Ўқитувчилик фаолиятим ҳақида (2-қисм)

4-10-методлар

👉 https://telegra.ph/Uqituvchi-2-09-30

Каналга уланиш: 👇
https://t.me/joinchat/AAAAAEe1KDC7Hm03UPVooQ

​​Дедилар: дунёда асли ким азиз?
Айтдилар: устоздир, устоз бегумон.
Тағин айтдиларки: азиз шубҳасиз
Устозин қадрига етолган инсон!

Нега шеър ёзмайин, юракдан ёниб,
Нега таъзим қилмай, Сизга бу маҳал.
Нега хизматингиз қилмай қувониб,
Эй азиз муаллим, устози аввал.

Сизнинг таълимингиз олмаган ким бор,
Сизки юракларда илк зиё ёққан.
Олимми, шоирми ёки санъаткор,
Илк бор сизга томон устоз деб боққан.

Устозлар ҳақида сўз кетар экан, энг аввало бир ибора ёдимга тушади. Қаердадир ўқиган эдим, устози йўқ инсоннинг устози шайтон бўларкан. Шу сабабли ҳам ҳаётимизда устозларимизнинг тутган ўрни ниҳоятда беқиёс.

Бугунги касб байрамлари билан юртимизда фаолият юритаётган барча устоз ва мураббийларни, шу жумладан, менга таълим берган, тарбия берган, ҳаёт сабоқларини ўргатган ва бугун ҳам ўргатаётган жондан азиз устозларимни чин қалбимдан табриклайман. Азиз устозларим, олдингизда бир умр қарздорман, Сизлар учун бошим ерга теккунча таъзимдаман!

Ўқитувчилик фаолиятим ҳақида (3-қисм)

11-18-методлар

👉 https://telegra.ph/Uqituvchi-3-10-01

Каналга уланиш: 👇
https://t.me/joinchat/AAAAAEe1KDC7Hm03UPVooQ

«Ўзбекистон» телеканалида бир гуруҳ «заковатчилар» жонли эфирда устозларни байрам билан табриклашди.

Шу ўринда 18 йилдан буён «Заковат»даги билимдонлар устози Абдурасул Абдуллаевни ҳам табриклаймиз.

Ўқитувчилик фаолиятим ҳақида (4-қисм)

19-24-методлар

👉 https://telegra.ph/Uqituvchi-4-10-01

Каналга уланиш: 👇
https://t.me/joinchat/AAAAAEe1KDC7Hm03UPVooQ

#UZBIND2018

Шавкат Мирзиёевнинг Ҳиндистонга давлат ташрифи якунида Раштрапати Бхаван қароргоҳида қабул маросими бўлиб ўтди.

#Диққат_танлов
Танловда иштирок этинг ва Малайзияга 2 кишилик саёҳат чиптасини ютиб олинг.

Каналга уланиш👇👇👇
https://t.me/huquqiyaxborot

​​Гарчи ўтиб кетган ва муҳокама қилинган мавзу бўлса ҳам, ушбу гапларни айтмасак, инсофдан бўлмайди.

Ёдингизда бўлса, янги ўқув йили бошланганидан салкам 1 ой ўтгандан кейин, олий таълим муассасалари талабаларининг (ҳозирча фақат 1-курсларга тааллуқли) билимини баҳолаш бўйича янги Низом расман эълон қилинди. Бунда 100 баллик тизимдан 5 баҳолик тизимга ўтилди.

Ушбу Низом нима учун ўқув йили бошланиб кетгач эълон қилинди, шуни вақтлироқ, токи ўқув йили бошлангунгача қилса бўлмасмиди, деган саволни ўртага ташлаган эдим.

Маълум бўлишича, мазкур низом Олий ва ўрта махсус таълим вазирининг 9 августдаги буйруғи билан тасдиқланган. Яъни ўқув йили бошланишадан салкам 1 ой олдин қабул қилинган.

Лекин амалдаги тартибга биноан, вазирликлар қабул қилган норматив-ҳуқуқий ҳужжатлар токи Адлия вазирлигидан рўйхатдан ўтиб, эълон қилинмагунигача расмий кучга эга ҳисобланмайди.

5 баҳолик тизим ҳақидаги Низомни давлат рўйхатига олиш учун нақ 48 кун вақт кетган!!!

Вазирлар Маҳкамасининг 1997 йил 9 октябрдаги 469-сон қарори билан тасдиқланган Низомга биноан, Адлия вазирлиги тақдим этилган меъёрий ҳужжатни олинган кундан бошлаб 30 кун ичида ҳуқуқий экспертизадан ўтказади.
Агар тақдим этилган ҳужжат, шу жумладан малакали мутахассисларни жалб этиш йўли билан қўшимча ўрганишни талаб этган ҳолларда, ҳужжатни кўриб чиқиш муддати 20 кунгача узайтирилиши мумкин.

Олий таълим вазирлигининг буйруғи Адлияга қачон етиб келгани менга қоронғу. Бир қарашда муддат ҳам бузилмаган, узайтиришлари билан ҳисоблаганда максимум 50 кун белгиланган экан. Ҳаммаси қонун доирасида, тўғрими?

Аммо шунчаки фикр сифатида айтмоқчиманки, бу каби тезроқ амалиётга жорий этиш керак бўлган ҳужжатларни имкон доирасида қисқароқ муддатда экспертизадан ўтказишга ҳаракат қилиш керак, менимча. Чунки ҳозирги ҳолатда ҳам ўқув йили бошлангунигача мазкур Низом эълон қилиниши кераклигини ҳар биримиз яхши тушуниб турибмиз, бундай ҳужжатни максимум муддатгача чўзиб, 48 кунда эмас, сал вақтлироқ ўтказишга ҳаракат қилинса, бемалол уддаласа бўладиган иш аслида.

“Адлияда иш кўп, ўрганиш кўп вақтни талаб қилади, ҳаммаси қонун доирасида, сенга гапиришга осон” деган эътирозлар бўлиши табиий. Лекин фикримни айтдим, қўйдимда. Эътиборга олинса хурсанд бўламиз, олинмаса — “зоримиз бору, зўримиз йўқ”. Бор гап шу...

Каналга уланиш: 👇
https://t.me/joinchat/AAAAAEe1KDC7Hm03UPVooQ

Нега сиртқи ва кечки таълим контрактлари бунча қиммат?

Кўпчилик талабалардан келган бир савол мени ҳам доим ўйлантириб келади.

Контрактлар нархининг баландлиги ҳақида гап кетганда, вазирликнинг берган расмий тушунтириши ёдимизга тушади. Унда айтилганидек, талабалар тўлайдиган контрактларнинг катта қисми, яъни 45-80 фоизи талабанинг ўзига стипендия тариқасида қайтарилади. Масалан, - дейди вазирлик, - талаба “аъло” баҳога ўзлаштирса жами 7,5 млн.сўм стипендия олади.

Яхши, тушундик.

Лекин бошқа савол: унда нима учун сиртқи ва кечки таълимда ўқийдиган талабаларга стипендия тўланмайдию, лекин барибир контракт нархи кундузгиники билан бир хил?

2004 йил 10 март куни тасдиқланган Олий таълим муассасалари талабаларига стипендиялар тайинлаш ва тўлаш тартиби тўғрисидаги йўриқномада стипендиялар фақат кундузги шаклда таҳсил олаётган талабаларга тўланиши белгиланган. Айтганча, мавзудан ташқари бўлса ҳам айтай, стипендия тўлаш ҳақидаги йўриқноманинг 14 йилдан буён фақат рус тилидаги матни мавжуд, ўзбек тилидагиси йўқ. Шунчаки шармандалик дейман, бунақа ҳолатларни. Майли, «revenons a nos moutons» (фр.), бошқача айтганда «қўй мавзусига қайтамиз».

Демак, сиртқи ва кечки таълимда ўқиётган талабаларга қоида бўйича стипедия тўланмаслиги ойдинлашди. Лекин контракт нархлари улар учун ҳам энг арзони 8 млн 293 минг сўм, энг қиммати 11 млн 58 минг сўм этиб белгиланган.

Нима учун кундузги шаклда таҳсил олаётганлар худди шунча тўлаб стипендия оладию, сиртқи ва кечки таълимдагилар олмайди? Қани мантиқ? Қани ижтимоий адолат?

Боз устига сиртқи таълимдагилар доим ҳам ўқишга келишмайди, яъни уларга камроқ харажат ҳам кетади. Аммо контракти отни калласидай.

Биз ушбу жумбоқли масалага Олий ва ўрта махсус таълим вазирлигидан яна бир марта асослантирилган изоҳ кутиб қоламиз.

Ҳозирча бор гап шу. Бизнинг вазифамиз ҳолатни халққа етказиш холос. Қолгани расмийларнинг иши. Кунингиз хайрли ўтсин.

Каналга уланиш: 👇
https://t.me/joinchat/AAAAAEe1KDC7Hm03UPVooQ

​#Қонунчиликдаги_янгиликлар
Ўзбекистон Республикаси Давлат хавфсизлик хизмати кунини белгилаш тўғрисидаги Қонун Президент томонидан имзоланди.

Қонунга мувофиқ, 5 апрель Давлат хавфсизлик хизмати куни этиб белгиланди.

Эслатиб ўтамиз, мазкур Қонун Олий Мажлис Қонунчилик палатаси томонидан 2018 йил 6 сентябрда қабул қилинган ҳамда Сенат томонидан 2018 йил 27 сентябрда маъқулланган эди.

Каналга уланиш 👇👇👇
https://t.me/huquqiyaxborot

Шу кунларда барча ОТМларда Президент стипендияси ва бошқа номли давлат стипендиялари (Беруний, Ибн Сино, Навоий, Улуғбек, Имом ал-Бухорий) учун дастлабки саралаш босқичлари бўлиб ўтмоқда.

#ижтимоий_сўровнома

Сизнингча, бундай стипендиялар бериш жараёнлари адолатли ва шаффоф ўтадими?

👍 - нисбатан адолатли ўтади
👎 - адолатсизликлар бўлиб туради
💵 - коррупция ва таниш-билишчилик уяси

​​Талабалар учун Президент стипендияси ва бошқа номли давлат стипендиялари (Беруний, Ибн Сино, Навоий, Улуғбек, Имом ал-Бухорий) бериш тартиби ҳақидаги сўровномамизда жами 1222 киши қатнашди.

Шундан 948 киши, яъни 77,6% овоз қатнашувчилар "коррупция ва таниш-билишчилик уяси" дея баҳолашди.

193 киши, яъни 15,8% овоз берувчилар "адолатсизликлар бўлиб туради" деган фикрда.

Атиги 81 киши, яъни 6,6% респондентлар "нисбатан адолатли ўтишига" ишонишади.

Сўровнома жуда аянчли натижани кўрсатди, умумий ҳисобда 93,4% инсонлар стипендиялар бериш жараёни адолатли ўтмайди, деган фикрда.

Ва мен ҳам улар сафида борман. Ҳақиқатдан ҳам стипендиялар бериш тизимини тубдан қайта кўриб чиқиш керак, кескин ўзгартириш лозим. Ўтган йили билвосита мана шу тизимга алоқам бўлди ва кўрдимки, шу даражада майнавозчиликлар кўп бўлар эканки, асти қўяверасиз. Бундай майнавозчиликлар ОТМларнинг ўзида ректорларнинг "раҳнамо"лигида бошланиб, вазирликка уланиб кетади. Қўлимда бир дунё далиллар ҳам тўпланиб қолди.

Ҳаммасига имтиёзлар сабабчи. Магистратурага имтиҳонсиз бюджетга кириш имтиёзи айрим инсонларни ҳар қандай кўзбўямачилик қилишга ундайди, масъулларни эса виждонини унутишига шароит яратади.

Хуллас, таълим тизимидаги катта коррупция ва таниш-билишчиликлардан бири бўлган бу тизимнинг ислоҳотига ҳам тез орада навбат келишига умид қилиб қоламиз.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Архивдан, июль ойида эълон қилинган пост 👆

Шу кеча-кундузда талабалар учун Президент стипендияси ва бошқа номли давлат стипендиялар ғолиблари номи эълон қилинди. Афсуски, кўп нарса ўзгармаганга ўхшайди. Чунки шикоят ва норозиликлар аввалги йиллардагидек, кўп янграмоқда. Ҳа, тўғри, йиқилган курашга тўймайди, мағлуб бўлганлар аксарият ҳолатда норози бўлишига кўникиб қолганмиз. Аммо уларнинг норозилиги асосли бўлсачи? Қўлида барча тегишли ҳужжатлари бўлсачи? Шунда ҳам уларни аламидан ёзаётганга чиқарамизми?

Имконини топиб, ана шундай шикоятлардан айрим намуналарни эълон қилишга ҳаракат қиламан.

Билмадим, билмадим... Бу тизим қачон "одам" бўларкин-а?! Ишонаман, оз қолди... Жуда оз қолди... Узун ташланган арқон барибир бир кунмас бир кун, албатта тортилади.

Каналга уланиш: 👇
https://t.me/joinchat/AAAAAEe1KDC7Hm03UPVooQ

#муштарийлардан_хабарлар

Талабалар учун Президент стипендияси ва бошқа номли давлат стипендиялар ҳақида муштарийлардан келган хабарларни айрим жузъий ўзгаришлар билан эълон қиламан. Алоҳида таъкидламоқчиманки, хулоса қилиш менинг ваколатимга кирмайди, хулоса ўзингиздан. Шу сабабли атайин исмлар, жойлар, номларни эълон қилмайман. Агар хабарлардаги гаплар асоссиз бўлса, унда вазирлик бу бўйича расмий муносабат билдириши мумкин.

1️⃣ Salom aka, XXXXX magistraturasida o’qiydigan tanish opam prezident stipendiyasini oldila. Juda adolatli õtdi!!! U opa ham juda xursand. Boshqa joylani bilmadimu bulada haqqoniy otdi. Aniqlik uchun kanalzida yozingchi kimmidir tanishi olgan bolsa yoki ololmagan bolsa sababini aytadi shundan bilsak boladi umumiyni. Manmcha guruhdagi sorovlar avvalgi yillardagi nohaqliklarni korsatadi. Bu yil balki haqqoniy otgan bolsa buni yoritsangiz yaxshi bõlar edi!

2️⃣ Xabaringiz bor 25-27-sentabr kunlari Oliy ta'lim vazirligida Prezident stipendiyasiga nomzodlarning yakuniy test sinovlari hamda suhbati bo'lib o'tdi.

Men ham barcha chig'iriqlardan o'tib prezident stipendiyasiga universitetdan yagona nomzod sifatida tavsiya etildim. Vazirlikka hujjatlarim o'tdi. Yakuniy ilmiy ishlar ro'yxatini ham yuboraman sizga. Keyingi faylda erishilgan yutuqlarni yuboryapman. Ular hali to'liq yozilmagan. Chunki iyul-avgustning 15-sigacha bo'lgan oraliqdagi sertifikatlarni yozmadim.

25-sentabr kuni DTM tomonidan test sinovi o’tkazildi. Rasmda ko'rib turganingizdek, nomzodlarning real natijasi ertasi kuniyoq e’lon qilindi. Test haqqoniy, kamera nazorati ostida o'tkazildi. Test natijalari bo’yicha 70 ball bilan 1-o’rinda turibman, eng yaqin ta’qibchim bo’lgan 2-o’rindagi nomzod 49 ball olgan. Qolganlar undan ham past natija ko’rsatishgan. Hatto 55% ni to’play olishmagan.

Meni qiynayotgan narsa shuki, shuncha yutuq, shuncha maqola, shuncha diplom va sertifikatlar, mandatda qo'lga kiritilgan yuqori ball. Boshqa nomzodlardan 21 ballik tafovut qanday qilib meni prezident stipendiyasidan bebahra qolishimga sabab bo'ldi? Boshqacha aytganda qanday qilib shunday ustunlikni chetlab o'tib komissiya a'zolari maxfiy ovoz berish yo'li bilan ushbu ustunlikni yo'qqa chiqarishdi?

27-sentabr kuni ertalab Oliy ta'lim vazirligining katta majlislar zalida imtixondan o'tgan, hujjatlari ekspertlar hay'atidan o'tgan nomzodlarning 3 nafari suhbatga kirishi aniq bo'ldi.

Yo'nalishim bo'yicha birinchi ismi sharifim jarangladi. Chunki eng yuqori balni to'plashga muvaffaq bo'lganman. Ammo negadir suhbatda hammamizga bir xil ilmiy ishimiz mohiyatini so'zlash hamda xuddi shuni ingliz tilida so'zlab berish vazifasi yuklandi.

Qiziq tomoni, g’olib bo’lgan nomzodga komissiyadagi ustozlardan biri ingliz tilida “Where have you published your articles?” deb savol berdi. U hatto tushunmadi. Ustozni yonidagi komissiya a'zosi “Qayerda maqola chiqargansiz?” deb so'rayapdilar ustoz”, - dedi (o'zbek tilida). Keyin tutilib-tutilib Amerika, Malta, keyin yana bir davlatni aytdi.

Uning bu javobidan unda 3 tagina xalqaro maqolasi borligi ma'lum bo'ldi. Vaholanki, aka, imiy ishlar ro'yxatimga qarasangiz, menda 10 ta xalqaro maqola (faqatgina magistratura kesimida, bakalavrimmi qo'shsa, qariyb 17 ta) bor. Ulardan biri AQShning Filodelfiya shtatida chop etilgan, Impact Factori 4.92 sertifikati ham bor. Bilimimiz teng baholangan taqdirda ham, nimaning asosiga ilmiy ishlar bo'yicha natijalar o'rtasidagi tafovutni ham ular yo'qqa chiqarishdi? Vaholanki umumiy bilimlarimizni sinash uchun savollar bermadi.

Agar suhbatda yoki imtixonda aqalli hujjat bo'yicha ham kamchiligimni aytib, “seni mana bu jihating shu g’olibdan ustun emas, mana shu, mana shu qobiliyatlari tufayli uni g'olib deb topdik” deganlarida tan berardim. Erkak kishimiz mag'lub bo'lishni ham erkaklarcha qabul qilamiz. Hech qanday asossiz, “anonim ovoz beriladi, uka, bu taqdir” degan javobni eshitish umidida hujjat topshirganim yo'q, Xushnud aka...

Каналга уланиш: 👇
https://t.me/joinchat/AAAAAEe1KDC7Hm03UPVooQ

​​Сурхондарё вилояти ҳокими Баҳодир Пўлатов интервью берибди:

Интервьюнинг айрим жиҳатлари:

Сурхондарё юртимизнинг бошқа ҳудудларида учрамайдиган бир қатор ўзига хосликларга эга. Энг муҳимидан бошлай, вилоят аҳли мард ва танти. Гапини очиқ, истилоҳасиз айта олади. Қадрлаганни қадрлайдиган эл. Самимиятни яхши кўради.

Сурхон элининг чинакам меҳрини қозонган собиқ вилоят ҳокими Эркинжон Турдимов билан кечган суҳбатимизда у киши шундай деганди: “Воҳадаги катта ишларнинг замирида, аввало, шу ердаги фидойи, ватанпарвар, меҳнаткаш инсонларнинг заҳматли фаолияти мужассам”. (Собиқ ҳоким янги ҳоким томонидан қораланмаган камдан-кам ҳолатлардан бири).

Сурхон адабий муҳити ҳақида: Эл биринчи навбатда, ўзининг улуғ фарзандларини ҳурматлашни билиши керак. Бойсунда Ўзбекистон халқ ёзувчиси Шукур Холмирзаев, Шерободда академик рассом Рўзи Чориев, Олтинсойда эса Ўзбекистон халқ ёзувчиси Тоғай Мурод уй-музейларини ва хотира боғларини барпо этишни мақсад қилганмиз.

Афғон бозори учун иштиёқ катта:

Термиздаги “Карго” логистика маркази ҳудудида эркин иқтисодий зона барпо этиш ниятимиз бор.

Россиялик ишбилармонлар ҳамкорлигида Бойсун туманида лойиҳа қиймати 5 миллиард доллардан ортиқ бўлган, йилига 4 миллиард куб метр газни қайта ишлаш, 289 минг тонна полипропилен, 211 минг тонна полиэтилен ва 293 минг тонна олтингугурт ишлаб чиқариш қувватига эга газ-кимё мажмуасини қуриш ишлари олиб бориляпти.

Ҳокимдан иқтибос:

Хожа Самандар Термизийнинг “Дастур ул-мулук” асарида келтирган бир ҳикмат уч асрдан бери исботини топиб келяпти: “Агар паст, хасис, бойликка, пул, мол-дунёга ўч одамларга мансаб супасидан жой бериш кўпайса, давлат тушкунликка юз тутади, яъни ўз қувватини йўқота бошлайди. Бинобарин, ақлли одамлар айтадиларки, давлатнинг ҳалокати, емирилиши паст, очкўз кишиларнинг мансаб шоҳсупасига кўтарилишидан бошланади”.

#Муштарийлардан_хабарлар

3️⃣ Assalomu aleykum, Xushnudbek!

Prezident stipendiyasi haqida kanalingizda yozilgan xabarlarni o'qib, men ham o'z fikrimni yozishga qaror qildim. Men XXXXXXX yo'nalishi bo'yicha magistratura talabalari orasidan bu yil prezident stipendiyasi sohibasiga aylandim. Ochig'i bu oson bo'lmadi. Yozda va ayniqsa sentabr oyida tunlari uxlamay O'zbekiston tarixi kitoblarini o'qib, mavzulashtirilgan testlarni ishlab, yodlab chiqdim. Ba'zan menga kerakmi shu uyqusizlik, shuncha azob deb yuborgan paytlarim ham bo'ldi. Ammo menga stipendiya kerak edi. Oilamga moddiy yordam ko'rsatish uchun ham kerak edi. Shuning uchun barcha qiyinchiliklarga ko'nikdim. Testlar haqiqatan adolatli o'tdi. Suhbatdan keyin to javob chiqquncha mening ham hayolimga "agar adolatli bo'lmasachi? Agar testimga qaramay, suhbat yoki papkamda raqiblarimdan biror kamchiligim bo'lsachi" degan fikrlar o'tdi. Chunki bir raqibim Zulfiya mukofoti sohibasi bo'lgan ekan. Ammo so'nggi natijalar e'lon qilinganida, g'olib ekanimni eshitib, ko'zlarimga yosh keldi. Haqiqatga ishonchim ortdi. Meni yaxshi bilmaydigan odamlar "qancha pul berdingiz? Tanka surdizmi?" degan gaplarni aytishdi ham. Odamlar!!! Agar pulim va tankam bo'lganida shuncha qiynalib, hamma narsadan kechib imtihonga tayyorlanishni menga nima keragi bor edi?! dedim ba'zilariga.

So'nggi so'z o'rnida, boshqa yo'nalishlarni bilmadim, ammo bizni yo'nalishda haqiqat qaror topdi. Testdan eng yuqori ballni men olgan edim, suhbatga tanlangan nomzodlarning ro'yhatida ham men birinchi edim. G'alaba ham menga nasib qildi. Prezident stipendiyasining testi va suhbati to'la haqqoniy va adolatli bo'ldi. Ilovada sizga DTM natijalarini yuboraman.
Davlatimizga rahmat, shunday oliy stipendiyani rostan ham mehnat qilgan, testdan eng yuqori ball olgan va suhbattan yaxshi o'tgan talabalarga berishdi.

4️⃣ Bugun Prezident stipendiyasi imtihoni bo’ldi. XXXXXXX viloyatilik talabaga berishdi. Lekin nohaqlik qilishdi. Agar xo’p desangiz, hammasini yozaman, fakt va isboti bilan.

1-dan natijalarimni kamaytirib yozib kiritishgan ovoz berishga: ya’ni 2 ta oltin medalim va 1 ta bronza medalim hamda “O’zbekiston belgisi” ko’krak nishonimni yozishmagan. Diplom va sertifikatlarimni ham kamaytirib yozishgan. Shu holida ham ulardan natijalarim zo’r ekan ko’rishingiz mumkin (rasmga qarang).

Undan tashqari 1-bosqichida test bo’ldi, testda ham eng ko’p ball bilan 1-o’rinda edim. Lekin yashirin ovoz berishdan keyin boshqaga berib yuborishdi.

Norozilik tomonim, 1-dan yutuqlarimni kamaytirib yozib, ovoz berishga kiritishgani, 2-dan shu turishda ham yutuqlarim, testdagi ballarim ularnikidan ko’p bo’lishiga qaramay yashirin ovoz berishda negadir kam ovoz berishgani. Huquqiy tomondan nima qilishimga maslahat bera olasiz? Iltimos maslahatingizni ayamang.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Ўзбекистон Республикаси Президенти матбуот котиби — Президент админстрацияси раҳбари ўринбосари Комил Алламжонов ўз лавозимидан озод қилинди. Ҳозирча қолган тафсилотлар маълум эмас.

Манба: Gazeta.uz

Каналга уланиш: 👇
https://t.me/joinchat/AAAAAEe1KDC7Hm03UPVooQ

#Муштарийдан_мактуб

Кечаги 5 баҳолик тизим тўғрисидаги Низомни давлат рўйхатидан ўтказиш жараёни ҳақида ёзган постим бўйича келиб тушган хат:

«Ассалом алайкум. Хушнудбек ака, ҳозир телеграмдаги каналингизда эълон қилинган хабарни ўқиб, кўпчиликни хабари бўлмаган баъзи ҳолатлар ҳақида маълумот бермоқчи эдим.

Айтиб қўйишим керак, мен бир неча йил олдин Адлия вазирлигида қуйи лавозимлардан бирида (энг қуйисида) ишлаганман ва айни пайтда мазкур вазирликда ишламаяпман.

Одатда муайян ҳужжатни ҳуқуқий экспертизадан ўтказиш ва давлат рўйхатини кечикиши шу ҳужжатни ишлаб чиққан вазирлик, давлат қўмитаси ва бошқа идора йўл қўйган камчиликлар сабаб бўлади. Мисол учун, агар ҳужжатнинг биринчи бетида, яъни тегишли ташкилотнинг раҳбари имзо қўйган бетида имловий ёки бошқа ҳар қандай хато қилинган бўлса, бундай хатони ишчи тартибда тўғрилаб бўлмайди. Шунга кўра, ҳужжат 2565-сон билан рўйхатдан ўтказилган адлия вазирининг буйруғига асосан давлат рўйхатидан ўтказиш рад этилиши учун асос бўлиши мумкин.

Лекин агар бу ҳолатда ҳужжат рад этилса, Олий ва ўрта махсус таълим вазирининг тегишли буйруғи 10 кун ичида бекор қилиниши керак ва Адлия вазирлигига қайта киритилиши керак. Буни аниқ жараёни бундан ҳам мураккаброқ. Рад қилиш ҳақидаги хат ишлаб чиқилади, унда буйруқдаги барча камчиликлар айтиб ўтилади, олий таълимга юборилади. Олий таълимдаги ижрочига бу ҳужжат камида 4-5 кунда етиб боради. Аввалги ижрочи хатоси учун ҳайфсан олади (одатда шунақа). Ҳужжатни ишлаб чиққан ташкилот айтилган камчиликларини инобатга олиб, тахминан 10 кунда (бу ҳам аниқ муддат эмас) қайта ишлаб чиқади, кейин у яна қайта Адлия вазирлигига юборилади. Бу ҳужжат Адлия вазирлигининг ижрочисига етиб борганча яна бир неча кун ўтади.

Муаммо биринчи бетда бўлмаслиги ҳам мумкин. Одатда ҳужжатда кўп камчиликлар кузатилар эди. Очиғи ҳайрон қолар эдим, бир неча йиллик тажрибага эга бўлган мутахассислар шунчалик кўп хато қилишига. Камига юристларнинг хулосаси ҳам бор.

Тахминан 5-6 бетлик ҳужжатлар тўлиқ ишлаб чиқилиб, давлат рўйхатидан ўтказиб, эълон қилгунгача биз ўйлаганимиздан анча кўп вақт кетиб қолади. Хуллас, ҳужжатлар айланиши тартиби, ижро интизоми каби ҳолатларда кўп камчиликлар бор назаримда. Оддийгина, тегишли ҳужжат бир ташкилот ижрочисидан иккинчи ташкилот ижрочисига етиб боргунча тахминан 5 иш куни (бир ҳафта) йўқотилади.

Бундан ташқари, айнан қонунчилик бошқармасидаги ходимлар соат 11-12 гача ишлайди (дам олиш кунларисиз). Чунки ҳафтада тахминан 15-20 та идоравий норматив ҳужжат, бир нечта фуқаро мурожаатлари қабул қилинади ва янги қабул қилинган юқори турувчи органларнинг қарорлари идоравий норматив-ҳуқуқий ҳужжатлар уларга мувофиқлаштирилиши учун юборилади. Лекин бу ҳам бошқармадаги иш ҳажмининг ҳаммаси эмас.

Хуллас, айтмоқчи бўлганим уларга ҳам осон тутмаслик керак, назаримда. Чунки улар шу ишни деб шахсий ҳаётидан деярли бутунлай воз кечган.

Мақсадим Адлия вазирлигини мақташ эмас. Ҳозир у ерда ишламайман, ўзим хоҳлаб кетганман бир пайтлар. Лекин, мисол учун, мен шунчалик ишласам-у, кимдир жисмоний имкониятим доирасида бўлмаган ҳолат учун мени танқид қилса алам қилган бўларди. Яна билмадим. 30 кунлик ижро муддати берилар эди ва бошқарма бошлиғи муддат ўтказмаслигига, қўшимча муддат олинмаслигига қаттиқ ҳаракат қиларди.

Хуллас, Адлияда иш кўп, ўрганиш кўп вақтни олади, сизга айтишга осон 😄Бу албатта ҳазил»

P.S.: Танганинг икки томони бор, масалага ҳар томондан холисона назар ташлашга ҳаракат қилиш керак. Шунга кўра ушбу хатни эълон қилишни маъқул деб билдим.

Айбдорни топиш – вазифам эмас. Айбдорни топгандан фойда ҳам йўқ, деб ўйлайман, бу билан муаммо ҳал бўлмайди. Бирор масалани кўтариб чиқар эканман, ҳеч қачон айни кимнидир ҳақ, кимнидир ноҳақ сифатида кўрсатиш мақсадини кўзламайман. Мақсадим мутлақо бошқа. Келгусида шу ҳолатлар такрорланмаслиги, агар ҳақиқатда муаммо борлиги рост бўлса, унда келажакда тизимни ўзгартиришга туртки беришни олий мақсадим деб ҳисоблайман. Ҳар ҳолда одамларни ўзгартиришдан, тизимни ўзгартириш осонроқ ва самаралироқ.

Каналга уланиш: 👇
https://t.me/joinchat/AAAAAEe1KDC7Hm03UPVooQ

Ноҳақ бўшатилган мактаб директори ўз лавозимига тикланди

Тошкент шаҳри Миробод туманида жойлашган 31-сонли умумтаълим мактаби директори лавозимидан ноҳақ ишдан бўшатилган Нурия Семмари лавозимига тикланди.

2018 йилнинг август ойи сўнгида Халқ таълими вазирлигининг “Устоз овози” виртуал инспектор тизимининг телеграмм ботига ушбу мактаб битирувчилари, ҳозирда Россияда ва Жанубий Кореяда истиқомат қилувчи Гусейн Наджафов ва Оксана Кимлар мурожаат қилдилар.

Улар ўз мурожаатларида тажрибали, ўз ишининг устаси ва маҳоратли педагог, 31-сонли умумтаълим мактаби директори Нурия Семмари эгаллаб турган лавозимидан ноҳақ ишдан олингани ва Халқ таълими вазирлигидан ушбу ҳолатни атрофлича ўрганиб чиқишни сўраган эдилар.

Халқ таълими вазирлигининг Назорат-ҳуқуқий хизмати ходимлари ушбу мурожаатларни ўрганиб чиқдилар ва Нурия Семмари 31-сонли умумтаълим мактаби директори лавозимидан ноҳақ бўшатилгани аниқланди.

Шундан сўнг эса, Нурия Семмари директорлик фаолияти давомида самарали ишлагани ва юқори натижаларга эришганини инобатга олган ҳолда вазифасига қайтарилди.

ХТВ Ахборот хизмати

Каналга уланиш: 👇
https://t.me/joinchat/AAAAAEe1KDC7Hm03UPVooQ