#admin專欄 #安心出行健康碼及香港以至全世界都輸緊嘅幾條戰線 @windseasonbro

各位，如果有留意到我呢個Channel，會發現我呢排少咗更新，我少咗更新嘅原因唔係我害怕政權，而係我曾經懷疑自己寫嘅嘢太不符合邏輯，太跳脫嘅推論，未必個個都中意。

曾經想寫兩篇以事實(Fact)論證為主體嘅文章，但係我後來發覺，我都係中意寫大局發展嘅可能性，而且事實往往係滯後，數據亦不可靠。而包括但不限於呢篇在內嘅admin專欄都顯示出我睇嘅嘢係有一定嘅前瞻性，我始終都係想寫呢種文章，可能會有手足覺得係鳩估，但我都唔理喇，總有其他手足欣賞，甚至乎我個Channel最值得人重視就係我嘅鳩估同推論。

跳老舞群組顯示出香港嘅危機源自班廢老，而政府將會免檢疫中国人嚟香港，但從香港人去中国則要做檢疫同十四日隔離睇得出香港已經唔可能避免到大規模爆發。

香港而家流行嘅尼泊爾種武漢肺炎亦如我之前預期同東南亞人如賓賓有關。

香港政府真係一如預期藉着第四波疫情加速掌控香港，而安心出行(即係我哋之前所講嘅健康碼)極有可能會實行。

如何實行？
1. 強制下載健康碼apps並訂立法例及罰則，類似599咁，加條附例，警察有權抽查你手機有無安裝「安心出行」apps，無嘅就罰款，順便睇埋你部電話。

2. 商戶必須要安裝QR Code打咭位，供市民自行打咭，之後所有人嘅footprints一覧無遺。

3. 「安心出行」Apps一定會係中国公司創建，拎你手機權限，從此你就係一個赤裸嘅人。

4. 政府做緊調查，數據指出六成幾受訪者認為有必要做全民檢測(所以話數據唔可靠，佢係搵親中藍絲接受訪問，極大Bias)。

5. 憑武漢肺炎陽性結果可以收五千文，呢種鼓勵中招措施只係合理化全民檢測嘅做法。

除咗健康碼外，香港人都被政府以其他形式清算緊：

1. 搞完立法會搞區議會，黃議員被羅織各式各樣罪名入罪。

2. 黃之鋒、周庭聽日好大可能直接入獄。

3. 除咗區議會、政治人物外，我諗黃店同各大Facebook 及TG Channel都係目標嚟，請同路人做好心理準備，我亦做好覺悟。

中国唔單止要贏，重想贏晒，而近月佢的確贏咗好多：

1. 中国已經明確表示想加入本來美國用來杯葛佢嘅跨太平洋夥伴全面進步協定(TPP)，而同時佢提出嘅區域全面經濟伙伴關係協定（RCEP）得到大部分亞洲國家參與。

2. 我有個朋友想Joe Biden贏，係因為佢覺得Donald Trump 主動放棄聯盟盟國圍堵中国嘅政策，反而到處樹敵之後一個強者杯葛全世界(關稅同Make America Great Again)個政策好不智。

唔係想失敗主義，我係想各位認清事實：

1. 十二位被送中港人及家屬將會「為自己所做一切懺悔」。

2. 中文大學畢業遊行者可能被DQ學歷。

3. 「正确」事件只會愈來愈多。

我寫呢篇文章唔係叫大家放棄，而係好好認清形勢，再作打算。

知道寫得好雜亂無章，我本身重想寫疫苗用新mRNA技術，但篇幅所限以及唔想太亂，下次再寫，晚安。