.
.
.
በነገራችን ላይ እስራኤል ታሪክ እያጣቀሰች መሬቱ የኔ ነው የምትለው ነገር ሲጀመር ማረጋገጫ የለውም !! ለዛም ነው የማታምንበትን መፅሃፍ ቅዱስ ከተረቷ ጋር እየቀላቀለች ለማደናገር የምትሞክረው ! ሲቀጥል አሁን ባለው ዘመናዊ አለም ድሮ ከሽህ ምናምን ዓመት በፊት ዘር ማንዘሮቼ ኑረውበታልና መሬቱ የኔ ነው የሚል ጥያቄ ….ዋጋ ቢስ ነው። የአሁኗ ስፔን ለስምንት ክፍለ ዘመናት የአረቦች ምድር ነበረች። አ

ሁን ግን አይደለችም። እንደ እስራኤል አካሄድ ከሆነ ስፔን ለአረቦች ትመለሳ ! አሜሪካም መሬቷ የቀይ ህንዶች ነበር ትመልስ ! በታሪክም በማስረጃም የከሰሩ አይሁዶች ለግፋቸው ብቸኛው ምክንያት ህሊና ቢስ ጉልበተኝነታቸው ብቻ ነው። ምድሩ የፍልስጤማዊያን ነው !! አበቃ !!
.
.
.
አሜሪካ፣ፈረንሳይ፣ሩሲያ የፍልስጤሞችን ከመሬታቸው መፈናቀል ደግፈው ለአይሁዶች መሳሪያ ስንቅ ሲያቀብሉ የኖሩ አገራት ናቸው ! ኢስራኤል የኒውክሌር መሳሪያ ባለቤት እንድትሆንም ሲሯሯጡ ጎን ለጎን ፍልስጤምን የሚደግፉ የአረብ አገራትን ሲያዳክሙ ኑረዋል። አሁን የዓለም የሀይል ሚዛን ወደሩቅ ምስራቅ ሲያዘነብል ሰላም ሰላም እያሉ ቢጮኹ የኢራን የኒውክሌር መሳሪያ ባለቤትነት ቢያስጨንቃቸው አይገርምም። ፍትህ እዚህ ምድር ላይ የሚሰፍነው የፍልስጤማዊያን በግፍ የተነጠቀ መሬት ሲመለስ ብቻ ነው። በዘመናት ሁሉ ይሄን እውነት ያነሱ ታላላቅ ሙሁራን ነበሩ። ሰሚ አላገኙም። ትላንት የመጣ የሃማስ ሮኬት የአይሁዶቹ የግፍና በደል መነሻ አድርጎ ማየት ተገቢ አይደለም። የስግብግቦቹ ምዕራባዊያን ተፈጥሯዊ ክፋታቸው እና ስግብግብነታቸው ነው የአካባቢው ውጥንቅጥ መነሻ። አሁንም ፍልስጤማዊያን የተነጠቀባቸውን መሬት ለማስመለስ ውሸታሙ አለም ያዞረባቸውን ፊት ሳይሆን ፍትህ ፍለጋ በሽብር እና ጦርነት የሚያምኑ ህዝቦች መሆናቸው አይገርምም። መሬቱ የፍልስጤም ነው። እስራኤል ነጣቂ ናት። የትኛውም ስልጣኔ የትኛውም ሃብት እውነትን የመደበቅ ሃይል የለውም። ዛሬ አይሁዶች ከዓለም ላይ ተሰባስበው ሃያል እንደሆኑ ነገ ፍልስጤሞች በግፍ ከተሰደዱበት መላው አለም ተሰባስበው ሃያል የማይሆኑበት ምክንያት የለም። የአሜሪካ የኢኮኖሚ ክንድ ሲሟሽሽ እስራኤል ከዘራውን እንደነጠቁት ሽማግሌ ራሷን ችላ የማትቆም ሽማግሌ መሆኗ አይቀሬ ነው። …….. ያኔ መላው አለም ‹‹ የፍልስጤም ጠባቂ አይተኛም አያንቀላፋም ›› ይላል ….የፈጣሪ የማይዛነፍ ባህሪ ከሃያላን ጎን መቆም ሳይሆን ከእውነት ጎን መቆም ነው። ዛሬ በርካታ አገራት ፍልስጤም ላይ የሆነውን ጆሮ ጭው የሚያደርግ ግፍና ፍትህ ማጣት ለማድመጥ ፍላጎት እያሳዩ ነው። እስራኤል ይህ ነገር አሟታል።በመላው አለም ተፅእኖ ፈጣሪ ፍልስጤማዊያን ብቅ እያሉ ነው። እመኑኝ የወሰደውን ጊዜ ይውሰድ እንጅ ኢስራኤል አታሸንፍም። እውነት የላትምና። የሰው ደም የሰው ሃብት በእጇ አለና እስራኤል የቱንም ያህል ብትገን እነዚህን የተገፉ ህዝቦች የማሸነፍ የሞራል ብቃቷ ይሟሽሻል። የእስራኤል ጠባቂ …. ዘራፊና አጥፊ ይጠብቅ ዘንድ ከበደለኞች ጎን ፈፅሞ አይቆምም። እናም የተበደሉ ፍልስጤማዊያንን ይጠብቅ ዘንድ የተነጠቀ ሃብታቸውን ያስመልስ ዘንድ የበቀል አምላክ ፍልስጤምን ይጠብቃል። እስራኤል ደግሞ በአመፀኛ ጉልበቷ ለመጠበቅ ትጣጣራለች!!!!

ብቸኝነት በተሰማህ ሰዓት አንድ ነገር አስተውል !አላህ ሁሉን ሰው ከአጠገብህ አርቆ ለአንተ እና ለሱ ጊዜ መስጠቱ ነውና ያችን ሰዓት ለዱዐ ተጠቀምባት 🙏

ነገሮች ሲዘገዩ ድርሻህ እስከማይመስሉ ድረስ ነው። ሲመጡ ደግሞ "ይህን ሁሉ?" እስከምትልበት ድረስ ነው። ፈተወከል ዐለላህ።

ከጥቂት ቀናት በፊት በግብፅ ብሄራዊ ደህንነት ኢንተለጀንሶች በኩል አንድ መልዕክት ተላከ። ከዋሽንግተን ነበር። ለቀሳሙ መሪ ለየህያ ሲንዋር።
  ለግሉ 15 ቢሊዮን ዶላር ስጦታ፣ ምቹና ቅንጡ መኖርያ፣ ጋዛ ከተማን መልሶ ለመገንባት ቃል የሰፈረበት ደብዳቤ! በምትኩ የህያ ሲንዋር ቀሳሞችን ከውስጥ በኩል ሰርስሮ በመናድና በመሰነጣጠቅ ህብረታቸውን እንዲንድላቸው ይጠይቃል።

አደራ ይላል መልዕክቱ መጨረሻ ላይ "አደራ ከግብፅ አስታራቂዎች በኩል የቀረበውን ልዩ ጥያቄ ተጠቀምበት ይህ እድል እንዳያመልጥህ" በማለት ይቋጫል።

የህያ ሲንዋር ከአራት ቀናት በኋላ ለዚህ ጥያቄ በአንድ አንቀጽ ምላሽ ሰጠ እንዲህ ይላል፡-

فَلَمَّا جَاءَ سُلَيْمَانَ قَالَ أَتُمِدُّونَنِ بِمَالٍ فَمَا آتَانِيَ اللَّهُ خَيْرٌ مِّمَّا آتَاكُم بَلْ أَنتُم بِهَدِيَّتِكُمْ تَفْرَحُونَ

"ሱለይማንንም በመጣው ጊዜ አለ «በገንዘብ ትረዱኛላችሁን አላህም የሰጠኝ ከሰጣችሁ የበለጠ ነው፡፡ ይልቁንም እናንተ በገጸ በረከታችሁ ትደሰታላችሁ"
                   [አን-ነምል 36]

@ https://t.me/Xuqal

بِسْمِ ٱللَّهِ ٱلرَّحْمَٰنِ ٱلرَّحِيمِ                           
•••••••••••••••••••••••••••••••••••••••••••••
የሐጅ ቪዛ ሳይይዙ ሐጅ ማድረግ እንደማይቻል የሳዑዲ የሐጅ ሚኒስቴር አስጠነቀቀ።
•••••••••••••••••••••••••••••••••••••••••••••

ሚያዝያ 21፣ 2016 (አዲስ አበባ) - የሳዑዲ አረቢያ የሐጅ እና ዑምራ ሚኒስቴር፣ የሐጅ ቪዛ ሳይይዙ ሐጅ ማድረግ እንደማይቻል በመግለጽ ዘንድሮ ሐጅ የማድረግ ኒያ ያላቸው ምዕመናን "ሐጅ እናስደርጋለን" በሚሉ የግል ኩባንያዎች እንዳይታለሉ በጥብቅ አስጠነቀቀ።

ሚኒስቴሩ ይህን ማስጠንቀቂያ ይፋ ያደረገው፣  በተለያዩ ሀገራት በማኅበራዊ ትስስር አውታሮች የሐጅ ቪዛ እንሰጣለን የሚሉ ሐሰተኛ ኩባንያዎች በስፋት የሚያሰራጩት ማስታወቂያ መበራከቱን ከተመለከተ በኋላ መኾኑን በመግለጫው ጠቅሷል።

ሐጅ ለማድረግ ሳዑዲ አረቢያ ከመገባቱ በፊት የሐጅ ቪዛ ማግኘት የግድ አስፈላጊ መኾኑን የጠቀሰው ሚኒስቴሩ፣ በጉብኝት ቪዛ፣ በሥራ ቪዛ፣ በቱሪስት ቪዛ፣ በትራንዚት እና በመሳሰሉት ቪዛዎች ሳዑዲ አረቢያ በመግባት ሐጅ ማድረግ እንደማይቻል አሳስቧል።

ሚኒስቴሩ አክሎም፣ ሐጅ ማድረግ የሚቻለው ጉዳዩ የሚመለከተው የሳዑዲ አረቢያ ሚኒስቴር በየሀገራቱ የሐጅና ዑምራ ጉዳይ ከሚመለከታቸው ተቋማት ጋር በመተባበር በሚሰጠው የሐጅ ቪዛ እና፣ እነዚህ ተቋማት በሌሉባቸው ሀገራት ደግሞ "ኑሱክ ሐጅ" በሚሰኘው ፕላትፎርም አማካይነት ብቻ መኾኑን መረዳት ያስፈልጋል ብሏል።

ሐጅ ለማድረግ፣ ሳዑዲ አረቢያ ከመገባቱ በፊት ራሱን የቻለ የሐጅ ቪዛ ማግኘት የግድ አስፈላጊ እንደኾነ የጠቀሰው የሚኒስቴሩ መግለጫ፣ ከሳዑዲ የሐጅና ዑምራ ሚኒስቴር ጋር ግንኙነት ካላቸው የየሀገራቱ የሐጅና ዑምራ ተቋማት ውጪ የሐጅ ቪዛን ማግኘት እንደማይቻል በመግለጽ ምዕመናን ከመታለል እንዲጠነቀቁ አሳስቧል።

"ሐጅ እናስደርጋለን" በሚሉ አጭበርባሪ ኩባንያዎች መታለል ከሚያስከትለው የገንዘብ ኪሳራ በተጨማሪ፣ የጓጉለትን ሐጅ ለማድረግ አለመቻልን በማስከተል ከባድ ሐዘን ላይ ሊጥል እንደሚችል ሚኒስቴሩ አሳስቧል።

@ https://t.me/Xuqal

“አላህ ዘንድ መልካም ጎደኛ ማለት ለጎደኛው መልካም የሆነው ነው። አላህ ዘንድ መልካም ጎረቤት ማለት ለጎረቤቱ መልካም የሆነው ነው።”
ረሱል ﷺ

"እውነተኛ ታማኝ ነጋዴ አኸራ ላይ ከነብያቶች ፣ ከሲዲቆች እና ከሰማእታት ጋር ነው"
ረሱል ﷺ

"የነቢዩ (ﷺ) ሰሃባዎች (ስራቸውን አላህ ይውደድላቸው) ገንዘባቸውንና ቤታቸውን ለአላህ ሲሉ በመተዋቸው…አላህ ዱንያን ሙሉ በሙሉ በእጃቸው አደረገላቸው፡፡"

#ኡስታዝ_በድሩ_ሁሴን

የመጀመሪያዎቹ ኢትዮጵያውያን ሑጃጆች ወደ ሳዑዲ ዐረቢያ በረራ የሚያደርጉበት ቀን ታወቀ

#Ethiopia |~ መጅሊስ ለተጓዦች ስለ ሐጅ አፈፃፀም የሚሰጠው ሥልጠና በዛሬው እለት ይጀምራል ።

ለ1445 ዓ.ሂ የሐጅ ሥነ ሥርዐት ከተመዘገቡ ኢትዮጵያውያን ውስጥ የመጀመሪያዎቹ ተጓዦች በረራ የሚያደርጉበት ቀን ታወቀ። “ሚንበር ቲቪ” ከኢትዮጵያ እስልምና ጉዳዮች ጠቅላይ ምክር ቤት (መጅሊስ) የሐጅ እና ዑምራ ዘርፍ እንደሰማው የመጀመሪዎቹ ተጓዦች በረራ የሚከናወነው ግንቦት 13፣ 2016 ነው።

ምክር ቤቱ ለዘንድሮው ዓመት የሐጅ ሥነ ሥርዐት ለመላክ በእቅድ የያዘው የምዕመናን ቁጥር መጠን 12 ሺሕ መሆኑን መዘገባችን ይታወሳል። “ሚንበር ቲቪ” ከመጅሊስ ኃላፊዎች ማረጋገጥ እንደቻለው በተያዘው ዓመት ለሐጅ ክንውን ወደ ሳዑዲ የሚጓዙ ኢትዮጵያውያን ምዕመናን ቁጥር ከአምናው በ1 ሺሕ 62 ብልጫ ያለው ነው።

መጅሊስ ለጉዞው የመዘገባቸውን ምዕመናን ከዛሬ ማክሰኞ ሚያዝያ 22/2016 አንስቶ ሥልጠና መስጠት እንደሚጀምር ታውቋል። ይህ ሥልጠና ለስድስት ቀናት የሚቆይ ነው።

የዘንድሮው ዓመት የሐጅ ሥነ ሥርዐት ሰኔ 7/2016 ይጀመራል ተብሎ ይጠበቃል። በመላው ዓለም የሚገኙ ወደ 2 ሚሊዮን ገደማ የሚቆጠሩ ምዕመናን ሥነ ሥርዐቱን ለመፈፀም ከግንቦት 1/2016 ጀምሮ ወደ ሳዑዲ ዐረቢያ መግባት እንደሚጀምሩ የሀገሪቱ መገናኛ ብዙኃን ዘገባ ያመለክታል።

ምንጭ  = ሚንበር ቲቪን
ኢላሂ እኛንም ወፍቀን 🥹 🤲
የቴሌግራም ቻናሌን በመቀላቀል ቤተሰብ ይሁኑ
@ https://t.me/Xuqal

ፍቅር ጥግ …… ፊዳከ አቢ ወኡሚ ያ " ረሱለሏህ !