شركة نوڤا ووزارة الشباب والرياضة مسوين هاكاثون برمجي بالزوراء لمدة ٣ ايام تبلش من السبت ٢٦/٤

الموقع: بغداد، الزوراء، بناية دائرة الرعاية العلمية

اكو جوائز مالية ومنتجات تقنية وشهادات مشاركة من وزارة الشباب والرياضة

كل التفاصيل وطريقة التقديم تلگوها هنا:
https://hackathon.supernova-iq.com/

الهاكثون فرصة حلوة مو بس للي ديتعلمون برمجة ويريدون يطبقون الي تعلموه، هو همين فرصة للمبرمجين الي ديشتغلون انُ يكسرون الروتين ويكتبون كود للونسة مو للشركة ويتعرفون على ناس جدد ويوسعون دائرة علاقاتهم

وبالنسبة للشباب الي يشوفون نفسهم جاهزين للشغل بس ما گاعد تجيهم الفرصة او يتوفقون بالمقابلات فـ هاي اجتكم ليمكم، كومة شركات راح تكون موجودة ويخلون بالهم وي المبرمجين الي يبرزون ويدزولهم عروض شغل يمهم

على كمية شغل الفري لانس الي اجاني آخر شهر وما گدرت استلمه راح اعوف برمجة المواقع واحول لتطبيقات التلفون

اذا انتو او احد تعرفوه يشتغل كـ مبرمج تطبيقات تلفون ios & android وعنده مجال يستلم مشاريع فري لانس دزولي السيڤي على البوت وي يوزر التلي حتى انطيكم خبر اذا حصلنا شغل مناسب الكم @VNN3Bot

والي بعدهم ديتعلمون برمجة وحايرين يا مجال يختارون فـ شباب تطبيقات التلفون سوگها كلش قوي هالفترة بالشركات والفري لانس فـ فكرو بالموضوع زين، هذا كورس flutter اني ما ماخذه بس قريت عنه كلام زين بين الناس الي يدورون على بداية مناسبة لهذا المجال

https://youtu.be/j_rCDc_X-k8?si=svisa5SQVgz8PZ6J

لسببٍ ما كل بزنس بالعراق يريد يصير عنده تطبيق تلفون مدافهم ليش

Let’s talk Arduino!

طول الشهور الفاتت چنت داتعلم من هواي مصادر (كُتب، مقالات، كورسات وفيديوات عشوائية على اليوتيوب وكلش هواي chat gpt) وهذا كله بس علمود المشاريع الي انطلبت مني بالجامعة وچان الموضوع كلش هوسة صراحة فـ راح احاول هنا اختصر الطريق شوي على الي يريد يبلش يتعلم حتى ما يضيع مثلي

اول شي لازم نوضح شوي مصطلحات اساسية:

- الـ microcontroller: هو الـ cpu مالتنا الي نبرمجه حتى يتحكم بالمشروع ويكون بيه ram و i/o pins بس الشغل وياه بهيچ حالة شوي معقد فـ نحتاجه يكون داخل development board

- الـ development board: هو البورد الي يحتوي الـ microcontroller ووياه هواي chips ثانية مثل الـ voltage regulators, clock, reset button, usb port and additional i/o pins

بالمناسبة اردونك الموقع مالتكم كلش تعبان خاصة على التلفون فـ اذا تريدون تواصلو وياي حتى اسويلكم e commerce محترم وان شاء الله اداريكم بالسعر (الا اطلع كل خسائر مشاريع الجامعة من جلدكم)

وي الـ development board تحتاج بعد قطع اكيد، مثلاً سنسرات للحرارة، الرطوبة، نقاوة الهوة وغيرها، راح تحتاج همين طريقة تعرض بيها الـ output مثلاً شاشة او گلوبات led او غيرها

راح تحتاج وايرات همين بانواع مختلفة حتى تربط القطع هاي بالـ development board

الخيارات كلش هواي وحتى تبلش تگدر لو تختار كم قطعة عشوائية تگعد تتعلم بيهم او تاخذ kit بيها اغلب القطع المناسبة للمشاريع المبتدئة والمتوسطة (وهم صراحة كل الي احتاجيته لكل مشاريع الجامعة الي سويتها، بس الـ ESP32 اخذته وحد)

اني اخذت هاي الـ kit من اردونك وشفتها جيدة بحيث لحد هسة ما مستعمل كلشي بيها
https://www.ardunic.com/product/Arduino-Starter-kit

هسة من جبت القطع وتريد تبلش شغل راح تحتاج شوي مبادئ بهندسة الكهرباء، مو شرط تكون خبير بيهم بس لازم عندك فكرة عنهم حتى تگدر تسوي ابسط المشاريع بدون ما ينفجر شي بوجهك، الردي بسبب اختصاصي بالجامعة والتجارب بالمختبرات چنت اعرفهم فـ ما احتاجيت اتعلمهم من الصفر، بس للي يدرس شي ما اله علاقة بالبرمجة والكهرباء هاي قائمة تگدر تاخذهم واحد واحد تبحث عنهم باليوتيوب او بمقالات على النت وتتعلمهم، ومثل ما گلت يكفي تاخذ عنهم فكرة مو شرط تفهمهم ١٠٠٪؜

1. Ohm’s law (resistance, current and voltage)
2. Voltage divider circuits
3. Resistors color codes
4. Open/ closed circuits
5. Basis components like (breadboards, wires, resistors, LEDs and buttons)
6. Using a voltmeter
7. Safety with electricity

راح تحتاج همين اساسيات البرمجة بلغة مثل c او c++ لان اللغة المستعملة ببرمجة الاردوينو كلش قريبة عليهم

Arduino Projects Book

هذا الكتاب كلش حلو شارح الاشياء الاساسية الي تحتاج تتعلمها حتى تبلش بمشاريع الاردوينو وي ١٥ مشروع عملي، يبلش من مشاريع كلش بسيطة بـ components قليلة وشوي شوي يصعد بمستوى التعقيد وتتطور المشاريع الي يسويها، وبطريقه يشرح لغة برمجة الاردوينو وي اكثر القطع المشهورة الي ممكن تتعاملون وياها

لغة الكتاب سهلة ويستعمل مصطلحات عامة مو كلش معقدة مثل المصادر الاكاديمية فـ كلش مناسب للمبتدئين والناس الي من خارج الاختصاص

هذا الكورس على اليوتيوب كلش حلو، شرح بيه استخدام هواي قطع وشلون نبرمجهم، فيديوات قصيرة ومفيدة

https://youtube.com/playlist?list=PLlBVuTSjOrclb0iCMSRpS_H1lSrlSVeEm&si=oVaoa3fUvuip-F0f

هذا همين شفتله كلش هواي فيديوات شرحه كلش حلو، ومرة من المرات چنت داتفرج فيديو بالانگليزي طلع هو نفسه الولد عنده قناة ثانية يشرح بيها بالانگليزي

اول مشروع مال نظام تسجيل دخول الموظفين بالشركة هواي ساعدني بيه

https://youtube.com/playlist?list=PLUKyI8ySgdwp4pgcKDRrWqkERrJXmknZ0&si=ZSiNsBqW5pfZIV-7

برمجة الـ ESP32 كلش تشبه برمجة الاردوينو حتى نستعمل نفس اللغة والـ IDE، هذا كورس خاص بالـ ESP32 تگدرون تعرفون منه الميزات الاضافية الي بيه وما موجودة بالاردوينو

https://youtube.com/playlist?list=PLUKyI8ySgdwrBECztHBOPhtHgB79BLgdJ&si=uK7CKWynHeoC9xkl