📌Bugun Bolalar ombudsmanining bola masalalari yuzasidan navbatdagi shaxsiy qabuli bo‘lib o‘tdi.

🎤Qabul davomida quyidagi masalalar yuzasidan fuqarolar murojaat qildilar:

1️⃣Qizi muttasil ichkilikka ruju qo‘yganligi oqibatida voyaga yetmagan farzandiga g‘amxo‘rlik qilmasligi va unga nisbatan muntazam jismoniy zo‘ravonlik sodir etayotganligi, natijada bolaning ruhiy holatida o‘zgarishlar kuzatilayotganligini bildirgan buvi nevarasining xavfsiz oilaviy muhitda yashashini ta’minlash maqsadida himoya orderini berilishi va bola uning tarbiyasiga topshirilishida ko‘mak so‘rab qilingan ariza;

2️⃣Oilaviy nizo ajrimdan so‘ng ham davom etayotganligi, ota voyaga yetmagan farzandlariga muntazam ruhiy bosim va tazyiq o‘tkazib kelayotganligi haqida onaning murojaati;

3️⃣Voyaga yetmagan 2 nafar farzandlari hayotida muayan vaqt ishtirok etmaganligi, ammo hozirda ular bilan ko‘rishish tartibini o‘zgartirilishi da’vosi yuzasidan sud majlisida Bolalar ombudsmani vakili ishtirokini so‘ragan otaning murojaati.

✅Yuqoridagi holatlar yuzasidan Bolalar ombudsmani tizimli ravishda o‘z vakolati doirasida o‘rganishni boshladi.

↗️Oliy Majlisning Bola huquqlari bo‘yicha vakili huquqiy maqomi va vakolatlari ta’sirchanligi kuchaytirilmoqda

✍️Bugun Oliy Majlis Qonunchilik palatasining navbatdagi yalpi majlisida “O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) to‘g‘risida”gi O‘zbekiston Respublikasining Qonuni qabul qilinishi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish haqidagi Qonun loyihasi ko‘rib chiqildi.

❗️Mazkur qonun loyihasi bilan 13 ta qonun hujjatlariga tegishli o‘zgartirish va qo‘shimchalar kiritilishi nazarda tutilmoqda.

⚠️Xususan,

🎚️Bola huquqlari bo‘yicha vakil huquqni muhofaza qiluvchi organlar tomonidan bolaga qarshi sodir etilgan jinoyatlar yuzasidan xabardor qilinishi majburiyligi;

🎚️Bola huquqlari bo‘yicha vakilni bolaga qarshi sodir etilgan jinoyatlar to’g’risidagi ish materiallari bilan tanishtirish shartligi;

🎚️ozodlikdan mahrum etilgan voyaga yetmagan mahkumlarning, ushlab turilgan va qamoqqa olingan shaxslarning murojaatlarini Bola huquqlari bo‘yicha vakilga yuborish tartib-taomili;

🎚️“Davlat boji to‘g‘risida”gi Qonunda Bola huquqlari bo‘yicha vakilning bola manfaatlari yuzasidan arizalar va da’volar bilan ma’muriy va fuqarolik ishlari bo‘yicha sudlarga murojaat qilganida, davlat bojini to‘lashdan ozod qilinishi;

🎚️parlament palatalari tomonidan Bola huquqlari bo‘yicha vakilning daxlsizlik huquqiga doir masalaning ko‘rib chiqilishi hamda Bola huquqlari bo‘yicha vakil ma’ruzasini eshitish tartibi;

🎚️Bola huquqlari bo‘yicha vakilning qonuniy faoliyatiga to‘sqinlik qilganlik uchun ma’muriy javobgarlik to‘g‘risida alohida normalar belgilanmoqda.

🚨Aytish joizki, ushbu qonun loyihasining qabul qilinishi Bola huquqlari bo‘yicha vakil faoliyatining huquqiy asoslarini yanada mustahkamlashga, uning institutsional mustaqilligini kuchaytirishga hamda bola huquqlariga oid qonunchilik ijrosi ustidan parlament nazoratini yanada samarali va ta’sirchan olib borishiga xizmat qiladi.
❗️

Eslatib o‘tamiz, “O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) to‘g‘risida”gi O‘zbekiston Respublikasining Qonuni 2024-yilning 2-mart kuni kuchga kirgan edi.

✅ Yig‘ilish yakunida bola huquqlarini himoyalashga oid islohotlar izchilligini ta’minlash maqsadida mazkur qonun loyihasi deputatlar tomonidan ikkinchi o‘qishda qabul qilindi.

📌Kuni kecha Toshkent shahar Adliya boshqarmasida “Mustahkam oila – faravon jamiyat” mavzusida ayollar va bolalar huquqlarini himoya qilish masalalariga bag‘ishlangan amaliy seminar bo‘lib o‘tdi.

✅Tadbir Adliya vazirligi, Xotin-qizlar qo‘mitasi, Demokratiya va inson huquqlari instituti, Bolalar ombudsmani hamda boshqa mas’ul tashkilotlar hamkorligida o‘tkazildi.

💬 Ushbu seminar-trening shahar xotin-qizlar va bolalar bilan ishlovchi mahalla faollarining huquqiy bilimlarini oshirish maqsadida tashkil qilinib, unda O‘zbekiston Respublikasi Prezidentining “Ayollar va bolalar huquqlarining himoyasini kuchaytirish hamda ularga nisbatan tazyiq va zo‘ravonlik holatlarini oldini olish bo‘yicha qo‘shimcha tashkiliy-huquqiy choralar to‘g‘risida”gi Farmoni ijrosi, erta nikohlarni oldini olish, aliment majburiyatlarini bajarish masalalari muhokama qilindi.

🎤Suhbat davomida bugungi kunda jamiyatimizda xotin-qizlar va bolalar huquqlarini himoya qilish, ularning ijtimoiy faolligini oshirish, voyaga yetmagan bolalarga nisbatan sodir etilayotgan zo‘ravonlik, erta nikoh va erta tug‘ruq holatlarini oldini olish yuzasidan muhim mexanizmlar yaratilganligi to‘g‘risida alohida ta’kidlandi.

✅Uchrashuv samimiy va ochiq muloqot shaklida olib borilib, ekspertlar tomonidan seminar ishtirokchilarining barcha savollariga hayotiy keyslar asosida tushuntirishlar berildi.