#西九龍法院大樓第八庭 (區域法院)
#游德康法官
#1118油麻地 #營救理大
#審訊 [17/30]

D1:勞(27)/ D2:呂(20)/ D3:吳(23)
D4:倪(25)/ D5:蕭(20)/ D6:蕭(23)
D7:蕭(22)/ D8:黃(19)/ D9:黃(26)
D11:張(31)/ D12:張(19)/ D13:趙(19)
D14:鍾(19)/ D15:古(21)/ D16:黃(18)
D17:林(21)/ D18:李(18)/ D19:何(17)
🛑D10:鄭(19)開審日認罪，現還押至明年1月20日求情及判刑

控罪及詳情：
(1)暴動 [D1-19]
同被控於2019年11月18日，在油麻地窩打老道至咸美頓街之間的一段彌敦道參與暴動。
(2)管有物品意圖摧毀財產 [D11]
D11被控於同日管有1枝汽油、3塊布及4個打火機

控方： #何眉語高級檢控官
————————-

⏺️傳召第二被告作供
🔸辯方主問及控方盤完畢
(詳情後補)

-被告作供完-
今天正式完成D2案情，下星期會開始D3/D4案情

🥜控方盤問D2時每條問題幾乎都係覆述身旁案件主管一字一句，游官打斷控方發言指：

🧑🏻‍⚖️我已經忍唔住喇，何大律師你係檢控官嚟個可？點解你幾乎每一條問題都係你聽佢講呢？第一，錄音問題，咁樣謄本方面會好難做。第二，你身為專業大律師，有專業法律知識，有經驗，點解問問題唔係自己決定呢？
🙍🏻‍♀️Errr… 法官閣下，我唔係好同意你咁講。我地係一個團隊黎，佢係案件主管，我地之間係會有啲討論… 係準備嘅時候我已經預計曬所有問題，我係有notes係度…
🧑🏻‍⚖️我係清楚聽到你覆述緊佢嘅一字一句，點解每一條問題都要問佢呢？反而你同另外一位檢控官嘅討論仲少，案件主管不停咁講嘢我認為係騷擾緊審訊，我唔希望亦都唔明白點解要咁做。
🙍🏻‍♀️咁或者我繼續…
(靜左十秒)
🙍🏻‍♀️係，法官大人。
🧑🏻‍⚖️你可以繼續㗎啦。
(又靜左十秒)
🧑🏻‍⚖️請繼續啊，如果你需要時間討論嘅話你咪講話「法官閣下，我需要啲時間點點」你需要嘅無問題，如果無需要嘅話其實你用番你嘅專業知識繼續盤問就可以。
(何大律師繼續斷斷續續嘅盤問…)

🥜其中一次退庭時有旁聽人士大嗌「浪費公帑」游官聽到然後叫全部人坐番低
🧑🏻‍⚖️啱啱邊個講嘅？
🙎🏻‍♂️係我法官大人。
🧑🏻‍⚖️首先，我唔同意你所講話浪費公帑，係呢場案件審訊裡面有十幾名被告，要處理嘅文件證物多到無法想像，我自己都未試過落場係呢啲案件中做檢控。檢控官嘅工作其實並唔簡單。我嘅職責係要令到咁多位被告人有公平審訊，儘量令到情況公平。
🙎🏻‍♂️係嘅法官大人，不過我有一點想補充…
🧑🏻‍⚖️我依家並唔係想聽你補充，呢個亦唔係一個辯論，只不過意思係唔👌🏻係法庭內咁樣大嗌，至少我係度嘅時候唔好咁做，呢個亦係我依家嘅命令。
🙎🏻‍♂️係。
(退庭)

[1622完庭]
案件押後至2023年1月9日0930再續審訊，期間各被告維持原有條件保釋。