法庭文字直播台

#西九龍法院大樓第十庭 (區域法院)
#李志豪區域法院暫委法官
#1001灣仔 #審訊 [8/10]

🖇 非即時，補回9月7日下午審訊內容 🖇

D1:蔡(54) / D2:丁(39)

控罪：
(1)暴動 [D1, D2]
違反香港法例第245章《公安條例》第19(1)及(2)條
同被控於2019年10月1日，在灣仔菲林明道及杜老誌道之間的一段軒尼詩道一帶，連同其他人士參與暴動。

(2)抗拒在正當執行職務的警務人員 [D2]
違反香港法例第212章《侵害人身罪條例》第36(b)條
被控於同日，在香港灣仔軒尼詩道319號外，抗拒在正當執行職務的警務人員，即警員11719及10724。

D2 法律代表： #麥健明大律師

——————
[14:30] 開庭

D2出庭作供

🔸辯方主問

被告是賣電線工程材料，與父親同住。當天是公眾假期。下午大概16:00~16:30由藍田家出門，去銅鑼灣波斯富街近海塝的健身室健身。當日去到見到無開門，但平時是有開的。當時已差唔多天黑約6點左右。被告帶咗啲行山裝備打算順便去行夜山，約6點-8點幾左右。被告指通常做gym 40分鐘左右，行山行兩個鐘內。帶了羽毛球拍因一早book咗場9點，幾喺港島東嘅體育館。呈上康文署book場記錄，收件者為被告email，是一星期前即9/24訂，是被告自己付錢，是訂夜晚9-11點場。該體育館近西灣河與太古之間。被告說email無作干擾及刪減。另有用meetup軟件約唔認識嘅人一齊打波或行山。由2015年開始用到現時即2023年，會搵到人打波，入面的人是完全唔識的，有的會見過1-2次但唔會傾計。呈上meetup記錄為D2(3)。被告打算沿軒尼詩道去行山入口，即合和中心後的樓梯。

無爭議當天有同警員糾纏
被告指行去行山入口途中無聽到有人叫囂搞事等，無見到雨傘陣，無見人掘磚，無聽到辱罵等。鋪頭均有開，但趕住行山無留意是咩鋪頭。最短行山路徑是軒尼詩道轉入灣仔道，會上寶雲道再上金督馳馬徑，落山經柏架山道往港島東。此路徑每年會行幾十次。2014年開始行山，每年會行40~50次夜山。肯定可於9點前到達打波，因為平時成日行。跟據OS12片段或截圖都見被告手上有遮，被告指因行到中國人壽大廈附近有火堆，驚會打中羽毛球拍。跑係因為驚有危險。李官想搞清時序：證人表示見到前面地上有火，火堆距離百多米，驚有危險，所以跑，開遮驚打中自己背囊及羽毛球拍，因為唔知仲有無火堆喺度。原本帶遮是行山時用嚟扶住行路因有樓梯。帶勞工手套目的是之前執垃用，是行去gym room前喺天后的時候。李官唔明時序關於被告指去健身室前執垃圾，被告指喺炮台山落巴士，轉車去銅鑼灣，但搵唔到車（電車或巴士），最終是行去銅鑼灣的健身室。當行到天后見到有垃圾就執垃圾。平時有執垃圾習慣。

睇證物P63第12張相
此美國旗是由銅鑼灣行去灣仔時執的。執完諗住拎去掉或回收。另有一隻綠色青蛙拎住枝旗寫住fight for hk，都係執的諗住回收。其他垃圾都係執去回收的。當時唔即刻掉因趕住過去沿途搵唔到回收箱。

該體育館自己book咗好多年，由2016年已有租用，無更改過訂場記錄，呈上為D2(4)。

被告指由2014年開始都會行山同執垃圾。呈上《香港01》報道，顯示被告參與東龍島執垃圾的義工服務，最後一版有一白衣人帶上手套，相中是被告本人，於2017年拍攝的，被告指相片無經修改，呈上為D2(1)。被告同意自己見到有垃圾會忍唔住想執乾淨，當日有部份掉入垃圾桶，有部份想回收。

原本把遮是沒有開的，是見到火堆才開。跑之前未見到任何人有搗亂行為。自己不是故意逗留參與搞事，自己無扔磚，無參與任何破壞社會安寧等。

當日所穿是功能體育吸汗衫，平時着開，不是穿去參與搞事行為。該深色衫已穿約2-3年，同10.1無關。

被告指無拒絕警員11719同10724拘捕，無唔畀佢地上手扣，無聽到拉非法集結罪，無聽到有警告，無聽到警員表露身份。開頭唔知佢哋是警察，是於上膠扣嗰時先知。警員佢哋壓到被告頸部同心口都好痛。上完膠扣好大力扯右手，同一時間有硬物襲擊頭同身體持續幾分鐘。有講要去醫院，但警員佢哋無反應。

被告指無對警員唔合作。自己有講去醫院但佢哋無理，叫被告自己企喺身，但自己企唔到，之後被警員抬上警車。被告指自己無逃跑。上到警車感覺有腳幾大力踢到頭1-2次，跟住聽到有警員問有無人見到有人踢被告，其他人回答無。自己有同15436講去醫院同想鬆手扣，但警員話要先上警扣才可鬆膠手扣，但因搵唔到較剪，最終上了警扣亦無解膠手扣。
被告指自己無不合作，但畀警員大力拉。

被告指帶透明雨衣連膠袋，是驚落大雨。太陽眼鏡平時都有帶。行夜山會用電筒照路。護目鏡是行夜山路上會有蜘蛛絲痴眼，而自己驚蜘蛛。當日有帶兩筒羽毛球，但喺醫院警員已畀返佢。腳套是因有時小腿痛。急救包有膠布，紗布，生理鹽水，消毒藥水，因驚打波整到partner。場內無急救箱，同10.1無關。當日都有帶會員卡喺身，其後由證物警員歸還。唔知當日灣仔有改道，好晏起身唔知。炮台山落車至軒尼詩道見到火種成個過程中，無見人搞事，破壞社會安寧行為。行軒尼詩道不是支持示威者。無爭議後來有睇醫生，指傷勢是警員壓低佢時整到。行軒尼詩道時諗住喺英皇中心轉入灣仔道，因是最簡單唔會行錯路。亦有傷勢是有重物打到頭及身體整到，而自己無自殘行為。

🔹控方盤問

主控指被告計劃周詳，諗住做gym行夜山再打羽毛球。被告回應指plan好左，平時都係咁。
控方指行山有電筒，把遮做扶手，有雨褸等，都係事前準備，問被告會否話自己算幾細心？被告回應指平時打波會準備。被告指帶黑色前臂手袖，是抹汗防曬，平時都會咁着，都可以防蚊，夜晚行山好多蚊。指被告行山時間上預測應該準，質疑被告無帶水。被告指有帶水袋，但證物警員畀返佢。

被告指搭613過海，總站可以去到筲箕灣。控方問點解唔搭603，619。被告指603去唔到，而619唔到被告家，所以揀最近路線613。

控方質疑被告上車前無作查證，被告指因平時都要轉車，603喺灣仔舊警署轉，613喺健康邨轉車，其實該站喺北角同炮台山中間，自己間中叫會北角間中會叫炮台山，落車後會轉電車或巴士，去銅鑼灣無更直接方法，巴士轉巴士或電車最快。其間就執咗啲垃圾。

對於控方質疑被告個人算有計畫，但無作查證。被告指因為當日好晏先起身，同意用電腦電話可查，但無做到。

被告指健身室無寫點解無開門。平時健身無跟教練。自己是premium會員，但其實所有會員都用到入面啲野。控方質疑該健身中心有好多分店，如旺角，九龍灣，會較近。被告指銅鑼灣也是最近之一。控方指藍田最近是megabox，被告回應指銅鑼灣方便啲。

控：喺天后是否見到好多垃圾忍唔住要出手執？
D2：電車站巴士站會多啲，飛起哂跌咗落地。睇12號相，被告指有幾個這款旗喺地。14號相的款式，無數因趕住走。15號相的款式，有十幾廿張以上，已經執咗啲掉左，有啲想回收。

控：乜野導致你分邊啲要掉邊啲回收？
D2：無分架，想盡快做gym，邊行邊執。此時律師指被告的供詞中提過完整會回收，非完整會掉。

控：但回收無一個要求要完整？
D2：係我從回收角度諗，乾淨完整就回收，污糟就當垃圾掉，方便啲，皺我就會掉。

關於軒尼詩道火堆
被告指因睇唔清楚情況，驚會燒到背囊及球拍，驚掉中自己。控方質疑啲火喺地下，憑乜會覺得會掉中自己。亦質疑點解認為開遮可以擋火。被告指當時驚到覺得只得呢個方法，本能地驚打中自己。而自己無見到火扔嚟扔去，因為危險所以作咗開遮擋此行為。指前方要經過嘅地方已經有火種，所以向銅鑼灣方向走，嗰度係軒尼詩道面向金鐘方向，火堆是前方軒尼詩道，但如要去就要經過火堆。控方質疑指唔需要經過，被告指其實是去唔到。

當時頸已帶着護目鏡，被告指驚整到眼，但最後無戴上，打算如果真係再有火種就會戴上，所以應該是揸住，驚有啲火有煙味會整到眼，所以擺咗個方便位，如果再見到會即刻開遮或者戴，護目鏡係扣咗喺頸度。

李官不明時序，被告再解釋，是因見到火種，就喺背囊取出護目鏡，只掛在頸中因為好鬆，因為好急所以未拉緊護目鏡便先扣在頸中；之後好驚想走便開遮。

當時被告自己一直帶住手套未除，因沿途都有執垃圾。控方問是否銅鑼灣都有，被告指淨係天后有執，但之後趕住去gym所以無除。垃圾諗住沿途見到就掉，回收箱或者體育館都有。

被告指前臂手套是當天衣着，出門口時已有。嗰個是腳套，是小腿套，是打羽毛球時用。

去近西灣河的體育館，是康文署核下室內體育館。對於被告身上有急救用品，控方指打羽毛球無需身體接觸。被告指會，因為程度是中級，有可能會打到partner手，因為大家都掙住搶波打。唔同意體育館一定有救護裝備，因為自己試過，打咗好多年波，2015年時試過搵唔到急救用品，所以之後自己帶。

於被截停階段，被告指聽唔到警員叫佢唔好郁。喺地上時感覺有硬物打頭，有機會造成嚴重傷害。左手一直擺胸前，因為被壓得太痛，所以擺喺度。而自己郁唔到，又痛又郁唔到。有諗過要保護頭但做唔到，因已上膠扣。抬上警車之後，被告面貼地趴在地下，警員無扶起被告，被告起唔到身。被告有話「送我去醫院」。

2.4K views06:49