شفت وراها هذا الكورس من قناة هندية ASP.NET Core Web API

ويمكن هذا احسن كورس اشوفه بحياتي كلها مو بس بالباك ايند، الرجال صدگ مرتب وكلامه كله سوة عليه تطبيقات عملية وطلعت من الكورس مسوي مشروع مطبق بيه كلشي تعلمته

شرح كومة شغلات اساسية بالمجال ووصل فكرتها بتبسيط مو مُخل بالعكس مناسب لواحد هسة ديتعلم وصرت اگدر من ابحث بگوگل او chat gpt او غير فيديوات افهم وابني على الاساسيات الي شرحها

كلش هواي استفاديت منه وراح اضل ادعي لهذا الخير

هذا المشروع الي سويته وي الكورس

https://github.com/YousifVN/college-app-dotnet

همين گاعد اتعلم design patterns و design principles من مصادر مختلفة، بس لحد هسة مو كلش مستوعبهم لان ما مسوي بيهم تطبيقات عملية فـ كل الي اعرفه عنهم هو الجزء النظري، هاي شوي كورسات زينة عنهم:

- Design Patterns
- SOLID Principles
- Design Principles
- Design Patterns

هسة بلشت اتعلم ABP الي هو مثل الـ framework المبني فوگ الدوت نيت، يخلينا نبني المشاريع اسرع، وينطينا كومة شغلات اساسية جاهزة مثل الـ clean architecture، الـ authentication والـ multi tenancy وكومة شغلات بعد بحيث ما نحتاج نكتب هواي boiler plate بكل مشروع جديد

واهم شغلة بيه انُ يرتب المشاريع الضخمة، حالياً دنشتغل على ERP فـ الكود كلش چبير والـ ABP يساعدنا نحافظ عليه clean و maintainable

گاعد اخذ هذا الكورس من قناة by expert devs واطبق وياه الي يشرحه ولحد هسة الوضع تمام خوش يسولف

هاي بالنسبة للباك

بالنسبة للفرونت فـ بلشت اقرة الـ documentation الرسمية مال vue وخلصت ٥٠٪؜ منها تقريباً، كلش سهلة وواضحة وداكتشف هواي سوالف حلوة ومفيدة بالشغل ما متعلمها من الكورسات، يمكن لو رجع بية الوكت اتعلم vue من الـ documentation مباشرة بدال ما اشوف اكثر من كورس عليه

Vue.js Official Documentation

وطفيت الـ auto completions مال copilot، صارت تأخرني او تنطي اقتراحات مو يم السالفة فـ صارلي بحدود الشهر ما اخلي الـ AI يكتب كود بالمشروع داستعمل بس الـ chat حتى اسرع الـ research

همين الي صار ان گمت احس روحي فاهم الـ codebase اكثر، اعرف كلشي موجود بيها وشنو يسوي، اگدر اضيف اي فيچر جديدة بسهولة واتبع اي bug واحله بدون مشاكل، فـ دينطيني good feeling of ownership over my code صح على حساب الوكت بس اشوفه يسوة

موقع w3schools بيه شرح كلش زين لـ c# ينطيك كلشي تحتاجه كـ بداية وتگدر بعدين وي الوكت من تتطور تتعمق باللغة اكثر

https://www.w3schools.com/cs/index.php

FAQ بمناسبة اعلان نتائج السادس

- لا تجي هندسة حاسبات بجامعة بغداد، روح للتكنو او النهرين، بجامعة بغداد القسم تعبان كلش من ناحية البناية والمُختبرات والفعاليات والدكاترة

- مُعدل القسم بحدود الـ ٩٥ يصعد او ينزل شوي حسب السنة

- كلية الهندسة بجامعة بغداد ما بيها مسائي

- اختار اقرب جامعة على بيتك راح تكسب اجر بروحك

- لا تجي هندسة حاسبات بجامعة بغداد

- كونك تتخرج كـ مهندس حاسبات ما يخليك احسن من خريج العلوم لان بالوكت الي انت چنت تدرس بيه ٨٠٪؜ مواد هاردوير ما الها علاقة بالبرمجة هو چان يدرس مواد ١٠٠٪؜ سوفتوير ومتقدم عليك بمراحل، تخلي بالك من البداية تشد حيلك وتاخذ كورسات حتى تگدر تنافس وتحصل شغل

- ما انصح بهندسة الحاسبات بشكل عام، روح علوم حاسبات اذا متأكد ١٠٠٪؜ تريد تشتغل مبرمج او روح هندسة اتصالات اذا تريد حل وسط بين الشغل بالبرمجة او الهندسة، شغل الاتصالات بالعراق جيد ويطلبون بيه دائماً مهندس اتصالات، واذا تخرجت كـ مهندس اتصالات وبعدك تحب البرمجة فـ انت بعدك مهندس و قسم tech وفرصتك بالبرمجة كلش زينة

- اني مو احسن شخص يحچي عن الدراسة فـ من تسألوني على مصادر وملازم مو كلش افيدكم، بس اذا تحتاجون شي يخص الشغل فـ عدكم هاي القناة واساعدكم بـ الي اعرفه ان شاء الله

- لا تجي هندسة حاسبات بجامعة بغداد

شركة Puretik عدهم تدريب للمبرمجين من ٣ اختصاصات Frontend, backend and mobile

- التدريب مدفوع
- المدة: ٣ اشهر، ٥ ايام بالاسبوع
- اكو شهادة مشاركة
- الموقع: الكرادة، شارع حلويات الخاصكي، مقر شركة بيورتيك
- آخر موعد للتقديم: ٣١/٧

رابط استمارة التقديم

شباب

الادمن ديعقد صفقات دولية

قبل فترة اشتريت كورس asp الي مسويه المهندس عصام عبد النبي وتقريباً كملت منه ٣٠٪؜ لحد هسة، ما چنت ناوي احچي عن الكورس لحد ما اكمله بس قبل شوي تواصلت وياه وگدرت احصل خصم كلش حلو للشباب بالقناة فـ ما راح انتظر اكثر لان الردي شفت جزء چبير من مادة الكورس وحسيت بقيمته

فيديو تعريفي عن الكورس ومحتوياته:
https://youtu.be/2VraSFzBWj4?si=3PdLn8SJ8QGLUP6J

رابط الكورس:
https://metigator.teachable.com/p/mastering-asp-net-core-concepts-to-production-ready-apis/

سعر الكورس الاصلي ٢٠٠$

عليه خصم ٦٠٪؜ مؤقت بكوبون Metigator60 يصير سعره ٨٠$

والخصم الي حصلته الكم ٧٥٪؜ يصير سعر الكورس ٥٠$

ما الي اي نسبة بالموضوع، كل الي اريده انُ ناس اكثر تتعلم وتگدر تبني الها career بالبرمجة

اعرف شگد جماعتنا يستثقلون موضوع انك تستثمر بكورس، ليش ممكن تدفع فلوس وكلشي موجود على النت؟ اني هم چنت هيچ بالبداية وضيعت هواي وكت چان ممكن استغله بشكل احسن

الي دتشتريه هو مو بس المادة العلمية، تشتري وقت وتختصر على نفسك هواي، تضمن انك تبني اساس مرتب من شخص فاهم مو مجموعة مصادر متفرقة وتگعد تربط بينهم وتملي الفراغات، تطبق على مشاريع عملية وتثبت الي تتعلمه

الكورس طويل والمادة دسمة ويوصلك مرحلة انك تكون جاهز للشغل، هذا كله مقارنة بسعره الاصلي كلش زين، ووي الخصم حرام يتفوت بعد

من تشتغلون راح تشوفون الـ ٥٠$ هاي يطلعها المبرمج الجونيور بيوم او يوم وشوي فـ نهائياً ما الها قيمة مقابل انك تبني لروحك career بهيچ مجال 😂😂

المهم نرجع لكوبونات الخصم، ما راح نگدر نسوي رابط وننشره للكل، فـ بس الي يريد يشتري الكورس من يكون جاهز خلي يتواصل وياي حتى انطيه الكوبون ويستعمله بالـ checkout

الكوبون بيه صلاحية تقريباً يوم او يومين فـ انطوني خبر من تكونون جاهزين تشترون الكورس حتى تستعملوه بسرعة

هذا حسابي @YousifVN

بس ادعولي انجح بالدور الثاني لان فقدت الامل بالدراسة 🙏🏻