#nasihat

RIZO
Ibrohim ibn Adham rohimahulloh g‘amga tushib qolgan bir insonni ko‘rib qolib dedi:
- Men sendan uchta narsani so‘rayman. Shularga javob ber!
- So‘rang!
- Bu borliqda Alloh istamagan biror ish sodir bo‘lishi mumkinmi?
- Yo‘q!
- Alloh senga bitgan rizqni birov tortib olishi mumkinmi?
- Yo‘q!
- Alloh senga yozgan muhlatingdan biror lahza kamayishi mumkinmi?
- Yo‘q!
- Unda nega mahzun bo‘lasan?

Sizga ham savol:
Nega mahzunsiz? Aqidangizni to‘g‘rilang, qalbingiz xotirjam bo‘ladi. Siz uchun yaralgan narsa albatta sizniki bo‘ladi. Qo‘lingizdan chiqqan narsa aslida sizniki bo‘lmagan.
Bu dunyo farz qilingan qadarlardan iboratdir. Bunda faqat qanoatlilar saodatlidir!

Abdulqodir Samarqandiy

Yaqinlaringizga ham ulashing!

@Abdulhamid_Hanafiy

#Ибрат

ҚАЛБ КАСАЛЛИГИНИНГ БЕЛГИСИ.

Ҳасан Басрий раҳматуллоҳи алайҳ қалб ҳақида шундай дейдилар: Беш нарса қалб бузилганлигининг белгисидир:

1. Тавба умидида гуноҳ қилишлик.
2. Илм ўрганиб туриб, унга амал қилмаслик.
3. Амалларда ихлос бўлмаслиги.
4. Ризқ еб туриб, шукр қилмаслик.
5. Маййитларни дафн қилиб туриб, ибрат олмаслик.

"Сукунэ қалб—Қалб ороми" китобидан.

@Abdulhamid_Hanafiy

#duo

Манзилга етиб борганда ўқиладиган дуо

﴿رَبِّ أَنْزِلْنِی مُنْزَلًا مُبارَکاً وَ أَنْتَ خَیْرُ الْمُنْزِلِینَ﴾

Ўқилиши: "Робби анзилний мунзалан мубаарокан ва анта хойрул мунзилийн".

Маъноси: "Роббим! Мени бир муборак манзилга туширгин, Сен (манзилга) туширувчиларнинг яхшисидирсан" (Муминун сураси,
29-оят).

@Abdulhamid_Hanafiy

ҲИММАТ ЭГАЛАРИ ҲАРАКАТДАДИРЛАР, ҲИММАТСИЗЛАР ЭСА ҚАСРУ-САРОЙЛАРДА ЎТИРУРЛАР

Бир Саудялик тижоратчи бор эди. Унинг ёшлиги камбағаллик, йўқсиллик, етимликда ўтган. Ўзи онаси билан бирга жуда машаққат, қийинчиликда яшарди. У уйидан мамлакат пойтахти Риёз шаҳрини қасд қилиб чиқиб кетди. Йўлда одамлар уни ўзларининг машиналарига текинга, бепулга чиқариб олдилар. У Риёзга этиб олди. (Бу олтмиш йил олдин бўлган вокеа) Шу эрда бир дўконда ишлади. Ундан кейин бошқа жойга кўчиб ўтди. Бинолар қурилишларида ишлади, сўнгра эса кўчмас мулклар бўйича ишга кирди. Олди-сотдиси билан шуғулланди, музораба қилди, фойда олди. Кейин ишлари, бойлиги кенгайиб, кўпайиб кетди. Ҳовлилари, қасрлари, ширкатлари, кўчмас мулклари сифатлаб бўлмайдиган даражада кўпайиб кетди. Дунё, ризқлар унга ҳар тарафдан оқиб келарди. Шу билан бирга кўп эҳсон қилиши билан ҳам танилди. Одамлар орасида зарбулмасал бўлди. Одамларга хайр-эҳсон қиларди. Муҳтожларга ёрдам берарди. Етимларни кафилликка оларди. Масжидлар қурдирарди. Ўз молу-дунёси билан бахтли яшади. Мол-дунёга қул бўлиб қолмади. Балки, мол-дунёни сахийлик билан сарфлади. Ўзи хотиржам эди. Қалби кенг, очиқ эди. Аллоҳ берганларга хурсанд эди. Аллоҳнинг ҳақларини адо этарди.

Сиз ҳам ҳаётингизда бошингиздан ўтаётган машаққат, қийинчиликларга сиқилманг. Баъзан у сизни сайқаллайди. У сизга адаб-тарбия беради, сизни тозалайди, поклайди, тайёрлайди, олий-олий ишларга ҳозирлайди. Зафар, муваффақият зиналарига олиб чиқади. Сиз жидди-жаҳд қилишдан тўхтамасангиз бўлди. Роббингиздан ёрдам сўранг, амалингизни пухта қилинг. Илмда ҳам, ризқда ҳам, бирор фойда олишда ҳам яхшилик манбаларини қидиринг. Дангаса, умидсиз бўлиб қолманг. Аллоҳ таолога таваккул қилинг, албатта Аллоҳ таваккул қилувчиларни севади, яхши кўради.

“Ниҳоят саодатни топдим“ китобидан.

@Abdulhamid_Hanafiy

Саловат айтишнинг муҳимлиги

Шайх ибн Атоуллоҳ Сакандарий айтадилар:
«Кўп нафл рўза тута олмайдиган ва нафл намозларни ўқий олмайдиган киши Пайғамбаримиз саллаллоҳу алайҳи васалламга кўп-кўп салавот айтиши лозим. Чунки сизнинг умр бўйи қилган ибодатингиз билан Аллоҳ таоло сизнинг ҳаққингизга бир марта айтган салавоти солиштирилса, сизнинг умр бўйи қилган ибодатингиздан кўра Аллоҳ таоло сизнинг ҳаққингизга айтган биргина салавоти оғир келади. Чунки сиз ўз даражангизга мос намоз ўқийсиз, ибодат қиласиз. Аллоҳ таоло эса Ўз буюклигига муносиб салавот айтади.
Аллоҳ таолонинг биргина салавоти сизнинг бутун умр қилган ибодатингиздан устун келади. Энди У Зот сиз учун ўн марта салавот айтишини тасаввур қилиб кўринг-а!!!
Чунки Пайғамбаримиз соллаллоҳу алайҳи васаллам: «Ким менга бир марта салавот айтса, Аллоҳ унга ўн марта салавот айтади», деганлар».
(Аллоҳ таолонинг бандаларига айтган салавоти – раҳматидир.)

@Abdulhamid_Hanafiy

#тил_офатлари

Қанча сўзлар бор, улар туфайли жаннатда қасрлар бино қилинади! Наҳотки инсон, шу сўзлар туфайли хазиналарни қўлга киритиши мумкин бўлгани ҳолда, бу боқий бойликларни ўрнига бефойда, турган-битгани зиёндан иборат, увадаланиб йўқ бўлиб кетадиган гувалаларни йиғиш билан овора бўлса?!

Бу мисол Оллоҳ таолоннинг зикрини тарк этиб, беҳуда гапларга умрини сарфлаётганларга тегишли. Гарчи уларнинг беҳуда сўзлари гуноҳ саналмасада, зиён кўраётганлари аниқ. Чунки улар улуғ фойдани Оллоҳ таолонинг зикрини бой беряаптилар. “Албатта мўминнинг жимлигида фикр, назарида ибрат, нутқида зикр бўлади деганлар. Пайғамбаримиз ( Муҳаммад ибн Закариё ривояти).

Вақт мўминнинг сармояаси. Уни қанчалик беҳуда нарсаларга сарфласа, у билан охират савобини ғамламаса, сармояаси куяди. Шунинг учун ҳам Пайғамбаримиз айтганлар: “Эр кишининг Исломи беҳуда нарсаларни тарк қилиш билан гўзал бўлади” (Термизий ривояти).

"Тил офатлари" китобидан

Яқинларингизга ҳам улашинг!

@Abdulhamid_Hanafiy

#siyrat

🌙 Расулуллоҳ соллаллоҳу алайҳи васаллам тавсия қилган ўсимлик

Умар розияллоҳу анҳудан ривоят қилинади. Набий соллаллоҳу алайҳи васаллам: “Зайтун ёғини енг ва уни суртинг. Чунки у муборак дарахтдандир”, дедилар (Имом Термизий ривояти).

Зайтундаги Е моддаси инсоннинг тез қаришини олдини олади. Зайтун дарахтининг баргларидан қон босимини олдини олувчи дорилар тайёрланади. Шунингдек, зайтуннинг ошқозон шиллиқ пардаси яллиғланишига қарши самарали фойдаси бор.

Соллаллоҳу алайка ё Расулуллоҳ

@Abdulhamid_Hanafiy

#assalamu_alaykum_va_rohmatulloh
Juma Ayyom muborak! 🕌🌙

Allohning siz-u biz uchun bergan yana bir Jumasi Muborak bo’lsin!
Alloh har birimizga, oila a’zolarimizga, Jamiki Ummati Muhammadga
xayrli, barokatli, fayzli qilib bergan bo’lsin! 🤲🏻

Ushbu ulug' kunda Nabiyyimiz Muhammad sollallohu alayhi vasallamga salovot aytishni unutmang🍃

Allohumma solli a'la sayyidina Muhammad 📿
Allohumma solli va sallim va ba:rik alayh 📿
Allohumma solli a'la sayyidina Muhammadin va a'la alihi va sohbihi ajma'in 📿


YAQINLARINGIZNI SAYYIDUL AYYOM BILAN TABRIKLANG✨🌙

Kanalga obuna bo'lish uchun:
👉 t.me/Abdulhamid_Hanafiy

#Жума_муборак

🍃 Унда дуо ижобат қилиниб, гуноҳлар мағфират этилувчи Жумъа куни муборак бўлсин!

✨Азиз диндошим, Жуманинг файзи ва барокати сизга бўлсин!

📌 Аллоҳумма солли аълаа саййидина Муҳаммад

❗️ЯҚИНЛАРИНГИЗНИ БИРИНЧИЛАРДАН БЎЛИБ ТАБРИКЛАНГ

👉 t.me/Abdulhamid_Hanafiy

#кун_ҳадиси

🔴 ЖУМА ТОНГИДА ЎҚИЛАДИГАН ДУО 🔴

Анас розияллоҳу анҳудан ривоят қилинади:

Расулуллоҳ соллаллоҳу алайҳи васаллам: «Ким жума куни бомдод намозидан олдин:

أسْتَغْفِرُ اللهَ الَّذِي لاَ إِلَهَ إِلاَّ هُوَ الْحَيُّ القَيُّومُ وَأَتُوبُ إِلَيْهِ

«Астағфируллоҳаллазий ла илаҳа илла ҳувал ҳаййул қоййум ва атубу илайҳ», деб уч марта айтса, Аллоҳ таоло унинг гуноҳларини денгиз кўпигича бўлса ҳам, кечириб юборади», дедилар.

▪️Маъноси: Ҳай ва қаййум сифатли Зотдан бошқа илоҳ йўқ ва Унга истиғфор айтаман, Унга тавба қиламан.

📚Ибн Сунний ривояти

☝️☝️☝️ Валлоҳу аълам

t.me/Abdulhamid_Hanafiy

#Ҳолис_Эслатма


عن أبي عبيدة بن الجراح، عن النبي صلى الله عليه وسلم، قال: «إن أفضل الصلوات صلاة الصبح يوم الجمعة في جماعة، وما أحسب شهدها منكم إلا مغفورا له».
أخرجه البزار في مسنده (4/ 106)
وأخرجه الطبراني في الكبير المعجم الكبير للطبراني (1/ 156).



Абу Убайда ибн Жарроҳ розияллоҳу анҳудан ривоят қилинади:
Расулуллоҳ ﷺ айтдилар:

«Намозларнинг энг афзали жума куни жамоат билан ўқилган бомдод намозидир. Сизлардан унга қатнашган (кишиларнинг гуноҳлари) албатта мағфират қилинади деб умид қиламан».

Баззор "Муснади"да ривоят қилган, ( 4/ 106) ва Табароний "Мўъжамул кабир"да, (1/ 156).

t.me/Abdulhamid_Hanafiy 🍃

#siyrat

🌙 СУННАТДАГИ ИЛМИЙ МЎЖИЗАЛАР

Бурунга сув олиб ювиш

Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам: “Агар бирортангиз таҳорат олса, бурнини сув билан ювсин ва қоқиб ташласин”, деганлар (Имом Муслим ривояти).

Доктор Мустафо Шаҳота айтади: “Бурун бўшлиғида микробларнинг жуда кўплаб турлари пайдо бўлади ва ривожланади. Ҳар куни таҳоратда бурун бўшлиғининг ювилиши, унинг яллиғланиши ва микробларнинг кўпайишини кеткизади”.

Соллаллоҳу алайка ё Расулуллоҳ

t.me/Abdulhamid_Hanafiy

#Кун_ҳикмати

Ўзининг айбини билганда одам, бошқалар айбини сўзламасди ҳам.

Абулқосим Фирдавсий

t.me/Abdulhamid_Hanafiy

Устоз жабри...

Мағриб томонда бир муаллимни кўрдим: юзи буришган, сўзи аччиқ, дилозор, гадойтабиат. Бир синф бола унга ишониб топширилган. Гоҳ уларнинг оппоқ юзига шапалоқ урар, гоҳ нозик оёқларига кишан соларди. Муаллимнинг ишидан воқиф бўлган ота-оналар уни мактабдан ҳайдашди. Ўрнига содда, солиҳ кишини қўйишди. Янги устоз заруратсиз сўз очмас, мулойим эди. Беозор ва ювошлиги туфайли ўқувчилар ундан қўрқмай қўйишди. Шўхликлари тутиб, безорилик қила бошлашди.
Икки ҳафтадан сўнг мактаб ёнидан ўтдим. Аввалги ўқитувчи ўз ўрнига қайтарилибди, эшитиб хафа бўлдим.

Жаҳон кўрган бир киши кулиб деди:
Подшоҳ ўғлини берди мактабга,
Кумушдан тахтасин солиб қўйнига.
Тахта бошига ёзилган олтиндан:
“Устоз жабри яхши ота меҳридан”.

Саъдий Шерозий, “Гулистон”.

t.me/Abdulhamid_Hanafiy

АЛЛОҲ ТАОЛОНИНГ МУҲАББАТИНИ ЖАЛБ ҚИЛУВЧИ САБАБЛАР

Мазкур сабаблар ўнтадир:
1. Қуръони Каримни тадаббур ила, маъноларини фаҳмлаб қироат қилиш.
2. Фарз ибодатларни тугал қилгандан кейин нафл ибодатлар ила Аллоҳ таолога қурбат ҳосил қилиш. Бу нарса муҳаббат даражасидан ўтиб, маҳбубиятга эриштиради.
3. Барча ҳолатларда - тил, дил, амал ва ҳол билан Аллоҳ таолонинг зикрида бардавом бўлиш. Банданинг зикрдан бўлган насибасига қараб, муҳаббатдан бўлган насибаси белгиланади.
4. Ҳавойи нафс ғалаба қилганда Унинг муҳаббат қилган нарсаларини ўзинг муҳаббат қилган нарсалардан устун қўймоғинг.
5. Қалбнинг У Зотнинг исмларини, сифатларини яхши мутолаа ва мушоҳада қилиши ҳамда таниши. Бас, ким Аллоҳ таолони исмлари, афъоллари ва сифатлари билан таниса, шубҳасиз, Унга муҳаббат қилади.
6. У Зотнинг зоҳирий ва ботиний яхшилигини, эҳсонини, неъматларини мушоҳада қилиш.
7. Аллоҳ таолонинг олдида қалбнинг бутунлай синиши.
8. Илоҳий нузул вақтида (кечанинг учдан бири қолганда) У Зот билан холи қолиб, муножат этиш ва каломини тиловат қилиш. У Зотнинг ҳузурида бандалик одобларини ўрнига қўйиш ва бу ҳолни истиғфор ҳамда тавба ила хатм қилиш.
9. Содиқ муҳаббатлилар мажлисларида ўтириб, уларнинг каломларидан энг ширин меваларни териш.
10. Аллоҳ таоло билан қалб орасида тўсиқ бўладиган ҳар бир нарсадан узоқда бўлиш.
Аллоҳнинг муҳаббати ҳақидаги оятлар:
Аллоҳ таоло Моида сурасида бундай деб марҳамат қилади:
"Эй иймон келтирганлар! Сизлардан ким динидан қайтса, Аллоҳ албатта Ўзи севадиган ва улар ҳам Аллоҳни севадиган қавмни келтирур..." (54-оят).
Аллоҳ таоло Ўз динининг ер юзида барқарор бўлишини ирода этган. Бу иродани юзага чиқаришда баъзи бандаларини восита - сабаб қилади. Ушбу шарафли ишга мусулмон уммати танланган.
Аллоҳ таоло Ўз динининг ер юзида барқарор бўлишига восита қилган бандалари алоҳида сифатларга эгадирлар:
Биринчиси - ўзаро муҳаббат.
"Аллоҳ албатта Ўзи севадиган ва улар ҳам Аллоҳни севадиган қавмни келтирур".
Яъни Аллоҳ таоло уларни севади, улар ҳам Аллоҳни севадилар. Бу ўзаро муҳаббат энг катта ва қувватли боғланишдир. Аллоҳнинг динига хизмат қилувчиларга, ўша динда мустаҳкам турувчиларга Аллоҳ таоло муҳаббат қилар экан.
Аллоҳнинг севгисини қозонган бандалар Аллоҳни севадилар. Демак, севги-муҳаббат икки тарафламадир. Аллоҳни севиш қандай улкан бахт!
Бу севги дунёдаги ҳамма севгилардан устун турадиган севгидир.
Бу севги жо бўлган қалбда бошқа севгилар ҳам соғлом бўлади.
Мазкур бандаларнинг сифатларидан иккинчи ва учинчиси...
Бинобарин, Аллоҳ таолонинг муҳаббатини ихтиёр қилган қавмдан бўлиш:
"Бу Аллоҳнинг фазли бўлиб, Ўзи хоҳлаган кишисига берадир. Аллоҳ қамрови кенгдир, ўта билувчидир".
Аллоҳнинг бундай кенг фазли-карамидан баҳраманд бўлган кишилар бу улуғ иноятнинг қадрига етишлари лозим.

"Руҳий тарбия" китобидан.

t.me/Abdulhamid_Hanafiy