المجاراة بعنوان أستجابه لدعوة #السيد_القائد وتأكيد على أستمرارنا على موقفنا مع #غزة لو أستمرت الحرب الى يوم القيامة لافتور ولاملل.

البداية #أبورواسي_أرحب

لبيك يأبن البدر مافينا فتور ولا ملل
أصدع بماتؤمر ولاتهتم في ضهرك جبال

بانرفد الساحات ونواجه قوئ (بل هم أضل)
ولاتخاذل فرد منا لاتسمينا رجال

#ضيف_الله_سلمان

حيا على عهد الوفاء(حيا على خير العمل)
في وجه واشنطن ولندن من جنوب ومن شمال..

بقوة الجبار مرّغنا انوف اعتى الدول
واحنا جنود الله تربطنا محبة وإتصال..!!

#محمد_الهلالي

لبيك ثم لبيك يا (ابن البدر) لأمرك نِمـتَثِل
لبيك ثم لبيك لا يوم الحشر في كل حال

في البر والاّ البحر والا الجو لو رُحنا وُصَل
لـن نترك الأقصئ ولا غزه وبه مَعنا مَجال

#محمد_مفلح

عهد الوفا باقي على ما تخبره منذ الأزل
معك معك ما نعترف بالمعجزه والا المحال

بالموت لامريكا ولاسرائيل قد حان الاجل
ومن رضي بالعار سلّم بندقه لام العيال

#يحيى_العطيف

ابشر بنا واشتد واتحدى وراسك في زحل
واحنا اليمن ياسيدي عبدالملك قول وفعال

اجدادنا داسو معا جدك على جبهة هبل
واحنا معاك اليوم بوئنا المقاعد للقتال

#أبوخالد_الطويل_الجهمي

لبيك يا القائد تلبيك الطوايف والدول
أمة محمد لبتك من دون فرقه وانشغال

راية يمانيه وقايد فوق فوق المحتمل
علم من إعلام الهدى يردع طواغيت الضلال

#عبدالمنعم_المتوكل

على خطى النمري وحـسـان ابـن ثابت والهبل
نطق لسان الحال وتحدى العداء في كل حـال

شعب اليمن بقيادتك جاهز لحرب اقوى الدول
من بعد مـا ركـع قوى الغازي وجيش الإحتلال

#حمزه_الديلمي

درب الولاء والعز في نهج المسيرة لا بدل
ياسيدي واحنا معك خوض المهمات الطوال

جندك رجال الحرب وانت الحق وأهله والأمل
يوم الأمل مفقود في أمّه تملكهَا الظلال

#اشرف_الحسني

ابـشر بعزك سيدي يانجم ساطـع ما افـــــــل
بين الخلايق للشجاعة والوفاء مضرب مثال

یالقاید اللي كــــل ما قاله وهــــدد بـــه فعل
انـــت الامل لابناء غــزة وانـــت للغازي نكال

#زياد_السنافي

احـــــنـــا معك ياسيدي ياتاج رأسي والمقل
ابـشر بعزك واحــــتزم واشــتدّ يابـدر الكمال

نخرج إلى الساحات من كل المناطق والعُزل
خـــروج مــا يتـصورة عاقـل ولا يخطر ببال

#الشاعر_ابو_صقر_شعلان

ابشر بعزك واحتزم وشــــد ظهـــرك لاجبل
وتحت امرك كلنا في سلم والا في قتال

والله لو تزحف علا شعب اليمن كل الدول
مانتركك ياسيـــــــــدي ولو تقطعنا وصال

#ابوحمزه_المقاش

لـبـيـك في عـصـر الـضـهـور الـطـايـلات بلا جـدل
لـبـيـك يـا سِّـر الـحـروف انـولـعـه مـن كل جـال

لـبـيـك واحـنـا لك فـداء يـا سـيـدي نـور الـمـقـل
بـاقـيـن فـيـنـا لك ولاء مـطلـق ولك خـيـر الـرجـال

#ابو_هادي_الغمري

لبيك يامن بك قمر الاسلام اسفر واكتمل
وانعم بك المولى علينا نشكره مولى الجلال

لو اشر اصبع كفك اليمنى لتحريك الجبل
نحركه يا سيدي لجلك خسى كل المحال

#الشاعر_ابوجهاد_صبر

عهد الوفاء ماقد تغير بل تجدد وابتهل
ياسيدي عبدالملك تبشر بنا في كل حال

والعزم فينا ماوهـن بل زاد ياسيدي دبل
والوعد وعد الله في القران مافيها جدال

#جميل_جعفر_ابوشامخ

سبحان من سخر سفينة نوح للشعب البطل
واختار له قايد بطل من آل طه خير آل

الحق غالب وانهزام الحق ما هـو محتمل
ولا لنصر الأمركه و الصهينه أي احـتـمـال

#الكرار_المشراقي

لبيك يابن المصطفى ابشر بنا مهما حصل
معك معك الشعب كله من جنوبه لاالشمال

لوتحشد امريكاء علينا الكون كله والدول
مانترك الاقصى وغزة لوتقطعنا وصال

#رفيق_ابو_علي

لبيك ياداعي الهدى يامن لك الشعب امتثل
لبيك نعلنها علــن فــي سلم ولا في قتال

عهد الوفــاء باقــي معمد بيننا منذ الازل
لو تطلـــب الارواح نديها بطاعة وامتثال

#مختار_البحري

لبيك يابن البدر لبيناك لونرجع وصل
احنا رجالك يا العلم في سلم ولا في قتال

ياوارث القرآن يا قايد لنا عاد الامل
معك معك ونهاية اسرائيل مافيها جدال

#عبدالقوي_البطل

لبيك ياقائد مسيرة عالمية للآزل
قانونها مايختلف في الشرع والا في القتال

نحشد ونتحشد نواجه نصنع الي ماحصل
مادام موقفنا مع الله صح مافيها جدال

#شاعر_بلاد_الروس

حاضر نعم ياسيدي لبيك لو نطلع زحل
أو نطلع المريخ بانطلع رجاجيل الرجال

مابا نمل حاشا ولا نقعد ولا فينا كسل
لو تستمر الحرب طول العمر نعشق للقتال

#ابـومـازن_الـرازحـي

سمعاً وطاعة سيدي ونعاهدك حتى الأجل
بمساندة أبطال غـزة لو سعير الحرب طال..

على طريق القدس باستمـرار لايوجد كلل
باهـي بنا كل الأمم واضـرب بنا كل الضلال..

#وسام_الحنش

ابشر بنا ياسيدي يابدر بنواره اطل
على المبادي والاخوه والكرامه لانزال

كنا ولازلنا كما كنا وطبعاً بانضل
انصار يجمعنا بغزه وهلها درب النضال

جريح الحرب #رفيق_زرعان

من مبداء التسليم والمسؤليه قول وعمل
حشودنا باتذهل العالم جنوبه والشمال

#محمد_مفلح

من رعبها صهيون تعجن في الماء
والخوف من شيعة علي يمرضها

ما كنها إلا راقصه في الظلما
ما فادها للحرب من حرّضها

#ابراهيم_الشرفي

القدس أقدس من فزع له واسمى
طـهـران.. لـيــش اعـرابـنـا تبغضها؟!

با تـجـعـل ابــواق المـنـافـق بَـكمى
باطـول ردود المـرحـلـة واعـرضها

#مقبل_جرام

طالت زنانير اليهود الظلما
وماغير محورنا القوي يُقرضها

شبّوا لضى أُم المعارك تحمى
نبطش بروح الصهينه نقبضها

#الشاعر_منيف_ثعيل

الصهينة صارت بحالة اغمى
يمكن شبح إيران قد امرضها

الرد آتي بالفعال العظمى
لا تبكي أمريكا ولا توعضها

#ناجي_القطيبي

طهران بالباري هدفها اسمى
ظميرها للردّ بيحرّضها

ونارها ضدّ اليهود باتحمى
ماهي بحاجة من يجي يقرضها

#ابواياد_المطري

ايران يا دار الجهاد الأسمى
قل للعرب ويش الذي يمرضها

با تجعل امـــريكا ولندن تُغمى
والصهينه ؛ واذيـــالها تجهضها

#ابو_صالح_الغراسي

ياصوت في عصر الملوك الصمى
زلزل عروش... الصهينه ونقُضها

فعل سِلاحك في اليالي الضلمى
بييض وجيه.....اصحابكم بيّضها

#عبدالكريم_الشمسي

لا بد ما أسرائيل ترجع ثرمى
بكفوفنا لا تبخيرت نمرضها

وأهدافنا ما تعرف إلا المرمى
والله يمسكها وذي يقبضها

#أبوحسين_العصري

فوق اليهودي نارنا با تحمى
والحاطمة و اهوالها نعرضها

الواقع أغبر و الليالي ظلما
والرد قادم حتم با ينفضها

#ابوفتح_الاشول

الرد واجب والقضيه أسمى
على اليهود اعتى البشر وأمرضها

ما به مجال إلا الحرايب تحمى
تدفع بها الأحرار وتحرضها

#الشاعر_عبدالحكيم_ابوهاشم

ايران من يفهم هدفها الاسمى
يشهد لخامنئي بما يوقضها

مهما تأخر في ردوده مهما
قريب في الشاشه لنا يعرضها

#الشاعر_جبر_المهدمي

إيران يااهل التيه واهل الوهمى""
رب السماوات العلى يحفظها!!

من قوته جاها المـدد والدعمى""
باتقلع اســرائيل باتجــحضها!!

#عبدالله_حسين_مسعود

كحل عيونك يا المريض الاعمى
ايات ربي اليوم نستعرضها

الحق واضح والحقائق جما
حدد مصيرك نفسك استنهضها

#ذوالفقار_سفيان

متى متى قلّي متى با تحمى
اضن وقت اليهوده ندحضها

الوعد ذا وعد الصراع الادمى
كل الامم ذي نايمه نوقضها

#ابوحمزه_المقاش.

بـاقي على الـبـركـان سـاعه يـحمـى
ويـحـد وضـعـه ضـد من يـمـرضهـا

واللـيـل مـن إيـران يــســبـق لـمّـاء
يـطـري بـقـوات الـعـداء يـرفـضـهـا

#محمد_الاخرم

متى أستثارت مضويات الضلماء
ذي تبغض المجرم وهو يبغضها

تستاصل الغدة تداوي السقماء
وحمل البغاء للصهينة تجهضها

#الشاعر_عماد_قيرح

اتهيج الطوفان وامواج الما
ماعاد لاسرائيل من يحفضها

الوعد وعد الآخره والحسما
ذي حمّلت بالجرم بانجهضها

#ابوحرب_الحالمي

بدايه العدوان شعبي سمى
ونكل الاعداء وسط مربضها

وكم ضربهم بالمعارك وادمى
كل الحقايق واضحه نعرضها

المجاراة بعنوان نعمة القيادة القرآنية والمسيرة والصورة الحقيقية للمرتزقه العملاء.

البداية #أبويوسف_القاري

لوما الله أهدا لنا بالسيد القايد
ان اليمن كلها جاسوس في جاسوس

وكان عفاش طبع قبل بن زايد
ولابقي لليمن عزه ولاناموس

وفي خلايا نتنياهو وجوبايد
شاهدعلى شرعية بيع الوطن بفلوس

#ضيف_الله_سلمان

والحمد لله فينا الوعي متزايد
وكل الاحداث تعطينا عبر ودروس..

بالوعي شعب اليمن في موقفه رايد
وكل هذا بفضل الواحد القدوس

ولا سوى الله رد الكيد للكايد
وبيّن الامركة واذنابها والروس..!!

#محمد_هزاع_البهلولي

والحمد لله وفّق .. شعبنا الصامد
باعظم قيادة .. في التاريخ والقاموس

وشعب مؤمن بوعد الله .. ومجاهد
وكل من خان- تحت اقدامهم مدعوس

وجهاز أمني قوي جاهز ومتواجد
في كل جبهه تشوف انجازهم ملموس.

#جميل_الكامل

والحمد لله ما منا ولا واحد
الا وحب القيادة في دمه مغروس

والكل شاكر لنعمة ربنا حامد
والشكر حارس مناوب كم فضح مدسوس

مهما نخر في المسيرة والهدى حاقد
مدماكها من الحديد الصلب ضد السوس

#محمد_مفلح

لا يستوي قايم ال البيت والقاعد
ولا المجاهد ومن طبّع مع عاموس

ومن الجواسيس لا تخرج ولا واحد
بقلوبهم عاد عجل السامري مغروس

ما عارض السيد الا اللص والفاسد
والنذل ما بايعيش الا وهو مدعوس

#فارس_المعزبي

صهيون والمرتزق والامركه واحـــد
متساويين الهدف والفكر والمدروس

أفرادهم وسط خندق بالدم البـارد
يحاربونـا وفينـــا فاهم المطمـوس

الحمدللــه حمـــد الراكع الساجــد
أوهَب لنا بدر واوهَب غيرنا فانوس

#ماجد_المطري

يابايــــع الارض بالــمــــردود والعــــٕايد
ياخاين القدس حظك ف اليمن منكوس

حـــــــــذركم الشعب هو والسيد القايد
والقول واضـــــح ومايحتاح للقاموس

قلـــو لابـــو راس يبـــــرا من خدم زايد
ماشـــي فبه راس يقطع للخيانه روس

#ابو_غسان_الحدي

بالحس الامني وباستشعارنا الزايد.
بكل محسوس حسينا ولا محسوس.

وبالبصيره لنا أحداق بتشاهد.
وترى وتبصر وتقرى الخافي المطموس.

والكيد عايد لنحر اللي بنا كايد.
ياوعد بلفور لا تركن على دافوس.

#ابوالكرار_المجنحي

الحمد لك حمد ما يلجح صدى الراعد
على حياة الشرف والعز والناموس

رغمآ على انف الاعداء واحدآ واحد
والمرتزق والعميل النذل والمدسوس

دسنا على الحقد والأحقاد والفاسد
ولجل صون الشرف لو ما بقي طربوس

#ابوكنعان_الروس

المن والفضل والاجلال والعايد
لله ثم العلم والمؤمن النقروس

ودم الأحرام صمام الامان سايد
وفوز ساحق نصل به جنة الفردوس

مؤمن مع الله لا طبع ولا حايد
والنصر شعشع ببارق من بلاد الروس

#ابوبدر_ذيبان

الحمد لله ياالشعب القوي السايد
على جميع المنافذ فالبحار بندوس

وعيون يقضا بترصد كل متمايد
وكل ذيل تحت اقدام الاباء مدعوس

مع فلسطين يا شعب اليمن رايد
مواقف العز والايمان والناموس

#أبوحسين_العصري

يا طارق النذل طارت غلة العايد
من غد جهّز جوازك يختمه عاموس

أقل شي يا منافق يا دني حايد
و اجلس في البيت شاهد مارد الفانوس

شعبي عن القدس وأهله ف الوغى ذايد
وانتو مع الكفر ذا خادم و ذا مرؤوس

#ابوحيدر_الراشدي

اليـــوم شعب (اليمن) قد اصبح الرايد
على جميع الدول متصـــــدر القاموس

بفضل ربي وفضــــل القـــــــايد الزاهد
ذي شع نوره وغطى شعلـــــة الفانوس

احنا مع (الله) و (ابن البــــدر) بنجاهد
وهم مع امريكـk تحلبهم كما الجاموس

#أبوصياد_الغمري

الفضل لله ولك ياسيدي عايد
علّمت شعب اليمن أغلا واعز ادروس

أصبح لنا في المسيرة عز وشهايد
صرنا بعين اليهود الموت والكابوس

وشعبنا ناصر الاقصى ولاحايد
واليوم يشمخ براسه فوق كل الروس

#همدان_حجي

صيت المسيرة وصيت اصحابها سايد
يسابق الريح يرفع روس يحني روس

ترفع رؤس اليماني هيبة القايد
تحني رؤس المطبّع تقهر اللسلوس

الأمركة صيد والشعب الأبي صايد
والمرتزق والمنافق منكسر منحوس

#جميل_ابوقاسم

الله هو الحق ما جامل ولاحايد
ولاستركل خاين بيننا مدسوس

الامر لله والأرواح له عايد
هو العزيز ذي يعزا نفوس وذل نفوس

هو ايد الحق وخذل كيدمن كايد
وهو جعل شعبنا على اليهود كابوس

#صالح_النقيب

قلنا لهم فاتحين الباب للعايد
ولا رضيو وذلحينه في الكربوس

طبع الردي مايشوف الموقف السايد
ولا يرى العز منهو بلحذي مدعوس

مصايد الذل ماتوي عشا الصايد
والمصيده صيدها صيادها المنحوس

#الشاعر_متاش

بالله وحده وقف شعب اليمن صامد
وبالنبي وآل بيته داس الاعداء دوس

وافشل خططهم بفضل القاهر الواحد
حتى رجع حلفهم في حربنا منكوس

والجيش والأمن بالمرصاد والراصد
لكل خائن عميل ومرتزق مدسوس

#ابو_صماد_الفليتي

بفضل رب السماء والقائد الصاعد
دسنا على الطاغية والخاين الجاسوس

نفشل مشاريع حلف إبليس والكايد
واذيال أمريكية وانظامها المدسوس

احنا أولو بأس والإيـّمان متزايد
فينا وفي شعـبنا والعز والناموس

https://t.me/Poetsanalogous

تابع المجاراة بعنوان نعمة القيادة القرآنية والمسيرة والصورة الحقيقية للمرتزقه العملاء.

البداية #أبويوسف_القاري

لوما الله أهدا لنا بالسيد القايد
ان اليمن كلها جاسوس في جاسوس

وكان عفاش طبع قبل بن زايد
ولابقي لليمن عزه ولاناموس

وفي خلايا نتنياهو وجوبايد
شاهدعلى شرعية بيع الوطن بفلوس

#مختار_حمود_عبدالمغني

صيت المسيرة بكل الأرض متصاعد
وتحت راية علمها ننطلق وندوس

من كان لله متولي وله عابد
يهديه ربي ويفضح مرتزق مدسوس

وكل خاين مصيره بالفنا واعد
والصهينة والعمالة راسها منكوس

#ابو_وعدالله_هفج

الأمن بابطال صنعاء العاصمة سايد
وامننا بالعيون الساهرة ملمووس

بالجهد والعون بالله صادو الصايد
وكل جاسوس صبّح عندهم محبوس

واحنا مع اللـه جُنـد السيد القايد
على اللذي باع ارضه مثل ما الكابوس

#طه_الرازحي

خير النـعم نعـمة الانصار والقائد
والعز والحيريه والدين والناموس

الله جعلها جميعاً في بلد صامد
شعبه أشدا على الاعداء عزاز انفوس

وبينما أهل العــماله حالهم شاهد
سيّرهم اللوبي الموساد بالمعكوس

#ابوفتح_الاشول

علم وقايد تبنا الموقف الرايد
والشعب ساعد لأمن الواقع الملموس

الوعي في المرحله والموقف السايد
يقطّع أذناب في ارض الإبا المحروس

والخاين المرتزق ما له وطن عايد
يبقى على ذلته وهيانته محبوس

#عبدالغني_ضبعان

الله عالم بنية شعبنا الصامد
سخر لنا من يجنب شعبنا الهندوس

علم هدى هد عرش الطاغي الفاسد
وحطم ارقام نظام الخاين المنحوس

الله يعلي مقام السيد القايد
ويجعل النصر والتمكين له ملموس

#الشاعر_معمر_ابوسعيد

جهاز ومخابرات الراصد الراصد
بعين ماغمضت ولا ابصرت كابوس

يبدا بقطع القدم من بعدها الساعد
سواعد الامركه كمن خزاء قسقوس

ومن يخون الوطن مستورده فاسد
مايدري الا وهو في رقبته محبوس

#عبدالخالق_سدهان

والنفط ذي نحو الاعدا يسكب العايد
تلك الثعالب اتت في هيئة الطاووس

والله ما برتضي للظلم واحايد
بانتبع البدر رعب الكفر والكابوس

مادام رب السما هو حكمه السايد
دقدق على الغرب طبل الحرب والناقوس

#احمد_زيد

مادام وجهازنا صاحي ومتواجد
بالثانيه والدقيقه والعميل مدعوس

والعهد ياسيدي لوما بقا واحد
قريب ناتي بطارق لايدك محبوس

#أبوصخر_الجوحمي

اعظم نعم ربنا هي نعمة القايد
وضح لنا منهج الله القوي القدوس

منهج جلي يكشف الماكر مع الكايد
ويبين المفتري والباطل المدسوس

ابطل جواسيس سلمان والدعي زايد
واليوم يكشف ذيول الامركه ويدوس

#محمد_البريهي

شعب اليمن بال طه المصطفى قاصد
تحرير الأقصى وفي عين القوي محروس

يواجه أعداه بالصماد والراصد
وبالمجنح كذا والحاملات رؤوس

بصدق الايمان ما يخشى سوى الواحد
وسيدي سبط طه نعمة القدوس

#يوسف_الحداد

بالله والداخــــــليه الامان واجــــد.
دام الوطن بالعيون الساهرة محروس

الكف بالكف والساعد مع السعــــــــاد.
والنصر خارج وداخل والعدو منكوس

مِــآبّــآ ناسوم بغزه والله الشــــــــاهد
لو بانضحي معها بالدماء والــــــــروس

#ابتسام_شرف_المحطوري

الحس الامني لكيد الكايدين صايد
صنارته تخنق الخاين كما الكابوس

وكل ساكت ومتخـاذل وبيحايـد
يضاف لامزبلة الانذال في القاموس

البأس والعزم والإصرار له عايد
عيون تسهر تراقب دقة الناقوس

#علي_الشعيثي

نصر المسيره تجلا والحدث شاهد
وخاب جيش العدو والخاين المدسوس

كان العدو يحلم الصرخه وهو راقد
وحرب طوفان الاقصى فسر الكابوس

الله واحد ودينه والعلم واحد
والامن والجيش من فوق السما محروس

# أبوحــاتــم_عــكـــه

أشهدوربَّ السَّماوات العُلىٰ شــاهِــد
إنَّك قرأت الحدث والواقع الملموس

واللَّٰـهِ لــولا رحـمــنـا اللَّٰـهِ بالـقـائِـد
ماكان عشناأعِـزَّاءرافعين الــرُّوس

كلَّا ولا من كشفنا الخائن الـحـاقـد
ولاعرفنا العميل الـدَّانِـق المدسوس

#حرب_صعده

باعداد مــــــــانطرح الغازين فالزايد
الحمد لك يـــاعظيم الشان ياقدوس

اكرمتنا بـــا ابــــن طــه القايد الرايد
علم زمانه ذي اصــبح للعداء كابوس

واظهرت كمن منافق للهدى ا-محايد
مـنحوس فالآخره وابدنيته منحوس

#عبدالله_محسن_جحاف

معاذا الله يحكمنا بعد العزا ذا فاسد
تعودنا على قايد ولي ماهومن اليعبوس

يقول الخوف لمريكا ولسرائيل مش وارد
علم لمريك وسرائيل تحت اقدامنا مدعوس

وطنا اليوم على امريكا وذي في حلفها شارد
نقي طاهر وعنده أمن قوه يمشع المدسوس

#اتحاد_الشعراء_والمنشدين

https://t.me/Poetsanalogous

‏ذكرى الصرخة في وجه المستكبرين
واهمية المقاطعة الاقتصادية للبضائع الامريكية والاسرائيلية

البداية ‎#ضيف_الله_سلمان

صرخة صداها صاب الاعداء في نحورهم
(اشد من ضرب الرصاص الى صدورهم)
لها اثر كبير..
في واقع الامة شواهدها بلا حدود..

اعداءنا مهما تمادوا في غرورهم
بصرخة القران با نكسر ظهورهم
بقدرة القدير
با نمحي اسرائيل وامريكا من الوجود..

‎#ابو_رواسي_ارحب

(الله أكبر ) من  سياستهم. وزورهم
(الموت لأمريكا)  ونبرئ من شرورهم
قرارنا الأخير
(الموت لأسرائيل)و(واللعنه علئ اليهود)

(بالنصر للأسلام )با ننكل  جذورهم
وبانصل بشعارنا لاعقر دورهم
ياشعبنا النفير
لاكل ساحه غد لبوا صادق الوعود..

‎#الشاعر_ابويوسف_القاري

الله اكبر حددت آخر ظهورهم
والموت لامريكا بها اتوقف عبورهم.
وعثر المسير.
وبانت الاخبار باللعنه على اليهود

ذي حاربوها لاحقتهم لا قصورهم
تزهق مكايدهم وباطلهم وجورهم.
والله لهانصير
والدور قد هو عند بن زايد وبن سعود

عنوان المجاراة
#امريكا_وبريطانيا_وراء_كل_جريمة

البداية #ضيف_الله_سلمان

(لندن) و(واشنطن) رعاة المنكر
وقادة الاجرام وشهود الزور..

استهدفوا(مكة) بمستر (هنفر)
واستهدفوا(الاقصى) بمستر (بلفور)!!

اضاعوا (المله) بـ(دجال اعور)
واضلوا (الامة) بمفتي (عرعور)..!!

#نشوان_الغولي

احنا دخلنا في ولاية حيدر.
وانتو ولاية عبدربه منصور.

عرب عرب و افعالكم ما تذكر.
وكلكم في حكم الاسم المجرور

حكامكم ما اذل منهم و احقر.
ورتبة اكبر راس منهم طرطور.

#بسام_شانع

هولا يهود الله يرحم هتلر
ماجور في فعله وسعيه مشكور

وقبل وعد الاخرة وعد اغبر
بدايته طوفان من دير الزور

احنا كسرنا ظهر ايزنهاور
وانتو ركبتوا فوق ظهر الحنتور..

#محمد_الجرف

الصهيــنه والسعــوده في محور
لكن قريبا با يفور التنور

لن تقـهر ابطــال اليـــمن لن تُقــهر
وعاد قايدنا العـــلـــم بــــدر النور

واحــنا لابو جبريل جيش وعسكر
بانقتــحم اهل القـــبــاحه والـزور

#ردفان_الرقيمي

بعض المشـــايخ ما هو إلّا منبـــــــر
وباقي الحــــــاجات "خدمة جمهور"

تشتي حديث ?? أديت حبه سيــزر
وواحــــــده كيكه وواحـــــــد بربور

وإعرف يقل " قــــال النبي يا ابو ذر
(لا صاحبك مستـور فـ انته مستـور)

#أبومالك_الكوماني

استكبروا ف الأرض والله اكبر
وليه الغالب وحـزبه منصور

ف البحر سلطنا عليهم والبر
وكل غازي في ثرانا مقبور

انعم علينا بابن فاتح خيبر
من واجهه يضوي وظهره مكسور

#مهدي_مفلح

شب اللهب يا عم حتى يحمر
فوق المريكي والعميل الطرطور

واجعل وقوده من مجاميع الشر
لاما تفور الارض مثل التنور

اهل التامر والغوى والمنكر
واهل الجرايم ذي علينا بتدور

ضربة جزاء تنهي جموع المنكر
من شعب له في المكرمات اعظم دور

لاقام قام الموت فوق العسكر
ولا لحد في ردع ردعه مقدور

#يحيى_العطيف

اتكبرو في الارض والله اكبر
منهم ومن ذريهم والفسفور

ارسل لهم عبدالملك بالخنجر
خلى تحالفهم هباً منثور

نكل بهم في البحر والجو والبر
ماعدشي وجهه وماهي محظر

#أبورواسي_أرحب

أحنا علئ غزه بنينا محور
ينتج من الصاروخ لين الإمفور

والبحر بأقدم صنع هيلوكابتر
كُشف لنا الخافي وبان المستور

يوم إن به مليار مسلم وأكثر
يشتوا بذلتهم حليب العصفور

#محمد_الاخرم

قلنا يهودي وإن ســـجد واستغفر
قالوا قدة مفتي الحجيج المبرور

اليـــــهودة في لحيتة تتمحور
والصهينة رسُمت بعينية العور

عُصبة يهود إسلامهم مُستأجر
وكأنهم في جسم الأمة صنفور

#علي_محمد_المحاقري

الـوعـد وعـد الله قـل لـلـمـنــكـر
مـاهـوش وعد الصهينه او بلفور

جـــا وعــد اولاهــا بـيـد الاشـتـر
النور ذي مزّق فـجـور الـديـجـور

الشعب خلف ابن النبي ما اتـأخـر
والبحر اصبح من وعوده مسجور

#ابوحسين_رقبان

العـالم المــــغرور تحـــت المــجهر..
وارصاد يترصد نــوايا المـــــغرور..

في البحر الأحمر با يكون المحشر..
بالفرط صوتي با يقع نفخ الصور..

بزورق الـــطــــوفان با تتــــفـجر..
حروب منها النار تســــعر وتفـور..

#ابوحمزه_المقاش

ما عادها قصة تهامه مسوور
ولا قضية لا يهمك مشكور

صراع بين الخير وارباب الشر
في معركة بحر اليمان المسجور

واليوم نور الحق ف الكون اسفر
والقدس في حكم ابن طه مسروور

#الشاعر_علي_الغماري

ثار اليمن والشعب كله ثــــــوّر
واتكشف المستور والّا مستـور

قل للسعودي بس لايتــــــــهور
فالموت لهل الزور واتباع الزور

وثلاثي الشر العدو الأكـــــــبر
لابد يرضخ غصب عنه مجبور

#ناجي_محجري

لندن وواشنطن مفاتيح الشر
واهل الخليج الصم والعمي الدور

سلمان وابنه لليهودي عكسر
ذي دنسوا بيت الله اللي معمور

لكن معه جيش اليمن مايقهر
بفضل ربي يا يصابح مقهور

#ابوهادي_عقاب

جانا المريكي فوق ايزنهاور
وبعدها اسطول بحري مجرور

وجاء البريطاني وهو يتبختر
هو كلب امريكا العقور المسعور

جيش اليمن دق العنق والخنصر
خلى بوارجهم تروح مذعور

#ابوجهاد_صبر

للامركة والصهينة وعد اغبر
قادم بإذن الله يا حيد الطور

قل للبريطاني ورب الكوثر
ورب فاطر والمعارج والنور

لا نجعله عبرة لمن يتعبر
واحفظ كلامي يا زمن والمنشور

#ابو_مصطفى_الرضي

ثلاثي الشر اللعين الأخطر
أصبح نفوذه في يدينا محصور

والبحر الأبيض والمحيط والأحمر
مسجور وذراع المريكي مبتور

والفتح الأكبر يا(سديس) يا(صعتر)
في الصف والإسراء مؤكد مذكور

#ابوكنعان_الروس

في قدرة لله القوي نتفكر
ماقال فالتوبة والانفال والطور

والحمدلله ع النعم نتشكر
أهان على ايدينا تحالف مغرور

بحر الغوى والكبر بايتسكر
ويدخل العالم بجحر الصرصور

#ابوشهيد_القطمي

المنطقة با الهول كامل تسعر
و أدنى خطأ با يلقي العالم دور

و مثلما سبط النبي قد حذر
احنا لها قولوا لكمن مغرور

المرحلة كبرى و الاحداث أكبر
و من مسك با الله دايم منصور

#منصور_الحراسي

ذي أسس النصرة وسلح حفتر
هو الممول للكيان المسعور

ومن ردم بحر العرب والأحمر
نصرة للأقصى والقطاع المحصور

واللي يعارض فجر 7 أكتوبر
لا دين له لا عهد خائن مغرور

#الـكـرار_الـعـقـيـبـي

ادنى بشر في الارض وانذل واحقر..
مـشايخ التظـلـيل واعـلام الزور

خدام لامريكا اللعينه والشر
مثل(العريفي)(والسديس) الطرطور

ماشي لهم موقف مشرف يُذكر!!
رغم ان دم اطفال(غزه) مهدور

#ابوعبدالله_صالح_عنبل

سلمان للغدر اليهودي خنجر
في ظهر سادات الهدايه والنور

ما به بلد مسلم وما جره جر
من راس طنجه لا ضواحي لاهور

لو تبحثو عن منبعه والمصدر
لاتوجدو جده يهودي مفطور

ان ما جعلنا المملكه تتحرر
من سلطته ما شعب مسلم منصور

#الشاعر_ابويزن_الصيادي

قامت قيامتهم بشــــهر اكتــــوبر
في يوم يشبه يوم ينفخ فـ الصور

والسبت بالنســـبه لهم يـــوم اغبر
حرام مـــا بعده يرو يـــوم النـــــور

واكبر مصــــيبه ذاقها حلف الشــــر
خط الملاحه عن سفنهم محظــــور

#ضيف_الله_السويدي

لندن وواشنطن أمام المـجهَـر
أوضاعهم مثل الزجاج المكسور

لاعاد يتلحم ولا يـتسـبر
واهتانت الهـيبـة وضاع الديكور

ذي آمن ان الله وحده أكبر
أصبح لإيمانه شواهد وضهور

#الشاعر_متاش

ولى زمان الهيمنة واتبخر
أمام بأس الله ورجال (الطور)

قلوا ل(واشنطن)و(لندن) تفكر
ولاتغامر في المحيط المحظور

أمامها طوفان ناري صرصر
وكل بحر اصبح عليها مسجور

#جميل_ابوقاسم

لندن وامريكا الارهاب والشر
ارهابهم بيحور الاسلام ويدور

قد غلق المنفذ وصحك المعبر
واستخدم الارهاب كمن مئجور

من كان باامريكا ولندن يغتر
باينهزم ويسير مكسور مقهور

#أبوصخر_الجوحمي

امريك رأس الشر واصل المنكر
وانجلترا هو ذيلها والمجرور

كل الجرايم والفساد الاقذر
والقتل والتدمير في كل الدور

باموال بن سلمان وموقف زعتر
وتخاذل الاعراب عن هدي النور

#عماد_دايل_العماري

شفنا نواياكم بسبع اكتوبر
وتم كشف اشياء كانت مستور

كانو يقولو قوّتك ما تخسر
واحنا ردعناها ورجعة مكسور

بقوت الله العظيم الأكبر
باتهزم امريكا وتصبح مدحور

#طه_الرازحي

كل المصايب والبــلاوي والشر
من صعنة الحلف الثلاثي مجرور

هم من قتل وأهدر دماءُ ودمر
في كل موطن بالمبيد الفسفور

هاذه حقيقه واضحه ماينكر
غير العميل المرتزق والطرطور

#ضبيان_فرحان

واحنا وصلنا في لواء الاشتر
نجتثهم ونزيل كمن طرطور

وانعم بكمن حيدري في المحور
قد دوخ أمريكا بقايش ماطور

كمن مجاهد لا اقتحم او كبّر
يدعس على الابرامز كنه صرصور

#الشاعر_بشير_الشامي

(امريك) مثل (ابليس) امانه وادبر
اضنها في جسم الامه صنفور

طلبها (السيسي) وخبرة (صعتر)
لاعندهم ذمه ولاعد دستور

امة (رسول الله) منها تدمر
ماغير (ابو جبريل) جانا دكتور

#الشاعر_عزيز_البروي

عاثوا فساد ف البحر ايضآ والبر
واستهدفوا روح الرساله والنور

واخزاهم الله بامرهم للمنكر
وبكشفهم عن كل ماهو مستور

حتى اصبحوا واسلامهم ما يذكر
على طريق صهيون بإسم الدستور

#احمد_عبدالرحمن_الظمين

يا الشعب ذي مبداك مايتغير
ياسيف في يد ابن طه مشهور

نكست كبر العالم المستكبر
مشكور ياشعب الكرامة مشكور

يحق لك تفخر بنفسك تفخر
وبقائدك رمز الهداية والنور

#احمد_امين_الكبسي

في خدمة اسرائيل ما حد قصر
جابوا لها أقوى سلاح الفسفور

أمـريـك وبريطانيا أهـل الـشـر
مـن يـدّعـون الحريه والدستور

وأعــراب تـتـآمـر مـعَ مـن دمّـر
ترتص في صف اليهودي طابور

#عبدالقوي_البطل

قلو لبن سلمان يقرا الدفتر
حق الجرايم ذي عملها المدبور

لابُد مايشرب لضى كل الشر
من صدق ماهو من فعاله معذور

من بعد ماسيدي وعيني حذر
ياويله الويل لو دخل في المحذور

#عبدالمنعم_المتوكل

إيـمـان الأعــراب انـتـهـى واتـبـخـر
في سـبـعـة أكـتـوبـر وبان المستور

كـلً رفـض يـنـفـر مـعـانـا في الحر
واتـعـذروا لا كـن ولا احـد مـعـذور

يـا شـعبـي ارفـع صرخة الله أكبر
من يومنا لا يوم ينفخ في الصور

#_ابوفتح_الجرادي

صدّر يمنى الحــــر موقــــــف صدر
تُكتب حروفه في الكتاب المصدور

من ينضر الواقـع بوعــي اصتبصـر
ويثق بان الحــــق دايـــم منـصـور

واحنا لها في البحر والجو والبــــر
والموت لمريكا وحكـــام الجـــــور

#اسامة_المعباء

احنا بأمر المرتضى بن حيدر
سرنا وانتوا بأمر بابا سنفور

يا احقر بشر بين الخلايق تذكر
يالدابات الصم والبكم العور

زوالكم وعده من الله اغبر
وشعبنا الصامد بهاذا مأمور

ابواحمد_الغرباني

هم مثلب السوءة ثنائي الشر
ومنشأ الإرهاب والدكتاتور

انسانيتهم صاغها لص ابتر
مراعيه متطلبات الصرصور

ما الادمي دمّه بيدهم يهدر
الّا في المندب فدمهم مهدور

#ابو_يوسف_الشُّعوبي

(توني بلير) الكلب و(بوش الأصغر)
أرهابهم في كل دولة مذكور

ومن قبلهم (هاري ترومان) نذكر
وما فعل في (الساموراي) المغرور

هم صانعي الإرهاب وهم المصدر
ولليهود الكل طايع مأمور

#موسى_العمدي

ارعن شذوذ واخطرهم شر
أمريك وأسرائيل ودولة كافور

ألعن من أبتر ودجال أعور
وشيطان ماكر وساذج مسرور

كل الجرائم وما فيها ضر
هي من بدايات وعد البلفور

تابع المجاراة عن (يمن الايمان والحكمة والجهاد )

البداية #ضيف_الله_سلمان

يايمن في شموخه ما انحنى للعواصف
في سماه التقت امة ونهج وقيادة..

صرخته في السماء راصد ويافا وقاصف
جسدت قوة الموقف وصدق الارادة

#عزيز_الردماني

شعب الايمان والحكمه مع الحق واقف.
ما تعاما عن الباطل ولا اعلن حياده.

أمس واليوم تشهد له جميع المواقف.
شعب مؤمن ومتولي صدق في جهاده.

#ردفان_الرقيمي

شعب شامخ شموخ الشامخات النــوايف
في جــروحه فتح لـ اطفال غــزة عيــادة

حول قــايد علَم طـافت جميع الطــوايف
واستقامت معى السيــد تصون السيــادة

#ابوعلي_عبدالله_القاسمي

موقف المؤمن الصادق يوحد مواقف
والمواقف لنا في الحرب منهج وعاده

والقياده وراها شعب الإيمان واقف
في وقوفه صناعة مجد والا استعاده

#ماجد_رشدان

معرفتنا برب الكون جسر المعارف
عرفتنا طريق النصر عبر الشهاده

من دخل بحرنا يرجع قدالريق ناشف
وان رجع بر لا يحلم يروح بلاده

#زيد_الخراشي

جاري الشحن للتاريخ باعظم مواقف
يارجاجيل تتسابق لنيل الشهادة

يجعل العالم ادناها على رجل واقف
صاغها شعبنا داخل وخارج بلاده

#باسم_مساوى

جوك ياقدسنا الاشرف حماة الطوارف
رهن إشهارة أعز إنسان واعظم قياده

قلّ لصهيون ماشعبي من الموت خايف
مثل ما الحرب عاده عنده الموت عاده

امس بصمـوده وعــزمه أذل التـحالف
واصبح اليـوم يدي كل ملعون زاااااده

#عبد_القادر_داود

راعـي الأولـة يا اول بلد في المواقف
وقـفـتـك تثـني الـبـاغي و تقهر عناده

ما رفعت المصاحف يوم رفع المصاحف
بل رفعت الرؤوس و راسك أنته زيادة

#أبومالك_الكوماني

شعب مقدام في وجه الطواغيت واقف
مايساوم على دينه وعِـــــــزة بلادة

أرهق الحزم واسبيدس وكمن تحالف
واختياره طريق النصر والا الشهادة

#ابوعبدالله_صالح_عنبل

شعب من قوة ايمانه ثبت بالمواقف
وانطلق في سبيل الله يحيي جهاده

فأرعب الغرب و اتحدى ملوك الطوايف
في قوى الكيد و التضليل واصل حصاده

#عبدالله_الجرفي

شعب واقف مع غزه ولا زال واقف
بأسنا اشد من حرب الفنا والإباده

مثلما أمس طعفرنا البواخر شقادف
با ندعس خشوم الصهينه بالبياده

#مقبل_جرام

و الهزبر اليماني للطواغيت واقف
كلما اشتدت الهيجا يزيد اتقاده

من هدى الله والحكمة صنع كل ناسف
فالصناعات يتربع بعرش الريادة

#ناجي_القطيبي

يايمن في يده للحرب قاصف مناصف
موقفه جنب. غزّه يستحقّ الاشاده

قايده مابلغ مثله من الوصف واصف
قد زرع فى قلوب النّاس حبّ الشهاده

#رامي_السوداني

من مع الله والمختار ماعاش خايف
وال بيت النبي لناس قدوه وقاده

الله اكبر على الاعداء مّثيل القذايف
افشلت مكر واشطن وهددت فساده

#الكرار_المشراقي

شعب جبار لانـكـف كمالسـيل جـارف
لجل دينه والاقصى قام وسرج جواده

تحت راية حفيد الطهر سيد المواقف
بايواصل مع الله اليمن في جهاده

#ابو_صماد_الفليتي

اشـــهد انه امام الباغية والعواصـــّــــف
ما انحــنى في سبيل الله واصل جهادة

با التـوكل على الرحمن صد التحالـّــــف
وانطلق في رضى الباري لحفظ السيادة

#المنشد_مؤيد_التوهمي

قوة_الشعب تعجز ذي محلل وواصف
يكرمو الضيف والغازي يذرو رمادة

شعب الايمان ذي با الحق واقف وناصف
ساعةالحرب أما النصر ولا الشهادة

#أبوصخر_الجوحمي

شعب في نصرة الاسلام صدر مواقف
من بداية ظهور الدين لليوم عادة

شعب بالله مايخشى ولا يوم خايف
السبب شعب مؤمن والهدى والقيادة

#وسام_الحنش

المواقف سلف وحنا رجال المواقف
كل ما اتزايد التصعيد زدنا ارادة

وقع صرخاتنا مثل اللهب والقذايف
مسكتنا على حرب العبث والأبادة

#طه_الرازحي

يشهد الله مابه مـثلـك الـيـوم واقـف
جنب غزة سوى المحــور وقله زيادة

موقفـك في صدارة مطلقين المواقف
موقف إسناد متكامل حري بالاشادة

#ابوحرب_مشحم_صعده

اشهد ان موقفك لن يوصفه أي واصف
واشهد انك لغزه واهل غزه عياده

لك سلامي عدد ما خاب جيش التحالف
ياديار المعالي والشرف والسياده

#ماجد_المطري

عاش شعب الحضاره والشرف والمواقف
عـــاش درع القضيـــه والسـلاح وزنــاده

خلف قايـــد محنَّـك مرَّغ انف التحــالف
مايهـاب المعـــــــارك نصــر والا شهـــاده

#الشاعر_متاش

ياالحصون المنيعة والجبال النوايف
شعبنا في سبيل الله شامخ زيادة

لو تحالف عليه الكون ماهو بخايف
كل هذا بفضل الله ثم القيادة

#عبدالوهاب_الفقيه

الكيان المؤقت اصبح اليوم خايف
ماتحقق في الاقصى وغزه مراده

واليمن بايخذ ثار العول والمكالف
من قوى الشر ذي شنت حروب الاباده

#علي_الوزير

رغم قسوة ظروفه هب ماقال اسف
لاهل غزه ولا اعلن مثل غيره حياده

بل فداها بمايملك وسـطر مـواقـف
مامعه قصد غيرالنصر والا الشهاده

#ابورفيق_الحدم

هامته شامخه باالعز في راس نايف
ماانحنت غير للباري وصفوة عبادة

من مضى في المسار الصح انسان عارف
مده الله من فضلة مقابل جهادة

المجاراة عن العدوان الاسرائيلي على #لبنان

البداية للشاعر #جبر_المسعدي

في طريق القدس بالدم سجل يازمن
ان نصر الله غالب وحزبه غالبون

واليمن كل اليمن جيش للسيد حسن
قوم(لاخوفٌ عليهم ولاهم يحزنون )

والشهاده عز والعز ماشي له ثمن
من عرفها (قال ياليت قومي يعلمون )

#ضيف_الله_سلمان

عزم صنعاء مثل بيروت دايم ما وهن
تبشر اسرائيل بالموت الاحمر والمنون

والنفس ياقدس قد لاح من ارض اليمن
والمنايا قادمة والاشداء قادمون..

والمواقف والحقايق تجلت للعلن
كم تأكد مسلمون ان ماهم مسلمون!!

#أبورواسي_أرحب

والقسم يالغرب ماعذر من دفع الثمن
ثار بالمربوع من مال خيبر والبنون

ياحسن نصر الله أبشر ونعلنها علن
عاد في ضهرك ملايين حمران العيون

عهد لومازد بقا مننا إلا أبوكنن
إننا وياك  واحد نكون أولا نكون

#ابوجابر_صبره

زمرة اسرائيل قال التهامي (ودفن)
ودها تنجى وتبقى وهذا لن يكون

ومحور الوعد الإلهي أتى يثبت سنن
تجعله في حالة (إني أرى ما لاترون)

وانتهى سمن البقر بعد ماجف اللبن
واصبح الراعي بلا فيتمين ولا دهون

#محمد_الاخرم

ماخــــــــضعنا للطواغيت كلا والف لن
عهد يابيروت لا نسقي الخصم المنون

دمنّاء واحــــد وبا ننهي المجرم معاً
ومثلما صنعاء وبيروت غزة ماتهون

والقــــسم لا يــدفع اللوبي المجرم ثمن
ومن مع إسرائيل والغرب بكرة يندمون

#أمين_العملسي

الله اكبر والله اقوا وحن به نستعن
وحده الجبار سبحانه وفيه الركون

واليمن لبنان تبقا ولبنان اليمن
صف واحد كلنا يانكون اولانكون

نذر لاماجا للكيان اليهودي يوم جن
وانعجن والافماحن حمران العيون

#مانع_البوساني

با نقاتل شلة الشرك عُباد الوثن
لا تراجع لو نضلي نحاربهم قرون

حرب لوما زد بقي حد ولا يبقئ سكن
شعب الايمان الأبي ما يخيِِّب للضنون

كلنا في صف واحد ونعلنها علن
نفدي الاقصئ وغزه بالاموال والبنون

#ابوشاكر_المضماري

سيدي عبد الملك رزح للسيدحسن
واليمن لبنان والكل حمران العيون

في ابتغاء القوم لا ضعف فينا لا وهن
وان تألمنا فهم مثل ما احنا يألمون

بلغو غزه وبيروت تبشر باليمن
والله انا جيش محور علي ذي ما يهون

#ابو_غسان_الحدي

اليمن لبنان والضاحيه صنعاء اليمن.
صف واحد صفنا صف كل المؤمنون

القضيه قدس وارض العرب كامل وطن.
وسعوها حرب شعوا نكون او لانكون.

ياعبيده من خذل قال جاهد بالسنن.
والوفي من دك صهيون والمتصهينون

#ناجي_القطيبي

قل لبوهادي وحزب الله ان اهل اليمن
جنبكم. في. معركة يانكون اولانكون

كلناّ اخوه. اشقّا. ويجمعنا. وطن
الكرامه ساكنه في قلاعه. والحصون

من رما. بيروت بالطايره والميم. ون
بايجيه الرّد من. عند. حمران العيون

#فارس_المعزبي

شعبنا حامـل سلاحه ولابس للكفـن
جنب حزب الله واقف وبالله الركون

العدو واحد ومسئول عن كل الفتن
باليمن والشام والقُدس محراب السكون

قد عرفنا حجم راسه" وكم وزنه يِزَن
هو فقط يخرُط ويكذب ويلعب بالدقون

‌‌‎#عبد_القادر_داود

الـيـمـن ، لبنان و العــكس لبنان اليمن
حالـنـا و الخصم واحد و غزة ما تهون

يا الكيان المغتصب لا و لن يمكن و لن
نتركك تضرب و تهرب و تلعب ع الدقون

يا بـها و الا عليها ، على الله الركن
ويا انت يا احنا بينها يا نكون او لا تكون

#ابوشهيد_القطمي

با نخوض الفاصلة لا تراجع لا وهن
لعن ابوة من في قتال اليهودية يهون

وصلوا للضاحية عهد صادق مؤتمن
ما نفرط با اهل غزة ولا يمكن نخون

ما يمثلنا عميل او مطبّع مرتهن
كلنا في المعركة يا نكون اولا نكون

#علي_الشعيثي

ياجنود المسكنة والمذلة والوهن
ابشرو بالموت من يد حمران العيون

رد صنعاء بايلبسكم اثواب الحزن
ثار للميناء ولبنان درعي و الحصون

والقضية ذي عليها دخلنا في الفتن
في طريق العز اما نكون او لانكون

#محمد_البريهي

محور الأقصى ولبنان والأم اليمن
والعراق الحر واحد ومهما با يكون

رافعين شعار هيهات ذلة للهين
في خطى المختار طه وآله سائرون

والقسم بالله مايوم نرجع لا ولن
عن قضيتنا وفي كل لحظة حاضرون

#سليم_نشــــوان

ياحسن نصرالله انت الأمين المؤتمن
للمبادي والقيّم مايبيع ومايخوون

قاد حزب الله ابطال مافيهم وهـّن
ذي سقوا صهيون في المعركه كاس المنون

اليمن رهن الاشاره معك واقف علن
كتف جنب الكتف اما نكون اولا نكون

#ابوكنعان_الروس

اليمن لبنان ولبنان يا مجانين اليمن
في الميادين والمتارس والحصون

الجسد والراس صنعاء والمشاعر والبدن
والفؤاد والنبض لبنان يا يمنا والعيون

الوطن ثم الوطن ثم الوطن يااغلا وطن
ما نبيع الدين حاشاء والنبي مهما يكون

#ابوجهاد_صبر

اليمن لبنان واحد ولبنان اليمن
ياسبيل الله يا (خير مما يجمعون)

لا قلق لا خوف لا ضعف فينا لا وهن
لجل غزة ما نكيل او نميل وما نهون

بانخوض اعتئ الشدايد ونتجاز المحن
ونلعن الكفار من وحي (كانوا يتعدون)

#ابوميثم_الزراع

الف لبيك حزب الله من شعب اليمن
يانكون من جنودك أو إلا لا نكون

كلنا جسم والحزب هو راس البدن
والذي عس شعرة نِقَـلّــع له عيون

من تعدا على لبنان بايدفع ثمن
باهض السعر ياويل اليهود المعتدون

#علي_محمد_المحاقري

القضاء من جنس الاعمال ياصحاب العفن
والـذي يـريـده الـبـاري وحـده بـا يـكـــون

لاتـراجـــع يـازمـــن لا تـخـــاذل لا وهــــن
يابني صهيون صـنـعـاء وبيروت ثـابـتـون

اليمن لـبـنـان ولـبـنـان فـي قـلـب الـيـمــن
عـزنـا بـالـلـه ومـن هـان نـفـسـه بـا يـهـون

#ابوهادي_عقاب

يايهودي حان وقتك يجب دفع الثمن
كم تماديتوا وفالارض دايم تفسدون

غزه وبيروت هم والحديده فاليمن
ثارهم لازم يكن رد لا بين العيون

اليمن والشام واحد وطه من زمن
قد دعاء دعوه لهم باتوفق ماتهون

#الشاعر_ياسر_الجرادي

كبّرَت صنعا وبيروت قالت لا وهن
معركتنا مفصليّه نكون او لا نكون

قل لصهيون انتهى الصفع ذي دق الوجن
وانتقلنا اليوم لا معركة قلع العيون

حسب ما مذكور في وعد ربي والسنن
بايكون الفتح وندك خيبر والحصون

#جميل_ابوقاسم

اليمن لبنان هم روح واحد في بدن
اتحدنا وعتدينا على الي يعتدون

ماسمحنا اوخظعنا لعباد الوثن
ريت والإعراب بهل المواقف يقتدون

مارضينا ان الاقصى يهينوه الهين
افهمونا وان ماشي قسم لاتندمون

#احمد_عبدالرحمن_الظمين

قصف بيروت الكريمة نتيجة للوهن
والفشل والضعف ذي باليهودي والجنون

والقلق والخوف ذي باليهودي والمحن
بعد ماصبح تحت نيران حمران العيون

بالعراق وغزة التضحية وارض اليمن
ولبنان المقبرة لليهود المعتدون

#ابو_محمد_دحان

في طريق القدس دسنا المخاطر والمحن
ذي قضاء نحبه وذي عاد منا ناظرون

كلنا محور موحد ونعلنها علن
صف كالبنيان نقطع رقاب (الكافرون)

كلنا (لبنان) يبشر بنا (السيد حسن)
في سبيل الله وقت الشدايد حاضرون

#احمد_صالح_ابوصريمة

اليمن في خط نصر القضيه دايمن
والقضيه ساكنه في الجوارح والعيون

والمنايا السود وابل صواريخ اليمن
والمسير با تخذهم (وهم لا يشعرون)

#الشاعر_خالد_البصيري

في جسد واحد معآ مثل الاعضاء في بدن
عضو منه لا اشتكى فالبقيه يسهرون

مثل ما البنيان مرصوص في وجه النتن
نردع الباغي ونسقيه كاسات المنون

لاتهدد ماانت قادر على دفع الثمن
بيننا الوعد الالهي إذا جا قادمون

فضلاً وليس امراً
اشتركوا في قناة الشاعر المجاهد ابو صماد الفليتي
https://t.me/abwSmadalflit

بانحتفل بـا النبي ونقدس الذكرى
ونجعله يوم ميلاده هو اكبر عيد

طه رسول الهدى والنور والبشرى
وصاحب العدل والاحسان والتوحيد

جانا من الله رحمة نابعه كبرى
للدين ولـ أمة الإسلام بـا التحديد

#ابو_صماد_الفليتي
https://t.me/abwSmadalflit

المجاراة تضامنا مع #حزب_الله في مواجهة الكيان الصهيوني

البداية للشاعر #محمد_التركي_الهلالي

بـســم الـلّـه الـرحــمــن ربـي قـــالـهـا
الوعد ( وعـد الاخــره ) يا مسـلـمـيـن

إمـــا لــهــا والاَّ عـــلــى غـــربـــالــهــا
ثـنـتـيـن والـخِـيـره لـكـم دنـيـا وديـن

الــيـوم لا عــاصـــم وقــولــة مـا لـهـا
الـيوم يـوم الحـسـم يا الله يا مـعيـن

#ضيف_الله_سلمان

باندعس اسرائيل هي واذيالها
ومن وقف معها من المتصهينين..

والحرب حرب احنا لها واحنا لها
لبيك نصر الله يا ليث العرين

بقوة الله با نخوض اهوالها
واحنا بربي جل شانه واثقين..

#زيد_الخراشي

والقافله سيدي حسن جمالها
ماسك الى الاقصى رسنها باليمين

قضية الاقصى وصل حلالها
لبيك يا اقصى رغم صمت الاخرين

#فارس_المعزبي

ياحزب لبنانـي جمعت ابطالها
واخترت ابو هادي لمشوارك أمين

ابشـر نشيـل الجايرة واثقالهــا
عنّك وعن لبنان والقُدس الحزين

ونجـزي الضربـة بعشــر امثالهـا
ونواجه امريكا وصهيون اجمعين

#أحمد_الخاشب

شعب اليمن بعد ابن طه قالها
هيهات نتراجع عن الحق المبين

احنا مع لبنان حي ابطالها
ومع فلسطين الكرامة ثابتين

با نجعل اسرائيل تلعن فالها
لا يوم مهلكها، ووعد الحر دين

#الحمزة_المغربي

من حال لبنان اليمــن واحــوالها
ومعركتـنـا واحـدة طول السنين

والسيد القائــد بـنــفـســه قالـهــا
اليوم "لستم وحدكم" يا مؤمنين

الضاحــية مـــا خاب مرة فالـهــا
وحزبهــا الغالــب له النصر المبين.

#محمد_ابوالعز

شعب اليمن واقف مع ابطالها
اسود #حزب_الله حامين العرين

هم رعب اسرائيل هم زلزالها
هم نصر للاسلام والدرع الحصين

و ما يعاديهم سوا ارذالها
ذي للكرامه و العروبه فاقدين

#اشرف_الحسني

بـاتـنـتصر لـبـنـان هـــي وارجـالـها
مــادام نـصـر الله قـايدها الامـين

اســـرج خـيـول الـعـز يــا خـيـالها
وفـــي سـبـيل الله بالله اسـتـعين

وأخـــذ بــثـأر اطـفـالـنا واطـفـالها
والـوعد وعـد الله بـالنصر الـمبين

‌‌‎#ابواياد_المطري

لا حل للغدة سوى استئصالها
مابه سلام مع اليهود المجرمين

غزه تعاني ما رحم حد حالها
لعنه على كل الشعوب الساكتين

واحنا لها بارواحنا نفدا لها
نأتي لها بالنصر والفتح المبين

#ضيف_الله_هجوان

ارض اليمن قد اخرجت اثقالها
ولابد من يوم النقا لو بعدحين

يوم المواقف بايبين رجالها
واحنا لها والعاقبة للمتقين

عبد الملك لاقال كلمه قالها
والنصر وعد الله في دنيا ودين

#هادي_حسين_الرزامي

السيد القايد يطمن حالها
غزه ولبنان ابشروا يامؤمنين

الحال واحد حالنا من حالها
جهاد اسرائيل والمستكبرين

سيد يترجم قولها بفعالها
وشعب يتولى إله العالمين

#ابوجهاد_صبر

الامركة خابت جميع آمالها
من يوم برز قُدامها سيدي حسين..

والصهينة ذي ما خطر في بالها
اليوم تخطر بغتته في كل حين..

ياشعب لبنان اليمن وارجالها
فـ مواجهة لـ اعداء معك متضامنين..

#حيدر_الشرادي

افضل علاج (الغدة) استئصالها.
واحنا على ذا النهج لايمكن نلين.

تبشر بنا لبنان هي وابطالها.
ويبشر السيد حسن والمؤمنين.

احنا اليمن لاقال كلمة قالها.
الدم فاير والقبايل جاهزين

#ابوحمزة_المقاش

الـنـصـر بـرقـه لاح حـول جـبالـهـا
والتضحيه عنوانـنـا في كـل حين

بـا نـتّـحـد ونـدوس فـوق ارتـالـهـا
ونـواري اسـرائيـل والـنـتـن اللـعـيـن

وبـا نـقـطّـع في الـيهـود اوصـالـهـا
مـا دام والاسلام في الـكـف الامين...

#محمد_خالد_الخدري

عـالـمـيه تنـتـعـث واحـنا لـهـا
والحزب والأنصار بالله واثقين

كتف العزيمه كل حمله شالها
مانسـتكين ولا نـذل ولا نهـين

لبنـان قـوه لانتـفـض زلزالـها
يقلب شمال الكون كله لايمين

#ابوناصر_البيضاء

قد با تزيغ الصهينه باعمالها
فلا جرايمها توارينا نلين

بصف واحد با ندك ارتالها
وبا يساقو لا جهنم داخرين

وبا نجازيها بنفس أفعالها
وبا نصل للقدس بالعلم اليقين

#حمزه_الديلمي

اوضــاع الامــه هـكـذا يـرثـا لـها
يا اهل التعازي لا تضلّوا ساكتين

نـمد ابـو هـادي يـخوض اهوالها
لامّـا نـصبّحهم صـباح الـمسبتين

وين الـبـنادق شــغّـلـوا مــوّالــهــا
وباغتوهم عن شمال وعن يمين

#الكرار_المشراقي

نــهاية اسرائيل واستأصالها
قريب بأذن اللـه رب العالمين

على يدي محور موحد جالها
اليوم لاعاصم لكل الـظالمين

باننسف اسرائيل هي وذيالها
ونحرر الاقصى من المتصهينين

#ابو_ربيش_الجدوحي_الدهمي

ارض اليمن منهو يباء امه جالها
واحنا لها رهن الإشارة جاهزين

واحنا رجال المعركة وابطالها
انصار ربي نصرة المستضعفين

والصهينه ذاقت وبال اعمالها
على يدين احفاد خير المرسلين

#محمد_البريهي

الله أمهلها زمن واملى لها
وحان تنكيله بكل الظالمين

واليوم وعد الله في إذلالها
نشاهده ظاهر بأيدي المؤمنين

برجال حزب الله وغزة طالها
وجند ابو جبريل والسيد حسين

#علي_الوزير

الـصفـوة اللي مـستحـيل اذلالها
لبـنان والـسيد حسن والمؤمنـين

الـلـه مـعـهـم واليـمـن وابـطـالـها
اقرب من شمال المقاوم لليمـيـن

لـومـاغـزتـنا الـصـهينـة جـينـالـها
بالموت لاحمر لي نعده من سنين

#امين_الراجحي

لبنان عزتها ب عز ارجالها
وعزة الاقصى سيوف الفاتحين

قلو لامريكا تجهز حالها
يهودها قد بايولو مدبرين

والصهينه تقطب تشد رحالها
عزم اليماني با يدك المجرمين

#ابوكنعان_الروس

ملعون من يقبل ومن يرضى لها
وكل من طبع ووالى المشركين

تحيا جنوب لبنان وقايدها مع أبطالها
رجال ربي ناصرو المستضعفين

وقادة الاعراب ناطل للاسف سروالها
وباعو انفسهم رخيصة من سنين

#ابو_قيس_نخره

النصر في كلمه وربي قالها
ولا توليناه نبقا الغالبين

خيل الوغا سيدي حسن خيالها
وذي فقار الجد فالكف اليمين .

واحنا معه نطوي بعيد اميالها
بالفرط ضوئي نوصله في لحظتين

#طه_الرازحي

لبنان قـوة مــن عــزوم ارجـالهـا
مابا تـــهــون وتـنـحـني ولّا تلين

الله والشـعــب الـيـمـاني حولها
واحرار الامه حولها متـضامنـين

في مــعـركة ضــد الكيان أهولها
تستأصله من أرض أولا القبلتين

#اسامة_المعباء

صهيون وامــــــــــــريكان با ناتي لها
بالمـــــــوت الأزول والفنى يامؤمنين

واحنــــــــــا مع "لبنان" هي وابطالها
واحنــــــا مع الأقصى واولى القبلتين

جــــــــاري دكوك اليـــــهودة واذيالها
"يالضاحية" يا"خان يونس" يا"جنين"

#صقر_سبحان

صهيون وامريكا اللعينة حالها
مثل الذي بايديه يحفر له كمين

ولكثر طغواها وسوء أفعالها
الله يقربِّها إلى ايدي المؤمنين

وبقدرته خابت جميع آمالها
وارادنا الباري لهيبتها نهين

‏مــا ذل مــــن ربــنـا عـــزه
وزبـدة الـقـول بـالـتفصيل

الـحــر واقـــف مـــع غــزة
والعبد واقـف مـع اسرائيل
.
‎#أمين_الجوفي
‎#يحيى_السنوار
‎#ابو_عبيدة

المجاراة عن أستشهاد القائد العظيم #يحيى_السنوار

البداية #ضيف_الله_سلمان

الله يعظم اجرنا في القايد السنوار
واجر السرايا والكتايب..

وأجر غزة واجر ابو جبريل والانصار
وكل فرسان الحرايب..

نال الخلود وفي يمينه سيفه البتار
كالليث يتحدى النوايب..

وداس باقدامه على هامات الاستكبار
وفي يد الله العواقب..

وعانق السيد حسن في جنة الابرار
دار المعالي والمراتب

#أحمد_درهم

اظن قد هي فاصلة باذن الله الجبار
ويعود للغرب الأجانب

ونهاية ايام الكيان الغاصب المنهار
فا آخر رجب تلقى العجايب

واهل النفاق مع اليهود اتقاسموا لادوار..
ونسيوا ان الله غالب..

هذا النبأ والحبل والغارب على الجرار
والنصر آتي يامراقب

#جـمال_عــوضه

انا اشهد انه كان قائد حيدري كرار
شجااااع سنوار المهايب

قد لطخ اوجاه العروبه بالف وصمة عااار
قوم العجايب والغرايب

يابو براهيم نلت فوزك في خطوط النااار
من غدر متصهين وعااايب

مثل الأسد في هيبتك يامفخر الثوار
اسقيتهم حوم الذوايب

وبعدك المحور تهيج بايأخذ بالثأر
وشور ابو جبريل صايب

قوله يسابق له فعاله وقت الاستنفار
خل العدوا مذعور هاااارب

#همدان_حجي

يهناك فوزك بالشــهاده عالي المقدار
يالقائد الشـــهم المحارب

بالثار ياسنــــــــوار باناخذ بكل الثار
من الطـــغاة وكل غاصب

وبانواصل في خطاك وتالي المشوار
ومن تراجــــع كلب عايب

ما باتهدينا العواصف لو نطير اعشار
لو تُنسف السبع السحايب

احرار بانبقى إلى يوم النشور احرار
لو ما بقــت لحية وشارب

#فارس_المعزبي

الليله المحور توزَّع في خطوط النار
وهامته فوق الكواكب

وشعبنا المغوار في تصعيد واستنفار
وعارف الوقت المناسب

يا القايد السنوار من بعدك رجال احرار
وكمِّن احمر عين غاضب

ابشر بما يرضيك" والساكت عليه العار
حتى يجي ضمن المواكب

والله ثم والله ثم والله " إن الثار
امسى على الإسلام واجب

#حمزة_الحيمي

و{لا يغرنّك تقلٌب} أحقر الكفار
في شرقها او في المغارب

متاعهم فيها قليل ولا عذاب النار
ولسنة الباري تعاقب

اما دماء المؤمنين الخُلّص الأطهار
للنصر والعزه ضرايب

من بعدها وين انت ياتصعيد واستنفار
الألويه قـال الكـتايب

#أبوصياد_الغمري

فقد الرجاجيل العظيمة مثلما السنوار
قال الحسين اكبر مصايب

ننعيك بالكلمات والقيفـــــان والاشعار
ونعي مثلك فرض واجب

يابوبراهيم انت تـــــــاج ورمز للاحرار
مازلت حي ولست غايب

جاهدت الاعداءواصطفاك الخالق الجبار
في يوم عجات الحرايب

#ابوجهاد_صبر

الحرب بين المسلمين اليوم والكفار
وشور غزة شور صائب

جهاد وعد الآخرة جا يا اؤلوا الأبصار
ماعاد به شي في غياهب

الموت للإسرائيل قادم كل من له ثأر
با يآخذه والأمر واجب

لا استشهد السنوار قادة محور الاحرار
سنواريون الكل حاسب

ياكل متخاذل ومتصهين غبي مكار
العز ما يرقاه خايب

#أبوصخر_الجوحمي

يهناك يايحيى ضيافة ربنا الجبار
بجوار طه وابن طالب

اعظم شهاده نلتها يالقايد السنوار
في داخل الجبهه محارب

قاتل يهود الشر في الميدان كالكرار
مقدام مايخشى العواقب

مهندس الطوفان مرعب زمرة الاشرار
رغم الأسى رغم التكالب

#جميل_ابوقاسم

استشهدالسنوارقايدكل الاحرار
وهوه على غزةمناوب

الله يعظم اجرالاقصى والبلدوالدار
واجراهله والقرايب

قايدحمادينه وارضه باالحديدوالنار
خلى العدومذلول هارب

بعده رجال الله قادم لجل اخذالثار
تقتص من كافروعايب

#ابو_مصطفى_الرضي

دماء حسين مران ونصر الله والسنوار
وأرواح وآلاف المواكب

قل لليهود لن توقِف المحور ولن ينهار
رغم التخاذل والتكالب

معاك ابو جبريل يا حامل لواء الكرار
في نهج طه وابن طالب

شعب اليمن با يسند الطوفان بالإعصار
بسلاح في طور التجارب

واليك يامسرى النبي بانكمل المشوار
ونقتحم من كل جانب

#محمد_البريهي

نال الكرامة والشرف بالمعركة كرار
بدرب الاعلام النجايب

سطر ملاحم في مسار السادة الأطهار
وللحدث دايم مواكب

ما كان متخبي ورى الأسرى ولا فرار
يا كل متصهين وعايب

وكلما يسقط أسد منا نزيد إصرار
والعز يشتي له ضرايب

وكل صهيوني وأذنابه ملوك العار
لعنة عليهم والأبايب

#ابوكنعان_الروس

في جنة الفردوس يايحيى ونعم الدار
جار النبي سيد الحبايب

عزة حمية مرجلة ينصب له التذكار
قايد ولا اسماعيل نايب

ولعنة التاريخ عليكم ياعرب والعار
تعور بكم سنة وصايب

حنيت حنين الرعد موجوع بالذي قد صار
وفرقة القادة غلايب

#ابوحمزة_المقاش

الصبر في درب العناء يا بـدرنـا المغوار
في معركـة رايـح وآيـب

لا استشهد السنوار ركن الدين لن ينهار
وراي الاسـتـشـهـاد صـايـب

جوار ابوهادي مكانـك انـت يـا السنوار
والله يجنبنا الـمصـايب

قـاداتـنـا واحـنـا فـدی يـا غـزة الاحـرار
والملتقی والقلب ذايـب

مهما يزيد البغي والاجرام
سيل الدماء با يجرف الباغين

احنا بصف الحق ما ننضام
يا ذي بصف الكفر مصتفين

جنب الكبار الشامتين اقزام
اعراب مذلولين منحطين

ذي هم بصف الكفر والحاخام
هم نفسهم في معركة صفين

#ابوحيدر_الراشدي

شهــادة القــــــــــاده، الاعلام
مفتــاح للنصــــــــر والتمكين

و«هاشم» الشــــاجع المقدام
على خطــى كربــلا واحسين

وكل ما غـــــــاب واحــد قام
بداله اكثــــــــر مــن العشرين

يا ويل صهيـــــــون والاقزام
من بطش قوم الهدى والدين

#علي_الشعيثي

قد لليهودي سنه مانام
يبني على نفسة التحصين

مختاف من موعد العلام
ذي بشر القدس وفلسطين

لابد مايقرح الملطام
في صابر الكفر والتدجين

على يد القادة الاعلام
جيش الحسن وابن بدرالدين

#ابو_ميثم_الزراع

جنب القيادة مع الأعلام
هيهات نرجع وراء ونلين

يسقط بطل يخلفه ضرغام
والفين #هاشم_صفي_الدين

لابد من تضحية وإقدام
والا فلا نصر او تمكين

والحجم للنصر هذا العام
بِقَدر ما ضَـحّــــوا الوافين

#عبدالقوي_البطل

يستشهد القادة الأعلام
هذا هو الإصطفى في حين

في الجانب الآخر الحكام
بيطبعوا للمريكيين

وهم في عيون اليهود أقزام
وفي كل الأحوال ملعونين

مايفلح إلا سوى من قام
وجاهد مع الله بكل يقين

#حافظ_ابوراس_جعمان

شمـوخ هـامة جبل سليام
فـ رجال لبنان وفلسـطـين

ذي يفرضو عزة الإسـلام
بتضحـيـات الفـدائيـين

الله يمـد اليمن والشـام
بالصبـر بعـد ارتقا الغالين

#ابوحرب_مشحم

نقسم بمن انزل الأنعام
والرعد والتوبة وياسين

الواحد القاهر العلّام
اللي خلق خلقه ا_من الطين

فـ الأرض. لو تنطق الأصنام
مانترك اكيان بنيامين

وامحال ياقدسنا تنظام
وانصار طه النبي حيين

#مجدالدين_البدري

قدام يا امة الاسلام
للقدس بالتضحيه ماضين

لو راحو القادة الاعلام
جايين قل العدو جايين

يهناهم الفضل والكرام
وحنا على دربهم باقين

محور على ساير الايام
لابد مانهزم الطاغين

#الشاعر_عبدالرزاق_ذياب

قُدام مـــــنهاجنا قُدام
يالعنبو من رجع شبرين

مع القــــيادات والإعلام
جايين ياقدسنا جاييـــن

لن يفلح الغرب والاقزام
من بعد هاشم صفي الدين

والعهد باقي مدا الاعوام
والنصر لاسلامنا والدين

#طه_الرازحي

على خطى القادة الأعلام
انصار طه النبي ماضيــن

مهما يكن مسـتـوى الألآم
اعزوم مايعـتــريها اللـيـن

قـدام والـمــعــركـة قـدام
لبيه للقدس وافلسـطـيـن

مـادام والـنصـر للإســلام
اعــداه لاشـــك مغلـوبين

#سياف_الضبيبي

على خُطى القادة الاعلام
كمن اسد كمن احمر عين

من بأســهم تكتب الاقلام
كلمه تشق الـعدو نصفين

لا مسرحيـات او افــــلام
ولا تصــــــــاريح مـرتدين

لاخوف او ذل واستسلام
من قبـل والان او بعديـن

ياعز مـــن ينصر الاسـلام
يفوز دنيــــــا ويوم الـدين

#الشاعر_ابوصالح_الحربي

رغم المعانات والالام
با نفني وننهي الطاغين

والله ما نقبل استسلام
واحنا رجال العلم وافين

الويل يا شلة الاجرام
من بأس جند ابن بدر الدين

نقضي على الكفر بالاعدام
نبدع بـ "غالينت" و"بلنكين"

والثار باقي في الصمام
با ناخذه غير مرتابين

#بشير_سفيان

ياشعب حان النفير العام
أن الاون حرروا فلسطين

في الضاحية نلتقي والشام
لزم نعيد معركه حطين

نأخذ بثأر. الأمين. العام
وبثأر هاشم صفي الدين

#الكرار_السواري

شفتو المشاهد على الاعلام
فين الهويه قلو لي فين..

مشهد يماني كما الافلام
وقائدة ابن بدر الدين...

ذي حاسب الكفر والحكام
وحط غزة بوسط العين...

وساند الحزب والقسام...
وارسل صواريخ لفلسطين

#ابو_هادي_الغمري

احرارنا حطمت الاصنام
ذي في قلوب السعوديين

وتابعت نهجها قدام
في درب عبد الملك وحسين

ودرب حزب الله والقسام
ومقاومتنا العراقيين

لا للتراجع والاستلام
لا للتعب والوهن واللين

لو جيش صهيون بالارقام
تعداد سكان ارض الصين

#ابتسام_شرف_المحطوري

على خطى القاده الاعلام
في صف واحد ليسمو الدين..

ارجالنا هم عظام كرام
لداعي الله مصطفين

ويهناه هاشم بارقى وسام
مع حسن والشهيد حسين

في (جنة الخلد) و(العلام)
يعطي لأبطال متولين..!!

هزّ الجبل وأشعل عليها النيران
وكل مؤمن شد قوة عزمه

في روحها تحمل اصول الاحسان
و في يديها للمنافق رجمة

#أبوصخر_الجوحمي

صوره تعبر عن عظيم الاحسان
رغم الصغر ربي منحها حكمه

وين المشاعر من قمر والوجدان
وين العروبه والاباء والرحمه

ليش التخاذل ياملوك العربان
وبصمتكم صهيون زاد الهجمه

#محمد_البريهي

في كتفها ما لا تطيق الأوطان
وشعوبها تتحمله وتضمه

وقوفها زلزل جميع الأكوان
إلا العرب ما ثار فيهم همّه

من قدموها للأعادي قربان
ما يرقبوا إلّا بها أو ذمه

#احمد_صالح_ابوصريمة

مشهد مأثـــر تقشعر الابدان
منه وكل انسان يرجف جسمه

تعجز على وصفه حروف القيفان
والقافيه و المفردة و الكلمه

الله يلعن و الديها عربان
ذي باعت الانسانيــة و الذمــة

#عبدالعزيز_الغرباني

طفلة صغيرة في زمان الخذلان
يــــا أمة الإســـلام ذي مقتسمة

موقف قمـر مايختلف فيه اثنان
ذي سطـــرت موقف قوي للآمة

ثباتهــــا أخجل مــــلوك العربان
ووفائها حكمـــــة بمعنى الكلمة

#علي_الوزير

في غزة العزة ديار الـشـجعـان
كلن معـه من باس ربي قسمـه

قمر نموذج شعب رغم الاحزان
يـرى مـعانـاته مـع الـلـه نعـمه

ولو اثرت فيهم ثقافة لاخوان
ماطفلهم يصنع مواقف ضخمه

#بندر_النمري

في وجهها وجة البرائه قد بان..
شاحب ومتعب غادرته البسمه..

كنها تقل يلعن حقوق الانسان..
ياخير امه صارت اسوا امه...

عدوان مايوجد مثيله عدوان..
من لم يمت بالقصف مات باازمه..

#محمد_خالد_الخدري

في كتفها مصنع يخصب نيران
وفي يديها الصبر كلمه كلمه

نظـرات عيـنيها مآسي واحـزان
فـيهـا ألـم لاكن لديهـا هـمـه

في كل خطوه من خطاها برهان
إن اليهودي لن يحقق حـلمه

#أيهم_المالكي

مشهد يحرك كل من به إيمان
عنده يميز كل واحد حجمه

تبقى قمر للصبر أكبر عنوان
وفي سماء التاريخ مثل النجمة

والله يلعن من تخاذل أو خان
وما نصر غزة ولو في كلمة

#ابـومـازن_الـرازحـي

جعل المطبع ياقمر لش حذيان
وجعل جيرانش يموتوا تخمه

يا للخزى يا للخجل يا عربان
يا بايعيـن وخـاينيـن الـذمـه

هذا نتاج سكوتكم والخذلان
لعنه عليكم كل واحد باسمه

#الشاعر_ابوكنن

قهرتي اسرائيل والامريكان
يابنت غزة موقفش في القمة

لان الحديد الصلب والقاسي لان
وطفل غزة ما وهن في عزمة

ياكاتب التاريخ بعد العنوان
قل للكيان المعتدي علم امة

#ابواياد_المطري

أكتافها ما كنّها الّا عطان
واقدامها مثل الجبال الصمّة

مشهد يهز الإنس ويهز الجان
مشهد من الانسانيه والعَظَمة

لا ما نصرناهم فـ حمى الادقان
من أجلهم لو ما تبقى ذمّة

#جميل_ابوقاسم

موقف قمر هو خيرشاهد برهان
موقف حمية فيه عزة حشمه

تحمل شقيقتها امام الأعيان
مستبسله تحمل شجاعة حكمه

والخزي والذلة لقرن الشيطان
ذي حل مخ الصهينه في عظمه

#محمد_مجلي

الصــــوره ابلغ من سرود القيفان
تشكيلهـــا يوحي بوعـــــد النقمه

تخسى بعيــــر المملكه والعــربان
كم من منافق وغـــــد بايع ذمه

يستخلف الشيطان قرن الشيطان
لاخيـــر فالشيطان او ابنــــا عمه

#ابو_ميثم_الزراع

صَفّر شعرها من كثيف النيران
ولا رجولة في العرب او رحمة

ظنيــــــــتها قِمّة نُقُم او عَطَان
من كُثر مافيها شموخ وهِمّة

شَلّت شقيقتها وعين العربان
تضحك ويبكيها حديث الدِمّة

#الشاعر_فرحان_السلامي

يا جرح نازف ما وقف له شريان
و احزان ما غارت عليها الرحمة

و معكزة هزت جميع الوجدان
عن القمر ذي غامرت في الظلمة

غاب العرب غابت قرون الشيطان
عن موقف اشعل بالتواصل زحمة

#عبدالحكيم_مسعد_النمري

لا انســــانيةْ فـ اثنين مليـار إنسان
والقمة اضحت فـ الحضيض القمة

ما غير محـــــــور معتزي بالرحمن
عن امة محمد يـــــــــــــذود بدمه
 
بــــــــــــرز لكـل الشرك كـل الإيمان
بقـــــيادة الكـــــــــــــرار حيا شمه

#ابوشوامخ_الوعل

صحيح يا ضيف الله احمد سلمان
بعض العرب ماعد لبتهم ذمه

مأساة منها تقشعر الأبدان
في غزه الظالم تعدا حجمه

ولا سكت غير الذليل المهتان
والدم في غزه وصل للحزمـه

ذي ماعرف للآن منهو الغلطان
منزوعه الغيره وفاسد دمه

#ابومحمد_السحاري

طفله ووقفتها تهز العدوان
وتزلزل امريكان واهل النجمه

وامت المليار صامت بذعان
ومشكله عند اليهودي زحمه

اخزاكم الله ياعبيد الشيطان
جاكم عذاب الويل كلن بسمه

#ابورداد_مبارك_الصالح

ايه جليه في قمر للبعران
وكل فاقد وازعه والذمه

في ضل واقع صمتهم والإذعان
اين الشعوب المسلمه والامه

سبحان من ثبت وايد سبحان
يوم انقذتها يالها من رحمه

#ابوبحر_علي_احمد_مطر

خطوة قمر هزت ربوع الميدان
رسمة أثرها فوق مليون رسمة

مابين نظرتها وبين الخذلان
ارقام يصعب جمعها والقسمة

و عابد اسرائيل والأمريكان
مطبوع و مطبع دني مثل اسمه

#ابوحيدر_الراشدي

مشهد، تجسد فيه ابشع عدوان
من مجرمين العصر والعن طغمه

انجس واحقر خلق طول الازمان
ساس المشاكل والفتن والازمه

والله لا وفق جميــــــــع العربان
ذي باعوا الامه، من اجل النجمه

#ابو_صماد_الفليتي

#ابو_محمد_دحان

لبيك في الساحات وإلا الجبهات
راهن بنا يا ابن النبي واتباها

ابشر بنا في كل درب وميقات
امه متى ما احتجتها تلقاها

على الوفاء في غرم ولا فزعات
معك مقامات الشرف نرقاها

لو ضدنا العالم حشود وقوات
متحديين حشودها وقواها

المجاراة عن استهداف حاملة الطائرات الامريكية ابراهام ..

البداية #ضيف_الله_سلمان

قال اليماني في البيان الهام
احنا ضربنا الكفر واصنامه..

لو يحشدوا مليون ابراهام
في شعبنا ما تنحني هامه..

هذا زمان النصر للاسلام
وقوة المسلم في اسلامه..

#أبورواسي_أرحب

عاشت سرايا القدس والقسام
وعاش حزب الله واقسامه

محور علئ خط الأمين العام
علئ طريق القدس وأعلامه

خصمه مطوق باليمن والشام
والبحر من خلفه وقدامه

#وضاح_الحميصي

لن تغلب ابراهيــــم ابراهام
ولا مية مليـــــــــون عوامه

كل القوى كل التـروس اصنام
وقوة الجبــــــــــــــار هدامه

مع سرايا القــــدس والقسام
مقاومة لاســـــــــاعة الطامه

#ردفان_الرقيمي

(قــــــدام خـــط المعركة قــــــــدام)
لا عاش مَن تتــــــراجع أقـــــــــدامه

مِن شِق "سلب أرواح" دعس أخشام
نجازي المجـــــــرم على إجـــــــرامه

والتضحيـــــة با نقتسمها أغــــــــرام
والمــــؤمنين أخــــــــوة وغــــــرامة

#صقر_اللاحجي

الله  يــبارك في اليمن والشام
وفــي لــيالي ضــيف وايــامه

يــاضيف حكام الخليج أقزام
الله  لا  بـــــارك لــحــكــامــه

رؤوســهم عــند الــعدو اقدام
وافــواهــهم زمــيرة اعــلامه

قــمة ورا قــمة ولا حــد قــام
ما هي نتيجة امس " هيا مه "

#عباد_ابوحاتم

يا بحرنا المزروع بالالغام
يا من يريد الموت قدامه

نصره لحزب الله والقسام
نسفت فرقاطه و عوامه

كم حاملة فجرت هذا العام
وادخلتهم في وسط دوامه

#مقبل_جرام

يا زمرة الإفساد والإجرام
احنا لغزة محزم و لامة

ومن تولّى القادة الأعلام
يعيش شامخ طيلة اعوامه

الله يبارك في اليمن والشام
ويلعن النجدي و أزلامه

#فارس_المعزبي

اليوم ما به للضروف احكام
إلا اليماني فارض احكامـه

اعدام لمريكا يفـوق اعـدام
وحــرب غــرَّامـه لغــرَّامـه

وهجوم من جانب ومن قُدَّام
وضرب متواصل ومرجامه

#الشاعر_أبوحيدر_الحمزي

نقولها للخاص هو العام
الكفر لا يرفع ولا هامه

حفيد حيدر كسر الاصنام
داعس على امريكا باقدامه

صلاة ربي والسلام التام
عليه حفظه ربي ودامه

#ابو_محمد_دحان

باننهي الاوثان والاصنام
ونحارب الطاغوت وجرامه

نحكم على أمريكا بحكم اعدام
والبحر الأحمر ساحة اعدامه

عاش اليماني حر ماينظام
والله يلعن كل من لامه

#عزالدين_جحاف

تحالف الطاغوت والإجرام
شعب اليمن باينهي اجرامه

وكل أحلامه غدت أوهام
والموت من خلفه وقدامه

في كل لحظه نصكعه ملطام
ونخلي رأسه تحت أقدامه

#يحيى_الوحيشي

يا قوة الله ايش من ملطام..
دوّخ بالامريكي وخــــدامه..

هذي السنة يا اترمب غير العام..
يسقي عليــك العــام وايــامه..

ايام كنت انت المدير العام..
على بحور الشــرق واقزامه..

خلاص ما به هيمنة يا اقزام.
في اي بــحر الآل حـــكـامه..

#عبدالسلام_الطالبي

شعب اليمن انهك قوى الإجرام
وبعون ربي تنجح احلامه

بالله هو باينكس الأعلام
للحلف الامريكي واقزامه

مابش تراجع سيرنا قدام
والنصر لاحت بيرق أعلامه

ومعركتنا مابها استسلام
بالصبر باترفع لنا الهامة

#عبد_القادر_داود

الكفر غارق في بحور أوهام
و الموت من خلفه وقـدامه

خلفه سرايا القدس والقسام
و من أمامه قـوم غـرامـة

و شعب متولي علم مقدام
يدوس الإمريكان بأقدامه

#ابواياد_المطري

والله ما نسكت عن الاجرام
لو ما بقي في شعبنا قامه

وبقوة الله القوي العلّام
با نهزم الطاغوت واقزامه.

والموت لاسرائيل هذا العام
على يد المحور وقسّامه

‌‌‎#الشاعر_متاش

قدام يا احرار اليمن والشام
وابن اليهودي خابت احلامه

تنكيل بالاحلاف والاقزام
حتى اليهودي يعلن إسلامه

لن نخذل الرضوان والقسام
والقدس بانشفي له الآمه

#الشاعر_عبدالرزاق_ذياب

قل لتحالف بينـنا الايــــام
لابد ماندعس على اخشامة

هذا اليمن ماهو كما الحكام
ذي أيدوا الباطل على اجرامة

باتسقط امريكا أمام أقدام
ابطالنا ذي داسو اقزامه

#يوسف_الحداد

الله يبارك باليمن والشام
ياشعب ثاير في خطى اعلامه

والله يمد القائد المقدام
بالعون والتوفيق في اقدامه

والنصر للمحور وللقسام
والفتح للاقصى دنى عامه

#محمد_البريهي

ولّى زمان امريك والأزلام
وبيتها الأبيض وخدامه

جبنا فضحنا فكرها الهدام
والأدعياء أذناب حاخامه

واليوم نحرق حاملات الخام
وفي البوارج جرح إيلامه

#ابوفتح_الاشول

ضربه إستباقيّه على الأرقام
في باب خيبر خابت أوهامه

ضربة علي في خندق الإجرام
يا خندق البحر اقطع اقدامه

الأمس يشهد واقع الأقوام
واليوم يتكرر بـ صمّامه

#الشاعر_ابوحيدر_عامر

يا ضيف سلم لي على هكام
ماله محول كامل أرقامه

والحاملة محكوم بالإعدام
وجيش واشنطن معى اخدامه

وبايدن راكب على الصدام
والمعتدي لي زيد اجرامه

لي ماسمع غي قارح الملطام
من بعد نخاطه وهنجامه

‌‌‎#الشاعر_ابوصالح_الحربي

فـ البحر اغرقنا قوى الاجرام
وحلف الاعدا خابت اوهامه

هذا بفضل الله والاعلام
يا شعب داس الكفر بقدامه