ال
نعم الضيافة ذي بها قد نزل

كلمات شعره والقصايد نبال
دقت عروش الكفر والاحتلال

#محمد_الجبلي

سلام يابحر القوافي الجزال
ياعضم مترجم في الوطا! والجبل

همدان همدان ياهمدان شد الرحال
وجاهد الكفر وقال هيهات لاللملل

في جنة الله نورك جنب خير الرسال
سريا واامر الولايه شاهده للبطل

#عبدالحكيم_ابوهاشم

يا كاتب التاريخ سجل مقال
تعرف به العالم جميع الدول..!!

اكتب الشاعر خيار الرجال
همدان انا اشهدله مقاتل بطل..!!

جسد معاني التضحيه بالفعال
صعد الى العليا بحسب العمل..!!

قصد رضى الله يدحر الاحتلال
ونال رضوان الاله في عـجـل..!!

#أبويوسف_القاري

هذا عزيز النفس زاكي الخصال
هذا المجاهد والاصيل البطل

عشق الشهاده في دروب الكمال
شامخ ونظره عاليه مانزل

ماكان ينشر كل ليله مقال
في الفيس يخدم به تحالف هبل

ويهاجم إخوانه من أجل الريال
ويحط نفسه للأقل الأقل

#عاقل_بن_صبر

يا شاعر الميـدان قول وقتال
نلت الشهادة... غايتــڪ والأمل

يهناڪ عند الله طيب الحِلال
هذا جزاء إخلاصك وخير العمل

على دروبڪ... با نشد الرحال
ومصابنا بعدڪ عظيــــم وجلل

#سلطان_خضران

على طريق القدس شد الرحال
وودع الدنــــيا ومـــــنها رحــل

وعاش (همدان السبا )يـوم نال
عزه وفالفـــردوس الاعلــى نزل

انشــــهد ان ابيات شعــره جزال
وانشــــهد انه كـــــان شاعر بطل

#ابوساري_العيوي

الشاعر اللي في دروب النزال
ترجم معاني تشهد انه بطل

خاض المنايا بالسيوف الصقال
وبعد ماقال الزوامل فعل

يهناه موته مات موتت رجال
همدان فالجنة بروحه نزل

#قاسم_السقاف

من خلد أسمه في سجل النضال
نعجز عن انصافه بشعر الجزل

ثبت بساعات اللقاء والنزال
وقاتل اعداء الله ونكل

حتى ارتقت روحه لمولى الكمال
شهيد فالجنه مفضل

#صالح_حسين

ابكيك والا ارثيك يابن الرجال
اتناقض احساسي وكل الجمل

هوصدق والاضرب كاذب محال
او حلم عابر في المنام اكتمل

يهناك ياهمدان عذب الزلال
لك جنة الرحمن كانت امل

#نمري_عبدالله_مطر

في جنة الباري مع طه وآل
وخير من جنب الصحابه قد دخل

ويا كم قصايد قد تغنى للوصال
واليوم في جنة الباري وصل

وعن نهجهم والدرب والله محال
نرجع ولو الفين نتقطع وصل

#الشاعر_محمد_المهذري

يامدعي تهميش هذا المجال
مفتوح من دون المرض والزعل

لاتخدم العدوان والاحتلال
ادخل كما همدان قبلك دخل

اثبت وجودك في الجبل والرمال
ماهو في الفس بك هدار وجدل

#سم_العداء

بالامس يكتب في الشهاده مقال
ابياتها تنبض بعذب الجمل

من حبر شعره عمده دم سال
والختم من رمشه ودمع المقل

صدق مع المولى عظيم الجلال
اكيد مستبشر لانه وصل

#خليل_قناف_قابيل

حيا رجال الله خير الرجال
وإنعم بكمّن قرم شاجع بطل..!!

و(إبن السباء همدان)فخر النضال
الشاعر العملاق مثل الجبل..!!

جسّد شموخ الحق في كل حال
واستنطق الواقع بصدق العمل..!!

#عبدالله_العباد

همدان جسدت بالأقوال فعال
ذكرتني النمري وكمن بطل

اثبت داخل ميادين النزال
واصبحت جنب الأنبيأ والرسل

نسئل من الله مانلته ننال
ياقوم حيا علا خير العمل

#عارف_شرده

لان الشهاده هي لخير الرجال
ذي صدروا فـ الواقع اروع مثل

بصبر واستبسال وقت القتال
نال الشهادة والشرف والأجل

هو حي عندالله في خير حال
عليه سلام الله طول الأزل

#ابوعلي_البريهي

من المؤمنين الله وصفهم رجال
الصادقين العهد مثل الأول

من جاهدوا في الله نالوا المنال
لهم جوار النور وآله محل

نسئلك يا من لا ترد السؤال
تلحق بنا بعد الشهيد البطل

#ابوسياف_البيحاني

انا اشهد انه في الشجاعه مثال
وفي القوافي يضربوا به مثل

وطبق اقواله بصدق الفعال
وترجم ابياته ب خير العمل

ونال ما اتمنى شهاده ونال
رضوان ربه لا لقاه انتقل

#عبدالواسع_صايل_الغولي

ياحنتي حنه تهز الجبال...
على الفتى همدان نعم المثل...

سلام ياهمدان ما المُزن سال...
خلّدت لك تاريخ عبر الأزل...

محال نتناساك والله محال....
وانت فينا الشهم وانت البطل...

نعاهدك بالعهد ذي لايزال...
بأننا في دربكم بانظّل

ابوشرف الدين فايزالحمزي

نال الشهادة يالنعم المنال
وفي سبيل الله مجاهد رحل

همدان وماهمدان إلا مثال
للمؤمن الحق يالنعم المثل

طوبى لهمدان من خيار الرجال
من هو مع الله في سبيله وصل

#الشاعر_محمد_المهذري

يامدعي تهميش ..هذا المجال...
..مفتوح من دون المرض والزعل

لاتخدم العدوان والاحتلال
ادخل كما همدان قبلك دخل

اثبت وجودك في الجبل والرمال
ماهو في الفس بك هدار وجدل

يعرف اليوم ذي ماقد دراء
من غزانا اندفن تحت التراب

ما تراجع يماني مُجبرا
من رجع مننا يلبس حجاب

#ذوالفقار_سفيان

سيدي حسين من تحت الثرى
ارعب الحلف من بين التراب

بعده اقوام لو تتبعثرا
والشهاده على هذا الركاب

حيدريين وآلو حيدرى
بطل الهرج ياوجه الغراب

#ابومقبل_الشعيثي

سيدي جيشك الفاتح سراى
والطقومات دقت كل باب

جرف سلمان نسخه من حراى
والكتب حقنا نفس الكتاب

يامنافق تراجع وحذراى
والضبع ما يغرر بالذياب

مابقي شخص منكم مادراى
علنت علنت شهر الصراب

#الشاعر_أبومالك_الكوماني

عاد بايدري ان ماقد درى
ف الوغى يوم شمسه ما تغاب

كل من خان وأسرف وافترى
ضد الإعلام وآيات الكتاب

بد نمحيه من فوق الثرى
نلحقه لو هرب بطن السحاب

كل ضرغام للحق انبرا
في يده سيف قطاع الرقاب

#ابوقصي_العويري

والله ان السعودي قد درا
اننا ماحسبنا له حساب

وان حلف الخيانه والعرا
ما لبس له من العزه ثياب

ماعرف فالتروس الا الورا
قير ريوس سريع الانسحاب

كم من جيوشهم تحت الثرا
وكم من الجيش فبطون الكلاب

#الياس_المقدشي

النجوم فوق والقاع الثرى
فرق من(بدر) عالي لا تراب

سيدي احسين علمنا البراء
والثقافه بآيات الكتاب

بعده احرار مثل الاشترى
داست المعتدي عطف الرقاب

باعت العمر والله اشترى
بيده الامر واليه المآب

#ابوسياف_البيحاني

قل لسلطان لاما قد درا
عاد هو بايقع دعس الرقاب

لا تسل عن مصيرك ساترى
قوم دستورها ام الكتاب

با ترى جيش من خير الورى
يمرغوا انف انفك في التراب

وقتها لاتقل ماذا جــــــــرى؟
او تقول التحالف ما استجاب

#مناع_شريم

اول انسان اعلن للبراء
صرخه أحسين هدت كل ناب

باالملازم قد العالم دراء
منهج الله ذي جاء في الكتاب

سبعه اعوام شفتوا ويش جراء
نصر عزه كرامه اعظم ثواب

صبر تسليم ولاء لله اثمراء
لن نخون العلم نور الصواب

#ابوجهاد_الجولبي

طاري النصر من مارب طرى
في جميع الصحري والتباب

والـعـراده تشدق وافـترا
ما حسب ان تاليها عذاب

بس قل لـ العراده يا ترى
الاسود إسود ماتخشى الكلاب

فـرق بين الثريا والثراء
وفرق بين الثعالب والذائب

#ابوكرم_نشوان

يالتحالف كفا ماقد جرئ
اخر انذار لك فصل الخطاب

بعد ذا لاتردون البرا
مالكم من عذاب الله حجاب

والمنافق وذي ماقد درا
يفهم القصد من قبل الخراب

#صقر_سبحان

بلغوا كل من ما قد درى
إن شعبي قد اجتاز الصعاب

وارتقى  للــثــريــاء  والــثــرا
بعد ما الله لدعواه استجاب

زلزل الكفر وانهى المنكرا
واعتلى وصار رافع للجناب

واقســم الــيــوم ما يتأخرا
بعد دعواه لمن في الأرض عاب

#بشار_عباس_الشومي

بعد الاعدى ولن نرجع ورئ
باذن ربي ونتحدى الصعاب

من خطى احسين نمضي ندحرا
قوم فرعون واشرار الدواب

سيدي ياالشجاع الحيدرى
الف لبيك والشعب استجاب

بلغوا كل خاين ما درى
إننا أنصار تأبى الانسحاب

#صالح_عنبل

طبع الانذال تتراجع ورى
فأمسح الجو يا صقر العقاب

وينها القاع من هام الذرى
انت بالوحل و احسين السحاب

ينسب البدر لا خير الورى
شامخ الراس قدام الصعاب

ويل سلطان ذي ما قد درى
عند ما ناح بالحلف الغراب

#عبدالكريم_صلاح

المقدر من الله قد جراء
والبشاير مقبله من كل باب

كم تهاوت معاقل بالسراء
بعد ما شافوا لقطاف الرقاب

وأنت يا حلف اليهود الأغبراء
با ترا منا لألوان العذاب

سعد من للسيف يا أخوه أشهراء
هامة الغازي تناطح للسحاب

#جميل_فرج

للنهايه علامات لاترى
مثلها مثل مانعق الغراب

ذي حواليه تتبرى برى
وتّناديه يرجع لاالصواب

مثله على ذو الفقار والاشترى
عند اللقا صفر ماهوفالحساب

راس العماله مشلك بالغرى
بانقلعه قلع من بين امتراب

#عدنان_جحوح

شعبنا بالضواري شمـرا
منتفض في المخاطر والصعاب

رابط الجـأش ما يرجع ورا
ما يهاب المنية ما يهاب

صاب حلف التحالف قهقرا
في التباب العريضة والشعاب

بعدهـم بـعـدهم يقظة وكرى
قـد تحـصن ببأسه والكتاب

#عزالدين_جحاف

ياأحط البشر واشقى الورى
يالعاب الخنازير والكلاب

كم منافق تطاول وافترى
ضد سيدي حسين واصبح سراب

وين عفاش وآل الأحمرا
مكر طغيانهم ولى وغاب

شعب الاشتر وشيعة حيدرا
راية امجادهم فوق السحاب

#ابوروعه_الجوفي

ياوجيه العماله والزراء
خبرو دمية أصحاب الكتاب

إن شعب أليمن منهم براء
يرحلو لاسقر شيبه وشاب

مالم انصار فاتح خيبرا
بايجو فوقهم من كل باب

قوم ذي مادرا فيهم دراء
ما بتحسب لغير الله حساب

#الشاعر_علي_الوزير

ارجعي يا ثعالب للورى
لاالاسوداقبلت هي والذياب

مالكم في مواطنا ذرا
لاهجمنافوقكم شيبه وشاب

شعبنا من فعايلكم برا
قبح الله من غدرشعبه وعاب

#ابوبدر_ذيبان_صالح_ذيبان

جاتك اشبال جيش الحيدرا
من اسود الحسين ذي ما تهاب

والذي بايواجهنا يرى
البراهين من حمر القباب

جيش الانصار بالله سيطرا
والفتوحات دقت كل باب

والعيون نحو الاقصى تنظرا
ما لطول المدا فينا حساب

#ابو_الكرار_المجنحي

المجاراة عن موقف وزير الاعلام اللبناني جورج قرداحي الذي أجبر على الاستقالة لانه رفض الاعتذار لبني سعود وعيال زايد .

البداية للشاعر #صالح_الاحمدي

من اجل كلمة حق قدمت استقاله
أسبابها .. صحوة ضمير

أهم شي ياجورج وصلت الرساله
تستاهل .. اكبر من وزير

#ضيف_الله_سلمان

مقامك اكبر من دويلات العمالة
وعالم النفط الحقير ..!!

وانا اشهد انك اصل لبناني وكالة
يا ليث يخشاه البعير..!!

#ابورواسي_ارحب

بعض البشر في موقفه دوله لحاله.
حكمه كتبها شكسبير.

ياجورج وأبن الأصل تشهدله فعاله
في القول الأول والأخير

#عبدربه_الحداد_البيحاني

قرداحي الحقات ذي ثبت مقاله
بالحق في موقف جدير

شاف اليمن يقصف جنوبه في شماله
وقال هذا مايصير

#زيد_الخراشي

تصريح قرداحي تجلى من خلاله ..
في الواقع الفرق الكبير.

من خالف ابراهيم ماهو من عياله ..
ياصفقة القرن الكسير.

#ابوريدان_الجبري

انت الوفي والشهم في وقت الفساله
بالموقف الظخم الكبير

حياك يانبع الاصاله والرجاله
ويخسئ الكلب الحقير

#محمود_الجنيد

اطرح ملوك المملكه داخل زبالة
واصل طريقك بالمسير

ماخاب من شدي مع الباري رحالة
وواجه الوضع الخطير

#بندر_السقاف

ياجورج لو يلعب على العالم رياله
هو في نظرنا شي صغير

وابن اليمن تشهد على اقواله فعاله
واترقب الشوط الاخير

#ابوسياف_البيحاني

جسدت مفهوم الرجوله والاصاله
وكبرت في عين الكثير

عريت بعران الخليج اهل الجهاله
واجهضت مشروع الحمير

#امين_التركي

باندخل ارض المملكــه نفعل ازاله
لحكم سلمان الخطير

يحكم عليها جـرج قرداحي لحاله
والعفوا لاما هي كثير

#عبدالواسع_صايل_الغولي

بموقفك ياجورج مثلت العدالة
هز التحالف والامير

وحكمهم ياجورج مامنه ولا له
دامك مع الله القدير

#عبدالله_العياني

مشكور قرداحي على تلك البساله
وموقفك ماله نظير

زلزلت بقوالك كيانات الحثاله
ذي مالهم أية ضمير

#سجاد_نشوان

ياجورج ونعم بك ونكتبها مقاله
وفاك معدوم النضير

يشهد لك التاريخ والعالم قباله
ماتركع الاء للقدير

#وضاح_الحميصي

ياجورج قرداحي خفت صوت العداله
في كوكب الارض الكبير

فجمالتك لابد ترجع بالجماله
من شعب الايمان القدير

#عاقل_بن_صبر

ياجورج عند الله ومحمد وآله
قدرك ومقدارك كبير

والمملكه وملوك الاعراب الحثاله
تخسى وامارات وأمير

#ابوقصي_العويري

حكيت كلمة حق واحنست المقاله
من منطلق حس وضمير

من كان كاتب والكرامه رأس ماله
في خط قرداحي يسير

#بلال_الصوفي

قرداحي أنت البدر في يوم اكتماله
يسلم حضورك ياكبير

نعلك تفوق أهل السمو هم والجلالة
وتاج سلمان الحقير

#عبدالحكيم_ابوهاشم

دخلته (التاريخ) يا مولى الاصاله
وموقفك موقف شهير..!!

فعلت في شعب اليمن اكبر جماله
تستاهل الشكر الوفير..!!

#ابوشاكر_المضماري

الحق عند الحر يبقا راس ماله
يبقا ولو راسه يطير

انا اشهد انك كف في وجه العماله
صك المنافق والأجير

#ابوإسلام_الحداء

علمت كل الناس ما معنى الرجالة
ومواجهة من هو حقير

تستاهل ان نسميك في عصر النذالة
إنسان في عالم حمير

#الشاعر_ابوالعز

سجلت موقف قل ما نلقى مثاله
و موقفك ماله نظير

عريت ديمقراطية عالم حثاله
نكّعت سروال الامير

#جميل_جعفر_ابوشامخ

هذا الإبـاء و التضحيه هذه الـرجـالـه
حيث الطمع حبله قصير

يا جورج قرداحي نعم فيك الأصـالـه
لـن تنهزم مهما يصير

#إبتسام_شرف_المحطوري

لك في عيون الكــون خلفّيــــه وحاله
وعندنا حجمك كبير

من موقفك قد شافوا اصحاب الظلاله
يوماً عبوساً قمطرير

#عبدالله_العباد

مـوقـف بـطـولي خيـر من موقـف فـسالـه
وجـورج قـرداحي بصيــــر

رجـال في وقـت انـتـهت فـيــه الـرجالـه
حـذاه يـسوا اكبــــر أميــــــر

#هادي_حسين_الرزامي

واجب على الأحرار ترسيخ العداله
تحشيد وجهاد ونفير

حتى تحق الحق وتبيد النذاله
ترسم لأمتها مصير

#ابويحيى_القهدة

مهما وقف ضدك ملك (نجد) الحثاله
 كبييير با تبقى كبير

يا (جورج) يكفيك الشرف تكفي الاصاله
  وموقفك ضد الأمير

#ابومنار_العشي

يا كاتب التاريخ سجل ذا المقاله
كبير قرداحي كبير

قد انتصر والخاسر أصحاب العماله
ومملكة بول البعير..

#ذوالفقار_سفيان

قال المثل فالجيد يعرف من فعاله
وساعة الوقت العسير

وجرج ثابت في سبيل الله وآله
وموقفه موقف كبير

#الشاعر_ابو_حمزة_ماجد_نشير

انشهد انه شخص مايوجد مثاله
وزير وباخلاقه امير

نطق بكلمة حق في وجه الحثاله
ماخاف من هرج الحمير

#حسن_احمد_المهدي

لا غــاب عنـك الاصل بـ تــدلّك فعالـه
والحر ما هو كـ الاسير
..
وابن الجبــل قـرداحي اتصدى لحالـه
طوفان الاعلام الاجير

#يحيى_الوحيشي

يا جورج العزة ويا رمز البسالة..
لا زلت جورجنا الكبير..

انت الوحيد الحر في عصر الحثالة..
ليتك على نجد(الأمير)

#ابورصيد_المرهبي

علمتهم ياجورج قرداحي الرجاله
وان الكبير يبقى كبير

و ان التراجع عن مواقفنا نذاله
من اجل ارضى الامير

#ابوالحمزه_السواري

انشهد انه حر تشهد له فعاله
وقوله الحق المنير

المجاراة عن الانتصار الالهي في عملية(( فجر الصحراء )) .

البداية الشاعر #يحيى_الوحيشي

احنا علينا بس نعمل بالاسـباب..
والله يتكفل بنصر المسيرة..

في الجوف تم الدعس لأذناب الاذناب..
كامل وتأيدات ربي كبيرة..

الحمد لك يالله يا رب الارباب..
ايدتنا بالنصر في كل ديرة..

لطفك بنا في كل ميدان ما غاب..
رغم إن كف الشكر فينا قصيرة..

جواب #ضيف_الله_سلمان

الفجر من كل المتارس والارتاب
غطى على الصحراء وشبه الجزيرة..

من يوم ما جينا المدينه من الباب
خلف العلم عشنا الهدى والبصيرة

امام كيد الغرب ونفاق الاعراب
احنا بنصر الله امّة جديرة..!!

وحزبه الغالب على كل الاحزاب
رغم المكايد والظروف الخطيرة

#الشاعر_محمد_الردماني

النصر نصر الله والحق غلّاب
والعصر عصر المنجزات الكبيره

ندعي قبايلنا له العفو من تاب
ياوجد حالش يالقلوب الضريره

معاد شي داعي لتجريح الاحباب
واحنا سوى في كُبْرَها والصغيره

عدوّنا واحد والاسلام منصاب
والقدس لا زالت معاهم اسيره

#عبدربه_الحداد_البيحاني

نبقى يمن شامخ مقنف وغلاب
والله على كيد الاعادي نصيره

عند اللوازم من دعاء صاحبه جاب
والصف واحد يوم الاحلاف طيره

استنفرو ياكل غارم وحراب
نخوه على الشعب اليماني وغيره

هيهات نرضى لليمن حكم الاغراب
لومابقي ذيما يخبر خبيره

#مالك_سخيم_ابوهكام

عد بايقع ياحلف نتاف الاشناب
وجيش مايحميك لا تستعيره

مافقة الا ونت في وسط محناب
في الكبيره ثارنا والصغيره

باناخذه من عظم جيشك والاعصاب
والقصف مثل القصف غاره وغيره

مادام عاد الشعب للثار طلاب
وتضحيات الشعب هذا كبيره

عاد الله اكبر دام والحق غلاب
باقي لكم فالارض فتره قصيره

#عدنان_جحوح

جهز خمار الذل يا كل قصاب
واترك ميادين الشرف للمســيرة

بركاننا قد هاج والسيل فالباب
والريح صرصر عارمة كل ديرة

والموج غاضب والأسد فاتك الناب
والموت في الصحرا نزل في خريره

كذاب من يسخر من الموت كذاب
واللي استخف بالموت يلقى مصيرة

#ابوسياف_البيحاني

يافجر من ضوه لنا النصر ينساب
ابقى على نفس النسق والوتيره

يا نصر سكر ضدهم كل الابواب
واللجم بها افواه الكلاب الاجيره

نصر انقهر له كل مرجف وكذاب
و اتحدثت عنه قناة الجزيره

الحمدلله من دعى الله ماخاب
النصر له في الاوله والاخيره

#حسن_احمد_المهدي

يا فجر من فجرك سجد كل محراب
واتركعـت في حضرتـك خيـر ديــره
..
باطراف صحراالجوف مدرارك انساب
على قلـوب الشـعب غيمـه مطيــره
..
وابنيـت في جـب اليمانيـن تجواب
يكسر رياح احـزاب حلف المغيـره
..
والبست تاريخ اليمـن خيـر جلبـاب
وتــاج فزعــه قــل يوجـد نظيـــره

#عزالدين_جحاف

الله ناصرنا على كل مرتاب
وكل متكبر وفاقد ضميره

واحنا له أنصار وجنود واحباب
هو معتمدنا كنزنا والذخيرة

أعداءنا منا يولون الاعقاب
ويشردوا في عز شمس الظهيرة

بقوة الله خير قاهر وغلاب
ننزل بأعداءه هزائم كبيره

#ياسين_الفروي

تم اقتحام اعتى المواقع بدباب
ونصرنا بالله ماهو بغيره

الموت باغتهم الى كل الارتاب
كتيبتين اموات واخرى اسيره

هذا وعاد الحرب يانجد من باب
تمرين للاعصاب سيره بسيره

ما بالكم لاشعبنا فك الااااااانياب
اقل شي سااااعة نصل للفجيره

#احمد_عبدالقوي_الغبسي

تأييد ربي لاح في كل الارتاب
نُصره إلهيه وقوه قديره

الحمد لك ياالله في كل محراب
والشكر ياناصر جنود المسيره

الحق يزهق كل باطل وكذاب
والزيف يبهت في حضور البصيره

ردو على الاعقاب طاغي ومرتاب
يوم ان رمل الجوف فجر سعيره

#ابوقصي_العويري

أصبح ولد سلمان فاشل وكذاب
وحالته عند المريكي خطيره

شل المخطط قبل يدخل من الباب
لو ما دخل ون المواقف ضريره

اهتان واتعاقب على أفعاله ا وخاب
من بايجيره مننا من يجيره

ذي ماحسب لهل اليمن قدر وحساب
دعسوه فالصحرا رجال المسيره

#زيد_الخراشي

وطيبة الاسم اسفرت واللقى طاب ..
وخيل ابو جبريل ضبحى مغيرة.

والليل من فجر الهُدى جر الاذناب ..
وصاب صحرى الجوف بالقشعريرة.

دم التحالف فوق كثبانها راب ..
وتجرعوا فيها هزايم مريرة.

كموا معاقلهم معاصير الاشناب ..
خلوا مجاميع العمالة نثيرة.

#شداد_حميد

مشهد بطولي منه النصر ينساب
في فجر مشرق معجزاته كثيره

حن شافه التاريخ سوى له اعجاب
والمجد جسمه حس ب القشعريره

كيف انتهت قوات يا اهل الالباب
ما بين مقتوله_جريحه_اسيره

احنا بصف الحق والحق غلاب
وانتو مع ابن العاص وابن المغيره

#إبتسام_شرف_المحطوري

ان تنصروا الله نصر ربي للاطياب
من جاهدوا الاعداء روث الحضيرة

العون عون الله ياكيد الاحزاب
احنا التهمنا كيدكم بالذخيرة

مواقف الأبطال تسجد بمحراب
العز والنخوة وحسن السريره

قولو لمن غاضب مكشر باالانياب
فيه اختيارين كل يحدد مصيره

#رفـيق_أبـوعلـي

لويجمع الطاغوت مليون كذاب
او يعلنو في( الRT) والجزيرة

ماحد يصدق كذبهم غيرالاذناب
ومن تــــولاهم ونفسة ضــريرة

النصر للانصار فــي كل الابواب
دايم على مـــر العصور الكثيرة

المجاراة الاقوى ..(دويلة الامارات في مازق)..

البداية #ضيف_الله_سلمان

الليلة اقوى مجارات
مطلوب يا كل شاعر..

نسطر اقسى العبارات
بعد ارتكاب المجازر..

من (اليمن) ل(الامارات)
عبر (المسَيّر) مباشر..!!

وعاد باقي زيارات
و(اعصار) (تاسع) و(عاشر)..!!

الشاعر #احمد_درهم_المؤيد

مابا تفيد الحوارات
أمام عدوان سافر..

إلا بنسف المطارات
ورقع من حق(صافر)

ونسوقهم للمغارات
ب(البدر واحد) و(قاهر)

ندك وكر الدعارات
والله لنا خير ناصر..

#الياس_ المقدشي

للنصر تظهر اشارات
والحق يا قوم ظاهر

الردع انسب قرارات
يا كل مقدام ثائر

ارض الامم والحضارات
ما يوم تخضع لداشر

رفعه، صمود، انتصارات
تحرير ، عزة، بشائر

#محمد_الشعيثي

نفير ياشعب ثارات
نلقي دولهم مقابر

شبو ثقيل العيارات
رد اليمن رد كاسر

بالبدر وال ذو الفقارات
نهجم على كل كافر

نبدع بحرب الاثارات
نفعل لهم وعد حاشر

#الحمزة_المغربي

إعصـــارنـــا بـالـخـيـارات
بــرّد لهيـب المشــــاعـــر

قــد كمّـــل الإخــتبــارات
والردع باطـــن وظاهـــر

يا اهل الغوى والدعــارات
والــغطرســــة والمجــازر

في حرب أمّ الحضـــارات
ودّفـت يــا ذي تغـــامـــر!!
#امين_التركي

العام عــام انتصــارات
يااهل البصـر والبصاير

وزلزلـــــــه وانفجارات
من وحي (عم" و فاطر)

نحطه وقتّلــه وثارات
افعال ماهي مجـــــابر

رغم اختلاف الشعارات
الحق واضــح وظــاهر

#هادي_حسين_الرزامي

هذا هو افضل خيارات
لدحر طامع وغادر

نواجهه بالعيارات
وبالمجنح وقاهر

ومسيرات الصناعات
لاقصى الممالك تسافر

والله وعد بانتصارات
وحده على الكون قاهر

#ابوسياف_البيحاني

اعصار بعد الخيارات
ورد من طيب خاطر

يا كم نصحنا الحمارات
لكن بقر. من تخابر؟

قبل السقوط انهيارات
في بنيتك والمتاجر

واحنا لنا الانتصارات
ماضي وأتي وحاضر

#عبدربه_الحداد_البيحاني

بركان زف البشارات
نكل حلوف التآمر

وارعب عبيد السفارات
وابراجهم والمناضر

يالقاذفه والعيارات
والحضرمي والخناجر

قولي لقوم العقارات
ان الرجوله مخابر

#فريد_عرار_الشريف

صنعاء ازال الصدارات
هيا احشروا فالاعاشر

الجو والارض غارات
والكون. والع فلاشر

هذا زمن لنتصارات
تعود صحراء الاجاشر

والمرتزق فانهيارات
راحت حمير المحاشر

#بندر_السقاف

معاد باقي خيارات
والكيل من دون قاصر

في الدماء يا لثارات
نقتص من كل داشر

وابراجهم والمطارات
تطير فالجو غابر

وحظر عليه الزيارات
وكل تاجر يغادر

#الشاعر_ابو_حمزة_ماجد_نشير

شنو على الحلف غارات
ماعاد نبغا تحاور

نلعب بابتهم مبارات
ماعاد نخشى المخاطر

من بعد هذه القرارات
قل للتحالف يغادر

بانعلن الانتصارات
والحلف مهزوم خاسر

#الشاعر_رايد_الخمري

من فــوق كــل العبارت
نجعل جهــنم مــقابــر

والعاقرة في المـسارات
قاصف وصـماد فـــاطر

ياويـل حلـف. الأمــارات
مـن ثـــار لاثــار عــاشــر

ينسف جميع المــطارات
والــــقاعده والـــعاســـاكر

#ذوالفقار_سفيان

الدهر حامل بشارات
ياكل مقدام ثاير

مادام قد به قرارات
مؤدبه كل داشر

ولّا زمان المُدارات
وجاكم الموت كاشر

نضرب بكل الخيارات
والعاقبه فـ الاواخر

#ابوكرم_نشوان

حيا بها من مسارات
ذي خلت الكفر ضاجر

ترحب بكل العبارات
ترحيب الاول والاخر

صاروخيتنا بشارات
لكل مؤمن وثاير

وفوق حلف الدعارات
غمه ونكبه وفاير

#الزبير _الحسام

جينا نزف البشارات
ياشعب صامد وصابر

اليوم يوم الامارات
قل إبن زايد يغادر

كل المدن والعقارات
قدهي لقاصف وفاطر

تم إختراق المسارات
لجوكم والطواير

#هيثم_محمد_جحاف

كثّف خطوط المسارات
يا قدس واحد وقاهر...

واجعل سماها شرارات
واجعل ثراها مقابر...

لابد تلقى الخسارات
دويلة اهل الكبائر...

والقادم أعظم بشارات
لشعب مظلوم صابر...

#أبويونس_العويري

يــامــرحــبــا بــالعـبــارات
يـــرسل لضيــف المثـابــر

شعبي عــزم للفتــوحــات
مــــادام والــدم فــــايــــر

تطهــيــر لأرض القــذارات
بـ(بركان) و (توكي) و (قاهر)

تــحــرَق بـــلاد الإمــارات
وتــذوق طعــم الخسايــر

المجاراة الاقوى ..(دويلة الامارات في مازق)..

البداية #ضيف_الله_سلمان

الليلة اقوى مجارات
مطلوب يا كل شاعر..

نسطر اقسى العبارات
بعد ارتكاب المجازر..

من (اليمن) ل(الامارات)
عبر (المسَيّر) مباشر..!!

وعاد باقي زيارات
و(اعصار) (تاسع) و(عاشر)..!!

الشاعر #احمد_درهم_المؤيد

مابا تفيد الحوارات
أمام عدوان سافر..

إلا بنسف المطارات
ورقع من حق(صافر)

ونسوقهم للمغارات
ب(البدر واحد) و(قاهر)

ندك وكر الدعارات
والله لنا خير ناصر..

#الياس_ المقدشي

للنصر تظهر اشارات
والحق يا قوم ظاهر

الردع انسب قرارات
يا كل مقدام ثائر

ارض الامم والحضارات
ما يوم تخضع لداشر

رفعه، صمود، انتصارات
تحرير ، عزة، بشائر

#محمد_الشعيثي

نفير ياشعب ثارات
نلقي دولهم مقابر

شبو ثقيل العيارات
رد اليمن رد كاسر

بالبدر وال ذو الفقارات
نهجم على كل كافر

نبدع بحرب الاثارات
نفعل لهم وعد حاشر

#الحمزة_المغربي

إعصـــارنـــا بـالـخـيـارات
بــرّد لهيـب المشــــاعـــر

قــد كمّـــل الإخــتبــارات
والردع باطـــن وظاهـــر

يا اهل الغوى والدعــارات
والــغطرســــة والمجــازر

في حرب أمّ الحضـــارات
ودّفـت يــا ذي تغـــامـــر!!

#نشوان_الغولي

ثارات ثارات ثارات.
من كل باغي و فاجر.

يا مهد كل الحضارات.
فالارض ماضي و حاضر.

اين انت و اين الإمارات.
دويلة ام الكباير.

احنا لدينا الخيارات.
و هي معاها الخساير.

#الشاعر_عزيز_الردماني

في البر عدة مسارات.
وقدس في الجو عابر

واعصار ثالث وغارات.
على مطبع وكافر.

ما بعده إلا انهيارات.
(واكسبو) بايغادر.

وعاد باقي خيارات.
مخزون الانصار زاخر.

#امين_التركي

العام عــام انتصــارات
يااهل البصـر والبصاير

وزلزلـــــــه وانفجارات
من وحي (عم" و فاطر)

نحطه وقتّلــه وثارات
افعال ماهي مجـــــابر

رغم اختلاف الشعارات
الحق واضــح وظــاهر

#هادي_حسين_الرزامي

هذا هو افضل خيارات
لدحر طامع وغادر

نواجهه بالعيارات
وبالمجنح وقاهر

ومسيرات الصناعات
لاقصى الممالك تسافر

والله وعد بانتصارات
وحده على الكون قاهر

#ابوسياف_البيحاني

اعصار بعد الخيارات
ورد من طيب خاطر

يا كم نصحنا الحمارات
لكن بقر. من تخابر؟

قبل السقوط انهيارات
في بنيتك والمتاجر

واحنا لنا الانتصارات
ماضي وأتي وحاضر

#عبدربه_الحداد_البيحاني

بركان زف البشارات
نكل حلوف التآمر

وارعب عبيد السفارات
وابراجهم والمناضر

يالقاذفه والعيارات
والحضرمي والخناجر

قولي لقوم العقارات
ان الرجوله مخابر

#فريد_عرار_الشريف

صنعاء ازال الصدارات
هيا احشروا فالاعاشر

الجو والارض غارات
والكون. والع فلاشر

هذا زمن لنتصارات
تعود صحراء الاجاشر

والمرتزق فانهيارات
راحت حمير المحاشر

#بندر_السقاف

معاد باقي خيارات
والكيل من دون قاصر

في الدماء يا لثارات
نقتص من كل داشر

وابراجهم والمطارات
تطير فالجو غابر

وحظر عليه الزيارات
وكل تاجر يغادر

#الشاعر_ابو_حمزة_ماجد_نشير

شنو على الحلف غارات
ماعاد نبغا تحاور

نلعب بابتهم مبارات
ماعاد نخشى المخاطر

من بعد هذه القرارات
قل للتحالف يغادر

بانعلن الانتصارات
والحلف مهزوم خاسر

#الشاعر_رايد_الخمري

من فــوق كــل العبارت
نجعل جهــنم مــقابــر

والعاقرة في المـسارات
قاصف وصـماد فـــاطر

ياويـل حلـف. الأمــارات
مـن ثـــار لاثــار عــاشــر

ينسف جميع المــطارات
والــــقاعده والـــعاســـاكر

#ذوالفقار_سفيان

الدهر حامل بشارات
ياكل مقدام ثاير

مادام قد به قرارات
مؤدبه كل داشر

ولّا زمان المُدارات
وجاكم الموت كاشر

نضرب بكل الخيارات
والعاقبه فـ الاواخر

#ابوكرم_نشوان

حيا بها من مسارات
ذي خلت الكفر ضاجر

ترحب بكل العبارات
ترحيب الاول والاخر

صاروخيتنا بشارات
لكل مؤمن وثاير

وفوق حلف الدعارات
غمه ونكبه وفاير

#الزبير _الحسام

جينا نزف البشارات
ياشعب صامد وصابر

اليوم يوم الامارات
قل إبن زايد يغادر

كل المدن والعقارات
قدهي لقاصف وفاطر

تم إختراق المسارات
لجوكم والطواير

#هيثم_محمد_جحاف

كثّف خطوط المسارات
يا قدس واحد وقاهر...

واجعل سماها شرارات
واجعل ثراها مقابر...

لابد تلقى الخسارات
دويلة اهل الكبائر...

والقادم أعظم بشارات
لشعب مظلوم صابر...

#أبويونس_العويري

يــامــرحــبــا بــالعـبــارات
يـــرسل لضيــف المثـابــر

شعبي عــزم للفتــوحــات
مــــادام والــدم فــــايــــر

تطهــيــر لأرض القــذارات
بـ(بركان) و (توكي) و (قاهر)

تــحــرَق بـــلاد الإمــارات
وتــذوق طعــم الخسايــر

#علي_محمد_المحاقري

قـلـنـا لكم لا خـيـارات
امـامـكـم شعب ثـايـر

هـذه مـجـرد إشـارات
والقادم أعـظـم وقادر

هـذه اليمن يا إمـارات
اعصار ماضي وحاضر

وانتوا مجرد غـيـارات
واذنـاب لام الـكـبــايـر

#وضاح_الحميصي

تحرق جميع الوزارات
في المدن والحضاير

واجب تذوق المرارت
من يد قاهر وفــاطر

بنت البغاء والدعارات
وام الخــناء والكـباير

المجاراة عن ذكرى جمعة رجب #الايمان_يمان

البداية #ابومنار_العشي

جاء نصر الله والفتح في جمعة رجب
عندما آمن شعب الإيمان بالحق المبين

عاد بن طالب ببيعة جهاديم العرب
والنبي هلل وكبر جميع المؤمنين

حرروا مكه وبن حرب سلم دون حرب
وانطبق فيهم مسمى الرجال الفاتحين

#ضيف_الله_سلمان

(الوصي) في يوم(جمعة رجب) شاف العجب..!!
وابنه(الهادي الى الحق يحيى ابن الحسين)!!

بعد (ابو جبريل) رهن الاشارة والطلب..
اليمانيين نعم الرجال الصادقين..

في المهمات الشديدة مجلّين الكُرَب..
والثقة بالله(والعاقبة للمتقين)..!!

#عاقل_بن_صبر

شعب آمن بالرساله ولبى واقترب
شعب ناصر خاتم الأنبياء والمرسلين

شعب يتولى الولي شعب حارب بالهب
شعب ذوقوه وذوبأس قاسي مايلين

منبع الإيمان اصل الحضاره والعرب
اليمن بشهادة الله والناس اجمعين

#ابوقصي_العويري

في ربيع وفي محرم وشعبان ورجب
في جماد وفي صفر ويل حلف المجرمين

بانقول الله الأكبر ويغضب من غضب
بانقول الموت لمريك والمتصهينين

قد تحزمنا البنادق وشدينا الجعب
لجل تحرير ارض مكه واولى القبلتين

#بندر_السقاف

شعبنا منصور ب الله ومنا بالسبب
صبرنا المفتاح والله معين الصابرين

وابن طالب لم يزل في سليله مااحتجب
لاقلق مادام فينا مذل الكافرين

فتح مكه بانعيده ويخسى ابولهب
بانسهل حج بيته لكل المسلمين

#ابوسياف_البيحاني

نحتفل في يوم جمعة رجب امر استحب
يوم سجلنا البدايه بصف الصالحين

قال سيدنا علي اسلموا قلنا وجب
وانطلقنا في سبيله جميعاً فاتحين

هكذا التاريخ عنا في الصفحه كتب
خلد التاريخ ذكر اليمن في الذاكرين

ما وقف جيش اليمن فالصفوف الاغلب
منتصر بالله صامد على مر السنين

#عبدالقدوس_الصباحي

بانظل الشعب ذي بالتولي ماغرب
منذ ذاك العهد حتئ القيامه مسلمين

ماغرب عن شعبنا دين ربي وانحجب
لو يصير الكون كله جميعآ مشركين

صادقين العهد لله لا حان الطلب
وان دعانا داعي الله كنا حاظرين

#ياسين_الفروي

قايد الانصار قايد ...ورب الشعب رب
با نجي مكه كما بمس جينا فاتحين

في سبيل الله نمضي ونعمل بالسبب
والهويه سور عالي على مر السنين

يا رسول الله منك استحقينا اللقب
موطن الحكمه والايمان في دنيا ودين

#هارون_الزغاري

موطن الحكمه والايمان واقحاح العرب
كلّفه ربي بسحق الطغاة الكافرين

بعد ابو جبريل عمّر سلاحه والجعب
مايهاب الموت عند اللقاء بالمجرمين

لف ذيلك ياتحالف وعطف وانسحب
المسير المجنح لسحقك جاهزين

#فواز_ابوحسن

شعبنا في مثل ذا اليوم آمن ياعرب
واستوى راكع وساجد لرب العالمين،

في جبين المجد سجل دخوله قد كتب
صفحته ماتمتحي ذكرها عبر السنين

نحمد الله اشرق الحق والنصر اقترب
في قدوم جمعة رجب زارنا الفتح المبين

#ابوريام_الطاهري

طل نور البدر والآنس جانا والعجب
كن ضاو الفجر من نور خده والجبين

ليله الجمعة تسجل بصفحة من ذهب
يوم تاريخي مبارك على الناس اجمعين

احتزم لجداد بالسيف واحنا بالجعب
وابن بدرالدين بعد الوصي جدة امين

#زيد_الخراشي

(جاء نصر الله والفتح في جمعة رجب)
اصبروا ياقوم والله خير الناصرين

والولاية للذي كان ياشعب السبب
نعمة ايمانك سبب نعمة الفتح المبين

بالقلوب آمنت وآمن بالافواه العرب
تحت حد السيف وما انت باخلاص ويقين

#ابوكرم_نشوان

مرحبا ياخير جمعه وخير من انتجب،،،
طلتك ياسيدي طب كل المتقين،،،

في رجب جمعه بها شعب الايمان استجب،،،
للرساله يوم جاهم امير المؤمنين،،

قد وجب فيها للانصار ذكراها وجب…
نحتفي فيها ونشكر آله العالمين

#علي_عقاب

يايمن ليمان مبروك ياصل العرب
يوم في جمعة رجب جاء امير المؤمنين

رحبت صنعاء وهمدان والكل احتزب
واعلنوا الاسلام من صدق نيه طايعين

نهج طه لايزل قائما وبما وجب
بعد ابوجبريل نحييه باخلاص ويقين

#ذوالفقار_سفيان

شعب الإيمان بإيمانه توسل واقترب
جاوبو داعي الهدايه بإيمان ويقين

حينما الكفر بالعالم تفشا وانسكب
كانو المصدر لإيمان كل العالمين

مطمئنين ان العاقبة والمنقلب
له إله الكون كانو بوعده واثقين

#عبدربه_الحداد_البيحاني

كلنا في نهج طه نسوي مايجب
ننطلق ناخذ بالاسباب والله المعين

التولي فرض واجب على كمن شنب
كلنا في نهج والتابعين التابعين

شمرو تبت يدى الحلف الامريكي وتب
والله ان النصر موعودنا دنيا ودين

#علي_محمد_المحاقري

آمـن الشعب الـيـمـانـي بـكـلـه فـي رجـب
واصبحت جمعة رجب عيد كل المسلمين

يومها قال الـنـبـي لـلـوصـي شـد الـركـب
واجعل القبله لهم يا عـلـي جـبـال ضـيـن

الـيـمـن ايـمـان واخـلاق والـحـكـمـه ادب
من سوى شعب اليمن قام مع طه الامين

#ابوابراهيم_الحرملي

مرحبا ياعيد الاعياد . يا يوم الشبب
يوم للباء شعب الايمان سيد المرسلين

جاه اباطالب علي، بالرساله والطلب
وحتضنها الشعب مستبشرين مكبرين

آمنوا بالله .. و ما جاء به خير النسب
قالوا احنا سيف يمناك والحصن الحصين

#بدر_الكهالي

شعبنا آمن بالإسلام طوعي واستجب
للنداء يوم الوصي قد دعاهم مسلمين

المجاراة عن انتصارات الجيش واللجان الشعبية في جبهة حرض وانهيارات المنافقين ..

البدع #صقر_اللاحجي

ياحرض كيف حال العاصفة
وين عاد الويتها والزحوف!!

ما سلم غير نصف الناصفة
قلدش كم طحنتي من الوف..!!

#ضيف_الله_سلمان

ضربة الله كانت خاطفة
دخّلت نجد في حالة كسوف..

اخسأي يا الدقون الزايفة
ما على شعب الانصار اي خوف..

#جبر_المسعدي

عندنا الحرب شغله طارفه
مانقفي من اكرام الضيوف

ذي تبخر ولاهي آلفه
تحرق السقف والجدر الرقوف

#احمد_درهم

عاصفة نجد قالت آسفة
طوف يامن سأل عني وشوف

رغم دعم القوى المتحالفة
وام الإرهاب موعدها الخسوف

#عاقل_بن_صبر

في حرض حازمين الطارفه
كسروا روس الاعداء والانوف

جند ربي بســـــرعه خاطفه
رجعوا غزل بن سلمان صوف

#محمد_التركي_الهلالي

كل جبهه تختزل ذا السالفه
كل ما أينع حلفهم جاه القطوف

طايفه تقتل وتبقي طايفه
نمتنحهم !! والردي عينه تشوف

#ابورواسي_أرحب

المعارك... ...عبوه ناسفه
مالها عندجندالله سقوف.

في حرض بايشوف الآزفه.
من علينا يقلد فيلسوف

#امين_التركي

ياحرض عـــــــاد صنعاء واقفه
كالجبل وانتي ابقي في وقوف

اليمـــــــــــــن كلها متكــــــاتفه
يا رؤس اينعت حــان القطوف

#شاعر_بيحان_ابوليث_المحضار

‌‎فالصحاري قممنا واقفه
ماتهز الشوامخ بالعصوف..

حربنا يالعلوج الزاحفه
اصغر اهدافها تحرير حوف

#عبدربه_الحداد_البيحاني

جاه ضرب الرجال القاصفه
مانفع ضدها عرض الكتوف

من ذنوب البشر متراصفه
فوق ضهره خسر واحنا نشوف

#هادي_حسين_الرزامي

من غزانا فنفسه حاتفه
بالأوالي وصاروخ الكتوف

موت حايم على اهل العاصفه
والرجاجيل تنجفهم نجوف

#الشاعرفرحان_السلامي

في حرض يالجيوش الزاحفه
ارحبي تحت ضربات السيوف

نـار صنعـــا عليكُـــم عــاكفـــه
قـوة اللـه يحصـدكـم صفــوف

#عبدالواسع_صايل_الغولي

ماخذتنا عليهم عاطفة
جالهم دعس معدوم الوصوف

واليمانين يوم الطارفة
مستعدين فى كل الظروف

#ابوسياف_البيحاني

يادموع الثكالى النازفه
كفكفي دمع عينك بالكفوف

وابصري نصر يحكي سالفه
وانتصارات فاآقت للوصوف

#ابويوسف_القاري

طايرتها الرمال الناسفه
حولتها نتف وقطع وصوف

ما رجع منهم الا التاحفه
فوق الاسعاف والا ف الكشوف

#فارس_المعزبي

اقصفي في حرض يــ القاصفه
خلي الحلف ما يقدر يشوف..!!

نصف جيشه جثث متراصفه
والبيقه مسلــّـِــم كــ الخروف..!!

#محمود_الجنيد

ارض فوق الجماجم واقفة
بعد ما مرّغت كل الانوف

ريت فيها الجبال النايفة
والدماء فوقها الاشلا تطوف

#يحيى_الوحيشي

عاصفة نجد جتها قاصفة..
باغتتها وردتها عطوف..

في حرض صدرية ومقاصفة..
هفت الجيش الامريكي هفوف

#زيد_الخراشي

مابقي من يقص السالفه
والكتايب عددها بالالوف

صابحت كل ابوها جايفه
في صحاري حرض شرفث وصوف

#عبدالقدوس_القباحي

في غياهب صحاري ناشفه
اصبح الحلف في ذله وخوف

وانتصاراتنا مترادفه
دام واعصارنا العاتي يطوف

#حسين_الدهمس

قــــوة الله تعــصــف عــاصــفة
في حرض عاصفة تلق الحتوف

واصبـحت عاصفتـــهم خـايفـة
فاقدة للتحــكم باالــضــــروف

#عدنان_جحـوح

كلنا كالجبال النايفة
ما نهاب المنايا والحتوف

نبترع والطواير قـاصـفة
ون هجمنا نجندلها ألوف

#ابو_مقدام_الهمام

ينصر الله من قد حالفه
وعد مضمون ماهو بالالوف

اجنود ربي مع الله واقفه
قل نجد انت لإمريكا خروف

#ابوصالح_العملسي

تالفــــــه والـــويـــتــــها تالفه
ممــلكة نجد رعيان الخــروف

والمـــصــافي تبعـهـا نــاشـفه
فقر مدقع وفي اسوا الضروف

#ابوجبر_العبيدي

ياحرض قدحمات الطارفه
طوق ملوي على اطرافك صفوف

قوم مثل السيول الجارفه
يسقوا الخصم بانواع الحتوف

#علي_مغلي

ودفو في عبوة ناسفة
وادخلو جيشهم تحصد الوف

والممالك لذلك واقفة
وحلف الامريك للخيبة يشوف

#الشاعر_ابومحمد_السحاري

قد رقينا مراقي النايفه
شعب صامد ودعاس الانوف

من غزانا تحــل الراجفه
في ظميره ويتعبا بخوف

#الشاعر_سعيد_الكهالي

للخـوارج وقـوم الـطايفه
بانحـط الـنقط فوق الـحروف

فـي حرض جـاتنا المتحالفه
والبـلالـفهم فـيها لفــوف

#ابوحنشل_قاريه

سـيــل جـارف ابـاد الـعـاصـفـه
في حرض حلفهم ذاق الحتوف

بـعـد تـكـتـيـك خـطّـه خـاطـفـه
من هدى الله نضّـمـنا الصفوف

#نصر_القيري

في حرض يوم ظلت ساقفه
قهوة الخصم ذي صايم عطوف

ما تفيد القوى المتحالفه
دام ربي وقايدنا حلوف

#علي_بن_علي_مسرع

هي جزاته فعلها سالفة
حن تعدى معاليق النصوف

قد حرض من دماهم آلفه
بينها ارواح حجاجه تطوف

#سيف_حسن_العامري

يااخي كانت ختام السالفه
للمنافق سحق من شم الانوف

والقواصف والرمال الزاحفه
نكفت مازد خرج منهم خروف

#جميل فرج

يابنادق حزام الطارفه
كملي من بقي والعين تشوف

بعد عفو العلم لاعاطفه
غير في روسهم نجف النجوف

#محمد_قارية

احــرقوا كل قوه زايفه
في حرض يامغاوير الزحوف

والسعودي قسم نتناتفه
نسحقه بـ البنادق والحروف

#أبوالكرار_المجنحي

المجاراة عن استبعاد هادي واعلان ما يسمى مجلس القيادة الخياني والمتناقض..

البداية من الشاعر #عزيز_الردماني

اول الحرب واحد وآخر الحرب سبعه
كل واحد من السبعه حكومه لحاله

الزبيدي مشعّب في عدن هو وربعه
والعليمي مع الوحده وضد انفصاله

بالصور داخل المجلس والاجساد جمعه
والعمل كل حد يعمل مع بيت خاله

الشاعر #بسام_شانع

تسعة اعوام من واحد وعشرين تسعة
في مسيرة بدت من يوم بدء الرسالة

ما يجد في صراط الانبيا خط رجعة
امر الامة ممثّل في محمد وآله

وجه يصبح على صفعة ويمسي بصفعة
ما يمثل وجيه القوم لو هم حثالة

#ضيف_الله_سلمان

كل ما كان واجب عندهم صار بدعة
حسبما تقتضي فتوى شيوخ الضلالة..!!

كانت الامس شرعيّة بحاجة لفزعة
لكن اليوم شرعيّة بحاجة إزالة..!!

لو يجيبوا ورا الصلعة مائة الف صلعة
روسنا روس ما تتبع ذيول العمالة..!!

#يحيى_العطيف

صدق ياعبدربه قالو الحرب خدعه
وانت مصروع من حن هربوك في شواله

بعد ما انزلت لجل المملكه كل دمعه
قالو ارحل وغادر مابقى لك كفاله

شغلوك التحالف ضدنا شغل قرعه
واخرتها رموا شرعيتك للزباله..

#بندر_السقاف

‌‌‎راح هادي مراح مقيط من دون رجعه
غيرو وانذقو بالمرتزق فالزباله

تحرق الدفعه الاولى وبدل بدفعه
هم سوى كلهم مافايده فالاطاله

شكلو ذي تبو منهم وقومو بخلعه
يابن سلمان علمهم فنون العماله

#ابوسياف_البيحاني

بدلوا مرتزق صلعه بخاين بصلعه
كلهم دمهم يجري بدم العماله

سيئ الذكر سلمها لمشبوه سمعه
كل واحد معه معشر ومقرى لحاله

باعوا اوطانهم اصله وفصله وفرعه
عاشوا الذل والعيشه بذله فساله

#عبد_القادر_داود

انتقادات و استـغراب مـن كـل بقـعـه
حول ما صار للدنبوع بعد اســتـقـاله

شاهد الحال يعطيك الاجابه بسرعه
صار ما صار و السبعه يغـطو بـداله

سبعه انذال في سدادة الحكم دفعه
كلهم يرضعو من نفس ثـدي النذاله

#ابوصالح_العملسي

بعد ما قام ابو جبريل من ارض نقعه
صفد اهل الردا واهل الخزا والضلاله

سبعه انجاس في فندق وزايد وربعه
كلهم والخــساسه في وجيه العماله

بعد ســابع سنه ما فاده الفين طلعه
والقســـم ما يحقق في يمنا مناله

#فــارس_المعــزبي

طلعة البدر فينا يا مسرّج بشمعه
خير من كل شمعك ذي ملان الشواله

نور من نور ربي له مكانه ورفعه
من تــولّا لغيره عاش بين الضلاله

لو معه الف مجلس كل مجلس ببقعه
إنهــم آخرتها يرتمــوا لا الزبالــه

#محمود_الجنيد

السعودي يدّور جوهرة وسط (ضفعه)
والتحالف يقولو من سِبق شلها له

مثلها شرعية هادي والانذال جمعه
يبحثو في سراب اوهامهم عن جلاله

اصلع الراس لو يأتي بسبعين صلعه
مايخذ شبر من تربة محمد وآله

#ابوقصي_العويري

حكم هادي ثمان سنين هو غير متعه
حكم مافيه شور لولد محسن ولا له

انصحو ذي في المجلس يروحون جمعه
قبل مايسحبوهم لا محل الزباله

من بغى العز يلحق صف قومه وربعه
ومن بغى مكسب الهانه فياخس حاله

#عبدالواسع_صايل_الغولي

سبعة اعوام والايام مرت بسرعة
وابن هادي مع حيث فلت ابليس عياله

بدلوا شرعية هادي بطارق وزرعة
المسمى اختلف والفكر مابش بداله

يا ابن سلمان لو باتحشد الكفر جمعه
فاعرف ان الهزيمة قادمة لامحاله

#عزالدين_جحاف

ياجماهير شعبي يا الله اليوم جمعه
للبنا للجهاد لكل حاله مقاله

الدنابيع خون أولاد سبعين وسبعه
فرطوا في اليمن هل بعد هذي النذاله

أنبذوا كل خائن كيفما كان طبعه
حلف الاشرار مايمكن يحقق عداله

#ابوريام_الطاهري

ابن منصور ناصرهم على قتل ربعة
واصبح اليوم في ورطة مورط لحالة

والسعودي قصفنا بالصواريخ شبعة
والله انة غدر صنعاء وعندة فسالة

مارشاد العليمي مثل منصور طبعة
مرتزق باع في سوق الخليج الرجالة

#عبدربه_الحداد_البيحاني

كل من ذي يجي حضه على عين طبعه
وانت ياهادي اصل المنذله والفساله

من طلع مالقوله عند الاحلاف قطعه
بس مركوز فاضي ينهبو من خلا له

بس شعب اليمن باينتصر رغم رضعه
بذن رب العباد الله مولى الجلاله

شاعر الباديه #سلطان_خضران

بعدما راحت الشرعيه لاغــير رجعه
والامل خاب والعـــدوان قرّب زواله

لويعود الشعر ينبت وسط كل صلعه
عودة الشرعيه صنعاء ستبقى محـاله

والذي ماجمع عقله و لقـــوه سبعــه
بعد سابع سنه لاعــاد تضنى لحــــــاله

#صالح_النقيب_الجوفي

اول الشرعيه في جير واحد ونتعه
فضت الجير من سفح الجبل لاسفاله

لو يعشق ميت سابع فمافيه طلعه
ذي محمل عليها ماله الا الحماله

هاكذا من يبيع العز والقاه سلعه
وادخله لشرا والبيع سوق العماله

#عاقل_بن_صبر

هكذا ينتهي حال المنافق ووضعه
من تطمع في ارباحه خسر راسماله

هكذا الكذب تتناقض حباله بسرعه
والوفي منهم يعمل بقدر الحواله

هكذا سعلة الشيطان يا اخس سلعه
من فقد قيمته في السوق جابوا بداله

#امين_التركي

ابن منصور هادي اول انســان ضفعه
ماعرف قيمـــــة الصلعه وبطل خباله

لو عمل منها إلـــــــواح للشعب جمعه
ان هو ولّد الكهــــــــرب الّينـا ل حاله

موضوع المجاراة ..
[المنظمات تستهدف الهوية الايمانية وتدمر الاخلاق والقيم..!!]

البداية #ضيف_الله_سلمان

حروب الاعادي عسكريّة وناعمة
ويستهدفونا بالقنابل وبالفساد..

كشفنا مكايدهم ب(صرخة) و(ملزمة)
وشفنا العداوه عند ابو يَهوَد اعتقاد..!!

سياسة عدائيّة بصورة منظّمة
ولا با يوقّفها سوى الوعي والجهاد..

وما با تفيد الناس سكته ودعممه
وبا يلعن الله من وقف موقف الحياد..!!

#الشاعر_بسام_شانع

سوا المـــرتزق للحلف أو للمنظمة
ولا فرق في الغاية ولا فرق في المراد

مع حرب طاحن كان أو حرب ناعمة
مجنّد مع الخارج وتابع للاتحاد

تكاليف لا تبقى المكالف محشّمة
مكلّف بها جرار مــن داخل البلاد

إذا المسلمة مااخلاقها اخلاق مسلمة
بنت لليهودي جيل جاهز للانقياد

الشاعر #ابورواسي_ارحب

الا لعنبو رجال مايحترق دمه.
وقد شاف مايندئ له القلب والفؤاد

اجازوا وحلوا كل حاجه محرمه
لطمس الهويه في بلاد اشرف العباد

وذي ما فهم لليوم خطة مسيلمه
فمضمون بايصبح فريسه لبن زياد

أسرنا أسرنا يايمن في المقدمه
ولافرق في الأعدا القدامئ ولا الجداد

#ابومنار_العشي

وما قد ضهر من نهجها إلا المقدمه
وعاد المخبى أعظم وعادك ووين عاد

يريدوا يردونا من أمه مكرمه
الى مجتمع مايع وغارق في الفساد

إلا يا الله العن من يعاون منظمه
تبين هدفها والنوايا والامتداد

وما هو يماني من يرسل بمحرمه
مع قافله ماسك دركسونها (المُسَاد)

#محمد_هزاع_البهلولي

ألا لعنة الله تلعن ابنا مسيلمه
ولعنه على هادي ولعنة على رشاد

وملعون من يرضى بفاسد ويدعمه
ولا فيه ذرة دين من يقبل الفساد

ومسخ القيم في كل مرأه محشمه
وضرب الهويه والتوجّه والاعتقاد

هدفها الرئيس إفساد أمه منظمه
عليا الحلال انْ طردهم أعظم الجهاد .

#بندر_السقاف

جهاد الثقافه والخيول المسومه
جعلنا نكون بحيث ما ربناء اراد

بنشر الهدئ والوعي وأمه مكرمه
والاعلام والتسليم في منهج الرشاد

وثبناء ووقفنا لهم ف المقدمه
ولافاد الاعداء حشد الاعداد والعتاد

مكايد عدو الله سارت محطمه
وكل الثقه فالله وحده والاعتماد

#وضاح_الحميصي

لضا الحرب نعمه في خطوط المـقدمه
ونيرانها الشعـــــوى تبرد ضــــما الفؤاد

فلا حرب لاقالوا سوى حرب نـاعمه
هو الاتــــقاد الصـح لاقـــالوا اتـــــقاد

تمزق ضمير الشــــخص تفنيه تعدمه
تجمد دمه تجــــميد!!! وتحـــوله جماد

بموقع!! تبرمج فكر مليون جمجــمه
اثرها في الواقع تفوق علــــى المضاد

#ابوعيسى_هيسان

نصيحه لكم ياهل المكالف مقدمه
تكلم بها الأستاذ مقدام الاتحاد

تضموا نساكم من عمل فالمنظمه
عمل ماقفاه الا الهيانه والاظطهاد

مره ماتجس في بيت ابوها مكرمه
فاابوها السبب في تربيتها والانقياد

حذاري حذاري من سياسة مسيلمه
عمل يغضب الباري وجب فيه الابتعاد

#ابوليث_المحضار

عليكم عليكم والتواصي بمرحمه
وكلن بدا في بيته النصح والرشاد..

نوضح خطورة من نوى البيت يهدمه
غزانا وغيّر قبيلتنا والاعتقاد..

فلا مسلم اسلم به ولافيه مسلمه
ولافي منهاجهم رضى الله والعباد..

فما شعبنا عانا ولا صب من دمه
ولا عاش كل الهم والحزن والقهاد..

#ابوريام_الطاهري

تبرج وهي كانت عفيفة ملثمة
وتسقط كرامتها وتمسح بها البجاد

ولعنة على من باح خلوة محرمة
ومن قرح النفاخ نعلن لة الجهاد

ونصرف لة اذلاق السهوم المقلمة
بخشم البنادق ذي مواصيرهاجداد

متى السيد القايد آمر بانعممة
وبا نبدا التنفيذ ونطهر البلاد

#صالح_حسين_ابواحمد

زمان المره كانت بحشمه ملثمه
ولاتعرف النقشه ولا العطر والزباد

اتى جيل متحرر تقوده منظمه
تلجرام والتكتوك مع الوتس والفساد

وبانت قيم كانت في اول مجرمه
وعادات تهدم كل معنى به الجهاد

وصارت بها الطفله من الطيش ملهمه
وتكبر ولا تعرف سوى اللعب والرقاد

#فارس_المعزبي

مع الله مهما كانت الحرب ظالمه
نحوّل ابوها سهل .. بالسهل والوهاد"

ونحرس محارمنا بــ زينب وفاطمه
من اطماع مافيها لنا خير أو سداد"

بداية فساد البيت تبدا مكالمه
مع اجنبي ومنظمه داخل البلاد"

وبــ المختصر كُلّن يوعّـِـي محارمَه
بما يخفي العدوان من شر الاعتقاد"

#ابوسياف_البيحاني

بلغ قمة استهدافهم للمحشمه
هدفهم يذروا في عيون الشرف رماد

بنات القبايل قصدهم في المقدمه
متى ما تهاوت نالوا القصد والمراد

نحذر وننذر من دخول المنظمه
فلاخير من مشروع يستخدم العباد

#محمود_الجنيد

ببعض الدول صار الرجل يشبه الأمه
وقد شقلب اسمه من محمد الى سعاد

قد العيب ان البنت تخرج محشمه
بعدما اصابوها في الكبد والفؤاد

فيا شعبنا كسّر يد ابليس وارجُمه
وحاذر على اولادك من التيه والفساد

على يدّك انته فتح مكه المكرمة
وتحرير امة خير مخلوق في العباد

#بلال_الصوفي

أمانة أنها حاجة تريد المحاكمة
مشاهد جليه واضحة تفسد العباد

بها استهدفوا كل الشعوب المسالمة
كما استهدفوها بالتحالف والاضطهاد

فياويل من عينه على ذاك نائمه
ومن شاف ما شفنا ولم يعلن الجهاد

المجاراة عن
العرس الجماعي لعدد تسعة الف عريس وعروس برعاية الهيئة العامة للزكاة) .

البداية للشاعر #احمد_درهم_المؤيد

انطلقنا من جميع المناطق
واجتمعنا فالزفاف الكبير

في زكاة المال مابه فوارق
في اليمن بين الغني والفقير

خبروا من كان في الفيس ناعق
قلنا ويش أزعجك ياخبير!!

#الشاعر_نشوان_الغولي

أوسخ الأبواق بوق المنافق
وانكر الأصوات صوت الحمير

قلتها طالق وطالق وطالق
للمنافق والعميل الحقير

بعد مابانت جميع الحقايق
واصبح الخاين حرم للسفير

#ضيف_الله_سلمان

شعبنا اتجاوز جميع العوايق
بالقيادة والكتاب المنير

قد هزمنا كل فاجر وفاسق
وانتصر مشروعنا في الاخير..

زوّجوا من كان مؤمن وصادق
واكتفوا يا اصحابنا باليسير..

#الشاعر_ابورواسي_ارحب

جمع تسعه ألف حلقه وصاعق
أقلقت من مات فيه الضمير

ناسي أن الشعب هذا مسابق
في حمئ أرضه وعرضه يغير

لاتضيق بعرسنا يا مضايق
عاد باقي في جعبنا الكثير

#مروان_الشماع

من ورود الشوق نهدي بطائق
في خضم الاحتفال الغفير

عد تسعة ألف مجنى الحدائق
عرس من عطره يفوح العبير

موت في غيظك بنا يا منافق
وأنت ما لك غير سوء المصير

#فتى_همدان

نحمد الله لا قد الجو رايق
فرحة العرسان تسوى كثير

من جبل مران قد لاح بارق
يدعو الامه الى كل خير

قاده السيد وبالله واثق
اشهد انه كفو قائد جدير

#ابومنار_العشي

يا يمن الأيمان سابق ولاحق
الف مبروك الزفاف الأخير

العرس ذي ضم عدة فيالق
يستحق انا نقول الكثير

الزكاه اسلت حنق كل ضايق
يسرت ما كان عنده عسير

#سيف_حسن_العامري

طالقه ياالعيزبه الف طالق
راح عمري فيش مثل الاجير

الله اكرمنا بربان صادق
ررزح للمعسر غناء للفقير

با الزكاه انهى جميع الفوارق
واصبح المهر المغلظ يسير

#يحيى_الوحيشي

دام معنا اليوم قرآن ناطق..
ما علينا من كلام الحــقير..

بلغ ابواق العدو والبيادق..
والعميل المرتزق والأجير..

الزكه تحرم على اهل الفنادق..
يحنقوا ويبلبلوا للأخير..

#ابوحسن_الشبطي

بادروا ياكل مؤمن وصادق
زوجوا من كان عازب فقير

حصنوا شبان والا مراهق
لاتخلوا نافذه للأجير

وانت يامن تملك المال سابق
دفعها ملزم وواجب كبير

#عزالدين_جحاف

في مغاربها ولا في المشارق
ماحصل كالجمع هذا الغفير

حفل للعرسان سابق ولاحق
في يمن الايمان عبر الأثير

ياسلام الله والخير دافق
شعبنا في الكون ماله نظير

#ابو_برق_الظرافي

احجري في عرسنا ياالبنادق
محجره للخصم ويل وسعير

عرسنا فرحه تشكل مخانـق
حول الأعدا لاجهنم تشيـــر

بان نور الحق والشر زاهــق
بعد توجيه العلم والمشيــر

#محمود_الجنيد

للزكاه اليوم راعد وبارق
خيرها بسمه بوجه الفقير

خيرها فرحة بكل المناطق
في المزارع والزفاف الكبير

بالعطايا خيرها اليوم دافق
تصبحوا ياشعب بالفين خير

#زيد_الحوثي

عانق القرناس يا شعب عـانق
القـناعـة رأس مـــــــال الفقير

المغارب كيّـفـت والمـــــشارق
والصغير بالــــيـوم ذا والكبير

والزفاف فيني قناعة وواثــق
ليس الأول في اليمن والأخير

#ابوسياف_البيحاني

بالزكاة اليوم بانت حقائق
كانت اول غارقه قعر بير

اقتران العازبين بالشقائق
في رضا الله السميع البصير

والنبي لو حلقين الحلايق
ما نخلي في يمنا فقير

#الشاعر_أحمد_الخاشب

دام والشعب اليماني مسابق
في سبيل الله واجره كبير

فاز من أنفق، ومن شح غارق
بارك الله في القليل اليسير

بالزكاة امست حَصَانا شواهق
عاد مجرى كل مصرف غزير

#ابوشهيد_القطمي

إعلمي يا غربها و المشارق
و إعرفوا فضل الزواج اليسير

بعد تسعة ألف قل للخلايق
العرس الأكبر في الكون يصير

كإنها فوق المنافق صواعق
قرحوا قلب الحقير الأجير

#ابوبدر_ذيبان

في يمنا الخير دايم يسابق
بالتكافل والتفاعل جدير

والزكاه خطت بنود التوافق
حصنوهم بالزواج اليسير

والتهاني العاطره فل عابق
للحراوه في وطنا الكبير

#الشاعر_ابوصادق_الشيبري

الزواج يشمل جميع الطوابق
من تمسك باالشروط اليسير

ننصح الاباء في الخير يسابق
والغني يــدفع زكاة الضـمير

حصنوهم والزواج كان عــاق
في الزكاه بركه لجني الكثير

#علي_العسكري_المكلي

هكذا يا كل مخلص و صادق
واصلو خلف الرسول المسير

ارفعو الافراح طابق بطابق
بالفرح من وحي عيد الغدير

في زفاف التسعة آلاف فارق
في اليمن ذي ما لشعبه نظير

#ناجي_صالح_ابوردرم

رغم ماسووا من احصار خانق
خيرربي جل ملكه كثير

إخسئوا ياكل منحط دانق
بيننافي التاليه والأخير

بانقيم اعراس سابق ولاحق
والمسيره باذن ربي تسير

#ابراهيم_الشرفي

زوّجـوا عـزبـان كـل الـمـنـاطق
واسعدوا المسكين هو والفقير

بالمسيـره بـان حـجـم الفوارق
بين شرع الله وشـرع الأجـيـر

غربَلَه..يا عصر كشف الحقايق
ما يغيض العُرْس غير الحقير

#حمزة_الحيمي

بـعدمـا الـعـدوان صـك المغالق
والـحـصار اطـبق ومات الضمير

اتضـح له شعـب غير الخلايق
يقسم الشـربه وقـرص الشعير

والزكاه استأصلت كل عايق
يـوم عـدّت للزفـاف الغـفـير

#أبوحسين_العصري

المجاراة الثالثة عن العرس الجماعي الثالث برعاية الهيئة العامة للزكاة..

البداية الشاعر #ابورواسي_ارحب

اليوم هذا غير عن كل الأيام
حقق بتجسيد التكافل مرامه

في ظل هيئة ثالث أركان الأسلام
نموذج التسليم والأستقامه

تحصين للأجيال باليسر.. مادام
في بند تيسير المهور السلامه

#بسام_شانع

نسبة قياسية لتحطيم الارقام
يا نصف بدر الدين ليلة تمامه

يا حامل الاسلام لا شل الاسلام
من فوق ظهر الغارمين الغرامة

يا الوافي الكامل ويا الكافي التام
من يومنا هذا ليوم القيامة

#عكام_القصاد

قدام يا شعب المهمات قدام
قدام يا شعب الاباء والكرامه

هيئة زكاة الشعب للشعب صمّام
حطت على راس الفقير العمامه

تعتق رقاب يطالها حكم الاعدام
وتعيد لا وجه اليتيم إبتسامه

#ضيف_الله_سلمان

مشروع قرآني وقاداته أعلام
للحق والعرس الجماعي علامة..

تبقى الهويّة درع للشعب وحزام
مشدود في كل المواقف حزامه..

مادام واهل الناعمة مثل الانعام
راس المنافق مثل راس النعامة..

#عبدالله_الجرافي

صرخة تنومه غسّلت ثوب الاحرام
ثوره ملت وجه الحياه ابتسامه

اليوم هدنه بعد حرب المية عام
طاب الفرح والأنس نصّب خيامه

بثالث الأركان تحقيق الاحلام
والنصر للاسلام ذروة سنامه

#سعدالله_الجوهري

اعز وابرك عام من بين الاعوام
هذا ... وفيه المنجز اكبر علامة

اخراج مال العام في خدمة العام
من يومنا حتى تقوم القيامه

تقنين، تقليل المهور، كفل الايتام
زواج جماعي ، يا رفيق السلامه

#ابوسياف_البيحاني

هنا موازين العدالة والاحكام
والسيد القايد تنفذ. كلامه

الله يطول لي بعمرة مية عام
ويحفظه طول العمر بالسلامه

زوج من احتاجوا زواجه والايتام
ونال من ربه وسام الكرامه

#ابوبحر_علي_احمد_مطر

مبروك ننشرها على الخاص و العام
لكافة العرسان والشعب عامة

و نشكر الهيئة ومن بالعرس قام
باسم اليمن من وايله لا تهامه

اليوم يا هدهد سبأ خذ نبأ هام
يهناك يا شعب الإباء و الكرامة

#احسن_هادي_زربه

مبروك من قلبي وشريان صمام
يضخها بلسان منطق كلامه

ماهو مجرد شعر واوراق واقلام
بالتهنئه ممزوج مثل الغمامه

عرس جماعي تشهده عاصمة سام
ماقد وقع مثله بقمة نظامه

#سيف_حسن_العامري

ياقوم فظلكم على كل الاقوام
وخصكم خير الورى با احترامه

هذه زكاة اموالكم حق ذا العام
فيها السعاده توجة كل هامه

عادت مخارج ثالث اركان الاسلام
والناعمه قامت عليها القيامه

#ماجد_المطري

هذا الزفاف اليــــوم للحلف ملطــام
عض اليهودي منــــه كف الندامــــه

دسنا الحروب الناعمه تحت الاقدام
حزنا بتحصيـــن الشباب السلامـــه

في ظل قايد حيدري حـر مقــــدام
كرَّار يولِــي للشبـاب إهتمــــامــــــه

#ابومنار_العشي

الله يديم العز يا عاصمة سام
الخير كل الخير في الاستدامه

افراح هذا العام ضعفين للعام
والقادم أعظم ويل حلف اليمامه

كم با يواجه كم من أجيال الإسلام
من جيلنا لا ما تقوم القيامه

#علي_العسكري_المكلي

يا هيئة الترفية يا أعداء الإسلام
يا حلف صهيوني مميع نظامه

هنا اليمن ذي قادته سادة اعلام
في كل جانب حائز اكبر علامة

ذا العام تسعة الف عرسان والعام
القادم اعظم ف الاباء و الشهامة

#الشاعر_فرحان_السلامي

اليـوم تتـوقــف تـواريـخ الاعـوام
بافراح تمطـر مثل غيـث الغمـامـة

شبــابنـا يتلحفــوا ثـوب الاحــرام
عرس جماعي قد رفـع كُـل هـامـة

فضل المسيرة ينبعث خير واكـرام
و الهيئــة الـراعـي لهــذ الكـرامــــة

#أبوحسين_العصري

زكاة مالك حطمت كيد الأصنام
وطار من عين اليهودي منامه

كم له مخطط بالنواعم والأزلام
يستهدف الأجيال سمم سهامه

بعرسك الميمون قد جاااااه ملطام
كنه قرح بركان وسط اليمامه

#عزالدين_جحاف

ياكاتب التاريخ وياكل الاقلام
ياكل شاعر اكتب ابيات هامه

العرس هذا العام قد فاق الاعوام
في قوته في هيبته والفخامه

إنجاز عملاق لاح في عاصمة( سام)
من هيبته تغتاظ أهل ( اليمامه)

#ابوكنعان_الروس

احنا بواقع صدق او بضغة أحلام
اي والله انه حق ذروة سنامه..

ابن الشهيد والمعسرين هم والايتام
ذاقو رحيق السعد والابتسامه..

اليوم هي ضربه قويه وملطام
بوجهه حلف الامركه والغشامه

#عبدالله_العباد

دور الزكاه اليوم في شعبنا هام
صارت نموذج للكرم والكرامه

ترعى المساكين والفقارا والايتام
من بيت مال الشعب رغم انعدامه

تضاعف الأنفاق من عام لاعام
في ظل ابوجبريل عالي مقامه

#اشرف_الحسني

العام هـذا غـير عـن كـل الاعوام
يالـهـيئة اللـي تــــزرع الابتسامه

هـيـئـه تحقق للمساكين الاحـلام
ياثـالـث الاركــان بـعـد الإقــامـه

فيها الامل لاهل الغرامة والايتام
وللـفقير ايـشـوف منـها اهتمامه

#ابوشموخ_سريع

قادتنا درع وشرف ذخر وحزام
لولاهم المسكين ما ابلغ مرامه

كان الضعيف يعيش في عصر الأحلام
واليوم في فرحة ولابس حسامه

زكاة تمسح دمع محتاج وأيتام
وترد ل الثغر الحزين ابتسامه

#ابو_برق_الظرافي

هذا الهدى والحق ذي واقعه قام
والنهج الأعظم ذي تميّز مقامه

المجاراة عن مماطله العدوان في تنفيذ البنود المتفق عليها ودعوة الى الاستعداد للخيار العسكري .

البداية #الشاعر_جبر_المسعدي

مشكور سعيك يالوسيط العماني
والشعب ماضي حسب مالله يدله

لامعجب العدوان فتح المواني
ولا دفع راتب ولاجات رحله

فحسب ماقال الحكيم اليماني
لاتشتكي(كثر المشاكي مذله)

الحرب غير الحرب لاحل ثاني
واحنا لها (من شله السيل شله)

#ضيف_الله_سلمان

على خطى الكرار(طه المداني)
با ناخذ الباغي على حين غفله..

وبا يعيد اعمار كل المباني
الجار ذي ماقد فعل جار مثله..!!

جهاد ياشعب الاباء والتفاني
وكل واحد في مجاله وشغله

وامر الصراع الروسي الاوكراني
لله ذي له يرجع الامر كله..

#الشاعر_عزيز_الردماني.

كلام هادف يحمل اقوى المعاني.
والصدق مضمونه ومدلول فعله.

إذا العدو با يمشي الخط ساني.
ولا اليمن بايلعن اصله وفصله.

الله لا روى السعودي جناني.
وذي رأى في ما مضى بعض شكله.

جميعنا مثل الجرادي وهاني.
وسلاحنا عنتر والـ اهداف عبله.

#بندر_السقاف

بانحتفظ بالطيب طول الزماني
ونرد جملك يا العماني بمثله

احنا لها في كل بادي وعاني
للسلم سلميين ورجال قتله

وقد عرفنا الكل قاصي وداني
والجمر يحرق من وطت فيه رجله

هي شامله تقظي على كل جاني
بايبرز الايمان ل الشرك كله

#عيسى_الهروجي

شعب الكرامة والاباء والتفاني
للحسم قد جرد حسامه وسله

ماضي على درب الصناديد ساني
شامخ شموخه مانحنى للمذله

برغم ضيق الحال مما يعاني
مامل من صبره ولا الصبر مله

الحل فـ الجبهة ولا حل ثاني
حتى ولو يتوسط الكون كله

بانسقي العدوان كاس الهواني
ونمرغه في وحل حقده وغله

#ابوسياف_البيحاني

لا طالت ايام الامل والاماني
وماتحقق حلم الانسان مله

لاتوعدونا وعد اخر وثاني
ما عاد في شعب اليمن ينتظر له

اما حياة العز شامخ كياني
ولا نموت احرار نأبى المذله

ما دام وانا بندفي في يماني
باشل حقي يسمع الكون كله

#الشاعر_أمين_الحارثي

حرك فيالق جيشنا واللجاني
ياسيدي سلم لك الشعب كله

مادامت الهدنه لها وجه ثاني
عاد اليمن في خير ماحط جفله

قتله يصل بارودها للعناني
غبرا تكم السامري هو وعجله

ومن رضي بالذل ماهو يماني
ياشلنا سلمان وإلا نشله

#عزالدين_جحاف

إحنا معانا الله لارب ثاني
متمسكين الكل دايم بحبله

ياويله الويل الذي قد غزاني
ما اكثر حماقاته وما خف عقله

إنهاء عدوانه وفتح المواني
مطلوب منه يقلع الله شكله

ولا فيعلم كل قاصي وداني
صبري نفذ والله لاجتث أصله

#عدنان_جحوح

وحنا مع الله دوم قال اليماني
بانقبر الاوغاد في كل تلة

على خطى الصماد طول الزماني
بنعيش في عزة ونأبى المذلة

هي حتفكم يا كل قاصي وداني
فمن تمادى ضدنا طاش عقله

حنا الرواسي في السنين الثماني
وحنا المنايا باقي العمر كله

#الشاعر_محمد_النهام

لاحل الا من خشوم الصياني
يوم النقاء بالحرب لادق طبله

انا اليماني دوم حاكم زماني
والحلف لا هيهات ينجا بفعله

هيهات نرضاء الذل حتى ثواني
والفعل لابد مايجازى بمثله

يا انصار ربي حان وقت الاواني
لنطرد المحتل من كل قبله

#جمال_الماوري

الشعب كله بـــــــــالخيارات بـاني
يجتث حلف الشر من أصل أصله

الحلف قد ماطل بها قــصد عاني
بانلعن افكاره ونلــــــــــعن لشكله

ما قصده ان نبقى على (دان داني)
ونمكن الموضوع ضــحــكة ورفلة؟!

اشحذ عزومك والإباء يــــا اليماني
وسيفك البتار يــــــــــا شهم سلّه

#فريد_بن_العرار_الشريف

تسليمنا لله اول وثاني
وللنبي طه محمد واله

والراي في معصوم سبع المثاني
والقايد الله يحفظه في محله

السمع والطاعه للسيد يماني
الراي له والشور شوره وهله

ان قال هدنه تم قاصي وداني
وقال لله قالها الشعب لله

#ابومصطفى_الرضي

مابا يظل الشعب هذا يعاني
في راتبه في غاز بيته وأكله

خلاص من بعد الصمود الثماني
نفطه وغازه مستحيل بايشله

غازي ولايمكن يهين اليماني
والله قد شرع جهادة وقتله

على يدينا عرش الاوغاد فاني
وينتشر خير اليماني وعدله

#الشاعر_محمد_ابوالعز

اشمخ براسك فالسما ياليماني
و ارفع شعار هيهات منا المذله

منهو مع الله ما يصيبه هواني
كيف ينهزم منهو معه قوة الله

اثبت على المبدأ وقل للعماني
ياحرب و الا سلم من دون خله

ما با يظل الشعب كله يعاني
و لا يدوم الصبر فالعمر كله

#بدر_الكهالي

أسمع باسم الشعب كله بياني
وافهم ولا عاد تكثر الطين بله

ياحلف بن سلمان ياكل جاني
هيهات ثم هيهات مـنا المذلة

با يأتي الإعصار عكس الأماني
لكي يثبت كل شي في محله

بالنصر والتمكين يسرج حصاني
وبالخسارة يصلي الحلف قتله

#صالح_حسين

يكفي هدن ياجبر يكفي تواني
مامنها الا ضعف قاتل وعله

ماحد يبا هدنه مع ال ثاني
والصلح قل لابنا السعودي تبله

لا طايره طارت ولا درب ساني
والحظر متواصل علينا بغله

ماظن بايفتح بوهم الاماني
الا بضربه لليهودي مذله

شب النكف ياخوي قل للعماني
الحرب هي غاية مرادي وحله

#الشاعر_ذوالفقار_القيدله

قد به معانا له حكاوي واجده
وباينفذها رضا. والا صميل

#عزالدين_جحاف

قولوا لأصحاب القلوب الحاقده
شعب اليمن محروس بالرب الجليل

والله في كل المراحل قايده
نعم النصير نعم الولي نعم الوكيل

من رحمته هيأ مسيرة راشده
وحكمة السيد تداويك (ياعليل)

#ذوالفقار_سفيان

قل للممالك والملوك البايدهـ
عاد المعارك حامله كمن ثقيل

لان هذا الشعب ربي قائدهـ
نعم المهيمن والمؤيد والجليل

لازم يكون الوعي حاله سايدهـ
من اجل نتحتدا المنافق والعميل

#ابوسياف_البيحاني

هي واحده هي واحده هي واحده
مايردع العدوان ذا غير الصميل

فالكل يتجهز يحرك. يساعده
يبذل جهوده والنفس يبقى طويل

وكل مرجف ينتمي. للقاعده
ولا محرض يستعدوا. لرحيل

#علي_بن_علي_مسرع

لعنة عليكم يالعقول الجاحده
ما تعقل الا ضرب من عرض الصميل

آيات بعد الواحدة جت واحدة
هل تنفع الآيات في النذل العميل

ما حد يدور علم عند الشاردة
والحلف خضعي يستشير عند الهبيل

#ابتسام_شرف_المحطوري

لابد ما يُفضح وتُقطع ساعده
من به مرض ولأجل اسياده عليل

لايحتسب ان الرجاجيل راقدة
يقضه ويقضتها تواري المستحيل

في كل جبهه باتراها صامدة
مابيزعزعها منافق أو عميل

#ناجي_محسن_المحجري

يامرتزق ماشى معاكم فايده
ولاالعماله تنفعك عندالعميل

الشعب جاهزلك مشمر ساعده
يصبحك بارودويغديك صميل

انته بتجحت حق قوت الوالده
حق النبات والقشر والا الزنجبيل

#هادي_حسين_الرزامي

بالوعي والإيمان أمه صامده
مابايخلخلنا المنافق والعميل

دام الهدى موجود واهله واجده
ماباتزعزعنا اشاعات الرذيل

قولوا لأمريكا وجيش القاعده
هذا يمن ليمان والشعب الأصيل

#عبدالله_حسين_مسعود

الحرب كبرى والخُطا متباعده
والصهينه مشروعها عاده طويل

ربي فضحهم في القلم والمائده
الحق واضح والتراجع مستحيل

بالوعي با نفشل نوايا الكايده
فينا ثقه بالله والله الوكيل

#ابوشهيد_القطمي

راحت ليالي الناعمة و الباردة
وطاحت مكايد كل متغطرس رذيل

دام الهداية في بلادي السايدة
محال نسمع كل من ظل السبيل

لا تقفدوا النعمة بركض المايدة
ومن فعلها با يعيش عمرة ذليل

#شهاب_المتوكل

يادهر قل لاهل النفوس الفاسده
والمرتزق ذي وسط صنعاوالعميل

لا يحسبوا عين النشاما راقده
ويفكروا تفكير باشعال الفتيل

والله لايلقوا السيوف الحاصده
لرقابهم واللي لمحياهم تزيل

#عبدالله_بحنان

الحق واضح والمواقف شاهده
والسيد القائد وانصاره دليل

وامرأة (سلمان )بحمله واقده
في جيدها وعي المواطن والفتيل

اتباعها الكذاب وشله حاقده
ترجع من المنفذ بلا قصه وذيل

#ابوناصح_العزي

من سورة الاحزاب هي والمايده
سلاحنا من محكم القول الفضيل

وكيد المنافق هو و كيد الكايده
مردود في وجه العميله والعميل

ما دام وايدينا عليهم واحده
كلين من توه رضى ولا صميل

#الشاعر_ابوحيدر_عامر

الحق واضح والخلايق شاهده
واحنا علينا العار مانقبل عميل

دام الثقه بلله فينا زايده
بانسحق المندس والغازي الذليل

نقسم بفاطر والعلق وال مائده
والصف والانفال مانقبل دخيل

#ابراهيم_الشرفي

يا كل مرجف مـا مـع امّـك فايده
من زوبعاتك والصوايـح والعـويل

فاحـذر تـصـدّق كــل دوده زايـده
وَلَا تحمِّل نفـسـك الـحِـمـل الثقيل

وانّك تبى شـق الصفوف الواحده
(فالقتل والتعزير فـي حقك قليل)

#الشاعر_ماجد_عذري

والشعب واحدصف يتبع قايده
رغم انف الامريكي وانف الهنذويل

والنفسيات المارده والحاقده
على يمنا مالهم فيها مقيل

برق اليمن يزغف وحنحن راعده
ولجل شعبي بانكيل ونستكيل

#علي_العسكري_المكلي

رجال و اشبال المسيرة صامدة
متحصنه بالهدي و الوعي النبيل

ما ضرها ارجاف اليهود الكايدة
و بلبلات اعلامهم قالت و قيل

و شعب ابو جبريل هذا قائده
هيهات يتزعزع ثباته مستحيل

#الشاعر_ابوفضل_المتوكل

على كتاب الله ........وامه واحده
يخسو بني صهيون والفكر الدخيل

الزيف والبهتان نهج ......المارده
وما نراه اليوم هو اكبر ....دليل

كل الذيول الباغيه والحاقده
باتمتسح من كل شبر وكل ميل

#احمد_الشعبي

شعب اليمن كامل يتمم ساعدة
عند التخلخل يظهر الشعب الدليل

ماغير من نفسة رديئة فاسدة
تلقاه في حالة نخاسية عميل

يبتاع بيع الكلب عند الفايدة
ويرتضي بالذل عن عزة بديل

#كليم_النجار

مهما مكر حلف الغزاة الماردة
مهما زرع في وسطنا كمن عميل

تخسى قواهم والذي بيساعده
والشعب واعي ضخم مايقبل دخيل

اما الخلايــا ذي وسـطنا راقـده
محال تقلق امننا بالمستحيل

#ذولفقار_قوزع

حلف التصهين و النفاق والقاعدة
تخلخلو في أرضنا وصبح قتيل

زحفه وتجميع الكلاب الشاردة
خابت مساعيهم وخابت بصميل

كمن خليه ف المسيرة شاهده
بعد انقضاض الأمن وسقاط العميل

#ابواياد_المطري

الشعب شمر للمنافق ساعده
وبالهدى والوعي يتحدى العميل

وكل من مثل النعاج الشارده
اكيد ماله في اليمن غير الصميل

وكل خــاين بالشكوك الوارده
يا مرحبا به لاوسط شب الفتيل

#صفاء_الحرازي

المجاراة (2)
(تحالف العدوان يستهدف جبهتنا الداخلية عبر ادواته وعملائه )!!

البداية للشاعر #بسام_شانع

لحروب الافواه والفوهات نفس القوى
والغزو فكري وبري والنزال النزال

سوا سوا القصف عبر الجو وإلا الهوا
واغلب ومعظم ضحاياه النسا والعيال

لجيش حلف العدو في كل موقع لوا
سوا مواقع تواصل او مواقع قتال

#ابورواسي_ارحب

يوتيوب موقع تواصل وأجتماع الغوا
منبر لطمس الهويه وأنتشار الضلال

بالكذب من داخله ذيب المنافق عوى
ترويج وإشهار في خدمة ملوك الرمال

هو آخر أوراق الأمريكي وذي به نوى
لخلخلتنا من الداخل وهذا محال..

#ضيف_الله_سلمان

شعب اليمن شعب وايمانه على مستوى
بين الشعوب الابيه صار مضرب مثال..

شعب اذهل الكون في شكله وفي المحتوى
وافشل بوعيه قوى العدوان والاحتلال..

واهل القلوب المريضة يبشروا بالدوا
ومن معه(عقل) لا يورط مع(ابو عقال)!!

#عزيز_الردماني

ابدعت في الطرح والمضمون والمحتوى.
هذا هو الصدق ما هو قول قالت وقال.

تراب ارض السعيده من دمانا ارتوىِ
والجبهه الداخليه مثل حد النصال.

وصاحب الكير في كيره حرق واكتوى.
والدجل والكذب والتضليل ما له مجال.

#فارس_المعزبي

الوعي روح البصيرة يوم عقد اللوا
للمعركة في مواقع دردشه واتصال

ماينهزم عقل من فيض الحسين أرتوا
ولا تهزه عواصف مفردات المقال

مَن قارب النار من كل الجهات أشتوى
وينقطع حبله الماسك بكل الحبال

#ابو_برق_الظرافي

دس الخلايا في الداخل خطر لا انطوى
بانجعل الحلف متقطع قطع في شوال

باننصح الحلف لا ذنبك عليك التوا
جهز مسارك على حمل الردود الثقال

ولا الخلايا قدر منهم مودف ضوا
ولا تبقى معك مايشترى باالريال

#يحيى_الوحيشي

فينا من الوعي ما يحبط كلام الغوى..
وبنا من العزم ما يقهر عبيد الريال..

دواير العرض مقطوعة بخط إستوى..
وإيماننا بالقضية با يشوت الظلال..

دامت ثقافاتنا من مدرسة نينوى..
هيهات لافواه مأجورة تهز الجبال..

#قاسم_السقاف

ذا شعب الانصار من ضده غلط والتوى
تدفعه في ثمن فعله رجال الرجال

والله يحقق لقائدنا الاسد مانوى
يطهر الشعب كله في جنوب اوشمال

ويحررالقدس باذن الله شديد القوى
ينداس صهيون والانذال دوس النعال

#الشاعر_ابوشهيد_القطمي

كمن ردي من بحور أهل الظلال أرتوى
يبقى مزوبع و فاهم في فنون الجدال

و الحق دايم محصن في الطريق السوى
والشر مهما تنكر با يلاقى الزوال

مع العلم با نسير لو كل شخص إشتوى
نبطل أكاذيبهم با الحق في كل حال

#بندر_السقاف

ما اضل صاحبكم السابق وماقد غوا
بالعيب والمكر والتفكيك والادغال

اوا اوا يااكره الاصوات خيره اوا
من الدروس اوخذو عبره اذا انتو رجال

من صدق الحلف الارعن جعل لازد ضوا
جعله فديه على ربات ذات الحجال

#أبويونس_العويري

حلم المنافق تبخر في الهواء وأكتوى
وأخر ظهوره في الواقع بداء بالزوال

شعب اليمن شعب مايخشى دروب الغوى
مازال واثق بربه ما أنحنى للضلال

ماهمه إرجاف ذا المرجــف ومهما عوى
في درب طه وآله لوتقطع وصال

#هادي_حسين_الرزامي

الحلف من وعي شعبي دون شك اكتوى
محال يتزلزلوا لو باتزول الجبال

لكن حذاري نخلي ساحته للقوى
لازم نحصن مناطقنا بقول وفعال

نطبق الهدي في الواقع ونخلص سوى
والعدل يمشي في الأمه نسد الخلال

#ابوسياف_البيحاني

الحرب نوعان في الواقع وفي المستوى
حرب المعدات ولابالصحف والمقال

وكل واحد من الاعداء وله مانوى
هذاك يقتل وهذا مهنته الاختلال

يخلوا الشعب من داخل بشق القوى
ويشعلوها نميمة بين قالت وقال

#حمزة_الاشموري

حلف العماله على شعبي لذيله لوا
بعد الذي قد لقى منه بساح القتال

عبر العماله من الداخل لجى وانزوى
قصده يغطي على ماجاه وقت النزال

في كل جبهه من البأس اليماني عوا
واتجرع الموت في الصحراء وبين الرمال

#عبدالواسع_صايل_الغولي

من بعد ما الرمل من دم العدو ارتوى
وذاق اشد الهزايم من رجال الرجال

نشط خلاياه من اهل الزيغ واهل الهوى
يفككوا شعبنا والشعب مثل الجبال

ومثل ما جيشه المعتوه حرق واشوى
في كل جبهه فمكره بايصير لازوال

#ابوحسن_الشبطي

نفاق الاعراب والحلف السعودي ضوى
ومسقط الجرعه اليوم اسقط الاحتلال

والشعب ذي مثل مالوادِ المقدس طوى
خمسه وعشرين مليون الف واحد رجال

والداخليه أمنها النزاعةً للشوى
إعدادها لايدع ثغره تثير الجدال

#ابوعهد_شهم_الدينه

مخطط الغزو تخطيطه على مستوى
واهدافه اهداف بين المفترض والخيال

لا فرق بين الخلايا وانعدام الدوى
وبين بيع الدماء الغاليه بالريال

مشروعكم طاح بالمضمون والمحتوى
وتحت الأقدام حطتكم رجال الرجال

#علي_بن_علي_مسرع

يا بادع القول عندك كل متقن هوى
لا يصبح الغزو شعري بالقصيد الجزال

كلن يحشّد هواجس من صميم النوى
نستنهض الوعي بالاشعار واحلى مجال

يا شعب خلك على وعيك وسيب الغوى
الغزو فكري وتحريضي هدفه العيال

#عزالدين_جحاف

هي قوة الله باتغلب جميع القوى
دايم مع شعبنا ترعاه في كل حال

مادام فينا علم ضد الضلال والغوى
فما مع اهل الضلال إلا تشد الرحال

المجاراة (6)
(تحالف العدوان يستهدف جبهتنا الداخلية عبر ادواته وعملائه )!!

البداية #فارس_المعزبي

مسيرة الهدي منصوره على خصمها
من يوم كانت عددها لايزال أربعه..!!

ما بالكم يوم صرنا كلنا قومها
وهي تزعزع كيان المعتدي زعزعه..!!

لايقدر احد يغيّر حرف بين اسمها
ولا البعاسس تعرقلها ولا الزوبعه..!!

#عبدربه_الحداد_البيحاني

يسأل عليها التحالف من جهل علمها
وكيف لاقا المريكي منها مصرعه

في حربها النهج قرءاني وفي سلمها
والمرتزق قل لسلمان الغبي ينفعه

مسيرة الحق ساطع في السماء نجمها
ماضرها اهل الغوى والدجل والمعمعه

#ابوالحمزه_السواري

مسيرة احرار مايوهن ابد عزمها
وكل خاين وقف في وجهها تصرعه

والسيد الحر يجلي لليمن همها
بحكمته والبصيره نصرنا نصنعه

والعاصفه جالها مكوى وسط خشمها
واحلامها لحتلالك يايمن ضايعه

#ابويحيى_القهدة

هذه هي الحرب يا من صدقوا سلمها
حرب الثقافات والتضليل والمعمعه

والفتنه ان با تعاودنا دعسنا امها
ومن ضغط ل اهلها لايك قطعنا اصبعه

والباص جاهز لمن با ينصروا (حزمها)
ولا تهاون مع المرجف ومن يتبعه

#الشاعر_أمين_الحارثي

رجال سقت تراب الأرض من دمها
لوكله الكون حاربنا ومثله معه

ذي قصده إن البنادق معلنه صومها
ما قلها ماتطوف اركانها الاربعه

قل للخلايا المريضه تنتظر يومها
فالارض ماتقبل الخاين ولا إمعه

#الشاعر_ابورصيد_المرهبي

قولو للابواق لا ماشي اغلقت فمها
اقدام الانصار با اذن الله با تدسعه

تحاول اليوم تنفث في الوطن سمها
و تقلق الامن وسط الشعب وتزعزعه

حرب التحالف بااذن الله قرب حسمها
و الخزي و العار للعدوان و الامعه

#ابومعارك_السقاف

ياحي هاذا المسيره ماحلا شمها
جات انقذتنا من الاحباط والجعجعه

بانسقي الخاين الكذاب من سمها
من بطن شيكي تشغلبه لما تقبعه

هاذه مسيره عزيزه مافخر علمها
قل للمــنــافــق عليا عار لا نقمعه

#ابوسياف_البيحاني

مسيرة الحق ذي قادتنا اعلامها
على الهدى كل واحد ملتزم موقعه

تمشي على منهج القران واحكامها
من وحي ،الانفال.والاخلاص.والقارعه

هيهات يامن تبوا توقيف اقدامها
لن تفلحوا يادعاة الشر والزوبعه

#يونس_المجهدي

قولو للاحلاف تعرف كم مدى حجمها
وكل شيطان بأذن الله بانقمعه

حلف العماله رويناء الأرض من دمها
ومن نوى الشر يلقي عندنا مصرعه

ياسيدي زْيد صفعه للعدا واعمها
بانمسح الغرب لا شر قايدي باصبعه

#ابو_هادي_السلامي

هذه مسيرة وفـ العليا سطع نجمها
والقوقعه با تظلي عمرها قوقعه

لا حربها حرب ويل الخصم من سلمها
والقاع ما با يوطي هامةَ الصومعه

والناعمه ما هي اعسر من حروب أُمها
وقبل الاوراق با نقضي على المطبعه

#ابوقصي_العويري

حتى مريكا دعسنـا بالحـذاء خشمهـا
وجيشها الخادم الخاسي لقا مصرعه

شعب اليمن شعب مايصبر على جُرمها
والكون يشهد بقوت باسنا بأجمعه

واليوم قد بانكمم. من نطق باسمهـا
نلـوي لسانـه بعنـف وبعدهـا نقطعـه

جريح الحرب #رفيق_زرعان

قوم الخيانة تجرع شعبنا سمها
بين العسل بس حاشا الشعب يتجرعه

كل الدسايس سقط في جونا سهمها
النت.. والناعمة.. والسيف.. ومدرعه.

هذي المسيرة من الله القوي دعمها
ورجالها يستقون الهدي من منبعه

#علي_العسكري_المكلي

مسيرة الله ما ارحمها لذي رحمها
ارحم من الام عالمولود ذي ترضعة

لكن على الخصم ما اقساها وما اصمها
من رام بايخترقها اتكسرين اذرعه

من قوة الله ما يضعف حدا عزمها
بحرب طاحن ولا ناعم..كفى شعشعة

#عدنان_جحوح

وزمرة الكفر باندعس على خشمها
ونبضع الحلف بالصرخة ومن هوْ معه

هذي المسيرة هدى القرآن قد عمّها
ومالك الملك حافظها من الزعزعـة

هيْ ثابتة كالرواسي الشُم من يومها
فلا قلـق بايجينا من نوادي الضـعـة

#الشاعر_ابوحيدر_عامر

تخسا ذيول العماله قد فشل حلمها
عصر الوصايه على ايدينا لقي مصرعه

وحفاد هند اللعينة فالكفن حكمها
باننقبره بذن ربي شاهدو مقطعه

خابت طغاة الزمن بتصيح في وهمها
وشعب الانصار حاز النصر من موقعه

#نورالدين_المقاتلي

سيـرة هل الشــر لوحـة فسقـــها رسمها
واحنا مســـيرة ابادت كاالمل المعمعة

والناعـــمة مـن نعومـــتها افــــلْ يومها
وزعـــــزعتها العزيــمه والثقـــة زعـزعة

والمعنويات فـــي الداخـــل على رقمها
بالوعــي با نـــقمع (العـدوان) با نقمعه

#ابوالعباس_الرزاحي

هاذ المسيره تسير والحلف ماهمها
ومن وقف ضدها بالسيف بانقطعه

فـلـيـعـلـم الـكـون بن الـحق في دمها
جاري مدا العمرفي عزه وفي رعرعه

إيمان واخلاص بصيره وعي حي شمها
لـلـه در ابـن بـدر الـديـن ومـن يتبعه

#مختار_البحري

قولوا لابواق امريكا۽ فسد حلمها
مافاد حرب المنافق لاولا مدفعة

في الشعب هذا نهايتها هنا سمها
بانوا خدمها خلاص يكفيهم المعمعة

هيهات نبقي من امريكاء سواء رسمها
لابد ما ينتهي التضليل والزوبعة

#ٲبوحسين_العصري

يا شعب بدد لحلف الصهينة حلمها
وما زرعه المنافق شعبنا يقلعه

تحالفات اليهودي قد غرب نجمها
و ضاع مشروعهم كله ولاعد معه

المجاراة
رفض واستنكار لما قامت به قوة تتبع الامارات في المكلا من انتهاك لحرمة البيوت وترويع الاطفال والنساء..

البداية #عبدالله_المسعدي

القبايــــــل كلها ياقبايل حضرمــــــوت
لو دعيتـــــــــــو للنكـــــــف لاتنكف كلها

نكفو ماشي بقا بعد تفتيش البيـــــــــوت
لعنبوها مرجله ماتجي فــــــــــــي حلها

فالجنوب اهل العقالات واصحاب البشوت
افســــــــدو فيها وذلــــــــــــو أعزة اهلها

#ضيف_الله_سلمان

لاهنا ياصحابنا بس يكفيكم سكوت
كيف نترك ارضنا للعدو يحتلها..

فرصه انجاهد سوا قبل ما الفرصة تفوت
نطرد امريكا الحقيرة ونلعن شكلها

صف كالبنيان شعب اليمن صورة وصوت
والكرامة عندنا دين نقتل لجلها

#ابويحيى_الاشرم

اصرخي ياحضرموت الإبا يكفي سبوت
و استغيثي بالمسيره تلاقي عدلها

وابشري بالقوم ذي لاجل عزتها تموت
تسحق امريكا وابوضبي تمسح نسلها

دام عد به قوم للموت تتقافز تشوت
فالنصال الحضرميه تباها بأصلها

#أبورواسي_أرحب

الحياه لشعب الأيمان وأمريكا تموت
والوصايه والعماله تموت بغلها

فوقهم كلن يقدم علئ الرجله ثبوت
في سبيل الله نرد العوايد لأهلها

هم ذي أوهن في الحضئ من بيوت العنكبوت
والمواقف ذي تبّين المعادن بأصلها

#ابوعلي_عبدالله_القاسمي

الكرامه عند شعب اليمن مشرب وقوت
واليمن هي مقبرة من نوى يحتلها

والقبايل ياتخذ ثارها والا تموت
جاهزه تشفي في اولاد زايد غلها

النكف (كلمه) تحرّى زمنها لايفوت
حطها ياشعب الإيمان والا شلها

#جميل_الكامل

خلوا الأسماء ترقد والتحزب والنعوت
والمسافه بيننا بانأجل فصلها

نطرد المحتل حالا في السواحل والخبوت
والقضايا بعدها نجتهد في حلها

نلتقي في صف واحد ضد حلف (البنكنوت)
واستفيقوا ارضنا باتُقَسَم كلها

#عبدالله_الجرفي

حضرموت افتاهم الشيخ يدعو في القنوت
بان ربي ينصر الحق ويعين اهلها


ل المقعي قال حقي وما جا بالثبوت
بدر والطوفان لاقال حقي شلها

جا زمن كشف الحقايق وحرقين الكروت
والذي ماعز نفسه بسيفه، ذلها

#أبومالك_الكوماني

هذه أدنى مخرجات التخاذل والسكوت
والعماله  تسقط الناس داخل وحلها

القبايل لا توانت حميتها  تموت
نكفوا  لجل المكالف وثوروا لجلها

كل خدام المريكي يحركهم رموت
من دماهم رووا الارض واسقوا رملها

#هادي_حسين_الرزامي

العدو ملعون يشتي من الأحرار شوت
واعتصام بحبل ربي وعنده حلها

في سبيل الله حتى النصر نسقيه موت
نطرد المحتل ونطهر أرضى كلها

بعد ابو جبريل ماللغزاة إلا الحتوت
تسلم الأعراض والأرض تبقى لاهلها

#ابوعيسى_هيسان

الحمية أكسجين اليمن والعزّ قوت
وابشري ياحضرموت ابشري واحنا لها

ماجرى من هتك تستنكره كل الخبوت
لعنبوا ذي ماانصف الأم وانصف طفلها

آخرتها الموت ياموت لامتنا نموت
يلعن امريكا ويلعن أبايب اهلها

#مقبل_القبلي

العدو اوهن علي من بيوت العنكبوت
لعنبو نفسٱ في الذل تخشاء ضلها

والله ان الحر ماعاد يهناه اي قوت
بعد ماالحرمات تهتك ويإسر خلها

النفير انفت خدام واشنطن فتوت
المحارم والكرامه نبى نثإر لها

#ضيف_الله_هجوان

يارجال العز كلن على حقــــــــــه يموت
وارضنا بالحفظ والصون دامــت لاهلها

سهلها وجبالها والصحاري والخــــــبوت
نبذل الغالي ونرخص دمـــــــــانا لاجلها

والعدو اوهن من خيوط بيت العنكبوت
والامارات اصبحت فـــــي نهاية حبلها

#ابوسياف_البيحاني

اصبحت قاداتهم ذي يحركها الرموت
لا لها قيمه ولاتحترم شي شكلها

ترسم الخطه عليهم وتحرقهم كروت
تهتك اعراض المواطن وتفعل فعلها

والغلط من شجعوها وطالوا فالصموت
ترتكب كل الجرايم وترويع اهلها

#ناجي_القطيبي

نكّفوماعاد ينفع مع الحلف السكوت
لعنبو من باع. نفسه لمن . بيذلّها

اليمن كلّه من اجل الكرامه. بايموت
دافعو عنها. معانا. وموتو. لجلها

حرّكوها فى. المدن. والصّحاري والخبوت
واقطعو يدّ الامارات. . يرزى. ذيلها

#الشاعر_ابوجهاد_صبر

لعن ابو من يرتضي بالمذله والسكوت
او قبل بـالـعـيـش والحريه ما هلها

يا تعيش النفس في عزهاء وإلا تموت
شـل ربـي نفس عاشت ذليله شلها

يا جنوب الشعب حنّا معك صوره وصوت
سل في وجه الاعادي سيوفك سلها

#الشاعر_ابوصادق_الشيبري

الكرامه دونها كلن نشمي لو يــــموت
واليماني نخوته ماتلاقي مثلــــــــها

طرطنا للاحتلال يارجاجيل حظرموت
والتحرر للوطن والسياده لاهلـــــــها

لانبالي بالخيانه و تحريك الرموت
داعي النخوه هتف من يمنا كلـــها

#رامي_السوداني

الشرف والعرض غالي ولجله بانموت
لعنبوا من يرتضي بالمذله واهلها

النكف كل النكف يا قبايل حضرموت
من سكت ما هو من اهل العروبه واصلها

لاتقولو مثل من يلهتو علبنكنوت
كل شاه معلقه ياجنوب برجلها

#عدنان_جحوح

عـار والله تسكتوا عن نسيج العنكبوت
يوم يهتك عرض أسرة ويقتل أهلها

رحّلوا المحتل لا تجعلوا الخاسي يفوت
دون ما يجني عواقب فعاله كلها

بعد هتك العار بيت الكرامة بايموت
والمذلـة الـخالـدة با تحل محلها

#محمد_الاخرم