الموت للظلم والطغيان
يصرخ بها قلبه و فمه

والله يامليارمن سلمان
مايقدروا تركيعه وهزمه

#ناجي_القطيبي

تحالف اذناب الامريكان
مافيه….. إلاً… .ولاذمّه

قد جا يحاصر يمن ليمان
فى النّفط والغاز واللّقمه

وعالم الزور والبهتان
ماحد سمع له ولاكلمه

#ابوحنشل_قارية

الفسق والرجس هم صنوان
للدين يسعو علــــى هــدمه

والحلف وامــريك والإخوان
يتقاسمو الشعب كــاللحــمه

من باعوَ القدس والجــولان
شعب اليمــن منّـهم كـــومه

#علي_أحمد_مطر

شعب اليمن بالخبر فهمان
هو شعب الايمان و الحكمة

واعي بما ينشر الثعبان
و يبث فالناس من سمه

راس البلاء و الوباء سلمان
ذي ما درا الان .. علم امه !!!

#وضاح_الحميصي

النفط ماهوش في ذهبان
ولا حقوله في الرضمه

كلا ولا الغاز في جهران
ولا المضخات في عتمه

صافر هي الحل والعنوان
هي بلسم الفقر والازمه

#أحمد_الاهدل

مـابـة قلـق يا يمن الايمان
اللــــه بايــفـــرج الازمـــة

الامــر امــره عظيم الشأن
واحـنا مـشينا علـئ حكمة

خسـران يامعتدي خسران
والنــصر للـحــق والامـــة

#علي_درهم_المؤيد

ازمـاتنا كلها يا اخــوان
أسبابها الكل قـد فهمه

والصم والبكم والعميان
تدري بمن سبب الأزمه

عدوان غاشم بلا عنوان
وحصار جائر بلا رحمه

#ابومقدام_الخمري

ياخاين  الدين  والقرآن
ياقاتل الطفل هو وامه

هيهات ان نقبل الاذعان
لويُعدم الماء مع  اللقمه

جهاد دايم مدى الازمان
تحرير شامل لذا الامه

#عبدالله_بحنان

البيت الابيض وابن سلمان
من حاصرونا بلا رحـــمه

حرب اقتصاد اليمن عنوان
مدروس في عاصفة حزمه

واعصارنا زاده الايمـــان
والصبر والعزم والحكمه

#ابوسام_محمد_القحم

ماقل ماقل بن سلمان
ياخذ من الحرب ذا قسمه

ندعس على. حلفه الخسران
من دون تقدير اورحمه

بفضل واحد قوي منان
ماعادهم شي سوى رسمه

#ابوشهاب_ابوشوصاء

باتستمر حرب في الأكران ولابد ما نتقاسم الأزمه

الحلف يريد يقمع الثعبان والروس يزداد في عزمه

تركيا طبعوا بأعلان لاخوف من الله ولارحمه

#ابومصطفى_الرضي

مهزوم ياحلف الامريكان
في موطن العز والحكمة

حشد قوى العهر والطغيان
ولا نفع في اليمن حزمة

سابع سنه والصمود عنوان
وردعنا يرتفع عزمة

#عماد_النهاري

الشعب من باطل العدوان
أصبح قده خارج الخدمه

والمـجلس اللا حقوق انسان
يتجــاهـل الوضع والازمه

#ابوفتح_الاشول

كل البشر يعلموا و الجان
بالحضر والظلم كم حجمه

يهودهم يهدموا الأوطان
وينشروا الفقر من عدمه

ما رادوا الخير من رحمن
فكيف با يرسموا البسمه؟!!!

#فايز_الحمزي

إحنا مع الواحد الرحمن
رغم المعانآة والأزمة..!!

لن ننحني ياقوى الشيطان
إحنا ذوي الدين والحكمة..!!

الموت لصهيون والامريكان
والنصر لله والأمة ..!!

#بن_سويد

قل لبن زايد  وبن سلمان
عدوانك الله) يصيب امة

مهما  فعل  ضدنا خسران
والله)  شاهد  علئ   جُرمة

لا بد  يا ورع   ماتــهـتـان
من شعب الايمان ولحكمة

#ناديه_السقطي

بالصــبر والعزم والايمان
ونفير يستنــــفر لعزمه

بانهزم لحــلف الامريكان
اسبـــاب الازمات والغمه

والنصر من ربنـا الرحمان
لشـعب الايمان والحكمه

#زاهر_الرصابي

اليوم ثامن سنة عدوان
و التحالف طغى ظلمه

وساد بــ الكفر والطغيان
ما يمتلك في الحياة ذمة

وما يحرر يمن الإيمان
إلا الميادين والكمة

#الشاعر_ابو_صماد_الفليتي

ماهما تحالف قوى العدوان
ضد اليـمن يشـتي الازمـه

ومـريك ياتي مع الشيطان
فوق الوطن زاد في ظلمه

فاالــله مــــعنا هو الرحـمن
بيـــنصر( الشعب) ويــلمه

#حسين_شرويد

ذي حاصروا موطن الايمان
هم أساس الشر والازمه

يمنع على ذا الشعب والسكان
الدواء والقمح واللقمه

لكن شعبي في صموده كان
ما قد تراجع أو وهن عزمه

#ابوخارف_أبوشوصاء

تحالف الشر والطغيان
اكبر مصيبه على الامه

ذي يحجزو النفط في جيزان
ويحاصرونا بلا رحمه

لكن بقوت عظيم الشان
عن شعبنا تفرج الغمه

#ابوعماد_السوادي

تحالف الشر والطغيان
ما يرقبوا إلاً(ن) ولا ذمه

بالزور والتضليل والبهتان
مسعاهم التدجين للامه

في الثامن العام للعدوان
يخلق لنا كل يوم ازمه

#الشاعر_احمد_محمد_مهفل

الـيـوم بـسـم الله الرحمن
ياشـعـب والـهـمّـه الهمّـه

لن يخـضعـونا قوى الطغيان
لو حـاصـرونا مـن اللقـمـه

بالـلـه وسـيـدي وبالـقــرآن
با نـسـحق الـحلف ونـكـمّـه

#عبدالكريم_الصماط

والله وبالله وبالقرآن
لو تجتمع ضدنا الأمّه

ويحاربونا مدى الازمان
ويحاصرونا على اللُقمه

غذائنا العز والايمان
والفوز والنصر والحكمه

#شاجع_المسعدي

عصابة الشر والطغيان
للدين ماعندها حرمه

الله ذكرها في القران
ماترقب الا ً والا ذمه

تمارس الجوع والحرمان
في شعب الايمان والحكمه

#ابو_ميثم_الزراع

مهما يحاصر فهو خسـران
والشعــب ءآلــف على الأزمــة

#عزيز_الردماني

صرخنا ومن صرخاتنا اهتزت الأمم.
وصرخاتنا في كل نشره خبر عاجل.

صنعنا من الصرخه صواريخ من عدم.
بكت منها ابو ظبي واتنهدت حايل.

#امين_التركي

شعار الله اكبر فيـــه الامثال والحكم
وما يعقله (جاهل) ولا يجهله (عاقل)

ورفرف عزيزاً في سماء النصر ياعلم
شعار الله اكبـــــر بايلف الدول كامل

#بندر_السقاف

صرخ كل ذو غيره وذو حريه ودم
وبايصرخ الخارج بترديد متواصل

ولا باتقف مادام الانصار والعلم
الى ساعة الميقات للخلق بالكامل

#ابوالعباس_مفلح

سلامي على الانصار والشعب والعلم
عدد ما صرخ مؤمن وقارع قوى الباطل

وما صوت ابو عطفة على المعركة نهم
وشطب على روس الطواغيت بالكامل

#فارس_المعزبي

براكين تتفجــر من افواهنــا حمم
على كل مستكبر وظالــم ومتجاهل..!!

يدُوخ العــدو منها ولا تحمله قــدم
ويمرض وهو صاحي ويجنن وهو عاقل..!!

#ابوقصي_العويري

شعار ابن بدرالدين بايهزم الامم
ويقلب بمجلسها من الكون بالكامل

وبانحكم العالم مع القائد العلم
وفالبيت الابيض نرفع الصوت بالزامل

#عزالدين_جحاف

ومايصرخ الا حر قاحي أبي أشم
لأوصاف جند الله والمرجله حامل

شعار البراءة يرفع الرأس للقمم
ويرمي رؤوس الأمركه والنفاق سافل

#وضاح_الحميصي

اذا الله رفع عن ذي فقد عقله القلم
فلن يرفع الصرخه!! ولو كان مش عاقل

فريضه على الابكم والاعمى مع الاصم
يفرغ غضب صدره قنابل على الباطل

#ابويوسف_القاري

والانسان ذي ماله كرامه ولاكرم
فهو مثلما الانعام للضرب يستاهل

الاحرار رفعوا صرخة الحق،... والغنم
تبعبع وسوق إذبح وحيا على الحاصل

#احمد_اللوذعي

نسوق الوصاية لاصرخنا إلى العدم
وتُفنَى قوى الشيطان والكفر والباطل

لها الموت أمريكا من الفَمّ والبُغَم
غَضَبنا عليها عبر الاجيال متناقل

#الشاعر_أحمد_الغبسي

إذا الساكت المقهور طيب ومحترم
فانا باالشعار اليوم فاجر ومتخاذل

سكوتك بفضل قيام ليله على قدم
وأجر الجهاد يجي بصمتك على الباطل

#الشاعر_نسيم _هيسان_ابوعيسى

صرخنا بصرخه زلزلت كامل الأمم
ومضمونها باتحسم الأرض بالكامل

علي عار ياسرائيل ماتخرجي سلم
تموتي تموتي قالها السيّد الفاضل

#إبتسام_شرف_المحطوري

هي صرخة ابن البدر ياشعبنا الاشم
زعزع بها الطغيان والكفر والباطل ...

اصرخ من الاعماق ترى الغيظ يرتسم
في وجه من أيد وصفق ومتواكل...!!!

#الشاعر_علي_الوزير

قسم لابن بدر الدين ذي واجه الامم
وزلزل طغاة العصر في الكون بالكامل

بـٳن نرفـع الـصـرخه مـع الـقايـد العلم
ولا عاش من يخشى سوى الله واتخاذل

#نورالدين_المقاتلي

مدام ان شريان التحدي ملان دم
صرخنا بـ خمس جمل صدق ربنا القايل

بتطبيق (قل_موتوا) تموت اليهود جم
ويا لعنة الله كل من آيـّد الباطل ..

#ابوصالح_العملسي

شعار ابن بدر الدين كل القوا التهم
وافنى التحالف والعدو تحت لانازل

وفي يوم بانصرخ في المسجد الحرم
وبانفتح الاقصى ونسجد مع الفاضل

#محمد_الاخرم

وذي ما صرخ ضد اليهود أحسبه صنم
يضحي بنفسه وارتمى في يد الـــقاتل

من ألفين الآن حتى الان ما وقفت قدم
والانصار تدعس راس الإرهاب وتناضل

#شهاب_المتوكل

ومايرفض الصرخه سوى الهين القزم
وذي فاقدالعزه ومن نخوته عاطل

فهي صيحة الاحرار في كامل الأمم
ومن قالها مضمون بايهزم الباطل

#الشاعر_ابوفتح_الاشول

صرخنا شعار الموت تبرأ بها الذمم
ويبرى بها المجروح من بطشة القاتل

وذي ما قتلها بالمواقف ولا عزم
فـ با ينظر العالي على نظرته سافل

#عبدالقوي_البطل

وصرخاتنا تشعل في اكبادهم حمم
وتذعر بني صهيون من هولها كامل

ومن هم معاهم طبعوا واصبحو خدم
يعيشوا حياة الذل مدى دهرهم واصل

#ضيف_الله_السويدي

نعم صرخةَ الأحرار كانت هي الأهم
وفي مرحلة كانت مساحات للباطل

قلبها حسين البدر من قمة الهرَم
بصرخة وموقف انتج العز ذي حاصل

#الشاعر_عمر_الأهدل

شعار (ابن بدر الدين)السيد العلم
استمده من القرآن ماهوه من(الحاصِل)

ما خافها امريكا اللعينه وما انهزم
حمل همها الامه بمشروع متكامل

#ابومصطفى_الرضي

بصرخة تنير القلب وتعالج الصمم
وتستنهض الأمة بمشروعها الشامل

على منهجية قادها السيد العلم
نقيم الهدى والعدل ونواجه الباطل

#الشاعر_ابو_حمزة_ماجد_نشير

الا ياجبل عطان سلم على نقم
وقل له يسجل فوق صنعاء خبر عاجل

ومن كل غازي شعبنا قام وانتقم
وطعفر دمه من وسط صروح للساحل

#ابوغبري_الغبري

و لو ما الله الهم سيد القاده العلم..
وبا الشعب الاصلي أمن المنطقه كامل..!!

قسم وان قد امريكاء مسيطر على (الحرم)..
وتمثال عجل السامري في وسط "حايل"

#ابو_ميثم_الزراع

صرخنا وبانبقى على العهد والقسم
نوالي ولي الله ونبرا من الباطل

وذي ماصرخ من بعدما المسجد اهتدم
فلا باتفيدة صرختة والعدو داخل

#ابراهيم_الشرفي

وما تنتظر من شخص قد قلبه اعتكم؟؟
ورجل اليهودي فوق راسه.. وهو نازل

اذا ما صرخ ذا الشخص ما عاد فيه دم
وشكل الهيانه فيه بالنسل متناقل

#ابوعلي_المحاقري

مدنا الله ببن البدر خيرة حادي
والعصى هي شعار الامه المنفية

اخلع النعل يامن قد دخلت الوادي
في مقام النبي والعتره النبوية

#ابوقصي_العويري

الله اكبر شعاري صرختي وجهادي
الله اكبر شعار الفوز والحريه

عزتي في معانيها وعز اولادي
والسلاح القوي ضد القوى العبريه

هي عصاي التي تلقف بلا الاوغادي
وانتصاري على الاحلاف الأمريكية

#ابراهيم_الشرفي

الله اكبر من امريكا مع الموسادي
والشعار اثبت المعنى ميه بالميّه

والعدو الذي ناوي على استعبادي
مشكلتنا معاهم بـ الـبَـرَا مَـنْـهـيّـه

لو شَهِدْها النبي..ولّا الإمام الهادي
كان فوراً صَرَخ بالصرخه الجهريه

#احمد_عبدالله_مفلح

وين عاد النحاء يالخاين المتمادي
معركتنا. معاكم معركت حريه

والوهن والفشل هو دائما للعادي
مانحنى من مع الباري بحسن النيه

الكرامه ثيابي والمعزه زادي
للمهانه لكم ياهل الرفه خلفيه

#ابوعلي_البريهي

الله اكبر صرخنا بعد سبط الهادي
بموت الأمريك نصدع واختها العبرية

ونلعن اليهو ده وأذنابها وأيادي
من طبعت في العلن معها أو السرية

ونصر الإسلام غاية شعب مؤمن حادي
مع النبي وال بيته روحنا ثورية

#أبوحسين_العصري

ذا شعار البراءة لا تضنه عادي
ذا شعار الكرامة شفرته سرية

ضد مكر اليهودي درع لي ومضادي
يقهر الكفر وأهله غايته ثورية

قول حق وبصيرة ثاقبة و ارشادي
هو لكل الطوائف شيعة أو سنية

#ابومصطفى_الرضي

(الله اكبر )صداها ارعب الاوغادي
قد مداها تعدى الكورة الارضية

(صرخة الحق ) عنوان نهضتي وجهادي
عز نخوة شجاعة تضحية حرية

ضد مشروع الاستكبار والإفسادي
بانواصل بهمة عالية ثورية

#الشاعر_رايد_الخمري

ايش تسوى قوى العالم امام اجهادي
وصرخة الحق للأمه قيم حرية

ومن يوقف شعار بدم وسط اكبادي
في مقامات حجم القنبله الفوريه

لاصدى الصوت والله مايحيده حادي
قل للذناب وابواق العدا الدوليهّ


الشاعر #ابوفتح_الاشول

الله اكبر ويا لبيه صوت ينادي
روح ابوبندر النمري وسطنا حيّه

باصرخ الموت لو حُوصر عليا زادي
لو نواجه جموع القوه الكونيّه

وألعن اليهوده لا مجد غير أمجادي
نصر الأسلام صوره واضحه مرئيّه

#ابوهادي_صيفان

صرخت الله اكبر في صميم فوادي
صارت اسلاحنا ضد القوى الكفريه

سار بعد الحسين اهل الجبل والوادي
غادر الضلم والطاغوت والسخريه

اليهودي ولمريكي ودولت هادي
واهل نجد اصبحو مثل الحذا المطليه

#ياسين_الفروي

من هدى الله شربي.. والملازم زادي
في مسيرة جهاد وعزه وتضحيه

بـ رفع الصرخه وبا يرفعوها اولادي
والشعار انتصاره مسأله حتميه

والله الي خلقني لليهود معادي
بالبراءه... من اعدا الله روحي حيه

#الشاعر_ابو_حمزة_ماجد_نشير

قل لحلف الاعادي خبر الاوغادي
مننا فرد واحد بايواجه ميه

دام واني يماني حيدري صمادي
وامطرت فوق راسي غيمة الحريه

والمراجل شرابي والكرامه زادي
بانجاهد مع ربي بصدق النيه

#محمد_الاخرم

الله أكبر تقهر الظالم مع المتـــمادي
بعلن الصرخة وليست خافيه سرّية

أرفع الصرخة وسجّل عندها ميلادي
سجله هذي السنة تاريخها هـــجرّية

بعد طول الذل تتــنفس ربـــوع بلادي
بعد طول الهيمنة عرفت هواء الحرّية

#ابوكنعان_الروس

صرخة الله اكبر عششة في اكبادي..
باالبرائات منا تنطلق صدريه

هي حياة الكرامه هي سبب أسعادي..
صرخة الحر والاحراروالحريه

موقفي هوسلاحي جعبتي وزنادي..
يالها من براءه قنبله ذريه

#مسعد_محمد_المثيل

صرختي عاليه راس الجبل والوادي
كالصواعق تهد القوة الرجعيه

ما نبالي بالامريكي و شلة هادي
و التحالف و اي اذيال صهيونيه

الله اكبر شعار لرايتي و جهادي
افهمي يا جيوش الشرق والغربيه

#الشاعر_عمر_الأهدل

كبر بوجه الكفر والاوغادِ
صرخة حسين (البدر)كالذريه

الشعار امتزج في وريد فؤادي
معنى هذا الشعار جسد الحريه

صرخة الله اكبر شا اغرسه باولادي
واهتف اهتف بها جهر مش سريه

#شهاب المتوكل

صح لسنك وقولك ياشهيد جهادي
يانمر صغت اقوى قافيه ثوريه

بانكبر معك تكبير ماهوعادي
ينسف الكفر كنه قنبله ذريه

يسحق امريك والصهيوني الموسادي
والذي يخدموا في المطبعه العبريه

#علي_درهم_المؤيد

صـرخة الحق للطغيان بالمرصادي
تقلـع الظالمين مـن الكره الارضيه

من وقــف ضــدهـا نـيرانها وقادي
فوق الاشـــرار دايـم نارها مصليه

وكل مظلـوم يلقـاها دعم واسنادي
من رفـعهـا ينــال القـــوه الجـبريه

#الشاعر_جبر_المهدمي

ذا شعـــــار الكـرامه توعيه وارشادي
يارجال اليمــــن ياالقوه الصـخـريه

مجدنـــــافي اليمن من خيرةالامجادي
وصرخت الله اكبر صرخت الحريه

بااعلي الصوت ورفع صرختي يابلادي
واعلن الحــــــرب في وجـه اليهـوديه

#الكرار_الجبر

الله اكبر سلاحي والله اكبر زادي
اصبحت معلنه متحركة جهريه

شبت النار والصرخة لظى وقادي
دائمه مستمره معركه كونيه

والله ان الحسين البدر نعم الهادي
صرخته أصبحت متحققه فعليه

#محمد_ابوحسن

الله اكبر على شم القمم والوادي
والله اكبر ما سواء صرخاتنا شرعيه

كان هانا ولو بيمكـــــــن الشعب برعه
خير واشرف ولا يرقص على البرتقاله

#مقبل_جرام

ماهم إلّا قمَش مركـوم في وسط قصعه
وان بغيت الوضوح اكثر مُجـرد زُبالـه

لو ترقع بثوب الساقطه الف رِقعـه
ما سترهـا ولا غطى قبيـح الرذاله

مثل ذا النوع لا يمكن تجي منه نفعه
ومن رُبي بالفساله بايمت بالفساله

#عدنان_جحوح

ما يعين الأعادي غير تافه ولبعة
كل من خان شعبه با يلاقي نكاله

عبد ربه تسلم كل درهم بصفعة
والنهاية وخيمة عقب ما ضاق حاله

ذا جزاء كل أصلع خان شعبه وربعه
ما حدا في البرية قام يرثي لحالة

#ذوالفقار_سفيان

يخترج شعبنا من صلعه وجاه صلعه
كن شعب اليمن مبلي بقوم الفساله

مادرى شعبنا من ويش ذا الحلف صُنعه
من شرار البشر واصلاب قومن حثاله

سبعه افراد تلقاهم وسط كل بقعه
كنهم ابليس بصفاته وكامل خصاله

#عبدالحكيم_النمري

لعنة الله عليهم كلْـهم انذال جمعة
مابه إنسان منهم فيه ذرة رجالة

العليمي مزنَّر وابن منصور ضفعة
والعمالة تخلف من وراها عمالة

مجلس الخزي لعبة ولّفوها بقرعة
مسريحة هزيلة خاتمتها الزبالة

#ابومحمد_السحاري

كان من قبل مستانس وشارب لمدعه
لاكن اليوم قد حطوه داخل شواله

انتقال انفصال مئمور شغال قرعه
تحت سقف الوصايه سايقينه بئاله

كل من خان شعبه مابيحظا برفعه
مامعه غير نكسة راس في كل حاله

#حسين_الدهمس

كل خاين يخن شعبه وارضه وربعه
بد ياخذ جزاته من ورى ذالعمالة

يستلم الف ركله والف زبطة وصفعة
والتحالف يقله لايشـــوفه قباله

ماعطوا له سكن حتى ولو جوف قلعة
بعد ماكان يخدمهم وردّوا فسالة

#ابوبراءة_الديلمي

شرعيه قوم داعش حق مرقص ومتعه
والفضايح وراهم دائمه والفساله

هاكذا حاله البياع شغال قرعه
لليهودي مطيع خدام يمسح نعاله

لعنه الله عليكم دوم يااحفاد شمعه
يااحقر الناس وانذل خلقها والزباله

#علي_الشعيثي

مسرحيه تضحك ضانك القلب شبعه
شلو الشرعيه من عبدربه وشاله

يا حكومه قضيتها فنيله ورقعه
لعنبو شخص مايعرف قضيت قتاله

في الفنادق تقود الشعب نزله وطلعه
واليدومي يشكل دولته في خياله

#الشاعر_ابو_حمزة_ماجد_نشير

ياحياة المذله طالقه دون رجعه
غادري واحملي ثوبش بداخل شواله

فالعزيز الاصيل لو قطعوه الف قطعه
ماقبل مارضي بالذل يقوم باحتلاله

لو يموت جوع حرام ماتخرج العين دمعه
وبايقاتل على عرضه وارضه وماله

#ابوحسين_العصري

سبعه أعوام شعبي ما طعم يوم هجعه
والسبب شلة الأنذااال قوم العمااله

كل يوم النسا تصبح وتمسي بفجعه
ذا فقد بيت والثاااني مفاارق جهاله

بلغوا من نفى هادي و جاااانا بسبعه
شعبنا بالقوي الكل يشبه جباااله

#ابو_يحيى_جاحز

في حواراتهم عصد العصيد مثل برعة
دمبعتهم توضح فسل اصلة وفالة

المريكي لقيهم في الطواريد مشعة
قبلها كان يرعى للسعودي جمالة

مجلس انذال مايقدر يطفون شمعة
قربت ساعتك فجأة يراني قبالة

#أبوخارف_ابوشوصاء

سار منبوذ بين أهله وقومه وربعه
كرت مخدوش بين المجتمع لابقى له

كل خداع سار الغدر والخدع طبعه
ومن تمنى زوال الناس يلقى زواله

النهايه وخيمه وعد ربي وشرعه
واليمن شعب مايقبل يقوده حثاله

#زاهر_الرصابي

كان واحد في أولها حكومه وتبعه
وانه اليوم كلاً ينتطيها لحاله

الحكومة خديعه والرئاسات خدعه
والمشغّل يهودي والخليج الكفالة

العواقب وخيمه والنهايات صفعه
والحثالة في التاريخ يبقوا حثالة

#ابوكنعان_الروس

كان هادي ذريعه لاالتحالف بشرعه..
بسم دوله وسلطه والبقاء في العماله

اركنوه باالاعاده قامو اليوم بخلعه..
بغل عايب وفاشل مايساوي نعاله

الزبيدي زبادي منتهي يوم صنعه..
والعليمي مقلد بال والليل باله

#الشاعر_أحمد_الخاشب

لو بدت مثلما الشطرنج قطعة بقطعة
لا ولا منّهم بيدق وصل لا مناله..

قلت كيف اقترعهم خالهم قال قرعة
"يا كم استدرجت نفس الجهول الجهالة"

عزنا الله وازددنا مكانة ورفعة
تحت راية أبو جبريل واحنا فدا له

#الشاعر_عبدالكريم_صلاح

أيش من شرعية قد هروله دون طلعة
صاروا أذيال بعد الحلف وأهل العماله

كل واحد يقدم نحو الأحلاف نفعه
قد نسى إنه رجل ولا من أهل الرجاله

با يبيع الوطن إن جاه جوعه. بشبعه
مثلهم ما نعده في رجال البساله

#الزبير _الحسام

من يبيع الوطن ماعاد له اي بيعه
لاجعل له قبول إختار نهج النذاله

قل لهادي تحالفهم فزع امس فزعه
لكن اليوم ماعشوا وغدوا عياله

عادهم بس من غزوة وبرعه وكرعه
وإن الانصار في جدة على اي حاله

#الشاعر_ابوحاشد_ابوسعيد

غادر الشر غادر خط من دون رجعه
مايرده سوى مجلس ولاحفل صاله

جأ يقلي معاهم بيت في عرض طلعه
فيه صلعه بصلعه لافتات العماله

ماحسب هادي انه بايجوله بطقعه
نزلو في مشده عزل هادي لحاله

#ابوحرب_الفقيه

مجلس اليهوده فلمملكه تم صنعه
والذي فيه قوم الدجل وهل العماله

العليمي وقومه عند سلمان سلعه
واخرتهم اكيد الرمي وسط الزباله

ونه المرتزق هادي خرج دون رجعه
بذن ربي قريباً والعليمي مثاله

#عبدالغني_ضبعان

هكذا من يخون ارضه وعرضه بسلعه
يجعلـوه النصـارى واليهـود عبـد آله

المجاراة عن العرض العسكري للمنطقة العسكرية الخامسة والوية النصر والقوات البحرية والدفاع الساحلي والدفاع الجوي (وعد الآخرة)

البداية #ضيف_الله_سلمان

الله لك من يوم توقف عنده الايام
وتنحني الدنيا امامه..

يوم الولاء والانتماء والنصر للاسلام
قد لاح في ساحل تهامة..

كذاك يا امريكا كفى عدوان ثامن عام
تجرعي كاس الندامة..

#بسام_شانع

لا سِلْمت اسرائيل وامريكا من الاسلام
ماعاد في الدنيا سلامة

وان ما دعسها دين بدر الدين بالاقدام
لا ترتفع للدين هامة

وما اسلحة ايمان الانصار اسلحة صدام
والسيد الحوثي اسامة

با تتخذ منه ذريعة عصبة الحاخام
تحت اسم مشروع الامامة

#ابويوسف_القاري

نعمه عظيمه جل وجه الله ذو الاكرام
زاد الكرامه بالكرامه

ياسيدي ركب تحالفهم على الصدام
افدي جبينك والعمامه

ماعرض وعد الاخره الا الى الحاخام
ويش انت ياقصر اليمامه

#ابويحيى_أحمد_المنيعي

شعب اليمن للمؤمنين الدرع والصمام
وفي جبين المجد شامه

والسيد القائد زعيم اهل اليمن والشام
وقدوة اصحاب الشهامه

ونفتخر بلجاننا وبجيشنا المقدام
مافرد قصر في مهامه

يا كاتب التاريخ سجل طول ثامن عام
صمود عشاق الكرامه

#حمزة_الحيمي

من (سوف يأتي اللَّه ) جيش الشعب هذا قام
كله تولي واستقامه

لا تحلم امريكا بـ لبّنه في مدينة سام
ونجد باتدفع غـرامه

وان كان وجه الحلف ما يخجل ولا يلتام
تُحرم على بقعا الإقامه

والوعد وعد الآخرة يا حضرة الحاخام
والمسجد الأقصى علامه

#وضاح_الحميصي

في يوم واحد شهر تسعة رفعت الاقلام
والمبصر اتلعثم كلامة

هل في الحديده قامت الاشهاد والاقوام
ولا بدت اول علامة

العرض حق اليوم هذا حـطم الارقام
مشتق من عرض القيامة

الخامسة تكفي لتحرير اليمن والشام
ماهو فقط ساحل تهامه

#ابوصالح_العملسي

قدام يا الشــعب اليماني سوقـــها قدام
والوعد في قصر اليمامه

يا شعـــب لا والله مايخضع ولا ينـضام
وجتاح امريكا قدامه

في حضرتك دنت رؤوس الشر والاجرام
وهامتك فوق الغمامه

اسرج جواد النصر لاقصى يرتقب والشام
نصر اوشهاده والسلامه

#بدر_احمد_الكهالي

الله جل الله ذو الإجلال والإكرام
المطلع خافي انامه

حليف أهل الحق والقائم إذا قد قام
من آل طـٰٓه في مقامه

والامركة قشة ومن معها من الازلام
قريب باننسف ظلامه

دام اليمن شامخ بعز الله دائم دام
ما يحني للموت هامة

#عبدالواسع_صايل_الغولي

اليوم في غرب اليمن يوم القيامة قام
والعالم اتلخبط نظامة

والكون تمم للامام البدر باستعظام
وستبشرت به كل هامة

من بعد وعد الاخرة يازمرة الحاخام
من قام بانسحق عظامة

من بعد سبع اعوام فيها القتل والاجرام
في شعبنا شعب الكرامة

يا الله انا اسالك لجندك ثبت الاقدام
والكفر لاتبقي نظامة

#ابوبدر_ذيبان

ياشعب رافع راية الله ناصر الاسلام
وغايته دين السلامه

خير الامم واعز واقوى اقوام
شامخ ورافع كل هامه

لامريك واسرائيل ومن للكفر خدام
اهل السماجه والرخامه

تحت ارجل الجيش اليماني واثق الاقدام
جيش المدد جاءمن تهامه

#الشاعر_أحمد_الخاشب

شعب اليمن أصبح رقم ضاقت به الأرقام
والجيش هذا العام عامه..

الله رفع ذكره إلى ما الكون لجله قام..
واعلى له الباري مقامه..

من وحّد الله الأحد با يكسر الأصنام..
ويقهر الكفر وظلامه..

بلغ قوى امريكا وحزبه، بيننا الأيام..
ذي ما لكم فيها سلامة..

#الشاعر_ابو_حمزة_ماجد_نشير

قل للملك سلمان ذي هو لليهود خدام
قريب بايسقط نظامه

دامه منع للحج حول البيت والإحرام
دامه منع صوت الاقامه

لا جو رجال المعركه كمن بطل ضرغام
والله مايلقا سلامه

باننصر الاسلام وننهي شلة الإجرام
والخصم بانسحق عظامه

#أسـامـة_المـعبـاء

اليوم عرض الخامسة ياشلة الاقزام
لامايبشر بلسلامة

قد جاء بوعد الاخرة لنصر الاسلام
دام بن طه امامه

ارعب الاعداء وارعب خادم الخدام
معا مهافيف اليمامة

كن يوم الحشر على العدوان قد قام
ياناس من ساحل تهامة

#ابوخارف_ابوشوصاء

.الكل قد وقع لهذا اليوم ب الإبهام
ولقى على السيد سلامه

يوم الصمود والنصر بعد الجرح والآلام
يوم الولا والاستقامه

تبت يد امريكا وإسرائيل والخدام
مايخضعو شعب الكرامه

هذا اليمن من يجهله تثبت له الأيام
من حاربه يلقى الندامه

#ابوكنعان_الروس

رغم الحصار والعناء والجرح والام..
عليك ياشعب السلامه

تحشيد تصعيد تحدي ماضيين قدام..
في للله مانخشى ملامه

كذاك ياحلف الخناء والخزي والاقزام..
مدحور ياقصر اليمامه

#ابوحسين_العصري

هذه الجيوش الحيدرية قادها ضرغام
البدر ذي ترجم كلامه

من وااااقع الآيات يمضي فيلقه قدام
يحمي قيمنا والكرامة

ف الساحل الغربي جهنم والرمال ألغام
والحيدره شاهر حسامه

الويل لامريكا اذا جيش المداني حام
حرام ما تلقى سلامه

#عبدالله_العباد

الحمد لك يالله ماطير المسير حام
على الهدا والأستقامه

انت المؤيد وانت من ذي ثبت الأقدام
يوم الوغى شد احتدامه

من يعتصم في عروتك يارب ماينضام
وابن الوصي عالي مقامه

#ابوصخر_الجوحمي

اخواننا الشهداء فازوا برضواني
صاروا ضيوف الاله الواحد الديان

ضحوا بأرواحهم لله قرباني
من اجل نحيا بعزه دائم الازمان

نبقى على دربهم وندحر الجاني
وحماية اعراضهم واجب من الرحمان

#ابوعلي_الشبواني

الفضل لله ذي اكرم خير لخواني
الي اصطفاهم الاجنب النبي ضيفان

من قول اعدو اعدو الروح له عاني
واتسابقو في سبيل الواحد الديان

واحنا، علاء العهد بعد الثاني الثاني
بانكمل الدرب قاده والويه واركان

#ابوفتح_الاشول

هذا هو الفضل للقاصي وللداني
فرصه للإنسان يلقى الخير والرضوان

من يشتي الفوز يمشي خطنا الساني
ويرفض الكفر ويجهاد قوى العدوان

ويصرخ الموت واللعنه على الجاني
ويلتقي وعد من رب السماء المنان

#ابونوح

مؤمن مجاهد مع ربي ومتفاني
وأختاره الله ليسكن جنه الرضوان

نمضي بنهجه وهذا النهج عنواني
نهج الشهيد العظيم الشاجع الطعان

سجد قصيدي وفيك أنشأت أركاني
والحرف حيران في حضرة عظيم الشان

#ابوغزه_فرحان_العبدي

حيى مع الله نادى صوت قرآني
ولبوا الصوت كمن حيدري طعان

رجال باعوا من الله روح وابداني
وخلدوا ذكرهم يبقى مدى الأزمان

دماهم اروت تراب وحد الأوطاني
وربي اجزل عطاهم داخل الرضوان

#الشاعر_علي_الوزير

بـاعو من الله كمن قرم مـتفانـي
وجددو مع رسولةبيعة الرضوان

ومثلو في المعارك شعب ليماني
حين افتدو الشعب بالارواح والابدان

وبعشقهم للشهادة عرفو الـجانـي
ان اليمن موطن الايمان والشجعان

#ابوحسين_رقبان

فازوا بدرب الوفا حمران الاعياني
بجنة الخلد والفردوس والرضوان

وجسدوا بالولا في كل ميداني
لال بيت النبوه والولاء عنوان

عاشوا على دربهم قاده وفرساني
وفي ولاهم تربوا للوغى شجعان

#مختار_البحري

يهناهم الفوز رجال وافين شجعاني
يقدموا روسهم في خدمة الإنسان

علئ خطاهم نسير الثاني الثاني
جزاء رجال الوفاء الاحسان بالاحسان

باعوا الجماجم في أشرف موقف إنساني
ثاروا بوجه الطغاة ثورة كما البركان

#حمد_بن_ثيبه

يهناه من فاز وستشهد من اخواني
الي معا ال النبي من بدر لا مران

كم جمع دكوه من حلف المريكاني
الذيب معروف لا هاجم قطيع الضأن

يشاركوا في معاركنا على الجاني
أرواحهم حاضرة مافرقتنا سوا ابدان

#الشاعر_ابو_تميم_الافجم

طوبى لمن باع نفسه مثلما هاني
لله بيعة هنيه بـ ارخص الأثمان

وفي سبيل الذي سواه وسواني
حرك جواده وداس جحافل الطغيان

تالله ما ذل وتراجع ولا اتواني
حتى قتل واصطفاه شهيد عظيم الشان

#ابوراكان_السحاري

الفوز محتوم ياربعي ويا اخــواني
يهناء الشهيد اللقاء باالخالق المنان

أختار نيل الشهاده.غير متواااااني
مأأنذل والاتهاون في لقاء العدوان

من دمّه الطاهر أحيا جيل متفاني
يأباء حياة الخناء والذل للطغيان

#الشاعر_بشير_الشامي

فينا العطاء للشهاده نهج قرآني
من صورة النصر والإخلاص والدخان

لجل الكرامه يسير الثاني الثاني
ويكون رأس اليمن مرفوع للاوطان

مادام وحناء مع سير عدناني
بانهزم الكون والعالم مع امريكان

#أبوشهيد_القطمي


في منهج الحق نمضي خطنا الساني
حتى طلوع النفوس من داخل الأبدان

بعنا الذي نمتلك و الكل متفاني
و أرواحنا سابقت للفوز و الرضوان

يهناة من هو قُتل في نهج رباني
أشتاق طعم الشهادة في رضا الرحمان

#نبيل الوشلي

رجال باعوا من الرحمن شجعاني
وارخصوا في سبيله غالي الاثمان

كمن اسد حيدري كرار متفاني
ضحى لنحيا اعزا في رخا وامان

سلام ربي عليهم طول الازماني
وحنا على دربهم نمضي مدى الازمان

#أسـامـة_المـعبـاء

الا جـزاء احسـانهم قال ربي احساني
وجنـة عــرض السماوات قال بلقرآن

باعــوا من الله مالهـم وروح وابداني
وربنا اشتــراء منهم عظيـم الاحسان

في تجــارة رابحة مــافيها خسـراني
قط لاتكسـد ولاتخســر مع الـرحمن

#الذكرى_السنوية_للشهيد_1444ه‍
#إتحاد_الشعراء_والمنشدين

https://t.me/aboyahyaalshami

بالمعركه بايفهم اللي غزاني
وبايلعن اليوم الذي جا برجله

مادام كل رجالنا مثل هاني
لا بد ما يصلا جهنم وهوله

مايـعترينا ذل ولا تـوانـي
لان قايدنا النبي هو واهله

الموت جايكم بوسط الصياني
قريب با ينصب من كل دلّه

#الشاعر_متاش

قل للعدو ياوفد هذا بياني
مابش معانا حل غيره ومثله

اما وسلم كل ما لليماني
من حق ولا ابن اليمن بايصله

يانجد عودي للوراء من مكاني
من جاء يعادينا قد الله شله

باقي لكم فرصة الى يوم ثاني
وبعدها كلين يرجع محله

#ابوشرف_خولان

باالطور هي والوقعه والمثاني
نقسم عليهن ناخذ الثار كــــله

قولوا لبن سلمان هو وال ثاني
وقل لبن زايد يحاسب بفعله

باالدم ناخـــذ دمنا واالمباني
عــــاد المسير باتجي لامحله

لازم يعاني مثلما احنا نعانــي
من باح قتل اطفالنا جاز قتله

#الشاعر_زياد_زيـد

ياسيـدي ابـشـر بنـا في ثواني
قد كل مؤمن سيفه اليوم سله

لابـد من حـلـف العمالـه يعـاني
ويذوق كاس الموت ويطيرشمله

الا الميادين حان وقت الطعاني
في كل جـبهـه مدنا الله بضله

هـامـاتـنـا بالـعـز روس الـعنـاني
وعنـدنا الجبهات نزهه ورحله

#ابوكنعان_الروس

هاذا قرار الشعب صاغه بياني
شعب اليمن معروف قوله وفعله..

ذي ماعرف قدري ويجهل مكاني
لابد من ضربه ترده لعقله..

صبري بلغ حده وهيج جناني
ماعد لهم فرصه ولا اي مهله..

ياكل ثائر حر الى الحرب ساني
الثأر ياأهل الثأر لازم نشله

#أبوصخر_الجوحمي

وافي ولك منالوفاء يالعماني
على جهودك كل شعبي تجله

حان النفيراليوم باسلوب ثاني
واعداد كامل في الميادين كله

ياويل من ودف لحرب اليماني
ولا يريد اخضاعنا للمذله

الكل يعرف بأسنا من زماني
وسأل عن الانصارفي كل مله

#ابوعبدالله_الحشحوش

لايمكن ان الشعب يبقى يعاني
لو الجمل يولج بثقب المسله

بانســتعيـن الله جيش ولجاني
ونحـارب اللـي مامـعـه اي مـلـه

واشهر سلاحي وارمي الي رماني
وكل من هو قرم للسيف سله

ضد اليهودي وأحذيته آل ثاني
عبيد واشنطن هواة المذله

# أبو برق_الصباحي

على أمل بالله عاقد رهاني
ولا أمل بالسامري لي وعجله

في درب كمن حيدري مثل هاني
طومر مثال الفخر اصله وفصله

لن يفهم العدوان أية معاني
أن ما تلقى قص ذيله ورجله

فليسمعوها الكل قاصي وداني
هيهات للانصار تحيا بذله

#احمد_الشعبي

اسم اليماني عز حسب الرهاني
شامخ على كلمة تواريخة أصلة

ما يوم يتراجع و يذكر جباني
ولا يعيش ايام فيها مذلة

قد صنفة ربي بروضة جناني
في سورة للناس مذكور قوله

#براق_اﻟﻤﻨﺒﮭﻲ

الحلف متمرد مخادع أناني
عادي يحط البند والا يشله

ودف من اول يوم شعب رماني
مغرور ذي صدق لميلات عقله

عدوانهم محسوب حتى الثواني
خبر ولد زايد وسلمان قله

الصلح مايشفي ألم في كياني
والثار ثار الشعب مابا يخله

#عدنان_سالم_الذويبي

قد قالها الملصي في عام ثاني
بانقلع اعيونه ونجتث اصله

وذا ما فهم عد با يلاقي الهواني
وطيح جيش من على الف تله

ويسمع به العالم قاصي وداني
انه لقي في ارض اليمن شد قتله

#ياسر_الجرادي

كلمه قصيره شامله للمعاني
الفاصل الميدان والحل حله

وآخر خبر ياكل قاصي وداني
قل لابن زايد وابن سلمان قله

على قرار الحسم عد الثواني
والحلف فاشل لايصدّق لعقله

واحنا مع الله كاسبين الرهاني
وفي بنادقنا دواء كل عله

#الشاعر_ماجد_القادري

شروطنا واحد ولا به ثاني
كلا اليماني أن رجع في قوله

يشهد علينا ذي نعاني
وكل غازي بانقص له رجله

الحرب نعلنها سريعه ثواني
ونحرر الارض الذي محتله

شروطنا هيا حلمنا والأماني
ياوفد عمان قلتها لك جمله

#الشاعر_ابو_صماد_الفليتي

واحنا مع الله قوم قوم التفاني
كلناً مع الله سل سيفه وشله

شامخ وثابت مثل( طه المداني)
ما خاف من حلف الشقاء والمزله

جاهد وقاتل في خطى الشهم هاني
ذي اثبت اقواله بـ صدقه وفعله

انا اشهد انه شعب مؤمن يماني
ولا اولــــــياء الله وانصار رسله

#إيمان_الانصار

السلم. لا حبيت تسلم يداني
وتشرب نقيع السلم من بعد بله

السلم اخر رد ياشر جاني
ولا بايعود السيف من بعد سله

الشعب متضرر مما يعاني
باتحترق ارضك لافاض كيله

#عبدالقوي_البطل

الحل نفزع لانوقف ثواني
نذوقه مر المعاناه عله

يفهم ويسمع ماطلبه اليماني
وما وصلنا ليه لازم يصل له

كما نعاني نجعل امه يعاني
كي لايظن إن المعاناه سهلة

الكل نفزع يارجال مثل هاني
ابو فاضل الي كان رمز البطوله

#هيثم_المعنقي

بالله شعب العز شــد الرهاني
والحلف خابر في الميادين فعله

مهما الشعب عانا ومهما يعاني
بالصبر يلبس سود الايام حُله

مايكتب التاريخ غير التفاني
والعز مــا احد بالدنانير شله

والكل يعرف كان قاصي وداني
نور الهدى والحق ماشفت مثله

لكن قسم باننتزع روحه انتزاع
من بطن ابو عطفه المداوي للعليل

ياكم صبرنا له وهو في ذا المساع
ينشر سموم الحقد في الشعب الأصيل

جريح الحرب #رفيق_زرعان

ونرد للعدوان صاعه بالف صاع
ونتركه مصروع في الصحراء ذليل

الوعي فينا بحر ما له اي قاع
والهدي منبعنا وهو خير الدليل

والقدس والضفه هدفنا والقطاع
من بعد مارب نتجه صوب الجليل

#عدنان_جحوح

الوعي فينا والبصيرة كل ساع
محال بانحيا بدونه مستحيل

بعد العلم فيما يقوله باتباع
وانشهد انه بالوعي ماله مثيل

ذي قهقهر العدوان في كل البقاع
حتى ارتوينا عذب صافي سلسليل

#احمد_عبدالخالق_السقاف

مال الاعادي غير مبطن الكراع
ذي فعلها دق المنافق و الذليل

ثامن سنه وحنا نقاوم ف الصراع
ضحا علا ارض اليمن كمن اصيل

من خانهم بانقطعه كل انقطاع
مال الخون غير البنادق والصميل

#أبوحسين_العصري

ياحلف حاول ثم حاول م استطاع
إخضاع شعبي بالحيل وإلا صميل

لو تجمع أذنابك وطابور الضباع
وكل أباليس الدنق مالك سبيل

تتحطم أوهامك بصخرات الجياع
من حسبنا الله نحتسب صبرآ جميل

#ابو_بدر_ذيبان

اسود ربي ماتسلم للضباع
ومن تطاول ضدنا يمسي قتيل

والفرق واضح بين الانذال الرعاع
وبين احرار اليمن كمن اصيل

كل المسارات واعده بالاتساع
والارض ضاقت في وش الغازي الذليل

#رفـيق_ابـوعلـي

جدي قد اوصاني وقال احياء شجاع
هيهات اعيش في هـذة الدنيا ذليل

في يدي المصحف وفي يـدي كراع
متحدي العالم خضوعي مستحيل

مع ابـن طه لــن ادع حقـي المتاع
المعركه قد اسمها النفس الطويل

#شهاب_المتوكل

قل للسعودي لن يفيدوه الرعاع
ذي يهدروا ويحرضوا صبحن وليل

دمنا مع الله نكشفه ومية صواع
ماتنطلي حيله علينا مستحيل

الوعي فيناشاع والفطنه طباع
نعرف نميز بين غاوي اوعميل

#شاعر_الفتح_ابوعهد

ماهمنا مكر التحالُف والخِداع
مادام معنا الله سبحانه الجليل

سفينة آل البيت مدّت للشراع
عنوانها الله حسبنا ونعم الوكيل

قل للعدو يواجه الله لستطاع
لن يستطيع لو يمتلك الفين فيل

#ابوالفتح_الجرادي

شعب اليمن عــــاده مشمر للذراع
عــاد التحالف ماوصلـــه الا قلـيل

ياويل حلف الشـر لــزداد الصــراع
بايسمع العالم صــراخه والعـويـــل

واحناعلى نفس الخُطادون انقطاع
بعد العلم هيهات نرجـــع او نميــــل

#ذولفقار_قوزع

الشعب واعي بل مخطط والخداع
فاهم بمكر اسعود والفكر الدخيل

لن تنطبق كل الحيل وشعب واع
وثبت ثمان اعوام ف النفس الطويل

كل المخطط ضدنا أصبح ضياع
وسئل رجال الامن وشعب الاصيل

#علي_الشاوش

الحق والباطل يظلوا في صراع
والحق عزة والكرامة لي سبيل

وما دام والسيد بنا أمره مطاع
يبقى عظيم الشان بانصاره كفيل

ومن بأمن الشعب قد تاجر وباع
يلقى مصير السوء والحتف الوبيل

#ابوهادي_الغمري

ومن نوى يحتل فــي ذا الارض باع
محال لو يحشــ ـــد علينا الف جيل

نياتنا تاخـــ ـــــ ـــذ بدل باعك ذراع
حتـى الرضى ممنوع ناخذ بالصميل

والمومري نعطيه مــ ــن بطن الكراع
مـا عندنا غيـــ ـــره نحاكي به عميل

#الشاعر_ذوالفقار_القيدله

شعب اليمن والجيش في كل البقاع
على. الجهوزيه. ولا. فينا ذليل

الشعب. واعي باالقضيه. والصراع
ماباتهزه. . زعزعه . مابايميل

قل العميل المرتهن يخسى. بساع
من خان شعبه نشربه كاسات ويل

#الشاعر_ابوفضل_المتوكل

قول للمنافق لو يغير...... بالقناع
الشعب واعي مايفيده مستحيل

مهما يكيدو ما يهزو ......بالسباع
المعنويه عاليه بذن......... الجليل

وذي على الدنياء تغرر ......بالمتاع
يحسب حسابه ما معه غير الصميل

#أحـــمــد_الاهـــدل

المرحله ياشعـــــــــبنا اكبر صراع
مابين صاحب حق ومنافق عميل

وكل مـــــــــادار الزمن زاد اتساع
المعركة في الوعي والفكرالدخيل

لكن بـــــفضل الله قد بان الخداع
والحق واضح مــــابنقبل له بديل

#ابورائد_السعدي

ضباب بعيون الوطن والشعب ضاع
عميل يدفع به إلى الورطه عميل

صحوة تحدينا بها الحلف الرعاع
قوة عزيمة جاهزيه ماتميل

أكبر من المعقول صرنا بإرتفاع
شموخ يقظه عز ياالشعب الأصيل

#ابراهيم_الحمزي

كمن مجاهد لجل دين الله باع
والله شراء منه وهو نعم الوكيل

نــدي رسـائـل للـذي ودف وضاع
اسأل مجرب قبل ماتصبح قتيل

الشعب خط احمر ويدي مستطاع
مابايهز الشعب كافر وا عميل

#ابو_يحيى_الشوكاني

شر الدواب اليوم زاحت ذا القناع
من بعد ثامن عام ضنه با نميل

يشهد علينا الله والكون الوساع
ما نترك الشعب اليماني للدخيل

بعد العلم يبشر بنا في كل ساع
حتا نحرر عالم الكفر الذليل

#بشير_سفيان

ابناء سلول ديم يحبون الخداع
بفكارهم بايحلموا بلمستحيل

من باعه نفسه في فتاتة المتاع
كشف الحقيق باتبين بذليل

عهد القبايل مايسب ارضه تباع
عمر اليماني ماتخلف او يميل

#الشاعر_ابو_حمزة_ماجد_نشير

قل للعدو ماله وسط ارضي متاع
من ارضنا يرحل رضا ولا صميل

حرك منصات الهجوم ثم الدفاع
فوق العدو واشعل بنيرانك شعيل

وحاشا نفرط او نفكر في الخذلان
ولو يزحف العالم علينا بقواته

و بالصف والتوبه والانفال والفرقان
نواجه قوى الطاغوت ونشل قدراته

#ابوعماد_الزايدي

على منهجه نائبا المذله لاين كان
وهيهات منا الذل للغرب وطغاته

نواجه تحالف نجد وجيوش الامريكان
ولاهمنا في مجلس الأمن واماته

ومن ذالك المبدا ومن ذالك العنوان
نواصل مسيرتنا على نفس خطواته

#محمد_الحربي

له الحمد مولى الحمد والشكر والعرفان
هو اللي نصرنا في سبيله ومرضاته

حفظنا وايـــدنا على قوم الاسـتهجان
ودسنا على خشم التحالف وقواته

على درب ( زيد) الفارس الشاجع الطعان
بناء البدر مشروعه واسس مقراته

وثوره شرارتها ( لمت ) من جبل مران
مضامينها تحمل شعاره وراياته

مع الله نتحدا ونثبت في الميدان
ولوا يكشف ابن العاص للناس سوأتة

#فارس_المعزبي

لك الله ياساير على منهج الرحمـٰـن
وسيرة مَنْ انقذنا وبلَّغ رسالاتـه

وباقي على مازيد في كل موقف كان
مواصل بعون الله كامل مسيراتـه

ثباتك بهذا الضرف عن طاعتك بُرهان
أناخ المصاعب وامتطاها بميقاتـه

وأكَّــد لنا إننت زيدي رفيع الشــــان
مع( زيد) بالبندق وبالشعر وابياتــه

وبالقلب والقالَب وبـ(الروح والريحان)
مسلِّم لـ ابو جبريل .. فاهم إشاراتـه

#ابويوسف_القاري

وعادالحسين وزيد بالحق والفرقان
وقامت بهم للحق والدين ثوراته

مسيره جهاديه بدت من جبل مران
الى الوعد الاخر تتجه من مساراته

ولازيدي الا من تحرك في الميدان
يواجه قوى الطغيان باقوا عياراته

وذي ماوقف في وجه صهيووالامريكان
فلاتحسبه زيدي لواظهر عباداته

وفي زيده قدوه للرجاجيل والفرسان
ولاصادق الا من هتف يالثاراته

#عبدالله_الجرفي

دموع امة الإسلام من عينها شنان
على ماحصل للدين بعد انتكاساته

وفي ذمة التفريط والصمت والخذلان
(علي) وضّع اشقا الأشقيا فيه طعناته

ودم (الحسين) اروى ثرى الطف والكثبان
وبعد الإمام (زيد) اسبل الكون دمعاته

وكل السبب من يوم صلى الدعي سكران
متاهات والدين انحرف عن مساراته

ومن معطيات الوقت نستنتج البرهان
ونهج الولا واجب على الأمه اثباته

#ابوبدر_ذيبان

مع الله بانمضي على منهج القران
وطه وعترته ومن في ولايته

وبالقدوة الابطال رجال الله الشجعان
صدقنا العهود والجيش ظافر بقاداته

زيود المهج بعنا من الواحد المنان
عشقنا الشهاده مثلما زيد وثوراته

بغضنا الحياه واللي يحب الحياه غلطان
لان الخلود في طاعة الله وجناته

جهاد وبصيره حق لا ذل او خذلان
وباندحر الطغيان وجيشه والاتــه

#جلال_الغولي

مع الله وال البيت والذكر والقران
ركبنا الخطوب في يوم تنصيب راياته

ومن منهجيه زيد والظارب الطعان
عشقنا الاباء والتظحيه من بداياته

مع الله تاجر واعتلى قمه الايمان
ومن اجل دين الله قدم لها ذاته

فهولا لنا قادات في ساحة الميدان
ويافخر من كان ال طه قياداته

#الشاعر_فرحان_السلامي

مع زيـد نحـو اللـه نسجـد بكُـل احســان
عــزايــم قـويـــة تنطلــق بعــد شــلّاتـــه

صـواريــخ زيـديــة لهـا عنـــد ربـي شـان
بمنهـج معظــم شــرف الخلــق بـاثبـاتـــه

حفيد الوصي من يتبعـه يرضـي الرحمـن
كسـر هـامــة البـاطــل بـدينـه و عـاداتـــه

فــدائــي لـديــن اللــه بـالســر و الإعـــلان
و مهمـا حـرق فـالـديـن ثـابـت ببصمــاتــه

علىالمذهب الزيدي مضينا الجميع اخوان
نعظــم شعـائـر نهـــج عشنــا علــى ذاتــــه

#علي_بن_علي_مسرع

ومن طبق القرآن اذي جا من الرحمن
سوى زيد واتمعن هدى الله وآياته..

ومن غير زيد اعلن برائه من الشيطان
وخاض المعارك واسمع الكون صولاته.

#هادي_حسين_الرزامي

حليف الهدى ضحى بنفسه وبالإخوان
وبالأهل والأولاد صارخ بهيهاته

شعار الحسين بكربلا مختلف لوزان
ولكن في المعنى اتحد في اتجاهاته

ألا من أحب العيش يحيا بها مهتان
ذليلا أمام الظلم يخسر عباداته

خرج في سبيل الله إيمان بالقرآن
وواجه هشام وما ارتعد في ملاقاته

#الشاعر_ابو_صقر_شعلان

علا منهجية زيد بسم الله الرحمن
مضينا مع الباري بدربه وراياته

بيوم القلوب متنوعه والوجيه الوان
وخلف المذله يخفي الحلف سوئاته

هشام ابن مروان هو محمد ولد سلمان
وشعب اليمن هو زيد وبنفسه وذاته

وماصار في الماضي مع زيد صار الان
مع ابن اليمن ذي اثبت اليوم موالاته

#ابوكنعان_الروس

أمام الهدى والدين والجود والاحسان
وذروة سنام الدين تعلى بهاماته..

وسبط الوصي الكرار والشاجع الطعان
بنهجة ومشروعه سلكنا العز من ذاته..

وزيد الاباء الشامخ حفيد المصطفى العدنان
وتاريخ في الاسلام يحكي عن بطولاته

وقايد قدوة الاحرار هو الساس والاركان
وقايد ثورة الثوار حليف الذكر مصفاته

#ابوحـمـزه_الـمـقـاش.

مـع زيـد نـرقى كـل تـقـريـر واسـتـبيـان
مـع زيـد مـنـهـاج الـكـرامـآت وآيـاتـه

بـنـفس الـخـطاء نـمـضـي بتسليم واسـتـيـقـان
وفـرعـون هـالك بيـن عـجـات حـيـاتـه

مـن يـفـكّر يـقـاومـنا فـي النـار يـصلى
ماخـلق مـن عيتحدى رجـال الحـرايب

يافلسـطين من روحي والانفاس أغلى
كلـّنا لـش رجـال تـثـور عـند النـوايـب

#أبوصخر_الجوحمي

كلمة الحق تعلى والاباطيل سفلى
سنة الله لانصاره ومن هو يحارب

اليهود والمنافق في الميادين اذلاء
والمشاهد موثق والمجاميع هارب

من على ايدي رجال الله وعده تجلى
من يمنا لغزه نشترك بالكتايب

الكرامه ثمنها التضحيه وام ثكلى
لجل نحيا بعزه في جميع الجوانب

#بشار_عباس_الشومي

الجهاد الجهاد ياكل مؤمن تولى
حب ال النبي الفايده والمكاسب

حصحص الحق وانعم بين اسرى وقتلى
والتحالف مشرد فوقه من كل جانب

الف لبيك جينا شعب مؤمن وأملى
ساحه القدس حشده جيشنا والكتايب

من يمن عاصمتنا لا اراضي المكلى
نعلن الصوت واحد جات جند الحرايب

#الشاعر_ابورصيد_المرهبي

حصحص الحق والعالم على غزه تخلى
واهل غزه عن الاسلام واهله تحارب

و كل انسان با يحشر مع من تولاء
في رضى الله والا في صفوف الاجانب

جيش صهيون في قتل اهل غزه تسلى
تحت انظار قادات العرب والاقارب

ليس مومن كل من صام و صلى
ذي تخلى عن جهاد فرض واجب

#الشاعر_نصر_الصوبي

فـــي فلسطين صبح الفـــــتح نوره تلألأ
والنَــــــــصر عـم طيفه من عليها مواكب

وانـــــــــغرق مثلمـا قارون جيش الاذلاء
عنـــــــد ما جاهم الطـوفان من كل جانب

يــــــا بني الصـــــــهينه ميـعاد ربي تجلى
ســــيف غزه عليكم سيف قاصم وضارب

انــــــــما <جاك نــصر الله والفتح> صلّى
ونجـم صهيون ما به شك مضمون غارب

#الشاعر_روح_الله_الحماس

النصر قد دنى والفتح وعده تدلى
والكيان اللقيط اليوم مذعور هارب

وعده الحق وعد الاخرة حسم فصلى
بد ما الصهينة تصلى في النار لاهب

#علي_الشعيثي

يافلسطين بعد الهجمه الذل ولى
والكيان اليهودي في الميادين هارب

عاد طوفان ناوي بعد ماشاف الاشلى
بالمظلات يدخل لابيوت الثعالب

مثل ذي طهر الوادي وحجه ويكلا
يا طواهيش ماتخشا سموم العقارب

خاتمة من تخاذل يذتبح مثل الاطلى
معركه عرفتنا كل صادق وكاذب

#الشاعر_بدر_أحمد_الكهالي

ليس مسلم ولافيه حرية من تخلى
عن فلسطين وقت اللاهبة والنوايب

لا ولن نُخذُلك يا قبلة الدين الأولى
عهد منا الوفاء في سلم وإلا حرايب

نُصرة القدس من كل أولويتنا أولى
عين تنظر الى الأقصى وعيناً لمارب

يا قضية جميع الصادقـين الأجلاء
احتزم في يمن صدق الولآء لإبن طالب

#الشاعر_ابو_صماد_الفليتي

رغـــــم انف اليهود شعب اليمن ماتخلى"
عن فلســــطين ولا حـاد عن أمر صايب"

بايـــــقدم مع الاقـــــــصى مع الله تولى"
آل بيـــــت النبي في نصرة الحق سانب"

لجل غــــــزة بذل روحه مع الله وصّلى"
عن النـّبي وآله الاطــــــــهار ياكل عايب"

#أبوذي_يزن_الدربي

دام ربـــي توعّد وسـط آيات تتلى
وعد ربي حقيقه ما من الوعد هارب

ساعة الصفر دقت لأجل طوفان يعلى
نرسله لأجل غزه دعم إسناد واجب

دام طوفان موجود عادها الحرب تحلى
نرسله كي يبعثر جيشهم والكتايب

#الشاعر_متاش

يافلسطين جاكِ الخير والشر ولى
وامطرت في بلاد الخير مزن السحائب

وابن صهيون ذي عاث الفساد واستحلا
لازم اليوم يتجرع جحيم العواقب

من صواريخ جند ألله يحرق ويصلا
مثلما احرق قلوب الطيبين الحبائب

سدد ألله رميات الرجال الإجلاء
ذي لهم ينحني التاريخ شاهد وكاتب

#الشاعر_أبوعزام_الشامي

يارجـــال الــجهاد الخوف والذل ولاء
لعــنبوا كــل حاكم بين الإذلال حانب

موعـــد النــصر حان ووعد ربي تجـلى
لأجل سحق اليهود وكل ملعون غاصب

ياكــتايب حماس مع الجهاد أنتم أغلاء
من مـــلوك العرب وكــل سلطان كاذب

فوقــهــم فوقــهـم فأنتم أسمى وأعلاء
جيشهم با يكون مابين مقتول وهارب

عنوان المجاراة تحية للقوات البحرية

البداية #ضيف_الله_سلمان

بسم اليمن (امة ونهج وقايد)
نرفع تحايا العز والحرية..

الى رجال الله واحد واحد
سلام يا قواتنا البحرية..

#عباد_ابوحاتم

اقبل الكف القوي و الساعد
باسمي وباسم الساحة الشعرية

سدو طريق الشارده و الوارد
هزو كيان الدولة العبرية

#سلطان_خضران

يسلم ذراع البحريه والساعد
اهل الاياكي ما رمــوا صدريه

سجّاد واصحابه وكل مجاهد
فالبحر الاحمــر راكب الدوريـه

#ابوالمازن_عبدالله_الشريف

يا جيشنا يا فخرنا المتزايد
يا درع جسّد روحنا الثورية

بافعالكم يشمخ يمنّا الصامد
في بحرنا والجو والبريه

دقّوا عليه الصادره والوارد
حتى سقوط الدوله العبريه

#عبدالعزيز_الغرباني

بسم المسيرة والوطن والقايد
وبسم اصحاب النفوس الحية

أعظم تحية بسم كل مجاهد
للبحرية توصل لهم حصرية

#فارس_المعزبي

ونعم بكمِّن حيدري ومجاهد
يرمي على راس العدو صدريه

بالبحر الاحمر والعرب متواجد
يحاصر اسرائيل عن سُخريه

#عبدالله_الجرفي

شيّد رجال البحريه بالساعد
حيد، العرب في ضفته محميه

قراركم في سطح بقعا سايد
والدوله العظمى بكم مسميه

#أبويوسف_القاري

ماتضرب الاكل ضربه جامد
في الانحليزيه وفي العبريه

صفعوا نتنياهو وأذلوا بايد
ومدمراته صبحت سخريه

وصاريبحث له مع بن زايد
لخط تهريبي من البريه

واليوم نتحدا ابوه يعاند
أوامر البحريه القهريه

#ماجد_المطري

للبحريه في البحر الأحمر راعـد
ينسف كـيان الــــدوله العبـــريه

منه التهب ليل الصقيــــع البارد
والأرض رجِّت من مشاهد حيِّه

ونعم بصمَّـام الصمــود الخـــالد
محزم قيادة شعبنـــــــا الثوريه

#عبدالواسع_صايل_الغولي

وخفر السواحل ذي لهم بيساند
على امتداد البحر في البرية

الساطرات تركع لكم والوارد
لكم من الاعماق الف تحية

#سيف_حسن_العامري

البحريه عين اليمن والساعد
والموت الازول للقوى العبريه

اشتد بأس المنطلق والقاعد
بهم والاقصى عانق الحريه

#عابد_المدم

‏لله كن سجاد شاكر حامد..
معنا قيادة نادرة حصرية..

بقوته ما بايخلوا فاسد..
في الارض داسوا القوة الذرية..

#شداد_حُميد

بالبحريه نعتز والله شاهد
هدو كيان الدوله العبريه

وجودهم ب المعركه متواجد
مواقف العزة لهم حصريه

#رامي_السوداني

يا قبضة الشعب لأبي والساعد
ضرباتكم صوب السفن صدريه

هذا العدوا منكم يولي شارد
شاف الاوامر كلها قهرية

#محمد_ابوالعز

الى اليد الطولى رجال القايد
ازكى تحيه خالصه ثــــــوريه

سلام يا زنـد اليمن و السـاعد
في البريـه و الجـو و البحريه

#ابومالك_الكوماني

اول ثمارك يايمنّـا الصامد
قوة تسود حدودنا المائية

وخير من قدم للأمة شاهد
لهشاشة القوات الامريكية

#ابو_نواف_العرجلي

قطّو لصهيون الوريد الوارد
يوم اطلقوها ثابته صدرية

اختضّت امريكا بِعَصرَة ساعد
ما لَو تواجِه ( لنحنِت قسرية)

#علي_الشعيثي

اشعلتو البحر الطويل الراقد
ورعبتو الاعجام والعبريه

في مدحكم تركع حروف القاصد
ويسجدين ابياته الشعريه

#وسام_الحنش

من اليمن ياهل القرار السايد
اقوى تحيه صادره حصريه

اذهلتوا الكون الدني الفاسد
باقوى مواقف يالقوى البحريه

#الشاعر_ابو_صقر_شعلان

شعب اليمن لازال ثابت صامد
يرمي عـداه بالطلقه النحـــريه

وقوة الله صـــــــادره والوارد
والويل لاهـــل القوه السحريه

#عدنان_جحوح

تحية من عدنان محمد فايد
لابطالنا في القوة البحرية

بقلوبنا وعيوننا والساعد
حنا معاكم والهمم معلية

#ابوبدر_ذيبان

مثل المزون الساكبه والراعد
اغلا تحيه زاكيه عطريه

للبحريه ونشاطها المتصاعد
ضد العدو في ملحمه ثوريه

#هادي_حسين_الرزامي

ياالله تحفظ كل شخص مجاهد
في برها كانوا وفي بحريه

واحفظ لنا السيد وكل مساند
لابن النبي والعتره المرضيه

#ابو_محمد_دحان

يامن لكم طوفان الاقصى شاهد
ضرباتكم وافعالكم حصريه

شعب اليمن داعم لكم ومساند
يا فخر الامه يا قوى ثوريه

#الشاعر_ابوجهاد_صبر

من ارض مذحج لا بكيل وحاشد
سـلام  يـا اهـل  الـقـوه  البحريه

يـا زنّـدتي  يـا معصمي  والساعد
يـامحـزمـي  والـتـرس  والشبريه

#ضيف_الله_هجوان

كمن فتى في البحرالاحمر صامد
هـــزو كيان الدوله العبـــــــــريه

قطعــــو مصادر دخلها والـــوارد
لهم التحايا مننا جهــــــــــــــريه

#ذوالفقار_سفيان

النصر من رب السماء متزايد
والامركة من بأسنا مشويه

والبحر الأحمر بايظلي صائد
للصهينة حتى تجي محنيه

#رفيق_زرعان

يا طير في جو الحديدة فارد
لبحريتنا وصل البرقية

سلام وتحية لكل مجاهد
ثقافته في الحرب قرآنية

#ابوحمزه_المقاش.

شـعـب الـيـمـن واحـد وحـكـمـه سـايـد
ومـلـتـزم بـاقـوى عـرى الـسـريـه

يـا بـحـرنـا فـيـك الـولاء للـقـايـد
والـويـل لـجـيـوش الـردى الـعـبـريـه!!"

#أبوصخر_الجوحمي

منا ومن شعب الاباء والقايد
كل التحيه صادقه. معنيه

للبحريه تهدى لهم. متزايد
من حاصروا صهيون والكفريه

المجاراة بعنوان موقف الشعب اليمني من ‎#تحالف_حماية_السفن_الإسرائيلية

البداية #ابومالك_الكوماني

ما خوفتنا قوى امريكا ولاحلفها
ولا سِوى من عذاب الله وحده نخاف

بقوته بانشــردها ومـَن خلـفـها
وعود ربي جلية ما عليها خلاف

#ضيف_الله_سلمان

الامركة ساقها ربي الى حتفها
وكل الايدي والارجل تنقطع من خلاف..

على يدينا نهايتها برغم انفها
عدوة الله قد هي فالسنين العجاف

#عباد_ابوحاتم

شعب الكرامة رفع للمرجله سقفها
يوم العروبه رجولتها مجرد غلاف

والحرب لا قايد الثوره قرع سلفها
تستنفر الارض ويصيب الزمان ارتجاف

#أبويوسف_القاري

في البحر الاحمر مهمةشعبنا نسفها
تغرق وتحرق بوارجها اذا جت صواف

وكل من لف والا صف في صفها
ياويله الويل من يحتط وسط المشاف

#جبر_المسعدي

ذي زف فرعون لابحر الغرق زفها
وباتشاهد وباتبصر ذي ابصر وشاف

باتنعطف لنفجر طوفان في عطفها
ويفطر اكبادها فاطر في اخر مطاف

‌‌‎#ابوالمازن_الشريف

حلف الشياطين واذنابه وما لفها
يرحب على نار تحرق من دخل في المشاف

بفضل ربي جنوده ما غمض طرفها
تترصد الخصم في بحر اليمن والضفاف

#عبدالسلام_الطالبي

جينا على مبدأ العزة وأعرافها
يمن وإيمان حكمة مانهاب العجاف

لويحشد الغرب قواته هنا نسفها
الشعب والجيش جاهز ماهناك احتراف

#ماجد_المطري

في عصر فيه الحقايق قد وجب كشفها
ياشعب الإيمان شمِّر بالسيوف الرهاف

عدونــــــا الأكبــــر امريــكا وذي خلفهـا
واذا قطعنــــــا يـد الصهيونيه لا خلاف

#ضيف_الله_هجوان

بين ارى قوة امريكا دنى قطفها
والنهايه قريبه من قطيع الخراف

يشهد الله باندعس على لقفها
مالها الا اليمن يهقر لها بالمشاف

#الشاعر_ابو_صقر_شعلان

الروس قد اينعت وحان لك قطفها
ياشعبنا واحسم الضربه في اول مطاف

باندعس الامركه ومن مـــع صفها
بصف مرصوص مامثلـــه ولا اصتفاف

#محمد_ابوالعز

المـوريـــات المـغـيــره جهزت عـصـفها
والبحر الاحمر على ناره لوقت القطاف

يتخطف المـ.ـوت ذي حنّت الى خطفها
واجب عليها هي اللي من عدانا تخاف

الامـ.ـرڪـ.ـه لا ارهـ.ـبتنا لا و لا حـلـفها
وكل اساطيلها في وسط عين المشاف

#عبدالقادر_البنا

أمريكا غير اقبلت لجمع مصروفها
هي هكذا كلما حلَّق عليها الحراف

والحمد لله ما نرقص على دفوفها
ولا اعترفنا بها من قبل أي اعتراف

ما نعرف الذل يدعينا إلى خوفها
والا فلا كان منا للسفن اختطاف

#سلطان_خضران

قشه يقول الشهيد القايد بوصفها
لاشي يعني ومن معها تحالف ضعاف

يلعن ابوها ويلعن من يلف لفها
ترحب على الموت لاجت والمنايا زعاف

#محمد_بلابل

قولوا لمن قد تصهين لا يودف بها
شيطان واشنطن الراعي لغثة خراف

يرحب بجيشه واساطيله ومن حبها
واحنا نضيّف عدو الله أحلى مضاف

#شداد_حُميد

لو يحتشد كله العالم الى صفها
في صفنا الله نعم الصف والاصتفاف

وبنتها المجرمه لا بد من حذفها
من الخريطه بدم الابريا والضعاف

#الشاعر_ابوجهاد_صبر

تحالف الشر ضد الخير في صيفها
مابا ينتّج ويثمر لو ترابه خراف

قُل للقوى الغربيه عيني علا كيفها
بالجؤ والبحر هو والبر صوب المشاف

#رامي_السوداني

الامركه باتلاقـــــــي مننا نسفها
وغزوها لليمـــــــن بايصبح آخر مطاف

من الخريطه علينا قد وجـــــــب حذفها
ونظيف نصف اليمن ذي ليس فيها مظاف

#ابو_هادي_الغمري

قريش فـــــــي يوم الاحزاب انتها حلفها
من هول ضربة علي ذابت قلوب الرهاف

واليــــــــــوم الاحزاب با تاتي الى حتفها
حفيد حيدر مـُطور ذو الفقار ابـ مشاف

#أحمد_الخاشب

أئـمـة الـكـفـر با تـلـقـى جـزا اسـرافـهـا
على يدينا عذاب الهون خـتـم المطاف

يا الله تـعـمـي بـصـايرهـم ولا تـشْـفـهـا
لا يوم نتخطّف ارواح اليهود اختطاف

#ابويحيى_الاشرم

والله لو تحشد امريكا مع صفها
جيش العرب والعجم وابقارهم والخراف

هيهات شعب اليمن يرتاب من زحفها
بقوة الله باننسف ابوها انتساف

#عبدالله_الجرفي

البحريه با ترحب لا وصل ضيفها
يرحب على الحاصل اصحاب الكبود الرهاف

تجمع وتحشد علينا الصهينه حلفها
واحنا لها راس ديمونا براس المشاف

#عبدالعزيز_الغرباني

ضفادع البحرية مستقبلة ضيفها
واشواقهم في لقى أمريكا يزل الغلاف

البحرية جاهزه والشعب في صفها
واحنا أولو البأس باننفر ثقال وخفاف

#عبد_القادر_داود

في أوج قـوة مواردها بـدى ضعفها
و رغم ضعف إقتصاد الشعب محنا ضعاف

و ما التحـالـف علـينا غير مـن خـوفـهـا
منّا ، كما احنا نخـوّف دايماً ما نخاف

هي تستغل إزدهار السوق في صفها
و إحنا نسوق المنايا لا قد احنا حراف

#الشاعر_ابوحيدر_عامر

هاتو قوى الكفر والطغيان لا حتفها
هاتو الاصاطيل تغرق لعن ابوا من يخاف

احنا لها الحرب يلعن والدي حلفها
فالبر والبحر عين الجيش فوق المشاف

#احمد_الديلمي

حروفنا الأبجدية باتزيل حرفها
والعبرية تحتذف لا سلة الانحذاف

الله خلقنا لهذا اليوم في نسفها
من بأس شامخ محزّم بالنصال الرهاف

#ابوعبدالله_صالح_عنبل

اختارها الله ربي و اعتمد صفها
لنصرة الحق بأرضه و انتصاف الضعاف

المجاراة بعنوان رسالة تحذير للمريكي واذياله المتحالفين معه.

البداية #عباد_ابوحاتم

‏قل للمريكي والبريطاني
من ارضنا لابد ما يرحل

يرحل بهذا الوجه او الثاني
بحسب ما السيد قد اتفضل

ولا وقع له يوم عياني
يجعل موازين القوى تختل

يسمع به القاصي مع الداني
والارض واملاك السماء تشتل

#ضيف_الله_سلمان

مشروعنا مشروع قراني
واحنا على القهار نتوكل

في ظل قائم حق رباني
زلزل قوى امريكا ولا اتزلزل

من هدي (طه) و(ال عمراني)
علم هدى لا قال با يفعل..

قرآني الاهداف ميداني
ويعرف ايش المشكله والحل..

#أبورواسي_أرحب

الشعب كله روس صيفاني
سم العدا ماضي ومستقبل

مازال من همدان همداني
يمن وذي مايعرفه يسئل

بايلقف أمريكا دخيلاني
هي فاشله والحلف بايفشل

وعلئ يديه الصهينه فاني
بالقصف وإلا جف بالشيول

#عبدالله_الجرفي

يوم اتخذنا مواقف انساني
بالهندراب المندب اتقفل

واليوم صوت الحق ناداني
حيى خير العمل وافضل

الشل ياحمران الاعياني
بالحنبيه والسوط والجرمل

طعفر جماجم واجلد الزاني
ودوس ذيل الكلب يتعدل

#فارس_المعزبي

(واشنطن) المسئول والجاني
وخلف مَن يُقتُل ومَن يُقتَل

و(موسكو) بعد المريكاني
والثالثه لندن في الجدول

يحاولـوا منعـي وحرمانـي
من وقفتي بالمتـرس الاول

والحرب والطوفان طوفاني
قولوا لهم والله ماتحتل

#الشاعرفرحان_السلامي

توجيهنــــا تـوجيــه إيمـانـــي
قـولـو لأمـريكـا و مـن يجهـل

ما نرتهب من حلف شيطانـي
نيــراننــا باكبـــادهُــم تشعــل

و المـوت مترصد لهُم عـانــي
من يقترب با يشرب الحنظل

قـال اليمـن مـاحـد تحـدانــي
و انـا جحيـم الغـازي المحتـل

#ابوالمازن_الشريف

هذا اليمن يا كل شيطاني
ارضه مقابر تبلع المحتل

تحذيرنا من أي عدواني
ما فادكم عدوانكم لول

في بحرنا الميدان ميداني
والله ناصر من به اتوكل

#ابوهادي_عقاب

قالوا تحالف ضدنا ثاني
غيرالذي قدكان من اول

تحالف يهودي ونصراني
والحلف الاول خاب واتبهذل

ونقلهم ذا شعب الايماني
مقابر الغازين ما يحتل

لويحشدوا بالانس والجاني
فالبر والا البحر باتفشل

#ابوحمزه_المقاش

الـنـصـر والـتـوفـيـق ربـآنـي
هـو من تـكـرم لـنـا بـ الـحـل

جـر الـقـلـم بـ اعـذب الـحـانـي
لـعـل للـقـدس بـا يـوصـل

تـحـالف الامـركـه فـآنـي
بـا نـخـبـره قـبـل مـا يـحـصـل

الـبـحـر يـقـذف على الـجـانـي
حـمـم لـهـب نـار مـا تـفـصـل

لا عـاش من هـو تـحـدانـي
وانـا يـمـانـي بـهـم نـكـل!!!"

#الشاعر_عبدالقدوس_الصباحي

بانطحن البنيان والباني
في يوم مهما عننا طول

لن يسكت المجني علئ الجاني
والحر حكم الذل مايقبل

رب السماء نبّه ووصاني
ابذل وهو بالنصر يتكفل

في ظل قائد حر حقاني
اذا نوئ يوصل لهم يوصل

#ابومالك_الكوماني

لو حالفوه الانس والجاني
وتقدموا جحفل وراء جحفل

فعـدتي باللّـه ورهـاني
هو ذي وعد بالنصر وتكفل

فلا قلق ياشعب الايماني
باندعس العدوان بالصندل

المجد باقي والعمر فاني
ومن رضي عيش المهانه ذل

#مقبل_جرام

قولوا لها ان النهج قرآني
وسيدي لاقالها يفعل

ترحل رضى او بالغصيباني
بحر اليمن للخصم موت ازول

والله لا قد شبّ بركاني
لا يقتلب ذي علوها منزل

واشبع من المارنز حيتاني
واجعل موازين القوى تختل

#ابوكنعان_الروس

حيا بمن قد تحداني
للبحر قل للعداء يوصل

للمندب اليوم يلقاني
ملعون من ذل وتخلل

الله للقوة اعطاني
في ضل قايد علم مرسل

ومن هدى أسقاني
عذب اليقين صافي المنهل

#عبدالعزيز_الغرباني

ياكل مثلي وشيطاني
ومن في الباطل استفحل

وكل ملحد وعلماني
واذيالكم كل شاذ اخبل

شعب اليمن عبر الازماني
ولاخضع يوم للمحتل

تحالف الامركة فاني
عليك يالله نتوكل

#ناجي_القطيبي

العالم الغربي هو الجاني
ماكان له شي حق يدخّل

والله لايخرج غصيباني
لايركن ان الوضع مثل اول

لوقد يثور اليوم بركاني
باياكلوه اهل اليمن ماكل

ومن جهلني قل له القاني
وبعدها لاحد يدوّر حل

#الشاعر_ابوجهاد_صبر

تحذيرنا تحذير برهاني
مابعده إلا الكفر يتنكّل

يسمع به القاصي معا الداني
شعب اليمن لاقال با يفعل

انا يماني حر قحطاني
ما اقّبل الغازي ولا المحتل

والمرجله والعز عنواني
عند النوايب صفي الاول

#علي_مغلي

‏من منطلق ديني وايماني
لابد ما يرحل ويترحل

لوبا نجي بالثاني الثاني
ومن قتل فالمعركة يقتل

منهاجنا منهاج رباني
والتضحية مشروعنا الاول

كمن يماني حر متفاني
كم مرغ الغربي وكم زلزل

#الشاعر_عبدالحكيم_ابوهاشم

احنا هل الحكمه والأيماني
تاريخنـا لا زال يتســجّل..!!

القادم اعظم ايها الجاني
بفضل رب الكون والمنهل..!!

وفضل قايد نسل عدناني
بني لحاضـرنا ومستقبل..!!

في نصرته للحق متفاني
اذا دخل للحرب ما يفشل..!!

#علي_الشعيثي

لا تدخلوا ياحلف شيطاني
في حرب ماتطفاء ولاتكمل

اسئل علينا حلف عثماني
كم حصلوا مقتل وراى مقتل

عبدالملك من نسل عدناني
اشماطلبنا نفعله نفعل

وكل صهيوني ونصراني
في حبس لامخرج ولامدخل

#الشاعر_ابو_صقر_شعلان

المجاراة دعوة للمشاركة في المسيرات الواسعة لنصرة #الشعب_الفلسطيني في #ميدان_السبعين في العاصمة #صنعاء وبقية المحافظات

البداية #ضيف_الله_سلمان

بدأ صباح السبت عصر الجمعة
طوفان صبّحهم وهم مجتمعين..

من اجل غزة يارجال الفزعة
ميعادنا يا اصحابنا فالسبعين

#جميل_الكامل

هبو لأجل القدس سرعه سرعه
جهاد نخوه قبيله ياهل الدين

وادي معك خمسه وسته سبعه
لك اجرهم ولو يكونوا خمسين

#جبر_المسعدي

العمر يصحاب الجلاله جزعه
والعين مشتاقه تراء الحور العين

واحنا رجال العز واهل الفزعه
لو فال ١٠٠ منا يسيرو ٩٠

#سلطان_خضران

كلن من الليله ينبي ربعه
لا كل ساحه من يبكر فـ الحين

نصرخ ويسمع صوتنا من سمعه
فالارض والسبع الطباق وعلين

والساكتين اليوم يلقوا سبعه
لا قبيله فيهم ولافيهم دين

#حسن_السعيدي

لبيك ياداعي الشرف والرفعة
وانا وشعبي كلنا مندفعين

نبشّر إسرائيل بعد الصفعة
حياتها مابا تصل لا تسعين

#أبوزيد_النعمي

متوجهين دفعة وراها دفعة
نحرر الٲقصى من المحتلين

والناس جمعه يحضروا في الجمعة
مسيرة السبعين وغير السبعين

#ابراهيم_الغولي

ابشر بنا دفعه وراها دفعه
لجل العروبه والكرامه والدين

من اجل غزه با نلبي جمعه
ولا يهمك يا ابو امجد ذاحين

#عبدالعزيز_الغرباني

شعب اليمن في كــــل يوم الجمعة
يخرج مسيرة داعمــــــة لفلسطين

شعب الحمية والابـــــــاء والفزعة
مع اهل غـــزة واهلنــا في جينين

والمعنوية عاليـــــــــــــة مـــرتفعة
والنصر مطلب شعبنـــــا والتمكين

#الشاعر_ابو_صقر_شعلان

ياموطن الايمان هبوا جمعه
قد النصارا مننا مفتجعيـن

ونصر ربي بايجي في سرعه
وبعدها بانجتمع في حطين

#الشاعر_عبدالقدوس_الصباحي

احنا علئ عهد الوفاء والبيعه
واحنا عليه الامس واحنا ذلحين

الحشد ماهو لجل عيد المتعه
الحشد لجل القدس يابن يامين

#الشاعر_جلال_السكري

بدأ صباح السبت أول جرعة
تروي ضماهم والكبد من غسلين

من اجل غزة حشدو يامنعة
لاتوقفو لي منعكم من ذلحين

#ابومالك_الكوماني

بالوعي واجهنا القوى مجتمعه
دسنا على امريكا مع المنبطحين

ياشعبنا اتحرك بأقصى سرعه
لا كل ساحه نصرةً لفلسطين

#محمد_الاخرم

ياهل الوفاء والمرجلة والرفعة
يا خير أمة هــــمّها نصــر الدين

الكــــل يــــتحضر ويحــــشد ربعـة
على الاقل الشخص يحشد عشرين

#علي_بن_داشع

باننطلق واقلوبــنا مجتـــــمْعه
عند اليمن والعقل عند فلسطين

واخروجنا لـه عز وميــــة رفعه
والشخص فخروجه يعادل تسعين

#عدنان_جحوح

يا اصحابنا الكـل ياخذ رَبعـه
فـزعة من الإيمان لا فلسطين

دفعة وراء دفعة وراها دفعة
حتى يعم النصر والتمكين

#أبوحسين_العصري

المعنوية عالية لا رجعه
عن نصر الأقصى وأهلنا بفلسطين

لو يزحف أهل الشرك كامل جمعه
ما دام واحنا بالقوي معتصمين

في بحرنا العدوان يلقى صفعه
وداخل السبعين يلقى ثنتين
لأجل الكرامة يا يمن و الرفعه
ننفر خفاف اثقال ياجند الدين

#بدر_الكهالي

يبشر بنا الأقــــصى ويبــشر ربعه
نوقف وقوف الاخ جنب فلسطين

مادام دك الكُــــــــفر فيـــــنا ولعة
واحنا جنود الله وانــــصار الدين

#الشاعر_عبدالحكيم_ابوهاشم

يا اهـل الأبـاء والحريّه والمِنعه
ويش عاد باقي بعد هذا التمكين

حضورنا واجب علينا جمعه
حتى لو الساحه يقولوا في الصين

#ابـومـازن_الـرازحـي

عن نصرةالأقصى محال الرجعه
خوفـاً من الله وانتصاراً للدين

وخـروجنا الدايم بعصر الجمعه
جبهه قـويـه تـزعـج المحتلين

#الشاعر_متاش

ويارجال العصر عصر السرعة
كلن يجمع خبرته من ذلحين

نشغل السبعين بكرة قرعة
بحشد يتجاوز حدود البحرين

#وسام_الحنش

واجب علينا يالنشامى جمعه
يانصار ربي القاء في السبعين

مطلوب في هذا الخروج السرعه
من اجل نصرة اهلنا ب فلسطين

#ابوالكرار_المجنحي

كلن من أجل القدس يعمل وسعه
انتو بداعي الدين والله مدعين

حضور عارم شغلوهم قرعه
ردو لهم با الصاع واحد بضعين

#أبو_علي_عركم

ياشعبنا دفعه وراها دفعه
طوفان بشري نحتشد لاالسبعين

نصره لغزه يارجال الفزعه
هذه قضيتنا إلى يوم الدين

#أسـامـة_المـعبـاء

من كل فج وكل صوب وبقعه
بانجتمع يا أنصار ربي والدين

بالعصر لـ السبعين دفعه دفعه
لبيك يالأقصى بنصرك جايين

#الشاعر_وديع_داعر

على المعزة والوفاء والرفعه
ياكل مؤمن حيدري واحمر عين

نصفع بني صهيون اكبر صفعه
ونـقـهر الانـذال والمنـخـدعين

#الشاعر_بشير_الشامي

لا ساحة السبعين مابه رجعه
ياصحابنا يالله نخطاء ذلحين

دفعه الى الساحات تلحق دفعه
نملي ابوها مثل ما يوم الدين

#الشاعر_ماجد_غانم

لله درك ياحماس والصفعه
صفعه وكان الله ناصر ومعين

واحنا اليمن ماحناء بحاجت دفعه
كلين (لا) السبعين شعبي واعين

#أبوصخر_الجوحمي

غزه. تباد اليوم لازم سرعه
بخروج للساحات نصره للدين

لو يخرج الاسلام كله جمعه
من نوقف الحرب التي بفلسطين

#طه_الرازحي

ياقومنا يا أهل العُلا والرِفعة
وأهل المباداء والقيم يالوافين

المجاراة بعنوان (الجهاد سنام الاسلام )

البداية #بسام_شانع

من كان مسلم يثبت انه مسلم
وإلا فما هو منتمي للاسلام

من هو على الملة يسربل ويضم
مع سرايا القدس والا القسام

يوصِل جبال الطور لا وادي خم
ويخذ بثار اهل اليمن واهل الشام


#ضيف_الله_سلمان

مافايدة مُسلم وهو مستسلم
يشوّه الاسلام بالاستسلام..

ذي ما وقف ضد الكيان المجرم
شريك اساسي في جميع الاجرام..

واحنا بحبل الله با نستعصم
مع النبي وال النبي الأعلام..

#احمد_درهم_المؤيد

لا عذر للعالِم ولا المتعلم
أمام آيات الخبير العلام

من هانه الباري فماله مكرِم
واتأملوا آية ،،(وتلك الأيام)

كلمة وشلوها من (احمد درهم)
لاخير في امة تخاف الحكام

#ابورواسي_ارحب

أحلف يمين وأزيد أوقع وأبصم
بالعشر أصابع لافقط بالأبهام

لا العالم الرجعي ولا المتقدم
بايعبروا للعز خطوه قدام

مادام الأمريكان أبوهم والأم
ماحد لغزه غيرنا يا بسام

#عباد_أبوحاتم

من هو مجاهد الف انعم واكرم
ومن تقاعس لن ينال الإكرام

ومن يطوف البيت الابيض محرم
يخلع في الكعبة ثياب الإحرام

ومن صرخ قل لسعودي سلم
هو ذي في البحر سلم يا سام

#محمد_مفلح

ما عادها مسلم يقاتل مسلم
قد هي مع صهيون يا اهل الاسلام

فإما مع غزه بدم ودرهم
والا مع الحلّف اليهودي غرّام

ونعم بمن جاهد وساند ونعم
والله يلعن من رضي بالاجرام

#الحمزة_المغربي

شعب اليمن جنب العلم متقـدّم
والكل في طقم المسيرة قـُــدّام

بـالله وأعلام الــهــدى متـحــزّم
جــسـد نمـوذج عالمي للإســـلام

ترجم حروفك للخلايـق ترجــم
وانشر مجاراتك لهم يابو (سـام)

#الشاعر_نضال_حُميد

أنا ضمير الأمه المتكلم
وانت المخاطب ياضمير الحكام

سكوتكم عن كل حادث مؤلم
أكبر جريمه يا أساس الأجرام

يالجندي المجهول والمستسلم
نهايتك تشبه نهاية صدام

#يحيى_العطيف

لولا الجهاد ان العدو متحكم
ف اعناقنا بيلف حبل الاعدام

ذي مايسل السيف ماله عاصم
من سطوة الطاغوت والاستحكام

ذي مايخوض اغمارها ويزاحم
مضمون باتلقاه تحت الاقدام

#أبويوسف_القاري

من شاهد الاشلاء وهو متبسم
محال يتوقد غضب يابسام

خله أمام الراقصات ا يتمم
ويعيش في وهم الترف والاحلام

العن ابوهم كل ابوهم واشتم
اعراب ريوس مامعاهم قدام

#جبر_المسعدي

يامحور القدس المقاوم قدم
وباترا الوعد الالهي قدام

قيامة الحاخام قامة من قم
ومن نقم ي بداءعذاب الحاخام

باننتقم والله ذي بايحكم
ومن سقط فالوحل عمره لاقام

#حسن_السعيدي

مابه قلق والحاكم المتحكم
بكل شي قيوم حاشاه ينام

وشعبنا كلّه معه متحزم
وجهادنا له والولاء صادق تام

احنا بدأناها وهو بايحسم
رغم انف حلف الامركه والحاخام

#الشاعر_ابوجهاد_صبر

للـكـون ذا صـامـت  انـا  متكلم
هـو  الـورق  وانـا  مداد الاقلام

وبـالثقه   بــالـلـه   انـا   متحزم
لـو ضـدي  العالم  بكله  قد  قام

علا طـريـق  الحق  بـالله  اقسم
ما ارجع ورئ لويُقّطعين الاقدام

#الشاعر_ابو_صقر_شعلان

من كان مسلم حان وقته يهجم
ويرجم اسرائيل حتى مرجام

ماهو يمكنها مجابر دت كم
في النت لايغرم ولاهو غرّام

والا تقدم ضمننا حين نقدم
واحنا عنلطم وانت تثني الملطام

#ابوبدر_ذيبان

جيش اليمن والشعب جند مسلّم
للقائد الحر الابي الضرغام

من هدي نور الله علم يستلهم
منهج جهادي ضد كل الاجرام

نردع طموح كل طاغي مجرم
ونحقق النصر المبين للاسلام

#ضيف_الله_هجوان

ماعاد بلا يارجالي مقـــــــــــــدم
ومن رجع ريوس يجي له ملطام

جهاد واستبسال واللـــــــه يعلم
باحوالنا من قبل تسعه اعــــوام

حرام مانرجــــــــع ولا نستسلم
ولانطبع مثــــــل بعض الخدام

#ابوشهيد_القطمي

هذا هو المطلوب ذي من محكم
أمر الجهاد في المائدة والأنعام

ذي ما نفر ضد الظلالة و أقدم
با يشرب الذلة من أكوابة خام

نهاية الطغيان بحر القلزم
حرام ما يبقى عليها حاخام

#الشاعر_جبر_المهدمي

والواقع المضلم عـ يبقى مضلم
والنور والإيمان ضــد الإضلام

منهو على نهج اليهود متأقلم
بانجـــعله عبـــره لـكل الأقوام

والمعركه فالبحر "أخفع الطم"
من حاط به ذنبه وقع له ملطام

#الشاعر_عبدالقدوس_الصباحي

الحفل في راس السنه والموسم
أقامه اللي حط ثوب الإحرام

ياتابع الجوزي مع ابن القــــــيم
قيم سكوتك عــن مجازر وآلام

ومن جعل جرح الأمم متــورم
لابد يلقئ مالقــــي في الفيتنام

#ابوهادي_عقاب

ياشعبنا الحر الابي الاكرم
يا انصار طه وآ بنيه الاعلام

ياخير امه فالجهاد تقدم
صفوة رجال المرحله والاقدام

هبوا الى ساح الوغى نتحزم
وندحر امريكا طغاة الاجرام

#عبدالقادر_البنا

قد قالها السيد لنا بيعلِّم
هي معركة وعي ورُقي بالأفهام

ودورنا نوعي العقول ونفَهِّم
فالمعركه قبل البنادق إعلام

والشاعر المغوار قايد ملهِم
وثقافة القرآن روح الإلهام

#أبوحسين_العصري

متكيف الشعب الأبي متأقلم
لأعتى المعارك والجهاد الصمام

من شدته بأس العدا متثلم
من هول وقع المعركة والملطام

نخوض الأمواج العواتي و نكم
في البحر الأحمر با نبيد الأقزام

مجاراة عن (الاطماع البريطانية في اليمن ودعوة للشعب اليمني لمواجهة الاحتلال البريطاني الجديد..)!!

البداية من الشاعر عزيز الردماني

الاحتلال البريطاني يبا لطمه.
قد ربما انه نسي ملطامه الاول.

ارض اليمن من غزاها يكتسر خشمه.
وقبر مفتوح للغازي وللمحتل.

بحول ربي وبالشيكي وبالشرمه.
من جا معشق (دبل) يرجع وهو (سنجل).

(انجلترا) لا تشكل فوقنا زحمه.
ما با تحصل سوى ذي جدها حصّل..

#ضيف_الله_سلمان

قد البريطاني اصبح خارج الخدمة
شوفوا لنا غزو ثاني غير مُستعمَل..!!

وكيف يغزي يمن ليمان والحكمة
ذي فرّ منها وعاد الحرب بالجرمل..!!

شعب اليمن غير في حربه وفي سلمه
بايغرقوا في اليمن قد قالها (هيكل)!!

(لندن)وراء كل ماوصلت له الامة
هي ذي تشن الحروب وذي تعيق الحل..!!

#الشاعر_صقر_اللاحجي

(لندن) هي الراعيه للحرب والازمه
واليوم جت لايدك ياشعبنا اتفضل

واين (الحريزي) يعاملهم بلا رحمه
ويدق من شق لما بندقه تبطل

وكل واحد من (المهره) يخذ قسمه
وقسمنا يتركه لاحد ما نوصل

وكل قتّال يكتب في القتيل اسمه
من اجل تدرا به الاجيال كم قتّل..!!

#الحسين_بن_علي_المحضار

من جا يمنا يدور له على لقمه
يلقى ملاطيم باتكسر له المفصل

(عظمى)!! ولاهي تساوي عندنا جزمه
قدامها ذو الفقار وخلفها الجرمل.

قل للبريطان يحفظ تيّة الكلمة
ويدرّس الجند معنا في المدخل:

من يقرب الحد باتبكي عليه امّه
يتّم عياله وخلا الزوجه اترمّل..

#محمد_هزاع_البهلولي

شعب اليمن لاح في كبْد السماء نجمه
نيران حمراء على الغازي ومووت ازول

من جا مهنجم عليهم يكسروا خشمه
ملطام من شعبنا المؤمن ب "كف اشول"

يعرّفوا كل غازي لليمن حجمه
في ماضي الدهر والحاضر ومستقبل

لا عد يزيد البريطاني ولا كلمه
من بعدما اهتان في ماضيه واتبهذل...

#محمد_مفلح

بانبعد الهنجمه والكبر والتخمه
ونركّبه لا ضوى بعد الهمر سيكل

قولوا لهم ما بقي زمره ولا طغمه
وعاقبة كل غازي في اليمن يفشل

لا بد ما الكل يدّي للنقا غرمه
ذي ما ترجّل متى يا قوم يترجّل

من عان ظالم رماه الله في ظلمه
يا من على مائدة سلمان يتسوّل

#الشاعر_سامي_عبيد

سابع سنه والتحالف داخل البرمه
ولادرى في اليمن لاوين بايوصل

دسنا على ارتالهم بالألي اللطمه
واحلامهم بددت والجيش يتبهذل

والإنجليزي مهرول جأ يبا قسمه
ما يدري إن اليمن ماعاد مثل أول

وإنه رقم صعب مابا يقبل القسمه
ومن نوى قسمته مابا يصل لا حل

#الشاعر_شداد_حميد

قولو لهم اص لا نسمع ولا كلمه
من كان واثق برب العالمين ما ذل

الاحتلال البريطاني نسى ل اسمه
من بعدما اهل اليمن صابوه في مقتل

ياما حلم ما تحقق ف اليمن حلمه
هنا انتهى بعدما ف العالم استفحل

ومن نسى مجدنا يقرا في الختمه
احنا اولو البأس وانصار النبي واسأل

#أحمد_درهم

ياشعبنا الجد ثم الهمَّة الهمَّة
العيش تحت الوصاية أمر لايُقبل

ومثلما الحلف خابت عاصفة حزمه
أرض اليمن من يحاول غزوها يُقتل

يامسألة حَلَّهَا ماتقبل القسمة
لوغالط الأجني فيها ولو طوَّل

لا تحلم (الضبع)من بيت (الأسد) لحمه
من قبل تبحث لمخرج حاذر المدخل

#ابومنار_العشي

عين البريطاني أن ارض اليمن لقمه
عزة عليه أن النوايح من غبي واخبل

ما يدري أنها مقابر كلها ضُلمه
يا ويله الويل من لاحضانها هرول

نستقبله( بالمضليات) (والشرمه)
(وبالشياكي)و(بالشاغوف)(والجرمل)

نهايةالقول للعدوان كم كلمه
يبشر بخزيه ووعد اغبر وموت أزول

#ابوالمازن_عبدالله_الشريف

انجلترا درسها منا سبق علمه
وان ودها درس ثاني بايقع مُدبل

ترحب على ماقرح من لاهب البغمه
من كف رامي يحط النار في مقتل

ولا عذر ترتوي القيعان من دمه
ويعود مهزوم بالخيبات متحمّل

هذا اليمن صرح شامخ والعدا سمه
يا كل غازي رويدك قبل تتعجل

#عناش_المشرقي

ردفان لي منع ابوك القمه القمه
اوبه تفكر بلحظه واحده منزل

الشعب منك يشكل ف الحضا جسمه
شامخ ولا زعزعه غازي ولا محتل

قد نصرة الله مذكوره في الختمه
لمن عليه اعتمد واشتد واتوكـل

ببندقك فك في بطن الغبي تلمه
واذراه باروت لايهداء ولا يخمل

#شاعر_بيحان_ابوليث_المحضار

ايهيه عاد البقايا من فتت لحمه..
والحصن والسور والزاكي مع الجرمل..!!

وان قد نسي .. بانعيد الدرس من دمه
ويكون عبره لهذا العالم الاحول..!!

بالله وش جابهم ياقوم وش علمه..
اظن غلطان في الموقع على قوقل..!!

او ساق هذا علينا ذنبه وجرمه..
وجاء يدوّر جهنم .. ظنه استعجل..!!

#عز_الدين_جحاف

صحيح أهل اليمن ف قلوبهم رحمه
كما وصفهم بهذا الخاتم المرسل

وهم رجال الهدى والرأي والحكمه
وأهل الايمان واهل المنهج الأفضل

لكنهم في الوغى والبأس والهمه
أقوى البشر منذ أسعد كامل الأكمل

واليوم صاروا ببوجبريل في القمه
ماجهد ابوك يابريطاني بهم تفعل !؟


#الشاعر_ابو_حمزة_ماجد_نشير

ياكل نشمي مقحقح ماوهن عزمه
من هو يبا حل فهذا اول وآخر حل

بانلطم الخصم بالبندق وبالجزمه
لانه كما بوش يبا له لطم بالصندل

ونوفي اللطم ذا من فوهة البغمه
من خشم رشاش وخشم ام فور ومعدل

المجاراة بعنوان أستجابه لدعوة #السيد_القائد وتأكيد على أستمرارنا على موقفنا مع #غزة لو أستمرت الحرب الى يوم القيامة لافتور ولاملل.

البداية #أبورواسي_أرحب

لبيك يأبن البدر مافينا فتور ولا ملل
أصدع بماتؤمر ولاتهتم في ضهرك جبال

بانرفد الساحات ونواجه قوئ (بل هم أضل)
ولاتخاذل فرد منا لاتسمينا رجال

#ضيف_الله_سلمان

حيا على عهد الوفاء(حيا على خير العمل)
في وجه واشنطن ولندن من جنوب ومن شمال..

بقوة الجبار مرّغنا انوف اعتى الدول
واحنا جنود الله تربطنا محبة وإتصال..!!

#محمد_الهلالي

لبيك ثم لبيك يا (ابن البدر) لأمرك نِمـتَثِل
لبيك ثم لبيك لا يوم الحشر في كل حال

في البر والاّ البحر والا الجو لو رُحنا وُصَل
لـن نترك الأقصئ ولا غزه وبه مَعنا مَجال

#محمد_مفلح

عهد الوفا باقي على ما تخبره منذ الأزل
معك معك ما نعترف بالمعجزه والا المحال

بالموت لامريكا ولاسرائيل قد حان الاجل
ومن رضي بالعار سلّم بندقه لام العيال

#يحيى_العطيف

ابشر بنا واشتد واتحدى وراسك في زحل
واحنا اليمن ياسيدي عبدالملك قول وفعال

اجدادنا داسو معا جدك على جبهة هبل
واحنا معاك اليوم بوئنا المقاعد للقتال

#أبوخالد_الطويل_الجهمي

لبيك يا القائد تلبيك الطوايف والدول
أمة محمد لبتك من دون فرقه وانشغال

راية يمانيه وقايد فوق فوق المحتمل
علم من إعلام الهدى يردع طواغيت الضلال

#عبدالمنعم_المتوكل

على خطى النمري وحـسـان ابـن ثابت والهبل
نطق لسان الحال وتحدى العداء في كل حـال

شعب اليمن بقيادتك جاهز لحرب اقوى الدول
من بعد مـا ركـع قوى الغازي وجيش الإحتلال

#حمزه_الديلمي

درب الولاء والعز في نهج المسيرة لا بدل
ياسيدي واحنا معك خوض المهمات الطوال

جندك رجال الحرب وانت الحق وأهله والأمل
يوم الأمل مفقود في أمّه تملكهَا الظلال

#اشرف_الحسني

ابـشر بعزك سيدي يانجم ساطـع ما افـــــــل
بين الخلايق للشجاعة والوفاء مضرب مثال

یالقاید اللي كــــل ما قاله وهــــدد بـــه فعل
انـــت الامل لابناء غــزة وانـــت للغازي نكال

#زياد_السنافي

احـــــنـــا معك ياسيدي ياتاج رأسي والمقل
ابـشر بعزك واحــــتزم واشــتدّ يابـدر الكمال

نخرج إلى الساحات من كل المناطق والعُزل
خـــروج مــا يتـصورة عاقـل ولا يخطر ببال

#الشاعر_ابو_صقر_شعلان

ابشر بعزك واحتزم وشــــد ظهـــرك لاجبل
وتحت امرك كلنا في سلم والا في قتال

والله لو تزحف علا شعب اليمن كل الدول
مانتركك ياسيـــــــــدي ولو تقطعنا وصال

#ابوحمزه_المقاش

لـبـيـك في عـصـر الـضـهـور الـطـايـلات بلا جـدل
لـبـيـك يـا سِّـر الـحـروف انـولـعـه مـن كل جـال

لـبـيـك واحـنـا لك فـداء يـا سـيـدي نـور الـمـقـل
بـاقـيـن فـيـنـا لك ولاء مـطلـق ولك خـيـر الـرجـال

#ابو_هادي_الغمري

لبيك يامن بك قمر الاسلام اسفر واكتمل
وانعم بك المولى علينا نشكره مولى الجلال

لو اشر اصبع كفك اليمنى لتحريك الجبل
نحركه يا سيدي لجلك خسى كل المحال

#الشاعر_ابوجهاد_صبر

عهد الوفاء ماقد تغير بل تجدد وابتهل
ياسيدي عبدالملك تبشر بنا في كل حال

والعزم فينا ماوهـن بل زاد ياسيدي دبل
والوعد وعد الله في القران مافيها جدال

#جميل_جعفر_ابوشامخ

سبحان من سخر سفينة نوح للشعب البطل
واختار له قايد بطل من آل طه خير آل

الحق غالب وانهزام الحق ما هـو محتمل
ولا لنصر الأمركه و الصهينه أي احـتـمـال

#الكرار_المشراقي

لبيك يابن المصطفى ابشر بنا مهما حصل
معك معك الشعب كله من جنوبه لاالشمال

لوتحشد امريكاء علينا الكون كله والدول
مانترك الاقصى وغزة لوتقطعنا وصال

#رفيق_ابو_علي

لبيك ياداعي الهدى يامن لك الشعب امتثل
لبيك نعلنها علــن فــي سلم ولا في قتال

عهد الوفــاء باقــي معمد بيننا منذ الازل
لو تطلـــب الارواح نديها بطاعة وامتثال

#مختار_البحري

لبيك يابن البدر لبيناك لونرجع وصل
احنا رجالك يا العلم في سلم ولا في قتال

ياوارث القرآن يا قايد لنا عاد الامل
معك معك ونهاية اسرائيل مافيها جدال

#عبدالقوي_البطل

لبيك ياقائد مسيرة عالمية للآزل
قانونها مايختلف في الشرع والا في القتال

نحشد ونتحشد نواجه نصنع الي ماحصل
مادام موقفنا مع الله صح مافيها جدال

#شاعر_بلاد_الروس

حاضر نعم ياسيدي لبيك لو نطلع زحل
أو نطلع المريخ بانطلع رجاجيل الرجال

مابا نمل حاشا ولا نقعد ولا فينا كسل
لو تستمر الحرب طول العمر نعشق للقتال

#ابـومـازن_الـرازحـي

سمعاً وطاعة سيدي ونعاهدك حتى الأجل
بمساندة أبطال غـزة لو سعير الحرب طال..

على طريق القدس باستمـرار لايوجد كلل
باهـي بنا كل الأمم واضـرب بنا كل الضلال..

#وسام_الحنش

ابشر بنا ياسيدي يابدر بنواره اطل
على المبادي والاخوه والكرامه لانزال

كنا ولازلنا كما كنا وطبعاً بانضل
انصار يجمعنا بغزه وهلها درب النضال

جريح الحرب #رفيق_زرعان

من مبداء التسليم والمسؤليه قول وعمل
حشودنا باتذهل العالم جنوبه والشمال

المجاراة بعنوان تلبية لدعوة #السيد_القائد

البداية #ضيف_الله_سلمان

ميعادنا الساحات ياشعب الوفاء
من كل بيت وكل سهل وكل واد..

الله امرنا والنبي المصطفى
بجهاد من عاثوا في الارض الفساد

وين الشعوب المسلمة ماقد كفى!!
ذا الصمت والشعب الفلسطيني يُباد..؟!!

#ردفان_الرقيمي

حــــــرام لو توصل ركبنا للحفــــــاء
عن شعب غزة ما نقف موقف حياد

مثل العــــــــرب شلو دماهم والقفاء
ذي مــا حــدا دخَّـل لها حبة مضــاد

لاما شفينا جـــرح مستشفى الشفاء
ما أحنا شداد الباس وأحفاد الشداد

#الشاعر_ابو_صقر_شعلان

ميعادنا ياهــل المــوده والصفاء
مع رسول الله واعـــــلام الرشاد

يالامس التأييد هي لمسة شفئ
اشمخ وقل لليهوده عادش وعاد

مادام وسهيل اليمـاني مااختفى
لابد يفنى من طغوا وسط البلاد

#فارس_المعزبي

طرف اليمن عن اهل غزه ما غفى
ولا تراجَع شعبنا خوف الشِّداد

خروجنا الساحات معناه اِكتِفــا
بالذّات واِستبسال في درب الجهاد

ومَن تخاذَل او تنصَّل او جفـى
يموت متصهين ولا حقـق مــراد

#يحيى_الوحيشي

واحنا على الميعاد هيهات الجفاء..
تبشر بنا غزة وتبشر بالعتاد..

افا على من يرتضي الذلة افا..
والا ارتضى الجلسة مع امات الجعاد..

اذا شعوب الامة اليوم اختفى..
فشعبنا حاضر بساحات الجهاد..

#ابومحمد_السحاري

نفير واستنفار واعظم موقفا
حشود مليوني يالقوم الشداد

لنصرت الاقصى بصوتك تهتفا
ولبي ابن البدر وخروجك جهاد

وادعي الشعوب المسلمه بن توقفا
من قبل مايلقو السخط وعذاب عاد

#مانع_البوساني

أبشر بخرجه ينتقش عرض الصفاء
تاريخها وتعُم سمعتها البلاد

والشعب طرفِه لجل غزه ما غفاء
شعب اليمن ذي ميَّزِه رب العباد

الأرض فرشِه والسماء فوقه دِفاء
يرقد مسلَّح واصبعه فوق الزناد

#محمود_الجنيد

يتوسع السبعين لابعد الحفا
ونهايته ترجع لما بعد السواد

هذا هو الشعب الذي ماقد غفا
شعب اليمن عاشق ميادين الجهاد

لبيك ابو جبريل وابشر بالوفاء
(احنا سلاحك سيدي واحنا الزناد)

#حسن_السعيدي

ياشعبنا انت الدواء وانت الشفاء
لشعب غزة وانت لاجراحه ضماد

وانت الوفاء يوم اكثر الناس اختفى
وانت السند وانت المدد وانت العتاد

والنصر يشتي صبر والردّه جفاء
والصمت والخذلان ذله وارتداد

#عبدالمنعم_المتوكل

قدام بانمضي ولن نرجع قفى
والشعب كله في ميادين الجهاد

الفرد شامخ مثل ما حيد الحفا
والسيد القائد كلامه ما يعاد

من حشدنا المحتل طرفه ما غفا
وكل جمعة بانزيد الإحتشاد

السلّم المروة وعطان الصفاء
وساحة السبعين مكة يا جياد

#الشاعر_نضال_حُميد

ابشر نجيك افواج والافي لفاء
بجيش مامثله عشق درب الجهاد

يمتد من سوق الحتارش للحفا
ومن جبل عطان لاخلف السواد

وفاء لقائدنا الحسيني واقتفى
على أثر قوم المهمات الشداد

#جميل_الكامل

ياشعب كم كثر حشوده واحتفى
باسناد غزة قام بالواجب وزاد

لكل ساحة عز قلبه كم هفى
صادق وعاشق عشق صادق للجهاد

رغم المطر ، والشمس ، والجوع ، الحفى
رغم المسافة رغم انف اهل العناد

#محمد_الاخرم

ياشعبنا الردة عن الموقف جفى
حاشاك تتوقف وترضى بالحياد

ماغُض طرفك يايــــمنا أو غـــفى
وجرائم المحتل الارعن في ازدياد

من ساعة الـــــــشدة توارى وأختفى
ماهو من أهل البأس الاحرار الشداد

#الشاعر_متاش

ما احنا من القوم الذي تتخلفا
عن نصر دين الله واسناد الجياد

في كل ساحة شعب الإيمان مااكتفى
حتى يطهر كل ارجاء البلاد

ونرجع إسرائيل قاعاً صفصفا
وابراج واشنطن نرجعها رماد

#علي_حشفول_الهلالي

يا شعب ما يعرف ملل والا انطفاء
ومبدأة ثابت على درب الجهاد

هبوا الى الساحات واتحاكوا كفى
وغيضوا العالم بكبر الاحتشاد

#هاشم_الحوثي

عهد الولى منا لسبط المصطفى
من كل ساحات البطولة والجهاد

إنا على درب الكرامة والفداء
ولأجل غزة لو تحولنا رماد

في كل جمعة يارجاجيل الوفاء
يبشر بنا السيد نزيد الإحتشاد

#أبوصخر_الجوحمي

مانترك الساحات لو نمضي قفا
كلا وغزه من عدو الله تباد

ابشر بنا يابن النبي المصطفى
نخرج الى الساحات طاعه واتحاد

الله في داخل كتابه ما عفا
إلا. ثلاثه غيرهم لازم. جهاد

#ابوبدر_ذيبان

مليوينة من شعب للذلة نفا
ابشر بها ياسيدي حسب المعاد

طوفان غضب ضد الصهاين مردفا
في زادة الايمان والعزة عتاد

ونقول للمحتل والخاين كفى
ولى زمان الهيمنة والاضطهاد

#الشاعر_ابوصادق_الشيبري

جهاد حتى النصر مافينا جـــــفا
وحبنا للمصطفى وعي وجهــــاد

من الثقه باالله دايم واكــــــــــتفا
وخروجنا الساحات بعده والعــتاد

تاييد للاحرار كلن يوقـــــــــــــفا
ياامة الاسلام لا. للابتـــــــــــعاد

#سليم_نشوان

لبيك ياسبط الحبيب المصطفى
ابشر بناء نعمل بجد واجتهـــاد

نخرج الى الساحات نصرخ نهتفا
بصوت (فوضناك) في انحا البلاد

وارواحـنا للمعركــــــــــه تتلهفا
ياسيدي كلن يـــده فوق الزناد

#احمد_عبدالرحمن_الظمين

ذي خان غزة يوم نادت وختفا
وذي تولى يوم جاء وقت الجهاد

#الان.. عاجل..
#فعالية تآبين الشاعر مختار حيدر. رحمة الله..
#بحضور ممثلي الاتحاد العام للشعراء والمنشدين باليمن.
#ومشاركة كوكبة من الشعراء البارزين.
#الشاعر محمد الحربي #الشاعر حمزة المغربي #الشاعر حمزة الحيمي #الشاعر عبدالله البحم #الشاعر جميل الكامل #الشاعر عبدالقادر البناء #الشاعر جمال عوضه#الشاعر علي الفاطمي #الشاعر عبده علي هاشم #عبدالكريم الجيلاني #الشاعر اسامة المعبا#الشاعر ابو همام الطاهش #الشاعر عبدالواحد مدفع #الشاعر دحان المصري #الشاعر ريدان حيدر # الشاعر ابو حمير.
#الشاعر غادر مدفع..‏صورة من جميل ناجي