Бугун, соат 21:00 да МФактор билан ҳамкорликда тайёрлаётган «Юридик клиника» кўрсатувининг навбатдаги сони бўлиб ўтади.

Мавзу: “Меҳнат қонунчилигига оид ҳуқуқий маслаҳатлар”

Кўрсатувни YouTube орқали қуйидаги манзиллардан жонли эфирда томоша қилишингиз мумкин:

👉 youtube.com/c/xushnudbekxudoyberdiyev

👉 youtube.com/c/MFaktoruz

YouTube каналимизга обуна бўлишни унутманг!

Саволларингизни изоҳ сифатида қолдиришингиз мумкин, имконим етганига жонли эфирда жавоб қайтараман 👇


👉 @xushnudbek 👈

Ўтган ҳафтадаги “Юридик клиника” кўрсатувида UZIMEI тизими ҳақида ҳам сўз юритгандим.

Асосан 2 та масалага эътиборимни қаратганман:

1) Нимага IMEI кодни рўйхатга олиш тўлови Ўзбекистон фуқаролари учун хорижликларга қараганда қиммат? Яъни ўзимизнинг қора кўзлар туристларга қараганда кўпроқ пул тўлаши керак.

Нега бундай? Қани мантиқ? Қани адолат?

2) Ўзи нима учун ўзбекистонликлар IMEI кодини рўйхатдан ўтказиш учун пул тўлаши керак? Ахир бу халққа икки карра солиқ солишку. Фуқаролар тўлаётганлар солиқлардан ойлик олаётган масъуллар ўз ишини яхши бажара олмаётгани учун халқ уларнинг ишини осонлаштириш мақсадида яна ёнидан қўшимча пул тўлаши керакми?

Нега бундай? Қани мантиқ? Қани адолат?

Видеода шу фикрларимни батафсил тушунтирганман.

Ҳажми: 40мб

Тўлиқ видео: https://youtu.be/lPWPCfyKil4


👉 @xushnudbek 👈

Бироздан сўнг “Юридик клиника” дастурининг навбатдаги сонини қуйидаги ҳавола орқали жонли эфирда томоша қилишингиз мумкин:

https://youtu.be/ALhEYxWuJjA

⚡️⚡️⚡️12 сентябрдаги тест синовларининг натижалари эълон қилинди, дея хабар бермоқда ДТМ.

Тест натижаларини қандай кўришни мана бу ерда тушунтирганмиз:

https://t.me/xushnudbek/6902

https://t.me/xushnudbek/6914

Кеча тестга кирганлар ўз натижаси билан ушбу пост тагида изоҳ сифатида ёки махсус ташкил қилинган @abituriyentguruh гуруҳида ўртоқлашишлари мумкин.


👉 @xushnudbek 👈

#ҳазилтайм

“Қирол шер” мультфильмининг ҳақиқий ҳаётга кўчган варианти 😊

Бошланган янги ҳафтангиз хайрли ўтсин.


👉 @xushnudbek 👈

Тест юзасидан апелляция бериш тартиби ва муаммолари ҳақида

#abituriyent

Ҳар йили тест синовлари жараёнида норозилар кўп бўлади. Атиги 15% абитуриент талаба бўлгандан кейин, кўпчилик орасидан норозилар чиқиши табиий. Камроқ балл олган аксарият абитуриентларнинг айтадиган гапи бир хил: «мен зўр тайёрлангандим, лекин ДТМ нотўғри ҳисоблаган, аслида балим баланд чиқиши керак эди».

Боз устига балларни эълон қилишда хатоликка йўл қўйилгани ҳақида берилган кечаги эълон оловга сепилган керосин бўлди. «Ана, айтмадимми, меникини ҳам паст чиқарди, қайтадан ҳисобласин» деган гаплар кўпайди.

Ўз натижасидан норози бўлган абитуриентлар апелляция шикояти беришлари мумкин. Ҳозир шу ҳақда сўз юритамиз.

Дастлабки муаммо, апелляция бериш муддатида. Низомга кўра, апелляция шикоятлари 21 августдан 30 августгача берилиши керак эди. Аммо пандемия сабаб тест синовлари сентябрь ойига қолдирилди. Хўш, бундай вақтда апелляция вақти ҳам суриладими? Расман қачондан бошланади ва қачонгача давом этади? Бу ҳақида бирор тайинли гап йўқ. Буни тезроқ белгилаш ва эълон қилиш керак.

Иккинчи муаммо, апелляция шикоятлари ёзма ёки электрон шаклда берилиши айтилган. Аммо электрон ариза беришнинг аниқ тартиби йўқ. Ўтган йили info@dtm.uz орқали қабул қиламиз дейишганди. Аммо бу яхши қарор эмаслиги, апелляцияни шахсий кабинети орқали юбориш имкониятини бериш кераклиги ҳақида аввал ҳам ёзгандим.

Учинчи муаммо, апелляцияда қуйидагиларга йўл қўйилмайди:
• уяли телефон, компьютер, телекоммуникация воситалари ва шпаргалкалар (луғат, жадваллар бундан мустасно) олиб киришга ҳаракат қилиш ёки олиб кириш;
• апелляция жараёнида тест материалларини бошқа абитуриентга узатиш, уларга ёрдам бериш ёки ёрдам олиш;
• тест топшириқлари китобининг варағини йиртиш.

Телефон ёки ноутбук олиб кирса нима бўпти? У ўзининг ҳақлигини исботлаш учун керакли манбалардан қидирса, бунинг нимаси ёмон? Абитуриент гениймаску, ҳаммасини сўзма-сўз ёддан биладиган. Ахир бу шунчаки апелляция жараёни-ку, қайта тест топшириш эмас!

❗️Апелляциянинг умумий тартиблари:

👉 апелляция шикоятини бериш учун Тошкентга келиш шарт эмас, ДТМнинг ҳудудий бўлимлари манзили мана бу ерда;

👉 абитуриент хабарномада белгиланган кунда ўзининг паспорти ва абитуриент рухсатномаси билан келиши шарт;

👉 абитуриентга унинг жавоблар варақаси нусхаси, тест топшириқлари нотўғри бажарилган жавоблар рўйхати ҳамда тест топшириқлари китоби берилади;

👉 абитуриент ўзининг ҳар бир нотўғри деб ҳисобланган тест топшириғига жавобларини ёзма равишда баён қилади ва апелляция комиссиясига тақдим этади;

👉 абитуриентнинг жавоблар варақаси, тест топшириқлари китоби ДТМга белгиланган тартибда етказилмаган, йиртилган бўлса, шунингдек, тест синовларидан четлаштирилган ёки ўзининг жавобларини ёзма равишда баён қилмаган абитуриентнинг апелляция шикояти кўриб чиқилмайди;

👉 апелляция шикояти фақат абитуриент иштирокида, унинг ёзма жавоблари асосида кўриб чиқилади. Илгари ота-онаси ёки устозларига рухсат бериларди, кейинчалик буни тақиқлаб қўйишди;

👉 абитуриентнинг ёзма жавоблари ўз тасдиғини топмаган бўлса, шикоятни рад этиш тўғрисида қарор қабул қилинади;

👉 абитуриент мурожаат қилганда унга қарордан кўчирма берилади;

👉 абитуриент қарор устидан судга шикоят қилиши мумкин.

‼️Таклиф:

Умуман олганда апелляция тартиби худдики ДТМ хатоси чиқиб қолишидан қўрқиб, атайин абитуриентларни қийнаш учун ёзилганга ўхшайди.

Менга қолса, тест синовлари тўлиқ якунлангандан кейин, абитуриентларнинг шахсий кабинетида унга тушган саволларни тўлиқ эълон қилиш керак. Шунда абитуриентлар қайси саволга тўғри белгилади, қайсига нотўғри, ўқитувчиси билан бирга текшириб кўради ва агар ўзи хато қилганини кўргач, апелляция бериб ҳам ўтирмайди. Бу минглаб асоссиз шикоятларнинг олдини олади, ДТМнинг ҳам иши камаяди.

Ўз навбатида хато саволларни аниқлаш ҳам осонлашади. Хатони тан олиш эса мардлик белгиси.

Бу иш очиқлик ва шаффофликка қўйилган навбатдаги катта ва дадил қадам бўлар эди.


👉 @xushnudbek 👈

Тошкентда ичимлик суви ўчирилиш жадвали

14 сентябрдан 13 октябргача Тошкент шаҳрида куз-қиш мавсумига тайёргарлик кўриш бўйича профилактика таъмирлаш ишлари олиб борилиши муносабати билан ичимлик суви босимининг пасайиши ва ўчирилиши кузатилади.

Тўлиқ жадвал билан мана бу саҳифа орқали танишишингиз мумкин:

https://uzsuv.uz/uz/posts/suv-pasayishi

Ўз ҳудудингизни топинг ва шунга қараб тайёргарлик кўриб қўйишни унутманг.


👉 @xushnudbek 👈

Сўз эркинлиги ва нафратга тўла риторика ўртасидаги ҳуқуқий чегаралар қаерда? Интернетдаги буллингга (бошқаларни таҳқирлаш, зўравонлик) қарши ҳуқуқий ҳимояни қандай кучайтириш мумкин?

Умуман сўз эркинлиги дегани бу ҳар қандай мазмундаги гапни, ҳатто ҳақорат ва туҳматларни ҳам гапиришга эркинлиги бор деганими ёки бунинг ҳам маълум чеклов ва қоидалари борми?

Шу ҳақда Инсон ҳуқуқлари бўйича ҳуқуқшунос Дилфуза Куролованинг мақоласи ўзбек тилида эълон қилинибди. Ўқишни тавсия қиламан:

https://www.gazeta.uz/uz/2020/09/14/hate-speech/

⚡️⚡️⚡️13 сентябрдаги тест синовларининг натижалари эълон қилинди, дея хабар бермоқда ДТМ.

Тест натижаларини қандай кўришни мана бу ерда тушунтирганмиз:

https://t.me/xushnudbek/6902

https://t.me/xushnudbek/6914

Кеча тестга кирганлар ўз натижаси билан ушбу пост тагида изоҳ сифатида ёки махсус ташкил қилинган @abituriyentguruh гуруҳида ўртоқлашишлари мумкин.


👉 @xushnudbek 👈

Кўпчилик сўраётган саволлардан бири - нима учун ҳалигача mandat.dtm.uz сайти ишламаётгани ҳақида эди. Бугунги брифингда ДТМ бош бошқарма бошлиғи Барно Ражабов бу бўйича батафсил тушунтириш бериб ўтди.

Маълумотдан шуни тушундимки, ДТМ тизимни ортиқча саволлар туғилмайдиган қилиб эълон қилмоқчи. Ўтган йили шунчаки олган бали бўйича териб чиқилган ва ҳеч қандай имтиёзлар инобатга олинмаганди. Натижада якунда имтиёзлар қўллангач, абитуриентлар ўрни ўзгариб кетган ва тушунмовчиликлар пайдо бўлганди. Жорий йилда барча факторларни инобатга олиб, янги функцияларни қўшиб, кейин эълон қилишмоқчилигини айтишмоқда.

Кўрамиз ва кутамиз, эълон қилингач баҳо берамиз.


👉 @xushnudbek 👈

Яхши хабар

Айтишларича, бугун Олий Мажлис Қонунчилик палатаси фракцияларида "Виждон эркинлиги ва диний ташкилотлар тўғрисида"ги қонунга ўзгартириш ва қўшимчалар киритиш бўйича қонун лойиҳаси, хусусан, қонунчиликдан "ибодат либоси" атамасини чиқариб ташлаш масаласи муҳокама қилинган.

Жумладан, адлия вазири ўринбосари бу ўзгартишлар ортидан келиб чиқадиган ижобий натижалар, хусусан, Маъмурий жавобгарлик тўғрисидаги кодексга тегишли ўзгартиришлар киритилиши масаласи ҳам кўриб чиқилиши тўғрисида гапирган.

Шахсан мен ушбу қонун лойиҳасини тўлиқ қўллаб-қувватлайман. Хусусан, "ибодат либоси" билан боғлиқ норма амалиётда шу пайтгача бирор ижобий фойда келтирмаган, аксинча нафақат виждон эркинлигини чеклаш ёки қийинчилик туғдириш, балки кимларгадир ёқмай қолган инсонларни "диний мақом" билан жазолаш учун ричаг бўлиб хизмат қилган. Сўнгги йиллардаги диний бағрикенглик бўйича қилинаётган ўзгаришларнинг мантиқий давоми сифатида мазкур ўзгариш Ҳукуматнинг ижобий имижига яхши таъсир қилиши, инсонларда ишончни янада мустаҳкамлаши табиий.


👉 @xushnudbek 👈

Nuruddin, omad tilayman! ✊✊✊

https://www.facebook.com/100002835345251/posts/2975653935872422/?d=n

Бугундан бошлаб Ўзбекистон фуқаролигини олиш учун давлат тилини билиш шарт бўлади

Бугун, 15 сентябрдан бошлаб «Ўзбекистон Республикасининг фуқаролиги тўғрисида»ги Қонун кучга кирди. Бу ҳақда ЎзА хабар бермоқда.

Қонун 2020 йил 13 март куни имзоланган ва орадан 6 ой ўтгач кучга кириши белгиланган эди.

Қонунга биноан, Ўзбекистон Республикаси фуқаролигига қабул қилишнинг қуйидаги турлари мавжуд:
👉 умумий тартиб;
👉 соддалаштирилган тартиб;
👉 алоҳида тартиб.

Мазкур қонунда аввалгисидан фарқли ўлароқ «ватандош» деган тушунча киритилган бўлиб, унга кўра чет давлат фуқароси бўлган ёки фуқаролиги бўлмаган шахс ҳисобланган ватандошга нисбатан Ўзбекистон фуқаролигига қабул қилишнинг соддалаштирилган тартиби қўлланади.

❗️Шунингдек, қонун билан Ўзбекистон фуқаролигига умумий тартибда қабул қилишнинг асосий шартларидан бири сифатида ариза топширган шахснинг давлат тилини мулоқот қилиш учун зарур даражада билиши ҳам киритилган.

Бундан ташқари қонунда Ўзбекистон фуқаролигига алоҳида тартибда қабул қилиш, фуқароликни тиклаш ва тугатиш, фуқароликдан чиқиш ҳамда фуқароликни йўқотиш асослари ҳам белгилаб қўйилган.


Каналга уланиш:
➡️ @uzauz

Мулла Абдул Ғани Биродар, «Толибон» ҳаракатининг Қатардаги сиёсий ваколатхонаси раҳбари:

– Ўзбекистон ўз ташқи сиёсатида Афғонистонда тинчлик ўрнатиш масаласига устувор масала сифатида қарашини яхши биламиз.

Ўзбекистон ташаббуси билан Афғонистонда амалга оширилаётган Мозори-Шариф – Кобул – Пешовар йўналиши бўйича темирйўл, Сурхон–Пули-Хумри электр узатиш линияси каби йирик лойиҳалар таҳсинга лойиқ.

Ушбу лойиҳаларни ҳаётга татбиқ этиш учун ўзбекистонлик кўплаб мутахассислар Афғонистонда фаолият юритади. Уларнинг хавфсизлигини таъминлаш ҳам муҳим масала. Бу жиҳатни эътибордан четда қолдирмаган ҳолда, асосий диққатни шунга қаратамиз.

Хабарингиз бор, бундан бир неча ой муқаддам, Доҳада Толибон ҳаракати ва АҚШ ўртасида тинчлик шартномаси имзоланди. Шу қадамларнинг ўзиёқ Толибон ҳаракати тинчлик тарафдори эканлигини кўрсатади. Биз келишув шартларини бажарамиз албатта. Шу нуқтаи назардан айтишим мумкинки, келгусида Афғонистон томонидан Ўзбекистон ёки Марказий Осиёдаги бошқа мамлакатларга хавф, таҳдид пайдо бўлишига йўл қўймаймиз.

Манба

Европа тикланиш ва тараққиёт банкининг собиқ президенти Сума Чакрабарти ўзининг Твиттер саҳифасида Ўзбекистон Республикаси Президенти Шавкат Мирзиёевнинг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси этиб тайинланаётганини маълум қилди.

Аввалроқ Сума Чакрабарти Ўзбекистон Республикасининг «Дўстлик» ордени билан мукофотланган эди.


👉 @xushnudbek 👈

Тестлар қайта текшириладими?
#abituriyent

Кўпчилик шу саволни бермоқда.

ДТМ директори ўринбосарининг 3:42 минутдан бошланган гапларини эшитиб кўринг. Бу ерда мандатгача бўлган даврда натижалар ёпиқ режимда ишлаётган мутахассислар томонидан бошқатдан яна кўриб чиқилади, яъни таҳлил қилиниб, анализ қилиб чиқиладики, "биздан яна шундай хатолик ўтмадимикин" - шу нуқтаи назардан текшириб чиқилади, дейилган.

"Шундай хатолик ўтмадимикин" дейилганда натижаларни ҳисоблашда эмас, эълон қилишдаги хатолик назарда тутилган. Ўша техник хатоликни 1:02 дақиқадан бошлаб эшитсангиз бўлади.

❗️Хулоса: натижаларни текширишда эмас, эълон қилишдаги хатолик таҳлил қилиб чиқилади. Яъни тест натижаларини абитуриентларнинг шахсий кабинетига боғлаётганда хатолик кетмадимикин, деб анализ қилиб чиқилади. Аммо бу таҳлил қилиш дегани, барча 1 млн 240 мингта тест жавоб варақалари қайтадан сканер қилиб чиқилади, дегани эмас.


👉 @xushnudbek 👈

​​Yoshlar ishlari agentligi va Najot Ta'lim markazi hamkorlikda nogironligi bo'lgan yoshlar uchun grant e'lon qiladi

Yoshlar ishlari agentligi nogironligi bo'lgan yoshlarni qo'llab quvvatlash, ularni zamonaviy kasblar egallashiga ko'maklashish maqsadida Najot Ta'lim markazi bilan hamkorlikda Toshkent shahrida 100 nafar o'quvchi uchun grant e'lon qiladi.

• IT sohasiga qiziqasizmi?
• Zamonaviy kasblarni egallash orqali daromad olishni istaysizmi?
• Frilanserlik xizmatlarini ko‘rsatishning sir-asrorlaridan xabardor bo‘lishni-chi?

Endi qayg'urishga hojat yo'q!

Yoshlar ishlari agentligi hamda Najot ta’lim markazi nogironligi bo'lgan yoshlar uchun quyidagi:

• Veb dasturlash;

• Grafik dizayn;

• Moushn grafika;

• Digital marketing;

• Social media marketing yo‘nalishlaridan ta’lim olish uchun “Imkon" nomli grant loyihasini e’lon qiladi.

Loyihada IT sohasiga qiziqqan 15 yoshdan 30 yoshgacha bo‘lgan nogironligi bo'lgan yoshlar ishtirok etishi mumkin.

Dastlabki bosqichda umumiy 100 nafar, ya'ni har bir yo'nalishdan 20 nafardan o'quvchi qabul qilinib, sohaga oid kerakli ko'nikmalar o'rgatiladi. Darslar Najot Ta'lim jamoasi mutaxassislari tomonidan olib boriladi.

Loyihada ishtirok etish uchun murojaatlar 30-sentabrga qadar onlayn qabul qilinadi. Nomzodlar Yoshlar ishlari agentligi va Najot Ta'lim markazi xodimlari tomonidan suhbat asosida saralab olinadi.

Eslatib o'tamiz, Imkon loyihasi bo'yicha onlayn darslar avvaldan boshlangan bo'lib, ushbu grant Toshkent shahridagi nogironligi bo'lgan yoshlar uchun oflayn rejimda chuqurlashtirilgan holatda olib boriladi. Loyiha natijasiga ko'ra, keyingi bosqichlarda boshqa hududlarga ham tatbiq etilishi mumkin.

Loyiha to‘g‘risidagi tashkiliy jarayonlarni Yoshlar ishlar agentligi va Najot Ta'lim rasmiy sahifalari orqali kuzatib borishingiz mumkin.

Loyiha haqida: 🔎 Batafsil

📌 Ro'yxatdan o'tish uchun quyidagi havolaga kiring: https://bit.ly/2FgvTCV

👩🏻‍💻 Administratorga bog'lanish

📞 Telefon raqam: +998712001123

YouTube | Instagram | Facebook | Telegram