#ижтимоий_сўровнома

Фақат талабалар жавоб беришини илтимос қиламиз

Юртимиздаги барча ОТМларда кузги семестр якунланиб, якуний имтиҳонлар бўлиб ўтди (сессия).

Айтингчи, сессия жараёнида коррупцияга оид ҳолатларни қандай баҳолайсиз?

? - коррупцияга дуч келмадим, ҳолат жуда яхши
? - коррупция қисман бор, лекин аввалги йиллардан аҳвол анча яхшиланди
? - аҳвол ўша-ўша, коррупция авж олган

Янги қонун қабул қилинди

Шавкат Мирзиёев «Фуқароларнинг репродуктив саломатлигини сақлаш тўғрисида»ги Қонунни имзолади.

Қонунга биноан, фуқароларнинг репродуктив саломатлиги инсоннинг жисмоний, ақлий ва ижтимоий жиҳатдан соғломлиги ҳолати бўлиб, бу ҳолат унинг бола туғилишига қодирлигини белгилайдиган репродуктив тизими, ушбу тизимнинг функциялари, ҳаётий жараёнлари билан боғлиқ бўлади.

Шунингдек, қонунда соҳа бўйича давлат сиёсатининг асосий йўналишлари, давлат кафолатлари, тегишли органлар ваколатлари, фуқароларнинг репродуктив ҳуқуқлари белгиланган.

Фуқаролар қуйидаги ҳуқуқларга эга:

👉 хавфсиз ва самарали репродуктив технологиялардан фойдаланган ҳолда ўз фарзандларининг туғилиши хусусида мустақил равишда қарорлар қабул қилиш;

👉 ўзининг репродуктив саломатлиги тўғрисида ишончли ва тўлиқ ахборот олиш;

👉 туғилишни тартибга солишнинг хавфсиз усулларидан ва контрацепциядан фойдаланиш;

👉 тиббий-профилактика хизматларидан фойдаланиш ва соғлиққа хавф солувчи воситалардан, шу жумладан илмий тажрибалар қўлланилишидан ҳимояланиш;

👉 ўз репродуктив ҳуқуқларини амалга ошириш чоғида тиббий-ижтимоий, шунингдек психологик ёрдам ва ахборот олиш;

👉 ёрдамчи репродуктив технологиялардан фойдаланиш.

Юридик ва жисмоний шахслар фуқароларнинг ўз репродуктив ҳуқуқларини амалга ошириши билан боғлиқ ахборотни сир сақлаши шарт.

Қонунда ҳомиладорликни сунъий равишда тўхтатиш шартлари ҳам белгиланди, унга кўра:

- ҳомиладорликнинг 12 ҳафтагача бўлган муддатида, аёлнинг хоҳишига кўра;
- ҳомиладорнинг ҳаётига хавф солувчи тиббий кўрсатмалар мавжуд бўлганида ҳомиладорлик муддатидан қатъи назар амалга оширилади.

Қонун расмий эълон қилинган кундан эътиборан кучга киради.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Халқ таълими вазирлиги ахбороти

Ижтимоий тармоқларда Тошкент шаҳри, Юнусобод туманидаги 5-сонли умумий ўрта таълим мактабининг жисмоний тарбия кийим алмаштириш хонасида кузатув камералари ўрнатилгани ҳақида хабарлар тарқалган эди.

Халқ таълими вазирининг Назорат-ҳуқуқий хизмати 2019 йилнинг 7 март куни мазкур ҳолатни ўрганиб чиқиши натижасида 5-сонли умумий ўрта таълим мактаби спорт залининг ўғил ва қиз болалар кийим алмаштириш хоналарида кузатув камералари ўрнатилгани аниқланди.

Текширув натижасига кўра, кийим алмаштириш хоналаридаги камералар демонтаж этилди ва бу каби ҳолатларни олдини олиш борасида барча мактаб раҳбариятига тегишли кўрсатмалар берилди.

Халқ таълими вазирлиги
Ахборот хизмати​

Каналга уланиш: 👇
https://t.me/joinchat/AAAAAEe1KDC7Hm03UPVooQ

Бундан роппа-роса 4 йил муқаддам Шайх Муҳаммад Содиқ Муҳаммад Юсуф ҳазратлари боқий дунёга сафар қилган эдилар. Аллоҳ у зотни ўз раҳматига олган бўлсин.

Билмадиму, айниқса шу кунларда уларнинг ўрни жуда билиняпти...

Фото: Шайх ҳазратларининг жанозалари, 2015 йил 11 март, Муҳиддин Али.

⚡️РАСМАН: Зинедин Зидан яна «Реал» бош мураббийи бўлди

Шартнома муддати 2022 йил 30 июнга қадар мўлжалланган.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Президент Навоий вилоятига жўнаб кетди
www.president.uz/uz/2420
--
Президент отбыл в Навоийскую область
www.president.uz/ru/2420

Нега қонун лойиҳалари асосан рус тилида?

Тахминимча бунга қуйидагилар сабаб:

қонун ижодкорлари ўзбекчани билмайди;
ҳуқуқий ҳужжатлар рус тилидан кўчирилади (Россия қонунларидан ўғирланади);
адлия тизимида таржимонлар етишмайди;
барча даражадаги раҳбарлар ўзбекчани тушунмайди ёки билмайди;
лойиҳаларни ўзбеклар тушунмаслиги, гап нима ҳақида эканини билмаслиги керак;
аҳолининг кенг қатлами қонун лойиҳалари муҳокамаларида иштирок этмаслигидан манфаатдор кучлар бор.

Энг асосий сабаб эса раҳбарларда ва қонун ижодкорларида ўзбек тилига заррача ҳурмат йўқ.

PS: қонунлар қайси тилда ишлаб чиқилиши, муҳокамага қўйилиб, қабул қилинишидан қатъи назар уларни оддий халқ тушунадиган тилда изоҳлаш, шарҳлашга эҳтиёж бор.

Учта ОТМ танлаш тартиби қандай бўлади?

Кеча тўғридан-тўғри эфирга узатилган «Муносабат» ток-шоусида кириш имтиҳонларига оид айрим саволларга жавоб берилди.

Хусусан, ДТМ вакили 3 та йўналишни танлаш тартиби қандай бўлишига ойдинлик киритди.

«Масалан, абитуриент 1-йўналишга контрактга, 2-йўналишга грантга, 3-йўналишга контракга кирди, дейлик. Бундай вазиятда грантга кирган 2-йўналишни танласа бўладими», деган мазмунда савол берилди.

Ушбу саволнинг жавоби қуйидагича:

Абитуриентлар ҳужжат топшираётган пайтда, 3та йўналишни устувор кетма-кетликда белгилайди. Яъни биринчи, иккинчи ва учинчи йўналиш сифатида қайси ОТМларни танлаганини олдиндан белгилашади. Худди шу пайтгача ҳарбий имтиёзга абитуриентлар 2 та ОТМни танлагани каби.

Бундай вазиятда абитуриент устувор йўналишга кира олмаган тақдирдагина кейинги йўналишда омадини синаб кўриши мумкин. Агар хоҳ контракт, хоҳ грант бўлсин, устувор йўналишга тўплаган бали етса, унда кейинги йўналишлар учун танловда иштирок эта олмайди.

Ортиқча саволлар бўлмаслиги учун, мисол тариқасида тушунтираман.

Айтайлик, фарғоналик абитуриент тарих йўналиши бўйича қуйидаги кетма-кетликда ОТМларни танлади дейлик:

1-йўналиш: ЎзМУ
2-йўналиш: Шарқшунослик институти
3-йўналиш: ФарДУ

Абитуриент тест синовларидан 150 балл тўплади, дейлик. Бу балл ЎзМУга контракт, ТДШИ ва ФарДУга эса бюджетга етарли бўлса, унда абитуриент қайси бирини танлаши мумкин? Шарқшуносликнинг бюджетини танласа бўладими?

Йўқ, бўлмайди! Бундай вазиятда абитуриентда танлов имконияти йўқ, у устувор йўналиш сифатида 1-ўринда ЎзМУни белгилагани учун, шу ернинг контрактига кирган ҳисобланади, қолган 2 йўналиш инобатга олинмайди. Қачонки у ЎзМУга етарли балл тўплай олмасагина, кейин Шарқшунослик ҳисобланади. Агар абитуриент бали ЎзМУ ва Шарқшуносликка етарли бўлмасагина, кейин ФарДУ инобатга олинади.

Яъни устувор ОТМга кира олмасагина, балл кейингисига ўтади. Агар устувор ОТМга етарли балл тўпладими, тамом, у хоҳ бюджет, хоҳ контрактга кирган бўлсин, кейинги ОТМларга инобатга олинмайди, шу ерда тўхтайди.

Хуллас, калом абитуриентга танлов имконияти фақат ҳужжат топшириш вақтида берилади холос. Ўша пайтда у ОТМлар рўйхати ва уларнинг кетма-кетлигини тўғри танлаши керак, тест ўтгандан кейин унда танлов ва ўзгартириш имкони бўлмайди.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Касбий (ижодий) имтиҳон топширадиганлар учта йўналишни танлай олмайди

Юқоридаги постга қўшимча сифатида шуни айтиш керакки, учта йўналишни танлаш ҳуқуқи фақат тест синовлари топшириладиган ОТМлар учун амал қилади, холос.

Ҳозирча касбий (ижодий) имтиҳонлар ўтказиладиган йўналишлар учун бундай имконият йўқ.

Касбий (ижодий) имтиҳонлар ўтказиладиган йўналишлар 2 та тоифага бўлинади.

1-тоифа: алоҳида иқтидор талаб этиладиган таълим йўналишлари бўлиб, уларда умуман тест синовлари ўтказилмайди, фақат касбий (ижодий) имтиҳонлар бўлади. Бундай йўналишлар сони 17 та бўлиб, тўлиқ рўйхат мана бу ерда берилган.

2-тоифа: ҳам тест, ҳам касбий (ижодий) имтиҳонлар бўладиган йўналишлар. Бундай йўналишларнинг сони 23 та бўлиб, тўлиқ рўйхат мана бу ерда берилган.

Кечаги кўрсатувда айтилишича, юқоридаги иккала тоифага кирувчи барча йўналишлар учун бир нечта йўналишни танлаш имконияти берилмайди. Яъни журналистика ёки санъатшунослик йўналишига топширсангиз, унда қўшимчасига бошқа бирорта йўналишни (ОТМни) танлай олмайсиз.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Жорий йилда ҳужжатлар қабул қилиш тартиби қандай бўлади?

Кеча бўлиб ўтган «Муносабат» ток-шоусида бу бўйича ҳам изоҳ берилди.

Давлат хизматлари агентлиги бўлим бошлиғи Улуғбек Маҳмудов қабул жараёнларига оид қуйидаги маълумотларни маълум қилди:

👉 қабул жараёни вақтида давлат хизматлари марказлари 3 сменада, танаффусларсиз, туну кун 24 соат фаолият юритади ва абитуриентлардан ҳужжатларни қабул қилади;

👉 давлат хизматлари марказларида қуйидагилар учун ҳужжатлар қабул қилинМАЙди: магистратура, сиртқи таълим, хусусий ОТМлар ҳамда ҳарбий таълим муассасалари. Қолган ҳамма ОТМларга ҳужжатлар қабул қилинади;

👉 ҳужжат топшириш учун фақат паспорт ҳамда диплом (шаҳодатнома) бўлса кифоя. Жорий йилдан бошлаб тиббий маълумотнома (086-форма) ҳамда 3x4 расм топшириш шарт эмас!;

(бу ҳақида ўтган йили “Абитуриентлардан олинадиган миллиардлар кимларнинг чўнтагига тушмоқда?” деган мақола ҳам ёзган эдим)

👉 жорий йилдан бошлаб абитуриентлар паспорти ва дипломининг аслини фақат кўрсатади, рўйхатдан ўтиб бўлгач, ҳужжатларини ўзи билан қайтариб олиб кетади. Аввалги йилларга ўхшаб, ҳужжатларининг аслини қолдириб, ўқишга кира олмагач, архивлардан ҳужжатини қайтариб олиш учун сарсон бўлмайди;

👉 ҳужжатлар қабул қилиш 2 босқичда амалга оширилади:
1-босқич: аввалги йилларда “ўқишдан йиқилган” абитуриентларнинг ҳужжатлари 1 майдан 20 июнгача қабул қилинади;
2-босқич: тест йилида ўқишни тугатган битирувчилардан эса 21 июндан 10 июлгача ҳужжатлар қабул қилинади;

👉 навбатда туришни истамаган абитуриентлар ҳужжатларни онлайн тарзда Ягона портал орқали ҳам топшириши мумкин бўлади. Фақат қуйидаги тоифа абитуриентларгина онлайн ҳужжат топшира олмайди:
- алоҳида имтиёзга эга бўлган абитуриентлар (яъни турли мукофот соҳиблари, олимпиада ғолиблари ва ҳ.к.);
- фуқаролик паспорти бўлмаган шахслар (масалан, 16 ёшга тўлмаганлар);
- фуқаролиги бўлмаган шахслар.

👉 давлат хизматлари маркази орқали ҳужжат қабул қилиш харажатларини қоплаш учун абитуриентлардан ЭКИҲ 10% миқдорида тўлов ундирилади (бугунги кунда 20 минг 273 сўм). Бу тўлов ҳаммадан олинади ва бу тўловни олдинги ўқув йилида битирганлардан олиш таклиф этилаётган ЭКИҲ 1 баробари миқдоридаги тўлов билан адаштирмаслик керак. У бошқа мавзу.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Пропискага фақат ўз оиласи бўлмаган фарзандларни олиб кириш мумкинми?

#муштарийдан_савол

assalomu aleykum. Toshkentda propisjka haqida maqolangizni o'qib chiqdim. Shu masala bo'yicha savolim bor edi. Toshkentdan yangi qurilgan uyni Dadam nomlariga oldik. Oilada 5 qizmiz. Ikkita kotta opam turmushga chiqishgan. Olmazor Pasport stolida turmushga chiqqan farzandlarga propiska yoq deyishdi. Natijada faqat uchtamiz propiskaga kirdik. Ammo propiska ikkita opamga kerakroq. Ularni qanday qilib propiskaga kiritsa bo'ladi? Iltimos, javob bersangiz. Oldindan rahmat

ЖАВОБ: Кўпчилик инсонларнинг ҳуқуқий билими етарли эмаслиги, жудааа унақа катта фожиа эмас, лекин энг ёмони давлат хизматчиси бўлган ижрочиларнинг ўзи қонунни билмаса, бу - даҳшат! Чунки бундай вазиятда ҳуқуқини зўр биладиганлар ҳам курсида ўтирган амалдор қаршисида муаммога дуч келади. Камида ўзининг ҳақлигини исботлаш учун сарсон бўлади, ёзув-чизув қилиб умри кетади.

Бу билан нима демоқчиман? Юқоридаги вазиятда ҳам қонун-қоидаларни яхши билмаган ижрочилар фуқароларни сарсон қилмоқда.

Аслида қанақа бўлиши керак?

Ўз оиласи бўлмаган фарзандларини прописка қилиш қоидаси бу ерда нотўғри талқин қилинмоқда.
Эътибор бериш керакки, фақат ўз оиласига эга бўлмаган фарзандинигина пропискага олиб кириш мумкинлиги ҳақидаги қоида 5-бандга ҳамда 9 - 12-бандларга тааллуқли.

Яъни эри хотини орқали (ёки аксинча) доимий пропискага кирса, унда ўша 5-банд билан прописка олган эр ўзининг барча фарзандларини пропискага олиб киролМАЙди, фақат ўз оиласига эга бўлмаган фарзандларинигина 2-банд билан пропискага олиб кириши мумкин.

Худди шу қоида 9, 10, 11 ва 12-бандларга ҳам тааллуқли. Улар ҳам фақат ўз оиласи бўлмаган фарзандларини олиб кириши мумкин.

Лекин кўпчилик буни барча бандларга тааллуқли деб ўйлайди ва адашади.

Тошкентдан янги уй сотиб олган фуқаро 1-банд билан пропискага киради (ҳуқуқий асос: Низомнинг 7-банди).

Шундан сўнг, улар ўзининг тўғри шажара бўйича биринчи ва иккинчи даражадаги барча қариндошларини 2-банд билан пропискага олиб кириши мумкин (ҳуқуқий асос: Низомнинг 7-2-банди).

Яъни Тошкентдан янги уй сотиб олганлар ўзларининг барча фарзандларини, уларнинг ўз оиласи бор ёки йўқлигидан қатъи назар, 2-банд билан пропискага олиб кириши мумкин.

Масалан, 80 ёшга кирган отахоннинг номига Тошкентдан янги уй олишса, ўша отахон ўзининг барча фарзандларини (уларнинг ёши 60 да бўлса ҳам фарқи йўқ) ҳамда барча набираларини (уларнинг сони 30 нафардан кўп бўлса ҳам фарқи йўқ) 2-банд билан пропискага олиб кириш ҳуқуқига эга.

Агар паспорт стол “ғинг” деб рад жавобини берса, бемалол уларнинг устидан Ички ишлар вазирлигига шикоят қилишингиз мумкин.

Каналга уланиш: 👇
https://t.me/joinchat/AAAAAEe1KDC7Hm03UPVooQ

​​Жамшид Кенжаев иши. Айбланувчиларга ҳукм чиқарилди

Kun.uz хабар беришича, Жиноят ишлари бўйича Тошкент шаҳар судида спортчи Жамшид Кенжаевнинг тунги клубда ўлдирилиши билан боғлиқ воқеа юзасидан суд жараёни якунланди ва ҳукм чиқарилди.

Хусусан, Шодали Қиличов (1989 йилда Тошкент шаҳрида туғилган, Ўзбекистон фуқароси, муқаддам судланган) Жиноят кодексининг 97-моддаси (қасддан одам ўлдириш) 2-қисми «в», «ж» бандларида назарда тутилган жиноятни содир этганликда айбдор деб топилди ва 18 йилга озодликдан маҳрум этилди. У жазони қаттиқ тартибли колонияда ўташи белгилаб қўйилди.

Шунингдек, Саидазим Камолдинов (1994 йилда Фарғона вилоятида туғилган, Ўзбекистон фуқароси, муқаддам судланмаган), Алижон Ҳамраев (1982 йилда Самарқанд вилоятида туғилган, Ўзбекистон фуқароси, муқаддам судланган) ва Жаҳонгир Ёрқулов (1992 йилда Самарқанд вилоятида туғилган, Ўзбекистон фуқароси, муқаддам судланмаган) ЖК 277-моддаси (безорилик) 3-қисми «г» бандида назарда тутилган жиноятни содир этганликда айбдор деб топилди.

Юқоридаги уч нафар шахснинг ҳар бирига 5 йил озодликдан маҳрум қилиш жазоси тайинланиб, озодликдан маҳрум қилиш жазосини манзил-колонияда ўташ белгиланди.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Стипендиядан воз кечиб контрактни камроқ тўлаш тизими яратилиши мумкин

Норматив-ҳуқуқий ҳужжатлар лойиҳалари муҳокамаси порталида «2019/2020 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида»ги Президент қарори лойиҳаси муҳокама учун жойлаштирилди.

Лойиҳага кўра, 2019/2020 ўқув йилидан бошлаб:

👉 тўлов-контракт асосида талабаликка қабул қилинган барча босқич талабалари стипендиялардан воз кечиш ҳисобига йиллик олинадиган стипендия миқдорига мос равишда камайтирилган тўлов-котракт пулини тўлаш ҳуқуқига эга;

(худди шу тизим ҳақида ўтган йили таклиф бериб, таҳлилий мақола ёзган эдим. Ушбу таклифлар амалиётга жорий этилаётганидан хурсандман. Батафсил мана бу ерда)

👉 ОТМларнинг сиртқи ва кечки таълим бўлимларида ўқитиш тўлов-контракт асосида амалга оширилади ҳамда ўқитишнинг қиймати кундузги таълим шаклидан паст бўлганлигини инобатга олиб, тегишли бакалавриат таълим йўналиши бўйича кундузги ўқитиш шакли қийматидан кўп бўлмаган миқдорида белгиланади.

(худди шу масала бўйича ҳам каналимда пост қолдирган эдим. Лекин қарор лойиҳасида «кўп бўлмаган миқдорда» дейилибди, бугунги кунда шундоқ ҳам сиртқи ва кечки таълимнинг контракти кундузгидан қиммат эмас, айнан бир хил! Лекин бу адолатдан эмас. Кундузгидан анча кам қилиб белгилаш керак)

Қарор лойиҳаси билан батафсил қуйидаги манзил орқали танишишингиз ва ўз таклифларингизни билдиришингиз мумкин: https://regulation.gov.uz/uz/document/2771

Каналга уланиш: 👇
https://t.me/joinchat/AAAAAEe1KDC7Hm03UPVooQ

Стипендияни бекор қилиб контракт нархларини арзонлаштириш керакми?

http://kun.uz/12308989

Каналга уланиш: 👇
https://t.me/xushnudbek

Кучли зилзила бўлди. Жуда қаттиқ зириллади. Аллоҳ ўзи асрасин.

Эпицентр Қозоғистоннинг Кўктерак (Казминводы) посёлкаси. 4.7 балл.

Хоразмда «Одноклассники» орқали ҳокимга туҳмат қилган шахс 15 ойга озодликдан маҳрум этилди

Хоразмлик Қ.С. «Одноклассники» ижтимоий тармоғига «Адолат излаб», «Адолат қачон?» деган сарлавҳалар билан видео юклаган. Видеода Хонқа тумани ҳокими ДХХ ходимлари билан тил бириктириб, уни ва акаси Э.С.ни сохта айблов билан қаматиб юборгани, фермер хўжалиги ер майдонларини ноқонуний тортиб олиб, пора эвазига бошқа бир фуқарога бериб юборгани айтилган.

Видеода таъкидланишича, туман ҳокими 15—20 гектар ерни 5—10 минг доллардан сотиб юборган. «Қ.С. бу гаплари билан у туман ҳокимини жуда кўп миқдорда пора олганликда айблаб, шарманда қиладиган уйдирмалар тарқатиб, қасддан туҳмат қилган», — дея Дарё нашрига хабар берган жиноят ишлари бўйича Хонқа туман суди раиси Мақсудбек Қиличев.

Судьянинг бундай дейишга асоси бор — видеода келтирилган ҳолатлар тегишли тартибда ўрганилибди, боз устига Қ.С. айтган гаплари, келтирган фактларини далиллар билан исбот қилиб беролмабди. Унинг таъкидлашича, Қ.С. туман ҳокимига туҳмат қилганидан ташқари, фирибгарлик билан ҳам шуғулланиб, иккита одамнинг иш ҳақини бермай келган. «Қ.С. қилган туҳмати ва фирибгарлиги учун 1 йилу 3 ой муддатга озодликдан маҳрум қилинди», — дейди судья Қиличев.

P.S.: шаҳар бедарвоза эмас, ҳар бир айтилган сўзнинг жавоби бор. Афсуски ижтимоий тармоқларда одамлар ёки билиб, ёки билмай, ўзгалар ҳақида жуда кўп ёлғон ва туҳматлар тарқатишади, бемалол ҳақорат қилишади. Аслида бундай ҳолатларда мана шунақа суд орқали жавобгар қилиш амалиётини янада кенг қўллаш тарафдориман. Сўз эркинлиги, бу - исталган одамни ҳақорат қилиш, туҳмат ёғдириш мумкин дегани эмас.

Каналга уланиш: 👇
https://t.me/joinchat/AAAAAEe1KDC7Hm03UPVooQ

​​Наврўз байрами арафасида неча кун дам оламиз?

Айтиш жоизки, жорий йилда ўтган йилгига ўхшаб Наврўз байрамида 5 кун кетма-кет дам олиш деган нарса йўқ. Бу йил ҳафтасига 5 кун ишловчи ходимлар кетма-кет 4 кун дам олишади. Қуйида байрам арафасидаги дам олиш кунлари ҳақидаги маълумот билан танишишингиз мумкин.

Ҳафтасига 5 кун ишловчи ходимларга қуйидаги кунлар (4 кун кетма-кет) дам олиш куни ҳисобланади:

21 март – пайшанба (Наврўз байрами);
22 март – жума (қўшимча дам олиш куни);
23 март – шанба;
24 март – якшанба.

Ҳафтасига 6 кун ишловчи ходимларга қуйидаги кунлар дам олиш куни ҳисобланади:

21 март – пайшанба (Наврўз байрами);
22 март – жума (қўшимча дам олиш куни);
24 март – якшанба.

Изоҳ: ҳафтасига 6 кун ишловчи ходимлар 23 март (шанба) куни ишга чиқишлари лозим.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Халқаро меҳнат ташкилотининг Ўзбекистондаги бош техник маслаҳатчиси Йонас Аструп Тошкентнинг Амир Темур кўчасида велойўлакча ташкил қилинганини хурсандчилик билан ёзмоқда. Хорижликлар учун махсус велойўлакчаларсиз шаҳарлар мегаполис эмас, оддий қишлоқдай гап-да.

Каналга уланиш: 👇
https://t.me/joinchat/AAAAAEe1KDC7Hm03UPVooQ

​​«Ўткан кунлар» ва ўзбекистонлик ёш китобхонлар Гиннес рекордлар китобига кириши мумкин

Республика ёш ижодкорлар кенгашининг хабар беришича, 2019 йилнинг 10 апрель куни китоб мутолаасидаги энг кўп тингловчи аудиторияси бўйича ўрнатилган жаҳон рекордини янгилаш режалаштирилган.

10 апрель куни ўзбек романчилигининг асосчиси Абдулла Қодирий таваллудига 125 йил тўлади. Шу сабабли рекордни янгилаш учун айнан «Ўткан кунлар» асари танланган.

Тадбир Халқлар дўстлиги майдонида бўлиб ўтади. «Менинг китобхон юртим» лойиҳаси доирасида, шунингдек китоб сайли, арзонлаштирилган китоблар савдоси, «Ўткан кунлар» романи персонажлари акс эттирилган расмлар кўргазмаси, оммавий сўровнома ва машҳур санъаткорлар иштирокида гала-концерт ўтказилади. Лойиҳа харажатлари Ўзбекистон ёшлар иттифоқи томонидан қопланади.

Маълумот ўрнида: мазкур номинация бўйича жорий рекорд 2018 йилнинг 3 март куни Ҳиндистоннинг Махараштра штатида 6 минг 786 нафар китобхон иштирокида ўрнатилган. Ўзбекистонлик ёш китобхонлар 10 минг нафар иштирокчи билан ушбу рекордни янгилашмоқчи. Уларга омад тилаймиз!

Каналга уланиш: 👇
https://t.me/joinchat/AAAAAEe1KDC7Hm03UPVooQ

Европа чемпионлар лигасининг чорак финалига қуръа ташланди:

1. Аякс 🇳🇱 - Ювентус 🇮🇹
2. Тоттенхэм 🏴󠁧󠁢󠁥󠁮󠁧󠁿 - Манчестер Сити 🏴󠁧󠁢󠁥󠁮󠁧󠁿

3. Ливерпуль 🏴󠁧󠁢󠁥󠁮󠁧󠁿 - Порту 🇵🇹
4. Барселона 🇪🇸 - Манчестер Юнайтед 🏴󠁧󠁢󠁥󠁮󠁧󠁿

Ярим финалда 1 ва 2-жуфтлик ғолиби ўзаро, 3 ва 4-жуфтлик ғолиби ўзаро куч синашишади.

Каналга уланиш: 👇
https://t.me/joinchat/AAAAAEe1KDC7Hm03UPVooQ