امر ربي غصب عن انسه وجنه
قبل وعد النفختين
اكسرو شيطان واشنطن وقرنه
حن ياابو بغمتين
موعد الهدنه تغلق يارجالي

#ذوالفقار_سفيان

في كلا الحالات با يرجع بحزنه
حلف مقطوع الوتين
مالقى في وسط شعبي من يحنه
من عيون الشامتين
والتقيناهم بفوهات الاوالي

بعد سابع عام ما لاقى مكنّه
حين واجه حارتين
التقفناهم بطعنات الأسـنه
بأس من بأسه متين
والهزيمه ما معه منها مجالي

#عزالدين_جحاف

التحالف لو حشد انسه وجنه
من شماله واليمين
عهد منا في المعارك باندنه
نطحن اجيوشه طحين
في الصحارى في السواحل في الجبالي

اليماني حقق الرحمن ظنه
كان له نعم المعين
والسعودي قد كسرنا اليوم قرنه
فوقهم يامؤمنين
اسحقوا حلف الغواية والضلالي

#حاتم الاسدي

دنّ يابركـان بن سلمــان دنّـــه
ليل وعد الحـر دين
قرنه النجدي مع اذانــه وعينـه
نقتلعهــا واليــــدين
مانبقـي بالخليج خنزير سـالي

قادم اعصار اليمن بـ انسه وجِنّـه
والسلاح ذي ما بــدَين
يـوم مايلقـا رقــم مبعوث يرنّه
او يحـاور كلمتـين
لا ولا فرصه لفـرعون الضـلالي

#ابو_الجراح_المعازي

مايموت الحُر مُغبن عنــد سَجنّه
لجل ياكل لقمتين
يكسر اجـدار التـحـالـف لـو بسنّه
ينتصر في كرتين
لليماني النصر فـي سهل وجبالي

كيف تبغى الموت يالغـازي تمنّه
قـرن ولا طلقتـين
في اليمن مثواك من طينه تهنّه
في نكالك عبرتين
للـولـي طــوبـا و للـغـازي وبـالـي

#جلال_السكري

من يخون الشعب ياحمى لدقنه
اويبيع الدين دين
عبدربه ضن لاكن خاب ضنه
ياغبي واين انت وين
صامدين اقوى من اصمود الجبالي

شعبنا كل القبايل يعرفنه
شعب من نسل الحسين
سيدي لو رن للشجعان رنة
لانعيد القبلتين
لوسهرنا بعد بعد اربع ليالي

#محمد_الاخرم

حربهم ضد اليمن شيعة وسنة
قسمونا فرقتين
ودهم في أرضنا للحرب فتنة
الغزاة الماكرين
خاب حلف سعود في أول وتالي

نعرف الخاين ونعرف كيف فنّه
للتحالف تابعين
شعبنا غير الذي سلمان ظنه
غير منهم خانعين
غير الاصلاحي وغير الانتقالي

#الأديب_السماوي

لايدور بعدهــا يعلن بــ هدنه
قد عزمنا جاهدين
الخداع يااصحابنا شغله وفنه
كم خروقات حاسبين
لكن الله حسبهم اول وتالي

لايضن انه بمكره .. خاب ضنه
واستوى حلمه هجين
عاااااااد قدامه رجال العز منه
دايماً عبر السنين
كـ الشوامخ في مسارات القتالي

#الشاعر_ماجد_القادري

بين قوسين قرروا بالأمس هدنه
يقسمونا دولتين
والسبب هم باليمن من كل فتنه
ضد ارض الجنتين
واليمن اصل العروبه والمعالي

بلغو سلمان مهما زاد ثخنه
او ظهر في صورتين
وجه أمريكي مطبع غير حسنه
قد طبع بالرئتين
لا تقولوا سلم كلا يارجالي

#ابومطلق_ابوشوصاء

الفضل لله مابه أي منه
وحده الله المعين
هو نصرنا والعدو غارق لما اذنه
حربهم طالت سنين
واليمن لازال ثابت في نضالي

لوحشدتوا ضدنا شيعة وسنة
واقبل ابليس اللعين
بايجيك الموت من يسره ويمنه
واتعودوا خايبين
خبروا سلمان مابه له مجالي

#عبدالقوي_البطل

قل لمن عادى اليمن ياويل غبنه
دام بالحبل المتين
قد تمسكنا وحدينا الاسنة
نقمع المتخافتين
ذي رضوا بالذل وافتوا في قتالي

والذي عادوا محايد عاش كنه
بين جمع الصامتين
منعزل وحده وعايش في مجنة
منتسب للميتين
ماعرف هو شرعية والا انتقالي

#محمد_رطاس

علم الملعون ولا اعصر بااذنه
دائما يبقى لعين
بس ماذلحين يبشر حين ندنه
نعجن املاكه عجين
دام واحنا بالطواغيت مانبالي

القصور حقه يراها غد ركنه
والخرافات تستكين
والذي افتاه وهو مفتون بدقنه
مانلاقيه بي لين
بايشوف واحنا على بابه باالي

#حمزة_الحيمي

هي من الله طيلة الأعوام سنّه
وانظروا في الحقبتين
كل متعدي لقي ذي ما يحنه
واستلمها فـِ الوتين
وانقرض بعد التكبر والتعالي

قال هدنه بس ناهي أي هدنه
هدنة المتعنتين
بالخوَن قصده يزيد الحرب فتنه
كـلهم متشمتين
يعرفونا كل ما اشتد القتالي

#يحيى_الوحيشي

بلغ ابن معاوية ما ذل منه..
كل من جده حسين..
من صدى هيهات با تتفجر إذنه..
دامت احدى الحسنيين..
غاية الانصار في ساح النزالي..

بعد ابو جبريل رضي الله عنه..
كلنا متوحدين..
في مسيرة شكلت شيعة وسنة..
صف ضد المجرمين..
تحت سقف الحق والنهج المثالي..

#ابوزكريا_المأخذي

اليمن ما ينخدع من مكر هدنة
با نحاربهم سنين
لو علينا يحتشد انسه وجنه
با نضلي ثابتين
في البحار وفي الصحاري والجبالي

حلف امريكا اقترب دعسه ودفنه
والشكوك صارت يقين
غاية الأنـصـار تحرير المدينة
وا يعـيـدوا القبلتين
من ايادي العابثين اهـل الضلالي

#فايز_الحمزي

خابت امريكا وخاب سلمان وابنه
والغزآة والمارقين !!
خاسرين في حربنا جاءوا بهدنه
كالرماد او كالطحين !!
وانكشف أهل السمو وأهل المعالي

نصر ربي يارجال لابد منه
للعباد المُتقين !!
وعد رباني بقرأنه ودينه
إبشروا يامؤمنين !!
فاز من لله وابوالقاسم موالي

#محمد_الحشيدي

غرت الأحلاف أحلامه وفنّه
يا ضياع التائهين
وابن سلمان الغبي قد صم أذنه
من فعول المؤمنين
وأتضح مكنوننا في كل حالي

#يحيى_الوحيشي

‌‎رحمك الله يا من للحروف اقيادي..
خيمتك للقصيد الحيدري رمزية..

با نكبر وندعس هيبة المتمادي..
الله اكبر من امريكا حقايق حية..

صرخة الحق زلزلنا بها الموسادي..
واصبحت مدرسة لأجيال قرآنية..

#فارس_المعزبي

اصرخي يا البنادق بالجبل والوادي
صرخة ايمان ما فيها ولا حزبيه..!!

ردديها على الزامل وصوت إنشادي
بعدمــا تحفضيهــا مثلنا غيبيه..!!

مستحيل اني اترك صرختي وافرادي
وإبن ( طه ) و روحي روح ايجابيه..!!

#امين_التركي

اصرخي الله اكبر ياحيود ابلادي
واثَبتي لو تطايــرنا شظيه شظيه

مابدينا هـــو الحلف العميل البادي
ويش دخل العرب والامركة معنية

بعد نصرالله الّي لآح وسط الوادي
قل لفرعون جات القـــــوه البحرية

#ابوصالح_العملسي

صرختي طعفرت لحلاف حادي حادي
وكل قـــوه غير قوة خالقي منسيه

شيـــعوها بعصر التــــلفزه ولــرادي
وجـــــعلوها علا كل الـدول قصريه

من يحـــــبه حسين إنَود له ونعادي
من يعــــاديه ياويل القوا الكفريه

بلبل النصر #حسن_المهدي

يا سواحل ويا سفح الجبل والوادي
شلوا الصوت وانتي يا السما شلّيّه

وانت يا شعب خلي للصدى ردّادي
واملي الكون بالصرخات الايمانيه

بالشعار اللي اكشف عورة الموسادي
والتبس ثوبه السلماني ابن الحيّه

#عزالدين_جحاف

صرخة الله أكبر للعدا بالمرصادي
في المعارك ترددها الأسود الأبيه

قد هتفنا بها قومي مع أولادي
في الميادين في الساحات بصوره قويه

وعلى دربها بايسلكوا أحفادي
ونت بالغيظ مت ياحلف أشقى البريه

#علي_العقاب

صرخة حسين صرخه هزة الاوغادي
هزت ابراج زايد والسعوديه

واصبح البيت الابيض يبرم العدادي
وا يراجع حسابه لاهنا وهنيه

قوم صهيون تاهوا داخل الموسادي
جاء شعارالبرائه نصرة القضيه

#ابوريام_الطاهري

باموت واحيا حيدري صمادي
رافع على راسي شعار الحرية

و أصرخ ونار المعركة وقادي
وادعس على روس الحناش البرية

وافدي بروحي عزتي واولادي
و شهادتي أكبر شهادة فخرية

#الشاعر_أحمد_الغبسي

صرخة الله أكبر نصر غادي غادي
والف صاروخ يقرح من فم الحرّيّه

ياشعار ارهق الطاغي مع المتمادي
صرختك عاليه مادعوتك سريه

عسكريه على هيئة خطاب ارشادي
للعرب والعجم وانذار باالعبريه

#هارون_الزغاري

والله اني بـ اواصل صرختي وجهادي
بالولا والوفـــــــاوالهــمه الـثــوريــة

الكفن في يسـاري واليمين زنـــــادي
مانـبالي بشـــــــــرقية ولاغربيــــة

نصر وإلا الشهاده غايتي ومــرادي
ويل ابو من يعادي ارضنا اليمنية

#ابو_برق_الظرافي

والله ان البراءة من صميم فؤادي
تنطلق في مسار المعركة السريّة

فعلها ينسف اعداها وكل اوتادي
تنقشع من جذور الباطل الملغية

كبرو واصرخو واولادكم واولادي
باتكون النتيجة بأس عنقودية

#الشاعر_ابوعساف

الـحـناجر تــدوي فـي الـجبل والـوادي
الله أكــبـر تـمـوت الـنـفس الامـريـكية

هي سبب ما جرى من ظلم لي وبلادي
والـسـعودي وحـلـفه مـثل ذيـل الـحية

الــبــرائـة شـــعــار يــفـطـر الأكــبــادي
الـمـنـافق يـجـيه الـمـوت مــن طـاريـه

#الشاعر_فارس_الجعدالي

الله اكبر شعاري موقفي وعتادي
من هدى محكم الذكر صرختي فرضيهّ

الله اكبر سلاح العز والامجادي
شكلت حرب كبرى علـ العدو كونيه

الله اكبر على امريكان والموسادي
ثوريه نار حمرا زلزله ارضيه

#إبتسام_شرف_المحطوري

صرخة الله اكبر احرقت الاوغادي
عكرت صفو ذي هم اسمهم شرعيه

ارعبت زلزلت من افسدو في بلادي
ميزت بين ذي حاقد وصافي النيه

اطلقوها بقوه اقهرو الحُسادِ
نلتمس من صداها قوة الشخصية

#ابوحنشل_قاريه

باسمك اللــه واكـبـر صـوتـنا ردادي
للـبـراءه رفــعـنـا عـاجـلـه حـصـريـه

ماخشينا سوى الله ياقوى الاوغادي
موت لامريك واسرائيـل والنجـديّـه

والثقه هي بربي واصـبـعـي وزنادي
والشعار الحسيني نـرفـعـه جـهـريّـه

#ابوكرم_نشوان

حي ذاك الصوت ذي جانا بلا ميعادي
من نمر معروف زان ابياته الشعريه

الله اكبر لو تشوف اين اصبحت يالشادي
بعد ما كان الذي يصرخ بها اقليه

قد تعتدت كل حد ومنطقه لبلادي
واصبحت كل القوئ ذي عارضت مخفيه

#ابوبدر_ذيبان

الله اكبر شعاري ضد الاستبدادي
منطلق في سبيله حالتي ثوريه

صرختي في سلاحي موقفي واعدادي
بر او جو جاهز والحسوم بحريه

عهد لله يوصل بالشعار اولادي
كل قاره يعمم فالكره الارضيه

#علي_الشعيثي

الله اكبر في المدينه والقراء والوادي
الله اكبر واضحه متجليه جهريه

تلعن اسرائيل ومريكان غادي غادي
وصبحت عند اليمن صرخت غضب فطريه

صورت في كل جبهه منجزات بلادي
عاد باتصرخ جنوبي باالغه المهريه

#محمـد_مجلـي

با اصرخ اليوم مهما حاولون ابعادي
ضد صهيون با ارفع بندقي صدريه

صرخة الحق توصل للبعيد الغادي
باترفـرف علـى هامـاتنـا المعليـه

لو سلب مني المشـرب ويسلب زادي
ماسكتنـا على اسرائيل راس الحـيه

#ذوالفقار_سفيان

من شعار البراءة نكشف الافسادي
والاكاذيب ذي شرقي وذي غربية

المجاراة عن ( الاوضاع المتردية في عدن نتيجة الاحتلال والخيانة)!!

البداية الشاعر #بسام_شانع

يا أصحابنا في الجانب المُحتل
ويش الذي صاير وكيف الحال..؟!

ذي قال با يفعل وبا يفعل
ولا فعل شي غير قال وقال..

هل صرتم احسن من (دبي) وافضل
او صاروا اغلبكم رجال أعمال؟؟

والا كما (ليبيريا)وابطل
واسوا من (الصومال) و(البنغال)؟؟

#ضيف_الله_سلمان

(باب اليمن) ذي عندنا مقفل
وبابكم جالس بدون اقفال..!!

ومن قبل بالغازي اتبهذل
والفرق واضح في(عدن) و(آزال)!!

ومن غُزِي في عقر داره ذلّ
كذلك اللهْ يضرب الأمثال..

في ماضي وحاضر ومستقبل
دروس بالتفصيل والإجمال..!!

#عبد_الرحمن_الريامي

سمع نــــداكم سيدي وارسـل
رجال فزعتم تسر البــــــــــال

وانتوا تـقولـوا كيف بانقبــــل
بالعز ياحـوثي ولاشـي مـــال

واليوم هــذا حـال من بـــدل
باهل الوفاء والمـرجله دجـال

كاس المـذلة ياعــدن حنــظل
والشهد في العزة والاستقلال

#احمد_درهم_المؤيد

احنا عرفنا المشكلة والحل
وانتوا تركتوها بلا حَلّآل

لا انتوا تبون الأجنبي يرحل
لاتقبلوا بالمجلس المحتال

هم السبب من كان يتأمل
في نهب ثروتنا وبيت المال

من ساند المحتل واتقبّل
بوصايته ما حقق استقلال..

#محمود_الجنيد

يااصحاب شكرآ بلغونا هل..؟
للحرية في داركم تمثال

من بعدما قلتو (لطه)ارحل
نشتي ولد سلمان ابو الاموال

(بسام شانع) قد خرج يسئل
كيف الجنوب وكيفهي الاحوال

قلوله ان الوضع مايقبل
تأخير (ابو جبريل) والابطال

#فارس_المعزبي

مابه بعلمي للجنوبي حَل
غير التولي للنبي والآل ."

يضمن بإذن الله مستقبل
وفوز يوم الحشر والاهوال. "

اما يصفق لــ احتلال أخبل
ويضن بنفسه إن قده رجال. "

مضمون تبقى طلعته مَنْزَل
وعيشته لـُـعبه بيد اطفال. "

#الحمزة_المغربي

يا شيخ عثمان المــدى يطوَل
لو با تظلــي تصـحـب الانذال

اتـرك عــدو الـلّــه و اتــوكــّل
واكسر قيود الحلف و الاغلال

يا عار من في الـذلّ يـتوغــّل
و يخدم المحـتـل و الدجــّال!!

تأريخ شعب الـعــز ما يـقبـل
بـ حكم ذي تأريخـه السروال!!

#يحيى_الوحيشي

‌‎الوضع ما يحتاج تتمهزل..
سابر ولا عند الجنوب اشكال..

اضحى أوربا ثانية وإسئل..
عن منجزات الملك والسروال..

الأمن لا موجود ومعطل..
والكهرباء طافي وهو شغال..

وإيفل عدن شاليهته منزل..
مايل مثل كنتيرة البصّال..

#ابوصالح_العملسي

بانتبع اكتاب الله المنزل
ونحارب امريكا من الانفال

ذي ماقد اترجل فيترجل
ويحسب المخراج والمدخال

دماء الخيانه سيلها سيل
ولا رضيها غير ناس انذال

والا امانا باقاتل المحتل
رحال ابو صالح معه رحال

#ابومنار_العشي

الحال محزن لا حدا يسأل
احوال تجري في الجنوب احوال

لعبه وملعابه حكمها احول
ما بين ابو لحيه وابو سروال

والكأس للأنذل وللأفشل
واتعادلوا المستوى الانذال

هذا الطرف سجل وذا سجل
يا بال أبل ليل المآسي طال

#عزالدين_جحاف

تحالف العدوان لويرحل
عن أرضنا فالوضع عال العال

كن حر شامخ ثور وترجل
واطرد ابتهم مجلس الأنذال

ياعيبتك كم راح تتسول
رحمة من الغازي العدو الضال

وعند أبوجبريل أفضل حل
باينقذك لو عدت له في الحال

#الشاعر_فرحان_السلامي

بنت اليمن ما فهمت الجـدول
ولا اكتفت بالرقـص والطبّــال

ولا كفــــــاهــا درسهـــا الأول
لعبو بها حفنـه غجـر و انـذال

عــدن بنــار العيــب تتــزلــزل
و لا سمعنا صـوت مـن رجّـال

#ابوحنشل_قاريه

يهنا الشمال الحُر لم الشمل
لك ياعدن صنعاء اعزّ مثال

وضع الجنوب اليوم لا الاسفل
ومستمر الوضع في الإنزال

هاذا جزاء من طاوع المحتل
يأتي الجزاء من جنسها الاعمال

ضيّعتم الحـاضـر ومـسـتقـبل
يــوم ان قبلتو دخّلت الانذال

بلبل النصر #حسن_المهدي

عقل الجنوبيّ اطرح واشتل
واتشارتت به كمبـة العـُقّــال
..
مجنون وافي بعدما اتمعقـل
حـاره تخلّـي جِيــدها بطّــال
..
واحـد مـع ابو ظبي يتحيـل
على القضيه يا سعم رجــال
..
واخوه من موتر سعود انفل
قِـلّ الوفا واتسرولـه بـ ريال

#الشاعر_محمد_العمار

من يقبل الغازي ويتقبل
يعيش عمره داخل الاذلال

امن المواطن في عدن مختل
وصار حقه في قد الانذال

ياقوم من هو حر يترجل
لايقبل المحتل مهما قال

يستلهم الايات يتأمل
من واقع الصافات والانفال

#اكرم_النيعاني_ابونبيل

قلو لذي غناء وذي طبل
للغازين ايش غير الاحوال

قذا الكلام السابق اتبدل
وخاب ذي كنتو تقولو عال

قذا الثري منكم ذيتسول
وذا فعل حادث وهاذا اغتال

شوفو مصير من خان واتوسل
الذبح والتجويع والاذلال

#بلال_الصوفي

عدن هي الأرقى هي الاجمل
ما تقبل التفريط والإهمال

في كل شي ترتيبها الأول
رغم التآمر من قوى المحتال

وحزب الإخوان الذي يجهل
عواقب اللي يفعله أو قال

خلو عدن في حرها تشعل
وعلى التطرف ينفقون المال

#إبتسام_شرف_المحطوري

وكل من خان السعيده ذل
والعاقبه خسران للانذال

والوضع سيئ مالقو له حل
والحل في خشم السلاح شلال

والقايد السيد بقوله هل
وحده توحد نردم الأهوال

بلد تنتهك في الصبح بانت محارمه
بهذا العمل نبصره يفسد البلاد

#ابوحنشل_قاريه

وياكم شعوب وكم قد اضحت مهدّمه
بها البغي والتضليل والفسق والفساد

سببها الرئيسي كان عبر المنضمه
شعاره حقوق انسان والطِيب والوداد

على المجتمع اخطر من الغام واحزمه
واخطر من البيلوج وسكود والغراد

من اهدافه الأولى مـكـالف ملـثمـه
حــضاره رفاهيـه تـقـارب وإتحاد

#علي_عقاب

شباب وبنات اتجنبوا حرب ناعمه
والاعلام يهتموا بماصار فالبلاد

نحصن يمنا وعي وايمان يدعمه
ودورات صيفيه مع علم واجهاد

لانه فشل عدوانهم هب منظمه
من اهدافها نشر الرذيله في العباد

فلابد ياشعب الصمود شئ تفهمه
بأن اليهودي مايجي غير بالفساد

#ابوحسن_الشبطي

توخي الحذر واتستري يامعلمه
وقريّ ببيتش قد عُفيتي من الجهاد

فلاكيدكن من فوق كيد المنضمه
ولا افكاركن للصهينه صعب الانقياد

خروج المره من بيتها اكبر محرمه
ولا للمره في الحريه قيرطه مراد

إذا ماقتدت باخلاق زينب وفاطمه
لعن جد قوماً ماعلنوا ضدها الحداد

#إبتسام_شرف_المحطوري

وذي ماصحي او فاق لابد نعدمه
وعبره لمن اجرم وايد مع الفساد

وكل الجرايم هي سببها المنظمه
وهم زارعي البغضاء والفسق والحياد

واحنا لنا قايدحسيني ومااعظمه
وحذر وكررها ومن هدي ربي جاد

واحنا هويتنا هويه مدعمّه
واركانها الايمان والصبر والجهاد

#عبدالواحد_مدفع

وهل هكذا كانت رقيه وفاطمه
وهل هكذا قد بين الله للعباد

اسف يا قبايل بانت الشمس مظلمه
بيوم البغا والعيب مستوطن البلاد

إذا هكذا قد كلمن فك محزمه
وهمه من اعراض المحارم كم استفاد

فلا عادها عتقوم للدين قايمه
إلى يوم نفخ الصور والحشر والمعاد

#الشاعر_ابوشهيد_القطمي

توالت قوى العالم حكومات وأنظمة
لنشر الدعارة و الخساسة في البلاد

و شنوا حروب أفكار بخطوة منظمة
يريدوا تصير الأرض في حالة الفساد

علينا وجب حمل الثقافة المترجمة
لتحصين الأنفس با الهداية و با الرشاد

تضل اليمن من غزو فكرة محرمة
و في قلبها كمن ولي سار با الجهاد

#يحيى_الوحيشي

اذي هو لقيطة سوق من دون مكرمه..
تلاقي حريمه صيد سهلات الاصطياد..

لو ان الزلط حوله مرابط مكومة..
قسم لا يقدمهن بضاعات للـمزاد..

وذي هو قبيلي عسر يحفظ محارمه..
على صون عرضه ياكل الرمل والرماد..

على العرض مايتقبل اية مساومة..
مبادي قيم غيرة حمية ودين جاد..

#الشاعر_أحمد_الخاشب

هدفهم نفوس الناس تبقى ملغّمة
على شرك لا يُغفَر وإلحاد وارتداد

ليسهل عليهم غـزوهـا فـي المقدمة
وتستقبل افساده على الرحب والوداد

وتبقى سلاسلهم على الكل مُحْكمة
بـلا أي كُـلْـفـة عـسـكـريـة ولا عـتـاد

بـهـم خـبّـرتـنـا كـل آيـة و"مـلـزمـة"
ولا من خيار إلا البصيرة مع الجهاد..

#سيف_حسن_العامري

لأن اليمانيه عفيفه محشمه
وابنائها عشاق للحرب والجهاد

تبنوا لها بنيان با العهر مفعمه
مصايد تجيب البنت طوعاً للاصدياد

ومن بعدها ماتخرج الا ملغمه
بكل الرذايل دون صاعق ولازناد

توزع وباها في طريقه منظمه
وتزرع خباثتها ويامقبح الحصاد

#جميل_جعفر_ابوشامخ

اولـو الـعـزم و اهـل الـعـزم أمّـه مـنـظّـمـه
وقـايـد من آل البيت درّب لها و قـاد

هُـدى الله حـوّلـهـا صـواريـخ مُـلـهـمـه
وهو درعها فـ الحرب والسيف و الـمـضـاد

فـلا فـ الـشـرف و الـعـز نـقـبـل مـسـاومـه
ولا الأقـلـمـه نـقـبـل و تـقـسـيـم و انـفـراد

لـنـا الله عـلـى كـل الـحـشـود الـمـشـرذمـه
ولا نـنـشـد الاّ الله فـ الـدعـم و الـعـتـاد

#ابوكرم_نشوان

حروب المسوخ البارده والملغمه
بمضمونها ذي يحوي العهر والفساد

تقدم لنا مشروع وهمي وتدعمه
وتنسف قيمنا دون قبضه ولا زناد

عليا الحرام ان من ضحايا المنظمه
ضحيا تخلت عن هدئ الله والجهاد

#أبويونس_العويري

قـــد حــان تطهيـــر البلاد المكرمــة
من رجس حلف إبليس وأعوان الفساد

تغــزي بلادي بـا أســـم سلات مكرُمـــة
ومضمونهــا ثاني مـــع العـــد والعتــاد

إن مــاجــعـلنــاهــا عليــنـــا محــرمــة
فلا خيـــر في شعبـــي ولاخيــــر فالبلاد

#أبوخارف_ابوشوصاء

غزتنا ب اسم الدعم ذي هي تقدمه
ومشروعها في شعبنا تنشر الفساد

وأفكارهم بانت خبيثه ملغمه
نوايا مثيل النار ذي فوقها رماد

ولكنها ياقوم علينا محرمه
ولايمكن أن تبقى ولايوم في البلاد

على طردها كل القبائل مصممه
والا عليها نعلن الحرب والجهاد

#أبويحيى_العميسي

اذي بايسجل حرمته في المنظمه
ويجلس ببيته ينتظر منها الهداد

نفصل لهم شيله وطرحه ومقرمه
نخليه عبرة يعتبر منها العباد

وذي ماتعلم واجب احنا نعلمه
وبالوعي والايمان تتحصن البلاد

ولا بايجوز الصمت عن حرب ناعمه
ومشروعها ذي ينشر العهر والفساد

#ابوفتح_الاشول

تهون المجازر في بلدنا المعظمه
وتبقى الحروب العسكريّه بلا مضاد

ولا نرتضي في حرب بارد وناعمه
من أسوء تحالف يغزي الشعب بـ إتحاد

بأفكار مدروسه وخطوات مُحكمه
هدفها لـ هدم أخلاق الأسلام والبلاد

وملعون من قد باع عرضه مع دمه
وملعون من يرضى شرف شعبنا يُباد

#محمد_الاخرم

المجاراة عن
العرس الجماعي لعدد تسعة الف عريس وعروس برعاية الهيئة العامة للزكاة) .

البداية للشاعر #احمد_درهم_المؤيد

انطلقنا من جميع المناطق
واجتمعنا فالزفاف الكبير

في زكاة المال مابه فوارق
في اليمن بين الغني والفقير

خبروا من كان في الفيس ناعق
قلنا ويش أزعجك ياخبير!!

#الشاعر_نشوان_الغولي

أوسخ الأبواق بوق المنافق
وانكر الأصوات صوت الحمير

قلتها طالق وطالق وطالق
للمنافق والعميل الحقير

بعد مابانت جميع الحقايق
واصبح الخاين حرم للسفير

#ضيف_الله_سلمان

شعبنا اتجاوز جميع العوايق
بالقيادة والكتاب المنير

قد هزمنا كل فاجر وفاسق
وانتصر مشروعنا في الاخير..

زوّجوا من كان مؤمن وصادق
واكتفوا يا اصحابنا باليسير..

#الشاعر_ابورواسي_ارحب

جمع تسعه ألف حلقه وصاعق
أقلقت من مات فيه الضمير

ناسي أن الشعب هذا مسابق
في حمئ أرضه وعرضه يغير

لاتضيق بعرسنا يا مضايق
عاد باقي في جعبنا الكثير

#مروان_الشماع

من ورود الشوق نهدي بطائق
في خضم الاحتفال الغفير

عد تسعة ألف مجنى الحدائق
عرس من عطره يفوح العبير

موت في غيظك بنا يا منافق
وأنت ما لك غير سوء المصير

#فتى_همدان

نحمد الله لا قد الجو رايق
فرحة العرسان تسوى كثير

من جبل مران قد لاح بارق
يدعو الامه الى كل خير

قاده السيد وبالله واثق
اشهد انه كفو قائد جدير

#ابومنار_العشي

يا يمن الأيمان سابق ولاحق
الف مبروك الزفاف الأخير

العرس ذي ضم عدة فيالق
يستحق انا نقول الكثير

الزكاه اسلت حنق كل ضايق
يسرت ما كان عنده عسير

#سيف_حسن_العامري

طالقه ياالعيزبه الف طالق
راح عمري فيش مثل الاجير

الله اكرمنا بربان صادق
ررزح للمعسر غناء للفقير

با الزكاه انهى جميع الفوارق
واصبح المهر المغلظ يسير

#يحيى_الوحيشي

دام معنا اليوم قرآن ناطق..
ما علينا من كلام الحــقير..

بلغ ابواق العدو والبيادق..
والعميل المرتزق والأجير..

الزكه تحرم على اهل الفنادق..
يحنقوا ويبلبلوا للأخير..

#ابوحسن_الشبطي

بادروا ياكل مؤمن وصادق
زوجوا من كان عازب فقير

حصنوا شبان والا مراهق
لاتخلوا نافذه للأجير

وانت يامن تملك المال سابق
دفعها ملزم وواجب كبير

#عزالدين_جحاف

في مغاربها ولا في المشارق
ماحصل كالجمع هذا الغفير

حفل للعرسان سابق ولاحق
في يمن الايمان عبر الأثير

ياسلام الله والخير دافق
شعبنا في الكون ماله نظير

#ابو_برق_الظرافي

احجري في عرسنا ياالبنادق
محجره للخصم ويل وسعير

عرسنا فرحه تشكل مخانـق
حول الأعدا لاجهنم تشيـــر

بان نور الحق والشر زاهــق
بعد توجيه العلم والمشيــر

#محمود_الجنيد

للزكاه اليوم راعد وبارق
خيرها بسمه بوجه الفقير

خيرها فرحة بكل المناطق
في المزارع والزفاف الكبير

بالعطايا خيرها اليوم دافق
تصبحوا ياشعب بالفين خير

#زيد_الحوثي

عانق القرناس يا شعب عـانق
القـناعـة رأس مـــــــال الفقير

المغارب كيّـفـت والمـــــشارق
والصغير بالــــيـوم ذا والكبير

والزفاف فيني قناعة وواثــق
ليس الأول في اليمن والأخير

#ابوسياف_البيحاني

بالزكاة اليوم بانت حقائق
كانت اول غارقه قعر بير

اقتران العازبين بالشقائق
في رضا الله السميع البصير

والنبي لو حلقين الحلايق
ما نخلي في يمنا فقير

#الشاعر_أحمد_الخاشب

دام والشعب اليماني مسابق
في سبيل الله واجره كبير

فاز من أنفق، ومن شح غارق
بارك الله في القليل اليسير

بالزكاة امست حَصَانا شواهق
عاد مجرى كل مصرف غزير

#ابوشهيد_القطمي

إعلمي يا غربها و المشارق
و إعرفوا فضل الزواج اليسير

بعد تسعة ألف قل للخلايق
العرس الأكبر في الكون يصير

كإنها فوق المنافق صواعق
قرحوا قلب الحقير الأجير

#ابوبدر_ذيبان

في يمنا الخير دايم يسابق
بالتكافل والتفاعل جدير

والزكاه خطت بنود التوافق
حصنوهم بالزواج اليسير

والتهاني العاطره فل عابق
للحراوه في وطنا الكبير

#الشاعر_ابوصادق_الشيبري

الزواج يشمل جميع الطوابق
من تمسك باالشروط اليسير

ننصح الاباء في الخير يسابق
والغني يــدفع زكاة الضـمير

حصنوهم والزواج كان عــاق
في الزكاه بركه لجني الكثير

#علي_العسكري_المكلي

هكذا يا كل مخلص و صادق
واصلو خلف الرسول المسير

ارفعو الافراح طابق بطابق
بالفرح من وحي عيد الغدير

في زفاف التسعة آلاف فارق
في اليمن ذي ما لشعبه نظير

#ناجي_صالح_ابوردرم

رغم ماسووا من احصار خانق
خيرربي جل ملكه كثير

إخسئوا ياكل منحط دانق
بيننافي التاليه والأخير

بانقيم اعراس سابق ولاحق
والمسيره باذن ربي تسير

#ابراهيم_الشرفي

زوّجـوا عـزبـان كـل الـمـنـاطق
واسعدوا المسكين هو والفقير

بالمسيـره بـان حـجـم الفوارق
بين شرع الله وشـرع الأجـيـر

غربَلَه..يا عصر كشف الحقايق
ما يغيض العُرْس غير الحقير

#حمزة_الحيمي

بـعدمـا الـعـدوان صـك المغالق
والـحـصار اطـبق ومات الضمير

اتضـح له شعـب غير الخلايق
يقسم الشـربه وقـرص الشعير

والزكاه استأصلت كل عايق
يـوم عـدّت للزفـاف الغـفـير

#أبوحسين_العصري

المجاراة عن ما يسمى #الهالوين والطقوس الشيطانية المخالفة لتعاليم الدين في بلاد الحرمين..

البداية #ضيف_الله_سلمان

(من نجد قد طلعت قرون الشيطان)
شاهد لصدق المصطفى العدناني..!!

والمملكة في كفرها والعصيان
تروي حديث الاثم والعدواني..

عن (تركي ال الشيخ) عن(بن سلمان)
عن (عايض القرني)عن (الكلباني)..

الشاعر #احمد_درهم_المؤيد

وهابية تعمل لمسخ الانسان
وافكارها علّة على الأوطاني

وشيوخها صاروا بنَص القرآن
حمير في الاشكال والالواني

قد الحقايق واضحة للعميان
يشهد عليها المنهج القرآني

الشاعر #نشوان_الغولي

ما عاد في نجد الخبيثة إنسان.
جالس على ما صوّر الرحماني.

من بعد عيد (الهالوين) الرّنان.
و المذهب الوهّابي الإخواني.

با يخرج الشعب السعودي عريان.
أنثى تزوج باربعة ذكراني..!!

#بديع_الزمان_السلطان

المملكه ودّف بها (بن سلمان)
شرّع لها شِرعهْ ومذهب ثاني

شرعهْ تخالف ما يقول الأديان
ومذهب يخالف فطرة الإنساني

خليك واعي واحتزم بالإيمان
يا شعبنا والمنهج القرآني

ما دام قد طالت قرون الشيطان
واتمسّك الأعراب بالأوثاني

باننتصر مهما يطول العدوان
والعاصفه ترجع طريقه ساني

#الشاعر_ابويوسف_القاري

احنا وصفنا المصطفى بالايمان
وقال عنا آحبتي وإخواني

وهم وصفهم بالفتن والكفران
حرام مايسووا حذا صنعاني

العن ابوهم كلهم يانشوان
وضم صعتر وإلحق الزنداني

#بسام_شانع

مِنكر زمان الجاهلية والان
انْكم عرب لا انتم ولا بن ثاني

واصنام مكة منكرة والاوثان
وابو لهب ومعمر الارياني

ما سا كما سا مجتمع بن سلمان
لا مجتمع بوذي ولا علماني

ما صار في كل الملل والاديان
ذي صار عند المذهب الكلباني

#الشاعر_ابوعساف

تـوقـعاتي يـعبدون الأوثـان
إمـا بـهذا الـعام وإلا الـثاني

الـعام الأول تـم مـنع الآذان
والـعام هذا ديسكو وأغاني

عاد الصور باتتضح بالألوان
ويـعلم القاصي بها والداني

#أبومالك_الكوماني

كل البلاوي من سلالة مرخان
استفحلت باسلوبها الشيطاني

وباعت الدين السماوي مجان
واتولت ايهودي مع نصراني

تسترت بالدين زور وبهتان
واليوم بانت لانسها والجاني

#عماد_العملسي

يارب لازاد الغوئ والطغيان
فرحم يمنا ياعظيم الشاني

اما السرق يااصحابنا. هم اخوان
ماهم بحول الله ولا الادياني

حاكم مشئ في خدمة الامريكان
لاتنتظر يمشي مع الرحماني

#يحيى_الوحيشي

اعجاز علمي مثل ذي في القرآن..
يزداد به قلب اللبيب إيماني..

هذي حقايق والخفي با يبتان..
ما به بلاد الا بها شيــــطاني..

هو ذا طلع من عندهم بن سلمان..
واحنا طلع من عندنا الزنداني..

#ابومنار_العشي

الحمد لله الكريم المنان
ذي عزنا بالمنهج القرآني

في عصر عادت به عبادة الأوثان
وعادت الاعراب للكفرانِ

فـ الحمد لله والثناء والعرفان
والشكر طول الدهر والازماني

#مروان_الشماع

خلف المبادئ عند فقد الإيمان
ومن كوارث مجتمع شيطاني

الهالوين أعياد قوم الصلبان
إيش جابها لى نجد يا البعراني

إن التشبه بالنصارى كفران
من أحتفل في عيدهم نصراني

#ابو_برق_الظرافي

يانجد شفتي مانتــــاج العــدوان
واحلاف دعّــــــس والديهم هاني

ذي جو يمنا باسم فزعه واحسان
وقدمو عايض مع الزنـــــــــداني

مااليوم شوفوهم ويكفي طنّــان
ولّا علينــا نبعــــد الطنّــــــــــاني

#الشاعر_ابوشاكر_المضماري

صدقت ياطه حبيب الرحمان
صلى عليك الله ياعدناني

ماكاذب الا لقف مفتي البعران
راعي الحديث الموضه النيساني

ذي متنو الاسلام بين المعجان
ويخبزو للزانيه والزاني

#محمود_الجنيد

ياشعب متمسك بحبل المنان
شاهد قرون النجدي العدواني

خطيب مكة قد تحول فنان
لخدمة الصهيوني الالماني

"سلمان" طيّر بالدِّيانه دخان
باسلوبه الامريكي النصراني

#ابوالمازن_عبدالله_الشريف

المملكه مضمونها والعنوان
وسلوكها واسلوبها حيواني

من عهدها السابق وفي عهد الآن
وسعود واولاده عليها الجاني

كانت تمثّل عِفّها و الايمان
واليوم تكشف وجهها الشيطاني.

#أبوشموخ_سريع

وش تنتضر من من يشن العدوان
الا الكباير واحده والثاني

سكران ياخوي يقوده سكران
في تيه عاشوا رقصوا الزنداني

الامر بالمعروف كان ياماكان
جابوا مكانه ياللي ياداني

#عبدالله_العباد

ياكاتب التاريخ سجل للآن
وضع الخليج الفارسي غوجاني

لاتخالطت بين الرجال النسوان
الزانيه ماتنكح الا زاني

ماهي غريبه من شويه حذيان
في رجل الامريكي والابريطاني

#الشاعر_احمد_الخاشب

ألْهَاهُم النفط الغزير المليان
واستدرجتهم نزعة السلطاني

متّعْهم الباري وزادو كُفران
ما تعرف المسلم من النصراني

هلاكهم بايدي عباد الرحمن
ذي في اليمن والوعد ذا ربّاني

#علي_محمد_المحاقري

قـالـــوا عـن الـمـولـد بـانـه بـهـتـان
امّـا عـن ( الـهـالـويـن) امـره ثانـي

عن بن سلول عن ابرهه عـن هامان
قصدك حديث مـروي عـن الالبـاني

عند الـحـرم بـدنـدنـوا لـلـشـيـطـان
لا وفــقــــك يـاعــابــد الاوثــــانــي

#عزالدين_جحاف

المجاراة عن الذكرى السنوية للشهيد .

البداية #وضاح_الحميصي

قتله مع الله مجرد فاصل اعلاني
من واقع المعركة لا عالم الرضوان

الله باقي وما فوق الكرة فاني
ونايلين الشهادة في ذوات افنان

ارقى نماذج لاعظم جانب انساني
اتوا من الفتح والانفال والفرقان

#ضيف_الله_سلمان

القادة (آل النبي) والنهج قرآني
من (آل عمران)وآخر (سورة الرحمن)

فازوا بدار الكرامة وعد رباني
واحسانهم قد جزاه الله بالإحسان

وكل مؤمن يجسّد صدق الايماني
يصبر مع الله ويجاهد قوى الشيطان

#ابورواسي_ارحب

تعجز بحضرة رجال الخُلد قيفاني
من ترجموا بالشهاده واقع القرأن

من سيدي أحسين لاقاسم سليماني
لا كل روح .أبصرت (ياأيها الأنسان)

في البيع مايثمن ألا راس صيفاني
وراضي الذل دنيا وآخره خسران

#محمد_الحربي

مابش قلق طالما والوعد رباني
والفوز والنصر للثابت في الميدان

وشعب الانصار هذا شعب متفاني
حاشا وكلا تركعهم. قوى العدوان

ماينحنو لو يسير الثاني الثاني
والمبتغا عدن حيث الروح والريحان

#عزيز_الردماني

من شعب معروف بالحكمه والـ ايماني.
ومدرسة آل طه المصطفى العدنان.

جاهد وضحى وقاتل حلف شيطاني.
بعزم وايمان صادق ما ضعف او لان.

أمثال ابو حرب وامثال البطل هاني.
والقوبري والجرادي فارس الفرسان.

شهيدنا حي لا ميت ولا فاني
ومن يقول ان هو ميت فهو غلطان

#ناجي_محسن_المحجري

حب الشهاده عيالي جولها عاني
بعزمهم والاراده ياعظيم الشان

ياالله تقبل شهادتهم وليماني
في جنة الخلد والفردوس يارحمان

وآنا على دربهم جهزت لدواني
وبالشهاده يبلغني عظيم الشان

#ابواياد_المطري

حب الشهاده وسط دمــــي وشرياني
وذكرها يملي الاحســــاس والوجدان

هي نهج واحد ولا به غـــــيرها ثاني
عند النفوس الذي تشتــــــاق للرحمن

هي جنـــــــة الله وهي إكــرام رباني
وهي حياة البقاء و(الفوز) و(الرضوان)

#أخت_شهداء_البكالي

يعجز لساني بذكرى كل متفاني
والقافيات انحنت وتحرك الوجدان

ذي من دماهم سقوا ارضي وبستاني
غاياتهم واحده .الفوز والرضوان

واحنا على دربهم من نهج قرآني
عفنا المذله وصرنا للعلي قربان

#بندر_النمري

سلام له في السما راعد وحناني
يبلغ رجال الوفا والصدق والاحسان

ازكى بشر سافرو للعالم الثاني
نالو الشهاده نالو الفوز والرضوان

كمن بطل حيدري مقدام متفاني
قدم حياته وضحى في رضى الرحمان.

#عبدالحكيم_النمري

ياعالم الشـــــان وحــــدك عالم ابشاني
رحمــــاك تغفر لي التقصـير والعصيان

ا-تسابقو للســـــــــــماء ربعي وخلاني
وانا على الفـــــــانية تغمرني الأحزان

ياوجــــد حالي وشوق القلب يحداني
لهـــم وانا محتـــري يأذن لي الرحمن

#عزالدين_جحاف

والله لولا الشهيد الحي ياخواني
لولا دماه الزكية يابني الأوطان

ماكان شعبي يعيش في أمن وايماني
بفضل ربي ولاعرضه سلم واصتان

حب الشهادة سكن في خير فتياني
ياسعد من نالها محظوظ من الرحمان

#شداد_حميد

رحله من الارض تصعد للسماء ساني
الى جوار العظيم الواحد المنان

اسماءهم فخر للقاصي وللداني
وذكرهم حي داخلنا مدى الازمان

امثال هاني وما ادراك ما هاني
الكون مازال منه منبهر للأن

#يحيى_الوحيشي

يهناهم الفضل ذا توفيـــق رباني..
نالوه بجهود جبارة وعمق إيمان..

تأشيرة النقل نحو العالم الثاني..
تحتاج قوة ثقة بالواحد الديان..

من يعرف الله با تلقاه متـــفاني..
للتضحية في سبيله ما يجي كسلان..

#باسم_مساوى

قــدواتنا يالشـهادة (صالح)و(هاني)
والبدر ذي سال دمه في جـبل مران

من يطلبك مايهــمّ ولو هـــو يعاني
ولا يبــــالي ولــو شـنّوا مية عدوان

اما وعشــنا كــــرام ونـــردع الجاني
والا ارتــقينا جـنان الخلد والرضوان

#فارس_المعزبي

شهيدنا للشهادة كان متفاني
ياليت ياشعب كُنّا مثلما قد كان

قدّم حياته وروحه غير متواني
من اجل يسكن بدار الروح والريحان

حيث الكرامه وحيث الفضل مجّاني
والدّور والحور والاشكال والالوان

واحنا بذكراه .. لا قاصي ولا داني
إلا وهوْ يذكره ويمزّق النسيان

#محمود_الجنيد

باعوا من (الله) ماباعوا (لروحاني)
وتاجروا في تجارة مابها خسران

استشهدوا وارتقوا. (للعالم الثاني)
وشيدوا   (للمسيرة) كامل الأركان

طاح"السعودي"و"الامريكي""والالباني"
وعاد شعب اليمن "بسم الله الرحمن"

#ابو_برق_الظرافي

الفوز حتمي مقرر منهجه ساني
والخط واحد مزلزل حلف الأمريكان

والشعب واحد موحد يردع الجاني
يوم الشهاده سلاح الردع والفلكان

اتسابقو لجلها حمران الاعياني
يوم اصبح الموت في الزلزال والبركان

#الشاعر_امين_الحارثي

قال انفروا فاستجبنا أمر رباني
أن قاتلوا اولياء الكفر والشيطان

ياحلف صهيوسعوامريكي بريطاني
هيهات منا المذله بيننا الميدان

عشرين مليون جندي نسخ من (هاني)
يانصر وإلا شهاده فوز بالرضوان

#صالح_النقيب_الجوفي

يبقا الشهيد الوفي للعز عنواني
رمز الوفا والكرامه في يمن ليمان

يامن بدمه تطهر كل ميداني
لهم مواقف صداها دمرت هامان

عنوان المجاراة (في رحاب الشهداء العظماء).

البداية #الشاعر_ابورواسي_رواسي

شهيدنا الحي حيث الحي لا يُفتقد
والمفتقَد من فقد روحه بغير الجهاد

نيل الشهاده زياده في العُمر والعدد
ما مات غير الذي باع الشرف والبلاد

#نشوان_الغولي

روح العطاء من ثمار التضحية بالجسد.
تحيا وروح البصيرة و البصر و الفؤاد.

و العز و الفضل و الإحسان طول الأبد.
و العدل و الأمن فالدنيا و يوم المعاد.

#سامي_عبيد

طوبى لمن فاز بالجنه وعيش الرغد
صدق بعهده مع ربي ونال المراد

واحنا على العهد بعده ما ركعنا لحد
لو فوقنا تنزل السبع الطباق الشداد

#مالك_سخيم_ابوهكام

نقسم بمن قال (لا أقسم بهذا البلد)
إنا على نهجهم قول وعمل واعتقاد

على خطى قايم آل البيت ذي ما قعد
ما با نفرط وربي لو رجعنا رماد

#احمد_درهم_المؤيد

فازوا بإيمانهم بالله والمُعتقد
من(آل عمران)(والتوبة)(وغافر)و(ص)

يارب لا يغلب النسيان طول الأمد
من بعدهم لاجل لا تقسو قلوب العباد

#عكام_القصاد

شهيدنا حي يرزق عند واحد احد
ولا اقمنا على روح الشهيد الحداد

واحنا على العهد بانبقى السند والمدد
في كل ميدان فوق الصافنات الجياد

#ضيف_الله_سلمان

(قد افلح المؤمنون) اهل الشهادة وقد..
فازوا بجنات فيها للحياه امتداد

وكل انسان ينظر ويش قدّم لغد!!
على هدى الله با نمضي وتقواه زاد

#جميل_الكامل

نقسم برب السما لو ما تبقى ولد
يروي لمن بعدنا مالم يسطر مداد

ما ضيع الشعب قطرة دم سالت أبد
وماتركنا أبد بعد الشهيد الجهاد

#عزيز_الردماني

يهناه عيش السعاده والهنا والرغد.
في جنة الخلد عند الله رب العباد.

من بعد ما عاش فالدنيا وجاهد وجد.
مع العلم والمسيره والهدى والرشاد.

شاعر الاحرار #ابوالعباس

احنا مع الله ف التسليم والمعتقد
ما با نهاب العداء لو هم مثيل الجراد

درب الشهادة لنا منهج وعز وسند
وكلما زاد فينا القتل زدنا اشتداد

باغلى الدماء نفتدي المنهج ونفدي البلد
والحق ما نتركه لو صيرونا رماد

#ابوعساف_الدهمي

ذكرى الشهيد ألهمتني والكفاح أستجد
وفـاء وعـرفان لأعـظم جند بين العباد

أخـواني الـلي ولـدهم فـي مـقام الولد
واجــب عـلـينا نـبـديهم بـمـشرب وزاد

#فارس_المعزبي

سلام ربي على شاري حيات الابد
مقابل النفس قدّمها لرب العباد

من مسقط الراس حيث الوالده والولد
غادر ونال الشهاده واكثر الناس..عاد

#عزالدين_جحاف

الحمد لله يوم سموني اهل البلد
(بشاعر الشهداء) ذي هم حماة البلاد

أعتز أني أكون خادم لهم للأبد
أفضل وأعظم رجال الله خير العباد

#ابوصالح_العملسي

واحنا عــلى العهد بانمضي سوء للابد
يالعن ابو من رجــع منا وللخـلف عاد

يا كيف في البيت با نهنئ بعيش الرغد
وقد فرض مالك الاملاك فينا الجهاد

#ابوقصي_العويري

رجـال باعـوا من اللــه صادقين العهــد
أنا أشهد أن هم عزاز وفالمواقف شداد

حبّــو حيــات الشهاده في نعيـم ورغــد
ولهـم مكانــه رفيعــه فــوق كـل العباد

#علي_محمد_المحاقري

طوبى لـمـن باع نـفـسـه للاله الـصـمـد
مقابل العيش فـي رضوان رب الـعـبـاد

نيل الـشـهـاده تـوارثـهـا اسـد عن اسـد
وما ينال الشرف والاصطفاء الّا الشداد

#يحيى_الوحيشي

ما مات في ذا الزمن في البيت غير الزبد..
ولا تحرك وجــــاهد وارتقـى الا الجــــياد..

يستاهل الموت من بين الخوالف قعـــد..
ويستحق الشهادة من مع اللـــه جـــــاد..

#ابوحنشل_قاريه

اسعد مسا الاتحاد ومن بسعده سعد
واسعد مسا المؤمنين اهل التقا والرشاد

واعضم سعاده لمن راحوا ديار الأبد
واستشهدو في ميادين الشرف والجهاد

#بندر_عبدالمحسن_النمري

احد احد ماسوى الباري خشيتوا احد..
يااعظم نماذج تجلت في العطا والجهاد..

يوم البلد صاح ياقوم الوفا والمدد..
سقيتوا ارضه بدمكم ياخيار العباد..

#هادي_حسين_الرزامي

نالوا الشرف في سبيل الله بعد النكد
جزاهم الله دار الخلد بعد الجهاد

عطاء من الله مايخلف بما قد وعد
يارب سالك بنيل وسامها ياجواد

#ابومالك_الكوماني

الدرب ذي فيه ربي بالمفازه وعد
من انضوى فيه يسلم هول يوم المعاد

درب الرجال الأشاوس درب كمن أسد
من يزرع العز يسعد يوم جني الحصاد

بلبل النصر #حسن_المهدي

عـز الله الـعز خـيمة والـشهاده وتد
ومـا يـنود الوتد لو مركز الكون ناد

وشعار حيا على خير الجهاد استند
على مواثيق في مرضاة رب العباد

#طارق_الحسني

من فاته الدرب يادنيا فماذا وجد
درب الشهادة كرامة للرجال الشداد

مدد مدد ياسنين العمر سيري بدد
بذل حياته لربه والبلد والعباد

#محمود_الجنيد

فازوا بجنات حرّمها على من شرد
واستبسلوا في معارك شيّبت بالعباد

من الحياة البسيطة لا حيات الأبد
اختارهم واصطفاهم ربهم والمراد

جريح الحرب #رفيق_زرعان

شهيدنا فاز واستشهد الى الله صعد
حقق مرادة ودار الخلد اغلى مراد

واحنا بدربه نذرنا ارواحنا والجسد
نقتل ونقتل ونحمي اعراضنا والبلاد

#صالح_النقيب_الجوفي

شهيدنا ذي بدمه فالجهاد اجتهد
واحيا الكرامه بقوة ساعده والزناد

المجاراة (2)
(تحالف العدوان يستهدف جبهتنا الداخلية عبر ادواته وعملائه )!!

البداية للشاعر #بسام_شانع

لحروب الافواه والفوهات نفس القوى
والغزو فكري وبري والنزال النزال

سوا سوا القصف عبر الجو وإلا الهوا
واغلب ومعظم ضحاياه النسا والعيال

لجيش حلف العدو في كل موقع لوا
سوا مواقع تواصل او مواقع قتال

#ابورواسي_ارحب

يوتيوب موقع تواصل وأجتماع الغوا
منبر لطمس الهويه وأنتشار الضلال

بالكذب من داخله ذيب المنافق عوى
ترويج وإشهار في خدمة ملوك الرمال

هو آخر أوراق الأمريكي وذي به نوى
لخلخلتنا من الداخل وهذا محال..

#ضيف_الله_سلمان

شعب اليمن شعب وايمانه على مستوى
بين الشعوب الابيه صار مضرب مثال..

شعب اذهل الكون في شكله وفي المحتوى
وافشل بوعيه قوى العدوان والاحتلال..

واهل القلوب المريضة يبشروا بالدوا
ومن معه(عقل) لا يورط مع(ابو عقال)!!

#عزيز_الردماني

ابدعت في الطرح والمضمون والمحتوى.
هذا هو الصدق ما هو قول قالت وقال.

تراب ارض السعيده من دمانا ارتوىِ
والجبهه الداخليه مثل حد النصال.

وصاحب الكير في كيره حرق واكتوى.
والدجل والكذب والتضليل ما له مجال.

#فارس_المعزبي

الوعي روح البصيرة يوم عقد اللوا
للمعركة في مواقع دردشه واتصال

ماينهزم عقل من فيض الحسين أرتوا
ولا تهزه عواصف مفردات المقال

مَن قارب النار من كل الجهات أشتوى
وينقطع حبله الماسك بكل الحبال

#ابو_برق_الظرافي

دس الخلايا في الداخل خطر لا انطوى
بانجعل الحلف متقطع قطع في شوال

باننصح الحلف لا ذنبك عليك التوا
جهز مسارك على حمل الردود الثقال

ولا الخلايا قدر منهم مودف ضوا
ولا تبقى معك مايشترى باالريال

#يحيى_الوحيشي

فينا من الوعي ما يحبط كلام الغوى..
وبنا من العزم ما يقهر عبيد الريال..

دواير العرض مقطوعة بخط إستوى..
وإيماننا بالقضية با يشوت الظلال..

دامت ثقافاتنا من مدرسة نينوى..
هيهات لافواه مأجورة تهز الجبال..

#قاسم_السقاف

ذا شعب الانصار من ضده غلط والتوى
تدفعه في ثمن فعله رجال الرجال

والله يحقق لقائدنا الاسد مانوى
يطهر الشعب كله في جنوب اوشمال

ويحررالقدس باذن الله شديد القوى
ينداس صهيون والانذال دوس النعال

#الشاعر_ابوشهيد_القطمي

كمن ردي من بحور أهل الظلال أرتوى
يبقى مزوبع و فاهم في فنون الجدال

و الحق دايم محصن في الطريق السوى
والشر مهما تنكر با يلاقى الزوال

مع العلم با نسير لو كل شخص إشتوى
نبطل أكاذيبهم با الحق في كل حال

#بندر_السقاف

ما اضل صاحبكم السابق وماقد غوا
بالعيب والمكر والتفكيك والادغال

اوا اوا يااكره الاصوات خيره اوا
من الدروس اوخذو عبره اذا انتو رجال

من صدق الحلف الارعن جعل لازد ضوا
جعله فديه على ربات ذات الحجال

#أبويونس_العويري

حلم المنافق تبخر في الهواء وأكتوى
وأخر ظهوره في الواقع بداء بالزوال

شعب اليمن شعب مايخشى دروب الغوى
مازال واثق بربه ما أنحنى للضلال

ماهمه إرجاف ذا المرجــف ومهما عوى
في درب طه وآله لوتقطع وصال

#هادي_حسين_الرزامي

الحلف من وعي شعبي دون شك اكتوى
محال يتزلزلوا لو باتزول الجبال

لكن حذاري نخلي ساحته للقوى
لازم نحصن مناطقنا بقول وفعال

نطبق الهدي في الواقع ونخلص سوى
والعدل يمشي في الأمه نسد الخلال

#ابوسياف_البيحاني

الحرب نوعان في الواقع وفي المستوى
حرب المعدات ولابالصحف والمقال

وكل واحد من الاعداء وله مانوى
هذاك يقتل وهذا مهنته الاختلال

يخلوا الشعب من داخل بشق القوى
ويشعلوها نميمة بين قالت وقال

#حمزة_الاشموري

حلف العماله على شعبي لذيله لوا
بعد الذي قد لقى منه بساح القتال

عبر العماله من الداخل لجى وانزوى
قصده يغطي على ماجاه وقت النزال

في كل جبهه من البأس اليماني عوا
واتجرع الموت في الصحراء وبين الرمال

#عبدالواسع_صايل_الغولي

من بعد ما الرمل من دم العدو ارتوى
وذاق اشد الهزايم من رجال الرجال

نشط خلاياه من اهل الزيغ واهل الهوى
يفككوا شعبنا والشعب مثل الجبال

ومثل ما جيشه المعتوه حرق واشوى
في كل جبهه فمكره بايصير لازوال

#ابوحسن_الشبطي

نفاق الاعراب والحلف السعودي ضوى
ومسقط الجرعه اليوم اسقط الاحتلال

والشعب ذي مثل مالوادِ المقدس طوى
خمسه وعشرين مليون الف واحد رجال

والداخليه أمنها النزاعةً للشوى
إعدادها لايدع ثغره تثير الجدال

#ابوعهد_شهم_الدينه

مخطط الغزو تخطيطه على مستوى
واهدافه اهداف بين المفترض والخيال

لا فرق بين الخلايا وانعدام الدوى
وبين بيع الدماء الغاليه بالريال

مشروعكم طاح بالمضمون والمحتوى
وتحت الأقدام حطتكم رجال الرجال

#علي_بن_علي_مسرع

يا بادع القول عندك كل متقن هوى
لا يصبح الغزو شعري بالقصيد الجزال

كلن يحشّد هواجس من صميم النوى
نستنهض الوعي بالاشعار واحلى مجال

يا شعب خلك على وعيك وسيب الغوى
الغزو فكري وتحريضي هدفه العيال

#عزالدين_جحاف

هي قوة الله باتغلب جميع القوى
دايم مع شعبنا ترعاه في كل حال

مادام فينا علم ضد الضلال والغوى
فما مع اهل الضلال إلا تشد الرحال

المجاراة (4)
محاولات استهداف الجبهة الداخلية تتحطم على صخرة الوعي اليماني.

البداية #هادي_حسين_الرزامي

قل للتحالف قد مضى عصر الضياع
الشعب واعي لامكانه للعميل

لنه زمن كشف الحقايق والخداع
ولى زمان الزيف والفكر الدخيل

والموت لامريكا تزلزل كل قاع
صرخه رفعناها ولا عنها نميل

#ضيف_الله_سلمان

ابناء سعود احفاد لابناء قينقاع
مشروعهم مرفوض جيلا بعد جيل..

وانصار ربي من ثنيات الوداع
مع النبي والال ما ضلوا السبيل..

با نقهر امريكا والاذناب الرعاع
ما دام والله حسبنا نعم الوكيل..

#الشاعر_أمين_الحارثي

شكرا رجال الداخليه والدفاع
لي زلزلوا الطاغوت والفكر الدخيل

من ترجموا نهج الولاء والاتباع
من بعد ضلم ماعليهم من سبيل

قطت ايادي حلف داعش والذراع
بحس أمني وعي فاق المستحيل

#الشاعر_صالح_النقيب

الحق والباطل يضلي في صراع
والوعي هو نور المسيره والدليل

والوعي يبقا صاحب القلب الشجاع
ذي يحكم الميدان جيلن بعد جيل

منه كشفنا ذي مركب له قناع
ذي جا وكنه صاحب الوجه الجميل

#يحيى_الوحيشي

قال اليماني دام طالوت الشجاع..
فينا وحنا قوم طالوت (القليل)..

الزعـزعة والفوظــوية والصـــراع..
الداخلي في شعبنا شي مستحيل..

بعاااااع يا خرفان واشنطن بعاع..
الشعب فولاذي وموقفكم هزيل..

#ياسين_الفروي

لبيك يبن المصطفى ياخير داع
انصارك انصارك و لا نقبل بديل

و من يحاول بيننا خلق النزاع
والا رجف يبشر بباص اخر مديل

مادام فينا صاحب الامر المطاع
مابه قلق ياشعبنا الحر الاصيل

#ابوجهاد_الجولبي

مادام توجيه العلم وامره مطاع
والحق نوره يشفي القلب العليل

الوقت يكشف كلما تحت القناع
ولو مسار الحرب والازمه طويل

من الثقه بــ الله زاده والمتاع
يبقا قوي بالحق والباطل هزيل

#بلال_الصوفي

قل للذي فاقم معاناة الجياع
لابد ما يهزم رضى والا صميل

يكفي كذب يكفي هرا يكفي خداع
يا حلف واهي مرتزق خاين عميل

لو با تزيدوا صاع أو مليون صاع
عن نهج ابو جبريل نقسم ما نميل

#هاشم_الحوثي

لافرق بين الداخلية والدفاع
كلاً بميدانه حمل نفس الصميل

واليوم قد زدنا مناعة واندفاع
يالعن ابو من عاش في الدنيا ذليل

رجال ربي في السواحل والقلاع
متسلحين الوعي والحد الصقيل

#الشاعر_ابورصيد_المرهبي

قل لا المنافق انكشف عنه القناع
واقواله اليوم اصبحت اكبر دليل

ذي ما تحقق با المعارك و الصراع
مااظن ينجح باالتواصل والمقيل

صدق التولي لا النبي و الاتباع
لا ال بيته عهدنا في كل جيل

#مختار:البحري

حتى في الهدنات نبقى في صراع
مع المنافق والمطبل والعميل

كم حاول كسر الإرادة بالخداع
لاكن ورب الكون والله مانميل

امس المنافق قد تغطى بالقناع
واليوم فضحه ربنا وامسى ذليل

#شاعر_بلاد_الروس

اتحالف المهفوف مع بعض الضباع
القصد منه زعزعتنا. مستحيل

مادام واحنا بالجنابي والكراع
لاهنت ياابن المصطفى وابن الخليل

أقسم بربي خالق الكون الوساع
مانلقف الاذناب. الا. بالصميل

#موسى_الشيخ

لا للوصايه والف لا للإنصياع
هذا قرار الشعب غيره مستحيل

وذي مع امريكا تيهود للنخاع
ماضرنا كيد المنافق والعميل

بالوعي والإيمان واجهنا الضباع
في القلب هدي الله وفي اليد الصميل

#عبدالواسع_صايل_الغولي

الشعب متعود على انواع الصراع
ويستمد العون من الفرد الجليل

صابر شديد البأس في الهيجاء شجاع
ما اظن بايركع وذا شي مستحيل

ومن يروج للخلافات والنزاع
حكم على نفسه بان يمسي قتيل

#ناجي_القطيبي

قل للملك ذي كان يغرف بالصّواع
قد انتهى عصر الوصايه والكفيل

احنا قد اعلنّا. ( الولا. ؟ والاتّباع)
لئال. بيت المصطفى طه. الفضيل

وارضنا ماعاد هي مثل الرِّباع
بوعي قايدها. قهرنا. المستحيل

#محمود_الجنيد

حب العلم داخل دمانا والنخاع
مغروس والواقع على هذا دليل

اختاره الله ما اقترعناه إقتراع
والعهد منا مانفرط او نميل

من يتبع الشيطان او خالف وباع
بايفتحس راسه ويضرب بالصميل

#عزالدين_جحاف

وكل يوم الوعي يزداد اتساع
والدجل والتضليل أصبح مستحيل

ومن نوانا شبر جينا له ذراع
ندي لبوه تسعين ضربة بالصميل

ومن تورط في مشاريع( الرعاع)
في بيت (خاله) يعرف الله الجليل

#ابوشهيد_القطمي

ثورة هدى قامت من أبكار الصراع
تأبى المذلة يا قوى كمن ذليل

ما عن هدى القرأن تخاذل و إنصياع
و المرتزق كل الدواء لة في الصميل

بآنت وجية الشر من خلف القناع
و الشعب متمسك بحبل الله الجليل

#ماجد_المطري

منهج حسين البدر في كل البقـاع
دوى صداه وحطم الفكر الدخيـــل

سعى لنشر الوعي قدر المستطـاع
وحصَّن الأمه ووضَّـح بالدليــــــــل

تعرف به المقصود من تحت القناع
وتلجــم الكذاب والنـــذل العميــــل

#أبويونس_العويوي

قولوا لذيل أمريك قد بان القناع
والشعب واعي جيل يتبع جيل

دام الثقة بالله للمؤمن متاع
مابأيأثــر فيه مرجــف أو ذليل

#الشاعر_متاش

وانا عليا العار من خشم الكراع
مايردع الخصم اللدود غير الصميل

المجاراة عن دخول القوات الامريكية الى بعض المناطق في المحافظات الجنوبية

البداية #ضيف_الله_سلمان

سلام ياشعب الكرامة والجهاد
يا(قوم تبّع) يا ذراري (ذي يزن)..!!

الجيش الامريكي فيَ اطراف البلاد
واذا سكتنا يدفع الكل الثمن..

وحسين قد بيّن هدفهم والمراد
في ملزمة(خطر دخول امريكا اليمن)!!

#احمد_درهم_المؤيد

مشروعهم يسعو في الارض الفساد
ويغرقونا بالمشاكل والفتن..

وينهبوا خيراتنا والاقتصاد
ويجعلونا شعب خاضع مرتهن..

واحنا توكلنا على رب العباد
ومع العَلم با ننتصر وفق السنن

#الشاعر_ناصر_جبران

ياضيف رِد التّايهَه نحو المُراد
لارَدع دونِه ماعَيتحَرَّر وطَن

كافي تَفَاوض قُل لهم كافي عناد
عُمر التّفاوض ما رفع عنّا محَن

مابِش مفاوض به مِن المحتَل عاد
إلّا على كَفّ التنازِل والوَهَن

والحل في ضغط الأصابع للزّناد
مش في التّفاوض لا ولا جا مِن هُدَن.!!!

#يحيى_الوحيشي

والله ما يسكت على هذا الفساد..
الا عميل وعلج واطــي مرتهـن..

ملعون في الدنيا وفي يوم المعاد..
حقير ميييت ما نقصه الا الكفـن..

اما المريكي دامت القوم الشداد..
با تحرقه صنعاء وتجتثه عدن..

#حمير_العزكي

سلام يبلغ كل شامخ في البلاد
من شيعة الهادي واحفاد الحسن

ذي كان اخرهم حسين اللي اعاد
معنى الكرامة والسيادة للوطن

حذر ونبه في الملا زم باجتهاد
في كفه القرآن والاخرى كفن

#الشاعر_خليل_قناف_قابيل

اهداف الامريكي يزيد الإضطهاد
ويمارس اعمال الدناسه فاليمن

والشعب كل الشعب ماسك بالزناد
ما ينطرح للخصم والقوم الهين

نهاية امريكاء نهاية قوم عاد
دمر جموع الكفر ياسبط الحسن

#شهاب_المتوكل

امريك ام الشر حاضنة الفساد
هبت بقوه لا مناطق فاليمن

تشتي تشل الخير وتهين العباد
من بعد ماعجزت مدرات اللبن

ياشعبنا خلي اصبعك فوق الزناد
واحذر من الغفله فديتك والوهن

#الشاعر_متاش

قل للمحايد لايبالغ في الحياد
قد وصلت امريكاء إلى ميناء الشحن

والجيش الامريكي باالاسطول والعتاد
وصل إلى المهرة وإلى ميناء عدن

لا ما تحركنا لتحرير البلاد
فألف ياحُمى على هذه الدقن

#قاسم_السقاف

شحذ الهمم ياابطال واعداد العتاد
والاسلحه ونواجه امريكا علن

ومن رضخ ولاحمى لرضه وذاد
بايلعنه تاريخنا طول الزمن

نريد منهم من دخل مازاد عاد
لنيوريوك الا وهو وسط الكفن

جريح الحرب #رفيق_زرعان

أقسم برب الأرض والسبع الشداد
ما نقبل الغازي ولا نرضا الوهن

نثور كالبركان نزتاد اتقاد..
ونقتحم قوات واشنطن علن

الغزو في أرض اليمن سلعه كساد
وباذن ربي ما لها أية وطن

#ابوبدر_ذيبان

ياخير امه يالشماريخ الشداد
ياناصرين الدين في كل المحن

ارض اليمن حره وغازيها مباد
رمالها وبحارها طول الزمن

واللي وصلها ناكله مثل الجراد
امريك_ واسرائيل والاذناب الخون

#عبدالحكيم_النمري

اقسم برب الكون لو نرجع رماد
مابانفرط في سيادة ذا الوطن

لو قد علينا تهوي السبع الشداد
يابى لنا الله ننحي كلا ولن

مع ابن بدر الدين في درب الرشاد
قدام نمضي لا تراجع لا وهن

#ابومقدام_الخمري

مرحب من اخشام البنادق والمضاد
بالخصم ذي جانا مهرول لاعدن

امريك واسرائيل صناع الفساد
ذي في ربوع الكون يسعوا للفتن

نقسم برب البيت خلاق العباد
مايخرجوا احياء من ارض اليمن

#ردفان_الرقيمي

﴿ألَـمْ تَرئَ كَيـْـفَ فعَـلْ رَبُكْ بِـعَــاَد﴾ ؟
يااخـس والعـن مَن قد الباري لعــن

لا قد تناسيتـــــو ﴿إرَمْ ذَاتِ اْلعِمَاد﴾
با تذكـروها حين تقـرح في عــــدن

اليوم الامريك﴿أكْثَروْا فِيْهَاَ ألْفسَاد﴾
ومـا يـــَدنّـو للهـيَــن غيــر الهيَــــن

مـحنـا عبيـد إلأ لـخــــــــلّاق العبـاد
والله يلعـن مَن للامـــــريك ارتهــن

بلبل النصر #حسن_المهدي

بـايدن وتنياهو وثالثهم رشاد
والدب رابع وابن زايد خامسا

ما بعدما اتمادوا ودقوها عناد
الا نــدق اعـنـاقهم بـالميم ون

ونـهب لـلساحل ولا هبة جراد
ونـجدد اسـتنفار صـماد اليمن

#ذوالفقار_سفيان

لابد ما نحصد ابايبهم حصاد
امريكا وإسرائيل نحرقهم معاً

وللجماجم حقهم نعمل مزاد
ولا فما احنا من ذراري(ذي يزن)

لا بد نحشرهم كما يوم التناد
عقب الحوارات الشقيه والهدن

#ابوشهيد_القطمي

يا لعن أبو إنسان راضي با الحياد
و الجيش الأمريكي في أطراف الوطن

واجب علينا ننطلق في كل واد
ندحر قوى تسعى على زرع الفتن

كشف الحقايق حآن يا القوم الجياد
و كل متستر ظهر لي في العلن

#عبدالواسع_صايل_الغولي

والله لو ترجع ارم ذات العماد
وعاد مانخضع لعباد الوثن

الشعب جاهز بالرجاجيل والعتاد
يذود عن دمه وعرضه والوطن

رهن الاشاره والاصابع ع الزناد
في ظل قايد فذ شاجع مؤتمن

#اكرم_النيعاني_ابونبيل

دخول الامريكي خطر يهل ارشاد
مابش لهم امنه ولافيهم ركن

كلين يطرح كفته فوق ازناد
الشعب كله من كتاف حتى عدن

ندك الامريكي ونطحن قوم عاد
ونطرد المحتل من ارجاء الوطن

#ريدان_يحيى_الشامي

لبيك يا ارض الميامين الجياد
لبيك بالجيش المجاهد يايمن

#عزيز_الردماني

هي با تقع محرقه كبرى.
للإنجليزي وللخُبره.

في البحر والسهل والصحراء.
لا ما فهم بيننا بكره.

وبا تقع تاليه غبرا.
للمعتدي كثَّر الهدره.

قولوا لـ جو بايدن برا.
والمهره ابعد من الزهره.

#يحيى_الوحيشي

ارض اليمن كلها غدرى..
1وغزاتها للبشر عبرة..

والمهرة ادغالها حمرى..
قل للمريكي يخذ حذره..

با ينقلع منها برى..
والا حفرنا بها قبره..

دامه تحت مجهر المجرى ..
با يخرج اليوم او بكرة.

#شداد_حميد

لا بد من معركه كبرى
والشعب جاهز على فكره

وتهزمو مرة(ن) اخرى
وتسقطو داخل الحفره

نهاية المعتدي غبراء
لابد ما ينكسر ظهره

بلادنا مريم العذراء
حره وتبقى اليمن حره

#سامي_عبيد

لولا الذي خان وأتعرا
دنى ووضع لهم ظهره

ما كان الأمريكي أتجرا
ولا طمر هذه الطمره

شاف الأشاره وهي خضرأ
وأقبل مهري على الزره

من أرضنا يطلعوا برا
والإ جعلناهم العبره

#عبدالله_محسن_جحاف

برّا من ارض اليمن برّا
هيهات نسكت على ذره

البحر مفتوح والصحرا
ومن بقي فاليمن قبره

ابوعلي صوب المجرا
مع ابن مهران في المهره

وقلوب أهل اليمن حرا
وحنا على موعد بنصره

#ابوكنعان_الروس

قلول لذي مادرى يدرى.
ماهي مجابر ولا خدره

زيتي وكاشف مع الحمرا.
تعرف الأجني قدره

على التماتيك من مجرا.
متراقصه في وسط صدره

#ابو_يحيى_الشوكاني

ارض اليمــن للغزاه قبــرا
قل للمــريكي واخو نوره

من شاف نفسه على القمرا
يرجع مصندق مع الصوره

 عزان في البحر والصحراء
يستــلقــف الكل نا فوره

ارحب على فوهةالمجرا
من يد مؤمن كتب اجره 

#نادية_السقطي

الليل يــاداعي المسرى
استنــــفر العالم بأسره

ماعـاد شي للعدو صبرا
قد زاد في كذبه وعـذره

يالموت في المهرة اتبرا
من ذي غازها على قبره

ماعـــذر ماليـلته غــبرا
من كل يماني كتب اجره

المجاراة عن الصرخة في وجه المستكبرين

البداية #الشاعر_نشوان_الغولي

بصرخة واحدة من سيدي احسين
و من قمة جبل دوى شعاره.

على اصداها صرخنا بالملايين
ودار الكون كله في مداره.

#الشاعر_صقر_منصور_اللاحجي

كأنه شاف امس احداث ذلحين
وفصلها ولا اخطا في عباره

وبالصرخه قلب كل الماوزين
وساواها بكيفه واختياره

#عبدالرحمن_الريامي

شعار الحق بين الحين والحين
يوسع داخل امتنا مدارة

حسين اعلاه عام الفين واثنين
ب حارة واعلته مليون حاره

#بكر_السباعي

شعاره من مع القران والدين
بدا باحداث سبتمبر شرارة..

وبا ترجع معه خيبر وحطين
وكل الكون يفرح بانتصاره..

#ضيف_الله_سلمان

(سلاح) ايفوق صنع (الروس) و(الصين)
و(موقف) تجني الامة ثماره..

(كرامة..مجد..قوة..نصر..تمكين)
وتبقى(خير امة) في الصدارة..!!

#بسام_شانع

صدى الصرخة ضمن عودة فلسطين
إلى ايدي ثورة اطفال الحجارة

وكيد القادمة من بحر قزوين
بنحر موامرة (برج التجارة)

#مرتضى_شريف

رجمنا روس وقرون الشياطين
ونهج احسين بانكمل مساره

مع الله في سبيله مستعدين
وهدي الله يبقى في إطاره

#مهدي_مفلح

لنا في المعركة روس الميادين
وفي حب الوطن سبق وصدارة

نقدم في سبيل الله قرابين
من ابطال التولي والطهارة

#ياسين_الفروي

شعار اردى حشود المستبدين
وسلح ب(الشهاب) اهل الحجاره

ولو لا الهم (هملايا) و(قزوين)
فما جتنا من (الخوبه) بشاره..!!

#صالح_حسين_ابواحمد

صرخنا المـ ـوت لمريـ ـكا ويامين
وسحقا ياقوى قرن الحقاره

قويه زلزلت حلف المراخين
صداها بايصل لابن الاماراه

#يحيى_الوحيشي

سلام الله على سيد الميامين..
حسين البدر ذي حدد مسارة..

ومن آهات بغداد وفلسطين..
 صرخ والصمت حطمنا جداره....

#خليل_قناف_قابيل.

شعار الحق دوى فالميادين
وحلف الشر تعمية الخسارة..!!

صدى الصرخة يدمر بالفراعين
ويسحق من إمارة لا امارة.. !!

#ابويحيى القهده

حفيد الحيدره كرار صفين
نطق كلمات من جوف المغاره

نصر بالله وشعاره فلسطين
وحقق لليمن عز انتصاره

#بلال_الصوفي

الله اكبر ياجميع الميامين
كلن يردد يارفاقي شعاره

والنصر للاسلام والمجد للدين
لازم علينا ان نتم انتصاره

#جميل_جعفر_ابوشامخ

سلاحٌ موقفٌ قوه و تحصين
وللفتح المبين أقوى اشاره

بها الباطل زهق من دون تخمين
و تـاه أهل الغوى و اهل القذاره

#الشاعر_بـراق_المنبهي

قوويه رددوهــا يالميامين
على الكفار في وسط المغاره

نطقها الجيش وآلاف الملايين
بهمه عاليــه رافــــع شعاره

#فرحان_السلامي

صرخنا و ارتقينا في الميامين
و نور النصـر مشـرق ياعتبـاره

لقـايـدنــا رفعنــاهـا نيــاشيــن
و شفنا النصر مشـرق بالبشاره

#عبدالقوي_البطل

شعار الحق في واحد وعشرين
جعل حلف الغباء يفقد قرارة

صرخنا به وتبرنا المريبين
واحرقنا عدو الله بناره

#ابوغبري_الغبري

شعار الحق رفرف في الميادين
وحلق في الزمن قبل البشاره..

وقايدنا.. نثر بذره على الطين.
وصرنا اليوم نجني من ثماره

#عايد_الخيل

لانه عرف مخطط أمريك من حين
جهز لها صرخة وجهز شعارة

ومن عام الفين لا الفين وعشرين
وهي بتتوسع إلى كل قارة.

#ابوعساف_الدهمي

صرخنا صرخة تغيض الشياطين
تــدك الـشـر والـلـي فــي مـساره

ولــــولا الله مــــا كــنــا قـويـيـن
جـعـلنا جـل شـأنه فـي الـصدارة

#عبدالعزيز_الغرباني

شعار الحق والغُر الميامين
تعمد بالدم الزاكي شعاره

شعار احسين يهتف به ملايين
بفضل الله يوصل كل قاره

#يحيى_الوليد

على نهج الحسين السبط وحسين
وابو جبريل قد اعلن قراره

هتفنا بالشعار في الميادين
على الطاغوت فجنينا ثماره

#علي_حشفول_الهلالي

والله ما نسكت ولو ناكل الطين
لو بانضل نصرخ فقط بالإشارة

بانلعن الكافر ونمضي ملبين
لله سبحانه ولا به خساره

#حافظ_الحماس

من الصرخه تولين سيدي احسين
وابوجبريل وال البيت تاره

ومن الله اكبر نعلي الدين
ونتبرا من اصحاب القذاره

#فارس_المعزبي

مع السيد ونور القلب والعين
صرخنا بالمواقف عن جداره

وعمّمنــا بها مــا بيننا البين
فخافوها وهــيْ اول شراره

#حـمـزه_الـحـيـمـي

ظهر ميلادها من قبل عشرين
يبث النور من جوف المغاره

وصخره فوق روس المستبدين
وطعنه في العقول المستعاره

#بندر_السقاف

شعار الله اكبر ل الميامين
سلاح يرد ل الدين اعتباره

به النصر المؤزر قاب قوسين
يعم الارض قاره بعد قاره

#عباس_الصياحي

حسين البدر عام الفين واثنين
من الهدي انطلق واعلن شعاره

صرخنا وانطلقنا في الميادين
وجسدنا البراءه في الإغاره

#ابوبراءة_الديلمي

تحدينا قوى الطاغوت قرنين
ونكلنا بهم والحرب ناره

صرخنا الموت لأمريكاوفرين
جحافل حلف داعش والدعاره

#احمد_علي

صرخنا المـ ـوت لمريكا الملاعين
ولسرائـ ـيل هم شعب الحقارة

وقد سمعت بصرختنا الملايين
ودوى صيتها في كل قارة

#ابوحسين_الهمداني

بنى ابن البدر بالصرخه قوانين
وشيّد للعرب منها مناره

تأمن في ثراها كل مسكين
وردت لليمن كل اعتبارة

#غلاب_درهم_غلاب

المجاراة عن (ماساة كربلاء الاسباب والآثار والدروس)!!

البداية #ضيف_الله_سلمان

وصلنا مع ال البيت في قمة الولاء
من (الله اعلم حيث يجعل رسالته)..

ومن كربلاء عشنا مية الف كربلاء
ورب السماء يبسط علينا رعايته..

ولو با نطير اشلاء فيَ الجوّ والفلا
قلوا لليهودي ما قبلنا ولايته..

الشاعر #احمد_درهم_المؤيد

مع الله ما ودع جنوده وما قلى
نسوق الدعي ابن الدعي لا نهايته..

وهيهات منا الذل كلا والف لا
وباندعس الطاغوت باقدام ثابته..

ومادام والفرعون في الأرض قد علا
حملنا عصى موسى ونهجه ورايته

#محمد_هزاع_البهلولي

ومأساة يوم الطف ما مثلها ولا
سوى كربلاء مران ،، ماقسى روايته

و عاد ابن ذي الجوشن مع الكلب حرملا
وعاد الحسين السبط ذاته ولابته

شعار الولاء يا خيرة القوم و الملا
براءه من الباطل ومن في ولايته .

#الشاعر_عبدالرقيب_الـوجيه (أبو جمال)

هلا يا"حتوف"العز في طاعتـه هـلا
على العهد نرخص كل غالي لطاعته

ومهمــا أبتــلانا بالصعــوبات وأبتــلا
نجاهد حشـود البغي حتى نهــايتــه

لو الطين يزفِر دم والكوكب أمتــلا
بالأشلاء لحتى يبلغ الحق غـايتــــه

#ابومالك_الكوماني

بثورة حسين اليوم نتحمل البلاء
وموقف حسين الامس نكمل بدايته

ولو يحشد الحلف الشقي ضدنا الملا
فلابد يهوي من غوى في غوايته

ولابد نقطع دابر إبليس لا صلا
ولا يمكن امريكا توفر حمايته

#الشاعر_امين_الحارثي

شهدنا جراح الطف والكرب والبلا
مع من أمر رب الخلايق ولايته

لتشهد علينا الانس والجن والملا
معه بانواصل تحت امره وطاعته

فلا تحلم امريكا وصهيون ب السلا
لانا عذاب الله الاكبر وآيته

#عاقل_بن_صبر

بصدق الولاء شفنا السعاده في الابتلاء
وخضنا الوغى بشموخ واقدام ثابته

مع المصطفى والآل الى ذروة العلاء
نحث المسير ونستقي من هدايته

اجبنا ندى المولى مع صفوة الملاء
ومعهم رفعنا في الميادين رايته

#عزالدين_جحاف

ونسترخص الغالي مع الله لا غلا
ونقصد رضا المولى ونطلب شهادته

ومهما الدعي في عصرنا اليوم ضللا
ملازم حسين العصر تكشف ضلالته

وهذا شعار الحق دوى وزلزلا
فؤاد كل مستكبر فقامت قيامته

#يحيى_الوحيشي

تشيعت بآل البيت الاطهار من صلا..
وآمنت باللي فيـــهم اودع هدايته..

عقيدة ومنهج واعلنوها على الملا..
(يماني حسيني  كربلائي برايته).

قلوها لبن سلمان مهما تحرملا..
ومهما تجوشن با ندعّس وصايته..

#ابوصالح_العملسي

وتبقئ السقيفة منبع الشر من إلا
وما صابنا إلا المهندس وبرمتة

ويا فاجعة في كربلا الكرب والبلا
حفيد النبي ذي كان الأمة بحاجتة

وشعب اليمن قد جابه الشوق والغلا
كما الحلف حاطة به ذنوبة و جابتة

#ابومجدي_مانع_البوساني

وصلنا بفضل الله للمجد والعُلا
ورب السماء حصَّن قوانا بآيته

وتاريخنا بالعز والجوده امتلا
تسجَّل زمنَّا بالشرف من بدايته

ولا نقبل الذلَّه ولا عيشة البلا
يماني معزَّز والرجوله هوايته

#حمزة_الحيمي

تلا قارئ التاريخ بالحزن ماتلا
ومقتل حسين السبط يدرك فداحته

ومن كربلا ماقد سبقها وما تلا
بتنفيذ من للآل وَجّه عداوته

الا لعنة اللَّه والغضب والسخط على
من استهدف الإسلام واغتال قادته

#هادي_حسين_الرزامي

سببها خلافات السقيفه تحولا
إلى ديوله عوجاء وهذه بدايته

تخلوا عن القرآن وتناسوا الولا
وخلوا علي في البيت مسلوب رايته

عليها عليها جر منه وناولا
وصارت وراثه وامة الدين ساكته

وصار اليزيد أولى من السبط واعتلا
على العرش واستولى على الحكم لابته

#عبدالواسع_صايل_الغولي

مأسي في الحاضر وفي الوقت ذي خلا
سببها تولي غير طه وعترته

وهيهات منا الذل زلزل بها الملاء
وصحح واصلح دين جده وأمته

وفي نينوى في وقعة الكرب والبلا
سقط صادقا اوفى مع الله بيعته

#الشاعر_علي_الغماري

فسبحان ذي اسراء وسبحان ذي تلاء
وسبحان من نزّل على العبد ايـته

وقال يامحمد قم وبلغ عن الـولاء
وبلغ جميع الناس تتبـع ولايـته

وحـنّـا تـولـينـا ونحـيـا ونقـتـلا
مع الله وال البيت نتبع هدايته

فكل المصايب قد استني مع البلاء
سببها هي التفريط ماهي حكايته

#ضيف الله_هجوان

تجلا شعار الحق والباطل وانجلا
وبانت نوايا كـــــــل ظالم وغايته

ولابد مايوصل صدى الحق للعلا
ونكسر جدار الصمت مهما سماكته

كرهنا حياة الذل في البيت والخلاء
عسى لا سلم ذي ما يحقق ارادته

#ابوشهيد_القطمي

مع الآل و الاطهار في منهج العلا
رفعنا شعار هيهات نقبل وصايتة

ومن وحي عاشورا و هيهات كربلا
ثبتنا بوجة الظلم و نكشف دعايتة

ومن جاء يحاربنا فــ مرحب ويا هلا
قسم ما رضينا الذل واهلة و لابتة

#جميل_جعفر_ابوشامخ

مع الله وآل البيت لا منبر العُلى
سنمضي وترعانا من الله حمايته

هم المن و السلوى هم الامن و السلا
وهم ثوب دين الحق وايضاً غشايته

وهيهات ان نخضع ولا ننحني إلى
تحالف بني صهيو ونترك جنايته

#منصور_الحراسي

هنا شعب مفعم بالهداية وبالولاء
ومن وحي عاشوراء يعزز إرادته

سرينا بـ(آوَاكُمْ) و(في ذلكم بلاء)
وحلف الردى قد خيب الله غايته

جهز دواتك والقلم والدفتر..
يا كاتب التاريخ من ذلحينه..

وكيمراتك كلها واتحظر..
واستن شعب العز في سبعينه.

با يحتشد من كل ريف وبندر ..
لحيا رسول الله ينصر دينه..

وانسخ من المشهد لمن يتذكر..
او يدكر صورة تملي عينه..

#يحيى_الوحيشي

المجاراة عن ( #فلسطين_قضية_الامة )

البداية #ضيف_الله_سلمان

اوّل قضايانا قضية فلسطين
والاولوية بين كل القضايا..

واحرار الامة كلهم مستعدين
يطهروها من كيان الخطايا..

على خطى القسام والشيخ ياسين
كل الكتايب جاهزة والسرايا..

من منطلق عزة ومن منطلق دين
والله ذي يعلم بصدق النوايا..

#أبوعساف_الدهمي

مــادام والأمــة بـعـيدة عــن الـدين
ســلــم عــلــى غــــزة ورد الـتـحـايا

والمسجد الأقصى عليه ألف ياسين
يـبـشـر بــقـوم مـــا تــهـاب الـمـنـايا

الـفتح قـادم والـنصر قـاب قـوسين
الـــوعــد وعـــــد الله رب الــبــرايـا

لــو أتـحـد كــل الـعـرب والـمسلمين
قـد كـان سووا في اليهوود السوايا

#عباد_ابوحاتم

بالقارعه و النصر و الفتح و التين
ما نترك الاقصى لحلف البغايا

ولجل غزه نقسم القرص نصين
ونقتحم معهم حياض المنايا

يا قبلة أنصار النبي الميامين
شوفي مكانش قبل رد التحايا

بين الهدب و الرمش في نيني العين
بين الخلا يا و المهج و الحنايا

#محمد_بلابل

النصر أقبل بارقه من فلسطين
قضية الأمة وخير القضايا

أحرار أمتنا تنادوا مضحين
للمسجد الأقصى سرايا سرايا

والله مانقبل بحلف الشياطين
يكونوا الجلاد واحنا الضحايا

كل اليمانيين جينا ملبين
بعد العلم بنخوض كل الرزايا

#بندر_السقاف

قولو لبنيامين واسحاق رابين
القدس همه حل بين الحنايا

لجله اعدينا الشهب والبراكين
ووقودها غيره جرت فالخلايا

يخسوبني صهيون يخسئ المريكين
يخسو اذلا لليهودي مطايا

السبت هوله ماهو الا عناوين
حامت عليهم حايمات المنايا

#يحيى_الوحيشي

هذي قضية جامعة للميامين..
واحرار الامة من جميع الزوايا..

ذا فرطوا فيها شوية ملاعين..
مافرطوا فيها رجال المنايا..

القدس وجهتنا وللقدس ماضين..
ما ضين ما نخشى صنوف البلايا..

محور مجاهد غايته يابن يامين..
يقتص منكم يا عيال البغايا..

#ابو سياف البيحاني

اي والله انها في عيون الملايين
واكبر قضيه همها في حشايا ..

قلوا لحكام الخليج الملاعين
يا ويلهم من حكم رب البرايا..

يا ويل من يكسب بقتل المساكين
كراسي السلطة ودم الضحايا ..

اليك يا الاقصى حنين المصلين
ارواحنا في نصر غزه هدايا..

#عزالدين_جحاف

على اليهود المعتدين الملاعين
كل البلايا المهلكة والرزايا

مافيه ذرة من عروبة ولادين
من باع فلسطين من أشر البرايا

يامن تصهين من خليج البعارين
ووالوا اسرائيل بنت البغايا

جاكم أولي البأس الشديد الميامين
جنود ربي مايهابوا المنايا

#ابوخالد_الطويل_الجهمي

من فيه نخوة ينصر القدس ذلحين
ما عاد هو وقت القمم والروايا

أبطال غزة ما يبوشي كراتيين
ولا قوافل تحمل أغلى هدايا

يبوا مواقف تنصر الحق والدين
من امت المليار لم القضايا

قالوا نقادات العرب مستعدين
وبايدن قال إنهم له مطايا

#سيف_حسن_العامري

الحين وقته يارجال الله الحين
للقدس نتوافد سرايا سرايا

تطهيرها منهم قده قاب قوسين
والمحور اتمترس بكل الزوايا

ماشي بقاء للصهينه غير شهرين
وشهر ثالث تصفيه للبقايا

والنصر بأذن الواحد الله نصرين
قطع الورم يمنع نمو الخلايا

#عبدالله_المسعدي

لبيك يامسرئ ختام النبيين
لبيك جينا مــن جميع الزوايا

حبك جرئ مجرئ الدماء في الشرايين
وفي كرياته ووسط الخلايا

راهن بنا ياقدس في العسر واللين
راهن بنا واحنا رجال المنايا

نشهق حمم حمراء ونزفـر براكين
والارض نمطرها عليهم شظايا

#فارس_المعزبي

لنا بـ(يوم القدس) عدة براهين
تعطي فلسطين الثقة والتحايا

والاولويه في جميع القوانين
وفي جميع افعالنا والحَكَايَا

افكارنا فيها تسطِّر دواويــن
ودعمنا المعروف ساير وجايــا

ماصابها نصبح بمثله مُصابين
حتى الزكام ان صابها والبلايا

#هادي_حسين_الرزامي

جهاد طول العمر ضد الصهايين
قولوا معي يامرحبا بالمنايا

على خطى الكرار بيمان ماضين
مابه تراجع من رصاص وشظايا

قل للمطبع نحو لاقصى مسرين
يحسب حسابه قبل يوم الخزايا

هذه قضيتنا عليها مضحين
وما سوى هذه تهون القضايا

#صالح_النقيب

ياقدس جينا للقضيه ملبين
فوق الطقوم الغبر ولا المطايا

انت القضيه في قلوب الملايين
وارواحنا واموالنا لك عطايا

في ماحصل ياقدس محنا براضين
قضيتك ياقدس فوق القضايا

باعوك ذي هم لليهودي موالين
وقدمو لجل الصداقه هدايا

#جلال_الغولي

اول قضيتنا قضيه فلسطين
واكبر هدف قد حل بين الحنايا

مسرى رسول الله ختم النبيين
واطهر بقاع الارض واقدس زوايا

تحريرها واجب في العرف والدين
ولجلها نركب ظهور المطايا

والله وعدنا نصر عزه وتمكين
واحنا جنود الله فيها سرايا

جريح الحرب #رفيق_زرعان

القدس تدفق دماء في الشرايين
وقطاع غزة ساكنه في الحنايا

للقدس نمشي فوق حد السكاكين
ونسقي اسرائيل كاس المنايا

ياقدسنا لاتبتئس يا احمر العين
لا خانك اعراب الخنا والرزايا

الله معك واحنا معك يافلسطين
والنصر من ربي أجل الهدايا

#ضيف_الله_هجوان

فزعه مع الاقصى بكل الميادين
الشكــــــر لك ياشعبنا والتحايا

وذي بايجي اصل بايرجع كما الرسمه
من بعد ماينذبح من بعد مايقتل

#جميل_جعفر_ابوشامخ

والله والله لو مابش لنا ذمــه
ما نرتضي له بأن يغزي وان يحتل

ابن اليمن احتلال الأجنبي سـمـه
هيهات يخضع ويستسلم ولو يقتل

ونشمي و مؤمن قد دفع غرمه
لأجل ارضه و عرضه لا ولن يبخل

قولو لهذا الخليعه لن يصل حلمه
مهما يخطط ولو يفعل لما يفعل

#ابوقصي_العويري

هاتوه لاما شربت اليوم من دمّه
مانا يماني ولانا ناوي اتجمّل

اقسم بربي قسم قاطع على الختمه
لا يطعم المر بين الموت والحنضل

باشب نار العيار اللي على رقمه
واسقيه من بطن ابو دربيل ومعدل

يلعن ابو جد خال ابنه وجد اُمه
هذا الذي شم جده بغمت الجرمل

#مقتدى_الوايلي

اصه ولا اسمع لبوكم ياغجر كلمه
قد ضاع مشروعكم والواقع اتحول

كل القوى ذي جمعتوها لكم نقمه
وحربكم بايجر العقب لو طول

اما اليماني مع الله قد شحذ عزمه
والاول ايصير مهما اتامرو لاول

قل البريطاني ارضي للعدى قتمه
باتتنتصر لو لها حشد ولو مول

#ابو_يحيى_القهدة

لا حلفكم والسعوديّه عيال عمه
فاحنا مع الله ناصر من به اتوكل

ملطام و20 صفعه و40دكمه
لا مانخليه من جور الهجوم اخبل

ندفع عن اعراضنا والأرض والحرمه
بحرب لاما ترج الارض تتزلزل

فصاحب الارض يبذل لاجلها دمه
بلادنا يايهودي نااااار موت ازول

#عبدالقدوس_الصباحي

ذي ما عرفنا يكون اليوم في علمه
من با ينجيه لا سيل اليمن سيل

كانت بريطانيا عايش في القمه
وما كسرها سوئ ذا الشعب بالجرمل

حلت عليها الخزا والعار والنقمه
وانهار طغيانها والقاسي اتزلزل

هاذا اليمن لاتقدم هجمته هجمه
ما يقنع الا بأخذ المركز الأول

#ياسين_الفروي

قولوا ل(لندن) نصيحه تفهم امكلمه
امزح ولى زمانه واملِعِب كمل

سواحل امبحر (موتو) وامثرى (جحمه)
من يشتي اموت الاحمر قله اتفضل

وان ما لقي اموت شا يلقى ولد عمه
ما يغزي ارض اليماني غير شخص اهبل

#ابوروعه_الجوفي

من موطن الوعي والايمان والحكمه
حيث الشرف والكرامه والاباء قد حل

ياذي نويت الدخول في ساعة الزحمه
نسيته ان اليمن واعي ولن يغفل

لاما تعبرت بالسابق فأبو شرمه
بايدي رجال اليمن تشتاق للمحتل

ارحب على الخارق الشباب من خشمه
يا ناوي الشر قبلك فيه موت ازول

#ابورعد_الزايدي

من ضرب الابطال كلن قد خذا قسمه
اهل المهمات ذي ماياتهم يفسل

ذي من غزاء ارض اليمن هبوعلى خزمه
ويجرعوه الهزيمه كاس من حنضل

من جاء بلدنا وهو غازي عرف حجمه
ويعود خايب وغصبن عنه بايرحل

امام ذا الشعب ذي اول رقم رقمه
عبرالتواريخ صامد حر ماتزلزل

#عدنان_سالم_أحمد_الذويبي

ارض اليمن مجدها في اول القمه
ومن غزها قسم ما قل أن يقتل

قل البريطاني الملعون ما الزحمه
لاعاد يحلم يطاول عزنا اطول

اذا أصر القدوم يرحب الى البغمه
يذوق ما ذاق جده حين جاء يحتل

لاعاد يودف ولا يورط ولا يعمه
ومن نوى يغزنا يعرف بانه ظل

#بلال_الصوفي

في الضرب والطرح ثم الجمع والقسمة
مابش للندن مكان في داخل الجدول

واحنا نربي ذي ما رباه ابوه وامه
ونسقي اللي غزانا السم والحنظل

قولوا لبوريس جونسون أرضنا سمه
لكنه انسان ما يفهم وشخص أهبل

ما نقبل الانجليز قلنا وهي كلمة
هيا اسمعوا الانجليزي التافه المختل

#الشاعر_براق_المنبهي

من قرب النار باتشوي كبد جسمه
وتصهله جمرها بالنفح والمشعل

فيها سقر من طرف سيئون ملتمه
ومالك الموت بالساعات يتجول

ترحب ملايين عاد العز فالبغمه
تعزف نباها من الجدعان لاكوفل

تسرج عتوم الليالي جاري الخدمه
والجيش يضرب وابودربيل يتكفل

#ابوبراءة_الديلمي

من هو مع الله ربي زاد في عزمه
يوجه اوغاد واشنطن ولايفشل

جهاد يمضي ويستبسل ولاهمه
لكل طاغي بريطاني ومتسلل

والمعتدي فالمعارك ينكسر عظمه
ونجرعة نار حمرا من بنادق فل

#عبدالله_بحنان

شعب اليمن صاحب الإيمان والحكمه
يامن غزاء المهرة بالجنود أقبل

قولوا ل ( لندن) عجوز الغرب بالجزمه
ندوس أرتال غازي أرضنا المحتل

جهزسلاحك(يالحريزي)وأشعل البغمه
الاعتصامات ما تنفع ولا هي حل

يبشر بنا كل مهري نقسم الكدمه
ويسجل التاريخ أكبر مقتله تحصل


#عاقل_بن_صبر

لبيك يا ســــــــيدي يا قائد الأمه
بغير امرک وحكم الله ما نقبل..!!

ياشعب الإيمان كلاً يعتلي طقمه
فلا رجوله لذي ما قام و اترجل.!!

الاحتلال البريطاني ثنىٰ الهجمه
نشوف وشـ بايسوي وايش بايفعل؟

كلاً يبا من محاريث اليمن قسمه
مايدري انه لحتفه والفناء هرول..!!

باندعسه في اليمن ونعرفه حجمه
و نجرعه 🔥 وقاده وموت ازول.!!

#هادي_حسين_الرزامي

الشعب لاثار تصبح ثورته نقمه
محال يصبر على طامع ولا محتل

اخرج بريطان والاتراك بالهمه
وبالمهند وخيله لاركب واصهل

يقوم في الليل ويصلي ولا همه
الا رضى الله طول الوقت مايغفل

يرضى بحظه ويصبر لو نقص قسمه
يأبى لنفسه بأن يخضع ويتذلل

#يحيى_الوحيشي

ياشعب الانصار كمة فوقهم كمة..
تجعل موازين عرش انجلترا تختل..

دوس العدو البريطاني ودوس أمه..
وقله اليوم غير الامس يا مختل..

المجاراة بعنوان ( الجهاد سنام الاسلام )

البداية #ضيف_الله_سلمان

المسلمين اليوم من دون اسلام
عند اليهودي مالهم اي قيمة..

حكامهم وشعوبهم تحت الاقدام
سبعين عام من الاسى والهزيمه..

الا اليمن جسد تعاليم الاسلام
والنهج مُحكم والقيادة حكيمة

#وضاح_الحميصي

اليوم في غزة كما اربع مية عام
من شدة الماسئ وهول الجريمة

اجرام لا قبلة ولا بعده إجرام
في العصور الحاضرة والقديمة

مايولد المولود الا للاعدام
وللرزايا والخطوب الجسيمة

#محمد_الحربي

يا(ضيف) قلت الحق وابصم باالابهام
مالك ولااعراب الرياء والنميمه

حكام فاالظاهر وماهم بحكام
ولا بهم نخوة وعـــزة وشيمه

وهم يهجونا بـ صدام صدام
والخاتمة مااقدر يواجة غريمة

#عماد_العملسي

مابين متخاذل وساكت وسوام
غزة غدت مابين ذولا يتيمة

كاس المأسي تشربة كنه الزام
واطفالها تشكي اليالي الاليمة

حكام تخشى الحرب ماهم بحكام
بقائهم فوق الكراسي جريمة

#محمد_مفلح

اي والله انه عار بوجيه الاقزام
ذي ما لهم نخوه لغزه وشيمه

لكن ورب البيت ما نحني الهام
ولا نخيّب ظن طفله يتيمه

تحت امر جبريل في كل ما قام
وايماننا بالله زاد العزيمه

#أبو_رواسي_أرحب

ياضيف بلغ للقياده خبر هااام
مني وأناشاعر بفطره سليمه

ولئ زمن سيروا ليالي وأيام
اليوم كل الشعب عارف غريمه

أقضوا علئ كامل سفنهم قضاء تام
فزعه لسته ألف طفله يتيمه

والشعب مستبسل وباذل وغرام
لوبا تصال الحرب لاكل ديمه

#مقبل_جرام

‏الله يبارك في يمنّا وفي الشام
أهل المبادي صادقين العزيمه

هم وحدهم فـ الارض للدين صمام
آمان من خبث اليهود اللـئيمه

رجال حزب الله بتّار صمصام
و قوة الأنصار قوه عظيمه

#عزيز_الردماني

بفضل ربي والقيادات الاعلام.
اهل القلوب النيره والسليمه.

صرنا رقم ضاغط على كل الارقام.
ورزح للمضيوم نخوه وشيمه.

ولا غرابه شعبنا شعب مقدام.
عزيمته ما مثل ابوها عزيمه

#يحيى_الوحيشي

الحاكمين اليوم خدام واقزام..
واورام بجسام الشعوب السقيمة..

لا مرجلة لا إقدام لا عز لا إسلام..
هوام في واد العمالة غشيمة..

مثل البهايم يستغيثوا بحاخام..
الكل ما استثنيش منهم بهيمة..

الا اليمن واهل اليمن سيف وإحزام..
وشوي بارض الشام عادي مقيمة..

#حسين_شرويد

جرم اليهودي جاوز احدود الاجرام
وسكوت الامه عنّه اكبر جريمه

مشهد يحيطه بالدما بصمة ابهام
فرعون واشنطن والانفس غشيمه

قولوا لغزه من ربى عاصمة سام
ام الكباير عاقبتها وخيمه

#الحسين_المحضار

تبا الله يحبك مثل حب الامام
جاهد وكن مثله قوي الشكيمه

ما رجع الحكام خدام حكام
الا قبول الذل قبل الظليمه

تدعي تصلي الخمس صوام قوام
بلا جهاد العاقبه لك وخيمه

‌‌‌‎#ابواياد_المطري

حكّام ما حد منّــــــهم فـــزّ او قام
لامـــــرجله لا ديــــن لا أي شـــيمه

الطفل في غزه رجع هيـكل عظام
من الالم والجـــوع من كــثر ضيمه

ماحد يساندهم سوى شـعب دلهام
بعد ابن بدر الدين أمة عـــظـيـــمة

#الشاعر_جبر_المهدمي

بعض العرب والمسلمين مثل الانعام
والبعض امام الحق مثل البهيمه

ذي ماعرف ربي ودينه والاحكام"
يلقى العواقب فالـــنهاية وخيمه

وانسان ماجـاهد عــدوه ولا قام
عاد اليهودي داخــله في صميمه

#أبورماح_شداد

دام الجهاد العز قـــــــــدام قدام
ياشعب مؤمـن مارضى بالهزيمه

(غزّه)..تنادي يابني حمير وسام
صهيون تجعل من جثثهم وليمه

قـل للعرب ذي ما تحرك ولا قام
ماله رجوله.... والعواقب وخيمه

#ابوبدر_ذيبـــــــان

لا مسلمين اليوم ولا عز حكام
ولا شعوب حره بحق وعزيمه

ملوك لكن فالحقيقة هم اقزام
خانوا القضيه وارتضوا بالهزيمه

ياشعب الانصار انتفض وارفع الهام
ساند فلسطين الاباء والشكيمه

#الشاعر_ابوجهاد_صبر

اقسم بمـن انزل تبارك والانعام
إن الجهاد اليـــوم نعمه عظيمه

ذي ما تحرك بعد ذلحين او قام
مافيه نخوه او شجاعـه وشيمه

اطفال غزه نصفهم ساروا ايتام
ونصف ماتوا تحت كمّن جريمه

#جميل_ابوقاسم

ذي يدعي اسلام بارك ولاقام
خظع وسلم لليهودي غريمة

مثيل صاحب نجد واصحاب الأهرام
إسلامهم مافيه غيرةوشيمة

امااليمن هم أهل الإسلام والاعلام
لهم مواقف نحوالاقصى عظيمة

#ابـومـازن_الـرازحـي

يوم الجهاداصبح ثقافات ونظام
تجرع الباطل عواقب وخيمة

وتحطمة عندالطواغيت الاحلام
وتقدم الإسلام خطوة كريمة

وانعاد للأمة تحت ظل الاعلام
روح الإباء والحرية والشكيمة

#مختار_حمود_عبدالمغني

يا أمة المليار والنص ما قام
منها مناصر للصبي واليتيمة

قال انفروا بايات تفصيل واحكام
ما لم عواقب ما جنيتم وخيمة

ابن اليمن لا قام للمعركة قام
ما يقعد الا والبرادلي غنيمة

المجاراة بعنوان تلبية لدعوة #السيد_القائد

البداية #ضيف_الله_سلمان

ميعادنا الساحات ياشعب الوفاء
من كل بيت وكل سهل وكل واد..

الله امرنا والنبي المصطفى
بجهاد من عاثوا في الارض الفساد

وين الشعوب المسلمة ماقد كفى!!
ذا الصمت والشعب الفلسطيني يُباد..؟!!

#ردفان_الرقيمي

حــــــرام لو توصل ركبنا للحفــــــاء
عن شعب غزة ما نقف موقف حياد

مثل العــــــــرب شلو دماهم والقفاء
ذي مــا حــدا دخَّـل لها حبة مضــاد

لاما شفينا جـــرح مستشفى الشفاء
ما أحنا شداد الباس وأحفاد الشداد

#الشاعر_ابو_صقر_شعلان

ميعادنا ياهــل المــوده والصفاء
مع رسول الله واعـــــلام الرشاد

يالامس التأييد هي لمسة شفئ
اشمخ وقل لليهوده عادش وعاد

مادام وسهيل اليمـاني مااختفى
لابد يفنى من طغوا وسط البلاد

#فارس_المعزبي

طرف اليمن عن اهل غزه ما غفى
ولا تراجَع شعبنا خوف الشِّداد

خروجنا الساحات معناه اِكتِفــا
بالذّات واِستبسال في درب الجهاد

ومَن تخاذَل او تنصَّل او جفـى
يموت متصهين ولا حقـق مــراد

#يحيى_الوحيشي

واحنا على الميعاد هيهات الجفاء..
تبشر بنا غزة وتبشر بالعتاد..

افا على من يرتضي الذلة افا..
والا ارتضى الجلسة مع امات الجعاد..

اذا شعوب الامة اليوم اختفى..
فشعبنا حاضر بساحات الجهاد..

#ابومحمد_السحاري

نفير واستنفار واعظم موقفا
حشود مليوني يالقوم الشداد

لنصرت الاقصى بصوتك تهتفا
ولبي ابن البدر وخروجك جهاد

وادعي الشعوب المسلمه بن توقفا
من قبل مايلقو السخط وعذاب عاد

#مانع_البوساني

أبشر بخرجه ينتقش عرض الصفاء
تاريخها وتعُم سمعتها البلاد

والشعب طرفِه لجل غزه ما غفاء
شعب اليمن ذي ميَّزِه رب العباد

الأرض فرشِه والسماء فوقه دِفاء
يرقد مسلَّح واصبعه فوق الزناد

#محمود_الجنيد

يتوسع السبعين لابعد الحفا
ونهايته ترجع لما بعد السواد

هذا هو الشعب الذي ماقد غفا
شعب اليمن عاشق ميادين الجهاد

لبيك ابو جبريل وابشر بالوفاء
(احنا سلاحك سيدي واحنا الزناد)

#حسن_السعيدي

ياشعبنا انت الدواء وانت الشفاء
لشعب غزة وانت لاجراحه ضماد

وانت الوفاء يوم اكثر الناس اختفى
وانت السند وانت المدد وانت العتاد

والنصر يشتي صبر والردّه جفاء
والصمت والخذلان ذله وارتداد

#عبدالمنعم_المتوكل

قدام بانمضي ولن نرجع قفى
والشعب كله في ميادين الجهاد

الفرد شامخ مثل ما حيد الحفا
والسيد القائد كلامه ما يعاد

من حشدنا المحتل طرفه ما غفا
وكل جمعة بانزيد الإحتشاد

السلّم المروة وعطان الصفاء
وساحة السبعين مكة يا جياد

#الشاعر_نضال_حُميد

ابشر نجيك افواج والافي لفاء
بجيش مامثله عشق درب الجهاد

يمتد من سوق الحتارش للحفا
ومن جبل عطان لاخلف السواد

وفاء لقائدنا الحسيني واقتفى
على أثر قوم المهمات الشداد

#جميل_الكامل

ياشعب كم كثر حشوده واحتفى
باسناد غزة قام بالواجب وزاد

لكل ساحة عز قلبه كم هفى
صادق وعاشق عشق صادق للجهاد

رغم المطر ، والشمس ، والجوع ، الحفى
رغم المسافة رغم انف اهل العناد

#محمد_الاخرم

ياشعبنا الردة عن الموقف جفى
حاشاك تتوقف وترضى بالحياد

ماغُض طرفك يايــــمنا أو غـــفى
وجرائم المحتل الارعن في ازدياد

من ساعة الـــــــشدة توارى وأختفى
ماهو من أهل البأس الاحرار الشداد

#الشاعر_متاش

ما احنا من القوم الذي تتخلفا
عن نصر دين الله واسناد الجياد

في كل ساحة شعب الإيمان مااكتفى
حتى يطهر كل ارجاء البلاد

ونرجع إسرائيل قاعاً صفصفا
وابراج واشنطن نرجعها رماد

#علي_حشفول_الهلالي

يا شعب ما يعرف ملل والا انطفاء
ومبدأة ثابت على درب الجهاد

هبوا الى الساحات واتحاكوا كفى
وغيضوا العالم بكبر الاحتشاد

#هاشم_الحوثي

عهد الولى منا لسبط المصطفى
من كل ساحات البطولة والجهاد

إنا على درب الكرامة والفداء
ولأجل غزة لو تحولنا رماد

في كل جمعة يارجاجيل الوفاء
يبشر بنا السيد نزيد الإحتشاد

#أبوصخر_الجوحمي

مانترك الساحات لو نمضي قفا
كلا وغزه من عدو الله تباد

ابشر بنا يابن النبي المصطفى
نخرج الى الساحات طاعه واتحاد

الله في داخل كتابه ما عفا
إلا. ثلاثه غيرهم لازم. جهاد

#ابوبدر_ذيبان

مليوينة من شعب للذلة نفا
ابشر بها ياسيدي حسب المعاد

طوفان غضب ضد الصهاين مردفا
في زادة الايمان والعزة عتاد

ونقول للمحتل والخاين كفى
ولى زمان الهيمنة والاضطهاد

#الشاعر_ابوصادق_الشيبري

جهاد حتى النصر مافينا جـــــفا
وحبنا للمصطفى وعي وجهــــاد

من الثقه باالله دايم واكــــــــــتفا
وخروجنا الساحات بعده والعــتاد

تاييد للاحرار كلن يوقـــــــــــــفا
ياامة الاسلام لا. للابتـــــــــــعاد

#سليم_نشوان

لبيك ياسبط الحبيب المصطفى
ابشر بناء نعمل بجد واجتهـــاد

نخرج الى الساحات نصرخ نهتفا
بصوت (فوضناك) في انحا البلاد

وارواحـنا للمعركــــــــــه تتلهفا
ياسيدي كلن يـــده فوق الزناد

#احمد_عبدالرحمن_الظمين

ذي خان غزة يوم نادت وختفا
وذي تولى يوم جاء وقت الجهاد

المجاراة عن استهداف حاملة الطائرات الامريكية ابراهام ..

البداية #ضيف_الله_سلمان

قال اليماني في البيان الهام
احنا ضربنا الكفر واصنامه..

لو يحشدوا مليون ابراهام
في شعبنا ما تنحني هامه..

هذا زمان النصر للاسلام
وقوة المسلم في اسلامه..

#أبورواسي_أرحب

عاشت سرايا القدس والقسام
وعاش حزب الله واقسامه

محور علئ خط الأمين العام
علئ طريق القدس وأعلامه

خصمه مطوق باليمن والشام
والبحر من خلفه وقدامه

#وضاح_الحميصي

لن تغلب ابراهيــــم ابراهام
ولا مية مليـــــــــون عوامه

كل القوى كل التـروس اصنام
وقوة الجبــــــــــــــار هدامه

مع سرايا القــــدس والقسام
مقاومة لاســـــــــاعة الطامه

#ردفان_الرقيمي

(قــــــدام خـــط المعركة قــــــــدام)
لا عاش مَن تتــــــراجع أقـــــــــدامه

مِن شِق "سلب أرواح" دعس أخشام
نجازي المجـــــــرم على إجـــــــرامه

والتضحيـــــة با نقتسمها أغــــــــرام
والمــــؤمنين أخــــــــوة وغــــــرامة

#صقر_اللاحجي

الله  يــبارك في اليمن والشام
وفــي لــيالي ضــيف وايــامه

يــاضيف حكام الخليج أقزام
الله  لا  بـــــارك لــحــكــامــه

رؤوســهم عــند الــعدو اقدام
وافــواهــهم زمــيرة اعــلامه

قــمة ورا قــمة ولا حــد قــام
ما هي نتيجة امس " هيا مه "

#عباد_ابوحاتم

يا بحرنا المزروع بالالغام
يا من يريد الموت قدامه

نصره لحزب الله والقسام
نسفت فرقاطه و عوامه

كم حاملة فجرت هذا العام
وادخلتهم في وسط دوامه

#مقبل_جرام

يا زمرة الإفساد والإجرام
احنا لغزة محزم و لامة

ومن تولّى القادة الأعلام
يعيش شامخ طيلة اعوامه

الله يبارك في اليمن والشام
ويلعن النجدي و أزلامه

#فارس_المعزبي

اليوم ما به للضروف احكام
إلا اليماني فارض احكامـه

اعدام لمريكا يفـوق اعـدام
وحــرب غــرَّامـه لغــرَّامـه

وهجوم من جانب ومن قُدَّام
وضرب متواصل ومرجامه

#الشاعر_أبوحيدر_الحمزي

نقولها للخاص هو العام
الكفر لا يرفع ولا هامه

حفيد حيدر كسر الاصنام
داعس على امريكا باقدامه

صلاة ربي والسلام التام
عليه حفظه ربي ودامه

#ابو_محمد_دحان

باننهي الاوثان والاصنام
ونحارب الطاغوت وجرامه

نحكم على أمريكا بحكم اعدام
والبحر الأحمر ساحة اعدامه

عاش اليماني حر ماينظام
والله يلعن كل من لامه

#عزالدين_جحاف

تحالف الطاغوت والإجرام
شعب اليمن باينهي اجرامه

وكل أحلامه غدت أوهام
والموت من خلفه وقدامه

في كل لحظه نصكعه ملطام
ونخلي رأسه تحت أقدامه

#يحيى_الوحيشي

يا قوة الله ايش من ملطام..
دوّخ بالامريكي وخــــدامه..

هذي السنة يا اترمب غير العام..
يسقي عليــك العــام وايــامه..

ايام كنت انت المدير العام..
على بحور الشــرق واقزامه..

خلاص ما به هيمنة يا اقزام.
في اي بــحر الآل حـــكـامه..

#عبدالسلام_الطالبي

شعب اليمن انهك قوى الإجرام
وبعون ربي تنجح احلامه

بالله هو باينكس الأعلام
للحلف الامريكي واقزامه

مابش تراجع سيرنا قدام
والنصر لاحت بيرق أعلامه

ومعركتنا مابها استسلام
بالصبر باترفع لنا الهامة

#عبد_القادر_داود

الكفر غارق في بحور أوهام
و الموت من خلفه وقـدامه

خلفه سرايا القدس والقسام
و من أمامه قـوم غـرامـة

و شعب متولي علم مقدام
يدوس الإمريكان بأقدامه

#ابواياد_المطري

والله ما نسكت عن الاجرام
لو ما بقي في شعبنا قامه

وبقوة الله القوي العلّام
با نهزم الطاغوت واقزامه.

والموت لاسرائيل هذا العام
على يد المحور وقسّامه

‌‌‎#الشاعر_متاش

قدام يا احرار اليمن والشام
وابن اليهودي خابت احلامه

تنكيل بالاحلاف والاقزام
حتى اليهودي يعلن إسلامه

لن نخذل الرضوان والقسام
والقدس بانشفي له الآمه

#الشاعر_عبدالرزاق_ذياب

قل لتحالف بينـنا الايــــام
لابد ماندعس على اخشامة

هذا اليمن ماهو كما الحكام
ذي أيدوا الباطل على اجرامة

باتسقط امريكا أمام أقدام
ابطالنا ذي داسو اقزامه

#يوسف_الحداد

الله يبارك باليمن والشام
ياشعب ثاير في خطى اعلامه

والله يمد القائد المقدام
بالعون والتوفيق في اقدامه

والنصر للمحور وللقسام
والفتح للاقصى دنى عامه

#محمد_البريهي

ولّى زمان امريك والأزلام
وبيتها الأبيض وخدامه

جبنا فضحنا فكرها الهدام
والأدعياء أذناب حاخامه

واليوم نحرق حاملات الخام
وفي البوارج جرح إيلامه

#ابوفتح_الاشول

ضربه إستباقيّه على الأرقام
في باب خيبر خابت أوهامه

ضربة علي في خندق الإجرام
يا خندق البحر اقطع اقدامه

الأمس يشهد واقع الأقوام
واليوم يتكرر بـ صمّامه

#الشاعر_ابوحيدر_عامر

يا ضيف سلم لي على هكام
ماله محول كامل أرقامه

والحاملة محكوم بالإعدام
وجيش واشنطن معى اخدامه

وبايدن راكب على الصدام
والمعتدي لي زيد اجرامه

لي ماسمع غي قارح الملطام
من بعد نخاطه وهنجامه

‌‌‎#الشاعر_ابوصالح_الحربي

فـ البحر اغرقنا قوى الاجرام
وحلف الاعدا خابت اوهامه

هذا بفضل الله والاعلام
يا شعب داس الكفر بقدامه