عندي فاينل برمجة باچر ومن الملل تذكرت اكو قناة المفروض انشر بيها

وبما انُ هدف هاي القناة من سويتها چان انُ اشارك الاشياء الي اتعلمها واسويها فـ خلي احچيلكم شديصير وياي هالفترة بالنسبة للدراسة والشغل

ماخذ اجازة من الشركة هذا الشهر بسبب الفاينلات، ان شاء الله من السبت الجاي راجع للشغل

حالياً صار عندي وكت فراغ فـ گعدت اشتغل على portfolio لنفسي، اثبت بيه طرق التواصل وياي، شغلي والخدمات الي اوفرها لان مقرر الفترة الجاية اركز على شغل الفري لانس اكثر حتى يصير مصدر دخل اضافي

همين شفت الموضوع ديصير مزعج كل ما ابلش مشروع جديد لازم انزل كل المكاتب والبكجات الي احتاجها واسوي اعداداتها الي هي تقريباً نفسها بكل مشروع

فـ سويت هاي الـ repo على github عامة لكل مبرمجين vue الي يستعملون نفس الـ tech stack مالتي، وتدللون شباب اعتبروها هدية الكرسمس

Vuetify, TypeScript, Pinia, Vue Router, i18n and Tailwind CSS

https://github.com/YousifVN/vuetify-starter-template

بديت هم شوي شوي اجمع setup بعد ما چان بس لابتوب، اشتريت شاشة وسماعات وهالفترة اجيب ups همين

والمفروض اجيب مكتب وكرسي جديدات بس ضايع بالخيارات الهواي الموجودة بالسوگ واونلاين فـ اريد ترشيحات، شنو القطع الي مشتريها وشلون تجاربكم وياها

@VNN3Bot

الشاشة كلش كلش مفيدة حرفياً احسن استثمار سويته بحياتي، ما اعرف شلون چنت اشتغل بدونها، خلي اگللكم منين جبتها وباقي التفاصيل

السماعة هم مفيدة لساعات الشغل الطويلة لانها over-ear ومريحة اكثر من الايربودز

ASUS 24 VA24EHF 100Hz 1Ms FHD (1920x1080P) Flat IPS Monitor

سعرها صار ١٣٠،٠٠٠ والتوصيل مجاني، سعرها مناسب وجودتها كلش زينة، اخذتها اكيد من العالمية

https://globaliraq.net/collections/asus-monitor/products/asus-24-va24ehf-100hz-1ms-fhd-1920x1080p-flat-ips-monitor

Q20i | Hybrid Active Noise Cancelling Headphones

السماعات شفتها بـ حساب انكر العراق على الانستا وعجبني سعرها ومواصفاتها فـ شفت عليها فيديوات اكثر عاليوتيوب واقتنعت بيها وطلبتها من موقعهم، عليها خصم صارله فترة طويلة صارت بـ ٥٥،٠٠٠ والتوصيل ٥٠٠٠

كلش حلوة وشحنها يطول ايام بحيث انسى اشحنها وعزل الضوضاء بيها رهيب ما توقعته يكون هلگد زين بسماعة رخيصة

https://anker-iq.com/product/1051

صح سعرهن مبالغ بي يتراوح بين 600$-800$ بس فكرة انو عندك كونسل بجيبك فكرة كلش مغرية و هسة اكو تسريبات على ال nintendo switch 2
اهواي ناس كاعد تتجة لهل موضوع

عود اقلد جلال واسوي روحي tech influencer ومراجعة منتجات وهاي

المحطة مسوين بوتكامب للي يريدون يتعلمون برمجة الويب، البوتكامب مجاني ونهايته تحصلون شهادة كورس CS50P من هارڤرد، راح يقبل ١٥ واحد بس واكو فرصة تحصلون شغل نهاية الكورس

باقي التفاصيل باستمارة التسجيل:
https://docs.google.com/forms/d/e/1FAIpQLScci55twszXm_8V4N9ad7cWFd8Zx00aNQXJIIbVip1xZTkp6A/viewform

شركتنا تبحث عن مبرمج باك ايند جديد، كل التفاصيل والتقديم على لنكدن:

https://www.linkedin.com/jobs/view/4128309621

رمضان كريم، مبارك عليكم الشهر يارب ينعاد عليكم بالخير وبالبركة

بهاي المناسبة لا تنسون تشاركون بتحدي الـ ٢٩ يوم خاصة للي ديتعلمون برمجة راح تلگون هواي ناس وياكم يساعدوكم تلتزمون بهاي العادة طول رمضان وبعده ان شاء الله وممكن تكونون علاقات تفيدكم بعد نهاية التحدي

لمعلومات اكثر عن تحدي الـ ٢٩ يوم وطريقة المشاركة بيه:
https://t.me/challenge_29

وبوت تعبئة الكرش رجع يشتغل @VNTummyBot ، استعملوه وادعولي ورة الفطور

شكراً للشباب الي گلولي من وگف البوت قبل فترة، فتحت الكود مالته وحاولت احل المشكلة بس صارلي شهور ما مستعمل بايثون وناسي حتى شلون اسوي لوب، فـ حذفت كلشي ورجعت برمجت البوت بجافا سكربت 😁

هذا رابط الكود اذا تريدون تسوون بوتات خاصة بيكم:
https://github.com/YousifVN/telegram-random-image-bot

من عدت كتابة الكود ضفت فيچرات جديدة، البوت هسة صار يشتغل بالگروبات مثلاً، من احد يسويله تاگ او يرد على رسالة من رسائل البوت حتى ما يسوي هوسة بالگروب

هاي القناة شلون صارت ١٥٠٠