Ўзбекистон аэропортларида маймунчечак касаллиги туфайли назорат кучайтирилди

Бош давлат санитария врачининг “Чет элдан маймунчечак кириб келишининг олдини олиш ва тарқалишининг олдини олиш чора-тадбирларини ташкил этиш тўғрисида”ги кўрсатмаси асосида мамлакат аэропортларида қатор санитария-тарғибот тадбирларини ўтказиш режалаштирилган.

Батафсил: https://uza.uz/posts/627051

@yangicha_mingbuloq

21 август куни юртимиз бўйлаб бироз булутли об-ҳаво кузатилади

Ўзбекистон Республикаси Гидрометеорология хизмати агентлигининг хабар беришича, 21 август куни Тошкентда ҳаво бироз булутли бўлади, вақти-вақти билан ўзгариб туради, ёғингарчилик бўлмайди. Шарқдан секундига 3-8 метр тезликда шамол эсади. Кечаси 18-20 даража илиқ, кундузи 32-34 даража иccиқ бўлади.

Батафсил: https://uza.uz/posts/626714

@yangicha_mingbuloq

#yoshlar_mutolaa

«Ўткан кунлар» муаллифи ким?

Абитуриентларнинг деярли 80 фоизи газета, журнал ва китоб ўқимайди.

Бундай дейишга яқинда олий таълим муассасаларидан бирида ижодий (касбий) имтиҳонда 400 га яқин абитуриентнинг оғзаки суҳбатдаги жавоби асос бўла олади.

Суҳбат жараёнида шу нарсага гувоҳ бўлдимки, журналистика соҳасида таълим олишни хоҳлайдиган ёшлар матбуот нашрларини мутолаа қилмайди ва китоб ўқимасликни уят деб билмайди.

Имтиҳон аввалида «Қайси газеталарни ўқийсиз?» деган савол билан абитуриентларга мурожаат қилдик. Кўнгилдагидек жавоб олмагач, саволни ўзгартириб, «Журналистикага қизиқаётган абитуриент нима учун газетада чоп этилган таҳлилий мақолаларни ўқиши керак?» деб сўрадим. Жавоб эса...

Навбатдаги савол: «Ёшларни мутолаага қайтариш учун нималар қилиш керак?» Жавоб: «Ёшларнинг телефондан фойдаланишини тақиқлаш!».

Мени ранжитган бир жиҳат – бугун ёшлар миллат ойдинларини, ҳатто жадид сўзининг таърифини билмайди. Жадидларни ҳам қўя турайлик, тажрибали, профессионал устоз журналистлар фаолиятини ҳам кузатмаслиги аён бўлди. «Ўткан кунлар» романининг муаллифи ким?» деб сўрасак, Ўткир Ҳошимов деган жавобни эшитдик. Мактабларда она тили ва адабиёт фанидан дарслар ўтилади. Наҳотки, ёшлар Алишер Навоий асарларини, Заҳириддин Муҳаммад Бобур ғазалларини, Баҳоуддин Нақшбанд тариқатини билишмаса...

Оғзаки суҳбат чоғида «Нима учун журналист барча соҳаларни билиши керак?» деган савол ўртага ташланди. Хуллас, имтиҳон дастуридан ўрин олган саволлар берилди. Хориж саҳнида кечаётган воқеалар, мамлакатимиздаги ўзгаришлар, ислоҳотлар, партиялар ҳақида... Жавоблар эса қониқарсиз.

Ижодий (касбий) имтиҳон давомида бир жиҳат барча комиссия аъзоларини қувонтирди. Ҳеч бўлмаса, абитуриентларнинг 10-20 фоизи ижод қилиши, газеталарда мақола чоп эттиргани, телеканалларда лавҳалар тайёрлаши, фотомухбирлик билан шуғулланишини кўриб, жуда қувондик. Билимга чанқоқ ёшларнинг ижодий ишларидан хира бўлаётган кўнглимиз бироз ёришди.

Ёзма ижодий имтиҳонда ёзилган иншолар эса оғзаки суҳбатдан ҳам ачинарли ҳолатда эди. Дафтарларни текширар эканмиз, аксарият иншоларда имловий хатолар ҳаддан зиёд кўплигини кўрдик. Бир қаторнинг, ҳатто битта сўзнинг ўзида хатолар бисёр эди.

Абитуриентларнинг жавобларини эшитар эканмиз, уларнинг аксарияти ижтимоий тармоқларда фаол, китобга беэътибор. Масаланинг бошқа томони ҳам бор: бугун ота-оналар ва мактаб ўқитувчиларининг ўзлари китоб ўқияптими?

@yangicha_mingbuloq

#Ўзбекистон_дунё_нигоҳида

📰 ЮНЕСКО Бош конференциясининг Самарқандда ўтказилиши Испания ОАВ нигоҳида

🇪🇸Испаниянинг етакчи "El Mundo Financiero" электрон нашрида Самарқандда бўлиб ўтадиган ЮНEСКО Бош конференциясининг 43-сессиясига бағишланган мақола эълон қилинди.

Унда таъкидланганидек, ЮНEСКО Бош конференциясининг 43-сессияси 2025 йилда Самарқандда ўтказилади. Ўзбекистон илк бор икки йилда бир марта ўтказиладиган муҳим тадбирга мезбонлик қилади. Тарихан, 1986 йилдан бери конференция асосан ЮНEСКОнинг Париждаги бош қароргоҳида ўтказиб келинган.

"ЮНEСКО Бош конференциясининг мажлиси охирги марта Париждан ташқарида 1985 йилда Болгария пойтахти София шаҳрида бўлиб ўтган.

🖥  Батафсил: Ўзбек (кирилл) | Oʻzbek (lotin)

@yangicha_mingbuloq

Японияда қайчи йўқолгани сабабли рейслар бекор қилинди

Ўтган дам олиш кунлари яқин атрофдаги дўкондан қайчи ғойиб бўлгани сабабли Япония аэропортида 36 парвоз бекор қилинди, 201 рейс кечиктирилди. Бу ҳақда “News on Japan” нашри маълум қилган.

Батафсил: https://uza.uz/posts/627122

@yangicha_mingbuloq

Ҳусниддин ва Сардор полвон жаҳон чемпионати совриндори

Иорданияда спорт курашлари бўйича U17 ёш тоифасида ўтказилаётган жаҳон чемпионатининг юнон-рум кураши баҳсларида полвонларимиз дастлабки медалларига сазовор бўлди.

Батафсил: https://uza.uz/posts/627137

@yangicha_mingbuloq

“ACWA Power” компанияси билан 1,7 миллион долларлик инвестиция лойиҳаси амалга оширилади

Метрология йўналишида сўнгги беш йилда амалга оширилаётган ислоҳотлар натижасида мамлакатимиздаги Миллий эталонлар сони 3 бараварга ошди. Саноат тармоқларида ўлчаш воситаларини калибрлаш қамрови эса 78 фоизга етказилди. Хорижий давлатларда ўлчаш воситаларини калибрлашга сарфланадиган валюта миқдори 4 баравар қисқарди. Шунингдек, саноатнинг жадал ривожланиши баробарида аниқ ўлчашларга бўлган эҳтиёжнинг ортиб бориши натижасида доимий равишда метрологик лабораторияларни такомиллаштириб бориш юзасидан бир қанча тадбирлар олиб борилмоқда.

Батафсил: https://uza.uz/posts/627143

@yangicha_mingbuloq

МИНГБУЛОҚЛИК ИЖОДКОРЛАРГА 2 ТА ДИПЛОМ
«ЭНГ УЛУҒ, ЭНГ АЗИЗ» КЎРИК-ТАНЛОВИНИНГ ВИЛОЯТ БОСҚИЧИ ЯКУНЛАНДИ

Йилдан-йилга сайқалланиб бораётган анъанавий танловда бу гал белгиланган етти йўналиш бўйича 49 нафар ижодкорнинг жами 272 та ижодий иши кўриб чиқилди.

«Мингбулоқ» газетаси таҳририяти «Босма оммавий ахборот воситалари ходимларининг энг яхши журналистик ишлари» йўналиши бўйича 1-, қўғаликўллик ёш қаламкаш Озодбек Анафияев «Ёзувчи ва шоирларнинг энг яхши бадиий асарлари» йўналиши бўйича 3-ўринни эгаллади.

Таҳририят эришган муваффақиятда ижодий ходимларнинг "Қизилқум - шаҳар қиёфасида", "Мактабим - матлабим", "Илм ила зийнатланган умр", "Тўмарисга хос шижоат", "Қасамёдга содиқлик", "Илм - дунёда қувват, охиратда - шараф", "Тил билганга - кенг дунё", "Болаларнинг ҳар куни файзиёб ўтсин, дейман" сарлавҳали мақолаларидан ташқари фаол жамоатчи мухбирлардан Наргиза Мавлонова («Дунё - гўёки бозор»), Маҳмуджон Абдусаломов («Элим деб, юртим деб ёниб яшашга иштиёқ»), Комилжон Имомназаров («Мағрур эдилар муаллимларимиз»), Нафиса Мамадалиева («Ўзбекона эзгуликлар ин қурган азиз ошиён»), Дилором Қорабоева («Ҳалиям ўзбеклармиз»), Муаззам Уролова («Гуллар шаҳри Наманганда 63-Халқаро фестиваль»)ларнинг ҳам ҳиссаси катта. Танловга уларнинг энг сара публицистик мақолалари тақдим этилган эди.

Вилоят "Матбуот уйи" фойесида ўтказилган танлов ғолиб ва совриндорларини тақдирлаш маросимини Ўзбекистон Журналистлар уюшмаси вилоят бўлими раиси, Ёзувчилар уюшмаси аъзоси Носиржон ¬Деҳқонов бошқарди.

@yangicha_mingbuloq

#САЙЛОВ2024

Сиёсий партияларга парламент сайловларида қатнашиш учун рухсат берилди

Марказий сайлов комиссияси томонидан Ўзбекистондаги бешта сиёсий партияга Олий Мажлис Қонунчилик палатаси ва маҳаллий кенгашлар депутатлар сайловида қатнашиш учун рухсат берилди.

Комиссия йиғилишида қайд этилишича, барча партиялар сайловда иштирок этиш учун керак бўлган 40 мингта ҳақиқий овозни тўплаган.

Шунга кўра, сиёсий партиялардан ҳужжатларнинг келиб тушиши навбатига асосан, қуйидаги кетма-кетликда сиёсий партиялар Олий Мажлис Қонунчилик палатаси ва маҳаллий Кенгашлар депутатлари сайловида иштирок этишга ижозат бериш тўғрисида қарор қабул қилинди:

▪️биринчи, Тадбиркорлар ва ишбилармонлар ҳаракати — Ўзбекистон Либерал-демократик партияси;
▪️иккинчи, Ўзбекистон «Миллий тикланиш» демократик партияси;
▪️учинчи, Ўзбекистон Экологик партияси;
▪️тўртинчи, Ўзбекистон Халқ демократик партияси;
▪️бешинчи, Ўзбекистон «Адолат» социал демократик партияси.

@yangicha_mingbuloq

22 август куни юртимиз бўйлаб ҳаво бироз булутли бўлади

Ўзбекистон Республикаси Гидрометеорология хизмати агентлигининг хабар беришича, 22 август куни Тошкентда ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Шарқдан секундига 3-8 метр тезликда шамол эсади. Кечаси 19-21 даража илиқ, кундузи 33-35 даража иccиқ бўлади.

Батафсил: https://uza.uz/posts/627223

@yangicha_mingbuloq

Шахмат: Нодирбек Абдусатторов бугун Фабиано Каруана билан куч синашади

АҚШнинг Сент-Луис шаҳрида давом этаётган "Sinquefield Cup" турнирининг 2-турида ҳамюртимиз Нодирбек Абдусатторов оқ доналарда франциялик Алиреза Фирузжа билан куч синашиб, муроса йўлини танлади.

Батафсил: https://uza.uz/posts/627246

@yangicha_mingbuloq

Сенат: йўл-транспорт ҳодисалари ва улар оқибатида ҳалок бўлаётганлар сони ҳанузгача юқорилигича қолмоқда

Жорий йилнинг 6 ойи давомида республикадаги умумий йўл-транспорт ҳодисалари ўтган йилнинг шу даврига нисбатан 7,6 фоизга, ўлим билан боғлиқ ҳодисалар 1,1 фоизга, тан жароҳати билан боғлиқ ҳолатлар 9,2 фоизга камайишига эришилган. Бироқ йўл-транспорт ҳодисалари ва улар оқибатида ҳалок бўлаётганлар сони ҳанузгача юқорилигича қолмоқда.

Батафсил: https://uza.uz/posts/627243

@yangicha_mingbuloq

#СПОРТ

Теннисчимиз халқаро турнир ғолиби бўлди

Португалиянинг Каштела-Бранка округида теннис бўйича ITF туркумидаги «M25» тоифасига кирувчи халқаро турнир бўлиб ўтди.

Мукофот жамғармаси 25 минг долларни ташкил этувчи мазкур нуфузли мусобақада Наманган спорт мактаби тарбияланувчиси, халқаро тоифадаги спорт устаси Ҳумоюн Султонов муваффақият қозонди.

Юртимизнинг биринчи ракеткаси 101 дақиқа давом этган ҳал қилувчи учрашувда литвалик Эдас Бутвиласни 6:4, 7:5 ҳисобида енгиб, бош совринни қўлга киритди.

Таъкидлаш жоиз, Ўзбекистон терма жамоасининг етакчиларидан бири Ҳумоюн Султонов Европа турнири чемпионлиги йўлида, ярим финал ўйинида франциялик Дэн Эддедни 6:4, 7:6(2); чорак финалда испаниялик Марио Гонсалес Фернандесни 6:1, 6:1; иккинчи давра беллашувида эса австралиялик Этан Кукни 6:1, 6:3 ҳисобларида мағлубиятга учратди.

Батафсил: https://goo.su/UBoNnWU

@yangicha_mingbuloq

💳 Банкомат картангизни ютиб юборса, банк картангизни неча кунда қайтариб бериши лозим?

Видеони картасини банкдан хафталаб ола олмаётган яқинларга юборинг!

@yangicha_mingbuloq