طفلان حضرت زینب (ع)

سبک : ای باد صبا کرببلایه گذر ایله



🏴🏴🏴🏴🏴🏴🏴🏴🏴

ویردون ره حقده ایکی قربان باجی زینب
گل آلدی قبول ایلدی جانان باجی زینب

سن دلدن اوزون تابع عهد ازل ایتدون
عشق اهلنه اوز عشقوی ضرب‌المثل ایتدون
شوقیله شئونات وفایه عمل ایتدون
ویردون نه گوزل عهدوه پایان باجی زینب

محبوبنه هر کیمسنه بذل ایلیه موجود
اقصای سخاوتدی کرامت کرم و جود
سن دار و ندارون ایلدون فدیۀ معبود
قویدون هامی جود اهلینی حیران باجی زینب

گچدون ره جانانیده جان و جگریندن
ال اوزدون ایکی نخل محبّت ثمریندن
کسدون نظرون بو ایکی نور بصروندن
منظور ایلدی حضرت سبحان باجی زینب

قربانگه عشقه ایکی اوغلون باجی الحق
آرتردیلا چوخ ذوق و صفا ویردیله رونق
قربان ویرنه مایۀ فخریّه‌دی مطلق
دورینده‌دی تا گردش دوران باجی زینب

بو غنچه‌لرون گور نجه گل پیرهن اولدی
باشدان ایاقا قانیله گلگون کفن اولدی
نه اوزلری میدان وفاده چمن اولدی
گویا گل آچوب لالۀ نعمان باجی زینب

گل خیمه‌دن ای کان ادب برجه کناره
ایله ایکی مه‌پاره‌وه بر لحظه نظاره
توک نعشلری اوسته گوزون یاشین عذاره
باش آچ یوزه توک زلف پریشان باجی زینب

هر چند سنه مانع اولور شرم حضوری
یوخ عذر یری باشلا باجی نالۀ شوری
عزتلریدور شیونون اولدوقجا وفوری
نسگلدی اولا ناله‌ده نقصان باجی زینب

بسدور بولارا ای باجی عالمده بو نسگل
سولموشدی سارالمشدی عطشدن بو ایکی گل
بو نسگل آنام نایبه‌سی حلّ اولا مشکل
جان ویردیله نه حالیله عطشان باجی زینب

نعش اوسته باش آچماخ بولوسن رسم جهاندور
پیرایه عزا مجلسنه اشک رواندور
ایندی نه شکیبا یریدی جامی فغاندور
گل شیونه ایت ناله و افغان باجی زینب

صبرین باجی بو یرده سنه عسرتی واردور
ثکلا بالاسین اوخشاسا چوخ لذتّی واردور
اوغلی اولن آغلار نقدر فرصتی واردور
اوخشار نَقَدر الده وار امکان باجی زینب

فریاد و فغانه هله فرصتدی بو ساعت
عصر اولسا امان ویرمیه‌جاق اهل شقاوت
قمچیله ویرور تسلیت ایللّه شماتت
هم غم‌زدنی گورسله گریان باجی زینب

آز غصه و محنت دگل ای غم‌کش دوران
بر دلده چکه شعله ایکی آتش هجران
بردن الیوی اوزدون ایکی جان‌تک اوغولدان
بوغمده تحمّل دگل آسان باجی زینب

ای محنت غم گلشننون ابر بهاری
چوخ دولموسان ایت شدّتیله اشکوی جاری
سینونده‌کی سونمز اودا سپ گوزیاشی باری
آز شعله‌لنه آتش حِرمان باجی زینب

یارب سنی ویرم بو باجی قارداشا من آند
عفو ایت منی بو بارده رد ایلمه سن آند
آگه‌سن اوزون صدقیله #ذهنی دی ویرن آند
قارداش که دیدیم شاه شهیدان باجی زینب

مرحوم ذهنی

🏴🏴🏴🏴🏴🏴🏴🏴🏴🏴

#اربعین


نچّه قدم قالاندا حسینون مزارینه
دخت علینون آخدی سرشکی عذارینه

قبر حسینه گوز دولوسی باخدی آغلادی
ایتدی اراده تا یِته قبرین کنارینه

گوردی دالیجا گلموری اصلا ایاخلاری
ناچار اولوب سوروندی حسینون مزارینه

چَکدی نَلَر او فاصله ده بیر خدا بولور
ناله کنان یِتیشدی یارالی نگارینه

پوزقون مزاری جان کیمی بیر باسدی باغرینا
اود دوشموشیدی جان و دل داغدارینه

قویدی یوزون مزار حسینه دیدی اَخا
گلدی باجون دوباره بو محنت دیارینه

گلمیشدی زینبون بو چوله طمطراقیله
اِیندی فلک قولاق ویروری آه و زارینه

آلسان اگر منیم سَسیمی سَس یِتور منه
رحم اِیت مزارون اوسته بو غملر دچارینه

گل نطقه ویر گیلن منه احوالیوی خبر
دردین بو رسمیدور که دئیر یار یارینه

مدتدی که او اوخ یاراسی فکریمی قاتوب
دردون سالوبدی اود باجیوین روزگارینه

سالام خیاله اوخ یاراسین آغلارام سنه
بَسدور او غم حیاتیمین انجام کارینه

ئولم منیله قبریوین اوسته دانیشماسان
گَل راضی اولما زینبیوین احتضارینه

جانیم فدا یارالی بو پوزگون مزاریوه
امکانی اولسا سِرّینی آچ غم قطارینه

سَندن حسین بالالاریمی من سورشمارام
یانام ولی اورکلرینون آه و زارینه


ایله سیزلدیاردیلا نی تک دیردیلر
تاپشیر بیزی او کرب و بلا شهریارینه

گیتساخ ئولوم سراغینه بیز مانع اولماسین
دوزمز بیزیم اورکلریمز غم فشارینه

آیری بیر عالمیدی او دم خیمه گاهیده
گوز یاشلارین توکوردوله گوز آبشارینه

خاصه باتاندا قانینه میداندا اکبرین
قوندی ئولوم توزی اولارین گلعذارینه

لیلانی گور نه حاله هَلّه اکبرین سالوب!
قلبی یانوبدی شامیده هجران شرارینه

قاسم آناسی آز قالوری ئولدوره اوزون
دامادیوی نشان ویر اوزون، غمگسارینه

قارداش ربابین اصغرینی ویر قوجاقینه
لای لای دیسین دوینجا سوسوز شیر خوارینه

سو اوسته باغلامیشدی ایکی خیرداجا اَلین
ایندی گلوبدی بو عملین اعتذارینه

گوز کاسه سینده سو گتیریب گوگلونی آلا
یانام ئولونجه دلده غم جان شکارینه

قربان اولوم یارالاریوا سَس یتور منه
قویما بو چولده زینبی اوز اختیارینه

دور بیر منیله قارداشیمون قبرینه گیداخ
بیر آغلیاخ دوینجا علی یادگارینه

ئولسون باجون که قبرینی سَندن اوزاخ دوشوب
قربان اولوم اونوندا او خیردا مزارینه

افسوس اولا رقیه مزارون گورنمدی
حسرت داغی چَکیلدی اونون قلب نارینه

دائم دیردی اکبریمی گوگلومه دوشور
قلبیم یاناردی درد و غم آشکارینه

ایله سیزلدیاردی سینخ نی کیمین بالان
کاخ یزیدی ناله سی سالدی حصارینه

یخدی خلاصه ظلم ایوینی اِیلدی خراب
قال صاحب اول ددیم بالا شامین دیارینه

از بس #عتیق #شانی و #ذهنی گوزل یازوب


عشاق عشق اِِیلر اولارین شاهکارینه

تکرار اولا محالیدی بیرده او شاهکار
گِیت چَک طلا کیمی محکه باخ عیارینه


التماس دعا🙏
بداهه سرایی در گروه شعرا و مادحین
در تاریخ نهم شهریور هزار و چهارصد

#اربعین
ارسالی از سعادتی قم المقدس


نچّه قدم قالاندا حسینون مزارینه
دخت علینون آخدی سرشکی عذارینه

قبر حسینه گوز دولوسی باخدی آغلادی
ایتدی اراده تا یِته قبرین کنارینه

گوردی دالیجا گلموری غمدن ایاخلاری
ناچار اولوب سوروندی حسینون مزارینه

چَکدی نَلَر او فاصله ده بیر خدا بولور
ناله کنان یِتیشدی یارالی نگارینه

پوزقون مزاری جان کیمی بیر باسدی باغرینا
اود دوشموشیدی جان و دل داغدارینه

قویدی یوزون مزارینه عرض ایتدی یاحسین
گلدی باجون دوباره بو محنت دیارینه

گل نطقه آگه ایله منی زخم سینه دن
دردین بو رسمیدور که دئیر یار یارینه

مدتدی قلبیوین یاراسی فکریمی قاتوب
بو غم سالوبدی اود باجیوین روزگارینه

سالام خیاله اوخ یاراسین آغلارام حسین
بَسدور او غم حیاتیمین انجام کارینه

ئولم منیله قبریوین اوسته دانیشماسان
گَل راضی اولما زینبیوین احتضارینه

قبرین نَدن ستاره کیمی آلتی گوشه دی
امکانی اولسا سِرّینی آچ غم قطارینه

سَندن حسین بالالاریمی من سورشمارام
یانام ولی اورکلرینون آه و زارینه

ایله سیزلدیاردیلا نی تک، خیامیده
تاپشیر دیردیلر بیزی غم شهریارینه

گیتساخ ئولوم سراغینه تا مانع اولماسین
دوزمز بیزیم اورکلریمز غم فشارینه

آیری بیر عالمیدی او دم خیمه گاهیده
غرق اولدی تک تکی گوزونون آبشارینه

خاصّه، باتاندا قانینه میداندا اکبرین
گلدی ئولوم تَری اولارین گلعذارینه

لیلانی گور نه حاله سالوب اکبرین غمی
قلبی یانوبدی شامیده هجران شرارینه

قاسم آناسی آز قالوری ئولدوره اوزون
دامادیوی نشان ویر اوزون، غمگسارینه

ویر بیر رباب اصغرین آلسین قوجاقینه
لای لای دیسین دوینجا سوسوز شیر خوارینه

سو اوسته باغلامیشدی ایکی خیرداجا اَلین
ایندی گلوب همان عملین اعتذارینه

گوز کاسه سینده سو گتیریب گوگلونی آلا
یانام ئولونجه دلده غم بی شمارینه

قربان اولوم یارالاریوا سَس یتور منه
قویما بو چولده زینبی اوز اختیارینه

دور بیر منیله قارداشیمون قبرینه گیداخ
بیر آغلیاخ دوینجا علی یادگارینه

ئولسون باجون که قبریده سَندن اوزاخ دوشوب
قربان اولوم اونوندا او خیردا مزارینه

افسوس اولا رقیه مزارون گورنمدی
داغ دگر چَکیلدی دل پر شرارینه

دائم دیردی عمه بابام گوگلومه دوشور
قلبیم یاناردی درد و غم آشکارینه

بلبل کیمی گلردی نوایله خرابه ده
کاخ یزیدی ناله سی سالدی حصارینه

یخدی خلاصه ظلم ایوینی اِیلدی خراب
قال صاحب اول ددیم بالا شامین دیارینه

بس که #عتیق #شانی و #ذهنی گوزل یازوب
عشاق، عشق اِیلر اولارین شاهکارینه

تکرار اولا محالیدی بیرده او شاهکار
گِیت چَک طلا کیمی محکه باخ عیارینه

التماس دعا

از کانال رسمی مدح و مرثیه اهلبیت عصمت و طهارت...🦋🦋🦋🦋🦋

#اربعین

تایپ و ویرایش جناب آقای کربلایی علیرضا نادری

#شیخ_اسماعیل_تائب
#ذهنی_زاده


هیچ کیم منیم تک آتشِ هجرانه یانمادی
پروانه دَه بو نوعیله اوُد دا دایانمادی

مجنون اگر چه کوه و بیابانی گزدی چوخ
صحرای عشقی لیک، بو قدری دولانمادی

مندن علاوه بیر باجینون روزگارده
قارداش قانیله زلفِ سیاهی بویانمادی

چوخ پادشاه غالب و مغلوب اولوب ولی
هیچ پادشاهون اهل و عیالی تالانمادی

قارداش ئولونجه زینبی بو درد یاندیرار
گُل جسموی مزاره بو بیکس قویانمادی

چوخ نسگل اولدی زینبوه بو غم و اَلم
سن جان ویرنده گُوزلریوی باغلیانمادی

چوخلار بو عشق دایره سینده قدم ویروب
امّا جداده گون کیمی باشی دولانمادی

شام اهلی شامیده دئدیلر خارجی بیزه
آلِ پیمبروخ دئدوخ هیچ کیم اینانمادی

شمر و سَنان جفاسی تمام اولدی شامیده
امّا یزید جور جفادَن اوسانمادی

آلدی سرِ مطّهرون اول سنگدل اَله
یاندوردی قلبِ عالمی، بیر قلبی یانمادی

اول لبلری که بوسه گهِ مُصطفائیدی
ووردی آغاج او لبلره هرگز اوتانمادی

خوابِ بقایه گِیتدی رقیّه خرابه دَه
هر نه فغان و نالیه گلدوخ اویانمادی

تحریر ایدردی بزمِ یزیدین مصائبین
سوز بیر یره یتشدی #تائب یازانمادی

استاد ذهنی زاده

ياددان چخاندی شام غمی کربلا غمین
نازلی رقیّه مُحنتِ شامه دایانمادی

بیر نصف شب خرابهء شامِ خراب دَه
توپراق لار اوسته ايستدی یاتسون یاتانمادی

اُپدوم یوزین دئدیم بالا يات راحت اول بير آز
عرض ايلدی يوخی گوزیمه یول تاپانمادی

اوّلده هوش آپاردی بابام گلدی یانیمه
ایستوب منی قوجاقينه آلسون آلانمادی

گوردی وجوديمی يارالى تازیانه دَن
احواليمه قان آغلادی گِیتدی دایانمادی

من ایستديم قاچام داليجا قویمیام گِيده
نيلوم قابار اياقلاریم عمّه قاچانمادی

روحيم قوشی پَر ایستوب آچا دامنين دوتا
سینمیش قفسدَه حیف پر و بال آچانمادی

صبحه تك آغليوب سوزين اولدوز لارا دئدی
سایدی آخان کواکبی دردین سایانمادی

گلدون اوزون او نصفِ شبی گوردون آغلوری
هر دل دئدون قان آغلاماقندان اوسانمادی

ایستردی دردینی یوزینه اشگیله یازا
زلفی دوشوب، سیلردی سرشگی، یازانمادی

قويدى يوزین یوزیوه دوداقين دوداقوه
ياندی نقدر سسلديم اصلا اویانمادی

تعقيب ايدوبدی #سائلِ درباری کسرینی
#تائب يانان کیمی دیمه اوُد لاره یانمادی

التماس دعای فرج


#شادروانان_تائب
#سائل


#مجموعه_کانالهای_ادبیات_آئینی_عاشورایی

#اربعین_زبانحال_حضرت_سکینه_به_عمهء_مکرمه_اش_حضرت_زینب_علیهما_سلام


مدَِّ نظردَه عمّه جان نورِ خدادی گورسنور
حیرته دوشمه جلوهء طورِ سنادی گورسنور

عمّه بو نور او نور دور اوُلدی کَلیمه جلوہ گر
گورجک او نوری غش اِیدوب دوشدی کَلیم بی خبر
نورِ جمالِ حق دور گورمز او نوری هر بصر
کشفِ بصیرت ایلین گوزدَه جَلادی گورسنور

عمّه بو نور دور ویرن نیّرِ اَعظمه جلا
کسبِ شرف بو نوری دَن ایلیوب عرشِ کبریا
فخر بو نورِ پاک دَن تاپدی مَلائکِ سَما
آیهء نور مظهری ضوء ضیادی گورسنور

عمّه بو نورِ اَنوره مطلع آتام مزاری دور
سسلر اوز اهلبیتینی نورِ صلای جاری دور
عطر که چولقیوب چولی تربتِ مُشگباری دور
جانه حیات قلب دَه ذُوقِ صفادی گورسنور

گور نه شمیمِ جان فزا عظمِ رَمیمه جان ویرور
نکهتِ بادِ صبحدم مژدهء دل ستان ویرور
شاهِ شهید قبرینی عمّه بیزه نشان ویرور
خضر خُجسته پی دی نه بادِ صبادی گورسنور

آغلاما سیل گُوزون یاشین دقتیله باخ عمّه جان
خونِ قتیلِ عشق ایدوب گور نجه طفی گُلستان
مژده ویر اهلِ بیتی نه ایتمیه لر داخی فغان
مقصدی میزدی منظرِ خیر نسادی گورسنور

یولما بو قدر زلفیوی آغلاما بیر تسلّی تاپ
دردَه گتورمه دللّری داغلاما بیر تسلّی تاپ
صبر و تحمّلین یولون باغلاما بیر تسلّی تاپ
گر چه محلِ ناله دور کرب و بلادی گورسنور

دوزدی مُصیبت اِیلیوب خون جگر آغلا دور سنی
یاده دوشوب دی غم لرون سر به سر آغلادور سنی
گوزدَه عیاندی گوردوقون ظلم لر آغلادیر سنی
هر طرفه باخاندا بیر نوعِ جَفادی گورسنور

عالمِ فکردَه باخان گُوز گینه گوردوقون گورر
سرّی بو دور که بو یِره تا ساتاشوب دوشر نظر
چوخ یارالی بدن گورر سو کیمی قانه غُوطه ور
سطحِ فضادَه ایمدیدَه باشدی جداده گورسنور

گاه نظردَه مُرتسم دور دوزولوب سپاهِ شام
غارته اَل آچوب سویار آل پیمبری لِئام
گاه به عینه گورسنور ظلم اوُدی نا یانار خیام
دودِ شراریله دولوب سطحِ فضادی گورسنور

درد و غمون فداسیم ایتمه بو قدر آه زار
گور نجه قیزلار آغلاشوب حسرتیله سنه باخار
سن بیله آغلیاندا بس خردا اوشاق لارا نه وار
آز قالوری هلاک اولا آلِ عَبادی گورسنور

یارب اولور که #ذهنی_ده بیر گوز آچوب دوروب باخا
قبّهء اَنورین گوروب گوز یاشی اتّصال آخا
اَل دَه قلم یازا یازا عالمی یاندوروب یاخا
دوره دَه اهلِ دسته نون اَل دَه لوادی گورسنور

التماس دعای فرج


#شادروان_ذهنی

#مجموعه_کانالهای_ادبیات_آئینی_عاشورایی

#اربعین_گریز_به_حضرت_رقیه

بخش دوّم


مین دللّریله دل دیَرَم بلکه دیندیره
گُلزاریمین خموش مصیبت هَزارینی

قالّام او قدر تا اَجلیم درک ایده منیم
ویرّم حیاتیمین باشا لِیل و نَهارینی

گر نقص شأنی اوُلسا جوارینده یاتماقیم
قیلّام من اختیار او شَهرین کنارینی

توپراقلار اوسته گاه اوتوراردی او خسته دل
معلومی دی که غم لر آلوب اختیارینی

هر سمتدَن علاجی کسیلمیش یتیمه تک
بیز دَنده گیزلَدَردی غمِ آشکارینی

هر دَم ووراردی بارماقیله نقش توپراقا
بیر آز باخوب سیلردی او نقش و نگارینی

آخردَه یازدی توپراقا بیر کلمه سیلمدی
بیر آز تیکوب او کلمیه چشمِ خُمارینی

بیردَن اَگیلدی یازدیقینی اُپدی آغلادی
قویدی او کلمه اوسته دلِ داغدارینی

آهسته بعضی سوز دیدی امّا ایشیتمِ دوخ
آلدوق فقط او تنگ نَفس دَن شمارینی

آخردَه سیلدی صورتیله یازدیقی سوزی
آلدی حرملرون هامی دلدَن قرارینی

ایتدیم سؤال ای بالا نه یازمی سان یره
چوخ سالموسان گوگُل لره مُحنت شرارینی

عرض ایتدی عمّه اکبریمین یازمی شام آدین
نیلوم غم اهلی آختارار اوز غمگسارینی

ایمدی اَلیم یتیش موری دامانِ وصلینه
طرح ایتمیشم آدیله گلایه شُعارینی

چون بولموشم که آخرِ عمریمدی بو گیجه
عمریم قوتاردی روز و شب مُستعارینی

بیر اوُلدوزام که آخماقیما مایل اولموشام
قَبره چکر اُلوم بو ستاره مَدارینی

فکر ایلدیم که قارداشیما ایلیوم خبر
بلکه گلوب گوره باجیسی احتضارینی

هر نیلدیم وسیله پیامه تاپانمادیم
بولدوم گِله یری عدمِ اختبارینی

یازدیم آدین یره سوزومی آدینا دیدیم
ایتدیم سفیر اکبره اسمِ کُبارینی

عرض ایلیه بو عرضیمی قارداشیم اکبره
قارداش آتارمی خواهرِ مُحنت دچارینی

جان اُستیم یولوندا قالوب مُنتظر گوزوم
دور بارگاهِ خاطره بو غصّه بارینی

لطف ایله همّت ایله سنی اُلمه میش گوروم
آز زحمتیله دلدَن آزات غم فشارینی

انصاف دور رقیّه اُله گورمیه سنی
حسرت مکان ایده جگرِ داغدارینی

تئز گل بویون بلاسین آلوم آز قالور یخا
خونابِ دل بنای دلِ پایدارینی

گوندردیم آهِ قاصدیمی کربلایه من
تا شامه دعوت ایلیه غم شَهریارینی

عرض ایلیه که شامِ غریباندی شامدَه
گل بیر منوّر اِیله بو ظلمت دیارینی

چوخ وار امید آتام گِیجه ویرانیه گله
بیر یاد بود ایلیه بیز غم قطارینی

گلسه بابام خرابیه گر قویمارام گِیده
سالّام کمنده پای دلِ بُرد بارینی

عرض ایلرم که هر یره گیتسن آپار منی
گوزدَن کناره آتما بو هجر اشکبارینی

بیردَه شکسته دل قیزیوی آل کناریوه
ترمیم قیل بو شیشهُ دل اِنکسارینی

دریای بی کرانهُ مُحنت غریقیم
ای کشتیّ نجات اوُزون دوت کنارینی

#شانی بو شرحِ مُحنتی یاخشی شروع اِیدوب
ناقص قویوب بو نوحهُ بس شاهکارینی

تعقیب ائیدی #ذهنی_ُسائل بو سوزلری
سالدی ایشه او خامهُ زرّین نگارینی

لطف اِیت بابا بو #ذهنیه هر ایلده حجّیله
فیضِ زیارتِ حرمِ هَشت و چارینی

خاصّه بو ایل گوتورسون هامی اهلِ بیتی نی
حجّ ایلسونله خانهُ پروردگارینی

اوردان گلوب بو شامدَه شوریله باشلاسون
پژمردَه غُنچَن اوسته نوای هَزارینی

التماس دعای فرج


#شانی
#ذهنی

#مجموعه_کانالهای_ادبیات_آئینی_عاشورایی

#دفن_شهدا


اَمر اِیلدی سجّاده او گون خالقِ عزّت
قَبر شُهدائیله او دشته وِیره زینت

هر چند گَلوب قَبره قویا اهلِ قبیله
شه دفنی ولی حقدَن اولوب اَمرِ علیمه
گَلدی اوُدی قربانگهِ اولادِ خلیله
بوینوندا اگر چه واریدی قیدِ اِسارت

باخدی او بلا دشتی گوروب گُلشنه بنزَر
قاندان گُل آچان یاره گُلِ سوسنه بنزَر
عرض اِیتدی بابا هانسی یارالی سنه بنزَر
گُل تک بدنوندَن نه نشان وار نه عَلامت

لازم دی کفن گُوردی شهنشاهِ قتیله
لایق کفن آختاردی او بی مثل و بدیله
دنیا بویی نسگلدی بو غم آلِ خلیله
بیر پاره حصیره اِیدَه ناچار قَناعت

یغدی او حصیره آتانین پاره وجودین
گَتدی کَسیلن اَللرینی دستِ وَدودین
تاپدی او کیچیک بارماقینی مَنبعِ جودین
دَفن اوُلمیه ناقص بدَنِ علّتِ خلقت

اول قَبر که اولموشدی مُعیّن شهِ دینه
قَبره او حصیریله قویولدی او دَفینه
هر ذرّه سینین قیمتی عالم جه خزینه
عالم دَن اوُزی اوُلماسا چوخ آزدی بو قیمت

باخدی او دَفینه دُرِِ رخشانی چوخ اِیستر
قُنداق دولوسی لعلِ بَدَخشانی چوخ اِیستر
بُلموشدی حسین اصغرِ عَطشانی چوخ اِیستر
وِیردی آتا آغوشی نه یاتسون بالا راحت

گوردی آلوب آغوشی نه خورشید سُهیلی
بُلدی نه گُوزل گَلدی ربابین اَله میلی
بو باره دَه اِیستوب که مَلول اولمیه لیلی
بیر قَبر اَیاق آتدا درست اِیتدی او حضرت

شهزادیه اوز شانیله لایق اِیدوب اِعزاز
بُلدی شُهدادَه هامودان اَکبری مُمتاز
شاهون اَیاقی آتدا قویوب اِیتدی سرافراز
یوخ عرشِ خدادَه او اَیاق آتداکی رَفعت

خلق اِیتمز اوُلار که بیرینین مثلینی بی چون
اوُچ پاک وجود اوُلدی او بیر قَبری دَه مَدفون
فخر اِیتدی او شش گوشه مزاریله او هامون
اوُلماز دیدی بیر یردَه بو عزّت بو جَلالت

فارغ آتا دَفنین دَن اولوب حضرتِ سجّاد
یازدی اوُز اَلیله آتاسی قَبری نه بیر آد
بو قَبرِ حسین دور که اوُلوب کُشتهء بیداد
بیر اِیله حسینی که سوسوز اوُلدوروب اُمّت

مَشهودی دی سجّادَه هامی باطن و ظاهر
دربان گوروب اِیستر اِیله بیر درگهِ طاهر
زیبندَه دی درباره حبیبِ اِبنِ مَظاهر
ویردی اوُنا بو مَنصبی، آرتوردی شرافت

باخدی او تُراب اوُسته توکولموش شُهدایه
بنزَر هاموسی گُوردی گُونه اُولدوزا آیه
سالماز دیدی گوی هیچ بیروزون مثلی نه سایه
هر گُون یِر اوزون دولدورا گر اهلِ شَهادت

بو جمع بویوردی هامی بیر جمعی دَه بیردی
پروانه دی، هر یِتمیشی نین شَمعی دَه بیردی
جان بیر، قانی بیر، مَسلَکی بیر، شرعی دَه بیردی
بیر قَبر ایدر بیر بیله بیر جمعه کفایت

بیر گنجدَه قویدی بیر ایله جوهرِ عشقی
بیر رشتیه دوزدی او قَدَر گُوهرِ عشقی
بیر قبری دَه دَفن ایتدی هامی جوهرِ عشقی
یعنی بودی مَعنای مُساوات و اُخوّت

ادامه دارد


#ذهنی

#مجموعه_کانالهای_ادبیات_آئینی_عاشورایی

#دفن_شهدا


حسرت گُوزیله دوندی فرات اوُستونه باخدی
باخجاق یوزه گُوز چشمه سی دریا کیمی آخدی
یاندوردی جهانی شررِ آهینه یاخدی
قالدی دیدی سو اوُسته سینان کشتیّ صُولت

اِیلوب تَبعیّت هامی اوُل خضره دلیله
یوز قویدی هامی مَصرَعِ سردار قتیله
گُورجک عمو نَعشین چوخ اثر ایتدی علی مه
الله عموم عبّاسه بویوردی اِیدَه رحمت

مثلی عمومون عالمِ اِمکاندا تاپولماز
حقّی نه آتام، فاطمه بوینوندان آچلماز
هیچ بیر گُله بیر بیله جَفا خاری ساچلماز
هیچ پیکره دَگمَز بو قَدَر زخم و جَراحت

اِیتدی عموم عبّاس آتاما ایله مواسات
بیر قارداشا قارداش او مواسات اِیدَه هیهات
عالِمدی اوُنا عالمِ اسرار خَفیّات
ایلر شُهدا غبطه، اِیدَن اجرِ کرامت

بیر قَبر همان یِرده او سقّایه قازلدی
نه قَبر، فرات اوُستونه پیرایه قازلدی
پیرایه دیمه غم اِیوینه پایه قازلدی
گِیت قَبرین اوُزون گُور سنه شرح اِیلیه مُحنت

بیر دوغرانانون همّتِ دیرینه سی اوُسته
یوز لعلینی جمع اِیلدی گنجینه سی اوُسته
قویدی کَسیلن اَللّرینی سینه سی اوّسته
زَهرایه او اَللّردیله اَسبابِ شَفاعت

قویدی عمونی قَبره دونوب قَبری نه یازدی
بو مَرقدِ عبّاس مَهِ مُلک حجازدی
دنیا بویی قان آغلیه هر گُوز بونا آزدی
یاتدی او کیچیک قَبری دَه ایله اوُجا قامت

یغدی هامی خندان گُلِ گُلزارِ وفانی
بیر گُلشنه دوندَردی همان دشتِ بلانی
سولدورماز او گُلزاری بیر آفاتِ خَزانی
هر آفت او گُلزاره وِیرر تازه طَراوت

قورتاردی یانار قلبیله دَفنِ شُهدانی
ترک اِیلدی آغلار گُوزیله کرب و بلانی
بُهت آتشی نه یاندوروب اوُل جمعِ وفانی
بیر طَرفَهُ العِین ایچره اِیدوب کوفیه عُودت

گُوردی نجه کوفه هامی بام و هامی بر زن
مَملُوّ جماعتدی وَلو مَرد اوُلا یا زَن
گویا هامونون عُلقه کَسوب روحی بدندَن
یوخ بیر نفریندَه نفسین چَکماقا قدرت

گُویا که قیامتدی جماعت هامی حیران
هر کس اولوب اوُز اِیتدیقی اَعماله پشیمان
یا اَیُّهَا الاِنسان دیه سن سَسلوری رَحمن
مَحشر تک اوُلوب کوفه عَجب وادی حیرت

زینب دانشور ایله اَثر واردی سَسین دَه
بیر ذی نفسین یوخدی سَس اَصلاً نفسین دَه
هر عالی و دانی وار اِیشیتماق هوسین دَه
بیر کلمه دَن اوُلمور ایدَه بیر کیم سنه غفلت

جَلب اِیلیوب اوز صحبتی نه خاصّ و عوامی
هر کلمه سی بیر شرحِ حقیقتدی تمامی
بیر لهجه دَه اِیلور خانم اِنشاد کلامی
گویا که علینین اوُزو دور اِیلوری صحبت

سرگرمی دی حینی که خانم شرح و بیانه
ویرمیشدی تَکان صحبتی هر پیر و جوانه
بیردَن هامی گُوز دوندی باخوب نُوکِ سِنانه
بیر باشی گوروب لر که اِیدر آیه تَلاوت

گر چه نچه گون دور آییروب لار بدنیندَن
ایمدی دیه سن گَُل دَریلوب شاخهء گُلدَن
آلودَه دی خاکستره رُخساری ولیکن
آرتورموش او خاکستر او رُخساره مَلاحت

داوودی سالوب حیرته آوازِ حجازی
دعوت به حقیقت اِیلوری اهلِ مَجازی
عیسایه نَشیب اوُجی اِیدوب دارِ فرازی
بو اوجِ مَسیحایه اوُلوب مایهء حَسرت

کَهف آیه سینی ایله اوُخور ناطقِ قرآن
معنادَه قویوب کَهف رَقیم اهلینی حیران
ایلور هامویه حقّینی اِعجازیله اِعلان
تا عُذر یِری قالمیه اِتمام اوُلا حُجّت

#ذهنی سنی مشغول اِیلیوب فکر و خیالون
چوخداندی که آخمازدی سنون طبعِ زُلالون
الله گوتوره دلدَه کی اَندوه و مَلالون
توفیق اوُلوب آخردَه سنه رِحلت آیت

هر اهلِ کلام اهلِ حَدیث اوُلسا و یا غیر
دفنِ شُهدا نَظمی نه گر اِیستیه بیر سیر
ارشاد اِیلیوم من اونی دَرک اِیلیه تا خیر
#صافی یازان اَشعاری دَه وار اوُزگه فَصاحَت

التماس دعای فرج


#ذهنی

#مجموعه_کانالهای_ادبیات_آئینی_عاشورایی

#حضرت_فاطمه_زهرای_مرضیه_سلام_الله_علیها

بخش دوّم

نگارش و ویرایش کریم زاده


یتمه میش اِمدادی وه درک ایتمه میش فضّه سنی
بُلمورم نولدی گنه بیله چاغردون فضّه نی
فضّه گَل بو ظالمِ بی رحم اَلیندَن آل منی
یتدی سمعِ لافتایه بوندا یا فاطمه

دیشره چخدی چوخ شتابیله ولیّ کردگار
گُوردی ضعف اِیچره یخلموش عصمتِ پروردگار
هم جَنینون سقط اوُلوب هم چادرون باشدان کنار
غیرت الله اُستوَه سالدی عَبا یا فاطمه

یادَه سالّام هر زمان که من سنون آلامیوی
رام گُورَّم هر بلایایه دلِ آرامیوی
لیک بُلّم قان اِیدوب بالله او قلبِ رامیوی
ضعف حالنده یخلماق خلق آرا یا فاطمه

سن اوُتاندون که یخیلدون گُوردی نامحرم سنی
ایتدی مین لر درده عمروندَه بو غم همدم سنی
سالدی آخردَه اَیاقدان بو غمِ مُدغم سنی
نه بُلر بیگانه، آنلار آشنا یا فاطمه

حق لیسن بیر دردِ بی درماندی اهلِ عفّته
چشمِ نامحرم ساتاش سون بیر حیالی عُورته
خوشدی اُلماق گُوز ساتاش سون هر اهلِ عصمته
ایستر اوُلسون بو نظر اصلاً هوا یا فاطمه

حاش لله بیر گُورنی اولدی رُخِ گُل ناروی
حاش لله گُوردی بیر گُوز، طلعتِ رُخساروی
لیک مشغول اِیلدون بو نکتیه افکاروی
چادرون اوُلدی نیه باشدان جدا یا فاطمه

حاله گَلدون ضعفدَن، گوردون عَبا اوُستونده وار
بو عبادَن پی آپاردون مَطلبه دوتدون شرار
ضعف ایدنده چادرون بُولدون اوُلوب باشدان کنار
اوُلدی قلبوندَه بو دردون بی دوا یا فاطمه

من بیله بُلم بو غم سرو قدون خَم اِیلدی
قاره زلفون آق او یتمیش گُوندَه بو غم اِیلدی
عمریوه هر نیلدی عُمده بو بیر دَم ایلدی
غُصّه مرگ اِیتدی سنی بو ماجرا یا فاطمه

لاجرم آشدون گوزون گُوردون عمواوُغلون حالینی
باغلاموش زاغ و زَغن شهبازِ قدرت بالینی
بُولمورم نه حالیدَه گُوردون علی احوالینی
اوز اوُزون یاددان چخاتدون مُطلقا، یا فاطمه

حالِ ضعفیله دوروب دوتدون عم اوُغلون دامنین
سسلدون قویمام بو ذلّتله گِیده یعسوبِ دین
قالدی مابینِ کشاکشدَه امیرالمومنین
نه اوُلار ایتدی نه سن اِیتدون رَها یا فاطمه

#ذهنی سائل یوزوندَه اشکِ چشمِ تَر خانم
آستانِ لطفوزه عَجزیله یوز سورتر خانم
دلدَه کی هر دردی نه سیزدَن دوا اِیستر خانم
سائلی رَد ایلمز اهلِ عَطا، یا فاطمه

مایهء نَنگم سیزه زَهرا منِ بی نَنگ و نام
روسیاهم مُفتَضَح، رسوای هر بیر خاص و عام
اِیتمرم دامانوزه بو وَضعیمیله اِعتصام
اِیستمم مندَن سیزه توهین اوُلا، یا فاطمه

گر بُلم اشعاری مون هر بیتی بیر جَنّتدی بس
یازمارام، چون اِنتسابیم شَانوزه خِفَّتدی بس
دلدَه منظوریم دل و جاناً سیزه خدمتدی بس
تا گوراخ نیلر مَشیّت اِقتضا یا فاطمه

التماس دعای فرج


#زنده_یاد_ذهنی_زاده

#مجموعه_کانالهای_ادبیات_آئینی_عاشورایی

#زبانحال_حضرت_ام_البنین_سلام_الله_علیها


اَسیرِ هجر اُولانا رنج عَجب، اِسارت عَجب
اُوغول غَریب آناوی اِینجی دور بو غُربت عَجب

مدینه گُللّرینی کربلادَه ووردی خَزان
نجه خَزان که اُولور صُحبتی نَهایت عَجب

گُول اُولمویان چَمنون باغبانه لذّتی یوخ
پُوزوب خَراب اِیدی روحیه سین سیاحَت عَجب

داریخمیشام گَل آپار کربلا چولون گزدیر
قوجالمیشام گِیدوب اَلدَن اُولان صَلابت عَجب

حسین مَزارینه اوّل آپار حسینی گُوروم
صُورا فَراته گِیداق اِیلیوم زیارت عَجب

آپار گُوروم بالا آتدان یخیلدیقین یِئری من
نجه دوشندَه قیامت اِیدیب او قامت عَجب

قولون دوشن یِئری گُورست ئوپوم طواف اِیلوم
مریضِ عشقه دوا دور اُوقانلی تُربت عَجب

چیخات او تلَه، قوجاتدی حسین حرملَرینی
حرم عَجب دَم عَجب قَتل عَجب جنایَت عَجب

یوخودا چوخ گجه گُورم قولون بدندَه دَگُول
یوخی عَجب سوز عَجب گُوردوقوم او حالت عَجب

گِجه گُورن یوخونون دردینی گُونوز چَکورم
ندَن او قولاری من گُورمَدیم سلامت عَجب

اِیشتموشم سنی قولسوز گُوروب ووران چوخودی
ووران عَجب سن عَجب پِیکریندَه طاقت عَجب

اَلین بدندَه دَگُولدی اُولا سپر باشیوا
عَمود عَجب باش عَجب آچدیقی جَراحت عَجب

اُوغول، اُوگِجه که چیخدون مَدینه دَن آغلار
دِیدون آنا یول عَجب وادی شَهادت عَجب

دویونجا من آنالار تَک ئوپمدیم یوزیوی
آنادان اِینجیمه باعث اُولوب بو علت عَجب

دِیدیم حسین آناسیز دور سنی گُورر اُوتانار
سزادی حالِ حسینی اِیدم رَعایت عَجب

گِئجه گُونوز اُوتورب اِنتظاریوی چَکدیم
اُمید حَیاتیما اُولدی همان بو حسرت عَجب

گَتورمدیلَر اَقلاً جَنازه وی وَطنه
مَزارین اُولمادی بو بی پناهه قسمت عَجب

اَیاقلانا گُول اگر پایمال اُولار سُوز یوخ
اَیاقلیان سنی دَرک اِیتمدی بو حکمت عَجب

مَحالی دور گُولون عَطرین فضادَه مَحو اِیتماق
کرم عَجب اَل عَجب اِیتدیقی کرامت عَجب

مدینه کوچه لَریندَه هَله دَه عَطرون وار
چَمن عَجب گُول عَجب شُوق عَجب طَراوت عَجب

چوخ اُوخشوری بالان عَبداللّهیون گُوزی گُوزیوه
جَمال عَجب گُوز عَجب گَوزدَه کی شَباهت عَجب

گُوزیوی چوخ چوخ ئوپردیم آنان ئوله نه بُولوم
اوخوندا وار گُوزی ئوپاقلیقا حَسادت عَجب

بو نوع ردیفیدَه مَرحوم #ذهنی نوحه یازیب
قَلم عَجب پای عَجب شیوهء کتابت عَجب

دِیدیم یازیم اُوخویان #ذهنیه دِیسون رَحمت
مَقامِ شعریدَه فرض اُولماسین اِهانت عَجب

اَلیمی دوت گُونان ای اَللّری هر اَلدَن اُوجا
گِدا سنونکیدی گاه اِیتدیقی جَسارت عجب

مریضِ عشق دواسین طبیب لَر نه بُولَر
توتوب وِجودیمی بیر مُختصر کَسالت عَجب

نه وار بیرینه نیازیم نه مالِ دنیایه
اِیدر قاپوزدا بُو نوکرلیقیم کفایت عَجب

التماس دعای فرج


#عندلیب

#مجموعه_کانالهای_ادبیات_آئینی_عاشورایی

#شهادت_امام_مظلوم_و_افتادنش_از_ذوالجناح_با_مقدمهء
#بهاریه

بخش دوّم


بی صاحب اهلِ بیته اِمامِ غَریبدَن
وِئرماقلیقا ئولوم خَبری ناگهان گَلور

آلِ رَسول صِیحه چَکُوب وامُحمّدا
چون ذُوالجناح گُوردیلَه شِیحه زنان گَلور

امّا نه ذُوالجناح اُوز آدیلَه صِفت لَنُوب
اُوخدان وِجودی بال و پَر آچموش عَیان گَلور

عُورت اُوشاق کنیز و حَرم دَگدی بیر بیره
بی اِختیار حَریمِ وِلادن چخان گَلور

آسیمه سر تُمام چخوب خیمه گاهدَن
هُولیله ذُوالجناحه طرف بانوان گَلور

گُویا که کربلادَه قیامت قیام اِیدوب
لانَقطع صدای اَنین و فَغان گَلور

واضیعتاً دلینده خَواتینِ مُحترم
سیلی یُوزه وورا ورا مُویه کُنان گَلور

بَعضی حسین حسین دِیر اِیلَر یُوزین خَراش
بَعضى اَلى باشندا چَکُور اَلَامان گَلور

بَعضی دِینموری دوتولوب غصّه دَن دلی
تَتریر بدَن اُورک دوگُونور باغریقان گَلور

بَعضی بابا دِیه دِیه صاق و صُولا قاچار
سُویلَر خدا نه وقت او شَهِ مهربان گَلور

بعضی اُوشاق چاشوب اِیتوروب هُولدَن أوزین
بولمور نه وار قاچور چولَه بیر باش هایان گَلور

اوّل اُوزین سکینه یِتوردی برابره
سُویلوب بابام مَنیم دِئ گُوروم بَس هاچان گَلور

آیا نه یوز وِئروب سَنه بو نُوع ماُت سَن
حالون گُورنده غصّه منه چوخ گِران گَلور

قویدون پیادَه هاردا من آیا اُمید اِیدوم
بیردَه سَوار اُولوب سَنه شاهِ جَهان گَلور

مَبهوت و مات ششدرِ حِیرتدَه قالمیشام
بو نُوعیلَه که هَلهلهء کُوفیان گَلور

هرگز اِینانمورام بابامی بیردَه صاق گُورم
مُشگُل خیامه بیردَه شَهِ اِنس و جان گَلور

میدانی دولدوروبدی وورون ئولدورون سَسی
فَریاد و دادِ کِشمکشِ شامیان گَلور

آیا سُو وِیردیلَر اُونا یا تَشنه جان وِیروب
یا العطَش صداسی اُونوندور هر آن گَلور

بیر سَس گَلور گَلون مَنه بیر جُرعه سُو ویرون
سَس صاحبی خیالَه شَهِ بی کسان گُلور

اُوخشوب سکینه آغلادی شُوریلَه اهلِ بیت
زینب نه گُوردی لَرزیه کُون و مَکان گَلور

طبلِ بِشارت عَرشه اُوجالدی سپاه دَن
اِیلوب هُجوم خیمه لَره شامیان گَلور

سُویلوب سکینه آغلاما یاندیرما قَلبیمی
هرگز تَصوّر اِیلمه بیردَه بابان گَلور

دشمن توکُولدی خیمیه سَس چَکمه اِیتمه داد
دینمه اَماندی غِیظیلَه شِمر و سِنان گَلور

چوخ توکمه گُوزیاشون بالا صبر اِیله آغلاما
آز باشه وور که باشوه قَمچی وران گَلور

بیلمم ندور خیالی بوبی شَرم لَشکرین
یکسر قلج چَکوب اَله خَنجر ووران گَلور

#ذهنی امامِ عَصر بو مُحنتدَه آغلیوب
ذکر اِیتمه بسدی داده شَهِ اِنس و جان گلور


#شادروان_ذهنی_تبریزی

#مجموعه_کانالهای_ادبیات_آئینی_عاشورایی

قتلگاه

آمدن حضرت زینب کبری به قتلگاه

مرحوم استاد مشهدی علی اصغر #ذهنی

اگر چه کعبه ایوی محترمدی حرمتی وار
و لیک کرب و بلانون اونا شرافتی وار

بو کعبه بیتِ مجازیدی ، لیک کرب و بلا
حقیقی کعبه دی ، هم باطنی هم حقیقتی وار

اودور که کعبه ایوی فخر ایدنده یتدی ندا
که کعبه ، کرب و بلانون سنه فضیلتی وار

گر اولماسیدی او یر ، سن بنا اولونمازدون
که علّت اصلدی ، معلوله افضلیّتی وار

بلی او بُقعه که سلطانِ عشقه مدفن اولا
حقیقتا" او یرون اوزگه بیر جلالتی وار

آدی گلن کیمی یاقوتِ تر نثار ایلر
او گوزلریکه اورکده حسین محبّتی وار

(آی اولاری که کربلا آدی گلنده اورگوز داریخور سیدالشهدانون مبارک آدی گلنده گوزلروز دولور ان شاءالله وعده میز حرمی اولا بوجمعینن باهم یاخنان دیروخ یارالاریوا قربان اولاخ حسین)


او پاک قان که توکولدی او پاک صحرایه
نقدر مدح اولا زیبنده دور لیاقتی وار

توکنده شمر همان قانی تتردی یرلر
گورن دییردی بو گون رستخیز علامتی وار

دوتولدی گون یوزی ، آفاقی چولقادی ظلمت
باخوب او ظلمته زینب بولوب نه علّتی وار

چیخوب خیامدن اوز قویدی قتلگاهه طرف
یتوب نه گوردی که شمرین بیر اوزگه حالتی وار

النده خنجر حسینون چخوبدی سینه سینه
او نورِ حقی خموش ایلماقدا سرعتی وار

دئدی اماندی دایان ای شقی الون ساخلا
سنون مگر نقَدَر قلبوین قساوتی وار

پیمبر اوغلونی ئولدورمه بو حقارتله
عزیزِ فاطمه دور شأن و جاه و عزّتی وار

چیخوب او سینیه عرشِ خدانی تترتمه
او اوخلی سینه نون عرشِ خدایه رفعتی وار

تمام اولور اوزی ، سن باتما قانینه ناحق
بو صون نفسده داخی قاتله نه حاجتی وار

او یر پیمبر اوپن یردی ، بیر حیا ایله
او پاک حنجریله خنجرین نه نسبتی وار؟

اذیّت ایلمه جان اوسته دور چوخ اینجیتمه
یارالیدور گوروسن جسمده جراحتی وار

گون ایسّیسی ، اوزی تشنه بو قدر قانی آخوب
نه اختیاری قالوب نه توان و طاقتی وار

یارالی سینه سینی جان ویرور آغیرلاتما
ندندی بیر دیموسن شارعین شریعتی وار

چکیل کناره آلوم باشینی دیزیم اوسته
یارالی قارداشیمون بلکه بیر وصیّتی وار

او قدر ویر منه مهلت که باغلیوم گوزینی
یانیندا یوخدی آناسی گوگلده حسرتی وار

ترحّم ائت منی بو چولده قویما قارداشسیز
علاوه بیر بولوک اهل و عیال و عترتی وار

چکوب حسیندن ال شمر الینده بیر قمچی
دیمم نِدوب دیلمین بو مقاله لُکنتی وار

آچوب او حالیده گوز پادشاهِ بی یاور
گوروب که زینبینون قارداشا حمایتی وار

دئدی باجی بو ستمگردن التماس ایتمه
نه رحمی وار نه بیر انصافی نه مروّتی وار

عبث بو ظالمه یالواراما ، مندن ال چکمز
گرک بروزه ویره دلده هر شقاوتی وار

خصوص اوزیمده رضایم که تئز خلاص ایتسون
نقدر تئز کسه ، اوز قلبیمون رضایتی وار

کسوب علاقه سین آیریلماسا بو باش مندن
وصالِ شاهدِ اصلین منه صُعوبتی وار

منم که باش ویرورم ، باش کسنده لازمدور
کیمون بو شمردن اوزگه بو امره جرئتی وار

اگر چه قاتلِ بی رحمه العطش دیورم
بو العطش دیماقون سرّی چوخدی حکمتی وار

فراتی ایستمورم ، جامِ عشقله مستم
دگل سو ، دلده مِی وصلِ یار نیّتی وار

نه سلسبیل نه کوثردی نه شرابِ طهور
او مِی که آختارورام اوزگه بیر حلاوتی وار

حلاوتیله اگر اوز بوغازیمون قانین
بو بزمِ عشقده من ایچمسم نه لذّتی وار

بلا پیاله سینی سنده شوقله نوش ائت
بلالی باشوین عالمده چوخ مصیبتی وار

علاج صبردی ، صبر ائت بلایه اول تسلیم
باجی بو امرِ مقدّردی حق مشیّتی وار

باش آچما زلفوی یولما یوزون خراش ایتمه
چکوب سس آغلاما دشمنلر شماتتی وار

قایت خیامه یغ اهل و عیالیمی باشوا
سکینه نازینی چک ، گر چه چوخ مشقّتی وار

تسلّی ویر اونا مندن صورا چوخ آغلامسین
او آغلیاندا منیم روحیمه اذیّتی وار

یتیم اوشاخلاریمی قویما دشمن اینجتسون
نقدر زحمتون اولسا حسینه منّتی وار

صَفیّم عاتفَم عالمده نازینَن بویویوب
رقیّم هاردا گوروب دشمنین اسارتی وار

وحید قارداشی جلّاد الینده قویدی باجی
قایتدی ، گوردی امام امرینون اطاعتی وار

الی اورکده گوزی یاشلی خیمه گاهه طرف -
گیدور ، نه دلده قراری نه دیزده طاقتی وار

اوزی گیدور ولی قارداش محبّتی قویمور
کسنمور عُلقه نی قارداشدان ، آخر الفتی وار

گیدنموری نگراندور عزیز قارداشدان
نه گیتماقا نه دونوب باخماقا جسارتی وار

عجب نظم ویرورسن کلامه ای (ذهنی)
حسیندندی که طبعون بیله مهارتی وار.



💠کانال کربلایی فریدون بهره‌مند

👇اثرات #دیر خوابیدن برای بدن :👇

یکی از #مهمترین پایه های سلامت بشری در کنار تغذیه و فعالیت بدنی ،خواب مفید مناسب و کافی برای تقویت #سیستم ایمنی بدن است.

برخی از عوارض #دیرخوابیدن در شب :

○کاهش #ایمنی بدن
○چاقی و #اضافه وزن
○کاهش سلامت #ذهنی
○ابتلا به #دیابت
○کاهش #میل جنسی
○خطر ابتلا به #سندروم متابولیک
○ناباروری
○مشکلات #قلبی
○سردرد
○کمبود #تمرکز


🔹همیشه به یاد داشته باشید #شب ها قبل از ساعت ۱۲ بخوابید زیرا بعد از #ساعت ۱۲ با عوارض بالا روبرو خواهید شد 🔹
🔸بهترین #زمان خواب حدود ۶ الی ۸ ساعت است 🔸
🔹یادتان باشد ۸۵ درصد خواب شب باشد ،یک ساعت #خواب روز برای شما کافی است 🔹
🔸دوساعت قبل از خواب #نوشیدنی هایی مثل قهوه و چای را حذف کنید 🔸
🔹قبل از خواب چند دقیقه ای #قدم بزنید تا راحت تر بخوابید🔹