ኑዛዜዬ ይህ ነው…! እስከሕይወቴ መጨረሻ የታመንኩለትን የፍልስጤም ውዴታ፣ በጫንቃዎቼ የተሸከምኩትን ታላቅ ሕልም ከዳር አድርሱ። እኔ ብወድቅ እናንተ አትውደቁ። ወደመሬት ያልጣልኩትን ሠንደቅ ዓላማ ከፍ አድርጋችሁ አውለውልቡ። መስዋዕትነቴን እንደድልድይ ተጠቅማችሁ ለተተኪው ክንደ ብርቱ ትውልድ መደላድሉን ፍጠሩ። እናት አገር በተግባር የሚኖሩት ተጨባጭ እንጂ የሚተርኩት ተረክ አይደለምና በሚሰዋው እያንዳንዱ ታጋይ እልፍ ተተኪዎች እንደሚፈጠሩ ጥርጣሬ አይግባችሁ።

ምንጭ :አዲስ- አድማስ ጋዜጣ

@ https://t.me/Xuqal

የእስራኤልን “ድምጽ ያስተጋባሉ” የተባሉ የዐረቢኛ ቻናሎች ላይ ዘመቻ እንዲደረግ ጥሪ ቀረበ

ዕለተ ሰኞ ጥቅምት 18 - 2017 | ረቢዕ አል- ሳኒ 25 – 1446

በእስራኤል ላይ የሚደረጉ የኢንቨስትመንት ስምምነቶች እንዲቋረጡ እንዲሁም ዘመቻ የሚያስተባብረው ቢዲኤስ በሚል ምሕጻር የሚጠራው እንቅስቃሴ፤ የቤንያሚን ኔታንያሁ አስተዳደርን ድምጽ ያስተጋባሉ የተባሉ የዐረቢኛ ቻናሎች ላይ አዲስ ዘመቻ እንዲደረግ ጥሪ አቀረበ፡፡

እንቅስቃሴው ዘመቻው ይደረግባቸዋል ካላቸው ቻናሎች መካከል የሳዑዲ ዐረቢያው አል ዐረቢያ እና የተባበሩት ዐረብ ኤምሬቶቹ ስካይ ኒውስ ዐረቢያ ይገኙበታል፡፡

ቢዲኤስ የተሰኘው እንቅስቃሴ ይህንኑ ዘመቻውን ይፋ ያደረገው በዐረቢኛ ቋንቋ በሚያስተዳድራቸው የማኅበራዊ ትስስር ገጾቹ ነው፡፡ እንቅስቃሴው በዐረቢኛ ቋንቋ የእስራኤልን ድምጽ ያስተጋባሉ ያላቸው ቻናሎች አምስት ሲሆኑ፤ በሦስት ሀገራት ንብረትነት የተመዘገቡ መሆናቸው ተገልጿል፡፡ ከሳዑዲ ዐረቢያ አል ዐረቢያ፣ ኤምቢሲ እና አል ሐደስ ሥማቸው ሲጠቀስ፣ ስካይ ኒውስ ዐረቢያ እና ሸሒድ ከተባበሩት ዐረብ ኤምሬቶች ተካተዋል፡፡ የሊባኖሱ የዜና ኔትወርክ ኤምቲቪም እንዲሁ በዝርዝሩ ውስጥ አለበት፡፡

እንቅስቃሴው ለዘመቻው ምክንያት ነው በሚል ከጠቀሳቸው መካከል የእስራኤልን ጥቃት አብዝቶ በማስተጋባት የዐረቡን ዓለም በተስፋ መቁረጥ ከተውታል የሚለው ይገኝበታል፡፡ በአስረጂነት የቀረበውም በጋዛ የእስራኤል ወታደሮች በጋዛ እና ሊባኖስ የሚፈጽትን ጥቃት ከእስራኤል አንጻር ያስተጋቡባቸውን ዘገባዎች ነው፡፡

የዘመቻው አስተባባሪዎች ተመልካቾች እነዚህ ቻናሎች ከመመልከት እንዲሁም ሰብስክራይብ ከማድረግ እንዲታቀቡ ጥሪ አቅርበዋል፡፡

ምንጭ (ሚንበር ቲቪ)

@ https://t.me/Xuqal

ምን አይነት ደም ነዉ ያለዉ በሞሳድ ዋና መሥሪያ ቤት ፊት ለፊት "ቴል አቪቭ" ላይ ያነጣጠረውና 50 ጽዮናዊያን ኢላማ ያደረገው ኦፕሬሽን ፈፃሚ ራሚ አል-ናቱር ይህ ነዉ

@ https://t.me/Xuqal

ሄዝቦላህ አዳሩን በሰሜን እስራኤል የሰፈሩ ነዋሪዋች ጥብቅ ማሳሰቢያ ሰጥቶ ነበር ለቃችሁ ዉጥ አላዛ ሀላፊነቱን ትወስዳላችሁ ብሎ ነበር ያስጠነቀቀው አሁን ሰፋሪዎቹን እያንዳዳቸው ነዉ።

@ https://t.me/Xuqal

ፋርሳዊያን➖➖➖ክፍል አንድ
▪️▪️▪️▪️▪️▪️▪️▪️▪️▪️

ከረሳችሁ ላስታውሳችሁ
ካላወቃችሁ ታሪካቸውን እንካችሁ

ግራ በሚያጋባ የፈተና ማዕበል ከወዲህ ወዲያ ለሚናጠው፣ ታሪኩን በጥልቅ ሳይረዳ ለሚዋልለው ለኔ ትውልድ መታሰቢያ ይሁንልኝ።

ታሪክ የኋሊት ተመርምሮ፣ በሐዲስ ግንዛቤ ተሰድሮ፣ ከጎጠኝነት ርቆ ግንዛቤን ለመፍጠርና ማደንዘዣ ለተወጋው ንቃተ ህሊና ይሆነው ዘንድ የተፃፈ እንጂ ከስሜት የመነጨ የቢቢሲና የሲኤንኤን ዘገባ አይደለም።

ይህ ከጠራው ምንጭ የተቀዳ የፋርሳዊያን እውነተኛ ታሪክ፣ በንፁህ ልብ የሚነበብ የማንቂያ ደወል በማስረጃ የተደገፈ ወንዳ ወንድ ፅሑፍ ነውና በሙዘከር አንብቡት።

እንደ መግቢያ:-
➖➖➖➖➖➖➖
የቴህራን ዩኒቨርሲቲ ፕሮፌሰር ዶ/ር ሳዲቅ ዚባ ከኢራኑ ጋዜጣ "ሱብህ አዝ-ዛዲ" ጋር ባደረገው ሁለት ቃለመጠይቆች የፋርስ ኢራናውያን ለአረቦች ያላቸውን አመለካከት ሲገልፅ:-
  "አረቦችን በእጅጉ እንጠላለን በእነርሱ ምክንያትም ሱኒዮችን እንረግማለን... እኛ ኢራናውያን በአረቦች የደረሰብንን የቃዲሲያ ታሪካዊ ሽንፈት ከ1,400 ዓመታት ወዲህ ዛሬም ድረስ አንዘነጋውም። አጋጣሚው ሲመቻችልን በውስጣችን የታፈነውን ቂም፣ ከአመድ በታች የተቀበረው የጥላቻ እሳት ወደ ነበልባልነት ይቀየራል..." ሲል በግልፅ ተናገረ።

እንደ መነሻ
➖➖➖➖➖➖
በሻር አል አሰድ የሶሪያ ሱኒዮችን እያረደ በስልጣን ይቆይ ዘንድ የኢራን የደህንነትና የስለላ መረብ ከአሜሪካ በተሰጠው ድብቅ ትዕዛዝ መሰረት ወታደራዊ ድጋፍ ማድረግ ጀመረ። ስልጠናን፣ ቴክኒካል ድጋፍንና የውጊያ ኃይሎችን ያሳተፈ ነበር። ከአስር ሺህ የሚበልጡ የኢራን አብዮታዊ ጠባቂ ጦረኞች የሊባኖሱ ሂዝቦላህና የበሻር ጦር ከቴህራን ቀጥተኛ ድጋፍ እየተደረገላቸው በውጊያ ሜዳው ተሰለፉ። ኢራን በተለያየ ጊዜ ከ15 ቢሊዮን ዶላር በላይ ለጦሩ በጀት መደበች።

የሶሪያዋ ዘብዳኒ መንደር ዙርያ ገባዋ ተከበበ። እህል ውሀ እንዳይገባ ታፈነ። ከእሳት አሩር የሚተርፉት በርሀብ ይሙቱ ተባለ። የህፃን አረጋውያኑ አጥንት አገጠጠ። ቆዳቸው አፈጠጠ። ተራቡ። አፈር አበስብሰው እስኪበሉ። ተሰቃዩ። በርሀብ እስኪረግፉ። ከሰማይ ከምድር ቦንብ ዘነበባቸው። ዓለም እያየ እንዳላየ ሰምቶ እንዳልሰማ ዝም ጭጭ አለ። ከፍ ሲልም በየሚዲያው በአጥንት ምስላቸው አላገጠ። እንደ ትሬንድ በርሀባቸው ተሳለቀ። የሒዝቦላህ ጋዜጠኛ ከተራራው ላይ ቆሞ ወደታች ጣቱን እየቀሰረ ለተከታታይ ቀናት ጣፋጭ እየጎረሰ አሾፈ። አፌዘም። 

ይህን ጊዜ የደማስቆ መሻኢኾች ተሰበሰቡ። ለስቃያቸው መፍትሄ ይሆን ዘንድ ሞተው የተገኙ እንሰሳት፣ ድመትና ውሾችን አርዶ መብላት ይፈቀድላችኋል ብለው ፈትዋ ሰጡ። ከላይ የሁሉንም መረጃ አያይዣለሁ

እንደ መንደርደርያ:-
➖➖➖➖➖➖➖
የቀድሞዋ ፋርስ የአሁኗ ኢራን ስያሜዋ "አሪ" እና “አን” አሪያን ከተሰኘ ጥንታዊ የፋርስ ቃል ይመዘዛል። ስያሜው ባንዲራዎችን የሚያመላክት የስሙ ትርጉምም "የአሪያን ምድር" እንደ ማለት ነው ይላሉ ሊቃውንቱ። ከጥንቱ የሳሳኒድ ዘመነ መንግስት ከ1935 ጀምሮ አሁን እስካለንበት ዘመን ቃሉ ጥቅም ላይ ውሏል። ከኢንዶ-አውሮፓ አሪያኖች ቅርንጫፍ ነገዳቸውም ይመዘዛል።

በመካከለኛው እስያ እና በመካከለኛው ምስራቅ የሚገኙ የአርኪኦሎጂ ግኝቶችና የታሪክ ተመራማሪዎች ስለነዚህ ብሔረሰቦች ሲናገሩ "በታሪክ ትልቅ ሚናን የተጫወቱ" ይሏቸዋል። አኽሜኒዶች የብዝሃ-ሀገራዊ መንግስት፣ በዓለም ቀዳሚ የሆነ የፋርስ ኢምፓየር እንደመሰረቱ ይናገራሉ። ዞራስትሪዝምና ማኒሻኢዝም የተሰኙ የአብርሃ ሃይማኖቶች (እስልምናን፣ አይሁድንና ክርስትናን) በጋራ ማጣመር የሚል ፍልስፍና የፈጠሩት የጥንት የኢራን ነገዶች መሆናቸውን ይናገራሉ። የጥንቶቹ የኢራን ነገዶች የፋርሳዊያን፣ የኩርዶች፣ የአፍጋኒስታውያን፣ የታጂኮች እና የሌሎችም የብዙዎቹ የዛሬ ብሄረሰቦች ቅድመ አያቶች ተደርገው ይቆጠራሉ።

ኢማሙል ቡኻሪ በዘገቡት ሐዲስ የአላህ መልዕክተኛ አለይሂ አፍደሉ ሰላቲ ወት-ተስሊም እንዲህ አሉ:-
"ጌታዬ ሆይ! ሻማችንን ባርክልን ጌታዬ ሆይ! የመናችንን ባርክልን ብለው ዱዓ አደረጉ። ነጅዳችስ አሏቸው ረሱልም ከላይ ያደረጉትን ዱዓ ደገሙ ጌታዬ ሆይ! ሻማችንን ባርክልን ጌታዬ ሆይ የመናችንን ባርክልን አሉ። አሁንም ሰሐቦች ጠየቁ ለነጅድስ አሉ የምድር መናወጥና ፈተናዎች እዚያ ምድር ይከሰታሉ የሸይጣን ቀንድ የሚወጣውም ከዚያው ነው" አሉ

ኢማሙል ቡኻሪ በዘገቡት ኢብኑ ኡመር ባስተላለፉት ሐዲስ የአላህ መልዕክተኛ እንዲህ ይላሉ:-
"አዋጅ ፈተናው ከዚያ ነው። አዋጅ ፈተናው ከዚያ ነው። የሸይጣን ቀንድም የሚወጣበት ምድር ያ ነው አሉ ወደ ምስራቅ አቅጣጫ እየጠቆሙ"

ፅሑፌን ገና አልጀመርኩም
.......ይቀጥላል

Mahi Mahisho

@ https://t.me/Xuqal

ከላይ የሚታየው የመጀመርያው ተንቀሳቃሽ ምስል:-
➖➖➖➖➖➖➖
የወራሪዋ እስራኤል ጠቅላይ ሚኒስትር ከአንድ ጋዜጠኛ ጋር ባደረገው ቃለ መጠይቅ
"የእስራኤል የህልውና ስጋት ማን ነው?" ለሚለው ጥያቄ ምላሽ ሲሰጥ "ኢራን ናት" አለ አሁንም አሁንም እየደጋገመ። "እኛ የምንዋጋው የአሜሪካን ጠላት አክራሪዋን ኢራንን ነው" ብሎ መለሰ።

ሁለተኛው ቪድያ:-
➖➖➖➖➖➖➖
ሙሐመድ የተባለ አንድ አረብ ከኔታኒያሁ ጋር የስልክ ንግግር ጀመረ
"....ለሁሉም የተሻለች ሀገር ለመገንባት እየተጓዝን እንደሆነ ስለሚያውቁ በርካታ የአረቡ ማህበረሰብ ይመርጠናል (ድምፅ ሆነውናል) ይህ ጥሩ ነገር ነው። መካከለኛውን ምስራቅ ለሁሉም በተሻለ ከኢራን እና ከመሰሎቿ በቀር...." ይላል።

ማብራሪያ:-
➖➖➖➖➖➖
ህዝብ ታሪኩን ሲዘነጋ የጠላቱን ማንነትም እንደሚረሳ እናስታውስ - ላመኑት ይጠቅማልና ማስታወስ፡፡

ጦርነትና ፖለቲና ፈርና ከር አለው። ስትራቴጂያዊ መሸሽ ጀርባ ሰጥቶ መገስገስ። ይህ ደግሞ ቁርአናዊ አስተምህሮ ነው። ሱረቱል አንፋል አንቀፅ 15 ላይ
"እናንተ ያመናችሁ ሰዎች ሆይ! እነዚያን የካዱትን ሰዎች (ለጦር) ሲጓዙ ባገኛችኋቸው ጊዜ ጀርባችሁን አታዙሩላቸው" ይላል። ያስከትልና ሁለት ዓይነትን ስልትን ይነጥላል። ለስትራቴጂ አሊያም በቆረጣ የሙስሊሞች ጦር እንዳይጠቃ ከጦሩ ጋር ለመቀላቀል ወደኋላ ፊታቸውን የሚያዞሩ ሲቀሩ ብሎ ይነጥላቸዋል።

በምስራቅ ሊዘምቱ ወደምዕራብ ነን ተዘጋጁ ይላሉ የአላህ መልዕክተኛ ለሰራዊቱ ጥሪ ሲያስተላልፉ። የሚሄዱበትን አቅጣጫ ቀጥታ አይናገሩም። ይህ ስልታዊው አካሄድ መሆኑ ግልፅ ነው።

ታዲያ ይህን ኢስላማዊ አስተምህሮ የተረዳ ኢስላምን ለማጥፋት ሌት ተቀን የሚለፋው በኻኻሞች የሚታዘዘው ኔታንያሁ በአንደበቱ የተናገረውን ቀጥታ እንደወረደ እንዴት ይገነዘባል?! በምን አይነትስ ሚዛን ላይ ተቀምጦ ኔታንያሁ ለዐረቦች የተሻለን ነገ ሊገነባ ይታትራል ተብሎ ይገመታል?! ከቶ እሱ?! ግደሉ ፍጇቸው የዓማሊቃ ዘር ናቸው እያለ መፅሐፍ ቅዱስ እያነበነበ?! በዚህ ልክ እሱም ጅል እኛም ሞኝ አይደለንም።

ከረሱልም ከአያት ቅድመ አያቶቹም ስትራቴጂያዊ አካሄድን በሚገባ ተምሯል። ጠንቅቆም ያውቃል። ወደ ጉያው ያስጠጋቸው ጠላቶቹ፣
ጠላቴ ነው ያላቸው ወዳጆቹ ስለመሆናቸው በንፁህ ልብ ንግግሩን ያዳመጠ ይረዳዋል።

ሙስሊሞች ከጠላቶቻቸው ጋር ተፋጠው ባሉበት ወሳኝ ሰዓት ከረሱል (አለይሂ አፍደሉ ሰላቲ ወት-ተስሊም) ጋር የተፈራረሙበትን ቃል ኪዳን ጥሰው መዲና ላይ የበስተጀርባ ጥቃት ለመፈፀም ሲዶልቱ ከተደረሰባቸው ጊዜ ጀምሮ አይሁዶች ከክህደትና ከሴራ ተወግደው አያውቁም፡፡

ይህና መሰል ፖለቲካዎች በምዕራቡ ሚዲያዎች ዘገባ አይተነተኑም ይልቁኑ በረሱል የጦር ሜዳ ውሎ ውስጥ ፈልጉት። ታሪክን በጥልቅ ስታነቡ ታገኙታላችሁ።
➖➖➖➖➖
ከሺዓና ከኢራን ጋር የያዘን መረን የለቀቀ ጭፍን ፍቅር ከገደሉ አፋፍ ገፍትሮ ሳይከተን በታሪካዊ ማስረጃ በልኩ እንዲገደብ ስለፋርሶች ጥልቅ ግንዛቤ የሚፈጥር፣ ከጥንት እስከ አሁን ከመነሻ እስከ መድረሻው የሚተነትን፣ የተፈጠረባችሁን ብዥታ የሚገፍ ትላንት የጀመርኩት ፅሑፍ በተከታታይ ይቀጥላል ኢንሻ አላህ። 

✍️ Mahi Mahisho

@ https://t.me/Xuqal

ደቡብ አፍሪካ እስራኤል በጋዛ የዘር ማጥፋት ወንጀል እየፈፀመች መሆኑን ለተባበሩት መንግስታት ድርጅት አዲስ ማስረጃ አቀረበች

ደቡብ አፍሪካ እስራኤል በተከበበችው የፍልስጤም ግዛት በጋዛ ሰርጥ የዘር ማጥፋት ወንጀል እየፈፀመች ነው የሚለውን ውንጀላ ለማጠናከር ለተባበሩት መንግስታት ድርጅት ከፍተኛ ፍርድ ቤት አዲስ ማስረጃ አቅርባለች፡፡

አዲሱ ማስረጃ እስራኤል “በጋዛ የሚኖሩ ፍልስጤማውያንን በማዉደም የዘር ማጥፋት ስምምነቱን በመጣስ፣ በተለያዩ አጥፊ መሳሪያዎች በመግደሏ፣ ሰብአዊ ርዳታ እንዳያገኙ በማድረግ” የሚያሳዩ አዳዲስ መረጃዎችን ያካትታል ሲሉ የደቡብ አፍሪካው ፕሬዝዳንት ሲረል ራማፎሳ ተናግረዋል።ማስረጃው የሚያሳየው የእስራኤል ድርጊት ፍልስጤማውያንን አካላዊ ውድመት ላይ ያነጣጠረ እንዲሁም በአለም አቀፍ የፍትህ ፍርድ ቤት የተሰጠዉን ዉሳኔ “ቸል በማለት እና በመቃወም” ላይ ያነጣጠረ መሆኑን ተናግረዋል፡፡

እስራኤል “ረሃብን እንደ ጦርነት መሳሪያ እና የእስራኤል አላማን ለማሳካት በጅምላ ሞት እና ፍልስጤማውያንን በግዳጅ በማፈናቀል የጋዛን ህዝብ ለማራቆት እየተጠቀመች ነው” ሲል ከ750 ገፆች በላይ በዝርዝር የቀረቡትን ማስረጃዎች በማጣቀስ ቀርቧል፡፡የአዳዲስ ማስረጃዎች ምንነት ለህዝብ ይፋ ላይሆን ይችላል ብሏል።እስራኤል በጋዛ የዜጎችን ግድያ እያጠናከረች ባለችበት በዚህ ወቅት  “በሊባኖስ ተመሳሳይ የጥፋት መንገድ ለመከተል ያሰበች ይመስላል” ሲሉ ራማፎሳ ማስረጃን መመዝገብ ያስፈልጋል ሲሉ ተደምጠዋል፡፡

እስራኤል ለአዲሱ ማስረጃ በሚቀጥለው አመት ሀምሌ 28 ምላሹን ማቅረብ አለባት።ደቡብ አፍሪካ በ2023 መጨረሻ ላይ በሄግ በሚገኘው ፍርድ ቤት በእስራኤል ላይ የዘር ማጥፋት ወንጀል ክስ መስርታ፣ ካለፈው ጥቅምት ወር ጀምሮ ጋዛን ያለ እረፍት መደብደቧን አስታዉቃለች፡፡ቱርኪዬ፣ ኒካራጓ፣ ፍልስጤም፣ ስፔን፣ ሜክሲኮ፣ ሊቢያ እና ኮሎምቢያን ጨምሮ በርካታ ሀገራት በጥር ወር የክስ ሂደቱን ተቀላቅለዋል።

በግንቦት ወር ከፍተኛው ፍርድ ቤት እስራኤል በደቡባዊ ጋዛ ራፋህ ከተማ የምታደርገውን ጥቃት እንድታቆም አዟል። ከጥቅምት 7 ቀን 2023 ጀምሮ ወደ 43,000 የሚጠጉ ፍልስጤማውያን በተለይም ህጻናት እና ሴቶች የተገደሉ ሲሆን 100,000 በላይ የሚሆኑት ደግሞ ቆስለዋል፡፡እስራኤል የዘር ማጥፋት ቅስቀሳዎችን እራሷን ለመከላከል የምትወስደዉ እርምጃ አስመስላ አቅርባለች ሲሉ ራማፎሳ ተናግረዋል። አለም አቀፉ ማህበረሰብ በጋዛ እየደረሰ ያለውን አደጋ ለማስቆም  ፣ጥፋቱ እና ስቃዩ ሊቀጥል በርካታ የተባበሩት መንግስታት አካላት እርምጃዎች እና ጣልቃገብነቶች ቢኖሩም እስራኤል አለም አቀፍ ግዴታዎችን ባለመወጣት ነዉ ሲሉ አክለዋል፡፡

በስምኦን ደረጄ
#ዳጉ_ጆርናል

@ https://t.me/Xuqal

في ليلة الجمعة 🖤✨️
በለይለተል ጁሙአ   🖤✨️

اللهم صلي وسلم وبارك على اشرف الخلق والمرسلين سيدنا ونبينا وحبيبنا وشفيعنا محمد وعلى آله الطيبين الطاهرين اجمعين

@ https://t.me/Xuqal

@ https://t.me/Xuqal

@ https://t.me/Xuqal