【#上庭聲援 - 1月7日 星期二】
【分流投票🗳】
【下周預告】

🏛九 龍 城 裁 判 法 院 5 樓 1 庭 - 嚴舜儀署理主任裁判官
上午庭 09:30 am:
[1] 鄧,伍,鄧(18-20) - 襲警 #1011黃埔 涉襲擊警員徐家俊

🏛西 九 龍 裁 判 法 院 4 樓 1 庭 - 羅德泉主任裁判官
上午庭 09:30 am:
[2] 呂(19) - 暴動 #0929金鐘 #更改保釋條件
[3] 方(23) - 暴動 #1118油麻地 #更改保釋條件

🏛東 區 裁 判 法 院 1 0 樓 1 3 庭 (少年庭) - 黃士翔裁判官
上午庭 09:30 am:
[4] ***(13) - 有意圖而傷人等 #1013將軍澳 涉禁錮卧底警員X；防暴警隨後將半身伸進坑渠內
下午庭 02:30 pm:
[5] 控罪吻合，但資料不足，未能知道是否手足【15歲少年涉1118於柴灣紀律部隊宿舍蹤火】
🚩更新資料：***(15歲少年) - 縱火 - #1118柴灣

🏛東 區 裁 判 法 院 6 樓 1 庭 - 香淑嫻裁判官
下午庭 02:30 pm:
[6] 劉(24), 林(29) - 暴動等 #1013將軍澳 涉禁錮卧底警員X；防暴警隨後將半身伸進坑渠內
[7] 林(34) - 襲警 #1108銅鑼灣 涉襲擊警員魯君樑
[8] 王(16) - 管有攻擊性武器 #1102中環 鎅刀、雷射筆
[9] 殷(24)🛑已還押56天 - 管有非法用途工具 #1111銅鑼灣 鐵棒、鎅刀
[10] 盧(21) - 非法集結 #1013將軍澳 涉禁錮卧底警員X；防暴警隨後將半身伸進坑渠內
[11] 程(17) - 管有非法用途工具 鐵勾、六角匙、鐵枝等

🏛觀 塘 裁 判 法 院 3 樓 1 庭 - 徐綺薇署理主任裁判官
下午庭 02:30 pm:
[12] 嚴(20) - 襲警 #0803黃大仙 涉將警長徐兆雄推倒
[13] 曾(22) - 襲警 #0803黃大仙 涉踢楊修毅
[14] 龔(18) - 襲警 #1111將軍澳 襲擊警長A(編號58151)
[15] 歐(20) - 非法集結、蒙面 #1111將軍澳
[16] 鍾(19) - 非法集結、蒙面 #1111將軍澳
[17] 黃(16) - 非法集結 #1111牛頭角
[18] 韋(40) - 襲警 #1129九龍灣 警署警長49734報稱搜屋時被咬

🏛沙 田 裁 判 法 院 3 樓 1 庭 - 高偉雄署理主任裁判官【同時有3警醫院房內以酷刑對待老伯案】
下午庭 02:30 pm:
[19] 朱,陳(16-31) #答辯🗣 - 刑事損壞 #0722荃灣 涉毀何君堯辦事處

🏛屯 門 裁 判 法 院 3 樓 1 庭 - 張潔宜署理主任裁判官
下午庭 02:30 pm:
[20] 廖,陳,徐(17-27) - 刑事毀壞等 #0730天水圍 涉損壞行人隧道牆壁；襲擊休班警X

🏛粉 嶺 裁 判 法 院
[21] 3-4名被告 - 詳情未知 #新案件 - #0105上水
－
#不是聲援

🏛區 域 法 院 8 樓 2 7 庭 - 郭偉健法官
09:30 am - #犬隻 趙廣林,賴福康,傅裕文,張子健,陳少寶(28-54) - 串謀妨礙司法公正 - 反黑組探員涉嫌插贓設局，再拉人交差

🏛沙 田 裁 判 法 院 3 樓 1 庭 - 高偉雄署理主任裁判官
02:30pm - 歐國偉(25),鄧文謙(24),林易昇(30) - 公職人員行為失當 #0626上水 北區醫院7A房內以酷刑對待老伯

#東區裁判法院第一庭
#1108銅鑼灣 #提堂 - 香淑嫻裁判官

林(34)
襲警（涉襲擊警員魯君樑）

已完成調查，控方將以現有控罪檢控

案情依賴錄影片段，辯方表示昨晚才收到，需詳細觀看及等候法律意見，辯方申請押後

案件押後至3月10日1430

#東區裁判法院第一庭
#錢禮主任裁判官 #1108銅鑼灣
林(34)

控罪：襲擊在正當執行職務的警務人員

案情：被控於2019年11月8日，在銅鑼灣軒尼詩道崇光百貨外，襲擊警務人員魯君樑

被告不認罪
案件押後至2020年5月11日09:30於東區裁判法院第一庭，進行審前覆核

✅裁判官准予被告人保釋✅
保釋條件如下：
1. 保釋金$ 1000
2. 不得離境
3. 須交出所有旅遊證件
4. 居住在報稱住址
5. 更改住址須24小時前通知警方

* 裁判官批准取消被告的宵禁令

#東區裁判法院第十庭
#林希維裁判官 #審訊
#1108銅鑼灣

👤林(34)

控罪：襲擊在正當執行職務的警務人員

案情：被控於2019年11月8日，在銅鑼灣軒尼詩道崇光百貨外，襲擊警務人員魯君樑。

被告不認罪

(審訊細節後補 請耐心等候)


✅裁判官准予被告人保釋✅
保釋條件如下：
1. 保釋金$ 1000
2. 不得離境
3. 須交出所有旅遊證件
4. 居住在報稱住址
5. 更改住址須24小時前通知警方

案件押後2星期 至 2020年6月24日 1430 於東區裁判法院裁決。

#東區裁判法院第十庭
#林希維裁判官 #1108銅鑼灣
#審訊

Part 1
(今次無hea版 但會分part 請見諒！)

👤林(34)

控罪：襲擊在正當執行職務的警務人員
被控於2019年11月8日，在銅鑼灣軒尼詩道崇光百貨外，襲擊警務人員魯君樑。

被告不認罪

⏺控方陳詞(1)
跟案情撰要相類似，控方不詳細解釋。
將傳召控方證人：
PW1 : 男警長 魯君樑
PW2 : 男警員 24981
PW3 : 女警員 1908

PW1 : 關聯性相關, 涉案人；
PW2：關聯性相關, 目擊證人；
PW3 : 呈堂影片提供者/下載人, 負責此案的調查警員

⏺呈堂影片討論
控方呈上2段片段：
1. 影片1 (P6) Facebook: 熱血時報 live
⁃ 大概2分鐘
2. 影片2 (P7) Youtube: 香港大紀元新唐人聯合新聞頻道 (大紀元) live
⁃ 全直播為4小時，撮要7分鐘
內容：疑似有人掟出硬物，PW1衝前制服被告，PW2協助拘捕被告。

⏺辯方爭議點
⁃ 原影片來源
⁃ 影片是否有被修改
⁃ 影片的出處及歷史性
⁃ 影片的真確及準確性
⁃ 影片是否有被干預或更改
⁃ 證據價值

⏺證物
P1 : 磚頭
P2 : PW1 請假紙
P3 : 身體表格
P4, P5 : PW1傷勢圖
P6, P7 : 影片1, 2
辯方同意證物


*️⃣傳召PW1： 魯君樑
1989年加入警隊，於2012年9月晉升警長。

(對話用會口語/中英夾雜表達 如不便請見諒)
❗️控方主問❗️
[ P=控方 PW1=控方證人一 ]
===============================
P: 當晚係咪一早當值？
PW1: 係
P: 身為警長 但公眾活動會出動？
PW1: 係 但唔係最前
P: 小隊係？
PW1: 第三梯隊
P: 有幾多同僚同你一齊？
PW1: 有兩隊中隊係sogo附近 帶咗兩個去現場
P: 嗰日收到咩order？
PW1: 有紀念活動 多人聚集 所以觀察集會
P: 警車係SOGO外standby ?
PW1: 係
P: 你的位置？
PW1: SOGO外馬路旁 靠近警車
P: 紀念活動 當時群眾係咪獻緊花 點蠟燭？
PW1: 唔係 唱緊歌叫口號
P: 現場幾多人？
PW1: 大概500人
P: 嗰陣做緊咩？
PW1: 活動完結後 群眾開始鬧警員 「黑警死全家」
P: 然後呢？
PW1: 20:24收到灣仔指揮中心指示 撤退
P: 即係上警車離開？
PW1: 係
P: 然後呢？
PW1: 人群走向警員 開始掟水樽同雜物 見情況嚴峻我就掹出胡椒噴霧 指向人群 警告唔好衝擊
P: 本身係邊度上警車？
PW1: 警車泊咗喺告士打道
P: 人群同警員向咩方向行？
PW1: 人群喺SOGO向告士打道方向行 我哋見人群喺左後面靠近 就擰轉面向人群
P: 然後呢？
PW1: 我哋慢慢退後 對住人群 相隔六七米
P: 掹出胡椒噴霧想保護後退嘅同僚？
PW1: 係
P: 視線集中喺前方群眾？
PW1: 係
P: 點解會用胡椒噴霧？
PW1: 胡椒噴霧刺激 令人流眼淚 可停止當刻動作
P: 當時你見到咩？
PW1: 20:25 SOGO對出 有個男人右手攞住硬物 向我左胸口掟石頭 之後知道係磚頭
P: 男人第一眼喺邊？
PW1: 左前方 七至八米
P: 有冇隔住其他人？
PW1: 個男人靠近警車 前面仲有一兩個人 因為佢生得高大 會見到佢
P: 你見到佢係點掟石頭？
PW1: 右手攞住 舉高右手先 由後向前掟
P: 你當時做緊咩動作？
PW1: 我個頭閃一閃去避 郁一郁 隨即就衝上前 繼續有人群由右方行埋嚟 我就噴射M9胡椒噴霧 噴完pepper之後人群退後 我就追住被告 距離10步左右追到被告 有反抗 捉住咗佢再噴pepper 用手拖落地下 跪住制服佢 PW2協助我制服
P: 衣着？
PW1: 戴眼鏡 深色圓領長袖衫 應該係黑色 深藍色牛仔褲 深色波鞋
P: 髮型？
PW1: 中中地 中等長度
P: 有冇掙扎？
PW1: 有噴完pepper之後 佢郁 要跪低佢 期間有人想救佢 我再用pepper噴佢哋
P: 被告有去醫院?
PW1: 有
P: 你有冇去醫院？
PW1: 有
P: 傷勢？
PW1: 右手手指公 左手中指擦損
P: 去咗警署先去醫院？
PW1: 係 PW3影咗傷勢
P: 幾時影嘅? 去醫院前定去醫院後？
PW1: 唔記得
P: 着住當日當值嘅衫？
PW1: 係（白衫）
P: 仲有冇其他明顯傷勢？
PW1: 冇
===============================
❗️控方播放影片，PW1認片❗️
1. 影片1 (P6) Facebook: 熱血時報 live
00:12 - 白色衫係自己 揸住電話 紅色柱禁區牌下
00:28 - 有人掟出硬物件 係身邊飛過 自己重心微微向下 畫面得自己係白衫
01:03 - 地下制服嘅係被告

2. 影片2 (P7) Youtube: 香港大紀元新唐人聯合新聞頻道 (大紀元) live
31:49 - 見到自己 紅色柱禁區牌下 白衫
31:52 - 見到被告人 紅色帽前 鏡頭右方 警車旁邊
31:55 - 被告人右手掟出硬物 靠近警車車窗 自己位置禁區牌旁邊
31:57 - 追住被告 位置係警車同樹中間 被告鏡頭中間偏位置
32:32 - 自己跪係地上嘅白衫 畫面左上方 被告瞓在地下 比我跪着
32:48 - PW2在場 藍衫冇着風褸
===============================

直播員按：出住控方主問先！請耐心等候～

#東區裁判法院第十庭
#林希維裁判官 #1108銅鑼灣
#審訊

Part 2
( part 1 按此)

===============================
❗️辯方盤問❗️
[ D=辯方 PW1=控方證人一 ]

D: 當時有500人圍住？
PW1: 係 500人集會
D: 壓力大？
PW1: 未有壓力 OK嘅
D: 聽到「死黑警」「死全家」心態係？
PW1: 平常心
D: 點解平常心又會用胡椒噴霧？
PW1: 因為受威脅
D: 受威脅下先攞胡椒噴霧？因為見人圍住鬧？
PW1: 有小緊張
D: 攞胡椒噴霧一刻緊張？
PW1: 係
D: 因為緊張 未能望晒所有示威者？
PW1: 係
D: 有男子疑似掟野 佢前面有冇人？
PW1: 有
D: 認同望住前方但會有阻礙視線？
PW1: 認同
D: 認同睇唔到男子下身衣着？
PW1: 認同
D: 認同你望嘅方向 係男子前方 唔係右方 (31:55)
PW1: 認同冇係現場望到
D: 就算望緊前方 唔係左前方 都望到左邊？
PW1: 眼左右地望 頭左右地郁
D: 郁得好快？
PW1: 係
D: 少於1秒？
PW1: 係
D: 認同見到衣著唔係’當時’見到
PW1: 認同
D: 拘捕一刻先知係男子？
PW1: 係 後知
D: 硬物擊向左胸？
PW1: 係
D: 但你作供時係講「擊中」？
PW1: .......
D: 你認同係5月23號睇過影片，本次上庭講大話，作另一個版本？
PW1: 不認同
D: 追住男子時 向右方噴pepper 是面向右方？
PW1: 係
D: 面向前方 視線面向前方？
PW1: 眼尾見到啲 因為距離近
D: 有冇向醫生提及過被硬物攻擊
PW1: 冇
D: 認同男子無拋過任何東西？
PW1: 不認同
D: 認同男子無拋過磚頭？
PW1: 不認同
D: 認同男子因為跑得慢而被拘捕？
PW1: 不認同
D: 有冇出動過其他示威活動？
PW1: 有
D: 有冇發生過相類似事件？
PW1: 本案第一次 由今年三月一日冇加入第三批隊
D: 案發後11月至2月 有冇出動過其他示威？
PW1: 第三批隊較少接觸示威活動 多數工作係保護政府建築物 被捕者的拘留區 及防衛警署
D: 本案係第一次面對嘅示威？
PW1: 係
D: 示威活動做較後勤工作？
PW1: 係 就算其他都偏向和平
D: 有冇因為第一次執勤前線工作而緊張？
PW1: 當差耐 有看過類似個案
D: 片段是否完全反映到當時情況？
PW1: 係 完全
D: 而家記憶新鮮啲 定當晚新鮮啲？
PW1: 當日記憶新鮮啲
D: 同意口供指「擊中」左心口 但睇完影片後改口供為「擊向」？
PW1: 不同意
D: 認同睇唔到掟磚？
PW1: 不認同

盤問結束，PW1 作供完畢。

===============================

#東區裁判法院第十庭
#林希維裁判官 #1108銅鑼灣
#審訊

Part 3

part 1 part 2

===============================
*️⃣傳召PW2 : 警員24981
2017年5月22日加入警隊，第三梯隊、第三小隊，PW1的隊員。

❗️控方盤問❗️
D: 收到命令要撤退？
PW2: 係
P: SOGO對出是否撤退用的警車？
PW2: 唔係 車泊喺告士打道
P: 向北角方向撤退 再擰轉面向人群？
PW2: 係
P: 講述下當晚情況
PW2: 收到撤退消息 但現場人士向我哋追緊 所以擰轉面向人群做戒備 人群叫口號同拋雜物 人群中見到男子 人群位置接近軒尼詩道 其中警車旁有人用手拎起一舊野 舉高手準備拋擲動作 將物品掟向我哋前面
P: 當時警員係拍埋企 好似一條防線？
PW2: 係
P: 企係PW1右後方？
PW2: 係
P: 但一眼關七？
PW2: 係
P: 當時男子衣着係？
PW2: 戴眼鏡 高大 人群中突出 位置企得容易辨認
P: 因為企最側邊 近行人路？
PW2: 係
P: 當刻情況係點？
PW2: 望到PW1向前追捕 其後見到情況已受控制 我同其他警員上前協助
P: 當時PW1追捕人，你做緊咩？
PW2: 仍然面向前面嘅人群仲有人拋擲嘢 PW1已制服男子 再用手銬扣上 男子有掙扎跡象
P: 去警署先定醫院先？
PW2: 警署 車上警誡
P: 有冇同pw1溝通過？
PW2: 問是否一舊嘢 確認係磚頭 因為附近沒有相類似物件 磚頭不是完整轉頭(有缺口)
===============================
❗️控方播放影片，PW2認片❗️
1. 影片1 (P6) Facebook: 熱血時報 live
00:21 - 鏡頭正中央 紅色柱 禁區牌後係自己 兩個人頭之間
00:31 - 鏡頭正中間 警車之間係掟磚人士
1:21 - 藍衫係自己
1:31 - 白衫係PW1

2. 影片2 (P7) Youtube: 香港大紀元新唐人聯合新聞頻道 (大紀元) live
31:35 - 警車與樹之間是被告
31:57 - 警車與樹之間穿白衫的是PW1 掟磚人位於鏡頭右下角 掟磚人準備轉身走
32:07 - 警車旁係自己
32:36 - 白衫的是PW1，跪地的是自己
===============================
❗️辯方盤問❗️
辯：事發1.5小時後看過？最近5月22日看過？
PW2：係
辯：有看過其他警員的截圖？
PW2：係
辯：認同當日記憶比較清晰？
PW2：係
辯：當日是你第一次面對集會情況？
PW2：唔係
辯：有多次經驗？
PW2：唔係
辯：你和PW1是同一隊？
PW2：係
辯：由入職就開始跟PW1？
PW2：踏浪者行動就跟PW1
辯：之前有去過示威現場？PW1都有去過？
PW2：有，並非第一次。PW1都不是第一次
辯：當日之後有到過其他示威現場？
PW2：之後職責變成較為後勤
辯：要正面面對示威者？
PW2：不清楚，印象無「更加前」相對上
辯：類似情況在當日後有沒有再發生過？
PW2：由當日起到現在都沒有試過
辯：壓力大？
PW2：係
辯：兩年前入職？
PW2：係
辯：畀人圍住鬧，好緊張？
PW2：係
辯：看到自己？
PW2：在PP6見到自己，紅色柱前就是我。
辯：認到PW1在右後方？
PW2：係
辯：有被PW1或其他警員阻擋視線？
PW2：係，有啲時間受阻
辯：有啲時間係不能看到所有人？
PW2：係
辯：00:30-00:31 PW1和你的視線差90度？
PW2：唔係
辯：不是在同一邊？
PW2：係
辯：你睇唔到有人掟磚
PW2：唔係
辯：你睇唔到該人衣著
PW2：係，睇唔到
辯：面對的角度大，你不能看到掟磚一刻的情況
PW2：唔係
辯：你無目擊磚頭「擊中」PW1
PW2：係
辯：被告根本從來沒有拎磚
PW2：唔係
辯：被告從沒有從後掟向警員
PW2：唔係
辯：你見唔到被告衣著，咁你望到乜野？
PW2：望到戴眼鏡的高大示威者，向Sogo外面的警車投擲紅色物品。白衫警員在後期拘捕被告才知道被告的衣著
辯：在口供寫的衣著特徵，都是在拘捕一刻才知道？
PW2：係
辯：但「當時」喎，唔係「後期」喎
PW2：是後知
辯：但衣著沒有註明係後來先知
PW2：係
辯：你嘅口供唔係準確
PW2：係
辯：主控盤問PW1時，PW1話一舊磚頭？
PW2：係講紅色硬物
辯：係制服一刻，根本唔清楚係硬物
PW2：睇到有磚頭向PW1方向飛過。再向PW1查證
辯：當時有無問過PW1？
PW2：問完PW1先再執起該磚頭
辯：幾時PW1話係一舊磚？
PW2：拘捕後再向PW1確認。拘捕時未有執起證物。
辯：PW1話係磚頭？
PW2：有話係
辯：有話係磚頭？
PW2：係，PW1同我講
辯：附近人多？證物附近有示威者/ 防暴？
PW2：附近無人，防暴驅散走了
辯：拘捕後一分鐘執走磚頭？
PW2：係
辯：有無人拎起或移動過你並唔清楚？
PW2：係
辯：同埋啱啱所講喺當晚口供並無提及
PW2：係
辯：當時無仔細搜查是否有擊中左胸？
PW2：無
辯：當時無法確認就拎走呀？
PW2：無
辯：無任何攻擊性？
PW2：係
辯：被告身上有防具？
PW2：係
辯：不能完全100%睇影片就反映當晚情況
PW2：不是
辯：當晚現場見到嘅情況 同影片有冇矛盾？
PW2 ：冇
===============================
雙方盤問結束，PW2作供完畢。

#東區裁判法院第十庭
#林希維裁判官 #1108銅鑼灣
#審訊

Part 4

Part 1 Part 2 Part 3

===============================
*️⃣傳召PW3 : 女警員1908
2014年10月加入警隊，2019年11月為灣仔調查組第四隊，現在於東區刑事調查隊第八隊。她為此案的調查員，為過被告及PW1影相。

❗️控方盤問❗️
控：當時PW1衣著？
PW3: 當值時的軍裝制服
控：當時去咗醫院未？
PW3: 未
控：係網上搵到乜？
PW3: 在兩個渠道fb/yt 分別搵到兩段片段(P6, P7)
控：搵到啦 咁你做乜？
PW3: 翻查片段 搵返案發大概的時段
控：找到相關之後 做乜？
PW3: 12月10下載落嚟
控：再上網搵？
PW3: 係
控：用咩記錄落嚟？
PW3: 先用手機內置screen recording截錄下來 再用airdrop功能傳送自己手提電腦 再儲存到USB
控：節錄片段的時間地點 由自己決定?
PW3: 係
控：P7由四個鐘到7分鐘?
PW3: 12月10日 沒有儲存四個鐘版本，5月21日用自己電腦找到 片段仍然在網上 就download到手提電腦 燒落去光碟
控：燒錄成光碟不能更改？
PW3: 係
控方呈上光碟 （臨時證物8 PP8）
控：有睇過7分鐘片段？
PW3: 有
控：只做了剪出7分鐘片段的工作？
PW3: 係
控：只睇咗嗰7分鐘？
PW3: 唔係 我睇晒四個鐘
控：睇完四個鐘 有意見嗎？
PW3: 31:43看到黑色圓領上衣人士 身處SOGO外警車左旁 又看到PW1
控：因為見到該男子而開始screen record?
PW3: 係
控：screen record到幾時？
PW3: 直到見唔到被捕人士就暫停
控：12月做此動作？
PW3: 係
控方呈上USB （臨時證物9 PP9）
控：USB當證物處理？
PW3: 係
===============================
❗️辯方盤問❗️
辯：幾時搵2段片段？
PW3：第一次睇片係案發八個鐘後
辯：知唔知係邊個拍片？
PW3：唔知
辯：知唔知係邊個上載？
PW3：唔知
辯：知唔知影片有冇任何改變？
PW3：唔知
辯：有冇用未上載前嘅source作對比？
PW3：冇
辯：11月9日 案發後8小時有冇下載片段？
PW3：冇
辯：之後先下載？
PW3：係
辯：你有乜專業？教育程度？
PW3：新聞系 大專
辯：有冇讀過電腦相關？
PW3：冇
辯：有冇知識/方法 確認下載的短片 和第一次觀看是一樣？
PW3：不能確定
辯：可以確認兩段片段是跟第一次一樣嗎？
PW3：影片1 (P6)可以 因為片長較短
辯：即影片2 (P7) 不能確定？
PW3：係
辯：有乜方法確認係完全一樣？
PW3：12月睇過好多次 不斷翻查 有記憶
辯：口供冇提及過
PW3：係
辯：唔可以肯定當日下載 同第一次睇嘅係一樣
PW3：係
辯：經過六個半月後 都不能確認有冇人修改過影片
PW3：係
===============================
雙方盤問結束，PW3作供完畢。

#東區裁判法院第十庭
#林希維裁判官 #1108銅鑼灣
#審訊

Part 5

part1 part2 part3 part4

❗️辯方陳詞❗️
不能接受相關影片呈堂，因表面真確性不完整。PW1, PW2真正收到影片時間，在今年5月22至23日，與案發相差6個半月。雖然沒有參與前線執行工作，但不可能沒有其他工作，會有其他警察工作。單靠記憶力作供的可信性低。
PW3指無原片來源，未能確定是否一樣。而PW1及PW2亦未能確定影片的表面真確性。
林希維裁判官指，就特別事項的中段陳詞，辯方需要答辯，但被告不作供。

裁判官要求PP6、PP7的工作副本，讓他再翻看。
休庭15分鐘
===============================
再開庭時，因辯方未能提供合理基礎反對錄影片段。裁定臨時證物PP6及PP7與本案有關，成為正式證物P6,P7。

表面證供成立，被告選擇不作供，無辯方證人。

❗️辯方陳詞❗️
PW1,2 的證供是否完全沒有合理疑點？是否完全真確？PW3不清楚誰上載或是否被修改過，又沒有原片來源。P7又不能被證實於11月至5月之間是一樣。PW2作供指影片不能完全反映當晚情況。P6見到有物件飛過，P7只有1秒見到被捕人士的正面，未能在毫無合理疑點下證明片中人就是被告。
PW1, 2只見到被捕人士的上衣，但現場有很多人都身穿黑色上衣。
後來又有好多人圍住，錄影又只拍攝到小部份。P7中31:43影片範圍外，又有無高度相若的人呢？因此不能真確地證明是被告。會否是身份誤判？

PW1成疑，當晚口供：「被擊中」是大話，PW2確認了PW1有指「被擊中」。但片中顯示「無擊中」，可見PW1轉口供。在當日作供裡，沒有向醫生提及過有傷或被襲擊，只是手指傷，沒有被毆打。PW1是否可信？他很大機會是不誠實證人。

物件直對拋向人，證實時間少於1秒，只從眼尾見到，視線一定有斷開，時間短，難以確認是被告。PW2又不是獨立證人，他隸屬PW1的隊伍，因此有機會提供不實證供。影片證物P6顯示，PW2並非望向PW1的方向，在 00:30-00:31，二人望方向成90度直角，見到他被擊中的機會近乎不可能。

PW2也不誠實，作供講得不盡不實，磚是否由被告拋出？執磚與拋磚相距1至2分鐘，有無其他人/ 物件移動了磚？

PW1, PW2 口供有可疑，誠信存疑，希望法官將疑點利益歸被告。
===============================
❗️控方陳詞❗️
P7, P8 只是表面正確便可，法律只要求表面正確，證物不需要完全冇疑點。

❗️辯方陳詞❗️
要沒有合理疑點下，去證實影片的真確性。
===============================
裁判官分析指，控方只要表面正確，辯方要毫無合理疑點。裁判官要求雙方提供書面陳詞及從前的案件去證明。

案件押後2星期 至2020年6月24日 14:30 於東區裁判法院第十庭裁決。

✅裁判官准予被告人保釋✅
保釋條件如下：
1. 保釋金$ 1000
2. 不得離境
3. 須交出所有旅遊證件
4. 居住在報稱住址
5. 更改住址須24小時前通知警方

(感謝細心等候, 如有缺漏請見諒!)

#東區裁判法院第十庭
#林希維裁判官
#1108銅鑼灣 #裁決

林（34）

控罪：襲警

🎉🎉🎉被告罪名不成立🎉🎉🎉

詳情後補

#東區裁判法院第十庭
#林希維裁判官
#1108銅鑼灣 #裁決

林(34)

控罪：襲警

案情：被控於2019年11月8日，在銅鑼灣軒尼詩道崇光百貨外，襲擊警務人員魯君樑。

這部分為判詞，以下為審訊過程。
PART1👈🏿控方盤問PW1
PART2👈🏿辯方盤問PW1
PART3👈🏿控辯雙方盤問PW2
PART4👈🏿控辯雙方盤問PW3
PART5👈🏿控辯雙方陳詞


裁判官覆述主要案情，控辯雙方陳詞，及PW1-PW3的供詞摘要。

🌟裁判官就著特別事項的陳詞🌟
兩項臨時證物(兩段直播片段)畫面清晰，流暢，而且是動態畫面(非照片等硬件)、有聲音，難以作刪改。兩段片段的的拍攝位置雖然不同，但內容如出一轍。因此確定兩段片段的表面證供成立，作證物P6, P7。


🌟裁判官判詞🌟
因為呈堂的兩段直播片段未能拍下整個拘捕過程，因此PW1和PW2的供詞尤其重要。


針對PW2的證供
兩位證人聲稱由被告掟磚至被制服，視線都沒有離開過他。但根據呈堂片段，事發前PW2一直望向右方人群，掟磚者卻站在PW1的左方(PW2表示自己當時站在PW1的右後方)。PW1開始上前追捕掟磚者時亦沒有看向左方，當其望回左方時，人群已四散。
鑑於PW2的證供與證物P7、6呈現的畫面有出入，因此認為PW2的證供不可信，PW2的證供將不被接納。


針對PW1的證供
遇襲的PW1在書面口供中，指被磚頭撃中左胸，但他在庭上觀看了直播片段後改口稱沒有被撃中，其亦無法解釋磚頭擊中左胸一說。PW1又指追捕被告時，有途人從右方向他行近，所以他向途人施放胡椒噴劑。但從片段中所見，當時並無任何人向他行近，行人反而是回頭慢慢散去。基於PW2證供不被接納，加上PW1的證供亦不可信，故此PW1的證供亦不被接納。


🌟判詞🌟
雖然被告是近距離被捕，但現場人數眾多，呈堂片段亦不能記錄整個案發過程。現場大部分人的衣著均為深色衣物，與被告的衣著相似，片段亦未能反映鏡頭後的情況。基於疑點利益歸與被告，裁定被告罪名不成立。