Mana bu taklifimiz hisobga olinibdi

Magistratura va doktorantura uchun talab etiladigan til sertifikatlari ro’yxatidan chiqarilgan Linguaskill, AIL va Aydin TÖMER sertifikatlari 31-martga qadar (shu kuni ham) olingan bo’lsa, joriy yilda hisobga o’tadi.

Avvalgi e’londa faqat 23-martga qadar, ya’ni vazir buyrug’i qabul qilingan sanagacha olingan sertifikatlar o’tadi, deyilgandi.

Lekin mazkur buyruq Oliy ta’lim, fan va innovatsiyalar vazirligining rasmiy Telegram kanalida 31-mart kuni soat 18:18 da e’lon qilinganini hisobga olib, muddat ham shu kungacha surilsa ijtimoiy adolatdan bo’ladi, degan edik.

Va yakunda muddat uzaytirildi, o’ylashimcha, bu juda oqilona qaror bo’ldi.


👉 @xushnudbek 👈

24 mln dollarlik "yer savdosi"
 
Zangiota tumani Davlat xizmatlari markazi xodimi o‘zganing ishonchiga kirib, yuqori lavozimda ishlovchi tanishlari orqali, unga Toshkent tumani hokimligi zaxirasida bo‘lgan 10 gektar sug‘oriladigan yer maydonini 24 mln dollarga sotib olib berishini aytadi.

Tezkor tadbirda, u oldindan kelishilgan 200 ming dollarni olgan vaqtida ashyoviy dalillar bilan qo‘lga olindi.
 
Yana bir holatda O‘rtachirchiq tumanida yashovchi shaxs firibgarlik yo‘li bilan, Bo‘stonliq tumanidagi 4 gektar yer maydonini mansabdor tanishlari orqali xaridorga olib berish evaziga 2 mln 500 ming dollar so‘raydi.

Ushbu shaxs ham so‘ralgan pulning 200 ming dollarini olgan vaqtida ushlandi.

Har ikkala holat bo‘yicha jinoyat ishlari qo‘zg‘atilib, tergov harakatlari olib borilmoqda.


👉 @xushnudbek 👈

Mamadaminov O’lmasjon Yarmaxammatovich Guliston tumani hokimi lavozimiga tayinlandi.

U bunga qadar viloyat Kambag‘allikni qisqartirish va bandlik bosh boshqarmasi boshlig‘i edi.

***

Ernazarov Komiljon Yo’ldoshaliyevich Oqoltin tumani hokimi lavozimiga tayinlandi.

U bunga qadar Oliy Majlis Qonunchilik palatasi deputati edi.


👉 @xushnudbek 👈

Oliy Majlis Qonunchilik palatasi 2023-yil yarim yillik faoliyatiga oid hisobot taqdim etdi. Unda qayd etilgan ayrim raqamlar:

Yarim yilda Palata tomonidan 49 ta qonun qabul qilinib, Senatga yuborilgan. 2021-yilda 35 ta, 2022-yilda esa 40 ta qonun qabul qilingan.

Shu bilan birga, deputatlar tomonidan 4 ta qonun loyihasi rad etilgan.

Parlament nazoratida o‘ziga xos o‘sish kuzatilganini ko‘rish mumkin. Misol uchun, aholini o‘ylantirayotgan masalalar bo‘yicha tushuntirish berish talabi bilan mas’ul vazirlik, idora vakillariga 8 marta parlament so‘rovi yuborilgan. O‘tgan bir yil ichida Parlament so‘rovlari 4 barobar o‘sgan.


👉 @xushnudbek 👈

⚡️ O‘zbekiston Notarial palatasi raisi Dilshod Ashurov Xalqaro notariuslar ittifoqining Osiyo ishlari komissiyasiga prezident etib saylandi.

Indoneziyaning Jakarta shahrida Xalqaro notariuslar ittifoqining Osiyo ishlari bo‘yicha komissiyasi majlisi o‘tkazildi. Unda komissiya kelgusi 2 yillik muddat uchun Prezidentlikka nomzodni ko‘rib chiqdi va raislikka bir ovozdan O‘zbekiston Notarial palatasi raisi Dilshod Ashurovning nomzodini ma’qullab, ovoz berdi.

📌 Xalqaro notariuslar ittifoqi – 1948-yil 2-oktyabr kuni Argentinaning Buenos-Ayres shahrida tashkil topgan bo‘lib, barcha besh qit’adan jami 91 mamlakat notariuslarni birlashtiruvchi xalqaro tashkilot hisoblanadi.

O‘zbekiston Notarial palatasi Xalqaro notariuslar ittifoqiga 2021-yil 3-dekabr kuni 91-a’zo sifatida qabul qilingan edi.


👉 @xushnudbek 👈

Bolalar bog’chasidagi ta’sirli ma’ruzani ko’rib, mana bu filmdagi epizod esimga tushib ketdi :)


👉 @xushnudbek 👈

Bugun, 24-iyul kuni O‘zbekiston Prezidenti Shavkat Mirziyoyev 66 yoshga to‘ldi.

Prezidentning qay darajada adolatli rahbar ekanligiga asosiy bahoni xalq, yaʼni saylovchilar beradi.

Shu sababli Shavkat Mirziyoyevga uzoq umr bilan birga, doimo Allohning va xalqning roziligini olish nasib qilishini tilayman. Menimcha, inson uchun bundan ortiq mukofot bo‘lmasa kerak.

O‘zbekistonni rivojlantirish yo‘lidagi mehnat va zahmatlarda charchamasin, O‘zi g‘oyibdan kuch-quvvat bersin.


👉 @xushnudbek 👈

Chiqargan adolatli qarorlari bilan dunyoga tanilgan amerikalik mashhur sudya Frank Kaprio o‘zbekistonlik Muhammadodilbek Obidjonovni avtomashinasini noto‘g‘ri joylashtirganiga oid ish bo'yicha sud qildi.

Sudya talaba yigit bilan suhbatdan so‘ng yigitning jami 15 ta jarimalaridan faqat bittasini qoldirishga qaror qildi va 35 dollar jarima tayinladi.


👉 @xushnudbek 👈

Oliy ta’lim muassasalariga o‘qishga kiritib qo‘yish bilan bog‘liq firibgarlik holatlariga chek qo‘yildi

Andijon shahrida yashovchi fuqaro Andijon davlat tibbiyot institutiga o‘qishga kiritib qo‘yish evaziga 19 ming dollar olgan vaqtida ashyoviy dalillar bilan ushlangan.

Shuningdek, mazkur institutning o‘qituvchisi ham ushbu ishlarga aloqadorlikda gumon qilinib, ushlangan.

***
Yana bir tezkor tadbirda esa Yuqorichirchiq tumanida yashovchi shaxs 2 nafar fuqaroni Chirchiq davlat pedagogika universitetiga o‘qishga kiritib qo‘yish evaziga 12,5 ming dollar olgan vaqtida ushlangan.

***
Buxoro davlat pedagogika instituti xodimi 2 nafar fuqaroni mazkur oliy o‘quv yurtiga o‘qishga kirish uchun bo‘ladigan imtihonlardan o‘tkazib qo‘yish evaziga 5 ming dollari talab qilib, oldindan 4 ming dollarini olgan vaqtida ushlangan.

***
Guliston tumanida yashovchi shaxs fuqaroni Guliston davlat universitetiga o‘qishga kiritib qo‘yish evaziga 4 ming dollar talab qilib, ushbu pulni olgan vaqtida ushlangan.

***
Xorazm viloyatida tug‘ilgan shaxs o‘zganing ishonchiga kirib, uning o‘g‘lini Qozog‘iston Respublikasidagi universitetning 2-bosqichini tamomlaganligi to‘g‘risidagi hujjatlarni rasmiylashtirib, mamlakatimizdagi oliy ta’lim muassasalaridan birining 3-bosqichiga o‘qishga kiritib qo‘yish evaziga 1600 dollar olgan vaqtida qo‘lga olingan.

***
Barcha holatlar yuzasidan jinoyat ishlari qo‘zg‘atilib, tergov harakatlari olib borilmoqda.

DXX matbuot xizmati


👉 @xushnudbek 👈

Prezidentning Yangi Toshkent shahriga oid qaroriga ko‘ra:

Yuqori Chirchiq tumanidan O‘zbekiston, Do‘stlik, Surankent, Turkiston, Guliston, Iyk ota;

Qibray tumanidan Nurmuhammedov;

O‘rta Chirchiq tumanidan Do‘stlik, Oxunbobev, Kim Pen Xva mavzelari va Sholichilik instituti hududidagi qishloq xo‘jaligiga ixtisoslashgan yerlarning (rasmdagi jadvalga muvofiq ayrim konturlari) toifasi o‘zgartirilib, Yangi Toshkent shahrini barpo etish uchun ajratiladi.

Yangi Toshkent shahri bosh rejasini ishlab chiqish uchun Foster and Partners (Buyuk Britaniya), OMA (Niderlandiya) va Meinhardt (Singapur) kompaniyalari jalb qilingan.


👉 @xushnudbek 👈

Talabalar o‘qishini ko‘chirish bo‘yicha arizalar statistikasi
#perevod

24-iyul soat 09:00 holatiga ko‘ra talabalar o‘qishini ko‘chirish bo‘yicha jami 26 ming 067 nafar talaba onlayn ro‘yxatdan o’tdi.

➖respublika davlat oliy ta’lim muassasalariaro o‘qishini ko‘chirish bo‘yicha transfer.edu.uz platformasi orqali — 13 ming 809 nafar;

➖nodavlat va xorijiy oliy ta’lim muassasalaridan o‘qishini ko‘chirish bo‘yicha my.uzbmb.uz platformasi orqali — 12 ming 258 nafar talaba ariza topshirgan. Shundan 6 ming 139 ta (50%) ariza O’zbekistondagi nodavlat OTM talabalaridan yuborilgan.

Xorijdan yuborilgan arizalar asosan quyidagi davlatlar hissasiga to’g’ri keladi:

1) 🇰🇬Qirg’iziston — 3 397 ta;
2) 🇹🇯Tojikiston — 1 047 ta;
3) 🇷🇺Rossiya — 968 ta;
4) 🇰🇿Qozog’iston — 555 ta.

❗️Arizalar 5-avgust (shu kuni ham) kuniga qadar onlayn qabul qilinadi.

Eslatma: bu yerda bir davlat OTM ichida yo’nalish, shakl va til o’zgartirishga oid arizalar hisobga olinmagan, chunki bitta OTM ichida perevod uchun arizalar rektor nomiga yoziladi.


👉 @xushnudbek 👈

Oliy ta’lim muassasalarida o’tayotgan kasbiy (ijodiy) imtihonlarni onlayn kuzatish mumkin
#abituriyent

Joriy yil 51 ta oliy ta’lim muassasasida alohida iqtidor talab etiladigan 198 ta ta’lim yo‘nalishi bo‘yicha kasbiy (ijodiy) imtihonlar o‘tkazilishi belgilangan. Ayni kunlarda ayrim oliy ta’lim muassasalarida ushbu jarayon boshlandi.

Kirish imtihonlarida korrupsiyaviy holatlarga yo‘l qo‘ymaslik, ochiqlik va shaffoflikni taʼminlash, abituriyent va ularning ota-onalariga qo‘shimcha qulaylik yaratish maqsadida bu yil ham kasbiy (ijodiy) imtihonlarning imtihon.edu.uz hamda OTM veb-platformalari orqali Internet tarmog‘ida jonli efirga uzatilmoqda.


👉 @xushnudbek 👈

Elon Mask xarid qilgan Twitter ijtimoiy tarmog‘i rebrending o‘tkazdi hamda qushchali logotipni X harfiga almashtirdi. Larri laqabi bilan tanilgan Twitter qushchasi endi yo‘q.


👉 @xushnudbek 👈

❓“Perevod” uchun pul to’lanadimi?
#perevod

Bunda 2 xil qoida bor:

1️⃣ Agar “tashqi perevod” bo’lsa, ya’ni xorijdan yoki O’zbekistondagi nodavlat OTMlardan davlat OTMga ko’chirish uchun ariza berilayotganda Bilimlarni baholash agentligiga 165 ming so’m miqdorida to’lov qilinadi, chunki ular testga kiradi;

2️⃣ Agar “ichki perevod” bo’lsa, ya’ni bir davlat OTMdan boshqa davlat OTMga yoki bir OTM ichida o’qishni ko’chirmoqchi bo’lsa, unda hech qanday to’lov qilinmaydi. Chunki ular testga kirmaydi.

Yana ham oson tushunish uchun:

my.uzbmb.uz sayti orqali ariza berilsa, to’lov qilinadi, transfer.edu.uz sayti orqali ariza yuborilsa, to’lov qilinmaydi.

Chunki:

Nodavlatdan va xorijdan davlat OTMga — my.uzbmb.uz orqali;

Davlatdan davlatga — transfer.edu.uz orqali ariza yuboriladi.

Shuningdek, bir OTM ichidagi perevodda rektor nomiga ariza berilsa ham to'lov qilinmaydi.

❗️Yana bir masala, super-kontrakt masalasi faqat “tashqi perevod”da bor, “ichki perevod”da super-kontrakt yo’q.


👉 @xushnudbek 👈

🔄 “Perevod” uchun arizalar 5-avgustgacha qabul qilinadi. Tartibi bo‘yicha kengroq tushuntirish
#perevod

Quyidagi tushuntirishlarning asosi: 2022-yil 15-iyunda imzolangan PQ-279-son Prezident qarori.

1️⃣ Bir davlat OTMdan boshqa davlat OTMga o‘qishni ko‘chirish

Bunday holda faqat 2 ta vaziyatda ruxsat beriladi:

1) talaba oila qursa va turmush o‘rtog‘i doimiy yashaydigan hududdagi OTMga ko‘chmoqchi bo‘lsa;

2) davlat xizmatchisi ish yuzasidan boshqa hududga ko‘chsa va turmush o‘rtog‘i yoki voyaga yetmagan farzandining o‘qishini o‘sha hududga ko‘chirmoqchi bo‘lsa (ishga kirgan vazirlik xati asosida).

❌Boshqa holda “ichki perevod”ga ruxsat yo‘q. Boshqa hududga ham, o‘z hududidagi boshqa OTMga ham.

2️⃣ Xorijdan o‘qishni ko‘chirish

Bunda o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi. 2023-yilgi o’tish ballari bu yerda:
https://t.me/xushnudbek/20079

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) xorijdan mos va turdosh bo‘lmagan yo‘nalishga o‘qishni ko‘chirishga ruxsat berilmaydi. 2023-yilgi turdosh yo’nalishlar ro’yxati bu yerda:
https://t.me/xushnudbek/20258

‼️ Test o’tgach, har bir talabaning hujjati qayta tekshiriladi. Kimdir “xorijda o’qiyapti” degan soxta hujjat tayyorlagan bo’lsa, natijalar bekor qilinadi va prokuraturaga soxta hujjat tayyorlash fakti yuzasidan murojaat etiladi.

3️⃣ O‘zbekistondagi xorijiy va nodavlat OTMlardan o‘qishni ko‘chirish

Bunda ham o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi. 2023-yilgi o’tish ballari bu yerda:
https://t.me/xushnudbek/20079

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) mos va turdosh bo‘lmagan yo‘nalish uchun esa bir martalik “super-kontrakt” to‘lab ko‘chirishi mumkin. 2023-yilgi turdosh yo’nalishlar ro’yxati bu yerda:
https://t.me/xushnudbek/20258

4️⃣ Davlat OTMdan nodavlat OTMga o‘qishni ko‘chirish

Buni davlat nazorat qilmaydi, buning tartibini nodavlat OTMlarning o‘zi mustaqil belgilaydi. Nodavlat OTMga o‘qishni ko‘chirish mumkin yoki mumkin emasligini o‘sha OTMning o‘zidan aniqlashtiring.

5️⃣ Nodavlat OTMdan nodavlat OTMga o‘qishni ko‘chirish

Buni ham davlat nazorat qilmaydi, tartibini ko‘chirmoqchi bo‘linayotgan nodavlat OTMdan aniqlashtirish kerak.

6️⃣ Xorijdan nodavlat OTMga o‘qishni ko‘chirish

Buni ham davlat nazorat qilmaydi, tartibini ko‘chirmoqchi bo‘linayotgan nodavlat OTMdan aniqlashtirish kerak.

7️⃣ Bir davlat OTM ichida bir yo’nalish yoki fakultetdan boshqa yo’nalish yoki fakultetga o‘qishni ko‘chirish

Ushbu masala OTM rektori tomonidan hal qilinadi, ariza ham rektor nomiga yoziladi (transfer.edu.uz yoki my.uzbmb.uz sayti orqali emas). Bunda ko’chirilayotgan yo’nalishning mos va turdoshligi, ko’chirilish sababi, OTM imkoniyatlari va boshqa faktorlar inobatga olinishi mumkin.

8️⃣ Bir OTM va hatto bir yo’nalish doirasida ta’lim shaklini yoki tilni o’zgartirish

Ushbu masala ham OTM ma’muriyati tomonidan hal qilinadi. Bunda ham ko’chirish maqsadi, OTMning imkoniyati (masalan, auditoriya sig’imi, professor-o’qituvchilari soni va hk) va boshqa faktorlarga qaralishi mumkin. Masalan, sirtqidan kunduzgiga o’tkazish deyarli imkonsiz, bu haqda o’ylamasa ham bo’ladi. Lekin kunduzgidan sirtqiga ko’chirish muammosiz hal bo’ladigan masala.

***

Arizalar quyidagicha qabul qilinadi:

➡️ transfer.edu.uz — respublikaning bir OTMdan boshqa OTMga yoki bir OTM doirasida;

➡️ my.uzbmb.uz — xorijiy va nodavlat oliy taʼlim muassasalaridan davlat OTMlariga;

➡️ rektor nomiga yozma yoki OTMda mavjud elektron tizim orqali — bir davlat OTM ichida yo’nalish, fakultet, ta'lim shakli yoki tilini ko‘chirish.

☝️Qabul 5-avgustgacha (shu kuni ham) davom etadi.

Kerakli hujjatlar:
◾️ ariza (onlayn tarzda);
◾️ transkript yoki reyting daftarchasi (JPEG yoki Pdf shakli);
◾️ akademik maʼlumotnoma (o‘qishni tiklovchilar uchun).


👉 @xushnudbek 👈

❗Ertaga, 25-iyul kuni suhbat asosida talabalikka 2-kursdan qabul qilinadigan texnikum bitiruvchilari uchun arizalar topshirishning oxirgi kuni
#abituriyent

Amaldagi tartibga koʻra, texnikumlarni muvaffaqiyatli tamomlagan bitiruvchilar oliy taʼlim muassasalarining bakalavriat taʼlim yoʻnalishlariga suhbat asosida 2-kursdan oʻqishga qabul qilish imkoniyati taqdim etilgan.

Arizalar 25-iyulga qadar (shu kuni ham) my.edu.uz platformasida onlayn roʻyxatdan oʻtish kerak. Ro'yxatdan o'tishda bitiruvchilardan diplomining asl nusxasi talab etilmaydi va ular faqat shaxslarini tasdiqlovchi maʼlumotlarni kiritsa kifoya, barcha zarur maʼlumotlar avtomatik tarzda o'zi chiqib keladi.

Ayni daqiqalargacha tizim orqali 8 ming 553 ta ariza kelib tushgan.

❓Texnikumni muvaffaqiyatli tamomlaganlar toifasiga kimlar kiradi?

Texnikumdagi butun o‘qish davrida o‘quv semestrlari yakuniga ko‘ra o‘zlashtirish baholari 5 (a’lo) va 4 (yaxshi) biroq o‘zlashtirish baholarining kamida 50 foizi (tibbiyot oliy ta’lim muassasalari uchun kamida 85 foizi) 5 (a’lo) bo‘lgan bitiruvchilar kiradi.

❓ Kimlar talabalikka tavsiya etiladi?

OTM komissiyasi tomonidan tasdiqlangan suhbatning yakuniy natijalarini qayd etish varag‘iga asosan Suhbat komissiyasining ishtirok etgan a’zolari tomonidan qo‘yilgan ballarning o‘rtachasi 67 ball va undan yuqori bo‘lganda abituriyent suhbatdan o‘tgan hisoblanadi hamda to'lov-kontrakt asosida 2-kursdan talabalikka tavsiya etiladi.


👉 @xushnudbek 👈

O‘zbekistonning Ukrainadagi elchixonasi bayonoti:

Ukraina Qurolli Kuchlari Bosh shtabi tomonidan O‘zbekiston Respublikasi fuqarolarini Rossiya qo‘shinlari safiga ko‘ngilli sifatida majburan safarbar etilayotgani to‘g‘risida chop etilgan ma’lumot yuzasidan O‘zbekiston elchixonasi Ukraina Tashqi ishlar vazirligiga tegishli so‘rov yubordi.

Ushbu masala diplomatik vakolatxona tomonidan doimiy nazoratga olingan bo‘lib, Ukraina tomonidan yuqoridagi ma’lumot tasdiqlangan taqdirda, fuqarolarimiz manfaatlarini himoya qilish bo‘yicha kerakli barcha chora-tadbirlar ko‘riladi.


👉 @xushnudbek 👈

Prorektor pora olayotganda ushlandi

“Ajiniyoz” nomidagi Nukus davlat pedagogika instituti prorektori M.J. ushbu institutga o‘qishga kiritib qo‘yish evaziga fuqarodan 3 ming dollar pora olgan vaqtida ashyoviy dalillar bilan qo'lga olindi.

Holat yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilib, tergov harakatlari o’tkazilmoqda.


👉 @xushnudbek 👈