小編都唔識玩無人機，不過我都知道喺高速公路低飛玩無人機好危險🤡 謝東閔 會唔會攬炒埋 朱智賢 Ashley Chu？🤡

—————————
▌《晴報》版本：
//無綫藝人 #謝東閔（Brian）九月底被網友揭露他玩航拍機闖入汀九橋和輕鐵範圍，懷疑違法，事發後他一直「潛水」未有回應，公司亦沒有就事件回應。事隔一個月，謝東閔終於「上水」在IG分享一張相，並留言說：「原來好耐冇出過post，最近真係好少影相添，嚟緊影返多啲！」不少粉絲久違偶像都特別興奮，紛紛留言為他打氣，非常溫馨。有網友問為何他不出席節目巡禮，Brian留言解釋是因為要拍劇。

而Brian的女友 #朱智賢 今日(26/10)出席公開活動，被問到Brian玩航拍機的事，她明顯有備而來，封嘴為愛郎護航：「我冇乜留意其他新聞，其他人嘅事唔回應喇！（節目巡禮當日臨時缺席？）呢個真係唔清楚。」問到男友是否經常玩航拍機？她竟然說：「呢個又冇乜留意，同佢出街多數都係放狗多嘅，（佢涉違法會唔會擔心佢？）唔評論其他嘢喇，同埋我都冇留意呢單新聞！」//

▌《明報》版本：
//談到男友謝東閔早前疑玩航拍涉違法一事，朱智賢說：「我不評論，不懂玩。」//

首先，我知道《#食腦喪B》嘅主角造型係「參考」美劇《#iZombie》，所以我唔係評論主角啲妝有幾靚仔靚女，我係評論路人喪屍啲化妝、動作設定、世界觀有幾令人出戲。

【化妝】
路人喪屍嘅妝同主角差唔多，係再頹啲咁解，油白塊臉、畫個黑眼圈，但有部份喪屍條頸係肉色嘅，如果演員有地中海，咁頭頂都有機會係肉色，相信係「#奇行種」。

喪屍全身衣服完整，血都無一滴，亦唔覺有傷口，另外，就算你對喪屍棍毆槍射都唔會出血，同《毒魔2》一樣，歡迎收睇無血嘅「大屠殺」。

【動作設定】
點樣令觀眾區分人類同喪屍？啲喪屍會好似演舞台劇咁，動作幅度極大，但呢啲動作大部份都係無意義嘅，純粹係話畀你聽「佢係喪屍」，另外編劇亦同喪屍deal好咗，只會喺劇情有需要下先咬人。

大結局有一幕係講，喪屍化嘅蔣志光同何廣沛發現「喪屍唔會咬喪屍」，所以啲喪屍喺佢哋面前會企喺原地「痙攣」，不過當一班人類僱傭兵捉住蛋糕女 #朱智賢 出現嘅時候，班喪屍仍然唔識郁，企喺度咆哮同捉空氣，直至雙方完成對白，主角團隊打算逃走嘅時候，班喪屍先至解除「禁足」狀態，鳩到無倫。

【世界觀】
香港有喪屍咁大件事，但成套戲都無警察、解放軍，一個幫香港警察賣植入式廣告嘅大好機會，咁就冇咗。

一個被喪屍攻陷咗半年嘅香港，條街仲乾淨過除夕倒數之後人潮散band，但為咗製造凌亂嘅感覺，後期製作仍然加咗啲火種喺條街，例如係可能燒咗半年嘅的士同垃圾堆，以後人類唔洗開採石油，燒香港啲垃圾就得。

結語，雖然《食腦喪B》唔係一套真正嘅喪屍片，但都唔係咁離譜吖嘛？如果大家有時間嘅話，希望你哋可以用喺更有意義嘅事上。

▌#謝東閔 喺「無人機事件」後一年終於肯接受記者訪問，佢多謝TVB肯畀佢「改邪歸正」… 對唔住，原來只係講緊唔使再做「御用奸人」，唔係為自己做過嘅事負責😂

▌回顧返一年前我哋嘅報導...

//日前「香港無人機航拍會」Facebook群組傳出一段疑似由TVB藝人 謝東閔 拍攝的無人機片段，片段顯示一架無人機在汀九橋上逆線低飛，並且不時貼近貨櫃車、雙層巴士飛過，假若有司機被無人機分心，恐怕會釀成嚴重車禍。

該段片段由IG用戶「gluestick_production.fpv」(下稱gluestick) 所上傳，網民發現，gluestick上載的其他相片，與Youtube Channel中的「謝東閔影像社」頭像吻合，故推斷gluestick為謝東閔所擁有... //

#朱智賢 #無人機 #汀九橋