مجاراة اليوم ضخمة..
عن موضوع مايسمى (مدفع جهنم)!!

البداية #الشاعر_بسام_شانع

(مدفع جهنم) شلّه اهل الجنة
وركبوكم لا جهنم إنجيز..!!

جا لا يدينا مابحثنا عَنّه
والله عزّز به جنوده تعزيز..!!

واليوم ياويل الدواعش منّه
مهتمّ ومركِّز عليهم تركيز..!!

والحمد للباري عظيم المِنّة
جهّز كتايبنا بأقوى تجهيز..!!

ضيف الله سلمان

النصر والتمكين وَعْد وسُنّة
مَيّز بها انصاره وجنده تمييز..!!

من الجمل ماقد بدت غير إذنه..
اصكع ولد(سلمان) يفهم(بيريز)!!

وقل (لصعتر) لعنبوها دقنة
كم له يحلل بالفتاوى ويجيز..!!

والحلف الاعمى خيّب الله ظنّه
فخر الصناعات اخترقها(وِزوِيز)!!

#فتى_همدان

وكل خاين مرتزق له لعنه
وا قسم قسم بالله ما يدو شيز
.....
ذي باع شعبه لجل يشبع بطنه
لاشاف كبسة تللوا فوق الميز..

والمملكة تشتي علاج السُمنة
قد هي مغرز في بلادي تغريز..!!

ومن يخون ارضه لبس له خُنّة
من عند هادي لا الصغير ابن اعزيز ..!!

الشاعر صالح حسين ابواحمد

يامن جهل باسي فيسأل منه
افنى قواهم ذي بدت في التطبيز

لامدفعه فاده ولااغنى عنه
واليوم في يدي وقيد التجهيز

تطوير مذهل قد عطاهم رنه
وانذر فلول العهر ثلة بيريز

الردع جاهز في عدوي دنه
والقادم اعظم بالبلا والتعجيز..

ضيف هجوان بديل

ذي مافهمها قد سمعها باذنه
لاحد يقول انها وصيه تحويز

مابش مع سلمان محجا منه
مدفع جهنم هو من الله تعزيز

انجف ابو سلمان وادهف ابنه
ياراصد الاهدف ركز تركيز

ماعاد به شي صلح والا هدنه
والمعنويه عاليه والتحفيز..

حسن السعيدي

منهو مع الله مايخيب ظنه
هديه لنا دافع و أكبر تحفيز

والواقع المشهود عبر عنه
برسم صوره ماعليها برويز

اقوى معدات الردى والفتنه
اليوم صارت كعك حارق في ميز

وجيش سلمان الزهيمر وإبنه
لاجو بالإبرم حملوها إلو...!!

ابووايل عنبل

مادام جيش الحق بالله ظنه
والنصر عاده والاراده تحفيز

وزغردت بيض الوجن من فنه
محال يتراجع لحالة تغريز

حاف القدم سيف المنايا سنه
ثوب انتصاره نسجونه تطريز

قل للسعودي ينتبه للزنه
يشل له كرتون اصلي إلو......الخ

Abdusalam Mohmmad

عبدالسلام بن محمد

ها ياعراده دنه اليوم دنه
مدفع جهنم بايحلّك ويجيز

قل للمرافق يشتري لك زنه
ولّا براقع من محل التطريز

هي عادت الاصلاح دايم سنّه
لا حلّقت فوقه هرب بالتعزيز

لا عاد به ادغام ولا به غنّه
يفلت السامان من دون تحريز

شاعرنهم ابونايف عباد

والله ثم الله ما باحنه
مادام ربي دعمنا و التحفيز

قولوا لسلمان الزهيمر وابنه
ذي جاء يقلد في يمنا جنيكز

صماد من فوق السماء بتدنه
و طرز البدر القواعد تطريز

صرنا بفضل الله مولى المنه
المعجزة و اكبر شرط التعجيز

#غزوان_الوحيشي

الحمد لله والفضل والمنة
ذي كل يوم نشوف منه تعزيز

دن التحالف يابن شانع دنه
فعل سلاح في دواعس بيريز

مدفع جهنم في يدينا كنه
رجفه ولله في شؤنه تعجيز

وفي يديهم ما غشانا منه
الا اذى ما قد تفعل له فيز

ابو هاجس الراعي

عبدالملك ماخاب بالله ضنه
كلا ولا هو شي بحاجة تحفيز

توجد لنا من هدي ربي فطنه
ما مثلها فالكون وقوة تركيز

دن المنافق والسعودي دنه
واثبت مع الله وانتظر لتعزيز

اللي أكل حقي فجرنا بطنه
وأن لاحقه لا خلف باب ادهليز

أبوخالد العفيف

قولوا لسلمان الزهيمر وابنه
اذا نوى يرسل للدواعش تعزيز

يرسل لهم طقومات ماله حنه
ما تعرف التحفيره ولا التعجيز

قد جيشنا جاهز وبايستنه
في اتم الاستعداد والتجهيز

ويرسل معاها تواير الاستبنه
ما عندنا وقت للبنشره بليز

ابو رازح القعود

الفضل لله القوي والمنة
هوثبت الإقدام واعطاء التعزيز

ومن قتل مناء ترقاء الجنة
في درب أل البيت سار بتركيز

والمرتزق يسمع قدي في إذنة
في كل جبهة ثابتين بالتجهيز

ابو إسماعيل الجابري

يا كل شاعر صح ربي لسنه
من رأس نضم ما يجوده ويحيز

ياهل الخنى والفسق واهل المنه
خالفتم الله ذي أمر به ويجيز

صدقتم إنه قاتلي للجنة
من ملزمة سيدك ترامب وجنكيز

من مالك الملك أعتمادي منه
منه التوكل والثقة والتحفيز..

آيات نتجلى علـى بر اليمـــــــن واجواه
من كل شكل وكـــل لون

سبحـــــان خالقنا وجلّت قدرته مااقواه
زلــــزل بنـــا عالم وكون

اليوم منّا كـــــــــل قدرات العدو وقواه
ما شي لها ناصر وعون

وأمسى يقول ابليس للعالم ورا مااغواه
(إنّي أرى مـــــا لا ترون)

#الشاعر_بسام_شانع

مجاراة اليوم عن السيطرة على مواقع الدواعش وما يسمى تنظيم القاعدة..في محافظة البيضاء..

البداية #ضيف_الله_سلمان

الليل ولى والنهار اتجلى
والحلف الاعمى في ضلاله حانب..!!

سيل الولاية طم (داعش) (يكلا)
وامتد من (نوفان) لا (ذي كالب)..!!

وابليس فك (القاعدة) واتخلّى
عن اوليائه واتجه لا (مارب)..!!

#الشاعر_احمد_درهم_المؤيد

وكم ترك جرحى وراه وقتلى
ومِنهم اتبرأ وولى هارب..!!

جسّد لسان الحال قول وفعلا
(ياسعد من له في المدينة صاحب) ..

والله مولانا القوي الأعلى
والمصطفى والمرتضى بن طالب

#الشاعر_بسام_شانع

إن ضم حزب الله من يتولّى
فالله حزبه لا سواه الغالب

كم ما يكونوا دمت بيد المولى
يصبح رقم كثرة عددهم سالب

واعظم دلالة واوضع اية واجلى
بانّا هزمنا العالم المتكالب..

#الشاعر_محمد_احمد_مفلح

وعد الله اصدق والهدى ما يبلئ
ورهان داعش بالعماله خايب

من بعد يكلا وعدهم في نخلا
هلاكهم من كل حد وجانب

يمين ما نرجع ولا نتخلى
(ومن حب نفسه ما بقي له صاحب)

#شاعرنهم_عباد_ابونايف

سبحانه الله العظيم الاعلى
هو ذي صدق وعده و جنده غالب

من بعد يكلا بانطهر نخلا
ولا حلقتو لحيتي و الشارب

والله ما اوقف غير اما .... ولا
اما انتصر ولا شهيد الواجب

#الشاعر_عاقل_بن_صبر

وبيرق النصر اليماني علّا
برغم انف المرتزق والعايب..!!

اهلا وحيا بالرجال وسهلا
مأرب ترحِّب والتجاوب واجب..

ما كل هذا إلا بفضل المولى
النصر منَّه والمدد متعاقب..!!

#ابوعماد_الزايدي

ولى عدو الله ولى ولى
تحلق لحى من ناصره والشارب

الفضل لرحمن عز وجلى
هو ذي قضى ف الامر وامره غالب

وانصار ربي يرخصو مايغلا
ل الله ياهل المكرمه والراتب

#أسامة_الجنداري

بفضل ربي المستعان المولى
ناصر من اتولّى الوصي الغالب

أنصار حيدر والنبي تتولّى
وسيفهم فوق الأعادي ضارب

القاعدة تنهار رتلاً رتلا
والكفر متبهطل مقهقر خايب

#أبوشرف_الدين_الحمزي

سبحان الأعلى القوي الأقوى
ناصر جنوده العظيم الغالب

نصر الولاية والولي والمولى
والداعشي من ارض قيفة هارب

ولى الدُبر وإبليس قبله ولى
واتجمع الأنذال داخل مأرب

#ابوالمازن_عبدالله_الشريف

الله وجنوده يكونوا الاعلى
مهما علا الباطل يولي خايب

وابطالنا متعقبه للهملا
في كل جبهات الشرف والواجب

يكلا ومارب بعدها نتعلا
نطرد جحافل كل مجرم عايب

#أبو_جبريل_هزام

في خط ال البيت قلبي يسلا.
تسبيح واستغفار نهج اصايب

والانتصارات واضحه بل فعلى
حاطة بهم من كل صوب وجانب.

والمرتزق قد شاف اعضم هولا.
مذموم ومنافق حقر وعايب

#أبوكيان_الهبل_الهبل

ابن النبي لاسل سيفه سلا
ولاامرجنده تقط الحاجب

فالحيد والرمله وبطن السهلا
كم من محنك مايولي هارب

فولاذ الاعداوالمجنزرواغلا
عنداليمانيين صبح ذايب

#حسن_السعيدي

لله وحده لاسواه الفضلا
هو ذي نصر شيعه علي بن طالب

آيات نصره لأولياءه مثلا
في كل جبهه ثار فيها لاهب

غالي يمن ليمان والدين أغلى
قولو لحلف الشر نجمه غارب

#مقبل_حسين_علي_جرام

دام المجاهد للوصي إتولى
وكبّر الله فوق خصمه واثـب

فالنصر له فوق القمم يتعلا
ويدوس قس القاعده والراهب

يا مأرب التاريخ قولي أهلا
واستقبلي جيش الوصي الغالب

#الشاعر_محمداحمد_الآنسي

آيات ربي وقعها يتجلى
وتعري الخاين وكمن كاذب

وما حصل للقاعدة ليس الا
صعقه تحدد موجبه والسالب

والقادم اعظم والليالي حبلى
والملحمه الكبرى بداخل مارب

#الشاعر_محمد_الراعي

الله مولانا ونعم المولى
وترامب مولهم. للعين وكاذب

ما يوم عنا يارجال تخلى
والحمد له والشكر منا واجب

والداعشي محسوب بين القتلى
في داخل البيضاء وداخل مارب

#علي_عمر

النصر حالي والشهاده أحلا
وداعشي دايم مكانه حانب

اظرب عدو الله ماله مهلا
وسن سيف الحق قتله واجب

ومن غزانا بل فتاوى الهبلا
خسرانه أعماله ولاهو كاسب

#مسعود_الريامي

(نوفان) للانصار زج المهلى
من عيشمه للميربي متجاوب..!!

اصرام ما تقبل وتحمي فسلا
تغلب دواعش نجد والله غالب..!!

من صرم (خبران)ألابي اتعلى
لاوادي النواش راوي شارب..!!

#شاعر_بلاد_الروس

سيل العرم داهم حشود الهبلا
من قاعدة سلمان وقص الشارب

بيضاء العزيزه هي ذهبنا واغلا
راس السفينه. والشراع والقارب

واصحابها للضيف. تقل يااهلا
ونعم بها راس المشاف والضارب

#أبو_مجاهد_الفروي_بديل

حشد العدا ما بين أسرى قتلى
والموت الاحمر حلفهم له شارب

يا قيفة اعطي من ظلم واتولى
حلف اليهودي بالرصاص الذايب

يا أرض خيره سبحي للمولى
اللي نصرنا وما سواه الغالب

#هدهد_سبأ_الجوفي

من الولا لله وطه مولى
من بعدهم وليُّنا بن طالب

نلحق وراهم لـ"السحيل" و"نخلا"
ندحر عبيد الإحتلال العايب

ياما بلينا والليالي تبلى
ماشي رجوع و حزب ربي الغالب

#أبو_رازح_القعود

النصر قادم والصمود اتعلى
وانا معا الله بنطلق واحارب

عشق الشهاده في دمي تتجلى
وحب ال البيت اعظم صاحب

واطفلنا صارو ضحايا اشلى
والمرتزق ياخذ عليهم راتب

المجاراة بعنوان (النهاية المخزية لتحالف العدوان)

البداية للشاعر‎#ابويحي_المنيعي

الأمارات تنهب (سقطرى)
بعد نفط(المسيلة)و(صافر)!!

عبر خطه فضيعه ونكرى
تنقل اشجارها بالقواطر

#ضيف_الله_سلمان

الامارات في الكفر سكرى
والسعوديّة ام الكباير..!!

كيف تغزي جبل وانت صحراء؟!
تحت الاقدام ياحلف صاغر ..!!

#الشاعر_بسام_شانع

هي دويلة جراثيم صغرى
ماتُرى غير تحت المجاهر..!!

في جزيرة عظيمة وكبرى
مثل الاوساخ تحت الأظافر..!!

#الشاعر_نشوان_الغولي

لعن ابو حلف ماضم خضراء
باتضمّه بطون المقابر..

يوم نسقيه زيتي وحمراء
من مخازين صفر المعابر..

#الشاعر_أحمد_درهم

لا جرى الصوت من كل مجرى
والملاطيم في كل صابر..

بايراجع حسابه ويقرأ
حين نقطع خطوط البواخر..

#الشاعر_ابو_رواسي

الامارات صهـ ـيون أخرى
والزنانير خلف الستاير.

بايجي من قفاالعسر يسرى
فوقهم باتدورالدواير..

#ابو_هكام_الحشيشي

راحت السادسة وانتو ادرى
ماكفى ياتحالف خساير!!

عاد الايام سوداء وغبراء
باتجيكم بقطع الدوابر..

#شاعر_الاحرار_أبو_العباس

والله ان كذبهم قد تعرى
وافتضح كل غابي وساتر

والنهاية خسارات كبرى
في جيوش العداء والمحاور

#الشاعر_عكام_صالح_القصاد

كل مؤمن مجاهد تبراء
وشتبك باالعماله مباشر

عد الخصم زيتي وحمراء
طعفرو كل خاين والداشر

#زيد_الخراشي

صار فرعون عبره وذكرى!!
للعباد ودروس وبصاير

واهلك الله قيصر وكسرى!!
قبلكم ياملوك الكباير!!

#الشاعر_احسن_هادي_زربه

الامارات تبحث لذكرى
مالها في التواريخ ذاكر

مالها غير زيتي وصفرا
تنطلق من خشوم المعابر

#الشاعر_أبو_عساف

أنت تدري وأنا مثلك أدرى
مـا الإمـارات كـفو الـمعابر

لا قـدمـنـا لــهـا بـــا تـعـرى
تـبتخس عند مسلم وكافـ ـر

#الشاعر_ابو مالك_الكوماني

ويل بن ناقص اللي تجــــرّا
وارتمى لا عرين الكواسر

والله ان نطعـمه نار حمرا
تنقله لاجهنم مـبـاشــــر

#الشاعر_فارس_المعزبي

واحدتنا تعادل بعشــرا
ياتحالف كفا لا تكابر

شعبنا زاده الله صبــرا
وأنت ملطوم لطمه بصابر

#أبو_ساري_العيوي

ياتحالف علينا تجرا
يحسب انه سياسي وشاطر

والذي صب الانهار واجری
ردنا اضعاف تاسع وعاشر

#أبوشرف_الدين_الحمزي

إنتهاء مُلك قيصر وكسرى
والتحالف جنى الهوان والخساير

مابقى اليوم للعدو غير ذكرى مؤلمة والصحاري مقابر

#الشاعر_بلال_الشجني

الامارات والكل بها ادرى
فوقها باتدور الدواير

جيشها طاح من كل مجرى
بعد سلمان المغفل وجابر

#الشاعر_أبوصقر_الغولي

التحالف نهايته نكرا
وابن زايد وسلمان خاسر

والذي منهم ما تبرا
مثلما هي مرة لوط غابر

#الطاهش_البطاش

في حصاره وجرمه تجرى
وارتكب في البلاد المجازر

عاقبة كل طاغوت خسرى
سنة الله ماهي مجابر

#ناصر_محمد_عزان_الشريف

دونها شجعان والكل يدرا
ياتحالف شل عفشك وغادر

مانهبته بستعيده بمسراء
والنبي لايرجع الحلف خاسر

#ابو_حمزة_نشير

حلف سلمان وقيصر وكسرا
اسرفو بالعبث والمجازر

منهم صار قتلى واسرا
واصبح الحلف باللعب خاسر

#الياس_المقدشي

ابن زايد زاد غياً وكفـ ـرا
والخيانه ساكنه في الضماير

ارضنا يا اوباش هي نار حمرا
تلتهف كل طاغي وفاجر

#أحمد_عبدالقوي_الغبسي

شبوا النار من كل مجرى
واجهروا بالحقيقه مباشر

في سقطرى قضى الله أمرا
والله مانبقي بها أي كافر

#الشاعر_أبو_اسماعيل

له نهايه وخيمه وغبرى
ذي بدم البراءه يتاجر

اليمن للعداء نار حمرا
وما رضينا بهين وفاتر

#الشاعر_عبدالباري_الحجازي

بانجيكم زحف برًا وبحراء
من جرايمكم قد الشعب باغر

وخبرو سلمان ان قد تعراى
قبل مانأتيه قله يغادر

#الشاعر_صالح_حسين

اول القول لله نبرى
من فعايل ملوك الكباير

روح ترامب وانهار كسرى
والمواعز تجر الجراير

#إتحاد_الشعراء_والمنشدين

https://t.me/aboyahyaalshami

المجاراة عن(انتصارات المجاهدين في جبهات مارب واستعادة معسكر ماس)

البداية #الشاعر_عباد_ابو_حاتم

ضربة تداوين اسقطت يا عرب ماس
و لا دخلنا ماس يسقط تداوين

ولا ضربنا عاصمة حلف الانجاس
تصيح واشنـ ـطن و تفرح فلسطين

#الشاعر_بسام_شانع

الموقع الحساس مابين الاقواس
نجهز على قلبه بقطع الشرايين

بالامس موقع كان مكتض بالناس
واليوم ثلاجة معبّى جثامين

#ضيف_الله_سلمان

تحالف العدوان في حالة إفلاس
واحنا وهبنا الله عزة وتمكين..

رغم انف واشنـ ـطن ورغم انف تكساس
ورغم حكام الخليج الملاعين..

#الشاعر_عكام_القصاد

الله وصفنا في كتابه اولو الباس
ولا خلقنا الا ندك الفراعين..

قادتنا (حيدر )و(الاشتر) و(عباس)
وقاداتكم شمعون واسحاق رابين)

#الشاعر_احمد_درهم

مشروع الاستكبار خارب من الساس
من يوم كبرنا في (الفين واثنين)

والحلف الاعمى بين الاحباط والياس
والمرحلة قد خلت الناس قسمين

#الشاعر_أبويوسف_القاري

قولوا لصحن الجن لايقطع الياس
ملائكة ربي والأنصار جايين

نصرخ ونقرأ سورة الجن والناس
ونعوذ بالله من جميع الشياطين

#الشاعر_ابو_كنن

ونعم بكم ياناس مامثلكم ناس
في صف ابوجبريل والسيداحسين

قلوا لذي قد زاد في الفيس رفاس
يلحق رجال الله وسط الميادين

#الشاعر_نشوان_الغولي

حيد الذهب سلّم و سلم لنا ماس.
و اعظم كنوز اجدادنا الحميريين.

با ندحر احلاف المذلة و الإفلاس.
و با نرد الصاع للحلف صاعين..

#الشاعر_محمد_الهلالي

الحق شامخ والبهارج على الراس
وفي ماس غابت شمسهم عادها حين

وان كان باقي في تداوين ابو فاس
والله ماتنجيه عشرين عشرين

#شاعر_الاحرار_ابوالعباس

نلنا الشرف والعز في وضع حساس
واتناصلت منا قرون الشياطين

نشمخ بعون الله من بدة الناس
الاف يتحدو مئات الملايين

#زيد_الخراشي

زلزل تحالف نجد ياضافي الباس!!
واعصف بحزم العاصفه يااحمر العين!!

وبقوة الله إسحق اذناب تكساس!!
واحصد ببأس الله روس الملاعين

#الشاعر_صقر_هيسان

انشهد ان الفاس وقع في الراس
ضربه وسط جبهة ملوك البعارين

حلف السديس اتقسم اخماس واسداس
حد من رحل لندن وحد سافر الصين

#الشاعر_علي_المؤيد

في أرضنا هـذا الوعد وعـد كناس
فك الإذاعـــه وإستمــع للعنــاوين

أخبار من مارب قسم ترفع الراس
نصر الله أقبل من جميع الميادين

#الشاعر_صالح_حسين

ما باقي الا نضرب الفاس بالراس
نقطع دوابر من يطبع لكوهين

العزم قوه والعلي مدنا الباس
والزحف واصل وابشري يافلسطين

#فتى_همدان

والمرتزق بايضرب اخماس ف اسداس
ذي كان يتغنى بوين الملايين

قال المثل ذي ما يقمس مع الناس
ما عاد بايقمس قد الناس ضاوين

#الياس_علي_المقدشي

العز والناموس والعزم والباس
بفضل ربي زاد عزة وتمكين

تقهقر العدوان واحلاف الانجاس
في ارضنا دسنا الطغاة الملاعين

#الشاعر_عبدالحميد_الهلالي

بالله نتوكل ونصبر بلا ياس
حاشا نسلم ارضنا للملاعين

هذه رساله وان جهلها فلا باس
سيف المسـ ـيره بايخله نصين

#الشاعر_عبدالله_جربوح

تكتيك رباني ودقه وهنداس
نستلهمه لا اوحى لنا بالعناوين

وبقوة الله مثل حيدر وعباس
تلقى الأشاوس داعسين المعادين

#محمد_عبدالحفيظ_الهادي

يا قوة الله نكست روس الأنجاس
الله كتبهم كلهم في الأذلين

والنصر للأنصار مهما العدو جاس
وكثف ألغارات وانفق ملايين

#اليماني_ابومازن

يا حلف واشنطن قد الفاس في الراس
انصارنا هبو حشود وملايين

من بعد ماس القوم هبت على اسداس
جيناك يا مارب نشاما ملبين

#شاعر_بلاد_الروس

والله حلف الملعنه كامل أنداس
الان صارو من يدافع وشاكيين

مازد نفعهم لاعراده وجواس
ولا ملوك العربده والبعارين

#الشاعر_ياسر_الجرادي

والمرتزق صار يضرب اخماس ف اسداس
والنار من حوله تشعلل براكين

حيي مجاهدنا وحبه على الراس
ذي دقدق اخشام الخون والملاعين

#الشاعر_أبوالعز

الماس اصبح في يدين اعظم الناس
بقوة الله قل حلف المراخين

الصاع فينا بانرده لك اخماس
قدام قدام و اللقاء لاتداوين

#علي_الحيمي

بقوه الله تمكنا وسيطرنا علا ماس
وقاداتهم في محرقه في تداوين

ماباقي الا الصبر والهمه في الناس
وبعون ربي بانطييح بالسلاطين

#الطاهش_البطاش

من قوة الايمان والعزم والباس
في الصبر والتسبيح عزة وتمكين

اخبار مارب واصله ترفع الراس
والحلف خاسر في جميع الميادين

#عزم_الخراشي

بعون الله استئصلنا حلف الانجاس
حلف امريكا وسعود الشياطين

والمرتزق في معسكر ماس منداس
ماباينفعه سلمان ولاالسلاطين

#الشاعر_رايد_الخمري

مابعد مارب عيدنا دون مـــــــقياس
ندخل عدن من خط واحد واثنين

ولي فرض نفسه من الحلف النجاس
نرد له طلقات خارق بـــــراكــــــيين

#سيف_حسن_العامري

وَقّع على راس المنافق مية فاس
ومكه اضحت لليمن قاب قوسين

سقطوكما تسقط من السفح الاجواس
ومرغ الله انف سلمان باالطين

#الشاعر_عبدالباري_الحجازي

كمن فتى مؤمن وشاجع ونبراس
مع السيد القايد يالحلف جايين

في داخل الميدان الحق قماس
قل للعرادة يعطف الان ذلحين

#الشاعر_مراد_السماوي

انتصا

#العالم_الثاني
طبتم عسى الرحمن يجمعنا
لجل الخلود الكــــل متفاني

يامـــــن في الدنيــا توادَعنا
بانلتقي في العـــــالم الثاني

بعتوا مـــــن الباري كما بعنا
واختاركم مـــــن بيننا عاني

جــــــل الإله لحكمته معنى
واحنا البشـــر بدراك إنساني

قولو لحضــــــــرتكم تتابعنا
في أعظم استبسال ميداني

إما وسغنــــــــا برض واقعنا
للعز منهج حـــــــــــق قراني

وإلا انتقلنا مــــــــن مواقعنا
مــن عندنا لا عنــدكم ساني

تجـــار وانفسنـــــــا بضايعنا
والبيع ماهـــــــو بيع مجاني

لاجسادنا الاخرى مصــارعنا
زر انقــــــال ارواحنـــا الآني

لنـــــــا البقـــــا مابا ينازعنا
على البقــــا قاصي ولا داني

احنا مع الباري وهـــــو معنا
وكل مــــن هــــو دوننا فاني

المـــــــــوت لا فكر يصارعنا
يصبح على نفسه هو الجاني

باقين حتى لـــــــــــو تقطّعنا
الوعد هــــــذا وعـــــد رباني

لا يمكــــــــن ان الله يخدعنا
ونقولها مــــن واقـــع ايماني

يامـــــــن في الدنيــا توادعنا
بانلتقي في العــــــــالم الثاني

#الشاعر_بسام_شانع

المجاراة عن اهانة تحالف العدوان للخائن عبد ربه منصور وعزله بطريقة مخزية ومذلة والشرعية الزائفة..

البداية #ضيف_الله_سلمان

موضوعنا اليوم حامي
بكل معنى العبارة..

ويش آخر أخبار (هادي)
وباقي اهل العمارة؟!

ولا اصبحوا و(العليمي)
رئيس تم اختياره..!!

ولا رعوا اي قيمة
للخائن ومستشاره..

وعاقبة كل خاين
دايم يذوق الخسارة..!!

(من قارب الكير يحرق
والا امتلى من غباره)

#الشاعر_جبر_المسعدي

الليل ياهل القوافي
اتواصلو بالسفاره

يدورو عبدربه في
كل شارع وحاره

لحق علي ولدمحسن
لاماتنكسل ضماره

والمجلس الانتقالي
لايحتجي بالغباره

وحسب ماقال الاول
الحر تكفيه اشاره

ماينفعك في عدوك
قبيلتن مستعاره

ماخير ياتي ولاشر
الا ومارب مساره

الشاعر يحيى العطيف

مابين هادي ومهدي
الشعب هو واختياره

هادي لشعبه معادي
ولابيملك قراره

ومهدي لذا الشعب يفدي
حمل إلينا البشاره

وكان للشعب جندي
صانه ورد اعتباره

والله ياعبد ربه
لوكنت تفهم ذكاره

ماصرت في الخلف راكب
وهو طلع ف الغماره

#الشاعر _بسام_شانع

أصحاب حارة بني سعد
الكــــــــــــل عُقّال حارة

وانا الوحيـــــد المواطن
فيهــــا... ويحيى جبارة

يحيى نقــــــــل إب وانا
بانقــــــل وبارجع شهارة

وانهــــــم قيادة بلاافراد
وانهـــــم دمى مستعارة

مجلـــس رئاسي وسبعة
حكام داخـــــــــل عمارة

موضوع المجاراة ..
[المنظمات تستهدف الهوية الايمانية وتدمر الاخلاق والقيم..!!]

البداية #ضيف_الله_سلمان

حروب الاعادي عسكريّة وناعمة
ويستهدفونا بالقنابل وبالفساد..

كشفنا مكايدهم ب(صرخة) و(ملزمة)
وشفنا العداوه عند ابو يَهوَد اعتقاد..!!

سياسة عدائيّة بصورة منظّمة
ولا با يوقّفها سوى الوعي والجهاد..

وما با تفيد الناس سكته ودعممه
وبا يلعن الله من وقف موقف الحياد..!!

#الشاعر_بسام_شانع

سوا المـــرتزق للحلف أو للمنظمة
ولا فرق في الغاية ولا فرق في المراد

مع حرب طاحن كان أو حرب ناعمة
مجنّد مع الخارج وتابع للاتحاد..!!

تكاليف لا تبقى المكالف محشّمة
مكلّف بها جرار مــن داخل البلاد

إذا المسلمة مااخلاقها اخلاق مسلمة
بنت لليهودي جيل جاهز للانقياد

الشاعر #ابورواسي_ارحب

الا لعنبو رجال مايحترق دمه.
وقد شاف مايندئ له القلب والفؤاد

اجازوا وحلوا كل حاجه محرمه
لطمس الهويه في بلاد اشرف العباد

وذي ما فهم لليوم خطة مسيلمه
فمضمون بايصبح فريسه لبن زياد

أسرنا أسرنا يايمن في المقدمه
ولافرق في الأعدا القدامئ ولا الجداد

#ابومنار _العشي

وما قد ضهر من نهجها إلا المقدمه
وعاد المخبى أعظم وعادك ووين عاد

يريدوا يردونا من أمه مكرمه
الى مجتمع مايع وغارق في الفساد

إلا يا الله العن من يعاون منظمه
تبين هدفها والنوايا والامتداد

وما هو يماني من يرسل بمحرمه
مع قافله ماسك دركسونها المُسَاد

موضوع المجاراة ..
[المنظمات تستهدف الهوية الايمانية وتدمر الاخلاق والقيم..!!]

البداية #ضيف_الله_سلمان

حروب الاعادي عسكريّة وناعمة
ويستهدفونا بالقنابل وبالفساد..

كشفنا مكايدهم ب(صرخة) و(ملزمة)
وشفنا العداوه عند ابو يَهوَد اعتقاد..!!

سياسة عدائيّة بصورة منظّمة
ولا با يوقّفها سوى الوعي والجهاد..

وما با تفيد الناس سكته ودعممه
وبا يلعن الله من وقف موقف الحياد..!!

#الشاعر_بسام_شانع

سوا المـــرتزق للحلف أو للمنظمة
ولا فرق في الغاية ولا فرق في المراد

مع حرب طاحن كان أو حرب ناعمة
مجنّد مع الخارج وتابع للاتحاد

تكاليف لا تبقى المكالف محشّمة
مكلّف بها جرار مــن داخل البلاد

إذا المسلمة مااخلاقها اخلاق مسلمة
بنت لليهودي جيل جاهز للانقياد

الشاعر #ابورواسي_ارحب

الا لعنبو رجال مايحترق دمه.
وقد شاف مايندئ له القلب والفؤاد

اجازوا وحلوا كل حاجه محرمه
لطمس الهويه في بلاد اشرف العباد

وذي ما فهم لليوم خطة مسيلمه
فمضمون بايصبح فريسه لبن زياد

أسرنا أسرنا يايمن في المقدمه
ولافرق في الأعدا القدامئ ولا الجداد

#ابومنار_العشي

وما قد ضهر من نهجها إلا المقدمه
وعاد المخبى أعظم وعادك ووين عاد

يريدوا يردونا من أمه مكرمه
الى مجتمع مايع وغارق في الفساد

إلا يا الله العن من يعاون منظمه
تبين هدفها والنوايا والامتداد

وما هو يماني من يرسل بمحرمه
مع قافله ماسك دركسونها (المُسَاد)

#محمد_هزاع_البهلولي

ألا لعنة الله تلعن ابنا مسيلمه
ولعنه على هادي ولعنة على رشاد

وملعون من يرضى بفاسد ويدعمه
ولا فيه ذرة دين من يقبل الفساد

ومسخ القيم في كل مرأه محشمه
وضرب الهويه والتوجّه والاعتقاد

هدفها الرئيس إفساد أمه منظمه
عليا الحلال انْ طردهم أعظم الجهاد .

#بندر_السقاف

جهاد الثقافه والخيول المسومه
جعلنا نكون بحيث ما ربناء اراد

بنشر الهدئ والوعي وأمه مكرمه
والاعلام والتسليم في منهج الرشاد

وثبناء ووقفنا لهم ف المقدمه
ولافاد الاعداء حشد الاعداد والعتاد

مكايد عدو الله سارت محطمه
وكل الثقه فالله وحده والاعتماد

#وضاح_الحميصي

لضا الحرب نعمه في خطوط المـقدمه
ونيرانها الشعـــــوى تبرد ضــــما الفؤاد

فلا حرب لاقالوا سوى حرب نـاعمه
هو الاتــــقاد الصـح لاقـــالوا اتـــــقاد

تمزق ضمير الشــــخص تفنيه تعدمه
تجمد دمه تجــــميد!!! وتحـــوله جماد

بموقع!! تبرمج فكر مليون جمجــمه
اثرها في الواقع تفوق علــــى المضاد

#ابوعيسى_هيسان

نصيحه لكم ياهل المكالف مقدمه
تكلم بها الأستاذ مقدام الاتحاد

تضموا نساكم من عمل فالمنظمه
عمل ماقفاه الا الهيانه والاظطهاد

مره ماتجس في بيت ابوها مكرمه
فاابوها السبب في تربيتها والانقياد

حذاري حذاري من سياسة مسيلمه
عمل يغضب الباري وجب فيه الابتعاد

#ابوليث_المحضار

عليكم عليكم والتواصي بمرحمه
وكلن بدا في بيته النصح والرشاد..

نوضح خطورة من نوى البيت يهدمه
غزانا وغيّر قبيلتنا والاعتقاد..

فلا مسلم اسلم به ولافيه مسلمه
ولافي منهاجهم رضى الله والعباد..

فما شعبنا عانا ولا صب من دمه
ولا عاش كل الهم والحزن والقهاد..

#ابوريام_الطاهري

تبرج وهي كانت عفيفة ملثمة
وتسقط كرامتها وتمسح بها البجاد

ولعنة على من باح خلوة محرمة
ومن قرح النفاخ نعلن لة الجهاد

ونصرف لة اذلاق السهوم المقلمة
بخشم البنادق ذي مواصيرهاجداد

متى السيد القايد آمر بانعممة
وبا نبدا التنفيذ ونطهر البلاد

#صالح_حسين_ابواحمد

زمان المره كانت بحشمه ملثمه
ولاتعرف النقشه ولا العطر والزباد

اتى جيل متحرر تقوده منظمه
تلجرام والتكتوك مع الوتس والفساد

وبانت قيم كانت في اول مجرمه
وعادات تهدم كل معنى به الجهاد

وصارت بها الطفله من الطيش ملهمه
وتكبر ولا تعرف سوى اللعب والرقاد

#فارس_المعزبي

مع الله مهما كانت الحرب ظالمه
نحوّل ابوها سهل .. بالسهل والوهاد"

ونحرس محارمنا بــ زينب وفاطمه
من اطماع مافيها لنا خير أو سداد"

بداية فساد البيت تبدا مكالمه
مع اجنبي ومنظمه داخل البلاد"

وبــ المختصر كُلّن يوعّـِـي محارمَه
بما يخفي العدوان من شر الاعتقاد"

#ابوسياف_البيحاني

بلغ قمة استهدافهم للمحشمه
هدفهم يذروا في عيون الشرف رماد

بنات القبايل قصدهم في المقدمه
متى ما تهاوت نالوا القصد والمراد

نحذر وننذر من دخول المنظمه
فلاخير من مشروع يستخدم العباد

#محمود_الجنيد

ببعض الدول صار الرجل يشبه الأمه
وقد شقلب اسمه من محمد الى سعاد

قد العيب ان البنت تخرج محشمه
بعدما اصابوها في الكبد والفؤاد

فيا شعبنا كسّر يد ابليس وارجُمه
وحاذر على اولادك من التيه والفساد

على يدّك انته فتح مكه المكرمة
وتحرير امة خير مخلوق في العباد

#بلال_الصوفي

أمانة أنها حاجة تريد المحاكمة
مشاهد جليه واضحة تفسد العباد

بها استهدفوا كل الشعوب المسالمة
كما استهدفوها بالتحالف والاضطهاد

فياويل من عينه على ذاك نائمه
ومن شاف ما شفنا ولم يعلن الجهاد

#مشاهدة_قصيدة "وعد الآخرة _ الساحل الغربي _ الحديدة_ اليمن" على YouTube
https://youtu.be/WBmZWqGO73s

#الشاعر_بسام_شانع