1️⃣《#食腦喪B》開播之後，唔少人都指責佢抄襲美劇《#iZombie》，因為兩者主角都係靠食解剖室嘅人腦充饑，而且食完可以繼承死者記憶。

2️⃣《食腦》首週收視低開18.2點，有望同《金宵大廈2》雙雙加入「TVB十大低收視劇集」，睇嚟「喪屍」被河蟹成溫情嘅「喪B」之後，仍然唔啱師奶同老人。

3️⃣《食腦》冇任何贊助商。該劇於2020年1月開始拍攝，雖然時值抵制TVB運動之高潮，但一個植入式廣告都冇，甚至到今日都冇人肯冠名贊助，情況實屬罕見。

4️⃣ 據《香港01》消息透露，TVB高層視男主角 #何廣沛，男配角 #郭子豪、#方紹聰 為「#TVB試當真」，想打本畀佢哋發展，但如今連番遭遇滑鐵盧，劇集收視唔掂兼冇贊助，綜藝被曾志偉認為「唔好笑」，恐怕冇運行。

【TVB劇集被指抄襲同類事件】

▌《談情說案》(2010)被指抄襲日劇《神探伽俐略》，兩者設定都係男物理教授幫女警查案，當時劇集監製表示，《談》有較多談情部份，而且其中一集有食環署洗街車，《神》並沒有。

▌《踩過界》(2017)被指抄襲美劇《夜魔俠》，兩者設定均為盲人大律師擁有超凡嘅聽覺、嗅覺，甚至可以透過聽人心跳得知對方有無講大話，當時男主角王浩信表示，《踩》有較多法庭戲，而《夜》則係英雄動作片。

▌早前TVB受惠於疫情，電視直播收視大幅攀升，最明顯係《#愛回家》同《#東張西望》收視由20頭升到25-28點，但隨住香港人「放監」，收視隨即打回原形。

1. 《#食腦喪B》開播後，較上一套劇集跌咗近5點收視，首週僅有18.2點收視，踏入第二週再跌至16.6點，呢套劇集甚至冇任何贊助商。

2.《#金宵大廈2》結局篇僅有15.6點收視，拉勻成套劇得17.35點收視，相信可以喺「TVB十大低收視劇集」排第六。《香港01》記者黃梓恒認為，經歷《金宵2》、《刑偵日記》兩次慘敗，TVB應該唔會再嘗試拍偏鋒題材劇集。

3. 平日嘅綜藝節目分別為煮食節目《#三餸一湯》及正能量節目《#360秒人生課堂》，收視又跌返去11-13點水平。

4.《#聲生不息》收視連續兩週為16.9點，以禮拜日八半時段雖然不過不失，但作為重磅節目，收視仲低過《思家大戰》，以香港角度嚟睇係失威，不過人哋志在中国市場🇨🇳 唔驚！

————————————————
▌除咗收視我哋都講吓廣告方面嘅觀察，整體而言近期廣告都幾乏味，但隨住香港人「放監」，可以預期TVB電視廣告會增加。

1. 喺消費券、母親節效應下，海味鋪、按摩椅廣告開始活躍。以按摩椅嚟講，目前僅有Inada稻田冇落廣告。

2. 多款奶粉牌子近月重返TVB，並喺黃金時段形成競爭局面，包括 #牛欄牌、#美贊臣、#雀巢能恩，仲未返去嘅包括美素佳兒、惠氏👶🏻👧🏼

3.《愛回家》最近都係由樓盤冠名贊助。

4. 經濟不景，借錢廣告持續泛濫，近年淨係喺ViuTV落廣告嘅 #邦民日本財務、#安信兄弟 都返咗TVB。

今個禮拜TVB收視繼續跌，新劇收視一套慘過一套，綜藝收視無起息，《聲生不息》收視等同普通綜藝。

1️⃣ #馬德鐘 主演嘅《#雙生陌生人》接住《金宵大廈2》播映，首週收視13.5點（約87.7萬觀眾），可能係TVB史上最差紀錄，但要注意，呢套劇唔係《金宵2》、《刑偵日記》呢種「燒腦劇」，而且呢兩套劇首週收視都無咁慘（分別為18.8及17.5點）。

* 有網民補充，2021年劇集《AI智能愛人》首週收視為12.3點，比《雙生》更差，但當時時值東京奧運，播映時間曾改至22:15 - 23:15。

早前《香港01》預測，此劇有女神 #湯洛雯 同演技派 #賴慰玲 坐陣，有望挽回觀眾，結果成為燈神。

《雙生陌生人》由 #象牙世家、#海馬牌 贊助，呢兩間公司幾乎係「TVB劇集贊助鐵膽」。

2️⃣ 從來沒有贊助嘅《#食腦喪B》收視續跌至15.8點(-0.8)。

3️⃣《#三餸一湯》收視跌至11.9點(-1.3)。一年前，TVB大股東、共產党員黎瑞剛曾批評TVB煮食節目太多，下達「限廚令」，後尾又因為收視不振而解禁，小編好期待董事會下一個「最高指示」係咩嘢。

《三餸一湯》贊助商包括 #同心堂、#天上野、#TGC煤氣爐具、#美味棧 及 #長城牌。

4️⃣《#聲生不息》第三週收視跌至15.2點(-1.6)，但好彩有6,700萬湖南觀眾彌補返。

5️⃣ 疫情高峰期間，《#東張西望》周日收視試過谷到上28點，但港人「放監」之後，同時段收視跌到17點，相差整整11點。

▌由 #馬德鐘、#湯洛雯 主演嘅《#雙生陌生人》第二週收視維持13.5點（約88萬觀眾），無升無跌，但無綫已經決定「止蝕」，由25集剪成20集，有指做法係為咗提早迎戰ViuTV套劇集《冥冥之中》，小編唔認同，因為曾志偉先生話友台節目題材偏門，收視又得4點，根據威脅唔到堂堂「大台」。題外話，如果Cut咗集數，無綫會唔會退返20%廣告費畀贊助商 #象牙世家、#海馬牌？

▌偏門題材劇集《#食腦喪B》終於播完，全劇平均收視為16.5點。呢套劇雖然以喪屍為題材，但絕對唔適合喪屍愛好者，入面嘅演員整白塊臉就當係喪屍，動作滑稽，化妝求其，相信係為咗避免嚇親觀眾，不過亦搞到定位不倫不類。劇情方面，香港被喪屍攻陷，但完全無提及警察、解放軍嘅存在，令人十分出戲，難道編劇係想帶出「政府無能，民間自救」嘅訊息？

▌綜藝方面，平日節目及周日嘅《#聲生不息》收視稍有回升。喺英格蘭足總盃播映前夕，無綫搞咗個《球迷派對》，收視僅有7.7點，但成功接到好幾個贊助商，包括富臨旗下嘅 #ChiMac 炸雞、#美味棧、#巨浪大切、#怡寶，以及私下拎客戶物業去做按揭嘅 #康業信貸快遞。 圖片取自《明周》

首先，我知道《#食腦喪B》嘅主角造型係「參考」美劇《#iZombie》，所以我唔係評論主角啲妝有幾靚仔靚女，我係評論路人喪屍啲化妝、動作設定、世界觀有幾令人出戲。

【化妝】
路人喪屍嘅妝同主角差唔多，係再頹啲咁解，油白塊臉、畫個黑眼圈，但有部份喪屍條頸係肉色嘅，如果演員有地中海，咁頭頂都有機會係肉色，相信係「#奇行種」。

喪屍全身衣服完整，血都無一滴，亦唔覺有傷口，另外，就算你對喪屍棍毆槍射都唔會出血，同《毒魔2》一樣，歡迎收睇無血嘅「大屠殺」。

【動作設定】
點樣令觀眾區分人類同喪屍？啲喪屍會好似演舞台劇咁，動作幅度極大，但呢啲動作大部份都係無意義嘅，純粹係話畀你聽「佢係喪屍」，另外編劇亦同喪屍deal好咗，只會喺劇情有需要下先咬人。

大結局有一幕係講，喪屍化嘅蔣志光同何廣沛發現「喪屍唔會咬喪屍」，所以啲喪屍喺佢哋面前會企喺原地「痙攣」，不過當一班人類僱傭兵捉住蛋糕女 #朱智賢 出現嘅時候，班喪屍仍然唔識郁，企喺度咆哮同捉空氣，直至雙方完成對白，主角團隊打算逃走嘅時候，班喪屍先至解除「禁足」狀態，鳩到無倫。

【世界觀】
香港有喪屍咁大件事，但成套戲都無警察、解放軍，一個幫香港警察賣植入式廣告嘅大好機會，咁就冇咗。

一個被喪屍攻陷咗半年嘅香港，條街仲乾淨過除夕倒數之後人潮散band，但為咗製造凌亂嘅感覺，後期製作仍然加咗啲火種喺條街，例如係可能燒咗半年嘅的士同垃圾堆，以後人類唔洗開採石油，燒香港啲垃圾就得。

結語，雖然《食腦喪B》唔係一套真正嘅喪屍片，但都唔係咁離譜吖嘛？如果大家有時間嘅話，希望你哋可以用喺更有意義嘅事上。

▌根據「#大台理論」，只要節目收得就一定要拍續集，而近期 #TVB 平日嘅兩個綜藝節目《#尋人記》、《#日日媽媽聲》，就正正係續集，只可惜收視都遠追唔上第一季，但好消息係，《尋人記》成績好過 #馬德鐘 套《雙生陌生人》✌🏻

▌近期TVB平日綜藝收視徘徊於10-12點，非常難睇，於是TVB就播出由 #方東昇 主持嘅《尋人記2》救亡，「新聞台Gag王」一出，果然將收視扯返上14.3點水平。

不過，有對比就有傷害，睇返第一季嘅收視數據 (2021年4月)，當時嘅 #七天跨平台收視 有成22-23點，相差8-9點水平！當然喇，而家收視計法換咗做 #電視直播收視，將用app睇、網上睇、7日內重播嘅數據篩走，兩項數據唔可以直接比較，但小編相信呢幾項數據加埋無8-9點咁多，流失咗幾多觀眾，TVB心裡有數。

《尋人記》第一、二季分別由 #康業信貸快遞 及 #馬百良 冠名贊助。

▌至於另一套綜藝《日日媽媽聲2》，首週收視直接跌穿10點關口，報9.5點，成績仲差過《識貨》，連《香港01》都直接Skip咗呢Part不予置評。

呢個由 #余安安、#陳凱琳、#羅敏莊 主持，以媽媽為Target Audience嘅節目喺第一季 (2021年4月)嘅「收視」介乎於11.3-17.4點之間，可見第一季收視最差嘅時候，成績都好過第二季，所以《01》唔評論都係正確選擇。

《日日媽媽聲》第一、二季分別馬百良及 #健怡坊 旗下產品 #補益坊 冠名贊助。

▌劇集方面，TVB播緊今年第三套中国電視劇《#尚食》，收視報18.4點，成績都係好差，不過對比完上一套《#食腦喪B》，觀感即刻Fit晒！播中国劇雖然慳咗成本，剪接、配音，錄首主首曲就搞掂，不過就接唔到植入式贊助，所以呢套劇只係得 #海天堂 一個冠名贊助。另外，中国劇集集數偏長，如果套劇唔啱觀眾合味，要Cut都唔容易。

接住2130時段嘅《#雙生陌生人》，雖然TVB聲稱剪咗5集，有望令劇情更緊湊，但收視仍跌至13.1點。

圖片取自《晴報》

▌由「#食腦三子」#何廣沛、#郭子豪、方紹聰 等人主持嘅綜藝《#真係唔好笑》月初開播，呢個節目未出街之前已經新聞多多，有指TVB高層視食腦三子為「TVB版試當真」，所以豪花千萬畀佢哋製作一套「港版Running Man」，奈何 #曾志偉 睇完之後覺得「真係唔好笑」，所以被抽起，雖然曾志偉嘅笑點同常人未必一樣，但係憑呢個節目嘅網民留言、零贊助、唔公佈收視都大概估到呢套嘢真係唔好笑。

▌《#真係唔好笑》除咗有食腦三子，亦有 #麥美恩、#馮盈盈、#羅毓儀 及 #彭慧中 主持，每集都會邀請三位嘉賓上嚟玩遊戲，暫時三集遊戲都有啲唔同，包括忍笑遊戲、獎門人遊戲及自創遊戲等，舉兩個遊戲做例子：1) 主持同嘉賓輪流講笑話，其餘人如果忍唔到笑就會觸動機關跌落石春墊；2) 馮盈盈、游嘉欣被隊員畫大花臉，然後show畀對面睇，如果對面忍唔到笑就輸。

▌網民就留言話啦，「我屌，真係唔好笑」、「完全感覺只係自己幾個互high」、「(嘉賓)阮兆祥仲好笑過啲主持」、「食腦果三條友都係30歲上下姐，點解會覺得拍呢d好笑」、「又想學獎門人，剪片條友功力又差，好笑都變唔好笑」。

▌講到贊助，呢個節目同食腦三子上一套劇集《#食腦喪B》一樣，冇冠名贊助及植入式贊助，如果真係如外界所講100萬拍一集都幾蝕下。

▌至於收視，TVB只係公佈咗同為禮拜六播放嘅《#聲生不息寶島季》跨平台最高直播收視(13.2點)，但就冇提及緊接嘅《唔好笑》。TVB連得11點收視嘅《#成人教科書》同10.2點嘅《#LAW霸女神》都夠膽公佈出嚟，點解唔索性公佈埋《唔好笑》呢？莫非成績仲低過10？

雖然TVB主席許濤話過要終止「未能達到預期收視及經濟收益的節目」，但TVB未有將其腰斬，只係搵訪談節目《#馬時亨香港情》取代佢嘅2145檔期，《唔好笑》則改於2215播放，感覺呢個節目調動似乎比整個節目更好笑。