ﷺ المرة دي حوالي ثلاثمائة وثلاثة عشر أو أربعة عشر أو سبعة عشر صحابي،
كان المهاجرين ثلاثة وثمانون، وكان الأنصار مائتين وواحد وثلاثين،
يعني ثُلثين الجيش تقريبا كان من الأنصار،
بدأ رسول الله ﷺ يجهز ويرتب الجيش عشان يطلع يعترض قافلة أبو سفيان،

هل هيقدر رسول الله ﷺ إنه يأخذ القافلة ويعوض المهاجرين عن خسارتهم؟
ده إللي هنعرفه الجزء الجاي إن شاء الله 😊


#Eman_Shalapy

الأنصار إيه وخصوصا إنهم ثلثين الجيش يعني هم الأغلبية😅
فلما كرر رسول الله ﷺ طلب المشورة ، سعد بن معاذ سيد الأوس وحامل لواء الأنصار انتبه وقال لرسول الله ﷺ:
كأنك عايز رأينا احنا يا رسول الله🤔
فقال له رسول الله ﷺ: أيوة عايز رأيكم!
فقال سعد بن معاذ رضي الله عنه:
يا رسول الله! احنا آمنا بك وصدقناك، وشهدنا إن إللي إنت جئت به ده هو الحق🤚
وعلى الأساس ده عاهدناك على السمع والطاعة، فاعمل إللي إنت عايزه يا رسول الله وشايفه مناسب،
فوالله لو مشيت في البحر لنمشي وراك من غير ما ولا واحد فينا يتخلف عنك👌
واحنا لا نكره إنك تستعملنا في مواجهة عدونا،
فاحنا بنصبر في الحرب، ولعل ربنا يُريك منا إللي يفرحك ويُقر عينك به، فامشي على بركة الله😊
لعلك كنت خايف يا رسول الله إن الأنصار شايفين إن حقك عليهم إنهم ينصروك داخل المدينة فقط😅
لكن أنا بقول لك بالنيابة عن الأنصار 🤚
روح المكان إللي إنت عايزه، واعمل علاقات مع الناس إللي إنت عايزها،
واقطع علاقات مع الناس إللي إنت مش عايزها،
وخذ من أموالنا إللي إنت عايزه، وأعطنا إللي إنت عايزه،
مع العلم إن إللي إنت بتأخذه مننا أحب إلينا من إللي إنت بتتركه لنا،
وأي قرار احنا بناخده هو تابع لقرارك😊

☆الأنصار فعلا أنصار لله ولرسوله👌
عارفين سعد بن معاذ ده اهتز لموته عرش الرحمن،
فتخيلوا صدق كلماته وأفعاله مع رسول الله ﷺ😊

رسول الله ﷺ بعد ما سمع كلام سعد فرح واتحرك بكل نشاط وحماس وقال لهم :
سيروا وأبشروا، فإن الله وعدني إما النصر على المشركين أو إننا نأخذ القافلة 👌
بدأ المسلمين يخططوا إزاي هيواجهوا المشركين،
عملوا إيه واختاروا أرض المعركة إزاي،

ده إللي هنعرفه الجزء الجاي إن شاء الله😁

#Eman_Shalapy


وإللي حابب تكون القصص عنده على الموبايل يشوفها في أي وقت ممكن يشترك في قناة التليجرام👇
فيها قصص الأنبياء والسيرة لحد آخر جزء نزل😊

https://t.me/joinchat/AAAAAEhulzm7RmVxsli1pQ

ا👌
فغضب أبو جهل وقال : واضح إنك جبان😤
هو محمد وأصحابه إيه غير مائة رجل هنخلص عليهم في قاعدة😏
فقال له عتبة بن ربيعة: بكرة تعرف مين الجبان إللي هيودي قومه في داهية😑

ووجه عتبة الكلام لقومه وقال لهم : والله كأني شايفهم بيضربوكم وبيقضوا عليكم😓

طبعا الكلام ده قصاد الناس كلها ، فده أثر على نفسيتهم بالسلب، يعني القادة عمالين يتخانقوا ومترددين أمّال احنا الجنود نعمل إيه😶
والموضوع موقفش على كده، جاء حكيم بن حزام إللي كان شارك في نقض الصحيفة لو تفتكروا 😉
وقال لعتبة بن ربيعة:
تحب إنك تاخد شرف إنك حميت الناس من القتل إللي ممكن يحصل لهم النهاردة😊
فقال له عتبة : أعمل إيه طيب😓
فقال له حكيم:
إنتم عايزين من محمد دم عمرو بن الحضرمي إللي قُتل في سرية نخلة صح، خلاص ادفع إنت لأهله الدية بتاعته وترجع بالناس🤷‍♀️
فقال له : أنا معنديش مشكلة، المشكلة في أبو جهل فانت روح له وقل له :
إيه رأيك ترجع بالناس إللي معاك دي عن ابن عمك؟

☆والمقصود هنا مش إن أبو جهل يبقى ابن عم رسول الله ﷺ هو يقصد إنه بيلتقي مع رسول الله ﷺ في نسبه مع جد من أجداده😉

فراح حكيم بن حزام لأبي جهل وكلمه، فرد عليه أبو جهل وقال له: وهو عتبة ملقاش حد غيرك يبعته😏
فقال له حكيم: أه ملقاش غيري، وإنت بتتكلم عن سيد من سادات مكة على فكرة😒
فرفض أبو جهل الرجوع وصمم على القتال👌

راح واحد منهم عشان يشوف عدد المسلمين أد إيه، ورجع وقال لهم إنهم حوالي ثلاثمائة، وإن المسلمين شكلهم مش سهلين خالص، ومفيش واحد فيهم هيستسلم أو يقبل الموت إلا لما يقتل رجل منكم،
فلو مات مننا ثلاثمائة رجل يبقى إيه المكسب إللي احنا حققناه😕
فكروا كويس وخدوا القرار👌

التردد والقلق وعدم الاتفاق بين قادة المشركين كان سبب كبير في اضطراب جيش المشركين،
والقلق والحيرة دي طبعا منعتم من النوم وخلتهم قلقانين ومش عارفين يعملوا إيه،
ناس طالعة تحارب وهي أصلا مش مقتنعة بالحرب دي، هتكون النتيجة عاملة إزاي😏
عدت الليلة على الفريقين زي ما شفنا وجاء صباح يوم المعركة.

اليوم بدأ إزاي، وإيه الأحداث إللي حصلت في معركة بدر،
ده إللي هنعرفه الجزء الجاي إن شاء الله😊



#Eman_Shalapy

قام عتبة بن ربيعة يدافع عن الباطل وهو عارف إنه باطل،
خرج ثلاثة من الأنصار عشان يواجهوا فرسان المشركين عتبة وشيبة والوليد،
فقالوا لهم:
احنا مش عايزينكم إنتم🤚
احنا عايزين أبناء عمنا نقاتلهم😤

فقال رسول الله ﷺ:
قم يا عبيدة بن الحارث، قم يا حمزة بن عبد المطلب، قم يا علي بن أبي طالب!
كل دول من أقارب رسول الله ﷺ👌
رسول الله ﷺ كقائد بيورينا بطريقة عملية إنه قبل ما يطلب حاجة خطر من جنوده كان هو مقدم أهله للخطر ده،
مش بيضحي بالناس عشان هو يبقى مستريح🙄

كل واحد بدأ يقاتل التاني في النص بين الجيشين، وفي اختلاف في الروايات مين بارز مين، عامة احنا يهمنا النتيجة كانت إيه، علي بن أبي طالب بارز شَيبة، و حمزة بارز عتبة ، وعبيدة بن الحارث بارز الوليد بن عتبة .
علي بن أبي طالب وعمه حمزة استطاعا قتل عتبة وشيبة ابنا ربيعة، ومات عتبة ولم تنفعه حكمته 😓
وعبيدة بن الحارث والوليد بن عتبة كل واحد ضرب الثاني فراح حمزة وعلي وكملوا على الوليد وقتلاه وأخذا عبيدة ورجعوا لجيش المسلمين،
وهنا بدأت المعركة وبدأ المسلمين والمشركين يقاتلوا بعض
هجوم شامل كاسح في كل المواقع، والمسلمين صوتهم بقي يعلي ويقولوا : أحَدٌ أحدْ، أحدٌ أحد،
الجو بقى مليان تراب من الحركة، أصوات السيوف العالية في كل مكان، ورسول اللهﷺ بيدعي للمسلمين، وبيشجعهم على القتال، ومن تشجيعه إنه قال لهم:
قوموا إلى جنة عرضها السماوات والأرض، والله إللي يقاتلهم اليوم ويقتل وهو صابر ومحتسب مُقبل غير مُدبر إلا أدخله الله الجنة👌
فواحد من الأنصار اسمه عُميْر بن الحمام سمع كلام رسول الله ﷺ وكان في إيده تمرات بياكلها فقال :
إيه ده يعني مفيش بيني وبين الجنة إلا إن الناس دي يقتلوني؟
والله تبقى حياة طويلة لو استنيت لحد ما أكل التمرات دي، ورماها من إيده وانطلق وسط المشركين وقعد يقاتل حتى قُتل شهيد رضي الله عنه،

في وسط المعركة وكان عبد الرحمن بن عوف بيقاتل فكان جنبه شابين من شباب الانصار صغيرين في السن،
هما معاذ ومُعوّذ ابنا عفراء،
فقال في نفسه ياريت لو كان حوالي ناس أشداء أقوياء 😓
فلقى واحد منهم جاي يكلمه بصوت واطي جنب أذنه مش عايز صاحبه يسمع وسأله:
ياعم! إنت تعرف أبو جهل🤫
فقال له عبد الرحمن بن عوف: وإنت عايز إيه من أبو جهل🤨
فقال له :أصل أنا سمعت إنه كان بيؤذي ويشتم رسول الله ﷺ فعايز أقتله😤
فقال له : أول ما هشوفه هقول لك😅
مفيش لحظات إلا والشاب الثاني بيسأل عبد الرحمن بن عوف نفس سؤال صاحبه:
ياعم! تعرف أبو جهل🤔
فقال له عبد الرحمن بن عوف: وإنت عايز إيه من أبو جهل إنت كمان😳
فقال له الشاب:
أصل أنا سمعت إنه كان بيؤذي ويشتم رسول الله ﷺ فعايز أقتله😕
فقال له عبد الرحمن : أول ما هشوفه هقولك 👌
وقال في نفسه الحمد لله إني وسط الشابين دول🙊
بعد شوية شاف عبد الرحمن بن عوف أبو جهل وهو وسط المشركين فقال لهما:
شايفين الرجل إللي حوله الناس ده ، هو ده أبو جهل👌
فأول ما سمعوا كلامه انطلقا زي السهمين واخترقوا الصفوف لحد ما وصلوا لأبو جهل وكل واحد ضربه بسيفه ورجعوا فورا لرسول الله ﷺ عشان يبشروه😅
المشركين من الصدمة مكنوش عارفين يعملوا إيه ، يلحقوا أبو جهل ولا يطلعوا ورا الشابين، لحد ما وصل الشابين لرسول الله ﷺ وكل واحد فيهم بيقول : يا رسول الله أنا قتلت أبا جهل😍
فقال لهما رسول الله ﷺ: إنتم مسحتم سيوفكم؟
فقالا له : لا، فلما رأى السيفين وشاف عليهم أثر الدم على قال : إنتم الاثنين قتلتوه👌

والمعركة شغالة ورسول الله ﷺ بيدعي للمسلمين وكان معاه أبو بكر الصديق رضي الله عنه قال رسول الله ﷺ له:
أبشر يا أبا بكر، فلقد جاء جبريل معه الملائكة ليقاتلوا مع المسلمين👌

إيه إللي بعد ما جاءت الملائكة وإزاي انتهت غزوة بدر،
ده إللي هنعرفه الجزء الجاي إن شاء الله 😊


#Eman_Shalapy

عرفش مين الرحمن ده، فقال له عبد الرحمن كل مرة هتنده علي بعد عمرو مش هرد عليك😤
فقال له أمية : طيب خلينا نتفق على اسم،
فاتفقوا على عبد الإله، فلما أمية بن خلف شاف عبد الرحمن بن عوف نادى عليه:
يا عبد عمرو!!
فعبد الرحمن مردش عليه😅
فقال له أمية : يا عبد الإله!
فرد عليه عبد الرحمن وقال له : عايز إيه؟
قال له أمية : إيه رأيك أعطيك حاجة أحسن من إللي في إيدك ده؟
وكان في يد عبد الرحمن بعض الدروع أخذها من أرض المعركة كغنائم،
فقال له عبد الرحمن بن عوف: أكيد طبعا!
فرمى عبد الرحمن الدروع إللي كانت في إيده، فأخذه هو وابنه أسيرين، وأخذهما لحد ما راح بهم لمكان آمن، لحد ما الأمور تهدأ ويروح بهما لرسول الله ﷺ،

لما بعدوا ووصلوا عند جبل بعيد عن أرض المعركة ارتاح أمية بن خلف، وهدأت نفسه،
متخيلين بقاله كم يوم أعصابه مشدودة خايف من الموت،
إللي قال عن رسول الله ﷺ إنه هيحصل، فمصدق بقى إنه أخذ نفسه وخلاص نجى من القتل،
لدرجة إنه قعد يتكلم مع عبد الرحمن بن عوف عادي خالص بيدردشوا وسأله أمية :
يا عبد الإله هو مين الرجل إللي كان على صدره ريشة نعامة ده🤔
فقال له عبد الرحمن :أه ده حمزة!
فقال له أمية: ده عمل فينا عمايل 😑

☆هم طبعا عارفين حمزة لكن لأنهم كانوا لابسين الخوذة إللي بتغطي الوجه دي فمكنوش عارفين الأشخاص بالضبط👌

وكملوا مشي مع بعض وفجأة يسمع أمية بن خلف حد بيصرخ صرخة شديدة رعبت أمية بن خلف من تاني🙊
الصرخة كانت من أعماق انسان مضطهد شاف العذاب ألوان، ولعل أثار التعذيب لسه موجودة على جسمه،
كان الصارخ بلال بن رباح إللي كان بيعذبه أمية بن خلف، صرخ بلال أول ما شاف أمية وقال:
رأس الكفر أمية بن خلف! لا نجوت إن نجا، يعني يا أنا يا هو👌
وبدأ ينادي بأعلى صوته يا أنصار الله رأس الكفر أمية بن خلف، ووقف يكلم بعض الأنصار فأخذ عبد الرحمن بن عوف أمية عشان ينقذه منهم وقعد يقول لهم ده أسيري محدش له دعوة بيه، وهم مش مقتنعين،
ده لازم يُقتل مينفعش يكون أسير، فترك عبد الرحمن بن عوف ابن أمية وراه عشان يلهيهم به لحد ما يهرّب أبوه فقتلوه وطلعوا وراهم عشان يقتلوا أمية، وكان أمية رجل ثقيل، تخين يعني😅
فقال له عبد الرحمن : نام في الأرض، فنام أمية ونام عليه عبد الرحمن وقعد يقول لهم سيبوه، ده أسيري، فمسمعوش كلامه وقعده يطعنوا أمية من تحت عبد الرحمن بن عوف بسيوفهم لحد ما قتلوه👌
فكان يقول كل ما يفتكر الموقف ده:
رحم الله بلال ضيع علي دروعي وأسيري😅

ناس تانية من المشركين أُسرت وكان لهم قصة هنعرفها بعد بكرة إن شاء الله 😊



#Eman_Shalapy

هم: عارفين ده عمل في إيه؟!
كنت مرة ساجد عند الكعبة فجاء ووضع رجله على رقبتي وقعد يضغط عليّ لحد ما حسيت إن عيني هتطلع من مكانها!
ومرة ثانية جاء بأمعاء بعير ورماها على رأسي وأنا ساجد فجاءت فاطمة وغسلته عن رأسي👌
وقُتل عقبة بن أبي معيط،

☆في ناس بتستغل الحادثتين دول عشان يطعنوا في الإسلام ويقولوا إن المسلمين كانوا متعطشين للدماء وإواي يقتلوا اثنين من الأسرى😤

طيب ماهو يا أذكى إخواتك لو كان المسلمين متعطشين للدماء كانوا قتلوا السبعين كلهم، مش اثنين بس😑
ثم أصلا الأسرى في الإسلام حاجة من ثلاثة إما إن الحاكم يتفضل على الأسير ويطلق سراحه بدون أي أموال يفتدي بها نفسه،
أو يأخذ منه أموال يفتدي بها نفسه، أو يقتله، فالحاكم هو إللي يختار المناسب من الإختيارات الثلاثة دي👌

أمر رسول الله ﷺ المسلمين إنهم يحسنوا للأسرى إللي معاهم، فكانوا بيعطوهم الخبز أحسن الطعام معاهم وياكلوا هم التمر،
ويركبوا الأسرى على الإبل والمسلمين إللي يمشوا،

☆وفي هنا رواية عن عمر بن الخطاب رضي الله إنه كان عايز ينزع أسنان سهيل بن عمرو الأسير عشان ميخطبش ضد رسول الله ﷺ ويهجوه مرة ثانية، فرسول الله ﷺ رفض وقال له لعل سهيل يقف موقفا تشكره عليه... إلى آخر القصة.
القصة دي غير صحيحة إطلاقا 🙅‍♀️❌
كل الأحاديث بتاعة القصة دي ضعيفة👌

انتشرت الأخبار في الجزيرة العربية بهزيمة قريش على أيدي المسلمين، إيه رد فعل أهل مكة على الهزيمة،
وكان إيه رد فعل أهل المدينة لما عرفوا بهزيمة قريش،
ده إللي هنعرفه الجزء الجاي إن شاء الله😊


#Eman_Shalapy

بكر الصديق أكثر،
وقال للناس اقبلوا منهم الفداء، وإللي مكنش معاه أموال يفدي بها نفسه، جعله رسول الله ﷺ يعلم أبناء المسلمين القراءة والكتابة،
دخل عمر بن الخطاب على رسول الله ﷺ وكان معاه أبو بكر الصديق رضي الله عنه فلقاهم قاعدين يبكوا،
فسألهما: ليه بتبكوا😥
فقال له رسول الله ﷺ: أنا اتعرض علي عذاب أصحابك وكان أقرب من الشجرة إللي هناك دي،
ولو حد فيهم نجا من العذاب هتكون إنت يابن الخطاب👌
نزل القرآن بيؤيد رأيك قال الله عز وجل :
"مَا كَانَ لِنَبِيٍّ أَنْ يَكُونَ لَهُ أَسْرَى حَتَّى يُثْخِنَ فِي الأَرْضِ تُرِيدُونَ عَرَضَ الدُّنْيَا وَاللَّهُ يُرِيدُ الآخِرَةَ وَاللَّهُ عَزِيزٌ حَكِيمٌ"

القرآن نزل يلوم ويعتب على رسول الله ﷺ إنه لم يقتل هؤلاء الأسرى،
ومش معنى كده إن ديننا دين متعطش للدماء🙄
ربنا بيضع لنا قاعدة إن صناديد قريش أو خلونا نقول بلغة عصرنا مجرمي الحرب دول يقتلوا👌
والأدلة في الإسلام توصي بالإحسان للأسرى بصفة عامة ومعاملتهم معاملة رحيمة،
أما بقى إللي واخدين الحروب كتجارة وإللي بيحاربوا دين ربنا ليل نهار دول لازم يقتلوا، مينفعش التعامل معاهم
كأسرى حرب،
يعني واحد زي بشار الأسد ده، هل لو حد أسره يعمل له محاكمة ولا يُقتل في نفس اللحظة إللي يُأسر فيها، لقتله وحرقه للنساء و الأطفال ومحاربته لدين الله، ده غلب النّضر بن الحارث 😑
فربنا لام على المسلمين قبولهم الفداء ولكنه عفا عنهم في الآخر،
وكانت دي أول مرة يوافق حكم عمر بن الخطاب حكم ربنا من فوق سبع سماوات👌
كان من أسرى المشركين أبو العاص بن الربيع زوج زينب بنت رسول الله ﷺ،
يا ترى هل المسلمين هيطلقوه بدون فداء ولا هيتعاملوا معاه زي باقي الأسرى،
ده إللي هنعرفه الجزء الجاي إن شاء الله 😊


#Eman_Shalapy

زكاة الفطر أو متعرفيش تروحي تشتري وتوزعي،
ممكن تعطي فلوس الزكاة لمسجد بيجمع فلوس زكاة الفطر ويشتري بها حبوب ويوزع الحبوب دي على الفقراء،
لكن لازم تكوني متأكدة إنهم بيطلعوها حبوب لأن مينفعش إخراجها مال، وده كمان رأي الجمهور المالكية والشافعية والحنابلة👌
إلا لو حصل اضطرار، زي مثلا واحد على ظهر سفينة ليلة العيد ومش هيعرف يشتري حبوب ويجب عليه إخراج زكاة الفطر، فيجوز إخراجها ساعتها نقود لأي فقير أو مسكين💁‍♀️

☆طيب ليه منطلعهاش نقود، يعني الفقير عنده رز والعدس والحاجات دي، ومحتاج فلوس، يبقى الفلوس أولى🤔

أولا زكاة الفطر دي عبادة والعبادات توقيفية، يعني زي ما ربنا قال عليها...ننفذها بالضبط،
زي ما بنصلي كده، ينفع واحد ييجي يقول نخلي الفاتحة في الركوع، أو نخلي السجود الأول وبعدين الركوع؟
طبعا لأ🤷‍♀️
لأن رسول الله ﷺ قال: صلوا كما رأيتموني أصلي،
كذلك زكاة الفطر نطلعها زي ما رسول الله ﷺ طلعها هو والصحابة حبوب👌

ثانيا: زكاة الفطر عن الشخص الواحد حاجة يسيرة يعني كيلو الرز مثلا قولوا بخمسة عشرة جنيهات مصري،
لو أسرة فيها ستة أشخاص يبقى الزكاة بتاعتهم مائتين خمسة وعشرين جنيه،
دول ممكن يجيبوا إيه لفرد واحد في أسرة فقيرة😕
إللي يفرق هي زكاة المال، الشخص بيطلع فيها مبلغ كبير👌

شوفتم السيرة حلوة إزاي بتعلمنا الدين 😁

إن شاء الله المرة الجاية نكمل باقي أحداث السنة الثانية من الهجرة، ونتكلم بالتفصيل عن المنافقين😊


#Eman_Shalapy

ليه في البيع والشراء واتكلمنا عنه قبل كده،
جمعهم رسول الله ﷺ وقعد يدعوهم للإسلام،
و قال لهم أسلموا قبل ما يحصل معاكم زي ما حصل مع قريش،
يعني قريش حاربت دين ربنا فدي كانت نهايتها، فبلاش تعملوا زيهم عشان نهايتكم متكونش زيهم،
من باب الاعتبار يعني مش باب إنه بيغصبهم على الدخول في الإسلام😅
فهو بيحذرهم لأن طبيعتهم إنهم يخالفوا الحق ويعتدوا على الأنبياء ويسيئوا الأدب معاهم ومع رب العزة،
ولهم كوارث مع رسول الله ﷺ أولها إنهم بعد ما كانوا بيتوعدوا الأوس والخزرج بإنهم هيقتلوهم مع النبي إللي هيظهر، كانوا هم أول المكذبين 😶
حتى واحد من الصحابة اسمه معاذ بن جبل كان بيقول لهم
قال لهم:
يا معشر يهود! اتقوا الله وأسلموا، ده انتم كنتم بتهددونا بمحمد ﷺ وبتقولوا إنكم هتتبعوه وتقتلونا، فإيه إللي غيركم🤨
فقال رجل من أشراف بني النّضير اسمه سَلام بن مُشْكم :
ماجاش بحاجة من إللي احنا عارفينها وكنا بنقول لكم عليها😒
فأنزل الله عز وجل :
"وَلَمَّا جَاءَهُمْ كِتَابٌ مِنْ عِنْدِ اللَّهِ مُصَدِّقٌ لِمَا مَعَهُمْ وَكَانُوا مِنْ" قَبْلُ يَسْتَفْتِحُونَ عَلَى الَّذِينَ كَفَرُوا فَلَمَّا جَاءَهُمْ مَا عَرَفُوا كَفَرُوا بِهِ فَلَعْنَةُ اللَّهِ عَلَى الْكَافِرِينَ"

ومش بس كده ده كانوا بيتهموا ربنا بالفقر 😑
ربنا لما أنزل آية: "مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ وَلَهُ أَجْرٌ كَرِيمٌ "
ولما سمعها اليهود قالوا: افتقر رب محمد😏
وقابل أبو بكر الصديق واحد من اليهود اسمه فِنْحاص وكان قاعد وسط مجموعة من اليهود بيشرح لهم التورارة وكان من علمائهم،
فقال له أبو بكر :
يا فنْحاص ! اتق الله وأسلم، فوالله إنك لتعلم أن محمداً رسول الله، وإنت عارف إنه جاء بالحق وإنه مكتوب عندكم أوصافه في التوراة👌
فقال فنحاص لأبي بكر :
والله يا أبا بكر ! ما بنا إلى الله من فقر، وإنه إلينا لفقير!
يعني احنا مش محتاجين ربنا ده هو محتاجنا،
وإنا عنه لأغنياء، وما هو عنا بغني😏
أبو بكر الصديق مقدرش يستحمل كلام فنحاص راح ماسكه ونازل فيه ضرب🙊
ذهب فنحاص إلى رسول الله ﷺ يحكي له الموقف، وكان تصرف أبي بكر على غير ما اتفق عليه المسلمون،
لأن كان في بين المسلمين واليهود معاهدة، فالمسلمين مأمورين بالعفو والصفح وعدم الإيذاء،
فجاء فنحاص وقعد يشتكي لرسول الله ﷺ وقال له:
شوف صاحبك عمل في إيه 😥
فسأل رسول الله ﷺ أبا بكر:
إيه إللي خلاك تعمل فيه كده يا أبا بكر؟
فقال أبو بكر : يا رسول الله!
عدو الله ده قال قولاً عظيماً👌
بيدعي إن الله فقير وأنهم أغنياء، فلما قال ذلك غضبت لله مما قال، وضربت وجهه 🤜
فأنكر فنحاص وقال: ما قلتش الكلام ده😤
فأنزل الله عز وجل:
"لَّقَدْ سَمِعَ اللَّهُ قَوْلَ الَّذِينَ قَالُوا إِنَّ اللَّهَ فَقِيرٌ وَنَحْنُ أَغْنِيَاءُ ۘ سَنَكْتُبُ مَا قَالُوا وَقَتْلَهُمُ الْأَنبِيَاءَ بِغَيْرِ حَقٍّ وَنَقُولُ ذُوقُوا عَذَابَ الْحَرِيقِ"
فنزل القرآن موافقا لموقف أبي بكر الصديق رضي الله عنه،

لما رسول الله ﷺ كلم اليهود ووعظهم عشان يأخذوا العبرة من إللي حصل لقريش في موقعة بدر ، ردوا عليه وقالوا :
يا محمد!
متتغرش بنفسك إنك عرفت تقتل كم نفر من قريش كانوا جهلة وميعرفوش إزاي يحاربوا ولا يقاتلوا 😏
إنت لو قاتلتنا هتعرف إننا احنا أهل القتال وإنك مش هتقابل زينا 😤
فرينا انزل فيهم:
"قَدْ كَانَ لَكُمْ آيَةٌ فِي فِئَتَيْنِ الْتَقَتَا ۖ فِئَةٌ تُقَاتِلُ فِي سَبِيلِ اللَّهِ وَأُخْرَىٰ كَافِرَةٌ يَرَوْنَهُم مِّثْلَيْهِمْ رَأْيَ الْعَيْنِ ۚ وَاللَّهُ يُؤَيِّدُ بِنَصْرِهِ مَن يَشَاءُ ۗ إِنَّ فِي ذَٰلِكَ لَعِبْرَةً لِّأُولِي الْأَبْصَارِ"
فكده اليهود بيهددوا رسول الله ﷺ والمسلمين بصورة واضحة بإنهم هيقاتلوه، على الرغم من المعاهدة إللي بينهم،
فبدأ يكون في قلق في المدينة🙊
واحدة من المسلمات رايحة تشتري من سوق بني قينقاع، وهي بتشتري اليهود قعدوا يقنعوها عشان تكشف وجهها ولكنها رفضت،
فراح واحد من اليهود رابط ذيل عبائتها في رأسها من غير ماتاخد بالها،
فلما قامت انكشفت عورتها، وراحت مصوّتة🙊
سمعها واحد من المسلمين جه شاف المنظر راح جاي وقتل اليهودي إللي عمل كده،
راح اليهود مجتمعين عليه قاتلينه، وكده الدنيا هتولع في المدينة😶
☆وقبل ما تسألوني هي ليه كانت مغطية وجهها ولسه آية الحجاب منزلتش، هقول لكم معرفش😅
أنا دورت فيها وملقتش إجابة، فممكن والله أعلم إنها كانت جاية تشتري من السوق ومش عايزة حد يعرفها فكانت مغطية وجهها🤷‍♀️
لكن الأكيد إن آية فرض الحجاب مكنتش لسه نزلت👌

وصل الخبر لرسول الله ﷺ، إن اليهود قتلوا رجل مسلم،
ودي مش أول مرة يُقتل فيها واحد مسلم في غير حرب،
قُتل قبل كده ياسر وزوجته سمية،
ورسول الله ﷺ ساعتها معملش حاجة، فهل يا ترى موقف رسول الله ﷺ من مقتل المسلم ده، هيكون زي موقفه من مقتل ياسر وسمية؟
ده إللي هنعرفه الجزء الجاي إن شاء الله😊


#Eman_Shalapy

ن أي تعقيدات💁‍♀️

☆طيب هل المفروض إننا نعمل زي علي وفاطمة رضي الله عنهما في موضوع الزواج🤔
شوفوا، عامّة الصحابة كانوا فقراء، وحتى بيت رسول الله ﷺ كان بيت فقير،
يعني كان ممكن يعدي على رسول الله ﷺ أيام من غير ما يأكل، فكان طبيعي إنهم يتزوجوا عالحال إللي هم فيها،
وكذلك في عصرنا فالمرأة تتزوج من صاحب الخلق والدين إللي يتناسب مع حالها ووضعها، لأن التكافؤ بين الزوجين مطلوب👌
وطبعا كل ما خففنا في تكاليف الزواج كان الزواج والمرأة نفسها مباركة، يعني موضوع إن واحدة تجيب ستين فوطة وثلاثين ملاية سرير، ومش عارفة كم طقم حلل وكم طقم كاسات وكوبيات و...و...
ده غير بقى الفرح وإللي بيحصل فيه والطلبات إللي بتتطلب من الشخص إللي بيتقدم وإزاي تكون أقل من بنت خالها ولا أختها ولا بنت طنط عفاف ولا طنط فتكات والكلام إللي يخلي البنات تعنس أو تتزوج أي واحد والسلام بسبب التعقيدات دي😑
كل ده مكنش من هدي رسول الله ﷺ ولا من هدي الصحابة،
حتى عمر بن الخطاب كان بيقول :
"إِيَّاكُمْ وَالْمُغَالاَةِ فِى مُهُورِ النِّسَاءِ فَإِنَّهَا لَوْ كَانَتْ تَقْوَى عِنْدَ اللَّهِ أَوْ مَكْرُمَةً عِنْدَ النَّاسِ لَكَانَ رَسُولُ اللَّهِ ﷺ أَوْلاَكُمْ بِهَا،
مَا نَكَحَ رَسُولُ اللَّهِ ﷺ شَيْئًا مِنْ نِسَائِهِ وَلاَ أَنْكَحَ وَاحِدَةً مِنْ بَنَاتِهِ بِأَكْثَرِ مِنِ اثْنَىْ عَشَرَةَ أُوقِيَّةً وَهِىَ أَرْبَعُمِائَةِ دِرْهَمٍ وَثَمَانُونَ دِرْهَمًا،
وَإِنَّ أَحَدَهُمْ لَيُغَالِى بِمَهْرِ امْرَأَتِهِ حَتَّى يَبْقَى عَدَاوَةً فِى نَفْسِهِ فَيَقُولُ : لَقَدْ كُلِّفْتُ لَكِ عَلَقَ الْقِرْبَةِ"
يعني بلغة عصرنا يقعد يعايرها ويقول لها دفعت فيكي دم قلبي😅
حتى إن واحدة من المسلمات الصحابيات اسمها أم سُليم لما جاءها أبو طلحة يتزوجها وكان رجل كافر، قال له :
واحد زيك محدش يرفضه، ولكن إنت رجل كافر وأنا امرأة مسلمة، فقال لها : طيب إيه هو مهرك ؟
فقالت له : مهري الإسلام، يعني لو أسلمت هتزوجك،
وفعلا أسلم أبو طلحة وتزوج أم سُليم، فكان مهرها أغلى مهر في الإسلام،
وكان رسول الله ﷺ يُزوج الصحابة بأجزاء القرآن إللي حافظينها لو كانوا فقراء ومكنش عندهم أموال يقدموها مهر،
كل ده حلو وجميل خالص، لكن ينفع احنا نعمل كده😑
لو تأكدنا إن الشخص المتقدم ده فعلا فعلا فعلا على دين وخُلق وراااجل بجد👌
مفيش مشكلة إننا نعمل كده عادي واحنا الكسبانين،
لكن ميكونش مجرد اسمه يخليه ضمن دائرة الرجال لكن هو لا يتعدى إنه ذَكر ونقول هنزوجك باللي معاك من القرآن ☺
فرقوا يا جماعة الله يكرمكم🤦‍♀️

كانت إيه أحوال مكة في الوقت ده، طبعا كانوا مقهورين من إللي حصل لهم في بدر💁‍♀️
وكان صفوان بن أمية إللي اتكلمنا عنه قبل كده بيحاول يشوف خطط وبيرتب إزاي ينتقم من المسلمين،
وكان من الناس المقهورة أبو سفيان بن حرب إللي أصبح سيد مكة بعد موت سادات مكة كلهم،
فقال إنه لازم يعمل أي حاجة ينتقم بها من المسلمين،
راح مجمع مائتين راكب وقرر إنه يفاجئ المدينة بهجوم،
زي غارة كده😅
وصل أبو سفيان لأطراف المدينة وهجم عليها وحرق شوية نخيل، وقتل واحد من الأنصار هو وواحد من حلفائه كانوا في البستان بتاعهم،
وكل ده بالليل، وراحوا طالعين جري هاربين ناحية مكة،
وصل الخبر لرسول الله ﷺ راح مجمع على طول مائتين واحد من الصحابة وطلعوا وراء أبو سفيان،
حاول رسول الله ﷺ يلحق به لكن معرفش، وكان أبو سفيان والناس إللي معاه بيرموا المتاع والأكل إللي معاهم عشان يتخففوا من الوزن فيقدروا يهربوا،
وكان معاهم أكل اسمه السّوَيْق وده كان أكثر أكل معاهم فقعدوا يرموه وغَنِمه المسلمون،
فعشان كده الغزوة دي اتسمت غزوة السّوَيق👌

في السنة الثانية من الهجرة ومع أول عيد أضحى للمسلمين ضحّى رسول الله ﷺ بكبشين بعد صلاة العيد،
خروفين يعني، وكان رسول الله ﷺ كل ما بيضحي كان بيضحي بخروفين، واحد عنه وعن أهل بيته،
وواحد عن من لم يضحِّ من أمته من إللي شهدوا بالتوحيد والبلاغ لرسول الله ﷺ،
ودي كانت أهم أحداث السنة الثانية من الهجرة،
إيه إللي حصل في السنة الثالثة من الهجرة ،
ده إللي هنعرفه الجزء الجاي إن شاء الله😊


#Eman_Shalapy

ا مسعود أن الله أقدرُ عليكَ منك على هذا الغلام" يعني انت مستقوي على الغلام ده عشان ضعيف ...ربنا أقوى منك وقادر إنه يهلكك في لحظة،
فخاف أبو مسعود وقال له: هو حر لوجه الله،
فقال له رسول الله ﷺ :
"أما لو لم تفعل للفَحَتك النار"
يعني لو مكنتش عملت كده كنت هتتعذب بالنار،
فأقسم له أبو مسعود إنه مش هيضرب أي عبد له بعد كده أبدا👌
ممكن واحدة تقول ما العيال مستفزة ومقرفة ومبيسمعوش الكلام و...و...
طيب هو إنتي زوجك مش بيستفزك ويضايقك، الناس إللي معاكي في الشغل مش بيطلعوا عينك، كل يوم مش بتقابلي ناس نفسك يختفوا من على وجه الأرض😑
طيب اشمعنى مش بتضربيهم زي ما بتضربي عيالك؟
الفرق إننا بنكون عارفين إن مفيش رد فعل من الاطفال هيحصل معانا فبنضرب العيال كده، لكن لو عارفين إن الضربة دي هتترد لنا في نفس اللحظة مش هنقدر نمد إيدنا عليهم،
تخيلي كده هل انتي ممكن تخرجي عن شعورك لو زوجك زعقلك أو اتخانق معاكي وتديله بالقلم على وشه زي ما بتعملي مع ابنك ولا بنتك 😑
《طبعا الضرب على الوجه حرام مطلقا مفيهاش نقاش》🙅‍♀️❌
فالموضوع مش هيّن خالص يا جماعة والله، كل ما حد يحس إن أعصابه هتفلت منه يفتكر حديث رسول الله ﷺ 👆
وأنا بقولكم العيال بتفتكر الذكريات السيئة والمؤلمة أكتر من الذكريات الحلوة،
الألم النفسي مش بيتنسي والله مهما طال الزمن، ومهما الإنسان اعتذر ، وخصوصا لو من الأم إللي هي المفروض الملجأ الآمن ليهم ، فلما يكون الألم النفسي جاي من أمهم يروحوا فين بعد كده😑
الأطفال مش بينسوا ...الأطفال عندهم مشاعر زينا وبيتألموا ...تخيلي كده لو حد بتحبيه ضربك بالقلم فجأة كده وكل ذنبك إنك مش فاهمة أو مش عايزة تعملي الحاجة دي، أو حتى غلطتي
لو حطينا نفسنا مكانهم أكيد الوضع هيختلف😓

وده هياخدنا للموقف الثاني مع رسول اللهﷺ لأن له صلة به،
واحد من الصحابة جاء لرسول الله ﷺ وقعد قصاده قال له:
يا رسول الله ! عندي مملوكين، عبيد يعني، بيكذبوا علي وبيخونوني ومش بيسمعوا كلامي، فأنا بشتمهم وبضربهم فإيه وضعي معاهم😕
فقال له رسول الله ﷺ:
ربنا بيحسب كذبهم وعصيانهم وخيانتهم لك، وبيحسب ضربك وشتيمتك لهم ، فلو كان ضربك وشتمهم بقدر الغلط إللي عملوه معاك، خلاص يبقى مفيش حاجة لك ولا في حاجة عليك،
ولو كان عقابك أقل من غلطهم يبقى لسه لك عندهم حسنات،
أما بقى لو عقابك أكثر من غلطهم فربنا هيقتص منك حقهم يوم القيامة ويعطيه لهم👌
فالرجل أخذ جنب وقعد يبكي بشدة، فقال له رسول الله ﷺ:
هو إنت مقرأتش كلام الله :
"وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا ۖ وَإِن كَانَ مِثْقَالَ حَبَّةٍ مِّنْ خَرْدَلٍ أَتَيْنَا بِهَا ۗ وَكَفَىٰ بِنَا حَاسِبِينَ "
فالرجل قال لرسول الله ﷺ: والله يا رسول الله أنا مش شايف حاجة أحسن لي ولهم غير إني أفارقهم، أُشهدك أنهم أحرار كلهم🤚

والموقف ده رسالة للناس إللي بتقول إنها بتاخد حقها تالت ومتلّت، خدوا بالكم إنتم مش عارفين حقكم أد إيه بالضبط، فممكن تكونوا مفكرين إنكم أخذتم حقكم بس وانتم واخدين بزيادة، والزيادة دي ربنا هيأخذها منكم حسنات يوم القيامة،
إن الله لا يظلم مثقال ذرة،
عيالكم، أصحابكم ، أهلكم ، أزواجكم، كل إنسان قابلتوه،
تحللوا من المظالم وسامحوا قبل ما ييجي يوم القيامة وميبقاش فيه غير الحسنات والسيئات👌

إن شاء الله المرة الجاية هنكمل حياة رسول الله ﷺ مع الصحابة وهنتكلم عن قصة هاروت وماروت، وهنتكلم عن قصة رسول الله ﷺ مع زاهر ومع زيد بن ثابت،
وممكن كمان لو في وقت نتكلم عن حكاية برصِيصَا العابد إللي رسول الله ﷺ حكاها للصحابة،
فكلامنا الجزء إللي جاي وممكن إللي بعده إن شاء الله عن حياة رسول الله ﷺ مع الصحابة في المدينة.

#Eman_Shalapy

ام،
فكانت الآية إللي ربنا دافع بها عن نبيه سليمان عليه السلام:
"وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ"

☆فيه هنا سؤال: هل السحر فعلا موجود، يعني موضوع إن حد يعمل لحد سحر والكلام ده حقيقي🙊

السحر ثابت وموجود وذكره الله في القرآن ، وكمان اتفق أكثر الأمم من العرب والفرس وبعض الروم والهند على إثباته، وهو من العلوم إللي ممكن فعلا أي حد يتعلمها،
وبيستعين فيها بالجن، لكن الجن لا تستجيب للي عايز يتعلم السحر إلا إذا كفر بالله أولا،
وطبعا يقدم القرابين للجن ويفعل الموبقات عشان الجن تساعده،
والسحر فيه إللي بيقتل وفيه إللي بيمرض وفيه إللي بيفرق بين الرجل وزوجته،
يعني يشوف وجهها أو المراة تشوف وجه زوجها على هيئة حمار أو شكل حاجة قبيحة جدا ومش هو الشخص إللي تزوجه، فيحصل النفور والتفرقة بينهم،
طبعا يا جماعة كله بأمر الله، محدش يقدر يضر حد إلا بعلم ربنا وإذنه👌
رسول الله ﷺ بيقول :
"واعلم أن الأمة لو اجتمعت على أن يضرّوك بشيء لن يضروك إلا بشيء قد كتبه الله عليك"
وربنا بيقول :
" وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ"
وفي قصة حصلت مع واحدة صحبتي، كانت هي ومامتها بينظفوا الشقة بتاعتهم فبقدر ربنا بيحركوا الكنبة وقعت منها إزازة صغيرة فيها ورق ملفوف،
طبعا عرفوا إنها سحر على طول، واتصرفوا الحمد لله في الموضوع،
الشاهد إن السحر ده مضرهمش بحاجة وفي نفس الوقت ربنا خلاهم يلاقوه ويتخلصوا منه،
في حين إن ناس تانية السحر يضرهم، فكله بأمر ربنا😊
والإنسان يتحصّن من السحر بالأذكار والتقرب إلى الله والمداومة على الطاعة وذكر الله،
ولما تفتحوا باب البيت أو تقفلوه تقولوا بسم الله، فلما تسمّوا على كل حاجة الشيطان مش بيكون له أي تأثير على الإنسان👌

السؤال المهم بقى هل رسول الله ﷺ سُحر ولا لأ 🙊
ده إللي هنعرفه الجزء الجاي إن شاء الله 😁✌


#Eman_Shalapy

لله ﷺ 👌
لكن في قصة ثانية لرسول الله ﷺ مع غلام يهودي تبين رحمة رسول الله ﷺ بالناس بصفة عامة ،
كان في غلام من اليهود من عامة أهل المدينة بيشتغل زي خادم في البيوت، فذهب لرسول الله ﷺ عشان يخدمه، فكان بيساعده إنه يجيب له ماء الوضوء مثلا عايز حاجة بيروح يجيبها له، وهكذا،
طبعا الغلام شاف أخلاق رسول الله ﷺ، وانبهر إن إزاي سيد لا يضرب ولا يُعنّف خادمه،
يعني يكفي إننا نتذكر في الموقف ده قصة زيد بن حارثة وإزاي إنه اختار يكون مع رسول الله ﷺ على إنه يرجع مع أبوه وعمه بسبب حسن معاملته له😊
وطبعا الغلام كان بيحكي لأبوه إللي كان بيشوفه من معاملة رسول الله ﷺ وحسن أخلاقه،
في يوم من الأيام رسول الله ﷺ افتقد الغلام ده، يعني مش من عادته إنه يغيب عنه، فلما سأل عليه عرف إنه مريض،
فراح رسول الله ﷺ للغلام يزوره في البيت فلقاه في سكرات الموت،
فرسول الله ﷺ قال له: أسلِم!
فالولد بقى ينظر إلى رسول الله ﷺ وينظر لأبوه، مش عارف يعمل إيه😥
هل يسمع كلام رسول الله ﷺ إللي انبهر بأخلاقه وصدقه، ولا يكمل على دين أبوه إللي رباه وعاش معاه عمره ومش عايز يزعله،
فقال له أبوه :أطع أبا القاسم👌
فالغلام على طول قال:
أشهد أن لا إله إلا الله وأن محمدا رسول الله، وخرجت روحه، فخرج رسول الله ﷺ من عنده وهو مبسوط وبيقول :
الحمد لله الذي أنقذه بي من النار!
احنا محتاجين فعلا يكون ده همنا، إننا ننقذ الناس من النار،
وأتذكر كلمة قرأتها زمان للشيخ الشعراوي لواحد من الناس إللي همهم قتل وتفجير غير المسلمين من أهل الذمة غير المحاربين،
سأله وقال له: هو إيه هدف الشيطان في الدنيا؟
فالرجل قال له : إنه يدخل الناس النار🤔
فالشيخ الشعراوي قال له: وإنت لما تقتل الناس إللي على غير ملة الإسلام هيروحوا فين؟
قال له : هيروحوا النار، فقال له أهه انت كده بتساعد الشيطان في هدفه👌

بعكس رسول الله ﷺ إللي كان همه إنه ينقذ الناس من النار زي ما شفنا، فاحنا لازم يكون ده همنا وهدفنا في الحياة،
انقاذ الناس من النار زي ما رسول الله ﷺ كان بيعمل، مش قتلهم وخلاص، الإسلام لم يأتِ لقتل البشر، ولكن لإنقاذ البشر من النار 😊

وبالمناسبة في حديث برده مشهور لا يصح عن رسول الله ﷺ 🙅‍♀️❌
إنه لما عدت عليه جنازة يهودي بكى وقال نفس تفلتت مني إلى النار👌
لكن الحديث الصحيح عن موضوع جنازة اليهودي هو إن رسول الله ﷺ كان مرة جالس مع الصحابة ومرّت عليه جنازة يهودي ،
فقام وقف احتراما للملائكة إللي كانت في الجنازة
= مش احتراما لليهودي= ولأن الموت له فَزْعة، فالصحابة قالوا له إنها جنازة يهودي، فقال لهم : أوليست نفسا ؟ يعني هي مش نفس بشرية👌

☆ملحوظة بمناسبة الغلام إللي نطق الشهادة في آخر لحظة 😁
ربنا يسّر للغلام ده إنه يقول كلمة التوحيد لأنه عالم إن قلبه يستحق هداية الإرشاد، يعني هو لو مكنش يستحقها ونفسه طيبة مكنش قالها، ومكنش ربنا يسّر له إنه يبعث له رسول الله ﷺ لحد بيته عشان ينقذه من النار،
شوفوا ربنا بيقول إيه:
" إِن يَعْلَمِ اللَّهُ فِي قُلُوبِكُمْ خَيْرًا "
فلو الإنسان فعلا فعلا في قلبه خير وصادق هتلاقوا إن ربنا هداه حتى لو في آخر لحظة في حياته👌
فعشان كده لازم نخلي دايما نيتنا خير، نخلي فعلا نيتنا وفي قلوبنا إننا يارب عايزينك وعايزين رضاك بس نفسنا بتغلبنا،
والشيطان بيضيعنا، واحنا فعلا عايزين نقرب،
طول ماحنا نيتنا خير وعايزين الخير بصدق ،ربنا هييسره لنا حتى لو في آخر لحظة في العمر،
ولو سمعتم شرح اسم الله الهادي في سلسلة عرفت الله هتفهموا المعنى بصورة أوسع😊

إن شاء الله هنتكلم الجزء الجاي عن أحداث السنة الثالثة من الهجرة، ونشوف الأحداث إللي حصلت فيها كانت إيه😁



#Eman_Shalapy

الله ﷺ: هذا جبريل جاء يعلمكم دينكم👌

وبما إن الكلام وصل بنا لعمر بن الخطاب يبقى لازم نحكي عن ......
هنعرف المرة الجاية إن شاء الله😁✌


#Eman_Shalapy

قدن أزواجهن في الجهاد،
ومنها :
تكثير المُعلمات والمُوجهات للأمة من خلال سيرته الداخلية، يعني زوجات رسول الله ﷺ بشخصيات مختلفة،
وقبائل مختلفة وأعمار مختلفة،
كل واحدة فيهن محتاجة معاملة شكل، فلما رسول الله ﷺ يتعامل مع الشخصيات دي كلها وهن ينقلن حياته وتصرفاته للأمة من بعده،
هيبقى سهل إن المسلمين يطبقوا تعاملاته سواء في الحياة الزوجية أو في أمور العبادة، فيبقى في صورة متكاملة عن حياة رسول الله ﷺ بين إيدنا عشان نقدر نتبعه صح👌

مع إن رسول الله ﷺ كان مشغول خلال الكم شهر دول بسبب زواجه من امرأتين، وتزويجه لابنته، وكان مشغول مع أصحابه في تربيتهم الإيمانية، وهو نفسه كان مشغول في عبادته،
وكمان في شهر رمضان ولدت فاطمة ابنته أول طفل لها وهو الحسن بن علي بن أبي طالب،
كل الأحداث إللي وراء بعضها دي لم تُشغل رسول الله ﷺ عن قريش إللي كانت بتخطط وترتب عشان تنتقم من المسلمين للي حصل لها في غزوة بدر👌
نروح نشوف أهل مكة وصلوا بخططهم وترتيباتهم لحد فين 😅
اتفق أهل مكة إنهم هياخدوا أموال قافلة أبو سفيان إللي نجت من المسلمين في بدر عشان يجهزوا بها جيش يحارب المسلمين، وكانت قيمتها خمسين ألف دينار ذهبي😮
إنتم عارفين حرب يعني محتاجين سلاح، ومحتاجين خيل، ومحتاجين دروع ومؤونة، يعني أكل وشرب،
بدأوا يجهزوا الجيش من داخل مكة وكمان من خارجها، وكأن لسان حالهم يقول :
مانتم لازم تساعدونا في القضاء على المسلمين، وإلا الدور هييجي عليكم😏
وطبعا إنتم عارفين إن القبائل أهم حاجة عندهم ملكهم 💁‍♀️
فبدأوا يساعدوا أهل مكة شوية بالرز أقصد بالمال😈
وشوية بالشباب عشان يحاربوا معاهم،
وطبعا مننساش دور الإعلام🙃
وده كان بقيادة واحد اسمه أبو عزة الجُمَحِي وإللي كان شاعر، فكان بيحفز القبائل ضد المسلمين ويحمس الناس:
يا جماعة انزلوا عشان تحاربوا محمد وأصحابه إللي قتلوا سادات مكة،
إللي ضيعوا مكة وفرقوا بين أهلها، وهم السبب في الأزمات إللي احنا فيها دلوقتي دي، و....وأظن إنتم عارفين الباقي بقى 😁
تخيلوا إن أبو عزة الجمحي ده كان واحد من إللي المسلمين أسروهم يوم بدر، فقعد يقول لرسول الله ﷺ انا عندي بنات يا محمد وملهمش غيري وأنا فقير،
وقعد يستعطف رسول الله ﷺ لحد ما رسول الله ﷺ رقّ له وأطلقه من غير فداء،
يعني من غير ما يدفع أموال مقابل إطلاق سراحه، لكن رسول الله ﷺ اشترط عليه إنه لا يحارب ضد المسلمين ولا يُحَفّز المشركين ضد المسلمين👌
فوافق أبو عزة الجُمحي، ولكنه طلع بعد كده غادر ولئيم، فنقض العهد مع رسول الله ﷺ يحفز الناس ضد رسول الله ﷺ😑
ورسول الله ﷺ يا جماعة بشر لا يعلم الغيب، كان هيعرف منين إن أبو عزة ده غادر 🤷‍♀️
طبعا لو كان رسول الله ﷺ عايش معاه وشاف علامات من غدره كان هياخد موقف فورا،
مكنش هيسيبه لحد ما يشوّه سمعته ويخلي الناس تبقى ضده😬
☆على فكرة أبو عزة ده المسلمين هيأسروه بعدين، وهيقعد برده يستعطف رسول الله ﷺ، لكن رسول الله ﷺ قال لأبو عزة: والله ما أسيبك تزهو بنفسك وتستخف بي في مكة وتقول : خدعت محمد مرتين😎
لا يُلدغ المؤمن من جحر واحد مرتين، اضرب عنقه يا زيد👌
ياريت نتعلم من رسول الله ﷺ بقى😊
أيوة رسول الله لا يعرف الغيب بس بياخد قرارات حاسمة حازمة وقت اللزوم،
حتى لو كانت قتل وخصوصا لو واحد زي أبو عزة ده، وده في صلاحياته عادي، ما هو الحاكم يا جماعة 😁

المهم اتجمع لجيش المشركين ثلاثة آلاف مقاتل، جيش لم يتجمع في جزيرة العرب قبل كده نهائي👌
ومش بس كده، ده خرج مع الجيش خمسة عشرة امرأة منهن زوجة صفوان بن أمية،
وزوجة عكرمة بن أبي جهل تقودهن سيدة مكة الأولى هند بنت عتبة زوجة أبو سفيان حاكم مكة😮
وهند تبقى بنت عتبة بن ربيعة الرجل الحكيم إللي منفعتهوش حكمته لأنه مكنش سيد قراره وقُتل يوم بدر هو وابنه الوليد وأخوه شيبة بن ربيعة،
فكده هند مات لها أبوها وأخوها وعمها، فكانت من أكثر النساء قهرة وغيظ من المسلمين وخصوصا من حمزة بن عبد المطلب لأن هو إللي قتل أبوها واشترك في قتل أخوها الوليد،

☆والقصة المشهورة إن هي كان عندها عبد اسمه وحْشي بن حرب، وقالت له لو إنت قتلت حمزة سأعتقك غير صحيحة😁
الحديث في البخاري إن إللي قال لوحشي بن حرب لو قتلت حمزة سأعتقك هو جُبير بن المطعم بن عدي، لأن حمزة قتل عمه في غزوة بدر، فكان جُبير عايز ينتقم منه،
فقال لوحشي بن حرب لو قتلت حمزة فأنت حر، لكن هند ملهاش علاقة بالموضوع نهائي، والقصة المشهورة عنها إنها أكلت كبد حمزة غير صحيحة إطلاقا🙅‍♀️❌
هنتكلم عنها بالتفصيل لما ييجي وقتها إن شاء الله 😊

تجهّز جيش المشركين وخرجوا من مكة في اتجاه المدينة إللي على بعد خمسمائة كيلو متر من مكة،
يا ترى المسلمين عملوا إيه واتجهزوا إزاي في مواجهة أكبر جيش يتجمع في جزيرة العرب؟

ده إللي هنعرفه الجزء الجاي إن شاء الله 😊


#Eman_Shalapy

بنا نفسنا عليه وانتهى الموضوع🤚
اتجمع الجيش وبدأ رسول الله ﷺ يقسمه لكتائب ويستعرض الجيش ويشوف مين إللي يصلح للجهاد ومين لأ،
قسم الجيش لثلاثة كتائب :
◇كتيبة المهاجرين وجعل قائدهم إللي معاه الراية مصعب بن عمير،
◇الكتيبة الثانية:
كتيبة الأوس وجعل قائدها أُسَيد بن حُضير إللي قال لرسول الله ﷺ لو كنت أعرف إن في قتال كنت خرجت معاك فرسول الله ﷺ قال له : صدقت،
وأسيد بن حضير هو الصحابي إللي أسعد بن زرارة قال لمصعب اصدق الله في دعوته، وأسلم أسيد على يد مصعب،
هم الإثنين دلوقتي طالعين مع بعض في معركة واحدة👌
◇الكتيبة الثالثة :
كتيبة الخزرج قائدها الحُباب بن المنذر.
جهز رسول الله ﷺ المسلمين بمائة درع، ومكنش عندهم خيول إلا أعداد قليلة جدا،
فهو جهز الجيش باللي يقدر عليه وفي استطاعته، وهو بيشوف الصفوف لقى من ضمن الجنود في .....في إيه😳
هنعرف الجزء الجاي إن شاء الله 😁


#Eman_Shalapy

نوية،
وأشعل روح التنافس بينهم فمسك سيفه وقال :
من يأخذ هذا السيف بحقه؟
فكل واحد بدأ يقول أنا أنا ..علي بن أبي طالب..عمر بن الخطاب..الزبير بن العوام..وغيرهم،
ورسول الله ﷺ مش راضي يعطيه لأحد، ويُعيد من يأخذ هذا السيف بحقه، وهم يقولوا أنا...أنا...
فقال أبو دجانة الأنصاري واسمه سِمَاك بن خَرَشة :
وما حقه يا رسول الله🤔
قال رسول الله ﷺ: أن تضرب به وجوه العدو حتى ينحني👌
فقال أبو دجانة بكل قوة : أنا آخذه يا رسول الله💪🏻
وأخذ السيف وقام وأخرج من جيبه عصابة رأس لونها أحمر ،زي شريطة كده 🤔
وربطها على رأسه، فقال الأنصار :
أبو دجانة ربط عصابة الموت😮
وكان معروف عن أبي دجانة إنه لما يربط العصابة دي يبقى عايز الموت😅
وبدأ يمشي متبختر يعني بيتمختر في مشيته، زي ما بنقول فرحان بنفسه بين صفوف المسلمين والمشركين،
فقال رسول الله ﷺ: المشية دي يبغضها الله ورسوله إلا في هذا الموطن👌
يعني في موطن الجهاد عادي إن الإنسان يظهر القوة والعزم والثقة بالنفس أمام المشركين غيظا لهم 😁
الزبير بن العوام قال إنه مشي وراء أبو دجانة عشان يشوفه هيعمل إيه بسيف رسول الله ﷺ،
دي كانت الترتيبات في جيش المسلمين، نروح نشوف ترتيبات جيش المشركين وهنشوف أبو دجانة عمل إيه بسيف رسول الله ﷺ المرة الجاية إن شاء الله😊

#Eman_Shalapy

وده رابط التليجرام هتلاقوا فيه قصص الأنبياء والسيرة مع بعض👇

https://t.me/joinchat/AAAAAEhulzm7RmVxsli1pQ

الله ﷺ،
وكانت المرأة دي هي هند بنت عتبة زوجة أبو سفيان، فتركها وذهب👌

☆ هو ليه المشركين أخذوا معاهم نساء للمعركة 🤨
الرجل العربي طبيعته الأصيلة إنه بيغير على نسائه جدا وفي قصص كتير عن غيرة العرب قبل الإسلام وحتى غيرة الصحابة،
فكان وجود النساء في الجيش دافع كبير جدا إنهم لا ينهزموا أمام أي عدو، لأنهم لو انهزموا نسائهم هيكونوا إماء، عبيد يعني فبيحاربوا بكل قوتهم عشان نسائهم لا يقعوا في الأسر😊

☆معنى كده إن المسلمين كانوا بياخدوا نسائهم معاهم الحروب 🤔

الجهاد غير واجب على النساء، والسيدة عائشة سألت رسول الله ﷺ هل على النساء جهاد، فقال لها :
جهاد لا قتال فيه، الحج والعمرة. وعشان هي مش من أهل القتال لضعفها،
وقال العلماء إن قتالها ممكن يكون سبب في كشف عورتها، وممكن يكون سبب لجرأة المشركين على المسلمين،
ده غير إن ممكن حد من المشركين يأخذ النساء أسرى ويستبيح أعراضهن،
عشان كده مكنش في جيوش من النساء زي الرجال،
لكن كان في بعض النساء بيخرجن مع الجيش، زي ما رسول الله ﷺ كان بيأخذ بعض زوجاته معاه، وزي بعض النساء 《العجائز》 إللي كانوا بيخرجن مع المسلمين عشان يسقين الجيش الماء،
ويُداوين الجرحى لأن الرجال بينشغلوا بالحرب ومفيش حد يقوم بالمهمة دي، فاللي بيخرج لسُقيا الماء ومداواة الجرحى هم النساء العجائز،
أما النساء الصغيرات في السن لا يخرجن لخوف الفتنة👌
《شرح الموضوع بالتفصيل في موقع الإسلام سؤال وجواب》
الكلام ده كله 👆في جهاد الطلب، يعني إن المسلمين يخرجوا يقاتلوا برة البلد، أما لو هجم العدو على بلد من بلاد المسلمين فالجهاد في الحالة دي فرض عين على كل واحد من المسلمين حتى النساء بحسب استطاعتها وقدرتها، وده اسمه جهاد الدفع،
يعني ندفع العدو عن بلدنا، وحتى المرأة ساعتها تخرج بدون إذن زوجها عادي.

وسط القتال ومع اشتداد المعركة سقط أول شهيد من شهداء المسلمين، عبد الله بن حرام، إللي اتكلمنا عنه المرة إللي فاتت، وقُتل عمرو بن الجموح صاحبه إللي كان عنده عرج في رجله،
وكان سأل رسول الله ﷺ هل لو أنا مت شهيد هدخل الجنة ورجلي تبقى صحيحة مفيهاش عرج😥
فقال له رسول الله ﷺ: نعم👌
فحلف وقال والله ما أرجع إلى بيتي حتى أدخل الجنة😤
فعمر بن الخطاب رضي الله عنه قال له:
متحلفش على ربنا😳
فقال له رسول الله ﷺ:
استنى يا عمر! في ناس لو أقسموا على الله لأبرّهم منهم عمرو بن الجموح👌
فقاتل عمرو حتى قتل رضي الله عنه،
حمزة بقى رضي الله عنه من بداية المعركة واحنا شايفين شدته على المشركين، ومكنش حد يقرب منه إلا ويقتله فخرج رجل من المشركين يتحدى المسلمين في مبارزة ،
فتقدم له حمزة وقتله بضربة واحدة😮
مين إللي كان بيراقب حمزة وهو بيقتل ده ويقتل ده 🙊
وحشي بن حرب إللي سيده جبير بن مطعم وكان وعده لو قتل حمزة هيعطيه حريته،
فسأل وحشي الناس إللي حواليه هو مين ده إللي عمال يهزم أي حد يقرب منه😳
فقالوا له ده حمزة بن عبد المطلب😑
فقال وحشي، أيوة هو ده إللي بدور عليه👌
ووحشي مكنش عارف حمزة لأنه كان مغطي نفسه بالدرع بتاعه،
فضل وحشي يراقب حمزة من بعيد ومعاه حربة في إيده وكان ماهر جدا في الرماية ونادرا لو أخطأ هدفه،
فاضل مستخبي وماسك الحربة في إيده بيهزها مستني الفرصة المناسبة عشان يرمي بها حمزة،
وحمزة بيتحرك هنا وهنا بطنه انكشفت راح وحشي رامي الحربة دخلت في بطنه تحت سرته،
وسقط حمزة وحاول إنه يقوم مقدرش ومات شهيدا رضي الله عنه😔

على الرغم من سقوط حمزة إلا إن المسلمين استمروا في قتالهم ضد المشركين بكل قوة، وحصل الاضطراب في جيش المشركين وخصوصا إن بعد مقتل حامل الراية الحادي عشر محدش حملها مرة ثانية،
فانهزم المشركون وبدأوا يهربوا، انتصار زي انتصار بدر،
المسلمين سبعمائة والمشركين ثلاثة آلاف لكن :
" إِنْ يَنْصُرْكُمُ اللَّهُ فَلا غَالِبَ لَكُم" 👌
هرب المشركون وتركوا وراءهم النساء والأموال والدروع،
كل واحد هرب بحياته، فكان نصر عظيم للمسلمين 😊
"وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُم بِإِذْنِهِ"

بدأ المسلمون في أرض المعركة يلموا الغنائم، خلاص تقريبا المعركة انتهت ومبقاش في حد في أرض المعركة ما عدا كتيبة واحدة بس،هي كتيبة خالد بن الوليد إللي كانت بتراقب المعركة من بعيد،
في ناس تانية شافت المسلمين وهم بيلموا الغنائم، فهياخدوا قرار خطير جدا هيغير كل حاجة في أرض المعركة 😞

مين الناس دي، وإيه الكارثة إللي هتحصل للمسلمين ده إللي هنعرفه الجزء الجاي إن شاء الله👌


#Eman_Shalapy

رائحة الجنة يا سعد، أنا شامم ريحتها من عند أُحد 👌
ودخل أنس وسط المشركين وقعد يقاتلهم قتالا شديدا ومهما انضرب بالسيف وجُرح لم يتراجع وفضل يقاتل حتى قتل شهيدا رضي الله عنه، وأثبت فعلا صدق كلامه،
ماهو إللي قال فيه رسول الله ﷺ قبل كده إن من الناس من لو أقسم على الله لأبرّه لما أخته الرُّبَيّع كسرت سن من أسنان جارية طلبوا العفو من أهل الجارية فرفضوا،
فطلبوا إنهم يدفعوا لهم مدية السن إللي اتكسر، يعني مال مقابل السن دي، فرفض أهل الجارية والرُّبَيّع دي هي
أم حارثة إللي قُتل ابنها قبل بداية غزوة بدر واتكلمنا عنه وقتها، ولما سألت عليه رسول الله ﷺ قال لها:
ويْحَكِ يا أم حارثة أهبلتي إنها ليست جنة واحدة إنها جنان وإن حارثة قد أصاب الفردوس الأعلى،
فذهب أهل الجارية إلى رسول الله ﷺ وأخبروه باللي حصل فأمرهم بالقصاص، فقال أنس بن النضر:
أتُكْسَرُ ثَنيّة الرّبيّع يارسول الله😳
لا والذي بعثك بالخق لا تُكسر ثَنِيّتُها 😤
فقال له رسول الله ﷺ: يا أنس كتاب الله القصاص!
فرَضيَ أَهل الجارية وعفوا، فقال رسول الله ﷺ:
إن من عباد الله من لو أقسم على الله لأبره،
يعني لو حلف على شيء إنه يحصل ثقة بالله وبحسن ظنه به ربنا هيحقق له قسمه ده👌
وبعد ما قُتل مثّل المشركون بجثته، ومحدش قدر يتعرف عليه غير أخته الرّبَيّع بنت النضّر عن طريق بنانه، إصبعه يعني ولقوا في جسمه بضع وثمانين جرح، ما بين ضرب بالسيف وطعن بالرمح ورمي بالسهام،
صدق أنس الله فصدقه الله:
"مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا"

في الوقت ده كان رسول الله ﷺ واقع لسه في الحفرة مش عارف يقوم بسبب الدم إللي نزل منه والجراح إللي كانت فيه، فلما وصل عنده أبو بكر وباقي الصحابة قال لهم:
ساعدوا طلحة فهو عمل كل إللي عليه،
ولما وصل الصحابة وبدأوا يدافعوا عن رسول الله ﷺ سقط طلحة على الأرض من كثرة الجراح والتعب،
شاف أبو عبيدة بن الجراح حلقتي المِغْفر داخلين في وجه رسول الله ﷺ فحاول يشيلها معرفش،
فاستعمل أسنانه عشان ينزعها من وجه النبي ﷺ،
فسقطت ثنيّتان من أسنانه رضي الله عنه،
الصحابة شافوا إن وجود رسول الله ﷺ في المكان ده خطر عليه فلازم يتحركوا منه،
لكن لازم الأول يردوا المشركين عنه فبدأوا يدافعوا عنه بكل قوتهم،
وجاء بعض المسلمين لمكان رسول الله ﷺ ومنهم كعب بن مالك وعرف إن رسول الله ﷺ لم يُقتل فنادى في المسلمين : أبشروا أبشروا، رسول الله حي!
فأشار له رسول الله ﷺ إنه يسكت عشان ميسمعوش باقي المشركين فيجتمعوا عليه،
فسمع كلام كعب ثلاثين رجلا من المسلمين فجاؤوا بسرعة لرسول الله ﷺ وبدأت خطة الانسحاب من أرض المعركة.
يا ترى إيه إللي حصل بعد كده،
ده إللي هنعرفه الجزء الجاي إن شاء الله يوم الخميس، وهيبقى معادنا طول شهر رمضان كل اثنين وخميس بإذن الله،
وكل عام أنتم بخير وصحة وعافية في الدين والدنيا، جعلكم الله من الفائزين بعتقه ورضاه 😊


#Eman_Shalapy

ية إللي احنا عملناه فيهم،
فحب أبو سفيان إنه يتأكد إذا كان رسول الله ﷺ فعلا قُتل ولا لأ زي ما ابن قمئة قال، فقال للمسلمين :
أفيكم محمد🤔
يعني محمد ﷺ لسه عايش، فرسول الله ﷺ أشار للصحابة بإنهم ميردوش على أبو سفيان فسكتوا،
فقال أبو سفيان : أفيكم ابن قحافة🤔
فأشار لهم رسول الله ﷺ إنهم ميردوش والصحابة ساكتين،
فسأل أبو سفيان : أفيكم عمر🤔
فمحدش من الصحابة رد، ففرح أبو سفيان وقال :
خلاص كده الثلاثة دول ماتوا وارتحنا منهم👌
فعمر بن الخطاب رضي الله عنه مقدرش يمسك نفسه😅
حس بغيظ وشماتة فمقدرش يسكت فرد عليه وقال له:
يا عدو الله! إللي انت ذكرتهم دول أحياء وربنا أبقى على ما يسوؤك😠
يعني ربنا أبقى على حياة إللي يضايقك ويحرق دمك😅

☆إيه ده 😳
هو كده مش يبقى عمر عصى أمر رسول الله ﷺ بإنهم ميردوش على المشركين زي ما الرماة عصوا أمر رسول الله ﷺ 😶
الوضع مختلف طبعا، أمر رسول الله ﷺ للرماة كان تشريعي واضح وصريح وأكد عليه أكثر من مرة، مفهوش أي مجال للاجتهاد لأن ضرره كارثي، أما موقف عمر بن الخطاب هنا مختلف،
رسول الله ﷺ لم يُلزمهم ويؤكد عليهم زي ما عمل مع الرماة، هو كان أمر اجتهادي من رسول الله ﷺ إن الأَوْلى إنهم ميردوش على المشركين،
لكن لما المشركين بدأوا يشمتوا ويغيظوا المسلمين عمر ماستحملش، ورسول الله ﷺ لم يعاتبه ويقول له اسكت،
بالعكس شوفوا إيه إللي حصل بعد كده👌

أبو سفيان لما سمع كلام عمر اتصدم، لأنه كان وصل له إن رسول الله ﷺ كان خلاص قُتل، فقال له :
ناشدتك الله يا عمر، هو محمد فعلا حي ولا قتلناه😳
فقال له عمر : بل حي😤
فقال أبو سفيان: أنت عندي أصدق وأبر من ابن قمئة👌

☆المشركين كانوا بيحترموا المسلمين، يعني هم كانوا بيقاتلوهم ويعذبوهم، لكن في داخلهم كل الاحترام للمسلم إللي بيدافع عن عقيدته ومبادئه وتضحيته في سبيل دينه،
عشان كده أبو سفيان صدق عمر، وكان عنده أصدق من صاحبه ابن قَمئة👌

أبو سفيان طبعا اتغاظ إن رسول الله ﷺ والوزيرين بتوعه لسه عايشين😕
فحب يرد الغيظ ده للمسلمين قال لهم :
قد كان فيكم مُثلة لم آمر بها ولم تسُؤني 😒
يعني الجثث بتاعة أصحابكم حصل فيها تمثيل، وأنا مأمرتش بكده، بس أنا عادي مزعلتش يعني،
مع إن العرب أصلا من طبيعتهم إنهم لا يمثلوا بالجثث، بس عادي يعني مادام مع المسلمين يبقى مفيش مانع نكسر القاعدة ونخالف كل قوانينا🤓

أبو سفيان حب يحس بنشوة الانتصار فقال بصوت عالي : أُعْلُ هُبل! يعني بيعظمه وإنه هو إللي نصرهم،
فسكت الصحابة وهم متضايقين وحاسين بالقهر، هو أه الهزيمة مش بسببهم، بس الهزيمة شاملة الكل،
أقول لكم مثال عشان اقرب لكم المعنى🤔
عارفين لما تكون واحدة لابسة نقاب أو واحد بلحية وتلاقيه عمل خطأ والناس بقى تقعد تتكلم بكلام يغيظ ويحرق الدم،
إنتي كمنتقبة أو الرجل الملتحي هيحس بضيق،
مش هو إللي عمل الخطأ لكن الكلام بيؤذيه لأنه زي ما بنقول في مركب واحدة، أو بمعنى أصح زي ما قلنا في البداية في سفينة واحدة👌
فقال لهم رسول الله ﷺ:
ألا تجيبوه؟
قالوا: نقول إيه يا رسول الله😓
فقال لهم : قولوا الله أعلى وأجلّ!

☆رسول الله ﷺ بيعلم الصحابة وبيعلمنا إن مش عشان حصل للمسلمين هزيمة مادية يبقى ده مانع من الفخر بعقيدتكم كمسلمين👌
فقالوا : الله أعلى وأجل 😤
فرد عليهم أبو سفيان : لنا العُزّى ولا عُزّى لكم😏
فقال لهم رسول الله ﷺ : ألا تجيبوه؟
فقالوا : نقول إيه يا رسول الله🤔
قال : قولوا الله مولانا ولا مولى لكم، فقال الصحابة :
الله مولانا ولا مولى لكم😤
فأبو سفيان مسكتش 😅
قال: يوم بيوم بدر😈
يعني زي ماهزمتونا في بدر هزمناكم في أحد💁‍♂️
فقال رسول الله ﷺ للصحابة إنهم يقولوا:
لا سواء 😏 يعني مفيش مقارنة، قتلانا في الجنة وقتلاكم في النار🤷‍♂️
فانسحب أبو سفيان من أرض المعركة ولم يقعد فيها لحظة واحدة، وكأنه كان عايز يهرب 😅

طيب هل كده يعتبر المشركين انتصروا فعلا في غزوة أحد؟
والمسلمين هيعملوا إيه عشان يخرجوا من الأزمة دي ورسول الله ﷺ لسه لحد دلوقتي بينزف والدم مش راضي يقف🙊
ده إللي هنعرفه الجزء الجاي إن شاء الله 😊


#Eman_Shalapy