Chama cha Demokrasia na Maendeleo (#CHADEMA) kimetoa tamko kuwa kuna hali ya hatari inayojitokeza kwa kasi dhidi ya Vyama vya Siasa vinavyopigania mabadiliko ya kweli nchini

Chama hicho kimedai kuna juhudi za kurejea kwa enzi za Utawala wa Kiimla unaotumia Vyombo vya Dola na Mahakama kama zana za kukandamiza sauti mbadala, badala ya kulinda haki za Wananchi na Utawala wa Sheria

CHADEMA imetoa wito kwa Viongozi, Wanachama, Wafuasi wake na wote wanaoamini katika misingi ya uhuru, haki, na demokrasia, kuwa tayari kupokea maelekezo kutoka kwa Viongozi Wakuu wa Chama na kuwa hawatarudi nyuma katika kudai Tanzania yenye Mfumo wa Haki, Uhuru na Utawala wa Sheria.

Soma https://jamii.app/TamkoLaCHADEMA

#JamiiForums #Siasa #Democracy

Mahakama Kuu Kanda ya Dodoma imeendelea kusikiliza hoja za rufaa kupinga kifungo cha Maisha jela walichohukumiwa aliyekuwa askari wa Jeshi la Ulinzi la Wananchi wa Tanzania (JWTZ), Clinton Damas, maarufu Nyundo na wenzake Amin Lema, Nickson Jackson na aliyekuwa Askari Magereza, Praygod Mushi, huku upande wa Jamhuri ukiomba kuzijibu Juni 12, 2025

Akiwasilisha hoja Mahakamani, Juni 10, 2025, Wakili wa Warufani hao, Godfrey Wasonga amedai kulikuwa na dosari za Kisheria katika kesi hiyo kuanzia hati ya mashtaka hadi hukumu. Amedai Mahakama ilioneshwa vipande Vinne vya Video ambavyo ni 6, 7, 8 na 9 lakini kwenye hukumu, vipande vya Video vilivyowatia hatiani ni namba 1, 2, 3 na 4 ambavyo havikuoneshwa Mahakamani hapo

Aidha, kwa mujibu wa Wakili huyo, vipande vya Video vilivyooneshwa viliwaonesha washtakiwa wakijirekodi wakiwa wanacheza Muziki, huku wakiwa na chupa za Vinywaji lakini hazikuonesha wakiwa wanatenda kosa la kubaka kwa kikundi wala kulawiti

Soma https://jamii.app/UpdatesKesiYaNyundo

Aliyekuwa Jaji Mkuu wa Kenya, Dkt. Willy Mutunga, Wakili Mwandamizi Martha Karua, pamoja na watu wengine wanne wamefungua kesi katika Mahakama ya Haki ya Jumuiya ya Afrika Mashariki (EACJ) dhidi ya Serikali ya Tanzania, wakidai kuwekwa kizuizini kinyume cha Sheria, kunyimwa kuingia nchini na kufukuzwa kati ya Mei 18 hadi 19, 2025, katika Uwanja wa Ndege wa Kimataifa wa Julius Nyerere jijini Dar es Salaam

Kundi hilo ambalo pia linajumuisha Wanaharakati na Watetezi wa Haki za Binadamu wanne ambao ni Gloria Kimani, Lynn Ngugi, Hussein Khalid na Hanifa Adan wamedai kuwa haki zao kama raia wa Jumuiya ya Afrika Mashariki zilikiukwa waziwazi walipozuiwa kuingia Tanzania kushuhudia kesi ya uhaini dhidi ya Kiongozi wa Upinzani, Tundu Lissu

Aidha, Kesi hiyo inatarajiwa kuhamishiwa Makao Makuu ya EAC - Arusha ambako tarehe ya kusikilizwa itapangwa na Mahakama hivi karibuni

Soma https://jamii.app/KenyaKuiburuzaTZ

#JamiiForums #JamiiAfrica #Diplomasia

KENYA: Bunge la Seneti limesitisha shughuli zake za kawaida ili kujadili na kujibu maswali kuhusu uchunguzi wa kifo cha Albert Ojwang, ambapo Waziri wa Mambo ya Ndani, Kipchumba Murkomen, Mkuu wa Polisi Douglas Kanja, na Mkurugenzi wa Upelelezi wa Jinai (DCI) Amin Mohammed walikuwepo Bungeni kujibu maswali kuhusu kesi hiyo

Katika kikao hicho kilichorushwa moja kwa moja kwenye Vyombo vya Habari, Makamu Mwenyekiti wa IPOA, Anne Wanjiku, ameliambia Bunge kuwa Mifumo ya CCTV katika ofisi ya Mkuu wa Kituo Kikuu cha Polisi alipokuwa akishikiliwa Albert ilichezewa, huku akiongeza kuwa uchunguzi wa awali kuhusu kifo hicho unatupilia nadharia kuwa Albert alijiua

Soma https://jamii.app/KikaoBungeKE

#JamiiAfrica #JamiiForums #Accountability #Uwajibikaji #Governance #HumanRights