolojia ya Kidijitali, au Uchumi na biashara za Kidijitali na hata katika tasnia wanazoendesha na kumiliki

Amesema kwa mtazamo wake jambo jema kufanya mazungumzo kuhusu Wanawake kwa sababu yanaweza kuwa na msaada katika kubadilisha Jamii kama yataungizwa kwenye mifumo na kufanyiwa kazi

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Akizungumza katika Mkutano wa Jukwaa la 14 la Utawala wa Mtandao, Dkt Sabra Hussein kutoka Tanzania AI Community amesema “Unakuta Wanawake wa Vijijini labda Mkoani Kilimanjaro, wanatumia programu za Simu kujua wanapoweza kupata msaada lakini wanakutana na changamoto kwasababu vifaa vingi vya AI vipo kwa Kiingereza na hazijabadilishwa kuendana na Mazingira wa kienyeji.”

Amesema kuwa, Kuna baadhi ya Mifumo ya kuomba Ajira, Mwanamke anapojaribu kutumia programu hizo kutafuta kazi, hazitamtambua kwa usawa na inaweza kumuathiri

Hali hiyo Matokeo yake ni Wanawake kutopata nafasi sawa za Ajira kama Wanaume, na hivyo kuongeza pengo la Kiuchumi na Ajira kati ya Jinsia

Zaidi https://jamii.app/SikuYaMwishoIGF

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Dorris Magiri (Kijiji Link) amesema “Siku hizi wengi wetu tunaona ni bora kuzungumza na Simu zetu badala ya kuzungumza na Watu. Mtu akiwa na jambo anaamini sana kwenda kuiambia ChatGPT badala ya kumwambia Rafiki yake”

Amesema "tunatakiwa kujiuliza kwamba Je, tunaweza kuiamini AI? Jibu ni kwamba Binadamu tayari anaiamini AI. Nadhani tunatakiwa kurejesha ule Muunganiko wa Kibinadamu, tuzungumze na Watu wetu wa karibu kuhusu yale tunayoyapitia Kihisia"

"Tujenge Mfumo wa kweli wa kusaidia Afya ya Akili kwa kutumia AI kwa Uangalifu, kwa kushirikiana na Watu wenye uzoefu, na tukikumbuka Hekima ya Kiafrika"

Zaidi https://jamii.app/SikuYaMwishoIGF

#JamiiAfrica #AfIGF2025 #UadilifuWaTaarifa #MaendeleoYaKidijitali #HakiZaKidijitali #UsalamaMtandaoni #UpotoshajiWaTaarifa #UtawalaWaMtandao #Uwajibikaji #DigitalRights

Akichangia katika Mjadala unaongazia jukumu la upatikanaji wa Intaneti katika kuvunja Unyanyapaa unaozunguka matatizo ya Afya ya akili, Ajimah Olaghere amesema “Mimi binafsi naamini katika nguvu ya Watu na suluhisho ninalopendekeza linaanzia kwa Watu wenyewe, kwa sababu hapo ndipo palipo na Upatikanaji halisi wa msaada.”

Ameongeza kwa kusema Elimu ya Afya ya Akili ni muhimu sana. Ingawa ana Elimu ya hali ya juu na uzoefu mkubwa, anajua hana maarifa ya kutosha kuhusu Afya ya Akili.

Aidha, amependekeza Mfumo wa "daraja" (bridge framework), ambao unasisitiza kuhusisha Jamii kwa karibu kwenda kwenye Asili, kuelewa jamii na Tamaduni zao na kujenga Madaraja ya mawasiliano na Msaada.

Zaidi https://jamii.app/SikuYaMwishoIGF

#JamiiAfrica #AfIGF2025 #MaendeleoYaKidijitali #HakiZaKidijitali #UsalamaMtandaoni #UtawalaWaMtandao #Uwajibikaji #DigitalRights

Mkurugenzi Mtendaji wa JamiiAfrica, Maxence Melo atakuwa miongoni mwa wazungumzaji katika Mkutano wa 20 wa Utawala wa Mtandao (IGF) utakaofanyika Jijini Lillestrøm, Norway kuanzia Juni 23 hadi 27, 2025

Juni 24, 2025, Maxence Melo atazungumza katika mjadala kuhusu “Miundombinu ya Maslahi ya Umma” (Public Interest Infrastructure), akielezea namna jukwaa la JamiiForums.com linavyotumika kama uwanja wa Wananchi kujadili na kuchochea mabadiliko kwenye jamii yao

Jukwaa la Utawala wa Mtandao (IGF) ni jukwaa la kimataifa linalowaleta pamoja wadau mbalimbali wa Serikali, Sekta Binafsi, Jamii za Kiraia na Wataalamu wa Teknolojia kujadili Sera na mustakabali wa mtandao wa intaneti duniani

Bofya 'link' hii ili uweze kushiriki mtandaoni https://intgovforum.zoom.us/meeting/registerCArMB7gRTWWSC4LXsJ_ybQ

#JamiiAfrica #JamiiForums #AfIGF2025 #HakiZaKidijitali #UsalamaMtandaoni #UtawalaWaMtandao #Uwajibikaji #DigitalRights