رفعت نسخة جديدة للبوت هسة، لغيت الاشتراك الاجباري وضفت صور جديدة

@VNTummyBot

تگدرون تستعملون البوت هسة براحتكم بدون ما تكونون مشتركين بهاي القناة

آسف لان خليتكم تشتركون بالقناة حتى تستعملون البوت چانت حركة ما الها داعي بس تعلمت اسويها وحبيت اجربها

الي ما مهتم بالبرمجة يگدر يغادر القناة، والي اجوي وعدهم واهس فـ ان شاء الله احاول ابطل تغليس وانشر اكثر الفترة الجاية

ولو هو مو يم محتوى القناة بس هاي شغلة هسة عرفتها وگلت انطيكم خبر

اي شخص عنده ايميل جامعي فعال (يعني حالياً طالب مو متخرج صارله فترة) يگدر يسوي حساب بموقع مايكروسوفت من هذا الرابط:
https://www.microsoft.com/en-us/education/products/office
بايميله الجامعي ويحصل كل برامج مايكروسوفت مجاناً، الي من ضمنهم برامج الاوفس (word, excel, power point) و ١٠٠ گيگا بـ one drive (الكلاود مالتهم) مجاناً ويضلون مفتوحات عنده طول ما هو طالب بدون تجديد ولا شي

الخطوات كلش سهلة مجرد تسوي حساب وغالباً راح يطلب تفعل الـ two factor authentication من التطبيق مالتهم وكل التعليمات موجودة وواضحة، واذا احد وگف عنده شي خلي يگلي حتى اساعده

اني چنت اعرف انُ اكو خصم لطلاب الجامعات ونسبة الخصم تختلف حسب الجامعة، مثلاً بجامعة بغداد نحصل ٥٠٪؜ عالاشتراك الشهري، بس ماعرف ليش من اروح اشتريه واوصل للدفع يطلعولي الخصم بالايميل الجامعي بس ما يگلولي ترة تگدر اصلاً تاخذ كل برامجنا ١٠٠٪؜ مجاناً من هذا الرابط 😂😂😂

هسة الي ديستعملون الوورد وباقي البرامج كراك (مبيوگة) تگدرون تستعملون هاي الطريقة حتى تحصلوهم بطريقة اصولية وأأمن على حاسباتكم

كـ مبرمجين فرونت ايند (وحتى مبرمجين تطبيقات تلفون) مرات نحتاج باك ايند بسيط لمواقعنا حتى نضيف فد functionality معينة بس ما تسوة نروح نتعلم باك ايند علمود هاي الشغلة، علمود هاي اكو firebase و supabase الي يشتغلون كـ BaaS (backend as a service)

تگدر بدون كتابة كود تقريباً وبدون ما تحير بـ hosting للباك ايند والداتا بيس مالتك تسوي الي تحتاجه لمشروعك، الـ ui مالتهم كلش بسيط وسهل استعماله ويوفرون كلش هواي وقت

Main differences between Firebase and Supabase:
• Database:
• Firebase uses NoSQL (Firestore), great for flexible data.
• Supabase uses SQL (PostgreSQL), good for structured, relational data.
• Open Source:
• Firebase is Google-owned and closed-source.
• Supabase is open-source, so more transparent and customizable.
• Query Language:
• Firebase uses a custom query setup.
• Supabase uses standard SQL—easier if you know databases.
• Hosting:
• Firebase is fully managed by Google.
• Supabase lets you use their hosting or self-host if you want control.
• Real-time:
• Both support real-time, but Firebase’s is more mature.
• Supabase’s is newer, but still solid.

شوي انلاصت ما دترهم اكتب عربي وانگليزي لان ناس طبت بناس

باختصار firebase مناسبة اكثر للمشاريع السريعة الي ما محتاجة customization عالي، و supabase خيار جيد همين يفيدك اذا اكو تفاصيل معينة ببالك تريد تسويها بالباك ايند مالتك وتحتاج standard sql و احتمال تريد تسوي self hosting

شفت كومة فيديوات على firebase من چنت داتعلمها الفترة الفاتت وهذول الي استفاديت منهم اكثر شي:

Firebase in 100 seconds - Fireship

What is firebase and how to use it - Firebase

وهذا الكورس اكثر شي فادني
Firebase 9 tutorial - Net Ninja

واكيد الچثير الچثير من القراءة بين مقالات وتعليقات بـ ريدت وكورا واكيد chatgpt

supabase اقتنعت انُ ما تخدمني لان ما محتاج حالياً درجة الـ customization هاي بس همين تعلمتها بشكل سطحي من هذول الفيديوات

Supabase in 100 seconds - Fireship

Supabase Crash Course - NetNinja

بالاخير استقريت على firebase لان اشتغلت مشروع iot للجامعة چان مطلوب مني بمادة الـ electronics هذا الكورس، سويت نظام تسجيل حضور الكتروني للطلاب بـ microcontroller اسمه ESP32 و قطعة RFID تقرة بطاقة كل طالب الي هي الـ id مالته وهذا كله ربطته بـ ويبسايت يگدر الدكتور منه يتابع حضور الطلاب خلال السمستر

الباك ايند والداتا بيس مال هذا المشروع سويتهم بـ firebase وكلش هواي اختصرت علي وكت احسن ما اروح اتعلم باك ايند

صدگ هاي السنة اشتغلت مشروعين iot وداشتغل هالاسبوع على واحد ثالث للجامعة فـ احتاجيت اتعلم الاردوينو من الصفر لان بحياتي ما مستعمله من قبل، وثاني مشروع احتاجيت wifi وانُ ادز http requests فـ حولت على الـ ESP32 لان احسن من الاردوينو، بس هل مهتمين بسوالف الـ iot حتى انشر بهاي القناة المصادر والفيديوات والمشاريع الي سويتها والكود؟ هي صح بيها برمجة بس بحكم دراستي جزء چبير منها چان هاردوير فـ ماعرف اذا مهتمين بهيچ شي

فـ ماعرف احچي عن الـ iot هنا لو بقناة الدراسة لان تعلمتهم واستعملتهم علمود الجامعة @HandazaStuff

وها اني ماخذ اجازة من الشغل هالشهر علمود الفاينلات فـ صار عندي وكت ارجع اعيش مثل البشر واقرة الكتب والروايات الي متراكمة علي، يتم التدوين بهاي القناة 😁📚

https://t.me/YousifBookshelf

- اليوتيوب متروس مشاريع جاهزة

- حسابي على github بيه مشروعين لحد هسة وكاتب documentation كاملة بيها كل تفاصيل ربط الهاردوير وشغل السوفتوير

*ما افضل احد ياخذ مشروع ويسلمه مثل ما هو، اخذ فكرة عن المشاريع الموجودة وطور بواحد منهم او سوي شي جديد ورة ما تاخذ افكار منهم*