法庭文字直播台

#西九龍法院大樓第四庭 (區域法院)
#劉綺雲區域法院暫委法官
#1118油麻地 #營救理大 #續審 [5/25]

D1: *(14)/ D2:李(15)/ D3:鄧(15)
D5:林(15)/ D6:孔(21)/ D7:桂(19)
D8:黎(21)/ D9:劉(18)/ D10:李(22)
D11:魏(17)/ D12:譚(20)/ D13:譚(21)
D14:譚(24)/ D15:田(20)

*D4:李(15)開審日已認罪，續准保釋至求情及判刑

控罪及詳情：
(1)暴動 [所有被告]
同被控於2019年11月18日，在窩打老道至咸美頓街之間的彌敦道一帶，連同身分不詳的人參與暴動。

(2)管有攻擊性武器 [D12]
譚(20)被控於2019年11月19日，在油麻地彌敦道525至543號寶寧大廈外，無合法權限或合理辯解，管有一個能發出鐳射光束的裝置。

==================
[上午進度]

⏺傳召PW 高級警司2700 梁仲文
案發時為東九龍總區應變大隊副指揮官

🔸辯方盤問

就證人目測所見，10-15分鐘內加入示威的人從示威者後面、即北面行落嚟。對峙過程中，證人企高咗只睇到直線方向情況，所以轉左彎碧街口兩邊情況睇唔到。2245-2300時，證人見到有人由北向南加入示威者，但見唔到由邊條街轉入嚟。2245-2323時，證人見到2-3個喺彌敦道上近碧街的示威者轉身往北面跑，留意到這幾個示威者高速離開，向北面跑走，但冇特別留意到由邊轉去A1走；該段時間他亦留意到有人由北向南加入，但冇特別留意是否由碧街向A2離開。

較早前證人供稱示威者頭5、6排較密集，之後相對疏落；他睇唔睇到大約有幾多排人，留意到後面相對疏落的示威者當時有個別人會作出攻擊，包括扔汽油彈。較後的示威者扔不夠力，降落在頭排示威者範圍的情況都見到，亦見唔少雷射筆光線從後排示威者發出。頭5-6排後相對疏落示威者喺行車線同行人路都有。證人指見到有唔同人喺馬路或行人路，因現場有2000人，集中觀察頭排因影響比較大，動作有扔汽油彈，無法觀察現場每一人做緊乜。根據證人理解，當時現場已發生暴動，逗留現場的人都係屬於參與暴動。證人講唔到第一排或後面5、6排每排大約有幾多人。他估計兩邊馬路6條線加上兩邊行人路的闊度約有廿幾至三十米闊。

辯方問證人，由加士居道拔萃女書院至約0013時離開咸美頓街返到碧街，該移動路線是否約用了3小時？（*劉官質疑問題有含糊地方，辯方其後修正問題。）最後證人回答指由8-12時，冇去過P001(c)砵蘭街及上海街。就辯方問及知唔知砵蘭街上海街（碧街、砵蘭街兩邊交界）每晚會有好多性工作者站於兩邊，證人表示「冇𠵱方面資料亦唔清楚」；證人亦「唔特別清楚」砵蘭街咸美頓街至窩打老道左右兩邊的建築物係咩類型。證人對於地圖上座落的食肆亦「唔清楚」及「唔知道」，也不知道食肆的營業時間。證人理解當晚沒有發出過任何宵禁令。

2323時準備衝前時，有速龍已到場，又見到有2-3個人跑，所以證人判斷係有示威者見到有速龍到地—證人自己冇親眼見，所以咁判斷—於是叫同事向前衝。證人見到2-3人奔跑，估計原因係見到速龍。發出指令要向前衝之前，證人清晰叫同事直接衝上去，目的是拘捕該班已經干犯嚴重罪行人士，所以冇要求同事再作任何警告。

證人指驅散行動後喺碧街A1出口有設立防線，但之前自己大隊冇設立防線。證人望唔到碧街入面情況，但收到報告指有在該處設立防線。A2出口情況相同，即是市民可自由進出窩打老道至咸美頓街。叫衝當刻證人冇睇過傳令員的錶，只是傳令員之後話返佢知個時間；對於辯方問他是否不能排除叫衝當刻是2300但說錯成2323，證人稱他相信傳令員記錄正確，相信其講法。他同意冇睇自己隻錶，自己亦沒有記錄。

有個別人士攻擊警員；但就相對疏落人群中的行為，證人指因為現場人數眾多，自己睇唔哂每人做緊乜，可能有人都做咗其他行為係自己留意唔到。證人確認，眼見彌敦道上的街鋪已經沒有營業，但不知道樓上鋪仲有冇營業。

證人指知道有記錄關於設立等候區(Waiting Area)，醫療區(Medical Area)，臨時羈留區(Temporary Holding Area)。由於證人自己冇份參與，所以他不知道等候區內人士幾時被帶到等候區，而自己亦沒有這項資料，也不知道警員從哪處把這些人帶到等候區，亦講唔到由邊個負責帶。

辯方指出，在早前其他案件審訊時，證人庭上作供時曾在片段圈出看似是警員打示威者的片段；證人指「有印象」某啲案件確實有在盤問出現過。

證人於0008時開始從咸美頓街起步，向碧街方向，約0013時有到A1出入口向碧街位置，由彌敦道轉入碧街，防線是該行人路邊。防線外有30多人聚集、叫囂，當時警方沒有就這些人聚集的原因作出調查。證人確認，當時冇畀命令要對防線外的人調查，因為他們沒有作出攻擊行為。證人指30多人的衣着有不同顏色，亦有深色衫人士，唔知佢地幾時到達防線外，亦唔知由咩路線行到。

速龍小隊是由指揮中心直接落命令指揮。2321時證人聽到指揮中心講速龍「in position」，其後近碧街的示威者就向北。當時證人企高咗，望向示威者位置頭排已企在圖上的黃格位置，比較密集，後面則相對疏落；頭排去到HSBC位置，已覆蓋行人過路線，在中間位置，5-6排後已向前移了往南邊，去到碧街就比較疏散。

-證人作供完畢-

⏺傳召PW 警司2705 張嘉豪
案發時為東九龍總區機動部隊D連指揮官，有D1-4小隊，軍裝

證人指當天晚上10時於加士居道，沿加士居道至彌敦道及沿北海街推進。有部分警員負責處理被捕人士所以會留低，另外有部分跟隨高級警司梁仲文繼續推進。約2200時，證人與同D2小隊處理5個犯人後跟上大隊，即大約10-15分鐘後追上大隊。

2245時在窩打老道、彌敦道交界，警方有對南北行線地面的示威者作觀察，證人有在北行線觀察，其間亦有上過石壆及南行線觀察。證人於2245到達時現場約有1500-2000名示威者，前排示威者有木板、遮陣於十字路口對上北面位置，木板在紅綠燈即匯豐銀行對出。警方有不斷發出警告及舉警告旗，想示威者往北面和平散開，目的想作出驅散。B連同事用大聲公叫前面人士和平散開，否則會用適當武力驅散。證人自己作出個人觀察，同時留意有冇大殺傷力攻擊；集中力要在前排，因不斷有汽油彈扔來，亦有汽油彈綁住石油氣罐，發生過兩次爆炸，亦有硬物由高處扔來。為保護防線，證人集中觀察頭兩排、有盾的位置，只見到硬物/石油氣罐由示威者方向扔來，但睇唔到由邊度扔。

由2245時開始，硬物、石油氣罐及載有不知名液體的玻璃樽扔來，行為持續，直至2326時拘捕前亦不斷發生；汽油彈、石油氣罐爆時會不斷有火光。現場環境嘈吵，有叫囂聲、硬物扔地聲、汽油彈爆炸聲、石油氣罐爆炸聲，亦有警方發射催淚彈聲及槍械聲。之後，原本留後的D2隊再上來，4支小隊齊集。

推進及拘捕行動約2326時開始。由2245時開始對峙至2300時左右，示威者沒有散去跡象，而且不斷向南、有少少進逼跡象。至2300時發現警方彈藥快將用完，證人希望正在處理犯人的D2小隊上來窩打老道、彌敦道路口作支緩，及叫他們帶備本來有的後備彈上防線支援。2315時D2小隊到達，同上司梁仲文討論後，梁指已聯絡指揮中心，稍後時間會有特別戰術小隊來支援。計畫是於碧街位置封鎖交界，當速龍到就衝前作圍堵同拘捕。2326時證人與上司見示威者右方的遮有郁動，同好似有人走緊，就問上司速龍是否已到達，因聯絡人只有梁負責。不久後，上司指示「Gogogo」，行動術語即執行意思，2326時向北面上前作出圍堵及拘捕。

當時證人跟D連同事衝前，其間曾協助制服。之後證人沿北行線向碧街走，沿途見到於寶寧大廈對出位置有人被制服，同事幫手上索膠手扣。沿彌敦道北至碧街時，證人發現西面油麻地地鐵站A1出入口同寶寧大廈中間巷仔有好多人「kick住咗」，狀態似想嘗試離開但kick住走唔到。證人與傳令員見狀覺得危險，擔心會導至受傷，所以叫附近同事協助疏散附近人，慢慢疏散至寶靈街外行人路，即油麻地地鐵站A1出口位置。警員有即時檢查傷勢，救出約20-30人，他們能即時回答有冇受傷，其中兩名人士需救護協助，證人即刻叫同事安排白車師傅到場協助。過程中一路有警員看守，場面已受控制。

處理完出口位置後，證人發現仲有好多示威者喺咸美頓街，即北街以北，向警方投汽油彈及硬物；當時見到有軍裝同事處理中，證人亦見到碧街東面有馬路能通往行動範圍，所以知道需要設立警察封鎖範圍令行動安全，於是叫D2小隊上咸美頓街、彌敦道設立防線。一半D4隊員去碧街東即彌敦道南設立防線，另一半D4隊員在窩打老道彌敦道，即南面位置保護後面範圍。D1小隊同事在碧街西即油麻地A1出口設防，D3則主要在彌敦道北即寶寧大廈看守被制服人士。

警方設立完4條防線後，需要設立THA以處理被制服犯人。油麻地地鐵站A1出口對出範圍設立醫療區(Medical Area)，白車可處理未能送院犯人及等候處理，由D1小隊負責。

證人衝前時是2326時，之後處理了一個被制服人士，其後處理油麻地地鐵站外狀態，約5-10分鐘左右，之後就處理防線，即「Gogogo」後約15分鐘左右，但實際冇記錄。下命令是一個時間，確立是一個時間。2345時確立4條防線成立。尚未設立防線之前，已有部份同事自發在該些位置看守中。設防目的是保護警方人員及被捕示威者，亦令警方行動不受他人干擾。

1246午休至1415續審

💛感謝臨時直播員💛

2.7K viewsedited 05:01