⚡️Bolalar ombudsmaniga joriy yilning 24-aprel kuni Qashqadaryo viloyati Chiroqchi tumanida yashovchi fuqaro O.Yu. dan murojaat kelib tushdi.

📌 Murojaatda Chiroqchi tumanida yashovchi voyaga yetmagan qiz B.B. (2006-yilda tug‘ilgan) ga nisbatan jinsiy tegajog‘lik qilinib, bu videoga olinganligi va tasvirni tarqatish bilan tahdid qilinayotganligi bildirilgan.

Bolalar ombudsmani mazkur holatni o‘z kuzatuviga oldi❕

🖇 Aniqlanishicha, 2023-yil iyul oyida B.B. ga Sh.X. tomonidan jinsiy tegajog‘lik qilinib, bu holat boshqa shaxs - J.M. tomonidan telefon orqali videotasvirga olingan. Keyinchalik J.M videotasvirni tarqatib yuborish bilan qo‘rqitib, qizdan tovlamachilik yo‘li bilan pul olgan, ammo shundan keyin ham videotasvirni tarqatish bilan tahdidni davom ettirib, tovlamachilik qilib kelgan.

Mazkur holat bo‘yicha B.B. (2006-yilda tug‘ilgan) 2024-yilning 30-mart kuniga kelibgina tuman IIBga ariza bilan murojaat qilgan.
Tergovga qadar tekshiruv doirasida sudga oid tibbiyot, kriminalistika va biologiya ekspertizalari tayinlangan.

Joriy yilning 8-aprel kuni JKning 25-moddasi (Jinoyatga tayyorgarlik ko‘rish va jinoyat sodir etishga suiqasd qilish) orqali 118-moddasi 3-qismi “a” bandi (Nomusga tegish) va 165-moddasi 1-qismi (Tovlamachilik) bilan jinoyat ishi qo‘zg‘atilgan.

Hozirda jinoyat ishi bo‘yicha dastlabki tergov harakatlari olib borilmoqda.
Mazkur jinoyat ishi Qashqadayo viloyati prokuraturasi nazoratida, Bolalar ombudsmani bu borada o‘z kuzatuvini davom ettirmoqda.

‼️ O‘z navbatida, OAVda internet orqali voyaga yetmaganlarga nisbatan sodir etilgan zo’ravonlikka oid jinoyat yoki huquqbuzarliklar yuzasidan foto yoki videotasvirlarni ochiq holda tarqatish shaxs, shu jumladan, bola manfaatlariga mutlaqo zidligini eslatamiz. Buning uchun qonunchilikda tegishli javobgarlik ko‘zda tutilgan.

Telegram|Facebook|Instagram|X

⚡️ Ijtimoiy tarmoqlarda Toshkent viloyati O‘rtachirchiq tumanida yashovchi ota uy-joy yuzasidan oila a'zolari bilan nizolashib, turmush o‘rtog‘i va farzandlarini uydan haydab chiqarish bilan tahdid qilayotganligi va farzandini shafqatsizlarcha urib do‘pposlayotganligi aks etgan video tarqaldi.

Mazkur holat Bolalar ombudsmani tomonidan nazoratga olindi❕

Bu borada ko‘rilgan choralar yuzasidan qo‘shimcha ravishda ma’lumot beriladi.

Telegram|Facebook|Instagram|X

📌 Bolalar ombudsmani Kotibiyatiga joriy yilning 29-mart kuni Farg‘ona viloyati Qo‘qon shahrida yashovchi M.H. (erkak kishi) murojaat qilgan.

📃 Murojaatda M.H. turmushidan ajrashgani, 2 nafar farzandi borligi, ular onasining qaramog‘ida ekanligi, 2021-yilda tug‘ilgan qizi M.X. oyog‘idagi kasallik tufayli Toshkent shahridagi shifoxonalarda davolatganligi, hozirda qizi yurishda qiynalayotganligi, uni Toshkent shahrida davolanishiga sobiq turmush o‘rtog‘i va uning qarindoshlari qarshilik qilayotganligini, M.H. kasalligi tufayli yurolmay qolishidan xavotirda ekanligini bildirib, sobiq turmush o’rtog’ini bunga ko’ndirib, qizining sog‘lig‘ini tekshiruvdan o‘tkazish va davolashda amaliy yordam berilishini so‘ragan.

Bolalar ombudsmani so‘rovi asosida Sog‘liqni saqlash vazirligi hamda Ijtimoiy himoya milliy agentligi mazkur holatni atroflicha, har tomonlama o‘rgandi❕

🔷 Ijtimoiy himoya milliy agentligining Farg‘ona viloyati boshqarmasi xodimlari o‘rganishi davomida bolaning onasi M.K. farzandiga hozirda zaruriy tibbiy muolajani viloyat darajasida ko‘rsatilayotganligi, qizini qayta tibbiy ko‘rik va davolash uchun respublika markaziy tibbiy muassasalarga olib borishga qarshi emasligi, lekin farzandi bir necha bor rentgen qilinganligi sababli, yana ortiqcha nurlanish uning sog‘lig‘iga salbiy ta’sir qilishi tufayli bolani qayta rentgen qilinishiga rozi emasligi aniqlangan.
Bolalar ombudsmani Kotibiyati xodimlari ham ona bilan suhbatda uning mazkur vajlarini o’rgangan.

SSV tomonidan tuzilgan (Respublika ixtisoslashtirilgan travmatologiya va ortopediya ilmiy-amaliy tibbiyot markazi) malakali mutaxassislar komissiyasi joriy yilning 13-aprel kuni bergan xulosasiga ko‘ra, bola bugungi kunda olayotgan konservativ davolanish muolajalarini davom ettirishga muhtojligi ma’lum qilingan.

Bu borada Bolalar ombudsmani kotibiyati xodimlari tomonidan M.H. ga bir necha marotaba huquqiy tushuntirish berilgan. O‘z navbatida, M.H. tashkilot bergan ko‘mak uchun o‘z minnatdorligini bildirgan bo‘lsada, jamoatchilik faollari va ayrim OAVlarga murojaat qilib, uning mutasaddilarga so‘rovi javobsiz qolayotganligini bildirishda davom etgan❗️

Qayd etish kerakki, qachonki ota yoki onaning harakatlari bolaning hayoti va sog‘lig‘i uchun xavf solmasa, sobiq er-xotin o‘rtasidagi nizolar faqatgina sud tomonidan hal etilib, bu Bolalar ombudsmani vakolati doirasidan tashqarida. Nizodagi taraflar mazkur masalani sud tartibida hal qilishi maqsadga muvofiq hisoblanadi.

Telegram|Facebook|Instagram|X

📌 Bolalar ombudsmani Kotibiyatiga Buxoro viloyati Romitan tumanida yashovchi fuqaro Sh.M. (ayol kishi) dan murojaat kelib tushdi.

📝 Murojaatda Sh.M. 2018-yilda tug‘ilgan qizi M.M. Respublika bolalar onkologiya va gematologiyasi markazida davolanayotganligini, bolaning otasi T.J. qizni davolatishdan bosh tortib, moddiy ta’minot bermaganligini, aksincha ota bolaning davolanishi uchun "Saxovat va ko‘mak" jamg‘armasidan ajratilgan pulni o‘zlashtirganligini bildirgan.

Bundan tashqari, ayol ota farzandi va unga ruhiy tazyiq o‘tkazayotganligi, bu esa bolaning ruhiyatiga salbiy ta’sir qilganligini bildirib, uni va farzandini otasining tazyiqlaridan himoya qilishda yordam so‘ragan.

Bolalar ombudsmanining Ijtimoiy himoya milliy Agentligi va Ichki ishlar vazirligiga kiritgan so‘roviga asosan mazkur holat G'ijduvon tumani "Inson" ijtimoiy xizmatlar markazi hamda tuman IIB tomonidan o‘rganildi.

O‘rganish natijasida fuqaro Sh.M. va voyaga yetmagan M.M. ga 1 oy muddatga himoya orderi rasmiylashtirilib, otaning ruhiy zo‘ravonlik harakatlariga chek qo‘yildi✅.

Telegram|Facebook|Instagram|X

#xorijiy_murojaat #bola_manfaatlari

📌 Oliy Majlisning Bola huquqlari bo‘yicha vakili (Bolalar ombudsmani) nomiga joriy yilning 9-aprel kuni Rossiya Federatsiyasi Tatariston Respublikasi Bolalar ombudsmanining murojaati kelib tushdi.

📃 Murojaatda O‘zbekiston fuqarosi N.Q (ayol) 20 yil avval doimiy yashash uchun Rossiya Federatsiyasining Qozon shahriga kelganligi, yong‘in oqibatida uning fuqarolik pasporti yonib ketganligi va RFda hech qanday hujjatlarsiz yashaganligi, N.Q. da bu vaqt davomida 6 nafar farzandi tug‘ilganligi, Qozon shahri tuman sudining qarori bilan u farzandlari bilan shu yilning 5-mart kuni RFdan majburan chiqarib yuborilganligi aytilgan.

❕Shu bilan birga, Tatariston Bolalar ombudsmani hozirda N.Q. 6 nafar farzandi bilan Toshkent shahrida boshpanasiz va pulsiz og‘ir ahvolda ekanligini va bu oila ijtimoiy hamda boshqa turdagi yordamga nihoyatda muhtojligini bildirgan.

Bolalar ombudsmani xorijiy so‘rovda bayon etilgan holatni atroflicha o‘rganib, vaziyat yuzasidan zaruriy choralar ko‘rilishi uchun Ijtimoiy himoya milliy agentligiga va IIVga so‘rov yubordi.

Agentlik tomonidan ushbu murakkab holat kompleks ravishda atroflicha o‘rganilib, N.Q. va uning 6 nafar farzandiga qator muammoli masalalarda manzilli ko‘mak ko‘rsatildi✅.

🖇 Jumladan, joriy yilning aprel oyida ayol va uning farzandlari uchun eng zaruriy birinchi navbatdagi ko‘mak ko‘rsatilib, oziq-ovqat, kiyim-kechak va boshqa maishiy ehtiyojlari ta’minlandi hamda bugungi kunda bu borada ko‘mak davom ettirilmoqda.

📍Muhimi, Agentlik sa’y-harakatlari bilan 26-aprel kuni oila vaqtincha boshpana uy-joyga joylashtirildi.

Shuningdek, IIV tomonidan 24-aprel kuni N.Q. ga va uning voyaga yetgan farzandi I.Q. (2006-yilda tug‘ilgan) ga shaxsini tasdiqlovchi hujjatlar rasmiylashtirib berildi📑.

N.Q. farzandlari bilan RFning Tatariston Respublikasiga tez kunda qaytish va farzandlari u yerda o‘z ta’limini davom ettirishi istagida ekanligidan kelib chiqib, hozirda uning barcha farzandlariga (2009-yilda tug‘ilgan L.Q., 2011-yilda tug‘ilgan R.Q., 2015-yilda tug‘ilgan I.Q., 2017-yilda tug‘ilgan I.K., 2022-yilda tug‘ilgan A.Q.) xorijga chiqish pasportlari rasmiylashtirish jarayonidadir.

O‘z navbatida, Bolalar ombudsmani xorijiy hamkasbi bilan N.Q. ning RF Qozon shahri sudining deportatsiyaga oid qarorining yuqori instansiyada qayta ko‘rilishida N.Q. va uning RFda tug‘ilgan farzandlarining qonuniy manfaatlarini himoyalash yuzasidan huquqiy ko‘mak ko‘rsatilishiga oid muzokaralar olib bormoqda.

Telegram|Facebook|Instagram|X