#САНА

☝️Бугун, 7 февраль ~ оташнафас шоир Рафиқ МЎМИН таваллуд топган кун.

🔰Рафиқ МЎМИН 1900 йил 7 февралда Наманганда косиб оиласида туғилган.
У икки инқилобни кўрган, «оқ»-у, «қизил»ларнинг даҳшатли жангларига гувоҳ бўлган. Болаларга атаб халқ эртаги асосида «Ёрилтош», «Гулёр» пьесаларини ёзиб саҳналаштирган.
Шоир ЧЎЛПОНнинг садоқатли шогирди сифатида уни ҳимоя қилган.
Ҳақиқат юзига тик боққан шоирнинг адолатли сўзларига сталинизм жодикашлари тоқат қила олмай қатағон этганлар.
У 1946 йилда ажалхоналардан тирик қайтиб келган бўлса-да, оқланмаган эди. Жисмонан ва маънан эзилган шоир 1951 йилда вафот этган.

✅ 1998 йилда унинг “Қапчиғай” номли шеърлар ва достонлар тўплами нашрдан чиққан.

※※※※
👉Рафиқ МЎМИН ижодидан👇

БОРЛИҚДА БИР ҒАШ

Кўк юзида юлдуз ўйнар порпирашиб,
Кўклам билан қайғулашиб, «Чўлпон» йиғлар.

Кўркам юртнинг дев, қушлари ҳайқиришган,
Борлиқ кўзи ёшга тўлган, «Вулқон» йиғлар.

Қанот ростлаб ғозлар кетди ўз юртига,
Шунинг учун ҳамма дарё, тўфон йиғлар.

Сувлар оқмай бўлди чўлинг бу юртимиз,
Гўдак каби эл ёшлари қон-қон йиғлар.

Сув бўйида оғлар сизрам тўлқунидан,
Ҳамма маҳзун, ҳамма ғариб, «Чўлпон» йиғлар.

Зўр тоғларнинг кўкрагида оппоқ соқол,
Бобом янглиғ мискинлашиб «Ҳоқон» йиғлар.

«Ғариб» кўнгли қариган юрт ғамида,
Балки ёшлик ҳасратида «Турон» йиғлар.

Қир остида кимсасизлик ўти бирлан,
Оҳлар тортиб, куюб ёнган «Ўғлон» йиғлар.

✍ Рафиқ МЎМИН, 1923 йил

@yangicha_mingbuloq

#САНА

☝️Бугун, 9 февраль ~ буюк шоир, мутафаккир, давлат арбоби Алишер НАВОИЙ таваллуд топган кун (1441-1501)

🔰 Одамларнинг яхшиси одамларга фойдаси тегадиганидир! Сўзнинг яхшиси ози ва мақсадга етказадиганидир!

✍ Алишер НАВОИЙ

@yangicha_mingbuloq

#САНА

☝️4 март — Ички ишлар вазирлиги Қоровул қўшинлари ташкил топган кун.

✅ Сана муносабати билан соҳада фаолият кўрсатаётган барча юртдошларимизни самимий табриклаймиз!

@yangicha_mingbuloq

#САНА

☝️ 4 март – Ўзбекистон Республикаси Фавқулодда вазиятлар вазирлиги ташкил этилган кун

✅ Фавқулодда вазиятлар тизимида меҳнат қилаётган барча фидойи ва заҳматкаш юртдошларимизни бугунги касб байрамлари билан чин дилдан табриклаймиз!

@yangicha_mingbuloq

#САНА

☝️Бугун, 21 март ~ Ўзбекистон Қаҳрамони, Ўзбекистон Халқ шоири Абдулла ОРИПОВ таваллуд топган кун!

🔰 У 1941 йил 21 мартда Қашқадарё вилояти, Косон туманидаги Некўз қишлоғида туғилган.

✅ Ўзбекистон халқ шоири (1990). Ўзбекистон Қаҳрамони (1998). ТошДУнинг журналистика факультетини тугатган (1963). Илк шеърлар тўплами — «Митти юлдуз» (1965). «Кўзларим йўлингда» (1966), «Онажон» (1969), «Руҳим», «Ўзбекистон» (1971), «Хотирот», «Юртим шамоли» (1974), «Юзма-юз», «Ҳайрат» (1979), «Нажот қалъаси» (1981), «Йиллар армони» (1983), «Ҳаж дафтари», «Муножот» (1992), «Сайланма» (1996), «Дунё» (1999), «Шоир юраги» (2003) сингари шеърий китоблари нашр этилган. Достонлари ~ «Жаннатга йўл», 1978; «Соҳибқирон», 1996. «Соҳибқирон» (1998) шеърий драмасини ёзган. Ўзбекистон Республикаси Давлат мадҳияси мауаллифи (1992). Ҳамза (1983) ҳамда Навоий номидаги (1992) Давлат мукофотлари лауреати.

❗️У 2016 йил 5 ноябрга ўтар кечаси Хьюстон шаҳри (АҚШ, Техас штати) касалхонасида вафот этган.

@yangicha_mingbuloq

#САНА

ЎЗБЕКИСТОН РЕСПУБЛИКАСИНИНГ ҚОНУНИ

МАҲАЛЛА ТИЗИМИ ХОДИМЛАРИ КУНИНИ БЕЛГИЛАШ ТЎҒРИСИДА

Қонунчилик палатаси томонидан 2020 йил 25 февралда қабул қилинган

Сенат томонидан 2020 йил 28 февралда маъқулланган

1-модда. 22 март Маҳалла тизими ходимлари куни этиб белгилансин.

2-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,
2020 йил 2 март,
ЎРҚ-606-сон

@yangicha_mingbuloq

#САНА

☝️1394 йил 22 март куни Амир Темурнинг невараси, буюк мунажжим ва математик олим Муҳаммад ибн Шоҳрух Мирзо УЛУҒБЕК Эроннинг Султония шаҳрида дунёга келган.

✅ Мирзо УЛУҒБЕК ҳақида 10 та факт 👇👇👇
https://youtube.com/watch?v=M73pfEuQP_o&si=OQEmDcuqWLtSQbRB