#قصص_الأنبياء(٢)
#السيرة_النبوية
#الحلقة_الحادية_والثلاثون
#رحلة_الإسراء_والمعراج
#الإسراء

كنا واقفين المرة إللي فاتت عند جبريل عليه السلام لما جاء لرسول الله ﷺ وغسل صدره وقلبه عشان يجهزه لرحلة الإسراء والمعراج،
قبل ما ندخل في التفاصيل أحب أوضح كم نقطة😁

◇كل المعلومات إللي هقولها عن الإسراء والمعراج مصدرها الأحاديث الصحيحة فقط، متجمعة جنب بعض عشان تكون القصة،
طبعا ده مش اجتهادي😅
أنا بسمع من المشايخ والعلماء الموثوق في علمهم وبدور على الأسئلة والشُّبه وإجابتها وبشرح بأسلوبي مش أكثر😊

◇الإسراء والمعراج حصل بعد رجوع رسول الله ﷺ من الطائف، لكن في أي شهر أو في أي يوم محدش يعرف نهائي🙅‍♀️❌
لا في حديث صحيح ولا حديث ضعيف ولا حتى حديث موضوع إن ليلة الإسراء والمعراج كانت في ليلة السابع والعشرين من رجب،
وبالتالي الليلة دي ملهاش أي فضل لا بصلاة ولا بذكر ولا بقيام ولا بصيام ولا احتفال ولا أي حاجة خالص،
يوم زيه زي أي يوم تاني 👌

◇الهدف من الرحلة دي إن ربنا يهون على رسول الله ﷺ الابتلاءات إللي حصلت معاه وإللي هتحصل بعدين، ليثبت قلبه عشان يقدر يكمل في طريق نشر الدعوة😉

◇رحلة الإسراء والمعراج كانت بالروح والجسد، مش بالروح فقط ولا هي تهيؤات ولا حلم ولا أي حاجة خالص😀
جبريل جاء لرسول الله ﷺ وهو صاحي زينا كده عادي وأخذه في رحلة الإسراء والمعراج👌
والدليل إن ربنا قال:
"سُبْحَانَ الَّذِي أَسْرَىٰ بِعَبْدِهِ "
والعبد يتكون من روح وجسد 👌

◇رحلة الإسراء والمعراج معجزة حصلت لرسول الله ﷺ واحنا كمسلمين بنؤمن بها، وهي من الغيب، ومن صفات المؤمنين إنهم بيؤمنوا بالغيب،
وإللي مش مقتنع ومش عايز يؤمن بها هو حر ..مع نفسه ويبقى يقول كده لربنا يوم القيامة😀
"وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ "

نبتدي الرحلة مع رسول الله ﷺ من البيت الحرام لحد ما نوصل للمسجد الاقصى،
نشوف رسول الله ﷺ هيروح هناك إزاي😉
خرج رسول الله ﷺ مع جبريل خارج بيته فوجد دابة، حيوان أبيض طويل، أكبر من الحمار وأصغر من البغل،
عليه السّرج واللّجام، إللي هو القعدة إللي بتتحط على الحصان دي عارفينها 😅
ومفيش دليل على إن الحيوان ده كان له أجنحة 👌
وكان اسم الحيوان ده 《البُرَاق》، ركب عليه رسول الله ﷺ مع جبريل عليه السلام،
وكانت خطوة البراق مد بصره، يعني مطرح ما عينه تجيب يحط رجله ،فتخيلوا سرعته أد إيه😮
عشان كده اسمه البراق، لأن سرعته زي سرعة البرق كده😁

☆وليه رسول الله ﷺ ركب أصلا على البراق، مش ربنا قادر إنه يوصله للمسجد الأقصى بدون ما يركب حاجة😕

ركوب البراق كان زيادة في تشريف رسول الله ﷺ ، لأنه لو راح بنفسه كده كان هيبقى في صورة الماشي،
والراكب أعز من الماشي 👌
انطلق البراق بسرعته لحد ما وصلوا عند قبر موسى عليه السلام نفسه بقى😁
وقبر موسى عليه السلام قريب جدا من الأرض المقدسة أرض فلسطين على مسافة رمية حجر ،
واحنا اتكلمنا في الجزء الرابع والثلاثون من قصص الأنبياء عن موت موسى عليه السلام لو حابين ترجعوا له،
فمش هعيد الكلام هنا تاني،
عدّى رسول الله ﷺ على موسى عليه السلام وهو قائم يصلي في قبره،

☆الأنبياء لهم وضع مختلف، فربنا حرم الأرض إنها تأكل أجسادهم، يعني أجسادهم لا تتحلل زي باقي البشر،
فكل الأنبياء في قبورهم دلوقتي كأنهم نايمين بالضبط 👌
وهم يتميزوا عن باقي البشر إن ربنا بيحييهم حياة خاصة بعد الموت،
بعكس باقي البشر إللي بعد ما يجاوبوا على أسئلة منكر ونكير، يُفتح لهم باب من الجنة أو باب من النار، ويُنعم من يُنعم ويُعذب من يُعذب،
وصلاة الأنبياء في القبر مش صلاة تكليف زي صلاتنا في الدنيا، إنها واجبة عليهم يعني😅
تقدروا تقولوا إنها صلاة حب، يعني عبادتهم في القبر عبادة تشريف ربنا ألهمهم بها،

زي مثلا أهل الجنة ربنا يُلهمهم التسبيح زي ما ربنا بيُلهمنا إننا نتنفس،
مش التنفس عندنا حاجة طبيعية، كذلك تسبيح أهل الجنة حاجة طبيعية وصلاة الأنبياء في قبورهم حاجة طبيعية😊

فموسى عليه السلام كان بيصلي في قبره ورسول الله ﷺ رآه لأن ربنا أعطى له القدرة على رؤية الأمور الخارقة دي،
لما حصل التجهيز قبل الرحلة،
لما جبريل عليه السلام رجع قلب رسول الله ﷺ مكانه ومسح على صدره وقال له:
فيه أذنان سميعتان وعينان بصيرتان ، لسانك صادق ونفسك مطمئنة!
عشان كده رسول الله ﷺ كان بيشوف ويسمع إللي غيره مكنش يشوفه ولا يسمعه 😁
ومنها إنه رأى موسى عليه السلام وهو يصلي في قبره👌

انطلق رسول الله ﷺ مع جبريل على البراق لحد ما وصلوا بيت المقدس، عند المسجد الأقصى، فنزلوا من على البراق وخرق جبريل عليه السلام الصخرة بإصبعه وربط فيه البراق،

☆هو البراق هيتسرق يعني ..خرم الصخرة وربط فيه البراق ليه🤨
بكل بساطة عشان يعلمنا الأخذ بالأسباب 😁
مش احنا متفقين إن كل حاجة في حياة الأنبياء بصفة عامة وحياة رسول الله ﷺ بصفة خاصة ربنا بيوصلها لنا عشان فيها عبرة وفائدة😉
أهه العبرة من الموقف ده إ